Lajme Aktuale....

Britania mbështet bisedimet edhe për “Ahtisaari +”


29-10-2011 10:06 CET


Ambasadori britanik në Serbi, Michael Davenport, thotë se vendi i tij është i hapur për dialog për të ashtuquajturin plan “Ahtisaari Plus” për Kosovën, duke vënë në pah se ka shumë vend për mbrojtjen e pakicave dhe të interesave të Serbisë në Kosovë.
“Jemi të hapur për çdo sugjerim në lidhje me mënyrën se si mund të zbatohet ky plan. Unë mendoj se zbatimi mund të bëhet në mënyra të ndryshme. Sigurisht që ne jemi të hapur për atë lloj bisede”, ka thënë Davenport në një intervistë për Danas, raporton Telegrafi.
Davenport shtoi se mund të bisedohet për gjithçka që merr parasysh pavarësinë e Kosovës, duke theksuar se është e rëndësishme të sigurohet respektimi absolut i të drejtave të pakicave në Kosovë.
I pyetur nëse heqja e institucioneve në veri të Kosovës - të cilat Prishtina në Perëndim i ka quajtur paralele – është kusht që Serbia të marrë datën fillimit të negociatave për anëtarësim në BE, Davenport ka thënë se Serbia duhet të “dëshmojë gatishmëri të qartë për të dhënë llogari për strukturat, ekzistenca e të cilave është në kundërshtim me kornizat ligjore ndërkombëtare në Kosovë”.
Ai tha se Komisioni Evropian bëri të qartë se çfarë Beogradi duhet të bëjë në lidhje me Kosovën nëse dëshiron statusin e kandidatit, duke rikujtuar se kjo do të thotë “angazhim konstruktiv në dialogun e Brukselit me Prishtinën dhe zbatimin e marrëveshjeve të arritura deri tani”.
0

Sarajevë: Demantohet lajmi për vrasjen e sulmuesit të ambasadës (VIDEO)


E premte 28 Tetor 2011 19:12
Personi që ka qëlluar me armë zjarri ndërtesën e Ambasadës Amerikane në Sarajevë, është plagosur dhe jo vrarë në aksionin e policisë.
Lajmin e ka konfirmuar për Radion Evropa e Lirë zëdhënësi i Ministrisë së Brendshme për kantonin e Sarajevës, Irfan Nefiq.
Ai po ashtu bëri të ditur se është plagosur edhe një punonjës i ambasadës, çfarë është konfirmuar edhe nga spitali “Dr Abdullah Nakash”, ku i lënduari i është nënshtruar operacionit.
Sipas informacioneve ende jozyrtare, të cilat i transmeton televizioni federal, sulmuesi është Mevlid Jashareviq nga Novi Pazari, i lindur në vitin 1988.


http://www.youtube.com/watch?feature...&v=YfgX7N9WDQk

ALMEX 2011, në Tiranë makineritë më moderne ushtarake në botë

Sheshi qendror i Tiranës që mban emrin e një prej luftëtarëve më të mëdhenj evropianë, tashmë ka pranë tij të rreshtuar makinerinë ushtarake më moderne në botë. Makineritë prezantohen në edicionin e dytë të Panairit Ndërkombëtar për Mbrojtjen dhe Sigurinë i organizuar nga Klik Ekspo Group.

E shtune 29 Tetor 2011 13:01 “Teknologjia jonë ushtarake nuk do të thotë që ne kërcënojmë apo duam të sulmojmë ndonjë shtet tjetër. Ne, thjesht demostrojmë forcën tone” , deklaroi dje Mate Raboteg, Sekretari i Shtetit për Mbrojtjen i Kroacisë në Panairin Ndërkombëtar për Mbrojtjen dhe Sigurinë ALMEX 2011. Pavarësisht se ky zyrtar i lartë kroat ishte duke shprehur qëndrimin e shtetit që përfaqëson pas prezantimit spektakolar të prodhimeve të industrisë kroate, kjo deklaratë mishëron edhe interesat e kompanive gjigande të vendeve anëtare të NATO-s që ofrohen në panair.

Që në hyrje të Muzeut Historik Kombëtar, ku dhe po zhvillohet panairi, shihen mjete të blinduara të teknologjisë së fundit ushtarake. Kompania Duro Dakovic që tashmë është në bashkëpronësi me një firmë nga Finlanda, një ndër prodhuesit dhe furnizuesit kryesorë të ushtrisë së ish-Jugosllavisë i paraqet publikut një makinë gjigande të blinduar, pjesë e infrastrukturës të forcave tokësore, por edhe një nga mjetet më të avancuara të kohës. Kompania Duro Dakovic është një kompani që ka furnizuar me mjete shumë forca të armatosura në botë.

Por, stenda shumë të veçanta ka edhe në brendësi të ambienteve të Muzeut, ku ndeshesh menjëherë me prodhimet e fundit të kompanisë franceze Renault. Me gati 100 vjet eksperiencë, kompania RENAULT Trucks Defense paraqet mjetet e saj të blinduara dhe taktike. Renault Trucks Defense është e specializuar në ndërtimin e mjeteve të blinduara të cilat janë të përshtatshme për mbrojtje dhe lëvizje të shpejtë. Mjetet që mbajnë këtë emër janë të përdorshme nga këmbësoria për transport të trupave, paisjeve dhe montimin e armatimeve të ndryshme në to. Po kështu dhe në sigurinë e brendshme ka një sërë mjetesh që i përshtaten terreneve të ngushta siç mund të jenë ato në qytete. RENAULT Trucks Defense ka ndërtuar dhe mjete që mund të nevojiten në situata luftimi për ndihmën e shpejtë.

Në pavionin francez gjendet dhe MAG FORCE INTERNATIONAL. Që prej 1953-it, MagForce ka arritur me sukses që të diversifikojë dhe zgjerojë gamën e produkteve, duke arritur që të ruajë origjinalitetin dhe dëshirat e klientëve. Kompania ofron produkte për mbrotje civile dhe ushtarake, duke pasur kështu kliente të shumtë në sektorin civil dhe ushtarak. Produktet janë nga mjetet për lundrim e deri të veshjet për situata dhe terrene të ndryshme, mjetet e ndihmës së shpejtë, apo pajisje ndihmëse si fikëse zjarri apo ndriçues.
Kompania numëron qindra klientë që janë qytetarë të thjeshtë, polici të ndryshme apo dhe qeveri.

Në Tiranë, ALMEX 2011 ka sjellë dhe një prej prodhuesve më të dëgjuar në botë. Me një histori dhjetra vjeçare që në nis nga shekulli i 17-të, kompania Nexter shfaq vlerat më të mira në prodhime krejt të veçanta. Me 2 mijë e 700 të punësuar, me 1.1 miliard euro shitje dhe rreh 600 milionë euro porosi për të kryer aktualisht, Nexter renditet ndër gjigandët europianë të prodhimit. Kompania ka 9 vendprodhime në Francë dhe është e pranishme në më shumë se 100 shtete. Sistemet e ndryshme, pajisjet elektrike, armët e kalibrave të ndryshëm, municionet, makineritë dhe mjetet e ndryshme janë sektorët ku Nexter prodhon.

Një pavion i rëndësishëm është ai i Polonisë. Këta prezantohen me AMZ - Kutno Sp. z o.o.. Kjo kompani është lider në Poloni për shëndërrimin sipas kërkesave të klientëve të mjeteve të ndryshme. Kompania është krijuar në vitin 1999 dhe që prej atëherë ka korrur sukses në fushën ku operon. Ambulancat, mjetet ushtarake, ato të blinduara për transport parash, zjarrëfikëset dhe mjetet për qëllime të tjera janë specialiteti që AMZ – Kutno realizon. Kjo kompani merr mjete të thjeshta dhe i transformon duke plotësuar çdo kërkesë të klientëve.
Kamionet e modifikuar për qëllime dhe detyra krejt të veçanta janë specialiteti i kompanisë tjetër polake POJAZDY SPECJALISTYCZNE. Specialistët e saj marrin një mjet të thjeshtë dhe e modifikojnë duke e kthyer në një zjarrëfikse, mjet ushtrie apo ambulancë. Me sukses janë modifikuar mjete transporti të thjeshta që janë kthyer në autobote modernë, mjetet të ndihmës në rrugë apo të forcave policore. Gama e mjeteve të modifikuara është e gjerë dhe klientët janë forca ushtarake, policore, spitale, zjarrëfikëse apo kompani që ofrojnë ndihmë të shpejtë në rrugë.

Një tjetër grup i madh kompanish prezantohen nën logon Bumar sp. z o.o. Kky grup, është një prej ndërmjetësve dhe furnizuesve kryesor në sektorin ushtarak në Poloni. Grupi Bumar përbëhet nga 23 kompani prodhuese dhe tregtuese të municioneve, radarëve, raketave dhe koracave. Për rreth 40 vjet kompania ka udhëhequr tregun e brendshëm dhe atë ndërkombëtar të armatimit, paisjeve të ndërtimit, minierave dhe transportit. Bumar ka furnizuar, shitur dhe ofruar shërbime për ushtrinë polake dhe për rreth 40 shtete në Europë, Afrikë, Azia, Amerikën e Jugut dhe Shtetet e Bashkuara.

Për të apasionuarit pas traditës dhe armëve, në një stendë mahnitëse prezanton dhjetra armë kompania më e dëgjuar italianë në llojin e vet. Beretta është prodhuesi më i vjetër i armëve në botë, duke datuar aktivitetin prodhues që nga viti 1526. E drejtuar ende nga familja Beretta, kompania prodhon armë zjarri moderne dhe aksesorë vëzhgimi që janë të njohura botërisht për cilësinë dhe besueshmërinë. Në tregun e mbrojtjes, Beretta ofron zgjidhje të përshtatshme duke plotësuar kërkesat më strikte e të veçanta që kanë në ditët e sotshme forcat policore, me një katalog produktesh që nga auomjetet ujëhedhëse e deri të shotganët me përdorim taktik apo snajperat ekstremë.

Në pavionin italian ka dhe kompani të tjera interesante në atë çka ofrojnë. ALIMARTY SRL e mirënjohur në hetime private dhe siguri vjen në panairin ALMEX 2011 në Tiranë. Kjo kompani ofron siguri për klientët e ndryshëm të cilët gjenden në situata jo të pëlqyeshme. Kërkimi i të humburve, hetime për probleme në martesa, shërbime fotografike apo viedo, parandalim i dhunës në familje apo ndihmë në raste kërcënimesh janë ajo çka kompania ofron. Alimarty srl është e aftë të ndihmojë dhe sipërmarrjet e ndryshme në raste kërcënimesh, vjedhjesh, konkurence të pandershme apo shërbime ligjore./bw/

[emine]

Kujt nga ne nuk i ka ndodhur që të gjejë në xhepat e rrobave ndonjë shumë të vogël parash të harruar aty prej kohësh? Gjithashtu të gjithë e mbani mend atë ndjesinë e këndshme kur gjen ato para, a thua se nuk janë tuajat.

Tani imagjioni se si duhet të ndihet qeveria gjermane, e cila ka gjetur 55 miliardë euro të harruara për shkak të një gabimi në llogaritje të bankës Hype Real Estate, e cila u shtetëzua në 2009 pas problemeve financiare.

Kështu, Gjermania është zgjuar me 55 miliardë euro më e pasur, pasi ka zbuluar gabimin në llogaritjet e bëra nga banka HRE. Zbulimi në fakt u bë në fillimit të tetorit, por u publikua vetëm tani. Mesa duket autoritetet gjermane donin te siguroheshin se nuk po ëndërronin.

Banka HRE pati probleme të theksuara likuiditi gjatë krizës së gjigantit amerikan "Lehman Brothers" dhe qeveria gjermane e garantoi atë me 145 miliard euro para se ta shtetëzonte.

[Neferta]

Ne moshen 92 vjeqiare vdiq;
Dorothy Howell Rodham, nëna e Sekretares amerikane të Shtetit, Hillary Clinton.
Shefja e diplomacisë amerikane i anuloi vizitat në Britaninë e Madhe dhe në Turqi, pasi nëna e saj u sëmur. Nuk janë dhënë detaje për sëmundjen e saj.
Dorothy i bëri disa paraqitje të rralla në publik me vajzën e saj, gjatë fushatës së vitit 2008. Ajo gjithashtu bëri disa udhëtime me Clintonën si në Indi dhe në Kinë.


http://abcnews.go.com/blogs/politics...ies-at-age-92/

Jovanoviq: Tadiq, pranoje “Ndryshimin”


05-11-2011 17:14 CET


Kryetari i Partisë Liberal Demokratike të Serbisë (LDP), Çedomir Jovanoviq, ftoi presidentit serb Boris Tadiq të nënshkruaj manifestim “Ndryshimi”, që nënkupton ndryshimin e politikës ndaj Kosovës dhe vazhdimin e integrimit evropian.
Në takimin në Qendrën Rinore të Beogradit, ku është prezantuar përmbajtja e manifestit, Jovanoviq tha se deri më 9 dhjetor, në ditën kur vendoset për kërkesën e Serbisë për anëtarësim në BE, kjo duhet të nënshkruhet edhe nga Patriarku, Kryetari i Akademisë Serbe të Shkencave dhe Arteve, rektori i Universitetit të Beogradit dhe të tjerët, transmeton Telegrafi.
Pos Jovanoviqit, në takimin kanë folur edhe kryetari i Lëvizjes së Përtëritjes Serbe (SPO), Vuk Drashkoviq, dhe kryetari i Unionit Socialdemokrat (SDU), Zharko Korac. Ndërsa, mbështetje manifestit i kanë dhënë edhe përfaqësues të organizatave të ndryshme joqeveritare, artistë dhe intelektualë serbë.
Jovanoviq ka thënë se ndonëse këtë e kanë mbështetur njerëzit që nuk janë gjithmonë të mendimit të njëjtë, ata i ka bashkuar ndërgjegjja për të ardhmen e vendit.
"Na bashkon dashuria ndaj vendit tonë dhe askush të mos kërkojë që këtë dashuri ta fshehim vetëm se ai nuk di gjë tjetër pos të urrej. Na bashkon dashuria ndaj serbëve të Kosovës, por edhe ndaj jetës së tyre të përbashkët me shqiptarët”, ka thënë Jovanoviq.
Drashkoviq ka thënë se në historinë moderne të Serbisë nuk kanë pasur shtetarë më të papërgjegjshëm se në 20 vitet e fundit, politika e gabuara dhe verbëria politike e të cilëve e kanë ndarë Serbinë nga Jugosllavia, nga Kosova dhe fqinjët e saj.
3

Tahiri: Mund të tërhiqemi nga bisedimet


05-11-2011 17:18 CET


Kosova mund të tërhiqet nga dialogu teknik, nëse pala serbe nuk zbaton marrëveshjet. Por, vendimi i Prishtinës për të ndërprerë dialogun me palën serbe do të varet krejtësisht nga këshillat që do të japin zyrtarët e BE-së dhe ata të Shteteve të Bashkuara të Amerikës.
Këtë paralajmërim për mundësinë e largimit të Kosovës nga bisedimet me Beogradin e ka bërë shefja e delegacionit të Kosovës në dialogun me Serbinë, Edita Tahiri.
Zëvendëskryeministrja ka thënë për Express se Qeveria e Kosovës është e përgatitur për të vepruar edhe nëse pala serbe vazhdon të mos jetë konstruktive në dialog.
“Ne si palë në këto biseda, flasim me faktorin ndërkombëtar për të analizuar së bashku arsyeshmërinë e vazhdimit apo mosvazhdimit të dialogut... Në koordinim me BE-në dhe SHBA-të do të ndërmarrim hapat e mëtejmë në rast të ballafaqimit me dekonstruktivitetin apo mosbashkëpunimin e Serbisë”, ka thënë ajo.
Shefja e delegacionit të Kosovës është kundër çdo diskutimi për çështjen e veriut dhe pikave doganore. Ndërsa, i ka quajtur demagogji deklaratat e Borko Steafnoqivit se Serbia po bisedon me ndërkombëtarët për dy pikat doganore të Kosovës.
“Faktori ndërkombëtar vazhdimisht e ka refuzuar kërkesën e Serbisë për të imponuar çështjen e pikave doganore në dialog”, ka deklaruar Tahiri. “Kjo që po e bën pala serbe dhe z. Stefanoviq, për mendimin tim, është më tepër një marketing politik për nevoja të brendshme politike. E njëjta retorikë fjalësh ka qenë edhe në shtator, kur afrohej raundi i shtatë”.
0

Veriu mund të destabilizojë rajonin


06-11-2011 14:18 CET


Sekretari i Përgjithshëm i OKB-së, Ban Ki-moon, ka shprehur shqetësimin se zhvillimet në Veri të Kosovës mund të destabilizojnë tërë Ballkanin.
Në raportin e tij tremujor, të cilin e ka siguruar portali KosovaTimes dhe që u është dërguar anëtarëve të Këshillit të Sigurimit, përshkruhen në mënyrë kronologjike ngjarjet në veri të vendit tonë. Një pjesë të konsiderueshme të raportit shefi i OKB-së ia ka kushtuar edhe dialogut mes Kosovës dhe Serbisë.
Raporti përmban edhe një aneks në të cilin pasqyrohet aktiviteti i EULEX-it gjatë muajve të fundit.
“Zhvillimet në Kosovën veriore shërbejnë si përkujtues i fuqishëm se çështjet e pazgjidhura përbëjnë kërcenim për paqen dhe stabilitetin e rajonit”, ka thënë Sekretari Ban.
Raporti do të debatohet në seancën për Kosovën të Këshillit të Sigurimit, që është caktuar të mbahet më 29 nëntor. Këtë muaj Këshillin e Sigurimit të OKB-së e kryeson Portugalia.
“Jam i brengosur jo vetëm për përkeqësimin e gjendjes së sigurisë në terren, si rezultat i zhvillimeve të fundit, por gjithashtu edhe për përkeqësimin e marrëdhënieve ndëretnike anembanë Kosovës, polarizimin e qëndrimeve politike, si dhe zgjerimin e hendekut mes komuniteteve në veri dhe në jug të lumit Ibër”, ka shtuar ai.
Përderisa mbetet e pazgjidhur situata në pikat kufitare në Jarinjë dhe Bërnjak, ndërsa çështjet lidhur me sundimin e ligjit të mbesin të ndërlidhura me qëndrimet lidhur me statusin e Kosovës, Ban thotë se bashkësia ndërkombëtare dhe njerëzit në terren do të përballen me rrezikun e eskalimit të tensioneve si dhe shpërthimin e dhunës.
Ai shpreh keqardhje që dialogu mes Kosovës dhe Serbisë është bllokuar, “kryesisht për shkak të zhvillimeve në veri”, për çka i bënë thirrje Prishtinës dhe Beogradit si dhe ndërkombëtarëve në Kosovë, “që të veprojnë me kujdes dhe durim dhe të vazhdojnë të tregojnë se kanë besim në dialog”.
Ban shpreson se anëtarët e Këshillit të Sigurimit do t’i dërgojnë mesazh të qartë Prishtinës dhe Beogradit që të marrin përgjegjësi për zbutje të tensioneve dhe parandalim të përsëritjes së dhunës në veri të Kosovës, ndërsa shton se KFOR-i do të mbajë përgjegjësinë për të siguruar lëvizje të lirë në tërë Kosovën.
Sipas Sekretarit të Përgjithshëm, situata në veri të Kosovës i ka lënë në hije të gjitha zhvillimet tjera politike në Kosovë, ndërsa për aksionin e forcave speciale të Policisë së Kosovës, më 25 korrik, thotë se nuk ishte i koordinuar me ndërkombëtarët në Kosovë.
Në raport përshkruhet aksioni i Policisë dhe reagimi i serbëve. Ban thotë se ka pasur shkëmbim zjarri gjatë lëvizjes së ROSU në veri dhe se një pjesëtar i Policisë speciale është vrarë afër Zubin-Potokut. Ai përmend djegien e pikës doganore në Jarinjë nga “disa individë”, barrikadat në rrugë, dhe vendosjen e zonave të kufizuara ushtarake të KFOR-it. Ndërsa për planin operativ të 16 shtatorit, të përgatitur nga Qeveria kosovare në koordinim me KFOR-in e EULEX-in, thotë se ka “çuar në forcim të barrikadave serbe”.
Në raport flitet edhe për sulmin e demonstruesve serbë në Jarinjë, ku janë lënduar 9 ushtarë të KFOR-it “dhe dhjetëra serbë”. Ban thotë se ka marrë një letër nga Beogradi që të hetohet “përdorimi forcës së armatosur nga KFOR-i kundër civilëve serbë, por shefi i NATO-s, Anders Fogh Rasmussen i është përgjigjur se KFOR-i ka vepruar në përputhje me mandatin që ka dhe nuk ka nevojë për kurrfarë hetimi”.
Kreu i Kombeve të Bashkuara thotë se UNMIK-u ka lehtësuar komunikimin mes Kosovës dhe Interpolit gjatë tre muajve të fundit, me ç’rast janë pranuar kërkesat për 7 fletarreste ndërkombëtare, ndërkaq 11 tjera mbesin për t’u proceduar.
Ndërsa, në raportin lidhur me aktivitetin e EULEX-it, të cilin në OKB e ka deponuar baronesha Catherine Ashton, flitet edhe për angazhimin e Misionit të BE-së në veri, procedimin e rasteve për krime të luftës, korrupsion dhe krim të organizuar.
0

Rreth 100 pasaporta biometrike shqiptare falso zbulohen në Gjermani


E mërkure 9 Nëntore 2011 15:53
Burime diplomatike në Berlin bëjnë të ditur se autoritetet kufitare gjermane deri më tani kanë kapur rreth 100 pasaporta biometrike shqiptare fallco, një shifër e frikshme po të kesh parasysh garancitë që ka dhënë sistemi i sigurisë së prodhimit të këtyre pasaportave.
Një burim anonim nga parlamenti gjerman i tha gazetës "TemA" se është informuar nga autoritetet kufitare për këtë fenomen shqetësues.
Autoritetet gjermane janë në komunikim me autoritet shqiptare për këtë fenomen, i cili duket se ka të bëjë me kontigjente njerëzish të pajisur para 8 Majit me pasaporta shqiptare. Ka dyshime se disa prej tyre mund të jenë shtetas të Kosovës ose qytetarë shqiptarë me probleme me identitetin e tyre real.
Kjo shifër është alarmante dhe mund të vërë në pozitë të vështirë Ministrinë e Brendshme në Tiranë lidhur me origjinën e këtyre pasaportave dhe pasojat që mund të kenë mbi procesin e liberalizimit të vizave. (INA)

Egjipti pas revolucionit, ndalon festimet e masonerisë



E enjte 10 Nëntore 2011 22:53
Kryeministri egjiptian, dr. Isam Sheref i ka komunikuar ministrisë së kulturës një urdhër, sipas të cilit anulohen të gjithë festimet masone të cilat priteshin të zhvilloheshin me 11 Nëntor tek këmbët e piramidës.
Pritej që delegacionet të mblidheshin sipas programit turistik tek pllaja e piramidave, në formën e yllit të Davidit. Sipas planit, do të vendosej një piramidë e artë e përmasave të vogla mbi këmbën e piramidës, e cila do të rrezatonte kur të ndizeshin dritat. Rrezet e dritave do të ishin të orientuara nga Kudsi (Jeruzalemi), gjë e cila u kujton masonëve orientimin dhe fronin e tyre në Kuds, kryeqyteti i Palestinës.
Nga një burim policor, është bërë me dije se sektet hebraike dhe ithtarët e tyre, të cilët i besojnë ideologjisë së majtë sioniste, e shohin këtë ditë si dita që i paraprin vitit 2012, vit i fundit të botës.
Nga ana e tij, Këshilli i lartë i forcave të armatosura, ia kishte besuar prokurorisë së përgjithshme hetimet rreth festimeve masonike me datë 11 nëntor, tek këmbët e piramidës.
Vlen të përmendet se cionistët duan të provojnë me çdo formë se paraardhësit e tyre, kanë rol dhe kontribut në ndërtimin e piramidave, të cilat u përdorën më pas nga faraonët. Por këtë pretendim e hedh poshtë historia egjiptiane dhe dokumentet e zbuluara. /ardhmeriaonline/

[Neferta]

Shtepija e spiunimit!?.
Në kuadër të ambasadës së SHBA-së në Beograd, që po ndërtohet në vendin e dikurshëm të Marshallatit në lagjen prestigjioze Dedinje, do të vendoset edhe qendra rajonale e intelligence agency s për Ballkanin, shkruajnë disa portale serbe, duke shtuar se kompleksi shtrihet në mbi 40 000 metra katrorë, përbëhet nga shtatë objekte, do të punësojë madje 400 punëtorë, kurse projekti është i vlefshëm 117 milionë dollarë.
Ekspertët e çështjeve të sigurisë nuk dyshojnë aspak se këtu do të vendoset edhe selia e agjencisë informative amerikane për këtë pjesë të Evropës.
“Amerikanët kanë përzgjedhur Serbinë dhe Beogradin për arsye se bëhet fjalë për një vend vëzhgues gjeostrategjik të shkëlqyeshëm. Serbia është në vend ideal edhe sa i përket Adriatikut e edhe Evropës lindore”, vlerësoi ish-profesori për strategji, gjenerali Radovan Radinoviq, dhe shton se për arsye të këtij qëllimi aty do të instalohen pajisjet më moderne për spiunim.
Hapja solemne është në plan të bëhet vitin e ardhshëm, kurse autoritetet serbe në Beograd krenohen me faktin se e tërë procedura e dhënies së lejes ndërtimore ka zgjatur vetëm dy muaj, që konsiderohet rekord për Serbinë.

[Neferta]

AK nisma e qeverise akte turpi.

“Aleanca Kuq e Zi”, në një deklaratë për shtyp gjatë të dielës, sulmoi ashpër nismën për ndërtimin e një monumenti të ri kombëtar, me rastin e 100-vjetorit të pavarësisë.
Më parë gjatë javës, në një mbledhje të Këshillit të Ministrave, Kryeministri Berisha propozoi një sërë projektesh për kremtimet e mbushjes së një shekulli të Shqipërisë së lirë dhe midis tyre, gjendej edhe propozimi për ngritjen e një monumenti të ri madhështor.
“Një nismë e tillë e qeverisë është me të vërtetë e turpshme”, deklaruan përfaqësues të “Aleancës Kuq e Zi”, në një konferencë për shtyp, rreth mesditës. “Nuk mund të pranojmë që historia të tjerësohet siç është bërë rëndom në Shqipëri, ku ajo një herë bëhet, por 100 herë shkruhet. Shprehim keqardhje të thellë edhe për qëndrimin e heshtur të opozitës”.
Sipas “Aleancës Kuq e Zi”, ngritja e veprës së re në Tiranë apo kudo tjetër, do të përbënte një mungesë respekti ndaj monumentit të vërtetë dhe “të vetëm”, atij që ndodhet që prej 40 vitesh në Vlorë. “Monumenti i pavarësisë është në Vlorë. Ai do të vazhdojë të mbetet dhe të qëndrojë atje, ndërsa ne do ta mbrojmë me çdo forcë që të ketë vetëm një monument pavarësie, që fatmirësisht e kemi”.

[Neferta]

Pasi humbëm Kosovën mos ta humbim Europën
Kryetari i Unionit Socialdemokratik të Serbisë (SDU), Zarko Korac ka deklaruar se ka mbetur pak kohë që pushteti që po e zvarrit me vite Serbinë në izolim, në mënyrën e viteve ’90, ta kthejë politikën nxitëse në katastrofë.
“Ne duam ndryshim në politikën shtetërore, një politikë realiste ndaj Kosovës dhe vazhdimin e procesit të integrimit europian”, ka thënë Korac për Dnevnik.
Korac është nënshkrues i deklaratës “Ndryshimi”, të mbështetur nga parti politike, OJQ dhe figura të shquara publike serbe, të udhëhequra nga LDP’ja.
Në lidhje me vlerësimin e shefit të diplomacisë serbe, Vuk Jeremic, i cili ka thënë se ftesa për Ndryshim është ftesë për kapitullim, Korac ka thënë se është shqetësuese se si ministri jep deklarata që ngjajnë me ato të fundit të viteve ’90 të shekullit të kaluar, “se çdo propozim alternativ politik definohet si një kapitullim dhe tradhti”.
“Për fat të keq, unë mendoj se Tadic ka bërë ashtu si ka dashur, dhe hyri në këtë qorrsokak në të cilën ne jemi. Tash jemi shumë afër politikës ‘as Europa, e as Kosova’, por unë shpresoj se në fund nuk do të jetë kështu. Kosovën veç e kemi humbur, e tash mund ta humbim Europën, që më 9 dhjetor të mos e marrim statusin formal të kandidatit për anëtarësim në BE”, ka thënë ai.

Rusia përkrah vrasjet në Siri, i dërgon armë Asadit



E diel 13 Nëntore 2011 22:45
Rusia respekton kontratat e veta për dërgimin e armëve në Siri, pasi që asnjë vendim ndërkombëtar nuk e ndalon këtë, deklaroi sonte zyrtari i lartë rus i ngarkuar për bashkëpunim ushtarak-teknik, Vjçesllav Gjirkaln, raporton agjencia e lajmeve Interfaks.
Aleate e Sirisë që nga koha e ish-Bashkimit Sovjetik, Rusia në muajin gusht pati njoftuar se do të vijojë me dërgesa të armëve në Siri, megjithë apelet e Perëndimit, përkatësisht të sekretares amerikane të Shtetit, Hillary Clinton që Rusia të “rreshtohet në anën e mirë të historisë”.
Vendet perëndimore, por edhe ato arabe, kërkojnë largimin nga pushteti të presidentit sirian Bashar al Asad për arsye të represionit, gjatë të cilit sipas të dhënave të Kombeve të Bashkuara, nga 15 marsi i këtij viti janë vrarë mbi 3 500 persona.
Në fillim të muajit tetor, presidenti rus Dimitrij Medvedev për herë të parë ftoi Asadin që të pranojë reformat ose, në të kundërtën të tërhiqet nga pushteti.
Megjithëkëtë, Rusia kundërshton çfarëdo rezolute të Këshillit të Sigurimit me të cilën do të zbatoheshin sanksione kundër Sirisë, duke insistuar në domosdonë e dialogut të mëtejshëm.

Turqia, ndërmjetëse për Kosovën



E diel 13 Nëntore 2011 14:12
Turqia duket gjithmonë e më e vendosur për të forcuar ndikimin e saj në Ballkan dhe në vendet e ish-Jugosllavisë, ndërsa shefi i diplomacisë së Ankarasë, Ahmet Davutogllu, ka mbërritur për bisedime në Beograd.
Ai është ftuar në një darkë pune nga homologu i tij serb, Vuk Jeremiq, takim në të cilin do të diskutohen çështje të rëndësishme dypalëshe dhe ku do të hapet edhe problemi i veriut të Kosovës.
Të hënën, Davutogllu do të pritet edhe nga presidenti Boris Tadiq. Ndërkohë, Turqia ka përpunuar një dokument për zgjidhjen e problemit të marrëdhënieve të bashkësive islame që janë dyzuar dhe shpesh krijojnë problem.
Në vitet e fundit, Turqia ka kryer investime të rëndësishme në rajon dhe është shndërruar në një partner strategjik i Beogradit, Sarajevës dhe Prishtinës njëkohësisht. /tch/