UÇK zanafilla

[Zero Cool]

ELSHANI: LPK krijoi UÇK-në

Avokati Gafurr Elshani në fillim të ligjëratës së tij tha se në fund të vitit 1978 filluan të organizohen rrethet e para patriotike e revolucionare të Kosovës në Gjermani e në Zvicër, si dhe filluan të krijohen celulat e organizatave patriotike, jashtë vendit, të cilat u bënë bërthamë e aktivitetit në Zvicër. Elshani përmendi edhe fillimin e botimit të organeve të shtypit të këtyre grupeve e organizatave patriotike, siç është gazeta “Bashkimi”, “Liria” e cila u botua nën drejtimin e Kadri Zekës e Hydajet Hysenit, dhe përmbledhja “Këngët e Lirisë”.

Pas arratisjes, Jusuf Gërvalla e Bardhosh Gërvalla, zhvilluan një aktivitet të dendur politik, si pjesë e veprimtarisë së LNÇKSHVJ, në perëndim. Jusuf Gërvalla filloi të nxjerr “Lajmëtarin e Lirisë” (tre numra), që do të shërbente për informimin e masave.

Në fund të vitit 1980 aktivistët e Gjermanisë, të mbledhur rreth “Bashkimit” dhe “Lajmëtarit të Lirisë”, përmes organit “Liria” u njoftuan mbi ekzistimin e Organizatës Marksiste Leniniste të Kosovës.

Deri në demonstratat e vitit 1981 programi i të gjitha grupeve ishte përafërsisht i njëjtë: Shkëputja e Kosovës dhe viset e saja nga Jugosllavja dhe bashkimi i saj me Shqipërinë përmes kryengritjes së armatosur, përveç PKMLSHJ, e cila në program kishte krijimin e Republikës së Kosovës Socialiste Shqiptare në Jugosllavi.

Në vazhdim po paraqesim disa nga ngjarjet e shkëputura nga ligjërata e avokatit Gafurr Elshani.

Pranverë 1981. Shpërthyen demonstratat popullore të shqiptarëve në Kosovë nën parullën “Kosova Republikë”, që kishte për qëllim barazimin e Kosovës me 6 republikat tjera të ish-Jugosllavisë.

- Regjimi ndaj këtyre demonstrimeve dhe kërkesave u përgjigj me terror shtetëror. Demonstratat i shtypi me polici dhe ushtri duke vënë në lëvizje rrugëve edhe armatimin e rëndë.

- Si pasojë u vranë dhjetëra, u plagosën qindra dhe u burgosën mijëra veta gjatë dhe pas demonstratave.

- Qershor 1981. Hydajet Hyseni, Mehmet Hajrizi e Nezir Myrtaj me grupin e tyre të fshehtë, lëshuan në qarkullim platformën për organizimin e mëtejmë me titull: “Teza rreth Frontit Popullor për Republikën e Kosovës”. Në këto teza jepen argumentet që flasin se Kosovës i takon statusi i Republikës në Federatë, se ajo është e arritshme dhe se populli i Kosovës ka potencial të luftojë për fitimin e saj.

- Një numër i aktivistëve që vepronin nëpër grupe të fshehta kundër regjimit ishin arratisur ose u arratisën jashtë vendit.

- Jashtë Kosovës filloi rigrupimi i të arratisurve. Ata filluan veprimtari të dendur duke vazhduar akivitetin për Republikën e Kosovës, jashtë vendit, sidomos në Evropën Perëndimore. Udhëheqja Jugosllave iu përgjigj me terror edhe aktivitetit jashtë vendit.

- Më 17 janar 1982 në Untergrupenbah të Gjermanisë u vranë 3 aktivistët më të dalluar të kohës, Jusuf Gërvalla, Kadri Zeka dhe Bardhosh Gërvalla.

- 17 shkurt 1982 në Turqi, përfaqësues të dy grupimeve patriotike të fshehta, Sabri Novosella dhe Abdullah Prapashtica (të arratisur politik nga Kosova), në prezencë edhe të ambasadorit të Shqipërisë në Turqi, z. Bujar Hoxha shpallin të formuar Lëvizjen për Republikën Socialiste Shqiptare në Jugosllavi (LRSSHJ).

-Më 15 maj të vitit 1982 në Zvicër përfaqësuesi i grupit të tretë patriotik Xhafer Shatri deklaron hyrjen në LRSSHJ.

-Qëllimi i LRSSHJ ishte që të arrihet formimi i Republikës së Kosovës në kuadër të federatës jugosllave ku do të përfshiheshin viset e banuara me shumicë shqiptarë.

-1982 – 1984. LRSSHJ-në e drejton Komiteti Qendror i LRSSHJ-së i përbërë nga 15 anëtarë. Ndër të tjerë dhe Xhafer Shatri, Sabri Novosella, Ibrahim Kelmendi, Fahredin Tafallari, Hasan Mala, Kadri Abdullahu, etj.

- Në qershor të vitit 1982 në Gjermani me teknikën që kishte lënë dëshmori Jusuf Gërvalla vazhdon botimi i gazetës “Zëri i Kosovës”. Redaktor i gazetës ishte Skender Durmishi.

-1982: Radhët e LRSSHJ në komuna të Kosovë përfaqësoheshin nga Nuhi Berisha, Gafurr Elshani, Ilaz Kadolli, Ahmet Isufi, Shaban Shala, Ilmi Zeka, etj.

-1982: LRSSHJ jashtë orienton anëtarët e vet që të punojnë në klubet e punëtorëve shqiptarë jashtë vendit, punë që e bëri në vazhdimësi.

-Gjatë vitit 1983: teknika dhe redaktimi i gazetës “Zëri i Kosovës” kalon në Zvicër. Redaktor i gazetës deri në vitin 1985 do të jetë Xhafer Shatri.

- Në propagandë emërtimit LRSSHJ gjithkund i hiqet germa “S”.

-1983: Veprimtarët e LRSHJ-së, Zijah Shemsiu dhe Sami Kurteshi arrestohen nga policia jugosllave duke transportuar armë në relacionin Zvicër – Kosovë. Pas 18 muajsh torture (5 maj 1985) Zijah Shemsiu vritet në burgun e Beogradit.

- Ndërkohë që LRSHJ organizon demonstrata të herëpashershme për Republikë në diasporë. Në Kosovë u organizuan demonstrata për shënimin e demonstratave të vitit 1981 dhe u përsërit kërkesa për Republikë.

- 11 Janar 1984, Prishtinë: Rrethohen nga forcat serbe në Kodrën e Trimave aktivistë të LRSHJ-së Rexhep Mala dhe Nuhi Berisha. Pas një lufte heroike të pabarabartë bijnë në fushën e nderit. Arrestohet Kadri Osmani, Enver Topalli dhe qindra të tjerë.

- 8 shkurt 1984: pas një lufte të pabarabartë vritet nga policia serbe veprimtari i LRSHJ-së Bajram Bahtiri.

- Maj 1984: Formohet kolegjiumi i Redaksisë së “Zërit të Kosovës” me këtë përbërje: Xhafer Shatri, kryeredaktor, Fazli Veliu, Mustafë Xhemajli, Saime Isufi, Emrush Xhemajli, Agim Hasan Mala, Muhamer Shabani, Hasan Mala etj.

-1985, pjesa e parë e vitit. Këshillat bazë të LRSHJ-së dhanë mendimet me shkrim për progamin e mëtejmë të LRSSHJ-së. Komiteti Qendror i LRSHJ-së duke u bazuar në to dhe në “Tezat....” e lartpërmendura adaptoi Programin e parë të saj. Me këtë rast iu ndërrua edhe emri nga LRSSHJ në LPRK (Lëvizja Popullore për Republikën e Kosovës).

-Janar 1985. Mustafë Xhemajli zgjidhet redaktor i “Zërit të Kosovës”. Në këtë detyrë vazhdon deri më 1991.

-1995: Hysen Gërvalla kooptohet në Komitetin Qendror të LPRK-së.

-1985: Arrestime të aktivistëve të LPK-së në territoret shqiptare në ish-Jugosllavi.

-1985 Prekaz: Formohet Këshilli i LPRK-së në përbërje Adem Jashari, Sami Lushtaku, Jakup Nura, Nuredin Lushtaku etj.

- 8 nëntor 1986, Cyrih: Në Cyrih mbahet mbledhja konsultative e LPRK-së. Formohet grupi i Organizimit të Mbledhjes së Parë të Përgjithshme të LPK-së me delegatë.

-Korrik 1987, Zvicër (St. Gallen, Cyrih, Delemont). Mbahet Mbledhja e Parë e Përgjithshme e LPRK-së me delegatë nga diaspora dhe delegatin Ahmet Haxhiu, i dërguar nga Këshillat në territoret shqiptare në ish-Jugosllavi. Kjo Mbledhje zgjati 3 ditë. Në te u aprovua Programi dhe Statuti i LPRK-së, u aprovuan rezolucionet dhe u zgjodh udhëheqësia e re. Kryetar u zgjodh Fazli Veliu, sekretar Emrush Xhemajli, përgjegjës financiar Gafurr Elshani, anëtarë kryesie, Avni Dehari, Ernest Jurstver, Xhavit Haliti, Rexhep Halimi etj. Si dhe Redaksia e “Zërit të Kosovës” me redaktor Mustafë Xhemajlin. Organ ligjvënës i LPK-së u emërua Këshilli i Përgjithshëm (deri atëherë ishte quajtur Komiteti Qendror) dhe përbëhej prej 21 vetave.

Me këtë rast për herë të parë u vunë themelet e punës institucionale, për herë të parë u instalua demokracia e brendshme në Lëvizjen Popullore të Kosovës, e cila i dha shpirt LPRK-së, e cila nga kjo kohë u rritë, u zhvillua, kaloi shumë sfida, krijoi UÇK-në dhe udhëhoqi popullin shqiptar në ish-Jugosllavi drejtë luftës për liri.

Ushtria Çlirimtare e Kosovës, ishte projekt i LPRK-së, e cila u krijua nga LPK, për realizimin programit të sajë politik, me të cilin program parashihej çlirimi i të gjitha viseve shqiptare në Jugosllavi.

[Zero Cool]

Prill, 1993, Kollare, Kërçovë. Mbahet mbledhja konsultative e LPK-së. Marrin pjesë: Gafurr Elshani, Ahmet Haxhiu, Ali Ahmeti, Adnan Asllani, Hashim Thaçi, Azem Syla, Beajdin Allaçi, Adem Grabovci, Bilall Sherifi, Halil Selimi, Xhavit Haziri, Ramadan Avdiu, Hidajete Krasniqi, Hysen Gega, Ramadan Pllana, Ilaz Kadolli, Fadil Bajrami, Musa Demiri, Bexhet Luzha, Fatmir Brajshori etj. Në këtë takim u lëshuan rezolucionet sipas të cilave LPK mbështet të gjitha aksionet e armatosura kundër pushtusve.

28-29 korrik 1993, Kodër e Trimave, Prishtinë –ne familjen Brajshori: Mbahet Mbledhja e IV-të e Përgjithshme e LPK-së . Marrin pjesë: Xhavit Haziri, Ramadan Avdiu, Halil Selimi, Adnan Asllani, Isa Krasniqi, Xheladin Gashi, Fatmir Brajshori, Fazli Veliu, Emrush Xhemajli, Beqir Beqa, Sabri Kiçmari (delegatë të Degësë së LPK-së jashtë vendit), e të tjerë drejtues dhe delegatë nga terreni. Në mbledhje bëhen ndryshime programore e statutare. Në Program tekstualisht aprovohet si mjet i arritjes së qëllimit lufta e armatosur për çlirimin e Kosovës ( dhe viset shqiptare në ish-Jugosllavi).

17. 11. 1994 Arau, Zvicër. U lëshua Komunikata e Parë ushtarake.
Në këtë Mbledhje merrnin pjesë: Fazli Veliu, Emrush Xehmajli, Ali Ahmeti, Xhavit Haliti, Gafurr Elshani. ku moren vendimin që organizmi i ri ushtarak të quhet “Ushtria Çlirimtare e Kosovës"

[Zero Cool]

Gafurr Elshani
UÇK-ja, dokumente dhe artikuj

PARATHËNIE E BOTIMIT TË PARË
Ky libër është përmbledhje e artikujve, lajmeve, komunikatave dhe komenteve që janë botuar dhe janë bërë publike nga mjetet e informimit masovik mbi veprimtarinë e Ushtrisë Çlirimtare të Kosovës.

Artikujt janë botuar në origjinal pa komente ashtu siç janë shprehur autorët e tyre (me përjashtim të disa shkurtimeve të artikujve që s'kanë pasur të bëjnë direkt me UÇK-në).

Përveç shkrimeve të karakterit afirmativ ku propagandohet lufta çlirimtare e UÇK-së, këtu janë përfshirë edhe ato shkrime që flasin në mënyrë negative për UÇK-në, p.sh. çka ka shkruar shtypi i Beogradit, si dhe çka ka shkruar shtypi shqiptar i drejtuar nga udhëheqja legaliste e Kosovës. Një rëndësi e veçantë u është dhënë deklaratave të udhëheqësve legalistë të Kosovës, të cilët, ashtu si politikanët e Beogradit, tentojnë ta denoncojnë UÇK-në për veprimtari terroriste, para aktorëve me influencë në marrëdhëniet ndërkombëtare. Po ashtu rëndësi e veçantë i është dhënë shtypit patriotik i cili ka marrë në mbrojtje UÇK-në, duke propaganduar luftën e drejtë të saj. Kjo është e rëndësishme sepse duke ofruar të gjitha informatat dhe vlerësimet që janë bërë nga këndvështrime të ndryshme, lexuesit i lihet mundësia që ai vetë të formojë një tablo reale mbi Ushtrinë Çlirimtare të Kosovës, dhe përmes saj një tablo edhe më reale mbi skenën politike shqiptare në përgjithësi.

Gjatë leximit të kësaj përmbledhjeje, lexuesi do të ketë mundësi të hasë në informata të ndryshme që në kohën e ndodhjes së këtyre ngjarjeve, shumkush nuk kishte idenë se çka ishte duke ndodhur në të vërtetë në Kosovë.

Këtu janë përfshirë informatat, të cilat kanë të bëjnë me aksionet e asgjësimit të forcave policore në Kosovë duke filluar nga maji e shtatori i vitit 1992 pastaj, korrik, shtator të vitit 1993, për të cilat, në kohën e kryerjes së tyre, UÇK nuk leshoi komunikata mirëpo në komunikaten me rastin e atentatit në UÇK nuk lëshoi komunikata, mirëpo në komunikatën me rastin e atentatit në oficerin e sigurimit serb Lutfi Ajvazi, UÇK, la të kuptohet se disa nga ato mund të jenë kryer nga njësitet e saj. Për rastin e vrasjes së dy policëve dhe plagosjes së 5 të tjerëve në Gllogovc në vitin 1993 u ngarkua edhe Pesëmbëdhjetshja e Drenicës, grupi i dënuar me 11 korrik ’97 me 264 vjet burg nga Gjykata serbe e Prishtinës.

Përmes këtyre materialeve, lexuesi e mëson të vërtetën se rezistenca dhe kundërvënia me armë ndaj pushtuesit në mënyrë të organizuar nuk ka filluar nga shkurti i vitit 1996, me sulmin në kampet e refugjatëve( mendohet në ata serbë nga Knini- vërejtja ime tarasi), siç shkruhet e flitet në shtyp e më gjerë, por nga viti 1992.

Lufta e armatusur çlirimtare në Kosovë e ka nismën e saj qysh herët. Asaj i parapriu rezistenca me armë e Rexhep Malës dhe Nuhi Berishës, Bajram Bahtirit, Ali Ajetit, Afrim Zhitisë, Fahri Fazliut e Tahir Lush Berishës.
Është me rëndësi të shënohen këto raste për arsye se keto i paraprinë vitit 1992, sepse kjo ishte nje rezistencë nga njerëz të organizuar dhe që punuan në mënyrë të ndërgjegjshme për një rezistencë të organizuar. Amanetin e tyre tani po e përmbush Ushtria Çlirimtare e Kosovës.

Po aq të rëndësishme janë edhe aktet e rezistencës individuale që u bënë spontanisht nga Tahir Meha me babanë e tij në pranverën e vitit 1981, pas shuarjes me dhunë të demonstratave gjithëpopullore të këtij viti, pastaj qëndresa në Pollatë e Besim Latifit dhe mbrojtja e pragut të shtëpisë nga ana Hasan Ramadanit si dhe kundërvënia me armë e Besim Ndrecës, duke vrarë një komandir të policisë serbe e plagosur një tjetër, pas gjithë torturave dhe maltretimeve që bënte ky komandir në rrethinën e Suharekës e në veçanti në fshatin Grikoc.

Libri është edhe një dokumentacion i përmbledhur, që do t'u shërbejë të gjithë atyre që kanë interes të kenë njohuri më shumë për Ushtrinë Çlirimtare të Kosovës, që dëshirojnë të mësojnë të vërtetën, por nuk kanë pasur mundësi t'i përcjellin mjetet e informimit në mënyrë sistematike.

Mund të ndodhë që të jetë botuar ndonjë informacion, për ndonjë aksion që është ndërmarrë (nga patriotë anonimë) kundër pushtuesve në Kosovë, dhe ky aksion, të mos ketë lidhje organizative me UÇK-në, mirëpo ato janë përfshirë këtu për shkak se në mes të këtyre aksioneve dhe veprimtarisë së UÇK-së ekziston lidhja politike, në bazë të të cilës është e orientuar e gjithë veprimtaria çlirimtare e UÇK-së.

Në shtypin tonë shkruhet e thuhet shumë, por informimi mbi të vërtetën është shumë i mangët, sepse mjetet tona të informimit masovik janë të monopolizuara nga forcat politike të Kosovës të cilat kolaborojnë me pushtetin e Beogradit. Nje cenzurë të veçantë në këtë drejtim ka informimi mbi veprimtarinë e Ushtrisë Çlirimtare të Kosovës.

Udhëheqja politike e Kosovës( Ibrahim Rugova - vëreta ime tarasi) në asnjë mënyrë nuk është e gatshme të pranojë ekzistimin e forcave që shtrojnë një rrugë alternative për zgjidhjen e problemit të Kosovës. Forcat e vërteta alternative që shtrojnë rrugën çlirimtare për zgjidhjen e problemit të Kosovës, mundohen t'i paraqesin si të paqena, si "radikalizëm verbal" apo edhe t'i etiketojnë me fjalorin e huazuar nga pushtuesit si forca terroriste. Kjo udhëheqje, si alternativë reale të vetën mundohet t'i paraqesë ata që në përmbajtje janë të njëjtë me ta, por që lënë përshtypjen e një alternative tjetër të zgjidhjes së problemit të Kosovës.

Lufta e armatosur si alternativë e politikës së dështuar "paqësore" është realiteti i jetës politike në Kosovë. I pëlqen apo jo dikujt, tani ka pak rëndësi kjo punë. Përderisa për të parët objekt sulmi e lufte janë objektet e policisë dhe ushtrisë pushtuese dhe gjithë kolaboracionistët, për të dytët objekt sulmesh janë të parët.

Pas çdo aksioni, politikanët e Kosovës nuk përtojnë të dalin para kamerave televizive, në konferenca shtypi, të japin intervista në radio, të japin deklarata përmes të cilave dënojnë aksionet çlirimtare duke i kualifikuar si "terroriste", në stilin "pavarësisht se nga kush bëhen, dhe nga çfarëdo motive që bëhen".

Terroristët janë njerëz pa përgjegjësi dhe pa ndjenja humane. Ata vrasin civilë dhe sulmojnë objekte civile pa patur përgjegjësi për pasojat e tyre. Po ushtarët e UÇK-së, nuk janë të tillë, sepse objektivi i sulmeve të tyre janë policët, ushtarët, kolaboracionistët dhe gjithë ata që e përfaqësojnë pushtuesin në trojet tona.

Një ushtar i UÇK-së, në "Letrën nga malet e Kosovës" drejtuar tubimit komemorativ mbajtur në Zürich me rastin e vrasjes së tre ushtarëve të UÇK-së, Zahir Pajazitit, Hakif Zejnullahut dhe Edmond Hoxhës, në mënyrë polemizuese me udhëheqjen politike të Kosovës shkruan: "Vërtetë (i pazoti) "President" dhe zoti Aganoviç jemi terroristët që ju përgjigjemi kryeterroristëve serbo-malazezë, dhe shpejt edhe atyre maqedonë. Ama një e kemi pak më të mirë se ju, se krejt të pashpirtë dhe provokatorë si ju nuk jemi".

Përderisa udhëheqësit e sotëm "paqësorë" imagjinojnë poste e kolltuqe në Kosovën e robëruar, një udhëheqës i UÇK-së, i akuzuar për "terrorizëm" nga pushteti terrorist i Beogradit në një poezi të tij shkruan se si e imagjinon vdekjen. Prandaj ai i kërkon falje jetës së tij, të cilën nuk ka mundësi ta shijojë, pasi që e ka vendosur që atë ta sakrifikojë për lirinë e Kosovës, dhe ai, Rexhep Selimi, i dënuar 20 vjet burg në mungesë nga pushtuesit serbë në poezinë e tij të titulluar "Vdekja në imagjinatë" shkruan:

Të jam borxh/ Jeta ime/ për rininë e hershme/ Për gëzimet/ Argëtimet/ Dashurinë/ Kërkoj ndjesë nga ti/ Jeta ime/ Jam dashuruar në vdekjen e Vojos ("Grindje rrokjesh", Prishtinë 1994).

Lëvizja Popullore e Kosovës përherë ka qëndruar përkrah Ushtrisë Çlirimtare të Kosovës, ajo e ka mbështetur politikisht dhe ndihmuar financiarisht. Lëvizja Popullore e Kosovës, këtë punë nuk e ka bërë rastësisht. Qëndrimi i LPK-së ndaj UÇK-së është obligativ, obligim që buron nga Programi i saj për çlirimin e Kosovës. Për Lëvizjen Popullore të Kosovës, zbatimi i programit matet me ndihmën konkre ndaj Ushtrisë Çlirimtare të Kosovës, në luftën për çlirimin e trojeve të pushtuara.

vazhdon

[Zero Cool]

“Zëri i Kosovës“, organi i LPK-së, në mënyrë të vazhdueshme ka propaganduar luftën çlirimtare, ka propaganduar aksionet çlirimtare të UÇK-së dhe e ka sqaruar popullin se këto aksione nuk bëhen nga Serbia, siç manipulojnë legalistët e Kosovës, se Serbia nuk ka nevojë të luftojë kundër vetëvetes, se këto aksione nuk janë terroriste, siç akuzojnë pushtuesit forcat legale të Kosovës dhe shtypi legal, por ato janë aksione çlirimtare. Lufta për liri nuk është terrorizërn, por është obligim dhe nder i madh i çdo qytetari, shkruante “Zëri i Kosovës“. “Zëri i Kosovës“ u bëri jehonë aksioneve të lirisë dhe thirri kurbetçinjtë dhe gjithë shqiptarët që të mobilizohen në ndihmë ushtarëve të lirisë. Një ushtri e cila lufton për liri ka nevojë për ndihma financiare morale dhe materiale.

Mjetet tjera të informimit( që i kontrollonte Rugova - vërejtja ime tarasi) bënë një dezinformim sistematik për veprimtarinë çlirimtare. Në fillim kishin detyrën që të gënjejnë opinionin se sulmi në objekte të pushtuesit dhe vrasjet e policëve dhe ushtarëve të pushtuesit nuk i bëjnë shqiptarët por vetë serbët. Me arsyetim se shqiptarët nuk kanë motive për këtë, por serbët, që të kenë pretekst për të shtuar dhunën dhe terrorin në Kosovë.

Të gjithë e dinë se Kosova është e pushtuar dhe Serbisë më së paku i konvenon një rebelim në Kosovë. Por kjo propagandë bëhet e qëllimtë që në popull të mbillen iluzione se Kosova nuk është e tëra e pushtuar, sepse liria e Kosovës sipas tyre matet me kutin e ekzistimit të sistemit paralel të Rugovës, por pushtimi i tërë i saj do të mund të provokohej përmes aksioneve "enigmatike".

Deri më tani komunikatat e Ushtrisë Çlirimtare të Kosovës arrijnë numrin 40. Përmes këtyre komunikatave opinioni ynë dhe ai ndërkombëtar njoftohet për likuidimin e policeve dhe ushtareve serbe, sulmet në objektet ushtarako policore te pushtetit okupues serb dhe per likuidimin e kolaboracionisteve

Likuidimin e policëve dhe ushtarëve serbë, sulmet në objektet ushtarako policore të pushtetit okupues serb dhe për likuidimin e kolaboracionistëve shqiptarë. Në këto 40 komunikata nga të cilat del se janë kryer me qindra aksione (pasi që ka ndonjë komunikatë që njofton edhe për kryerjen e 10 aksioneve njëherësh), Serbisë ose do t'i kishin mjaftuar si pretekst për të filluar luftën në Kosovë, ose ajo kurrë nuk do ta bëjë këtë gjë. Kur i dëgjon legalistët e Kosovës, të krijohet përshtypja se Kosova do të çlirohet nga aksionet "enigmatike" përmes të cilave Serbia i vret policët dhe bashkëpunëtorët e vet vetëm e vetëm për të krijuar pretekst për të maltretuar shqiptarët, mirëpo ç't'i bësh se Serbia ende nuk po gjen pretekst për këtë punë!

Në këtë libër lexuesi do të ketë mundësi të gjejë se çfarë qëndrimi mbajtën politikanët shqiptarë për luftën çlirimtare dhe çka deklaruan ata për UÇK-në. Të mbash qëndrim të drejtë e të guximshëm ndaj UÇK-së do të thotë të mbash qëndrim të drejtë ndaj luftës çlirimtare në Kosovë, do të thotë t'u qëndrosh besnik interesave të popullit i cili lufton për liri e pavarësi.

Gafurr Elshani

Janar 1998

( Autori ka qenë pjesmarrës në Mbledhjën në të cilën u vendosë për emërtimin e UÇK-ës dhe është ideatori i stemës së ushtrisë, çfarë e njohim që të gjithë),,,

[Zero Cool]

Autori për botimin e dytë
Pa kaluar as një muaj nga dalja prej shtypit të librit „Ushtria Çlirimtare e Kosovës (Dokumente dhe Artikuj), për shkak të interesimit të madh për të, është bërë ribotimi i tij.
Botimi i dytë pasurohet me disa plotësime dhe risi: për herë të parë bëhen publike Komunikata nr. 13 e UÇK-së, si dhe plotësimi edhe me 5 komunikatat e fundit të Ushtrisë Çlirimtare të Kosovës (deri në mars) të cilat u lëshuan në kohën në mes të dy botimeve. Domosdoshmëria e botimit të këtyre komunikatave u bë edhe më e madhe kur kihej parasysh fakti se mu në kohën e kulmit të afirmimit të Ushtrisë Çlirimtare të Kosovës, në kohën e qëndresës heroike që u bë nga ana e saj kundër forcave serbe, së bashku me banorët e zonës së Drenicës, në kohën kur kishte më së shumti nevojë ajo për përkrahje, ndihma dhe informim në popull, Qeveria e Kosovës, së bashku me ministrin e informatave, japin urdhër që të ndërpritet informimi rreth UÇK-së, si dhe emitimi i komunikatave të lëshuara për opinion nga Shtabi i saj i Përgjithshëm. Kjo mbase është bërë edhe me kërkesën e ndonjë qendre të vendosjes politike perëndimore, mirëpo objektivisht, qëndrime të tilla bien ndesh me të drejtën legjitime të popullit shqiptar për të bërë luftën e vet çlirimtare në pajtim me kartën e OKB-së mbi të drejtën e kombeve për vetëvendosje. Ky ribotim është plotësuar edhe me intervistën e Rugovës dhënë gazetës gjermane Der Spiegel, në të cilën ai vazhdon në mënyrë cinike të mohojë ekzistencën e UÇK-së, por edhe të mbjellë dyshime duke deklaruar se „është i bindur për involvimin e shërbimit sekret serb në këtë çështje“. Dhe kjo bëhet kur UÇK-ja është duke luftuar në Drenicë, kur populli shqiptar anekënd botës i vihet në përkrahje të hapur UÇK-së, kur përfaqësuesi i presidentit Klinton për Ballkanin, Robert Gelbard, deklaron se UÇK-ja nuk gjendet në listën e organizatave terroriste, ndërsa Janosh Bugajski, analist i shquar i politikës amerikane për Ballkanin, deklaron se lufta e UÇK-së është në përputhje të plotë me konventat ndërkombëtare të luftës. Tani nga Ushtria Çlirimtare e Kosovës, realisht ndjehet e rrezikuar jo vetëm udhëheqja serbe, e cila po ndjek një politikë kriminale, edhe në raport me popullin e vet, ndaj zgjidhjes së problemit të Kosovës, por edhe institucionet e ashtuquajtura paralele të Kosovës, sepse ato mund të jenë të tilla (paralele) vetëm përderisa të jetë ende Serbia në Kosovë, sepse me dëbimin e Serbisë nga Kosova do të shkojnë edhe institucionet paralele, edhe politika që i prodhoi këto institucione me gjithë bartësit e tyre. Këmbëngulja e udhëheqjes politike të Kosovës në kursin e politikës së deritashme nuk mund të kuptohet ndryshe përveçse si një tendencë për likuidimin politik të UÇK-së, për shkëputjen e saj nga populli dhe për lehtësimin e punës për forcat serbe drejt likuidimit fizik të saj.
Prandaj në këtë kuadër duhet kuptuar edhe bllokada informative, edhe mbjellja e dyshimeve në shërbimet sekrete mbi UÇK-në, por edhe përpjekjet e kota të Serbisë për
likuidimin fizik të UÇK-së.
UÇK-ja nuk mundet dot në planin ushtarak përderisa në planin politik po triumfon gjithnjë e më tepër vija politike e luftës çlirimtare deri në pavarësinë e plotë të popullit shqiptar.
mars 1998 Aarau
Gafurr Elshani

[Zero Cool]

RILINDJA 27.05.1992
KONFLIKT I ARMATOSUR NË LESHAN TË PEJËS U VRA NJË QYTETAR SHQIPTAR DHE NJË MILIC
U vra Tahir Lush Berisha, 23 vjeçar nga Leshani i Pejës dhe milici Sllavolub Bogosavleviq, 25 vjeç dhe u plagos rëndë milici tjetër Branisllav Çekerliq.- Pos arrestimit të nënës së Tahirit dhe vëllëzërve e kushërinjve të tij u arrestuan dhe u maltretuan edhe shume qytetarë të tjerë që nga Kliqina e deri në Pejë.- Çfarë do të ketë qenë nata e mbrëmshme në këtë fshat e rajon, kur ai mbeti i rrethuar nga forca të mëdha policore e në anën tjetër dëshmitarët thonë se serbët e vendbanimeve përreth janë mobilizuar dhe po armatosen?- Këtë fshat dje e vizitoi edhe senatori belg Wili Keppers dhe veprimtarët kosovarë Leshani i Pejës, dje, pas konfliktit të armatosur që, siç thonë dëshmitarët, po edhe komunikata e milicisë serbe, ndodhi parmbrëmë rreth orës 3 pas mesnate, ku u vra Tahir Lush Berisha, 23 vjeç, arsimtar i artit nga Leshani dhe milici Slavolub Bogosavleviq, 25 vjeç, nga Poterçi i Klinës, si dhe u plagos rëndë milici tjetër Branislav Çekerliq (që të dy milicë në stacionin e milicisë në Kliqinë afër Pejës), i ngjante ferrit. Në orën 11, kur ekipi i reporterëve të „Rilindjes“ arriti në Leshan, aty vërehej një qetësi varri. Në rrugët e fshatit nuk kishte njeri të gjallë e as milicë. Atmosferë e tillë ishte në këtë kohë edhe në fshatrat përreth dhe gjendja e tendosur vërehej deri në Pejë. Ishte vështirë të gjendej njeri dhe për rrëfim. Pas shumë bredhjeve dhe kontaktit të parë me
banorët e fshatit, arritëm të mësojmë se ngjarja ndodhi, dje në mëngjes, kur siç sypozohej, i ndjeri kthehej në shtëpi nga vendi i votimeve, ku ishte bërë numërimi i votave të zgjedhjeve të sapo përfunduara në Kosovë. Askush nuk di si filloi dhe si u krye kjo ngjarje tragjike. Vendësit thonë se kanë dëgjuar krisma armësh, pas të cilave nuk u është lejuar të dalin nga shtëpitë. Deri në ora 8 të mëngjesit, policia e ka mbajtur të rrethuar fshatin, ndërsa më vonë ka filluar hyrja e policisë nëpër shtëpi, arrestimet, maltretimet e rrahjet. Me këtë rast, sipas fjalëve të dëshmitarëve, pas bastisjes së
shtëpisë së të ndjerit, milicët arrestuan nënën e të vrarit, Shkurte Berishën-70 vjeç dhe dy djemtë e saj Skënderin, 30 vjeç dhe Maxhunin 20 vjeç. Pos këtyre u arrestuan edhe mixha i viktimës, Murati, 67 vjeç dhe djemtë e tij Shaqiri dhe Enveri 27 vjeç dhe Fadili 23 vjeç. Pas këtij arrestimi, kushërinjët dhe fqinjët e Tahir Lush Berishës deshën të organizojnë pritjen për ngushëllime, mirëpo, arriten 4 autoblinda, 8 vetura të ndryshme të mbushura me policë, të cilët ndërhynë në shtepinë e Idriz Xhemajlit, ku ishte organizuar pritja e ngushëlluesve dhe me atë rast rrahën rëndë të zotin e shtepisë, pastaj Ali Osmanin, 70 vjeç, Nimon Sylejmanin, invalid 65 vjeç, Malë Ramadanin 65 vjeç, Ramush Berishën 72 vjeç, Shaban Muzlinë 40 vjeç, dhe Ali Krasniqin 27 vjeç. Ramush Berisha, mixha i të ndjerit tregon se pas rrahjeve dhe sharjeve e fyerjeve verbale në dinjitetin familjar, policia u kërcënua se nuk guxon të organizohet e pamja.
Y. Avdiu / B. Zogiani


2.10.1992 RILINDJA
PARMBRËMË NË STACIONIN E AUTOBUSËVE TË GLLOGOVCIT NGA BRESHËRIA E AUTOMATIKËVE TË POLICISË SERBE U VRA NJË POLIC
Gllogovc, 1 tetor
Mbrëmë, aty rreth orës 20,30 minuta, para derës së ëmbëltores „Bleta“, që ndodhet në lokalet e „Kosovatransit“ të Gllogovcit, nga breshëria e automatikëve mbetet i vdekur në vend një polic serb, (merret vesh se polici i vrarë ishte Miroslav Vuçiqeviqi, një tjetër plagoset rëndë në gjoks, kurse rojtari i „Kosovatransit“ Hafir Ferizi, nga katundi Fushticë e Poshtme, dhe pronari i ëmbëltores „Bleta“, Jahir Seferi, u plagosen lehtë. Sipas dëshmive të shoferit dhe kondukterit të „Kosovatransit“, të cilët pak para aksidentit
arrijnë me autobus nga Malisheva, derisa Hafir Ferizi, rojtar, ishte duke treguar vendin e
zbrazët për ta parkuar autobusin, nga ëmbëltorja „Bleta“ dalin dy policë serbe dhe
papritmas dëgjohen të shtëna të automatikëve. Policët shtinë në njëri-tjetrin. Me këtë rast në vend mbetet i vdekur njëri polic serb, e tjetri plagoset rëndë në gjoks, kurse roja Hafir Ferizi plagoset në ije. Nga breshëritë e plumbave të automatikut goditet ëmbëltorja dhe brenda në të qëllohet pronari i saj Jahir Seferi me një plumb mbi gju. Plumbat goditën edhe tre autobusë që gjendeshin të parkuar para dyerve të lokaleve të „Kosovatransit“. Të gjithë të plagosurit janë vendosur në Klinikën Kirurgjike të Fakultetit të Mjekësisë në Prishtinë dhe sipas njoftimeve jeta e dy shqiptarëve nuk është në rrezik.
Po ashtu, sipas dëshmive, merret vesh se në çastin kur ndodhi kjo ngjarje tragjike në oborrin e kësaj organizate të udhëtarëve, pos rojes, shoferit e kondukterit që erdhën me atë rast nga Malisheva, nuk u gjend asnjë udhëtar as personel tjetër i „Kosovatransit“. Sipas deklaratave të qytetarëve menjëherë pas ndodhjes se këtij aksidenti u bllokuan
relacionet e rrugëve Komoran e Skenderaj, por pati edhe arrestime të qytetarëve të rastit, që gjendeshin në udhëtim. Edhe pse sot në Gllogovc ishte ditë tregu, të gjitha rrugët që shpien për në këtë qytezë janë nën kontroll të vazhdueshëm nga policia serbe, por edhe të bllokuara, e në oborrin e „Kosovatransit“ që në orët e hershme të mëngjesit gjenden pizgauerë, autoblinda dhe nja 60 policë të armatosur. I tërë Gllogovci, derisa po dërgojmë këtë raport, është bllokuar, por maltretime të qytetarëve të rastit në rrugë nuk ka. Mirëpo, dendur vërehen lëvizje policësh nëpër katunde përreth kësaj ane.
Sipas të dhënave të Këshillit për Mbrojtjen e të Drejtave dhe Lirive të Njeriut në Prishtinë dje rreth orës 9 nja 60 policë me një pizgauer, dy autoblinda, tre „landroverë“, një „Ladakarvan“ dhe me qenin hulumtues bastisën shtëpi e po maltretojnë banorët e fshatit Shtrubullovë. Policia mori Haxhi Musliun, Enver Sahitin dhe Naim Ymerin te këtij fshati. Ka njoftime se po bastisen edhe fshatra të tjera dhe se policia po arreston shumë shqiptarë.
R. GREIÇEVCI

[Zero Cool]

ZËRI I KOSOVES Nr.6, 1.5.1993
KONKLUZAT E MBLEDHJES KONSULTATIVE TE LPRK-së MBAJTUR NE PRILL 1993
TË FORCOHEN AKSIONET ÇLIRIMTARE POPULLORE NË KOSOVË
Kombi shqiptar aktualisht gjendet në fazën më të rëndë të historisë së tij. Përveç që ra nën një okupim më të rëndë ai u nda midis shteteve të Ballkanit të dala nga ish-Jugosllavia. Këtë pushtim të ri e sanksionuan edhe organizmat ndërkombëtarë.Çka është më e keqja,partitë politike në vend që të marrin qëndrim të drejtë dhe të ndryshojnë mënyrën e veprimit të tyre, të vetëdijshëm apo pa i menduar pasojat, u pajtuan me „zgjidhjet“ e përcaktuara nga të huajt dhe si forma te veprimtarisë edhe më tutje i kanë përcaktuar format pacifiste; ato forma që çuan te pushtimi edhe më i egër. Në anëntjetër kemi një lëvizje dhe pakënaqësi të madhe të masave me gjendjen e krijuar, e cila me siguri do të intensifikohet në të ardhmen për të arritur në mënyrë të pashmangshme deri te përleshja e armatosur me armikun. Nga kjo situatë e krijuar dalin detyra konkrete para organizatës. Mbi këtë bazë propozojmë që nga MK të dalin këto vendime erezoluta:
I
Të përgatiten dhe të zhvillohen veprimtari për të çliruar vendin tonë të pushtuar, duke filluar me aksione popullore: demonstrata, greva, protesta, aksione konkrete në përputhshmëri me format qytetare të rezistencës të shtrira në gjithë hapësirën shqiptare. Ato duhet të jenë të organizuara, të kohës dhe të kryhen me disiplinë të rreptë.
II
Kur dihet se LPRK-ja në Kosovë dhe jashtë vendit ruan në vete përvojën e aksioneve kombëtare kundër pushtuesve dhe se anëtarët e saj janë të gatshëm që të punojnë e luftojnë deri në çlirimin e vendit , del si detyrë forcimi organizativ i LPRK-së. Kjo nuk duhet parë ngushtë, vetëm si çështje të forcimit të një subjekti politik, por duhet kuptuar si detyrë që çon drejt forcimit të rezistencës aktive gjithëpopullore dhe krijimit te frontit çlirimtar.
Kjo shtron si detyrë para çdo anëtari të veprojë me përpikmëri sipas Programit, Statutit dhe vendimeve të organizatës. Të rritet disiplina, gatishmëria, vigjilenca dhe fryma e veprimit konkret, në mënyrë që kështu të kontribojmë së bashku në këtë çështje të madhe kombëtare.
MBLEDHJA KONSULTATIVE E LËVIZJES POPULLORE TË REPUBLIKËS SE KOSOVES
Prill, 1993 Kosovë




24 maj 1993 RILINDJA
SHTETRRETHIM NË GLLOGOVC DHE NË ANË TJERA TË DRENICËS
Gllogovc, Prishtinë, 23 maj

Gllogovci, qytet i Drenicës, është në shtetrrethim të forcave policore serbe, informoi sot në mëngjes korrespondenti ynë, i cili në atë moment nuk kishte të dhëna më të plota, sepse terreni ku po zhvilloheshin ngjarjet ishte tërësisht i bllokuar nga forcat serbe. Raportet që vazhduan të na arrijnë në redaksi, si dhe në Qendrën për Informim të Kosovës dhe në Këshillin për Mbrojtjen e të Drejtave dhe lirive të Njeriut me seli në Prishtinë, njoftonin se policët bastisnin, legjitimonin e maltretonin njerëzit, kontrollonin të gjitha veturat që kalonin andejpari, ndërsa askujt nuk i lejohej depërtimi në qendër të qytetit të Gllogovcit. Raportet e para njoftuan edhe se rreth orës 8 e 30 minuta
policia serbe ka filluar një bastisje frontale në Çikatovë të Re, . . . . . .
Pretekst për shtetrrethim, siç u mor vesh edhe më vonë, ishte ngjarja e mbrëmshme në Gllogovc, ku sipas asaj që njoftuan sot mjetet serbe të informacionit „nga pusia janë vrarë dy policë e pesë policë të tjerë janë plagosur“. Për këto vrasje dhe plagosje pushteti serb duket se me çdo kusht fajin do t’ua hedhë shqiptareve, edhe pse sipas njoftimeve që na kanë arritur nga shumë burime në redaksi nuk ka të dhëna të hollësishme për rrethanat në të cilat ndodhën ato.
Qendra për Informim e Kosovës në njoftimin që e dha rreth mesditës thekson se sipas informatave të pavërtetuara, për shkak të ndërprerjes së qarkullimit nga Gllogovci dhe për në Gllogovc, incidenti ka mundur të ndodhë edhe në mesin e vetë policëve. I njëjti burim i informimit njofton se mbrëmë prej orës 23 e deri në orën 23 e 20 minuta në qendrën e Gllogovcit ka pasur shumë të shtëna me armë të llojllojshme. Dëshmitarët thonë se në atë kohë disa autoambulanca kanë udhëtuar nga Gllogovci për në drejtim të
Prishtinës. Në ndërkohë, në Gllogovc dhe në hyrje-dalje të këtij qyteti janë vendosur forca të mëdha të policisë serbe. Kalimtarët e rrallë në këto orë të vona që janë zënë nga policia janë rrahur e keqtrajtuar. Dëshmitarët e rastit pohojnë se mbrëmë në vendin ku ndodhi ngjarja nuk ishin parë forca të mëdha policore e disa prej tyre thonë se në ato orë të vona të natës kanë dëgjuar të shtëna rafale dhe sporadike rreth vendit ku kyqezohet hekurudha dhe rruga automobilistike, afër Gllogovcit dhe se këto të shtëna janë dëgjuar edhe përgjatë rrugës deri te stacioni i policisë…
Mbi Gllogovc e fshatra të tjera, po edhe mbi Prishtinë, pati fluturime të helikopterëve. Nga fshati Krajkovë njoftohet se shumë banorë të kësaj ane për t’iu shmangur dhunës janë strehuar në Bjeshkën e Kosmaqit. Dëshmitarët pohojnë se policia serbe bëri bastisje të mëdha edhe në Llapushnik, Potërk, kurse rrugëve nëpër Gllogovc e Shtrubullovë u maltretuan shumë njerëz. Ismet Isufi e Idriz Buzaku, të cilët i takuam duke u kthyer nga stacioni i policisë, filluan të qajnë të tmerruar nga skenat rrëqethëse që kishin përjetuar e parë në stacion. Ata me lotë në sy na thanë: Stacioni i policisë është përplot me njerëz të Çikatovës së Vjetër, të Shtrubullovës e Krajkovës, të cilët po rrahen brutalisht nga policia serbe edhe pa u pyetur fare. Drejtori i Shtëpisë së Shëndetit Sadik Zekaj, që posa u lirua pas qëndrimit disa orësh në stacion, tha: „Më mirë të na kishin vrarë se çka na bënë e po na bëjnë“. Kjo deklaratë flet qartë se policia serbe është sulur mbi njerëzit tanë atje pa kurrairë mëshire. Sipas dëshmitarëve, në stacion sheh njerëz të përgjakur, me dhëmbë të thyer, me gojë të shqyer e me sy të përgjakur, nga goditjet e forta të policëve me gjësende të forta, shqelma e shkopinj gome.

[Zero Cool]

26.05.1993 RILINDJA

REAGIMET SERBE NDAJ RASTIT NË GLLOGOVC

Mjetet serbe të informimit dhe disa organizata pas incidentit në Gllogovc, ku siç thuhet u vranë dy e u plagosën pesë serbë, kërkojnë radikalizim dhe ashpërsim të masave të pushtetit serb ndaj shqiptarëve.
Gjatë ditës së djeshme reaguan disa organizata politike e shoqata të ndryshme serbe në
Kosovë dhe në Serbi. Mjetet radiodifuzive, sidomos ato në Kosovë, u dhanë hapësirë të
madhe këtyre reagimeve, ndërsa me fotografi u transmetuan edhe storje nga varrimi i policit nga një fshat i Novobërdës. Gazetat e sotme serbe, pa përjashtim, sjellin reagimet më të rrepta të organizatave të ndryshme politike serbe, ndërsa gazetarët serbë komentojnë këtë incident. Ndonëse Ministria për Punë të Brendshme e Serbisë, në një komunikatë që u shpall dje, dënoi incidentin dhe e kualifikoi atë si akt terrorist, pa cilësuar palën që ka mundur ta bëjë këtë, partitë politike serbe dhe gazetarët, pothuaj në të gjitha rastet, konstatojnë pa kurrfarë rezerve se fjala është për një akt terrorist të „separatistëve shqiptarë“. Këto reagime dhe komente duken si të dirigjuara nga një qendër, e cila sikur ua ka ndarë rolet organizatave dhe gazetarëve. Këshilli qarkor i Partisë Socialdemokrate të Serbisë, akuzon autoritetet serbe për mosnjohje të rregullave të demokracisë, pastaj, siç thuhet „në shtetin e vet po i kultivon liderët shqiptarë dhe partitë që u bëjnë thirrje të hapur bashkëkombasve të tyre për terrorizëm“. Dega e kësaj partie, sipas gazetës „Borba“, kërkon që të pritet në rrënjë terrorizmi i ekstremistëve shqiptarë. Shoqata „Postojbina“, reagoi duke i dërguar një letër Butros Galit dhe autoriteteve serbe në Beograd. Rastin e Gllogovcit, siç njofton „Borba“, kjo shoqatë e konsideron si „vazhdim kontinuel të sulmeve në shtetin e Serbisë“. Galit i tërhiqet „vërejtja e fundit lidhur me shetitjet gjithnjë e më të shpeshta të delegacioneve të ndryshme dhe të institucioneve ndërkombëtare, qëndrimi i të cilave në këtë hapësirë është vetëm në funksion të secesionit shqiptar dhe të zgjerimit të konflikteve të armatosura edhe në Kosovë“. Pasi kërkojnë nga autoritetet serbe ndërmarrjen e
masave kundër krerëve të secesionizmit shqiptar, siç thonë ata, ata kërcënohen se „do ta marrin situatën vetë në dorë“. Ndërsa lideri i Partisë së Ripërtritjes Popullore serbe, Mirko
Joviq, siç njofton gazeta e sotme „Veçernje Novosti“, ka kërkuar dje në një konferencë për gazetarët në Beograd, aplikimin e rreptë të orës policore në Kosovë, kufizim të lëvizjes së njerëzve, mbrojtje përpasurinë e kishës dhe mobilizim plotësues të forcave policore dhe ushtarake. Ai, po ashtu ka kërkuar ndalimin e veprimtarisë së partive politike shqiptare në Kosovë.
Në frymën e këtyre reagimeve, janë edhe komentet e gazetave.
Kështu, në një koment të gazetës „Borba“ thuhet „në luftën e pashpallur në Kosovë zhvillohet lufta në mes terroristëve shqiptarë dhe policisë serbe… Është e qartë se Kosovën po e rrezikojnë secionistët shqiptarë me këso dhe akte të ngjashme terroriste…
Është, po ashtu e qartë, se vetëm me polici gjendja në Kosovë nuk mund të rregullohet“.
Në një reagim të Lëvizjes së Ripertëritjes serbe, që udhëhiqet nga Vuk Drashkoviqi, lidhur me rastin në Gllogovc thuhet: „Në Kosovë ranë viktimat e para, hetimet do të tregojnë se kush janë vrasësit, por pavarësisht nga kjo, dihet me siguri që Shesheli po punon intenzivisht që disa muaj në përgaditjen e luftës në Kosovë. Njerëzit e tij, kanë marrë urdhër për të kidnapuar njerëz, për të realizuar aksione terroristike dhe atentate në serbët, në policinë dhe në ushtrinë serbe me qëllim të ndezjes së barotit në Kosovë“.
Kjo deklaratë vetëm vërteton atë që shihet fare qartë në reagimet e organizatave dhe
shoqatave ekstreme serbe. Ato sulmojnë policinë për paaftësi dhe bëjnë thirrje për gjendje ushtarake. Në këtë mënyrë rasti i Gllogovcit, atyre u shërben për qërimin e hesapeve dhe të konfrontimeve të brendshme politike, të cilat kanë arritur deri në piramidën më të lartë shtetërore dhe ushtarake.


28.05.1993 RILINDJA

„Le Nouveau Quotidien“

ZJARRI TJETËR BALLKANIK
Çfarë ndodhi në të vërtetë të shtunën në mbremje në
Gllogovac (Gllogoc në shqip)?
Dy policë serbë u vranë dhe pesë të tjerë u plagosën në këtë fshat të Kosovës, në perëndim të Prishtinës. Radio Beogradi pohon se ata kanë rënë në një pritë të ngritur nga „terroristët“ shqiptarë.
„Ne do të humbim gjithçka po të fillonim sot luftën e armatosur, thotë Xhafer Shatri, ministri i Informacionit i Republikës së vetëshpallur të Kosovës, që banon në Gjenevë. Ai i përgjigjet kështu zërave të paverifikueshëm sipas të cilëve çështja e Gllogovcit ishte shkaktuar nga një provokim i ultraserbëve të Vojisllav Sheshelit, të cilët përpiqen që të shpërthejë lufta në Kosovë, për t’i dëbuar shqiptarët në masë (90 për qind e popullsisë). Pas batareve të pushkëve policia serbe bëri arrestime të shumta në fshatrat e rajonit.

[Zero Cool]

RILINDJA 5.07.1993
PAS PLAGOSJES SE POLICËVE NË HYRJE TË VITOMIRICES SË PEJËS AKSION BASTISJESH, RRAHJESH DHE ARRESTIMESH TË SHQIPTARËVE

Pejë, 4 korrik

Mbrëmë, rreth mesnatës, në udhëkryqin e rrugës për në Mitrovicë dhe Radavc, në të hyrë të Vitomiricës, u shkaktua një eksplodim, me ç’rast pësuan lëndime trupore milicët Zharko Batkoviq, i cili u dërgua menjëherë në Prishtinë dhe Vladimir Nikçeviq, i cili është i shtrirë në Spitalin e Pejës. Sipas mjeteve serbe të informimit, milicët u plagosën nga bomba, të cilën persona të panjohur e paskan hedhur në afërsi të qoshkut kujdestar të
milicisë.
Ky rast, për të cilin ende nuk dihet se si ka ndodhur me të vërtetë, i shërbeu milicisë serbe që të ndërmarrë një varg aksionesh ndëshkimore kundër popullatës shqiptare dhe muslimane. Sot, që nga orët e hershme të mengjesit, filluan bastisjet në Vitomiricë, Pejë, Katundi i Ri, Nabërgjan, Fushë të Pejës, Qyshk etj. Derisa po raportojmë, forca të mëdha të policisë janë përqëndruar në afërsi të shkollës dhe disa shtëpive që ndodhën aty afër. Sipas të dhënave që i mblodhëm deri më tani, u bastis familja e Numan Baliqit, kryetar i PAD-it, i cili edhe u mor në polici dhe u rrah, dhe e Hysen Prelukaj, nga Vitomirica veprimtar, të cilit sot ditën e dasmës ia rrahën babanë dhe e morën flamurin.
Ndërkaq, në katundin e Ri u bastis familja e Isë Muçollit, kurse në Nabërgjan ajo e Imer Dreshajt, të cilit ia rrahën djemtë, Hakiun, Muharremin, Hysenin, Hasanin dhe Xhavitin. Në Pejë u bastisën familjet e Hysen Kurtit, Ali Gashit, Din Grabocit, Selim Rugovës, të ndjerit Mikel Markut, i cili pat vdekur nga të rrahurat e policisë, me ç’rast ia kërkuan djemtë Ludvikun dhe Kristën. Poashtu u bastisën familjet e mulla Ragip Dautajt, të cilin e morën së bashku me dy djemtë. Pastaj, familja e Ymer Nezirit, të cilin nuk e gjetën në shtëpi, por ia lanë porosinë që të paraqitet së bashku me djalin e tij Albanin. Me këtë rast, policia mori edhe kalimtarët e rastit Sehit Turjakën, Ramiz Pupovcin dhe Haki Locin, që u mbajtën rreth një orë e më vonë u liruan. Poashtu, nga shtëpia e vet u mor në polici Faik Jasiqi, ishpunëtor i policisë, e në rrugë u rrah Sadik Kastrati, si dhe kalimtarë të shumtë të tjerë që qarkullonin në drejtim të vendit ku ka ndodhur rasti.


24.07.1993 RLINDJA

PAS PLAGOSJES NË RRETHANA MISTERIOZE TË TRE MILICËVE DJE NË PRIZREN, U ARRESTUAN E U MALTRETUAN SHUMË QYTETARË SHQIPTARË

Prizren, 23 korrik

Prizreni sot gdhiu në një shtetrrethim të hekurt. Forca të shumta të milicisë, të armatosura deri në dhëmbë, që në orët e hershme të mëngjesit rrethuan tërë qytetin dhe kishin bllokuar të gjitha hyrjedaljet. Sipas informacioneve që arritën sot në KMDLNJ të Prizrenit dhe Komisionin për informim të LDK, sot rreth ores 2 pas mesnate, në afërsi të SPB-së janë dëgjuar të shtëna armësh dhe vetëm pas disa minutash krisma armësh janë dëgjuar edhe në afërsi të rrugës që e lidh rrugën “Bihaqi“ me pjesën e djathtë të qytetit, matane lumit Bistrica. Sipas asaj që kanë parë sot qytetarët dhe në bazë të deklaratave të tyre në këtë pjesë të qytetit, menjëherë pas kësaj, u bllokuan të gjitha
rrugët me pretekst se në këtë pjesë ishin plagosur tre milicë, dy prej të cilëve rëndë,
kurse njëri më lehtë. Sipas informacioneve që kanë arritur deri tash, në rrethana misterioze u plagosën milicët Vukomir Vuksanoviq, i cili është i lënduar në pjesën e epërme të gjurit dhe të këmbes, si dhe Bajram Gashi, me përkatësi rome, të cilët gjenden të shtrirë në repartin Kirurgjik të Spitalit të Prizrenit. Ndërkaq, milicin e tretë të plagosur nuk dihet se në ç’drejtim e kanë nisur.

Deri në orën 12 të ditës në pjesën ku kishte ndodhur ky rast, i cili mbetet ende enigmatik, nuk ka punuar asnjë lokal privat dhe zyra e avoketërve dhe lokalet e tjera, sepse milicia serbe i kishte bllokuar të gjitha ato dhe kishte urdhëruar të mbyllen. Në këtë pjesë qe ndaluar edhe qarkullimi i qytetarëve, kurse në kohën kur po raportojmë rreth ores 16 forcat e milicisë kanë filluar të tërhiqen nga kjo pjesë e qytetit mirëpo edhe më tej kontrolli në disa punkte të qytetit po vazhdon.
Në KMDLNJ edhe më tej po vazhdojnë të arrijnë informacione të reja lidhur me valën dhe dhunën që po ushtrohet mbi qytetarët e pafajshëm pas këtij rasti të dyshimtë e misterioz që ndodhi në orët e herëshme të mëngjesit në këtë qytet.

[Zero Cool]

27.07.1993 RILINDJA

QË NGA ORËT E MËNGJESIT NGA POLICIA SERBE SEKIRAQA U GJEND NË SHTETRRETHIM

Podujevë, 26 korrik

Sekiraqa, fshat në afërsi të Podujevës, sot ishte në shtetrrethim të plotë nga forca të mëdha të policisë serbe. Shkak i këtij shtetrrethimi, siç pohojnë qarqet zyrtare serbe në mjetet e informacinit serb, na qenka një eksces që paska ndodhur mbrëmë në orët e vona të natës, me ç’rast janë dëgjuar të shtëna automatiku dhe se qenka plagosur një polic serb. Ky ishte pretekst që të shtohet vala e dhunës dhe e represionit brutal mbi popullsinë fshatare dhe të rrethohet Sekiraqa me disa lagje përreth, të bastisen shumë familje shqiptare e të futen në arrest mbi 20 veta. Në KMDLNJ thonë se shtetrrethimi u bë në orën 7,30 minuta, ku morën pjesë mbi 100 policë dhe një autoblindë dhe me këtë rast u bënë bastisje të shtëpive dhe kontrollime të rrepta… Në Podujevë sot është gjendje tejet e tendosur. Në udhëkryqin e parë në afërsi të policisë është vendosur autoblinda. Po bëhen kontrollime në lokalet hoteliere, dhe po frekuentojnë në intervale të shpeshta kohore pizgauerë të mbushur me policë serbë. Sot u dukën duke fluturuar ulët edhe tre helikopterë. Në të gjitha nyjat rrugore të Podujevës e të rrethinës është shtuar kontrolli policor, kurse arrestimet edhe më tutje po vazhdojnë. Derisa po raportojmë ende nuk kemi informata të sakta se sa veta janë në polici, sepse ky numër nga çasti në çast po oscilon.
J. S


27.07.1993 RILINDJA

PAS PLAGOSJES SË TRE POLICËVE TË PREMTEN E SHKUAR NË PRIZREN, SHTOHET NUMRI I BASTISJEVE DHE I TË ARRESTUARVE

Prizren 26 korrik
Edhe katër ditë pas plagosjes së tre policëve të premten e kaluar në Prizren me ç’rast në rrethana ende të pandriquara, në orët e para të mëngjesit, u plagosën milicët Mirolub Antonieviq, Bajram Gashi, rom, dhe Vekomir Vuksanoviqi, në këtë qytet po vazhdon dhuna e raprezaljet mbi qytetarët e pafajshëm jo vetëm të këtij qyteti por edhe të rrethines. Te premten e shkuar, ditën kur ndodhi rasti, policia serbe me tërë brutalitetin e vet cenoi edhe integritetin e institucioneve fetare. Kështu, në mëngjes heret, derisa ishte bllokuar BL “Xhevdet Doda“ milicia pengoi edhe ritualin fetar të faljes së namazit dhe arrestoi të gjithë besimtarët e konfesionit mysliman të cilët ishin nisur për ta kryer këtë ritual fetar. Prej këtu, këta besimtarë u arrestuan dhe u dërguan në organet e policisë serbe ku u mbajtën për disa orë rresht.


27.07.1993 RILINDJA

INCIDENTI I KATËRT I PANDRIÇUAR

Ngjarja në afërsi të Podujevës është incidenti i katërt i pandriçuar ende gjatë dy muajve të fundit në Kosovë, të cilin polica serbe e shfrytëzon për fushatë të ashpër të represionit dhe dhunës kundër shqiptarëve, siç i shfrytëzoi ato më parë në Gllogovc, Pejë e Prizren.
Më 23 maj 1993, në afërsi të Gllogovcit, dy policë u vranë, kurse pesë të tjerë u plagosën - sipas policisë serbe në një pusi të organizuar nga nje grup i armatosur. Sipas autoriteteve serbe dhe mjeteve serbe të informimit, ky incident u cilësua si akt terrorist, terrorist, kurse kryes të këtij akti ishin “terroristët shqiptarë. Pasuan ekspedita të ashpra të policise serbe, ku qindra shqiptarë të këtyre rajoneve u burgosën, u rrahën, ndërsa dhjetëra prej tyre iu shkaktuan lëndime të rënda trupore. “Borba“ e 25 majit të këtij viti, shkruante se lideri i partisë opozitare serbe, Livizja e Ripërtëritjes Serbe, Vuk Drashkoviç, ka deklaruar se “Shesheli me muaj të tërë është duke bërë përgatitje për luftë në Kosovë. Njerëzve të tij u janë dhënë urdhëra të kidnapojnë njerëz, të ndërmarrin akte terroriste dhe të ndërmarrin aksione kundër vetë serbëve, policisë dhe ushtrisë serbe në mënyrë që ta ndezin barutin“. Në fillim të këtij muaji, natën mes tre e katër korrikut, ne Vitomiricë të Pejës, u plagosën dy policë serbë në rrethana që ende nuk janë ndriçuar. Mirëpo, sërish ky rast u përdor si shkas që policia të ndërmarrë një aksion të ashpër kundër shqiptarëve të kësaj ane. Policia serbe bastisi dhjetëra shtëpi, shumë banorë u rrahën dhe u maltretuan. Posaçërisht në shënjestër të policise serbe ishin ish-punëtoret shqiptarë. Javën e kaluar, më 23 korrik, në rrethana ende të pandriçuara u plagosën tre policë serbë në Prizren. Autoritetet serbe dhe mjetet e informimit nxituan që këtë rast ta cilesojnë si “akt terrorist“. “Jedinstvo“ (24 korrik) citon hetuesin e Gjykatës serbe të Qarkut në Prizren, Jugosllav Skenderin, i cili thote se “akti terrorist“ është kryer nga afërsia dhe policia shtiu me zjarr në sulmuesit të cilët arritën të ikin.
Me këtë rast dhjetëra shqiptarë u rrahën dhe u keqtrajtuan njofton Qendra për Informim e Kosovës.

[Zero Cool]

29.07.1993 RILINDJA

TERRORIZIMI I PARALAJMËRUAR

Ngjarja e parmbrëmshme në Podujevë, me ç’rast u plagos një polic serb në afërsi të
Podujevës, sipas informacioneve që dhanë mjetet serbe të informacionit, shënon incidentin e katërt me radhë gjatë këtyre dy muajve në Kosovë. Por, për çudi përkundër
pranisë së madhe të forcave policore në Kosovë, pos diskursit të caktuar politik të Serbisë kundër Kosovës dhe shqiptarëve që këto raste i kualifkon si “veprime terroriste“ të shqiptarëve, ende mbeten të pazbuluara. (...) Për kronistët e kohës, terrori që po bëhet mbi popullin shqiptar të Kosovës, nga policia dhe sistemi represiv serb gjoja në emër të kërkimit të “terroristëve“ ishte i paralajmëruar. Të shkojmë radhazi: Gjatë muajve të dimrit që lamë pas policia serbe në të gjitha viset e Kosovës, terrorizonte shqiptarët në emër të kërkimit të armëve, duke zbatuar praktikën e dhunës të viteve 1956-1957. Ndërkaq, në pranverë, ndërron taktikën dhe këtë terror e zbaton në emër të
luftës kundër “terrorizmit“. Më 23 maj 1993, në Gllogovc u vranë dy policë serbë dhe disa të tjerë u plagosën, menjëherë pas emitimit të këtij lajmi në ditarin e Televizionit të Serbisë, emitohet edhe deklarata e Zoran Liliqit, atëherë kryetar i Parlamentit serb, kurse tash kryetar i së vetëshpallurës Jugosllavi dhënë Radio Kragujevcit, ku pos tjerash theksoi se “grupe të ndryshme të interesave të ngushta dhe përfitues të luftës brenda Serbisë, dëshirojnë të nxisin konfliktin në Kosovë...“. Menjëherë pas kësaj deklarate të Liliqit, lideri i opozitës serbe V. Drashkoviqi në konferencën për gazetarët në Beograd
deklaron: “Shesheli me muaj të tërë është duke bërë përgatitjet për luftë në Kosovë. Njerëzve të tij u janë dhënë urdhëra të kidnapojnë njerëz, të ndërmarrin akte terroriste dhe të ndërmarrin aksione kundër vetë serbëve, policisë dhe ushtrisë serbe... “. Katër incidentet që ndodhën kohët e fundit në Kosovë, ku vdiqën dy policë dhe u plagosën disa sish, ku ende pa dhënë fjalën e tyre organet e hetuesisë i përcjell propaganda politike dhe informative se janë bërë nga “terroristët e separatistët shqiptarë“, flasin për zhvillimin e skenarit të paralajmëruar nga V. Drashkoviqi. Aktet terroriste në Kosovë, para disa ditësh i paralajmëroi edhe vetë presidenti i Serbisë Millosheviq, në deklaratën e tij dhënë për opinion pas takimit me delegacionin e Unionit Demokratik Evropian. Millosheviqi me këtë rast deklaroi “Përvoja e deritashme tregon se të gjitha konfrontimet, pa përjashtim, kanë qenë të provokuara ekskluzivisht nga ana e grupeve terroriste, prapa të cilave qëndron lëvizja separatiste shqiptare...“. Pas deklaratave te Millosheviqit,
ndodhi incidenti në Prizren, parmbrëmë në Podujevë, dhe të percjellë me propagandë nëpërmjet shtypit serb dhe kumtesave të PSS-së se këto janë veprime të “grupeve
terroriste shqiptare“. S’ka dyshim se propaganda e tillë serbe, në këtë moment ka dy qëllime, në njërën anë ta justifikojë dhunën dhe terrorin mbi popullin shqiptar në Kosovë në planin e brendshëm, kurse në atë diplomatik ta etiketojë lëvizjen demokratike shqiptare të Kosovës, e cila me mjete paqësore bën luftë për ta jetësuar shtetin e pavarur të Kosovës të shpallur në referendumin gjithëpopullor. Mirëpo imazhin e lëvizjes paqësore për pavarësi që krijuan në botë subjektet politike shqiptare të Kosovës Serbia dhe Milosheviqi, nuk do të mund ta rrënojnë, ajo ka arritur shkallë të lartë të afirmimit ndërkombëtar. (Z.GECAJ)


ZËRI I KOSOVËS Nr.14,
1.09.1993-
DEKLARATË POLITIKE E MBLEDHJES SË KATËRTË TË PËRGJITHSHME TË LPK-së ÇELËSI I ÇLIRIMIT TONË KOMBËTAR ËSHTË NË VEPRIMTARINË TONË TË GUXIMSHME KUNDËR PUSHTUESIT
( Pjesë nga Deklarata Politike )
. . . .
LPK rithekson edhe një herë se çelësi çlirimit tonë kombëtar nuk është as në Konferencat ndërkombëtare e as në rezolutat e panumërta, po në duart tona, në unitetin tonë dhe në veprimtarinë tonë të guximshme kundër pushtuesit.
LPK afirmon qëndrimin e njohur se përkundër forcës ushtarake e policore të pushtuesit serb, fitimtar do të dalë forca e popullit të organizuar dhe të vendosur në realizimin e vullnetit të tij për çlirim, jetësimin e Republikës së Kosovës dhe bashkimin e viseve të banuara me shqiptarë. LPK do t’i orientojë dhe do t’i vërë të gjitha energjitë dhe forcën tonë në shërbim të realizimit të këtij vullneti të popullit, pa realizimin e të cilit nuk ka asnjë perspektivë për popullin tonë.
LPK fton të gjitha forcat që janë të interesuara sinqerisht për çlirim, të kontribojnë për krijimin e frontit të përbashkët çlirimtar popullor.
LPK fton komunitetin ndërkombëtar ta njohë Republikën e Kosovës dhe të drejtën
e poullit të robëruar shqiptar për vetëvendosje.
(Kosovë, gusht 1993- MBLEDHJA E
KATËRT E PËRGJITHSHME E LËVIZJES
POPULLORE TË KOSOVËS)


ZËRI I KOSOVËS Nr.15, 15.09.1993

PROGRAMI I LËVIZJES POPULLORE TË KOSOVËS
(vetëm disa pjesë nga programi )
II
LPK është organizatë nacinal-çlirimtare e pjesës së robruar të kombit shqiptar nën Serbi, Maqedoni e Mal të Zi që ka për qëllim:
1. Çlirimin dhe formimin e shtetit të pavarur të Kosovës në bazë të parimit të vetëvendosjes.
2. Ndërtimin e shoqërisë së re, të lirë e demokratike, në përputhje me vullnetin e popullit. Pas çlirimit LPK do të angazhohet për zbatimin e dispozitave kushtetutare, ligjore e juridike të shtetit, dhe do të shqyrtojë pozicionin e saj në raport me jetën politike të vendit.
III
Për arritjen e aspiratave kombëtare, LPK do të përdorë të gjitha format e luftës çlirimtare: demokratike, paqësore e politike dhe të rezistencës së armatosur. LPK kombinon format ilegale dhe legale të veprimit në përputhje me rrethant dhe situatat
që krijohen. LPK është për formë popullore të luftës, ndërsa është kundër formave fashiste, raciste, anarkiste e terroriste të veprimit, por edhe kundër atyre ekskluzive pacifiste e kapitulluse.
. . . . . .
Me Kosovë nënkuptohen të gjitha viset e banuara me shumicë shqiptare nën Serbi, Maqedoni dhe Mal të Zi. (Kosovë, gusht 1993- MBLEDHJA E KATËRT E PËRGJITHSHME E LËVIZJES POPULLORE TË KOSOVËS)

[Zero Cool]

12.11.94 RILINDJA

MEDIUMET SERBE NJOFTOJNË PËR PLAGOSJEN E POLICIT TË SERBISË LUTFI AJAZI

Televizioni serb njoftoi parmbrëmë se më 9 nëntor në Gllogovc, rreth orës 23, u bë një sulm i armatosur kundër pjesëtarit të Ministrisë së Punëve të Brendshme të Serbisë, Lutfi Ajazit, i cili u plagos. Lidhur më këtë rast, gazeta serbe “Jedinstvo“ njofton: “ Atë natë, në afërsi të shtëpisë së Ajazit, u hap zjarr në veturën ku gjendej Lutfi Ajazi. Sulmin e armatosur e bënë nga prita tre persona tash për tash të paidentifikuar. Ajazi, i plagosur rëndë, gjendet në Klinikën kirurgjike në Prishtinë“. Në fund të njoftimit kjo gazetë shkruan: Është ky sulm i armatosur terrorist në pjesëtarët e Ministrisë së Punëve të Brendshme që supozohet të jetë vepër e separatistëve shqiptarë“. Edhe burimet e LDK-së në Gllogovc njoftuan për një incident, në të cilin Lutfi Ajazi u plagos në veturën e tij, para shtëpisë së vet rreth mesnatës së datës 9 nëntor.
Dëshmitarët thonë se ai po kthehej në shtepi nga një kafane e qytezës. Dega e LDK-së nuk përjashton mundësinë që rasti të jetë një qërim hesapesh mes grupacioneve apo mes partive politike serbe.
Në një kumtesë të kësaj Dege tërhiqet vërejtja se regjimi serb ka shtuar represionin
dhe provokimet ndaj popullsisë së kësaj pjese të Kosovës.
Beogradi e ka cilësuar Drenicën, që nga vitet njëzetë, sidomos që nga viti 1945 e këndej, si një rajon kryengritës. Këtë vlerësim pastaj e ka përdorur si mbulesë për represionin e terrorit të organizuar shtetëror kundër shqiptarëve.
Edhe vetë serbët, duke përfshirë liderë partishë dhe punëtorë të policisë serbe, kanë pohuar se incidenti i majit të vitit të kaluar në Gllogovc, kur u vranë dy policë e u palgosën pesë policë serbë, ishte përgaditur nga qarqet e Ministrisë së Punëve të Brendshme të Serbisë, me qëllim të shkaktimit të konfrontimeve në shkallë më të gjerë.
Në kohën kur u poblikuan deklaratat e inspektorit Mladenoviq për inskenimin e rastit të vitit të kaluar në Gllogovc, në Drenicë u vranë dy pjesëtarë shqiptarë, bashkëpunëtorë të policisë serbe. Në të gjitha këto raste forcat serbe kanë ndërmarrë fushata të mëdha represioni kundër popullsisë dhe veprimtarëve shqiptarë.
(QIK)


ZËRI I KOSOVËS Nr.23, 1.12.1994

NGA MEDIUME TË NDRYSHME: U PLAGOS INSPEKTORI I SERBISË LUTFI AJAZI

Telëvizioni serb njoftoi se më 9 nëntor në Gllogovc, rreth orës 23, u bë një sulm i armatosur kundër pjesëtarit të Ministrisë së Punëve të Brendshme të Serbisë, Lutfi Ajazi,
i cili u plagos. Lidhur me këtë rast, gazeta serbe “Jedinstvo“ njofton: “Atë natë, në afërsi të shtëpisë së Ajazit, u hap zjarr në veturën ku gjendej Lutfi Ajazi. Sulmin e armatosur e
bënë nga prita tre persona tash për tash të paidentifikuar. Ajazi, i plagosur rëndë, gjendet në Klinikën kirurgjike në Prishtinë“. Edhe burimet e LDK-së në Gllogovc njoftuan për një incident, në të cilin Lutfi Nasuf Ajazi u plagos në veturën e tij, para shtëpisë së vet rreth mesnatës të datës 9 nëntor. Dëshmitarët thonë se ai po kthehej në shtëpi nga një kafene e qytezës“
Mediumet serbe si dhe ato të lëvizjes ekskluzive paqësore shqiptare, kanë përsëritur akuzat dhe kundërakuzat të dëgjuara herë pas here qysh nga maji i vitit 1993: Përderisa Serbia për këtë vepër akuzon “seperatistët shqiptarë“ pa sjellë ndonjë fakt, LDK dhe QIK-u, gjithashtu pa sjellë ndonjë fakt, bëjnë kundërpropagandë se sulmin, sikurse dhe në rastet tjera, e ka kryer vetë Serbia “me qëllim të shkaktimit të konfrontimeve në shkallë të gjerë“. Sipas logjikës së tillë, Serbia do t’i vrasë gjysmën e njerëzve të vet serbë e shqipfolës në Kosovë, derisa të arrijë “qëllimin“: “shkaktimin e konfrontimeve në shkallë të gjerë“ sepse, sipas kësaj logjike, nuk ka tjetër formë të nxitjes së konfliktit, pos duke vrarë vetëveten!


29.11.94 RILINDJA

GRUPI “USHTRIA ÇLIRIMTARE E KOSOVËS“ MORI MBI VETE SULMIN NË GLLOGOVC

Gazeta serbe “Veçernje Novosti“ njofton në numrin e së shtunës se “një grup i
paidentifikuar terrorist i shqiptarëve të Kosovës i quajtur “Ushtria Çlirimtare e Kosovës“ mori mbi vete tentativën për vrasje në Gllogovc të inspektorit të lartë të policisë serbe, Lutfi Ajazi, më 9 nëntor“.
Gazeta serbe thotë se organizata e mori përgjegjësinë për atë tentativë dhe njoftoi për
këtë me një letër të dërguar nga Maqedonia në selinë e Tanjugut në Beograd.
Në informatën e botuar në gazetën serbe thuhet më tutje se “grupi terrorist ka pranuar se ka kryer edhe më parë aksione të ngjashme terroriste“.

(QIK)

[Zero Cool]

ZËRI I KOSOVËS NR.24, 15.12.1994
“TERRORISTËT SHQIPTARË“

Më 29 nëntor 1994 e përditshmja “Rilindja“ e Zofingenit botoi lajmin e Qendrës për Informim të Kosovës e cila duke iu referuar gazetës serbe “Veçernje novosti“ njofton se “një grup i paidentifikuar terrorist i shqiptarëve të Kosovës i quajtur “Ushtria Çlirimtare e Kosovës“ mori mbi vete tentativën për vrasje në Gllogovc të inspektorit të lartë të policisë serbe, Lutfi Ajazi, më 9 nëntor“. “Organizata e përmendur e mori përgjegjësinë për atë tentativë dhe njoftoi për këtë me një letër të dërguar nga Maqedonia në selinë e Tanjugut në Beograd.“ Sipas të njëjtave burime “grupi terrorist ka pranuar se ka kryer edhe më parë aksione të ngjashme terroriste“. Si zakonisht pas fjalës shqiptar u përdor fjala “terrorist“ ndërsa pas fjalës “grup“ e “organizatë“ fjala “terroriste“.


RILINDJA 27.04.1995-

SITUATË E NDERË NË KOMUNËN E DEÇANIT

Pas njoftimit të transmetuar në mediat serbe për një shpërthim në postkomandën e policisë në Irzniq të Deçanit, gjatë të cilit thuhet se u plagosën dy policë serbë, në Deçan dhe rrethinë është shtuar dhuna e represioni i forcave serbe. Më 25 prill, në udhëkryqet e shumë fshatrave policia serbe bastisi dhe maltretoi fizikisht shumë qytetarë. Dhuna përfshiu kalimtarët në udhëkryqet e fshatit Carrabreg dhe Prilep-Irzniq. Shumë kalimtarë u rrahën dhe u maltretuan për disa orë me radhë. Ndërsa në qendër të Deçanit pati forca të shtuara të policisë gjatë tërë ditës dhe në mbrëmje.
(QIK)


USHTRIA ÇLIRIMTARE E KOSOVËS (UÇK)

KOMUNIKATË Nr.13

Gjatë dy muajve të fundit Komanda Qendrore urdhëri njësitë e armatosura për veprime ushtarake të cilat u ekzekutuan sipas planit.
Në muajin prill u sulmua postkomanda e policisë serbe e vendosur në fshatin Irzniq.
Në fillim të majit u minuan 2 shtëpi të sapondërtuara për vendosjen e kolonëve serbë e malazezë. Shpërthimet e eksplozivit në Junik janë vërejtje për ata kolonë që pranojnë të bëhen mish për top në duart e politikës së pastrimit etnik të Beogradit.
Në javën e fundit të majit u ekzekutua me vdekje spiuni i Serbisë Bexhet Muçaku.
Thirret popullata civile serbe e malazeze që të mendojë për ardhmërinë e tyre në Kosovë dhe mos të marrin pjesë në terrorin e trupave okupuese ushtarake e policore kundër
shqiptarëve!
Komanda jonë Qendrore do të urdhërojë njësitet tona të armatosura për sulme tjera. Sulmet tona do të vazhdojnë deri në çlirimin e vendit.


USHTRIA ÇLIRIMTARE E KOSOVËS
(UÇK)-Qershor 1995


RILINDJA 31.08.1995

SHPËRTHIM I FUQISHËM NË STACIONIN E POLICISË SERBE TË IRZNIQIT

Sipas të dhënave nga Deçani parmbrëmë rreth orës 24 në stacionin e policisë serbe në Irzniq u dëgjua një shpërthim i fuqishëm, kurse pak më vonë edhe rafale automatikësh, të cilat zgjatën rreth gjysëm ore.
Edhe pse natën, qytetarët e këtij fshati mbetën të zgjuar nga pasojat që mund të ndodhin nga kjo. Të shtëna u dëgjuan gjatë natës nëpër disa rrugë të këtij fshati për çka dëshmojnë gëzhojat e gjetura dje.
Pas tërë kësaj, dje rreth orës 5 të mëngjesit, ekspedita policore (afro 50 policë nga Peja dhe Deçani rrethuan lagjën e Mushkolajve që gjendet 500 metra larg staconit të policisë.
Njoftohet se janë bastisur shumë shtëpi dhe janë arrestuar Zenel M. Mushkolaj, me të bijtë Bekimin (23), Ruzhdiun (20) dhe Nekiun (17), Avdiun M. Mushkolaj (35), Rasim Q. Mushkolaj (37), Milazim I. Mushkolaj (24) dhe Izet S. Mushkolaj (24).
Avokati Esat Mushkolaj, shtëpinë e të cilit e bastisën policët, duke e arrestua vëllanë e tij Rasimin, tha se e kishte pyetur kryeshefin e policisë së Deçanit, Vukmir Mirçiqin se me çfarë preteksti po ia bastisin shtëpinë. Përgjegjësi i policisë serbe ishte përgjegjur: “Dikush ka shtënë në stacionin e milicisë në Irzniq dhe se me këtë rast qenkan vrarë dy policë dhe katër të tjerë janë plagosur.
(QIK)

[Zero Cool]

14.02.96 RILINDJA

SHPËRTHIME ENIGMATIKE NË KAMPET E REFUGJATËVE SERBË

Të dielën mbrëma midis orës 21 e 22 ndodhën disa shpërthime në kampet e refugjatëve serbë në disa qytete të Kosovës. Në njoftimin e agjensisë serbe Tanjug thuhet se këto shpërthime ndodhën në kampet e refugjatëve në Prishtinë, Vushtrri, Mitrovicë, Pejë dhe Suharekë.
Nga këto shpërthime nuk pati të lënduar, por u shkaktuan disa dëme materiale, thuhet në njoftim. Policia dhe organet gjyqësore serbe nuk dhanë kurrfarë komunikate lidhur me këto shpërthime, por në reagimet e para të shtypit serb thuhet se “këto janë sulme të paramenduara“ kundër refugjatëve serbë nga Kroacia, të cilat shkaktuan shqetësime në Kosovë.
Në njoftimin e gazetës “Jedinstvo“ thuhet se në Pejë shpërthimet ndodhën në motelin Karagaç, ku janë të vendosur refugjatët serbë. Nuk pati të lënduar, por u shkaktuan dëme të vogla materiale.
Në Mitrovicë mjeti shpërthyes ishte vendosur në lokalet e shtëpisë së fëmijëve pa prindër “Aca Maroviq“, ku janë vendosur 68 refugjatë serbë. Në atë lokal në momentin e shpërthimit nuk pati njerëz, kurse shpërthimi shkaktoi pëlcitjen e xhamave të dritareve, citon gazeta serbe.
Po sipas saj, në Vushtrri u hodhën dy bomba në sallën numër katër të qendrës shkollore, e të cilat bomba nuk shpërthyen. Në këtë objekt janë të vendosur rreth 300 refugjatë serbë dhe sipas kësaj gazete në mesin e tyre u shkaktua panik.
Në Podujevë shpërthimi ndodhi në ndërtesën e Shkollës Teknike ku janë të vendosur refugjatët serbë. As këtu nuk pati të lënduar, njofton gazeta “Veçernje novosti“.
Hollësi të tjera nuk jepen.
(QIK)


15.02.96 RILINDJA

REAGIMET NË BEOGRAD
BEOGRAD, 14 SHKURT
Agjensia zyrtare Beogradit Tanjug njoftoi dje se, në disa qendra të refugjatëve serbë nga Kroacia të vendosur në Kosovë, të dielen mbrëma ndodhën disa shpërthime, por nuk pati persona të lënduar. Siç thuhet, fjala është për lagjet e refugjatëve në Prishtinë, Vushtrri, Podujevë, Mitrovicë, Pejë dhe Suharekë. Kjo informatë zgjoi mjaft interesim, por Beogradi zyrtar ende nuk e konfirmoi e as nuk përgënjeshtroi këtë informatë.
Siç mësohet jozyrtarisht, një grup kolonëve serbë nga Kroacia, të cilët janë të vendosur në Kosovë, arritën dje në Beograd për të biseduar me përfaqësuesit e qeverisë federale mbi ngjarjet në fjalë dhe shpërnguljen eventuale nga Kosova. Mirëpo as këtë informatë nuk e konfirmojnë autoritetet këtushme dhe pohojnë vetëm se “nuk dinë asgjë për këtë vizitë“: Ndërkaq, në organizatat ndërkombëtare humanitare, e as në ato të Jugosllavisë së vetëshpallur, nuk ka informata për shpërthimet të cilat përmenden në njoftimin e TANJUG-ut.
Përfaqësuesit Komisariatit të Lartë për Refugjatë të KB në Beograd theksojnë se deri më tani nuk kanë pasur kurrfarë raportesh nga Kosova rreth trazirave apo sulmeve ndaj refugjatëve serbë të ikur nga Kroacia. Pohime të ngjajshme shprehin edhe përfa-qësuesit e Komitetit Ndërkombëtar të Kryqit të Kuq dhe ata të Kryqit të Kuq të Jugosllavisë së vetëshpallur.
Partitë opozitare serbe kryesisht nuk prononcohen ndaj lajmit të TANJUG-ut. Reagoi vetëm Partia Radikale Serbe, e cila thekson në kumtesën e vet se “është fjala për sulm terrorist ndaj refugjatëve serbë“ dhe akuzon regjimin e Beogradit se nuk po bën asgjë për të mbrojtur popullin, për shpërnguljen e të cilit ai vetë është përgjegjës.
Radikalët kërkojnë të dënohen ata të cilët kanë kryer këtë akt. “Orvatja e pushtetit për ta fshehur historinë antiserbe në Kosovë shkakton një shqetësim edhe më të madh te populli serb në këtë pjesë të Serbisë, si dhe frikën se skenari i dorëzimit të Krainës dhe pjesës perëndimore të Republikës së Serbisë do të përsëritet edhe në Kosovë“, thuhet në kumtesën e Partisë Radikale.
Ndërkohë, megjithëse Beogradi zyrtar hesht lidhur me këto ngjarje, për qëndrimin flet ndoshta komenti i sotëm në gazetën proqeveritare “Veçernje novosti“. Kjo përditshme vlerëson se “është fjala për terrorizëm të paramenduar politik“ dhe pa marrë parasysh se ende nuk dihet çka ka ndodhur dhe kush i ka hedhur bombat në qendrat e refugjatëve, komentuesi pohon se këtë, me siguri, e kanë bërë “secesionistët shqiptarë“.
Poashtu, tërhiqet vërejtja se një akt tillë është “vetëvrasje politike“ sidomos në momentin kur Jugosllavia po bën çmos, që çështjet e luftës dhe të paqës të zgjidhen me mjete politike“. Në këtë kontekst theksohet më tutje se “Jugosllavia tashmë ka bërë hapa për të lehtësuar pozitën e fëmijëve shqiptarë, të cilët janë shkolluar ilegalisht dhe mundësoi që të hapet qendra informative amerikane në Prishtinë në mënyrë që të gjithë të njoftohen në këtë dhe për këtë Krahinë. . . “
Artikullshkruesi konkludon se, pushteti i Serbisë dhe i Jugosllavisë së vetëshpallur duhet të reagojë ndaj këtyre sulmeve, e ato duhet t’i dënojë edhe faktori ndërkombëtar.

[Zero Cool]

17.02.96 RILINDJA

KONFERENCË SHTYPI NË LIDHJEN DEMOKRATIKE TË KOSOVËS

Pa ditur kush i ka shkaktuar dhe a ka patur fare shpërthime, nxituan komentatorët shovenistë dhe luftënxitës për të dëshmuar “terrorizmin politik të para-menduar“! Edhe pse ende nuk dihet, vazhdoi ai, se kush i ka bërë këto shpërthime, fakti që shqiptarët kundërshtojnë ardhjen e “refugjatëve është indikacion i mjaftueshëm për të ditur se kush i ka bërë shpërthimet“! Kjo, sipas tij, do të ishte e mjaftueshme (mendonte për regjimin serb) që të gjejë fajtorët dhe shkasin për ndjekjen e udhëheqësve shqiptarë! Dr. Agani rreth këtij rasti theksoi se, nëse ka pasur shpërthime, atëherë nuk mund të injorohet ngjajshmëria e eksplodimeve në Kosovë me të shtënat terroriste në Sarajevë, që i shkaktojnë luftënxitësit dhe kriminelët e luftës, të cilët i frikësohen paqes kudoqofshin. A mund të injorohet dëshira e refugjatëve për t’u larguar nga Kosova, ajo është mjaft e fuqishme sa për t’i shtyrë që të provokojnë gjoja eksplodime dhe atentate. Dhe a nuk është indicion i rëndësishëm edhe fakti që provokacionit të ri, akuzimit të shqiptarëve për eksplodime të pasqaruara, u prin një Predrag Vitas“, pyeti z. Agani. Sa u përket shiptarëve, ishte kategorik dr. Agani, vendosja e refugjatëve në Kosovë shërbeu si burim konfliktesh të reja, si vrasja mizore e Ali Shabanit dhe plagosja e katër të tjerëve në Deçan dhe eksplodimet në Kosovë e dëshmojnë drejtësinë e qëndrimit të Kosovës, kundër vendosjes së tyre në Kosovë.


ZËRI I KOSOVËS Nr.8, 22 shkurt 1996

Në fax-in e redaksisë sonë erdhi një Komunikatë e nënshkruar nga Shtabi Qendror i Ushtrisë Çlirimtare të Kosovës përmes së cilës ata marrin përgjegjësinë e shpërthimit të 11 shkurtit në disa lokalitete të kolonëve serbë të ardhur nga Kraina dhe të vendosur në Kosovë


USHTRIA ÇLIRIMTARE E KOSOVËS (UÇK) MERR PËRGJEGJËSINË PËR SHPËRTHIMET E 11 SHKURTIT ‘96

KOMUNIKATË nr.18 “Më datën 11 shkurt 1996, njësitë guerile të Ushtrisë Çlirimtare Kosovës ndërmorën aksione të armatosura në zonën operative nr. Aksionet u kryen me bomba dore në kampet e kolonëve serbë të ardhur nga Kraina në Kryeqytetin e Republikës së Kosovës, Prishtinë dhe në qytetet Mitrovicë, Pejë, Podujevë, Suharekë dhe Vushtrri.
Okupatorëve nga Beogradi ua bëjmë me dije se aksionet tona deritashme janë vetëm paralajmërimet e para. Në të mirë të paqës në Ballkan dhe në interesin e popullit serb dhe shqiptar është që të ndërpritet kolonizimi i Kosovës; të ndërpritet terrori dhe shpërngulja mbi ne shqiptarët dhe okupimi i Kosovës. Mënjëherë të fillojë dialogu për tërheqjen e trupave ushtarake-policore nga Republika e Kosovës!
U bëjmë thirrje qendrave ndërkombëtare të vendosjes e posaçërisht Shteteve të Bashkuara Amerikës që ta njohin pavarësinë Kosovës për të cilën populli është deklaruar me referendum, në të kundërtën, lufta në Kosovë është e pashmangshme. Vetëm duke
respektuar vullnetin e popullit shqiptar do të mbetemi miq. Ftojmë përfaqësuesit e institucioneve shtetërore të Republikës, partitë dhe organizatat politike në Kosovë që t’i përmbahen vullnetit të popullit për pavarësinë e Kosovës. Kush e nënshkruan autonominë e Kosovës nën Serbi e pret fati i Esat Pashë Toptanit.
Ftojmë mjetet e informimit shqiptar që të informojnë drejt për aksionet tona çlirimtare dhe jo të merren me shabllone politike, përfundon Komunikata Nr. 18, e lëshuar më 14 shkurt ’96 nga Prishtina, dhe e nënshkruar nga Shtabi Qendror i Ushtrisë Çlirimtare të Kosovës