PDK-ja krijon fond për mbrojtjen e të korruptuarit(hajdutit) Fatmir Limajt

[GjIlAnAsI_cSi]

Partia Demokratike e Kosovës ka krijuar fond të posaçëm për mbrojtjen e nënkryetarit Fatmir Limaj, shkruan “Koha Ditore”. Zyrtarë të lartë të kësaj partie kanë konfirmuar se vendimi për krijimin e fondit është marrë para dy javësh në një mbledhje të mbyllur të Kryesisë së PDK-së.

Nait Hasani, njëri nga anëtarët e këtij organi drejtues të partisë, ka deklaruar të enjten se fondi tashmë është publik dhe se xhirollogaria e tij është hapur në Bankën e Re të Kosovës.

“Mjetet e këtij fondi do të shfrytëzohen për të gjitha procedurat që kanë të bëjnë me mbrojtjen e ministrit Fatmir Limaj. Fondi mbështetet në vullnetin e mirë të simpatizantëve, aktivistëve të partisë, por edhe të qytetarëve që e shohin të arsyeshme kontributin për këtë fond”, ka thënë Hasani në një bisedë telefonike.

Qëndrimi i Kryesisë së PDK-së, sipas tij, është që të mos caktohet shuma se sa duhet të kontribuohet në fond, por kjo të mbetet në vullnetin dhe mundësitë e secilit kontribuues.

Ndërkohë ministri i Transportit, Fatmir Limaj, i dyshuar për krim të organizuar së bashku me shefin e prokurorimit në këtë ministri, Nexhat Krasniqi, ka angazhuar një ekip të fuqishëm avokatësh ndërkombëtarë për t’u mbrojtur nga akuzat e Prokurorisë Speciale të Kosovës. /Koha/