Deputetët i thonë JO“Mësimbesimit” në shkolla

[gjini]

Postimi origjinal është bërë nga Hajra

...Gjini nuk e kam ndermend me u sha me ty e besa me askend, gjeje dikend tjeter ok.

As une nuk jam kurr per me u sha por nese dikush me shan ska met tjeter gje pos me ja kthye ashtu , e me ty miku i mire as qe jemi sha dhe nuk besoj qe do biem ne ato pozita sa me u sha
e me diskutue mundemi sa te duahs dhe si te duahs nuk e kom problem ate. por ajo qka ju mundoheni te na e impononi nuk do ket sukses se pipolli nuk han bari e din mire se kush eshte musliman dhe kush eshte i shitur tek islamistet per 200 dhe 300 euro

[Zero Cool]

Ndihemi të zhgënjyer





Thotë se kërkesa për futjen e edukatës fetare në shkolla publike nuk është marketing politik, por kërkesë e kahershme e Partisë së Drejtësisë. Kryetari i këtij subjekti politik, Ferid Agani në një intervistë për Kosovapress ka thënë ndjehen të zhgënjyer me kundërshtimin që i bënë një pjesë e deputetëve të partnerit qeverisës kërkesës së tyre. Ai tha se pas zhvillimeve të fundit do të mblidhen organet më të larta të partisë do të vendosin së lidhur me pozicionin e mëtutjeshëm të PD-së në koalicionin qeveritar.


Kosovapress: Zotëri Agani, nuk është mbajt premtimi për futjen e edukatës fetare në shkolla publike ...?

Agani: Nuk është arritur që të realizohet premtimi i qytetarëve për një arsye të vetme, sepse në kohën kur ky premtim është bërë, ne kemi lutur qytetarët që të mbështesin Partinë e Drejtësisë në një përqindje sa më të lartë, në mënyrë që të kemi fuqi politike që të realizojmë premtimet tona, por për fat të keq ju e keni pa edhe në zgjedhjet e kaluara. Koalicioni për Kosovë të Re, pjesë e të cilët ka qenë edhe Partia e Drejtësisë, ka fituar 7.2 për qind të votave gjithsejtë dhe Partia e Drejtësisë me një kalkulim 3.5 deri 4 për qind të votave, që megjithatë nuk ka qenë e mjaftueshme që ne në mënyrë të pavarur të përmbushim plotësisht këtë premtim që e kemi dhënë. Megjithatë, të gjithë qytetarët e kanë parë procesin nëpër të cilin kemi kaluar. Kemi bërë një përpjekje të jashtëzakonshme që të përmbushim edhe me atë fuqi politike që kemi pas. Keni parë edhe në vetë seancën kur është votuar për këtë amendament, ku de fakto 22 për qind e deputetëve prezent në sallë kanë votuar për amendamentin ose 15 për qind e deputetëve, kanë votuar 18 deputet, një ka abstenuar. Ne e kemi shënuar një lëvizje përpara, por fatkeqësisht nuk kemi mundur që të realizojmë në tërësi atë premtim, në radhë parë për shkak të mungesës së deputetëve të PD-së në Kuvendin e Kosovës.

Kosovapress: Sa e rrezikon stabilitetin e Qeverisë që nuk ka kaluar ky amendament, përderisa deputetë të PD-së kanë kërcënuar se do të largohen?

Agani: Çështja e stabilitetit të qeverisë pas këtij votimi është çështje për të cilën do të deklarohen organet e PD-së. Ne, të premten, e kemi mbledhjen e kryesisë së partisë, ku do të vendosim edhe në Këshillin Drejtues të partisë dhe t’i vlerësojmë këto zhvillime. Është fakt se nuk kemi mbështetjen e pritur, bile së paku të një numri të deputetëve të Partisë Demokratike të Kosovës të cilët jemi në koalicion qeveritar dhe përkitazi organet qendrore të partisë në radhë të parë Këshilli Drejtues i partisë do të pozicionohet dhe me siguri se do të gjejë përgjigjen adekuate.

Kosovaress: Ndiheni të tradhtuar nga deputetët e PDK-së?

Agani: Nuk mund të them se ndihemi të tradhtuar, sepse ne nuk kemi pas marrëveshje të shkruar, se do të kemi mbështetje qind për qind të kërkesave tona. Por, në një farë mënyre ndihemi të zhgënjyer me faktin që nuk e kemi pas atë shkallë të mirëkuptimit për kërkesat tona politike dhe kemi pritur një shkallë më të madhe të mbështetjes, duke pasur parasysh se deputetët e PD-së dhe të Koalicionit për Kosovë të Re në vazhdimësi i kanë mbështetur nismat ligjore dhe të tjerat vendimet e PDK-së, dhe me këtë rast nuk është parë nga ana e tyre. Mund të them se bëhet fjalë për një zhgënjim, nuk kisha thënë tradhti.

Kosovapress: Ju keni thënë se kjo çështje do të shqyrtohet pas Festës së Bajramit, ndërsa festa ka kaluar që 10 ditë?

Agani: Ne si subjekt politik dëshirojmë t’i analizojmë gjërat shtruar. Jemi duke bërë konsultime edhe me partnerët e koalicionit, edhe me faktorët tjerë vendimmarrës, përkitazi çështje, në mënyrë që kur t’i marrim vendimet të jenë mirë të informuara dhe të mos të jenë vendime të ngutshme të partisë, sepse për destabilizim është lehtë. PD-ja në vazhdimësi ka pas me të vërtetë interesat e shtetit, para se ato partiake, por në këtë rast ka pritur që edhe PDK-ja të reflektojë më seriozisht në këtë proces dhe që ata të kenë interesat shtetërore para interesave të ngushta të tyre partiake. Me këtë rast kemi dëshmuar dhe megjithatë në periudhën shumë të shkurtër kohore, mendoj që mbledhja e ardhshme e Këshillit Drejtues thuajse nuk duhet të mbahet më larg se sa brenda javës pas mbledhjes së kryesisë së partisë dhe ne do t’i kemi vendimet tona.

Kosovapress: Po në Kuvend do të ketë ndonjë iniciativë dhe a mund të rikthehet së shpejti ky amendament?

Agani: Iniciativat i kemi menjëherë dhe këto iniciativa nuk janë të PD-së, por janë të dakorduara edhe me udhëheqjen e lartë të PDK-së, e kjo ka të bëjë me atë që ne do të kërkojmë të themelohet një komision shtetëror, i cili do t’i qaset zbatimit të lëndës fetare në shkolla, në mënyrë gjithëpërfshirëse dhe të dalë me një raport para Kuvendit të Kosovës, përkitazi me praktikat e bashkësisë evropiane dhe për mundësitë e zbatimit të kësaj lënde në sistemin arsimor të Kosovës. E dyta, do të kërkojmë nga kryeministri i vendit dhe ministri i resorit përkatës në mënyrë që të mos kemi diskriminim në baza fetare që nënkupton që mos të ndodhë që ndonjë vajzë për shkak të bindjeve fetare duke mbajtur mbulesën e kokës, ose shaminë të përjashtohet nga procesi mësimor. Këto janë dy kërkesa që besoj se do të hasin në mirëkuptim të plotë te partneri i koalicionit qeveritar dhe mendoj se këto dy kërkesa do të hapin rrugë edhe për një bashkëveprim të mëtutjeshëm në këtë rrugë, në mënyrë që proceset e filluara të përfundojnë në mënyrën më të mirë gjatë këtij mandati të qeverisjes, dhe pse jo, edhe me një iniciativë për amandamentimin e ligjit të posamiratuar, sepse ligjet janë për të ndryshuar dhe nuk ka kurrfarë pengese që të i hyhet procesit të amandamentimit të këtij ligji.



vijon

[Zero Cool]

vijimi

Kosovapress: Kërkesa e mësim-besimit e keni bërë për marketing politik, apo me të vërtetë jeni të vendosur për futjen e lëndës fetare në shkolla?

Agani: Kam lexuar shkrime të ndryshme të ashtuquajtur analistë të ndryshëm të cilët janë munduar që këtë veprim të PD-së, amandamentimin e këtij neni të paraqesin si manipulim politik apo marketing për përfitime politike që besoj se krejtësisht është e paqëndrueshme, sepse krejt opinioni kosovar e di se PD-ja është i vetmi subjekt politik që nga viti 1999 e ka paraqitur si kërkesë publike çështjen e lëndës së arsimimit fetar, por edhe lejimin e bartjes së shamisë në institucione shkollore. Është qesharake të akuzohet PD-ja se në moment të caktuar i ka përdorur këto tema për të bërë marketing politik. Ky është besimi ynë politik, anëtarët e PD-së dhe unë jemi mishërim i këtyre synimeve dhe këto janë pjesë të jetës tonë dhe veprës tonë. Këto qëndrime reflektojnë esencën e subjektit tonë politik dhe të PD-së, dhe me të vërtetë janë të paqëndrueshme, çfarëdo teze e tillë. Ka pasur akuza se PD-ja e ka sjellë këtë temë në ditën në Natën e Bajramit, ndërsa dihet shumë mirë si formohet rendi i ditës dhe procedurat e Kuvendit.

Kosovapress: Pse kanë kaluar këto çështje në Kuvend pa kaluar në një debat publik?

Agani: Kjo pyetje duhet t’i bëhet Ministrisë së Arsimit. PD-ja e ka resorin e Shëndetësisë dhe merret me këtë sektor në bazë të programit të PD-së, i cili ka qenë i proklamuar me vite. Çështja konkrete ka të bëjë me Ministrinë e Arsimit, e cila është dashur që para se të paraqesë Projektligjin në qeveri është dashur të bëjë debat të gjerë në opinion dhe në kuadër të atij debati të vijë deri të zgjidhjet më të mira ligjore. Ndërsa ajo këtë nuk e ka bërë, ndërsa pse nuk e ka bërë duhet të japë përgjigje ministri.

Kosovapress: Thuhet se ka mospajtime brenda subjektit tuaj politik. Në çfarë gjendje është Partia e Drejtësisë?

Agani: Gjendja përbrenda PD-së gjithmonë është tejet dinamike. Ne jemi si parti në vazhdimësi në profesionalizmin e kuadrove tona politike dhe promovimit të koncepteve tona politike. Në këtë proces gjithmonë kem pas individ që në momente të caktuara nuk e kanë parë veten pjesë të procesit. Kanë filluar të shohin veten si të anashkaluar, ose kanë pas ambicie më të mëdha se sa përmbushja e tyre në momentin e caktuar. Ka pasur individë të caktuar edhe në këtë rast kemi pasur të tillë, të cilët kanë shprehur një pakënaqësi dhe një nguti në veprimin politik, nguti kjo e cila i ka dëmtuar synimet dhe objektive strategjike të PD-së. Asnjë parti nuk synon objektivat programore nëpërmjet krizave brenda saj në të njëjtën kohë. Kjo i ka ndodh partisë, nuk është hera e parë, por është përsëritur disa herë. Edhe kësaj here PD-ja ka dalë shumë e qëndrueshme, unike dhe koherente. Kryesia e partisë është shumë stabile, sikurse edhe Këshilli Drejtues i PD-së. Ne jemi para kuvendeve zgjedhore nëpër degë, që do të jetë një proces që do të dëgjojmë vullnetin e anëtarësisë. Udhëheqjet e reja të degëve do të delegojnë përbërjen e re të kuvendit zgjedhor të PD-së që do të mbahet në nëntor, ose dhjetor të këtij viti.

Kosovapress: Sa janë të afërta grupet radikale me PD-në dhe a e dëmtojnë këtë parti?

Agani: Nëse i referoni grupeve radikale ato nuk janë të afërta fare. Por nuk e di kujt i referoheni grupe radikale, në qoftë se mendoni në individ ose grupe të caktuara unë nuk i kam të njohur. Për mua në Kosovë nuk ka grupe radikale, nuk ka grupe radikale fetare, bile zyrtarisht nuk kemi vlerësime të tilla të organeve përkatëse as nga ana e Bashkësisë Islame, as nga organet shtetërore. Në atë moment kur do t’i kemi ato vlerësime do të pozicionohemi ndaj tyre. Por PD-ja decidivisht nuk ka bashkëpunim të ngushtë me grupe radikale. Ne jemi një subjekt politik që artikulon interesat e elektoratit të tij dhe e kem një realitet tash rreth kërkesave të njëjta janë grumbulluar edhe BIK-u edhe PD-ja, edhe shoqëria civile, anëtar dhe grupe të shoqërisë civile prezentë në Kosovë. Prandaj, kjo është çështje për t’u analizuar nga aspekti tjetër, sepse këto kërkesa në mënyrë të përsëritur po shtrohen në mjedisin kosovar dhe asnjëra prej nuk po realizohet që 12 vite. Pse nuk kemi realizimin e asnjërës prej tyre, pse asnjëra e BIK-ut nuk gjen realizim në 12 vite dhe mendoj se kjo ka shkaktuar një lloj koherence të këtyre veprimeve.

Kosovapress: Te mësim-besimi në shkollat publike, çka do të mësojnë nxënësit, sepse deri më tash nuk është sqaruar asnjëherë?

Agani: Gjërat janë shumë të thjeshta dhe të pranueshme për shumicën e qytetarëve. Për fat të keq, grupe të caktuara dhe individ më shumë tentojnë të mjegullojnë situatën dhe të japin interpretime nga ajo se zbatimi i lënde të tillë me të vërtetë do të shkaktojë përçarje të nxënësve në baza fetare, që mendoj se është e paqëndrueshme se praktikat evropiane e kanë dëshmuar se nuk është kështu. Praktika brenda kombit shqiptar ka dëshmuar që nuk është kështu. Ne kemi nxënësit në Luginën e Preshevës që 7 apo 8 vite e mësojnë këtë lëndë dhe asnjëherë nuk kanë pasur problem me baza fetare. Kjo lëndë zbatohet në shumicën e shteteve të bashkësisë evropiane dhe është një standard evropian. Kësaj çështje duhet t’i qaset nga një perspektivë tjetër, në shkolla nuk kërkohet që të mësohet për fe, pasi që për fe nxënësit mësojnë në vende të caktuar. Kërkohet që në shkollë të mësohet për Zotin e madhërishëm, të mësohet për përparësitë e tij, për të dërguarit e tij, vlerat etike dhe morale të kësaj shoqërie, familjet, identitetin personal, familjar, kolektiv. Kërkohet që të mësohet për atë që populli shqiptar është më i njohuri për atë se në trungun e tij ka tri besime monoteiste, pra besimin në Zot, me një tolerancë të shkëlqyeshme dhe pse të mos promovohet kjo vlerë. /Intervistoi: Sabit Shkodra/

[Zero Cool]

DASH: Në Kosovë s’ka shkelje të lirive fetare





Raporti më i ri i Departamentit Amerikan të Shtetit mbi lirinë e besimit thekson se autoritetet kosovare kanë respektuar në përgjithësi lirinë e besimit si përmes kodit ligjor ashtu edhe në praktikë. Në kapitullin mbi Kosovën, raporti vëren se gjendja e lirisë së besimit nuk ka shënuar ndryshime gjatë periudhës që mbulohet nga kjo analizë.
Shqetësimet kryesore të ngritura nga udhëheqësit fetarë, siç theksohet në raport, lidhen me pengesa praktike që rrjedhin nga proceset e pavolitshme për regjistrimin e vetë organizatave fetare, si dhe të pasurive të patundshme apo pronave të tjera të këtyre subjekteve.

Komuniteti protestant, potencohet më tej në raport, këmbëngul se vazhdon diskriminim institucional nga qeveria qendrore dhe autoritetet lokale. Ndër ankesat që ngre ky komunitet, është mohimi i kërkesës për të krijuar një varrezë protestante. Po ashtu protestantët njoftojnë se nuk janë lejuar të ndërtojnë një kishë në komunën e Deçanit në tokë të blerë nga ky komunitetet fetar.

Ndryshe nga raporte të mëparshme, Departamenti i Shtetit vëren në raportin e tij të publikuar të martën se nuk ka pasur njoftime për sulme kundër personelit të Kishës Ortodokse Serbe. Incidentet më shqetësuese janë regjistruar gjatë pelegrinazheve të besimtarëve ortodoksë në kisha ortodokse në Kosovë, kur autobusët me pelegrinë janë qëlluar me gurë.

Raporti i Departamentit të Shtetit nënvizon se megjithëse në mungesë të bazës ligjore, siç pohoi edhe Zyra e Ombudsmanit, Ministria e Arsimit nxori një urdhëresë administrative për të ndaluar mbajtjen e shamive të kokës, të traditës myslimane për vajza.

Raporti i Departamentit të Shtetit vëren se nuk ka pasur shkelje të lirive fetare në vend dhe se nuk ka të burgosur ose të ndaluar për arsye fetare. “Diskriminimi social apo aktet e dhunshme, duken të jenë me motive etnike, por fakti që shpesh komunitetet janë të ndarë në baza etnike aq sa edhe fetare, e bën të vështirë ndarjen e qartë të motiveve”, thuhet në raport.

[elvio]

Deputetët i thonë JO“Mësimbesimit” në shkolla .


Athua u ka ardh vetedija???

Kjo e mesimbesimit ne shkolla shkon paralel me ate te rregjistrimit te popullsise ne baze te besimit fetar edhe Etnise.

[gjini]

Tash pasi qe edhe aVOKATI I POPULLIT NUK I KA PERKRAH NE IDEN E TYRE PER ME FUT FEN NE SHKOLLA TASH LE TE ULEN NEPER GJAMIJA E TE FALEN E MOS TE NA I ZAN KRYQET E RRUGEV KISHE PO I LUTEN ZOTITIT kETA MERCENAR TE IRANIT

Jam i sigrurt se tash edhe kete Avokatin e popullit kan me e akuzue per ekstrem te shitur tek perendimi por skemi qka ti bejm o milet ky eshte deshira e populit se ate e ka zgjedh si avokat dhe kuvendin per perfaqesim.
Ministri i Arsimit z. Buja me ate qka ndegjova mbram ne pa rrotulla ja kish fal turqve krejt 500 vjet pushtime dhe qnjerzime e masakrime te shqiptarve ky nga karrika e nxeht dhe shum e but ja fali dhe tha se nuk duam ti keqsojm punet me turqin .

Po atyre nanen jau lujsha qe kerkojn qe pasnje kerkim falje tju heket nje pjes e fajit e keshtu ata neve nga qe jemi viktima na edhe kemi kerqardhje se qenkan mundue turqit qe kan ba gjith at rruge per me ardh te ne me na masakrue e tash duhet me ju shperbly....!

A jemi normal apo ka nis mileti me u tjetersue
#

[Guri i madh]

isha duke u mendue ,athua me pas votue per lenden fetare , a ishin caktue edhe femnat me dhan landen fetare psh naj hoxhonic ,apo veq qasi far sadullahash e gjengiza

[Murgesha]

Postimi origjinal është bërë nga Guri i madh

isha duke u mendue ,athua me pas votue per lenden fetare , a ishin caktue edhe femnat me dhan landen fetare psh naj hoxhonic ,apo veq qasi far sadullahash e gjengiza

Edhe ti shum po mendon...

Normal qe edhe femra do te ishin caktu, ti a se din qe femra asku ne bot nuk ka te drejta me shum se ato qe i perkasin fes islame?

[Guri i madh]

Postimi origjinal është bërë nga Murgesha

Edhe ti shum po mendon...

Normal qe edhe femra do te ishin caktu, ti a se din qe femra asku ne bot nuk ka te drejta me shum se ato qe i perkasin fes islame?

po une deshta me dit se a ka femra qe e kan krye shkollen e fes islame ,se po thojn do te ri ne po pranojna landen e edukates fetare veq me kan arsimtare hoxhonic

[Zero Cool]

Shamia



Seb Bytyçi


Tema e këtij shkrimi nuk është mbulesa ose mësim-besimi. Ky shkrim refuzon të diskutojë për një çështje të paqenë. Mirëpo, diskuton për çështjet reale dhe përpjekjet për ta tërhjekur vëmendjen larg atyre.

Kontrollimi i mendjes

Orwell në librin e tij “1984” paralajmëron për një shoqëri ku partia kontrollon çdo aspekt të jetës, dhe madje ekziston edhe Policia e Mendimeve. Mirëpo, unë dua t’ua rikujtoj librin e H.G. Wells “Makina kohore” (dhe filmin e vitit 2002 me të njëjtin titull) që merret me një qasje tjetër merret me temën e ngjashme. Aty një shkencëtar udhëton në kohë në të ardhmen e largët. Aty ai gjen një shoqëri të varfër që jeton sikur paraardhësit tanë në kohën e gurit. Një gjë të çuditshme që ai vëren aty është se nuk ka njerëz në moshë të shtyrë. Edhe pse në pyetjet e tij nuk përgjigjet askush, më vonë ai e kupton arsyen e kësaj. Këta njerëz vazhdimisht janë pre e disa monstrumëve që dalin nga toka. Më e çuditshmja për të është se askush nuk pranon të flas për fatin e tyre. Ata thjeshtë e pranojnë realitetin dhe nuk flasin për familjarët e tyre të rrëmbyer/vrarë nga monstrumët nëntokësor.

Më vonë, protagonisti, e kupton çfarë po ndodhë. Për shkak të një katastrofe bota shndërrohet në një vend të shkretë. Dhe lloji njerëzor evoluon në dy nënlloje, njëri, Morlokët, që jeton mbi tokë (dhe që ju ngjan shumë njerëzve të tashëm) dhe tjetri nënlloj, Eloi, që jeton nën tokë (dhe ngjajnë në monstrumë). Nëntokësorët në fakt i gjuajnë njerëzit mbi tokë për ushqim. Në film, shkencëtari kupton se nëntokësorët janë të ndarë në disa grupe, dhe përderisa një grup merret me “gjuajtjen” e njerëzve, një grup më i avancuar është në gjendje të kontrollojë mendjen e të gjithë nëntokësorëve si dhe të njerëzve mbi tokë. Kështu, predatorët i frikësojnë njerëzit duke u futur edhe në ëndrrat e tyre, dhe duke mos i lejuar as të mendojnë për rezistencë.

Mjegulla kosovare

Nuk ka si të mos vijë në mendje ky skenar, kur e sheh çfarë ndodhë me popullsinë në Kosovë. Shumë e rëndësishme është saga e shamive e mësim-besimit. Në qindra anketa që janë bërë me qytetarët kosovarë që nga viti 1999, në asnjërën për tyre nuk del si brengë shamia ose mësim-besimi. Vazhdimisht konfirmohet se brengat kryesore për qytetarët janë papunësia, varfëria dhe korrupsioni. Dhe për çfarë teme diskutojnë kosovarët me javë të tëra? Për shaminë dhe mësim-besimin, tema që as nuk figurojnë në radarin e shoqërisë kosovare për nga rëndësia.

Këtu pra qytetarëve u imponohen tema që ua tërheqin vëmendjen e tyre nga çështjet reale. Para syve kolektiv të shoqërisë kosovare vendoset një shami e errët që e parandalon shikimin e problemeve të vërteta. Dhe, me mjeshtri prej ninxhash gjuhen bomba tymi, në kohën kur buxheti i Kosovës dëmtohet me miliona euro nga korrupsioni. Grabitçarët duan mjegull.

Qytetarët si Eloi dhe çështjet e vërteta

Përderisa, mjegulla e hutia krijohen me zell në të tëra anët, qytetarët grabiten çdo ditë. Çdo i treti kosovar jeton në varfëri absolute. Inflacioni është rritur, dhe çmimet për ushqim janë rritur për gjysmë. Numri i ndërmarrjeve që mbyllen – nga presioni i tatimit në një anë dhe haraçit në anën tjetër - është rritur në vitet e fundit. Dhe çfarë ndodhë me njerëzit që mbesin pa punë dhe pa dinjitet? “Shpëtimtarët” shkojnë u ofrojnë lëmoshë duke shkelur edhe më tej dinjitetin e tyre.

Refuzimi i hirit syve

Në vend që të diskutohet për krijimin e vendeve të punës, diskutohet për shami që bartet nga disa dhjetëra persona nga gati dy milionë. Në vend që të propozohen ligje për luftimin e korrupsionit e krimit të organizuar, si p.sh. ligji antimafia ose përforcimi i Agjencisë Anti-korrupsion me fuqi prokuroriale, propozohen amandamente ligjore për mësim-besim.

Prandaj, kurthi mjegullues i ngritjes së temave të paqena është i rrezikshëm. Është mashtrues dhe dëmtues për qytetarët e Kosovës. Dhe diskurset e tilla publike që promovojnë debate romantike herë nacionaliste herë religjioze, janë qëllimkëqija dhe duhet të refuzohen.

(Autori është Drejtor i Institutit Ballkanik të Politikave. Opinionet janë personale.)

[Zero Cool]

Kundër ‘Edukatës Fetare’ në shkollat e Kosovës



Gani N. Asllani


Rreth debatit për vënien e orës fetare si mësim të detyruar nëpër shkollat e Kosovës, tashmë janë pozicionuar shumë grupe, individ, shoqata apo organizata në të dyja kampet, atë për, dhe atë kundër, duke përdorur të drejtën e qytetarit për tu edukuar, kurse nga kampi tjetër, duke përdorur argumentin e shtetit laik si bazë e fortë kushtetuese që e ndanë shtetin nga feja. Derisa në këtë zhurmë madiatike e mbi-politizuar, nxitur nga dy deputet të koalicionit ‘Aleanca për Kosovë të Re’ të hyrë në Kuvendin Popullorë të Republikës si pasojë e sistemit të çoroditur zgjedhorë në Kosovë, e që për shkak të numrave të ulët që koalicioni qeveritarë i ka në disponim, nuk mundet të ia lejoj vetes bezdisjen e tyre, kanë filluar që njerëzit të marrin edhe nofka (kryesisht komunistet nuk po duan të na lënë praktikimin e fesë) duket se më së paku, ose edhe fare nuk është shtjelluar argumenti mësimoro – pedagogjik, pra çështja se a duhet që domosdo fëmijët tanë të mësojnë fenë nëpër shkolla!

Pikërisht për këtë çështje dua t’i marrim shtruar këto argumente në cilësinë e një akademiku që për mëse një dekadë është i përfshirë në arsim të nivelit universitarë. Fillimi me një projekt të ri është kurdoherë vështirësi e madhe, e aq më tepër kur është fjala për një eksperiment të pa provuar më parë. Kështu edhe lënda e edukatës fetare kërkon një planprogram të studiuar, balancual dhe organizuar mirë. Konkretisht, sa shumë hapësirë do t’i ipej në këtë lëndë fesë Islame, si religjioni që pjesa më e madhe e banorëve të vendit i përkasin, çfarë hapësire do të zinin në këtë lëndë sektet fetare myslimane, si do të shpjegoheshin interpretimet e ndryshme të Islamit nga Sufismi (që predikon një Islam shpirtërorë dhe vetëmohues) deri te Uahabismi (që predikon mënyrën më të egër dhe më radikale të udhëzimeve Kuranore). Pastaj, sa shumë hapësirë do t’i ipej në këtë lëndë Krishterimit dhe sekteve të tija, psh a do të mund të mësonin nxënësit tanë për Krishterimin Ortodoks Armenas, apo atë arkaik Koptik. Çështja tjetër, a do të mësojnë nxënësit tanë edhe për Çifutizmin, pastaj sektet Protestante, Kalviniste, Adventiste, Metodiste, apo edhe mijëra fetë e tjera pagane, natyraliste, dhe ato që besojnë në shumë Perëndi?

Siç po shihet pra, problemet janë mëse të shumta, ku ajo e përgatitjes së një armate arsimtarësh për këtë lëndë, do të ishte ndër më problematiket. Kush do jene ata? Priftërinj, hoxhallarë, apo mësues te rëndomtë? E rëndësishme do të ishte që të mos pikaset kjo lëndë ashtu që të mbetet e neglizhuar dhe braktisur siç ka qenë për shembull rasti me lëndët e ‘Amvisnisë’ apo ‘Bazat e Arsimit Teknik’ që neve që i mbajmë mend ishin vetëm lëndë sa për të mbushur orarin, pa fare interesimi nga institucionet e atëhershme arsimore. Në kundërshtim të atyre që sjellin argumentin se në perëndim gati në çdo vend ekziston lënda e edukimit fetarë, ja një përgjigje shumë domethënëse. Të gjitha këto shoqëri e shohin këtë lëndë si problematike dhe shumë përçarëse, sepse kur në orën e mësimit mësohet për Katolikët, nxënësit Protestant të detyruar nga prindërit e tyre natyrisht, braktisin orën, dhe anasjelltas, kur shpjegohet për Protestantët, nxënësit Katolik braktisin mësimin, kurse kur flitet për Islamin, Çifutizmin apo fetë e tjera, të gjithë nxënësit së bashku braktisin orët e mësimit. Për efekt të tranzicionit që po kalojmë, dhe në respekt të vlerës madhore të tolerancës fetare që ne Shqiptarët disponojmë, pyes - a do të ishte mirë që ndasi të këtilla artificiale të shënohen edhe në kombin tonë?

Dhe në fund, edhe çështja praktike e lidhur me mësimin fetarë nëpër shkolla! Çka e keqe u erdhi atyre që deri tani nuk mësuan lëndën fetare në shkolla, pra baballarët e këtyre fëmijëve që sot janë nxënës? Si ndodhi që edhe ne mësuam për fenë edhe pse nuk mësuam nëpër shkolla për edukatën fetare? Që më sjell kështu edhe te pika e fundit e këtij rebukimi – e që është; se feja i përket pikërisht shpirtit të njeriut, është një gjendje shpirtërore dhe emocionale e besimit mbi forca të mbinatyrshme, dhe duhet të mësohet vullnetarisht dhe me vetdëshirë. Shteti më së paku duhet të ketë dorë në këtë çështje, feja duhet t’i lihet familjes, prindit dhe shpirtit të njeriut për ta mësuar kur të dojë e si të dojë.

(Autori është bashkëpunëtor shkencorë në Qendrën për Studimet e Shkencave Politike të Europës Lindore, studiues shkencorë në Universitetin Njukasell, anëtarë i Qendrës për Studimet Fqinjësore i Universitetit Sterling, bashkëpunëtor korrespondent në Universitetin e Varshavës, dhe pedagog i shkencave politike në Universitetin Glasgow, Britani e Madhe)

[Zero Cool]

Boll mo! E kemi kuptuar lojën!



Fahri Xharra


Mjaft mo se na ngulfatet! Nuk jemi shqiptarët e kohës së Esad Pashë Toptanit, ku “dum`babatë” luanin lehtë me ne. Ata na diktonin se si te mbathemi, se si te vishemi se si te flasim. Ata na i caktonin rrugët e jetës. Hoxhallarët e kohës së sotme duhet ta dinë ndryshimin me shqiptarët e përmendur më lartë dhe neve të sotmit, se ne dimë shkrim-lexim, se ne sot flasim shumë gjuhë të huaja, se edhe ne të tjerët dimë të shkruajmë dhe lexojmë edhe arabisht, përveç tjerash, nëse kjo është e rëndësishme.

Mos i keqinterpretoni gjërat, mos na ngulfatni. Na leni rehat në rrugën tonë që na e ka caktuar vetë perëndia. Rruga e jonë, ajo e trajektores së DIELLIT, është e vetmja rrugë që ne sot e dimë dhe mundemi, dhe do ta ndjekim. Mos na i pudrosni gjeneratat e reja me pluhurin e rrugës pa dalje. Kot e keni. Ne jemi ata që nuk do të lejojmë kthimin prapa, nuk do t’i lejojmë askujt që të na pengon në rritjen e miqësisë me Evropën. Evropa jemi ne.

Ne shqiptarët myslimanë kemi praktikuar ato pak rite të mbetura nga okupimi shumëshekullor turko-mysliman dhe jemi ballafaquar me problemet e vërteta të jetës, qoftë për një mbijetesë apo një jetë më të mirë. Vlerësimi i të huajve ishte se jemi “myslimanë të lehtë”. Por, çfarë u mendua kur na quajtën “myslimanë të lehtë”? Evropa na donë vetëm kështu. E edhe ne e duam Evropën ashtu si është.

Qëllimi i shkrimit tim është që ata që duan ta mësojnë të vërtetën mbi vellot, shamitë, perçet, ferexhenë dhe “havalen” dhe në përgjithësi fshehjen e femrës nga “sytë e botës”. Qëllimi shumë i pastër pa kurrfarë tentimi të ç`vlerësimit të feve. Ato (fetë) le të vazhdojnë me qenë. Ato le të punojnë për ata që duan, por pa kurrfarë imponimi ligjor për të tjerët.

Jam konsultuar me një literaturë të shëndoshë nga burimet arabe dhe çdo fjali që e përmendi në tekstin e mëposhtëm e ka burimin e shkruar prej nga është shkëputur. Do i përmendi termet arabe për mbulesë të femrës të cilat po keqpërdoren nga ata që po iu shkon për shtati: hijâb (higjab); jilbâb (gjilbab); khimâr ( himar);

Çka thotë libri i shenjtë për vellon? Asgjë. Bile asgjë. Kurrkund nuk përmendet koka e femrës. Fjala “flokët” (sha`ar) aty nuk gjendet fare. Zoti nuk thotë asgjë as për mbulimin e as për zbulimin e flokëve. Nuk ishte qëllimi i ardhjes së Kur`anit që t’i mësoj njerëzit se si të vishen. Fjala vello, me qëllimin se si i ipet sot, nuk është pjesë e fjalorit dhe porosive kuranore. Velloja është një “krijesë” e shariatit.

Kurani dhe Hijab-i

Nga historia dhe origjina, bartja e Hijabit është institucionalizuar nga “Sharia”, ligji fetar i Islamit. Hijabi është i ndërlidhur vetëm me dy vargje të Kuranit, dhe iu është imponuar myslimanëve. Fjala është për vargjet 24:30, 31, 33:59.

1. Surja: Nuur (Drita),vargjet 30-31.

Kurani i paraqet principet e ligjit të thjeshtësisë (modestisë) në kapitullin24 (Nuur) Drita- thjeshtësia iu përshkruhet si myslimanëve ashtu edhe myslimaneve: “Thuaju besimtarëve që të largojnë shikimin që të ruajnë dëlirësinë, dhe t’i hedhin vello mbi gjoksin e gjinjtë e tyre... Allahu është i sigurt, njohës shumë i mirë se çka ata bëjnë”...30,31.

Sipas vargjeve të mësipërme, myslimani duhet të vishet si i ka hije njeriut në mënyrë të thjeshtë. Pra nuk parashihet asnjë ndalesë e as dënim për femrat e shpluara. (e përkthyer dhe e shpjeguar nga Muhammad Asad, Mesazhet e Kur`anit (Dar el- Andalus 1984). Himari, dhe përdorimi i tij shërben për të mbuluar gjoksin lakuriq të femrës së kohës dhe që “gjoksi nuk është që pa tjetër duhet të shihet”.

2- Surja 59 ( Al Ahzab) vargjet 58-59

“Bartje e hijabit në urdhrin e dytë të Koranit”. Sipas tij në atë kohë si femrat ashtu edhe meshkujt binin pre e provokimeve dhe shkeljeve morale. Nëse femra myslimane duhej të veshte një pelerinë të madhe, kur dilte nga shtëpia, arsyeja ishte që të mos ngacmon me pamjen e saj dhe të sulmohet.
Bartja e vellos, hijabit nuk është urdhër kuranik. (Ibrahim B. Sayed “ Women in Islam : Hijab (Islamic Reaserch Fondation International ,1998)

Kurse, Zonja Nazira Zin al-Din në Al Sufur Wa`l-hijab (Beirut, Quzma Publication) shkruan “Moraliteti im dhe vetëdija ime pa njolla është më e vlershme se sa bartja e mbulesës. Asgjë e mirë nuk duhet të pritet nga pamja (dukja) e jashtme, të gjitha të mirat dhe virtytet qëndrojnë ne brendinë time”.
Bartja e mbulesës së femrës është bërë sot në disa vende një dëshirë politike, një teatralizim i dëshirës për të qenë e lirë. Krejt se çka mendojmë për femrën të mbështjellët apo jo, në Kur’an nuk gjendet asnjë përshkrim i tillë.

Hijabi dhe injoranca është mbështjellësi që e mbulon zemrën, dhe e pengon kërkimin e së vërtetës për të pasur qasje në bashkim me Zotin dhe që e pengon njohjen e fshehtësisë së brendshme. Atributet dhe sjelljet tona negative si egocetrizmi, lakmia, materializmi, egoizmi, dëshira, kërkesat tona dhe shfrytëzimi i kufizuar i vetvetes si një mbulojë e trashë do të pengon dritën e shenjtë të Zotit të ndriçon zemrat tona. Me këtë rast ne e injorojmë të vërtetën,unin tonë të vërtetë dhe mbesim në kufirin me pamjen e së të vërtetës. Sipas Kur`anit ,”velloja dhe terri është në sytë e të padijshmit, të largojmë mosdijen e të ballafaqohemi më të vërtetën”.

Hijabi – mbulesë e brendshme shpirtërore

Emri “Hijab ( Higjab) në Kur`an vetëm 7 herë përmendet, pesë prej tyre si “Hijab” dhe dy herë si “Hijaban”. Shihni 7:46, 17:45 , 19: 17 , 33:53 , 38:32 , 41: 5 , 42 :51. Asnjëherë fjala “Hijab” nuk është përdorur ,si po na thuhet sot nga të pangopshmit në lidhje “me kodin e veshjes së femrës muslimane. Velloja apo hijabi në Kuran nuk ka të bëj aspak me ligjet e veshjes së femrës, bile as asaj arabe.

Sot, krejt kjo është për të vendosur diktaturat në shtetet e caktuara të botës, për të krijuar një kundërsulm nga të moderuarit e për të pasur alibi për shtrirje të tyre. S`ka aspak të bëj me Islamin e vërtetë.

Dr. Tarik Suwaidan thotë: “Në shumë vende arabe tradita e moçme ka rifilluar të praktikohet. Nëse e hedhim një vështrim të thellë për atë që ishte praktikuar në shekullin e 7-të, ne do të shohim shumë qartë “në shtëpitë e kohës nuk kishte mure dhe duhej të viheshin perde për tu ndarë burrat nga gratë, dhe se ato gra myslimane nuk duheshin të bashkëbisedonin me burrat dhe të qëndronin të ndara pas një perdeje...”

Pavarësisht nga pohimet e eruditëve (dijetarëve) konservatorë, nuk ka asnjë bazë në “Librin e Shenjtë” për mbështjelljen e femrave si gjë të obligueshme, por përpjekja e tyre është një sulm i tërthorë në imponimin torturues ndaj suverenitetit të grave, dhe se të gjitha autoritetet e pavarura e vërtetojnë se nuk ka asnjë bazë për këto urdhëresa kufizuese. Përveç kësaj, ideja se Perëndia apo al-Llâh i preferon gratë e mbuluara ose që trupi i grave është awra, vjen ngase gratë duhen të jenë të mbrojtura ndaj sulmit të burrave dhe shoqërisë imorale, kurse hijabi është i rremë dhe vetëm për të penguar qasjen e gruas në pavarësinë arsimore, sociale dhe politike.

Kurse në tokat mbarëshqiptare, qëllimet shihen prej kozmosit dhe janë të qarta: lufta për pushtet dhe përkushtimi për të dërguar në vend porosinë e porositësve. Shkolla është një vend i formimit e i edukimit të qytetarëve të rinj për t`i përgatitur të jetojnë në një shoqëri laike me respekt të lirisë fetare. Në shkollat tona në Kosovë ka katolikë, myslimanë, protestat, ortodoks, të padeklaruar, ata janë aty të jetojnë si njerëz të lirë në të gjitha pikëpamjet fetare. Në Kosovë, bartja e shamisë u imponohet vajzave të reja, qoftë nga familja, qoftë nga bashkëfetarët. Ajo shpreh një përulje jo ndaj Perëndisë, por ndaj presionit të rrethit. Bartja e shamisë në Kosovë shpreh manifestimin e një integrizmi fetar e që është i rrezikshëm për ne, pasi këtu jemi edhe jomyslimanët të një kombi, gjuhe dhe historie.

Stigmatizimi i femrës myslimane në Kosovë është një fenomen i ri i shfaqur pas luftës së fundit dhe debati lidhur me shaminë islamike i ka dhënë shoqërisë një dimension të ri.
Boll mo! E kemi kuptuar lojën.

[Zero Cool]

Rrënjët e së keqes sonë



Rashit Alidema, profesor i UP-së


1:21 / 15.09.2011

Zbehje e imazhit të shqiptarëve
Shqetësim i madh është për ne se çfarë bën tanimë sot feja (partia) myslimane për Kosovën e shqiptarët, që drejtohet nga kryemyftiu i Kosovës N. Ternava dhe zv. i tij jozyrtar, Ferid Aganit?! Këta duan ta kthejnë vendin në të shkuarën, kur ai ka nevojë të domosdoshme, urgjente për specifikat e ndërtimit të shtetit, sjelljen e progresit, modernizimin, sepse ne jemi ende as në çerek të rrugës. Ndoshta nuk ju duket kjo e qartë? Për dhjetë vite me radhë çka u rritë dhe zhvillu, as kultura, as gjuha, as ekonomia, as punësimi. Ne ende edhe sot jemi shteti më i varfri në botë, me një popullsi prej 2,5 milionësh për afërsisht 70% e re nën 30 vjet, më e re në botë - që është një plus i madh.

Këto orkestrime protestash myslimane (grupe ekstremiste, apo siç i quajnë fundamentalistë myslimanë), që po e zbejnë edhe imazhin e Kosovës e të shqiptarëve, sidomos në sytë e ndërkombëtarëve, më kujtojnë ato të serbëve në fund të shekullit të kaluar, autorësia e gjithë që qëndronte në faktin se prapa të gjitha atyre akteve qëndronin forcat sekrete serbe dhe ato speciale, të cilat kishin kryer trajnime të posaçme për veprime të tilla, së bashku me strukturat e tyre militare dhe paramilitare (koordinoheshin veprimet edhe me disa “njerëz“ tanë). Më kujtojnë edhe ato të v. 1912, marrjen e Shkupit nga kryengritësit tanë, kur “dikush“ iu tha – lironi të burgosurit! Çka u bë mandej – kaos shpërbërës, tronditje, shkatërronin çdo gjë në qytet që shihnin para veti , edhe këtë në sytë e diplomatëve ndërkombëtarë (shiko luftërat e popullit shqiptar 1909-1912). Të gjitha këto presione bëjnë pjesë në përbërjen e politikës diskriminuese, për realizimin e objektivave të Serbisë në relacion me Kosovën.

Dobësitë e arsyes
Më shumë vëmendje meriton një diskutim serioz në përgatitjen e tyre profesionale, origjinën dhe shkakun e besimeve fetare: deri në çfarë mase ata mund të pretendojnë të jenë vërtetë, munden të vazhdojnë ato shpjegime shkencore të botës dhe të jetës? Dhe atëherë përgjigja dominuese negative për këtë pyetje do të vendoset rreth saj. Feja dhe shkenca, siç dimë, janë dy mënyra për të shpjeguar realitetin e njëjtë: natyrën dhe origjinën e botës, jetës, njeriut. Doktrinën fetare të krishterimit, p.sh., të lindjes së Krishtit prej Virgjëreshës Mari, është absolutisht e papajtueshme me të dhënat më themelore biologjike, dhe të pakuptimta, - dokrra, përrallë e vrazhdë; mandej, pikëpamja fetare e universit, ku toka është në qendër, më lart, në qiell jeton Zoti, ose “mbretëria e qiellit” është parajsa, e diku në fund, nën tokë, është ferri - natyrisht, tërësisht të paekuilibruar, disharmoni dhe pa organizim shkencor në përfaqësimin e pafundësisë së gjithësisë, rrotullimin e tokës rreth diellit, etj.

Marrim në shqyrtim të shkurtër, p.sh., dy shkenca, njëra ekzakte – gjeometrinë, dhe tjetrën natyrore – fizikën. Te dyja (pjesërisht) i mësojnë të njëjtat format e trupave, por merren ato në marrëdhënie të ndryshme; prandaj përfundimet e tyre nuk përputhën, por as një grimë nuk kundërshtohen njëra me tjetrën. Marrim ligjin universal të jetës. Këtë ligj e dinë shumë, edhe pse e quajnë në mënyra të ndryshme – ligjin e lidhjeve të shkaqeve e pasojave, ligjin e veprimeve, etj. E fizikanët këtë e quajnë ligjin e tretë të Njutonit: “Ligji i veprimit reciprok”. Ndërsa në mësimet shpirtërore, në trajtën e afarizmit është: “Çka mbjellë, atë edhe e korrë”. Dy shpjegimet e para ndryshojnë ndjeshëm, divergjenca njëra me tjetrën, dhe për këtë njohja e njërës nuk mund të pranohet tjetra. Pasi shkenca bazohet në dëshmi të sakta, ndërsa feja kërkon nga ne që t’i besojmë verbërisë, në kundërshtim me shkencën, atëherë zgjidhja nuk mund të jetë e luhatshme.

Në institucionet tona të arsimit nuk mund të mësohet kurrfarë lënde e çfarëdo feje! Fjalët e një deputeti në seancën e parlamentit të RK, mbajtur para do dite, ishin me vend: “Le të zhvillojnë ata mësimet fetare nëpër kisha, xhamia, e jo nëpër shkolla tona”. Kërkesë e mosdijes, apo diçka tjetër, apo eufori - vetëm të jem diku të parët... Ne nuk jem të rëndomtë në botën që na rrethon, ne për ta nuk jem krejtësisht të kuptueshëm. Ne s’ jem agresor kundër askujt. Ne duhet të kem nga parimet themelore se nuk mund të jem të parët nga i dyti. Kjo duhet të jetë filozofia-etnike e karakterit tonë shqiptar... Në rend të parë duhet themeluar kompleksin ushtarako-industrial, sepse ne jem komb me forcë jomadhore, dhe ne ekzistojmë në rrethanat “duhet – që do të thotë, mundesh”. Pa këtë ne biem të thartuar, të mërzitur, pa këtë nisim të tretëm, si komb. Gjëja më e keqe, që në rend të parë kombi ynë po vuan. Neve edhe tani na pengojnë të identifikojmë veten si komb. Për fat të keq, ata nuk e kuptojnë se ne jemi e vetmja forcë, që jem në gjendje t’i përballojmë të paaftit, që e parazitojnë në të vërtet kuptimin e “kombit shqiptar”. Njeriu shqiptar nuk mund të jetë apriori nacionalist. Në tërë historinë e vet shqiptarët e panë që ngjyrën e bardhë të paraqesin në tërë spektrin e shtatë ngjyrave...

I thërrasim qëllimkeqët që të mos diskreditojnë vendin, kombin shqiptar, që të paktën (ose krejtësisht) vendin duan ta kthejnë ose në përngjashmëri të ndonjë vendi arab!? Sipas krye imamit të Kosovës, zotëri Sadri Bajgorës, prej çlirimit e deri më 31 dhjetor të v. 2010, sipas të dhënave zyrtare (jo zyrtare nuk dihet numri) në Kosovë janë ndërtuar 155 xhamia të reja, 22 janë në ndërtim e sipër, 218 janë riparuar e meremetuar, 212 janë rindërtuar. Kanë mbetur pa ndërtuar edhe 6, në mesin e tyre edhe xhamia e Ibrit, në pjesën veriore të Mitrovicës; gjithsejtë 670 –zyrtare. Ndërsa shkolla të gjitha llojeve, sipas të dhënave të përfaqësuesit të Ministrisë së arsimit, Hilmi Ramadanit, në të njëjtën periudhë, janë ndërtuar 118 e në ndërtim e sipër 30.

Në emisionet e tyre, që po iu jepen mundësi (?!), të flasin gjithçka edhe përmes mjeteve të masës informative, sistemit të mirëfilltë në rrjetin e radiolidhjeve, radiomaterëve e sistemeve tjera komunikimi, ku, përveç të tjerave, e lusin Zotin t’i dënoj ata që nuk i zbatojnë kërkesat e tyre. Por, për këtë dihet shumë mirë nga mësimet shpirtërore, se Zoti nuk përzihet në punët e njeriut. Zoti e luan rolin e vet, vetëm në periudhën kalimtare (për më shumë për këtë, shfleto, p.sh., filozofinë indiane). Njeriu që drejt e kupton doktrinën fetare, asnjëherë nuk i kërkon fajtorët, nuk ankohet në fat dhe nuk thotë: “Pse, o Zot?”. Duke marr për veti përgjegjësinë, ai do të korr frytet e kaluara për të sotmen, ndërsa për të ardhmen do të mbjell vetëm “arsyen, të mirën, përjetësinë”. Po për këtë, e për të gjitha gjerat tjera, ata e kanë vështirë ta kuptojnë këtë edhe këtë : para se të veprosh – mendo, para se të thuash – mendo, para se të mendosh – mendo. Njeriu merr nga jeta atë, çka i sjell asaj: dëshirën - vullnetin - veprimin -fatin. Pa këtë rrugë veprojnë vetëm ata me dobësi arsye ose kokëfortit primitiv.

Hierarkia e pushtetit
Ndërsa qeveria, parlamenti, në të cilin ekziston hierarkia e pushtetit dhe mbrojtjes (mbrojtjes së dyfishtë: nga KFOR-i si të rrezikuar ende nga forcat e brendshme serbe si lëvizje politike dhe ushtarake, kuptohet ilegale), i marrin në shqyrtim kërkesat e rrugëve si vend demokratik, - vetëm për të qëndruar në pushtet, e jo të zgjidhin edhe problemet tona më shumë të rëndësi – shkollimin, kujdesin shëndetësor, varfërinë... Nuk ka hapa përpara. Në të kundërtën ka hapa mbrapa në të shkuarën kur vendit i duheshin reformat e shpejta të praktikës neo-liberale, për të ndërtuar ndonjë model më konkurrues, njerëzve për t’iu marr mendimet dhe partitë të mos bëhen kukulla të regjimit, funksionimet të mos bëhen me lista, dhe të lejohen parti të reja, me elektorat, për bashkëinteresat e politikës dhe të ekonomisë, për të arritur një partneritet social dhe garanti në zhvillimin demokratik.

Qeverisë i duhet edhe programi kundër krizës, koncepti filozofik, një lloj koncepti të asaj se si Kosova të bëhet një komb i bashkuar dhe shoqëri e bashkuar. Gjithmonë të tentojmë kah e ardhmja. Të themi: “besoj, se gjithçka do të jetë mirë! Betohem në lumturinë e ardhshme të kombit!”. Ne, patriotët kombëtarë, luftojmë për krijimin e një shteti të fort. Jo në dëm të tjerëve. Ne besojmë se roli ynë historik, do të shkon nga ajo, që asnjë prej kombeve të botës, që kanë arritur lulëzimin politik dhe ekonomik, nuk do të na sëmur sindromi i dominimit të botës në të gjitha sferat e jetës. Që, p.sh., nëse Amerika i ka të gjitha, të gjitha ...

Dy herë në lumin e përgjakur nuk hyhet
Tani po përgatiten përsëri të kaloj edhe njëherë kërkesa e tyre në parlament. Gabim, të mos përsëritë më, dy herë në lumin e përgjakur nuk hyhet! Tani me kërcënime të prishjes së koalicionit qeveritar? Edhe më mirë, formohet tjetra, ku padyshim do të vijnë njerëz, politikanë, diplomat shumë më të ngritur se kjo. Krejt kjo kalohet me vizionin e përgjithshëm kombëtarë.

Në javën e kaluar nxënësit e Gjimnazit “Sami Frashëri” në Prishtinë janë deklaruar 100% - kundër kërkesave të tilla.

Mbetët, përulni kokat e juaja, ju nismëtarë të këtyre telasheve, rrënjëve të së keqes sonë, përpara popullit liridashës, me kritikë të vetmotivuar, të pikëpamjeve liberale dhe autoriteti i juaj, i myslimanëve përparimtar, do të ketë tjetër rezonancë edhe në botën demokratike civilizuese.

[Zero Cool]

Kriza sociale shkatërron imunitetin kombëtar



Leon Duhanaj


1:17 / 15.09.2011


Mirëqenia ekonomike, është njëri ndër faktorët më me rëndësi, që preokupon masat e gjëra të një shoqërie. Sipas shumë raporteve, anketimeve dhe hulumtimeve, të shumë organizatave në Kosovë, preokupimet kryesore të popullatës janë: papunësia, mungesa e mirëqenies, korrupsioni në institucione, gjë që mbetet edhe faktor kyç dhe shkaktar direkt i skamjes.

Gjatë fushatës elektorale në zgjedhjet e vitit të kaluar, Kryeministri Thaçi premtoi rritje të rrogave në shumë sektor, gjë që ati i solli pushtetin. Ndërsa a ndikoi ky vendim edhe në rritjen e mirëqenies, përgjigjja është një jo e sigurt. Pse? Sepse përqindja e rritjes së rrogave shumë shpejt u balancua me rritjen e çmimeve, gjë që e neutralizoj efektin e rritjes . Ndërsa çfarë ndodhi me pjesën tjetër të shoqërisë e cila është e papunësuar fare, e cila nuk gëzon asnjë mbështetje nga shteti, ose siç janë pensionistët të cilët detyrohen të jetojnë me 85, përkatësisht 45 euro në muaj. Me këtë pjesë të shoqërisë, nuk u mor askush, pra tek grupi i të punësuarve gjendja në mos më keq , mbeti e njëjtë, ndërsa tek pjesa tjetër gjendja u përkeqësua në mënyre drastike.

Hapi i vendosjes së masave të reciprocitetit me shtetin serb, i cili ishte vërtetë me vend dhe i domosdoshëm. Ishte një mbështetje e madhe për buxhetin si dhe prodhuesit e vendit , e cila rriti sasinë e prodhimeve vendore dhe njëkohësisht edhe rritjen e të hyrave në kasat shtetërore. Mirëpo, çfarë ndodhi me konsumatorin e vendit dhe me fuçinë blerëse të tij. Ajo ra prapë, sepse çmimet e shumë artikujve u rriten në heshtje. Të gjitha këto masa për shumicën e qytetarëve të vendit sollën vetëm rritje të skamjes dhe krizës sociale.

Si rezultat i kësaj pamundësie ekonomike, popullata shqiptare po ballafaqohet tani gjithnjë e më shumë edhe me probleme të tjera. Shumë familje dhe shumë të rinj kanë rënë pre e agjenturave të huaja, të cilat në emër të mbështetjes ekonomike indoktrinojnë fëmijë, të rinj e të rritur, duke i zhveshur totalisht nga ndjenja e përkatësisë kombëtare, duke mbjell urrejtje ndërvëllazërore, si dhe duke mbjellë ndjenjën, empatinë me kultura të huaja të cilat për kombin tonë nuk janë asgjë tjetër pos një kancer vdekjeprurës.


Dua të përmend këtu një shembull, të cilin e kishte përdor ushtria turko-otomane, në kohen e pushtimit shumë shekullorë të shqiptarëve. Përpos vrasjeve, persekutimeve plaçkitjeve pengmarrës së fëmijëve të krishterë, të cilët i përdorte si ushtarë Jeniçer, ata përdornin edhe mënyra të tjera për konvertimin dhe tjetërsimin e shqiptarëve. Njëra nga ato ishte edhe dhënia e pasurisë për ata që hiqnin dorë nga qenia e tyre, ndërsa ishte përdorur edhe një metodë shumë djallëzore dhe jonjerëzore, por e cila ishte e efektshme.

Ata të cilët edhe përpos terë këtyre masave të dhunshme e çnjerëzore nuk ju bindeshin pushtuesve, ua merrnin të gjithë pasurinë që posedonin gjerë edhe miellin nëpër magje që kishin, dhe lenin fëmijët e tyre pa bukë. Ndërsa sasi të caktuara të bukës i lenin nëpër xhami, ku nëse dikush nuk e duronte që fëmijët e tij të vdisnin nga uria , i mundësonin të merr bukë në xhami, por natyrisht se pari duke pranuar islamin.

Për të kuptuar mirë këto ngjarje të tmerrshme antihumane dhe antinjerëzore, duhet zhvendosur vëmendjen në kontekstin e atëhershëm kohor, dhe pastaj në kontekstin e sotshëm, se si mund ta përjetoj një prind urinë e fëmijëve të vet.

Për dallim nga ajo kohë, e cila ishte shumë e rënd dhe nga e cila nuk kishte rrugëdalje, gjë që njerëzit e pranuan ndikimin e dhunshëm duke hequr dore nga identiteti i tyre , por që në masë të madhe asnjëherë nuk u pajtuan me këtë, duke i ruajtur traditat me fanatizëm gjerë në çlirimin e trojeve tona nga zgjedha shekullore. Por çka po ndodh tani? Shqiptaret, me gjasë me mirë rezonojnë kur gjenden në rrezik ekzistencial, sesa kur janë të lirë. Pas çlirimit të Kosovës duke shfrytëzuar lirinë dhe demokracinë, në Kosovë u futen me qindra e qindra shoqata të ndryshme humanitare, disa nga to vërtet ndihmuan në rindërtimin e vendit, por për fat të keq disa tjera ishin në shërbim të agjenturave të huaja, dhe financimi i tyre ishte ekskluzivisht ai kulturorë, gjë që në mënyrë graduale arriti të përhap ndikimin e vet, i cili kohëve të fundit po i tregon frytet e errëta. Pse ndodhi kjo? shtrohet pyetja, a kishin shqiptaret ideale kombëtare me të vërtet? Ngase është totalisht e pakuptimtë të shohësh që njerëz të cilët identifikohen me luftën e UÇK-së për liri tani, e gllabërojnë shtetin për të cilin u derdh gjak. Korrupsioni është dukuri shumë e përhapur ne jetën institucionale, pasurimi i shpejt përmes krimit të organizuar e të gjitha dukurive negative të mundshme, e gjerë tek tendenca dhe përpjekjet tinzare për ta ndryshuar historinë ne favor të armiqve shekullorë. A mos vallë ishte ky qëllimi i luftës ? Vallë për çfarë ideali u luftua ?...

Kosova dhe populli shqiptarë, ka fituar luftën frontale, por ka rrezik ta humb atë morale, e cila po gllabëron identitetin shqiptarë. Kosova çdo dit e më shumë po largohet nga rruga të cilën e kishte ndjekur shumë gjatë e sidomos në gjatë epokës Rugoviane. Kush duhet të fajësohet për këtë situatë, sigurisht që përpos disa figurave të dyshimta që e luajnë rolin e avokatit të djallit , duke i shpërlarë trurin një pjese të popullatës, fajin kryesor për këtë e ka pikërisht politika dhe institucionet e vendit, të cilat e kanë sjell popullin në varfëri të skajshme, dhe si rezultat i kësaj varfërie po bije viktimë e manipulimeve dhe indoktrinimeve, nga të cilat vështirë që do të mund të dalë pa pasoja.

Kësaj radhe, rreziku është shumë më i madh sesa përpara. Historia që harrohet, thonë që përsëritet. Tek shqiptarët, ka filluar një ripushtim i ri, por kësaj radhe po e bëjmë vetë me dëshirë. Sot rryma të ndryshme luftojnë haptazi kundër kauzës kombëtare dhe çka është me e keqja mburren me atë. Kohëve të fundit politika dhe opinioni në Kosovë nuk kanë temë tjetër, pos asaj fetare. Edhe pse u votua në Parlament për çështjen e mësim-besimit dhe shamisë, assesi nuk po ndalet debati për këtë temë. Kujt po i konvenon apo po i shërben kjo punë? Pse nuk po respektohen institucionet e vendit dhe vendimet e përfaqësuesve e zgjedhur nga populli? Kush po i frynë zjarrit, në drejtim të dhunimit të institucioneve? Për këto dhe pyetje tjera duhet të përgjigjet qeveria e vendit e cila është përgjegjësja me e madhe për këtë agoni.

[Guri i madh]

ne jena ngut i kena keqkuptue se kta nuk kan kerkue shamin e veshejen si ne arabi ,po ket shami e ket veshje e kan prpozue ,ajo pik e rendit te dites duhet edhe nji her me u kthye ne shqyrtim