Lajme aktuale nga vendi !

[Fshatari]

Postimi origjinal është bërë nga Guri i madh

po thojn ish kan musliman boshnjak e i kthye ish bae shka

Normal ! Mos me pas ndrrue fene as kriminel nuk ish bo po meqe u bo ertodoks shka u bo ne te njejten kohe kriminel shka sipas formules mire te njohur:
shka ortodoks=kriminel 100%.

[Zero Cool]

Hetimet çojnë te Ristiqi





Kryetari paralel i Zubin-Potokut, Slavisha Ristic, ka mundësi që të përballet me drejtësinë, me dyshimin se ka gisht në vrasjen e Enver Zymerit. Beogradi në heshtje mbështet aksionet e fundit në veri.
Hetuesit ndërkombëtarë tashmë kanë ardhur në përfundim se strukturat paralele serbe që financohen nga Qeveria e Serbisë janë të përfshira me strukturat e krimit të organizuar në veri të Kosovës. Një nga ta është kryetari i komunës paralele të Zubin- Potokut, Slavisha Ristic, i cili sipas burimeve ndërkombëtare të ditores “Zëri”, që merren me çështjen e sigurisë, po del se është i përfshirë në vrasjen e policit kosovar, Enver Zymeri.

“Janë disa shenja të hetimeve që çojnë te kryetari paralel i Zubin- Potokut”, thotë për “Zëri” një nga zyrtarët që është i përfshirë në hetimet e nisura të EULEX-it pas vrasjes së Zymerit më 26 korrik, derisa njësitet ROSU dhe FIT ishin rrugës drejt pikës kufitare, Porta 31.

Prita që u është bërë këtyre njësive të Policisë së Kosovës ka ndodhur pikërisht në fshatin Vragë, që është pjesë e komunës së Zubin-Potokut, e udhëhequr nga Ristic dhe siç duket edhe grupeve që atë ditë kanë qenë në pritje të njësisë speciale të Policisë kosovare.

“Shumica e atyre që ne po i kërkojmë janë në arrati, ndryshe nga Ristic, i cili hëpërhë është duke e vazhduar aktivitetin e tij në Zubin-Potok. Por, kjo shumë shpejt mund të ndryshojë pasi ka të dhëna që po detyrojnë hetuesit ta përfshijnë atë në dosjen e vrasjes së Enver Zymerit”, thotë i njëjti burim.

Zyrtarë ndërkombëtarë të misioneve që janë të përfshira në aksionet e fundit kanë dhënë sqarime me pak ndryshime për reagimin e Beogradit. Sidoqoftë, ata pajtohen se kësaj radhe Tadic, por edhe ish-Trashëgimtari I Milosevicit, Ivica Dacic, kanë dhënë shenja përkrahjeje për kapjen e atyre që kërkohen për vrasjen e Enver Zymerit, por edhe shkatërrimin e pikës kufitare, Porta 1.

“Ata kanë thënë se kur është në pyetje hetimi dhe kapja e atyre që kanë bërë krime, nuk e kanë problem këtë punë. Megjithatë, zyrtarëve serbë asnjëherë nuk iu dihet sigurt”, ka thënë burimi I “Zërit”.

Humbja e përkrahjes nga Beogradi për strukturat e veriut rezulton edhe me një reagim të vakët kundër aksioneve të fundit.. “Zëri” merr vesh se në kuadër të hetimeve ndërkombëtare del në shesh fakti se një pjesë e konsiderueshme e atyre që rrinin nëpër bllokadat serbe nuk kanë qenë me zemër e shpirt aty.
“Kriminelët në veri janë duke humbur shumë pasi edhe kontrabanda shënon rënie”, thotë diplomati ndërkombëtar, derisa merret vesh se një pjesë e konsiderueshme e atyre që kanë qëndruar me ditë të tëra në barrikada janë paguar me nga 300-350 euro.

[Zero Cool]

Arrihen dy marrëveshje në ‘atmosferë negative’





Në Bruksel ka përfunduar raundi i radhës i dialogut Kosovë – Serbi. Bisedimet e së premtes, ndonëse në një atmosferë të tensionuar, kanë arritur të nxjerrin dy marrëveshje – për vulat doganore dhe për regjistrin kadastral. Sipas palëve pjesëmarrëse, zbatimi i marrëveshjes për vulat pritet të ndodhë shumë shpejt.
Kreu i delegacionit serb në bisedime, Borislav Stefanovic, tha se me njohjen e vulave, pritet që Kosova “brenda 7-10 ditësh të heqë embargon ndaj mallrave të Serbisë” dhe të lirojë mundësinë e qarkullimit të lirë të mallrave nga Serbia në, siç tha ai, “pjesën tjetër të territorit të Serbisë, që quhet ‘Kosovë e Metohi’”.

Ndërkaq, kryenegociatorja kosovare, Edita Tahiri, duke konfirmuar arritjen e marrëveshjes, tha se kjo e fundit do të thotë “heqje e embargos shumëvjeçare që Serbia u ka bërë mallrave të Kosovës”, në kundërshtim me, siç u shpreh, parimet e tregtisë së lirë në rajonin e CEFTA-s.

Tahiri dhe Stefanovic po ashtu kanë konfirmuar se është arritur pajtim edhe për kadastrën, raporton REL. Tahiri tha se pas kësaj marrëveshjeje, pritet që Serbia t’i kthejë Kosovës regjistrat e kadastrave, mirëpo pranoi se një gjë e tillë do të bëhet duke kthyer origjinalet e skanuara.

Të dyja palët pranuan se atmosfera e sotme ishte “shumë negative”. Stefanovic tha se kishte mjaft akuza ndaj palës serbe për rolin e Beogradit në veri të Kosovës, por theksoi se nuk është diskutuar për situatën në këtë pjesë e as për strukturat e atjeshme.

Kryengeociatorja Tahiri konfirmoi po ashtu atmosferën jo të mirë në takim. Duke folur personalisht tha se më parë e kishte parë si “njeri të dialogut” zotin Stefanovic, mirëpo gjatë verës ky i fundit, sipas saj, ishte shndërruar në “krijues të trazirave”. Andaj, shtoi Tahiri, nuk ka qenë e lehtë “ta takojë sot”. “...por, me këtë takim dhe me këtë sjellje, Kosova ka dashur të dëshmojë që është e gatshme të pranojë normat evropiane”, tha Tahiri.

[Guri i madh]

Trashëgimtar i Thaçit, Kadri Veseli ose Enver Hoxhaj

Publikuar: 03.09.2011 - 10:43Prishtinë, 3 gusht – Njeriu që fare pak i është ekspozuar publikut, Kadri Veseli, ose njeriu ndër më medialët në parti, Enver Hoxhaj, pritet ta zëvendësojë Hashim Thaçin në drejtimin e PDK-së, kur ai t’i rreket garës për majë të pushtetit, shkruan gazeta Koha Ditore. Të parin e do partia e të dytin ndërkombëtarët.

Burime të sigurta i kanë thënë gazetës të premten se në mesin e zyrtarëve të vendeve evropiane, jashtë Kosovës, ka pasur që janë shprehur të brengosur me lajmin për mundësinë e largimit të Hoxhajt, në kuadër të riformatimit të Qeverisë, të paralajmëruar për muajin shtator.

Këta zyrtarë perëndimorë, që kanë dashur të mbeten të paemërtuar, nuk kanë shprehur ndonjë preferencë për emrat e ministrave të tjerë të përmendur për largim – ministrin e Zhvillimit Ekonomik, Besim Beqajn, dhe atë të Arsimit, Ramë Buja – por kanë thënë se shpresojnë që në rastin e shefit të diplomacisë, Hoxhaj, kryeministri Thaçi të mos e marr një vendim të tillë.

“Shpresojmë se Hoxhaj nuk do të largohet nga posti tani”, ka thënë një prej zyrtarëve perëndimorë, duke e vlerësuar punën e ministrit të Jashtëm.

Por, arsyet kryesore për përkrahjen e Hoxhajt nuk kanë të bëjnë me punën e tij prej ministri, por me pritjet nga një pjesë e ndërkombëtarëve që pikërisht ai të jetë pasardhës i Thaçit në krye të Partisë Demokratike të Kosovës.

Sipas këtyre burimeve perëndimore, pritjet në së paku disa prej kryeqyteteve evropiane janë që Hoxhaj të jetë lideri i ardhshëm i PDK-së, kur Thaçi të jetë larguar nga partia – gjë që do të mund të ndodhte mbase edhe në zgjedhjet e ardhshme presidenciale.

Çka thonë burimet brenda PDK-së lidhur me këtë, kush është i preferuari i Hshim Thaçit për pasardhës në krye të partisë, dhe përse Thaçi nuk është i interesuar edhe për një mandat qeveritar, gjerësisht mund të lexoni në numrin e sotëm të Kohës Ditore.

Shpërthim dhe të shtëna armësh në Zubin Potok


04-09-2011 13:23 CET


Një shpërthim i fuqishëm dhe të shtëna armësh janë dëgjuar rreth mesnatës së shkuar në komunën e Zubin Potokut.
Nuk dihet lokacioni i saktë i këtij shpërthimi dhe nëse ka të lënduar, ka thënë zëdhënësi i Policisë në Mitrovicë, Besim Hoti.
Ndërkohë serbët vazhdojnë ta mbajnë bllokadën e vendosur mbrëmë në fshatin Banjskë, si reagim ndaj KFOR-it që kishte ndaluar disa kamion që po kontrabandonin naftë nga Serbia. /rtk/

[Neferta]

shkau po thot : Jo nëpunës kosovarë në pikat kufitare
BEOGRAD- Pas arritjes së marrëveshjes mes Kosovës dhe Serbisë për vulat me ndërmjetësimin e BE-së, Serbia ka paralajmëruar dje se nuk do të pranojë nëpunës kosovarë në dy pikat kufitare doganore në veri të Kosovës. Kryetari i delegacionit serb për bisedimet, Borislav Stefanoviç tha se "punësimi i nëpunësve kosovarë në pikat doganore të Jarinjës dhe Bërnjakut është i papranueshëm për Serbinë", citon agjencia serbe Beta. Marrëveshja e vulave parashikon një vulë më neutrale të pranueshme për të dyja palët me mbishkrimin "dogana e Kosovës".

Sipas marrëveshjes së re pritet heqja e embargos për qarkullimin e mallrave nga të dyja palët brenda pak ditësh. Sipas Stefanovic, marreveshjet e arritura ne Bruksel nuk kishin të bënin me statusin e Kosoves pasi sipas tij vulat dhe dokumentacioni doganor janë neutralë ndaj statusit.

Marrëveshja e arritur të premten në Bruksel ndërmjet përfaqësuesve të Prishtinës dhe atyre të Beogradit, ku Serbia pranoi vulat e Kosovës pa elemente shtetërore në to, ka ngjallur reagime të shumta nga të dyja anët.

Në Prishtinë thonë se Qeveria e Kosovës me këtë marrëveshje ka shkelur sovranitetin e shtetit, është degraduar dhe madje ka kthyer kohën siç ishte para shpalljes së pavarësisë në periudhën e ish- administratës ndërkombëtare të UNMIK-ut. Ndërsa në Beograd thonë se Serbia me këtë marrëveshje po i afrohet njohjes së shtetit të Kosovës.

[Guri i madh]

Wikileaks: Grekët shantazhuan autoritetet në TiranëPublikuar: 04.09.2011


Tiranë, 4 shtator - Ambasada Amerikanë në Tiranë ka përgatitur një dokument sekret për Departamentin e Shtetit në lidhje me bisedimet e fshehta Shqipëri-Greqi për çështjen e kufirit detar si dhe ndërtimin e varreza në Jug të vendit. Zbulohet se grekët kërkuan katër varreza në jug të vendit, e jo sa kanë tani (dy të tilla), si dhe kërcënuan për mosdhënien e pëlqimit për hyrjen në NATO apo ratifikimin e MSA-së nëse nuk miratohej marrëveshja për kufirin. Vetë diplomatët shqiptarë kanë denoncuar që herët marrëveshjen për kufirin. Ja edhe kabllogrami i plotë i Ambasadës:



1. Qeveria greke po bën presion te qeveria shqiptare që ajo të pranojë kërkesat e saj në negociatat dypalëshe për demarkacionin e kufirit detar mes dy vendeve. Athina po kërcënon gjithashtu se do të refuzojë ratifikimin e MSA-së për Shqipërinë me BE-në pas një çështjeje të diskutueshme që përfshin varrezat e ushtrisë greke në Shqipëri, në atë që qeveria shqiptare e sheh si një përsëritje të shantazhit të Greqisë, të përdorur kundër ambicieve të Maqedonisë për anëtarësimin në NATO. Bisedimet mbi çështjen e varrezave vazhdojnë, pasi raundi i fundit i negociatave, më 30 shtator, përfundoi pa konkluzione.



2. Sipas Ledia Hysit, drejtoreshë e çështjeve ligjore dhe marrëveshjeve në Ministrinë e Punëve të Jashtme, qeveria shqiptare dhe ajo greke kanë negociuar për disa muaj për të demarkuar kufirin e tyre detar. Negociatat kanë hasur në probleme të shumta për shkak të asaj që ajo e përshkroi si “standarde të dyfishta” greke, duke përdorur metoda të ndryshme demarkacioni për pjesë të ndryshme të vijës detare, ndërsa Shqipëria ka përdorur një standard bazë në sistemin e demarkacionit të zbatuar nën konventat ekzistuese ndërkombëtare. Me fjalë të tjera, shqiptarët i akuzojnë grekët me “zgjedhjen e qershive” në kufijtë më të favorshëm duke përdorur metoda të ndryshme demarkacioni për pikat e ndarjes së kufirit. Gjatë një prej sesioneve të fundit të negociatave në Tiranë, zyrtari grek që drejton delegacionin i dha homologut të tij shqiptar një ultimatum. Qeveria greke do të kishte vullnet të binte në kompromis mbi kufirin detar afër Korfuzit (thuhet për shkak të interesave ekzistuese të ushtrisë amerikane për të instaluar pajisje ushtarake të SHBA-ve në Jalë, në Jug të Shqipërisë). Megjithatë, zyrtari grek paralajmëroi delegacionin shqiptar që të bien dakord me kërkesat e tjera të tyre dhe t’i mbajnë “Fuqitë e largëta” – që do të thotë SHBA – jashtë negociatave. Një frazë identike është përdorur edhe në takimin në Tiranë nga ambasadori grek gjatë një takimi me ministrin e Jashtëm, Basha.



3. Një tjetër çështje e diskutueshme mes Athinës dhe Tiranës është kërkesa e Greqisë për të ndërtuar deri në katër varreza ushtarake në pjesën jugore dhe lindore të Shqipërisë, për të kujtuar ushtarët grekë që vdiqën gjatë luftimeve të shqiptarëve kundër trupave italiane në vitin 1920. Qeveria shqiptare e ka kundërshtuar kërkesën greke sepse ajo nuk bie dakord me planin e Athinës për varreza të ushtarëve të huaj në tokën shqiptare, që do të ishte bazë për ndarjen e identitetit fetar dhe etnik, por edhe për t’i dhënë Athinës një hapësirë për të ushtruar pretendimet historike territoriale të Greqisë për Jugun e Shqipërisë. Me gjithë kërkesat e shumta nga qeveria shqiptare për të vendosur një komision të pavarur ekspertësh për të vendosur mbi këtë çështje, Athina gjithmonë ka mbajtur mbi çështjen e varrezave propozimin si “merre ose lëre”.



4. Më 30 shtator, negociatorët grekë dhe shqiptarë u takuan në Tiranë, por përsëri nuk arritën të përpunojnë një marrëveshje mbi çështjen e varrezave. Sipas drejtorit të Përgjithshëm shqiptar për çështjet rajonale, kryenegociatorit Islam Lauka, shqiptarët e hodhën poshtë një kërkesë greke për katër varreza në Jug të Shqipërisë, duke ofruar në vend të kësaj, një varrezë në Tiranë. (Shënim: Mbetjet e trupave britanike, gjermane dhe të tjerë të huaj të vrarë në Shqipëri gjatë Luftës së Parë Botërore, Luftës së Dytë Botërore dhe luftërave ballkanike, u mblodhën dhe u varrosën në Tiranë; mbetjet e trupave italiane u mblodhën dhe u kthyen në Itali. Asnjë nga trupat e huaj nuk janë varrosur në Shqipëri, “në fushën e betejës”, siç ka kërkuar qeveria greke).



5. Sipas Laukës, pasi kundërshtuan ofertën fillestare greke, pala shqiptare ra dakord për të lejuar një varrezë greke në Jug të Shqipërisë, një ofertë që Lauka e karakterizoi si një lëshim të madh, duke pasur parasysh faktin se të gjitha varrezat e tjera të ushtarëve të huaj, janë në Tiranë. Grekët bënë një kundër-ofertë për dy varreza në Jug, me një opsion për një varrezë të tretë më vonë. Qeveria shqiptare e hodhi poshtë propozimin grek, duke i dhënë fund bisedimeve pa konkluzione.



6. Lauka theksoi se pasi iu bë e qartë palës greke që bisedimet nuk po shkonin sipas planit të tyre, një nga negociatorët grekë i tha Laukës se për shkak të konsideratave të brendshme politike, do të ishte e papranueshme për grekët “për të shkuar në shtëpi duarbosh”. Lauka i tha ekipit grek që edhe shqiptarët shqetësoheshin për konsideratat e tyre të brendshme politike, duke iu referuar popullatës etnike shqiptare çame që ishte dëbuar nga Greqia pas Luftës së Dytë Botërore dhe që ka pretendime të vazhdueshme mbi kthimin e pronave me qeverinë e Greqisë.

Greqia kërcënon të bllokojë MSA-në



7. Gjatë një raundi të mëparshëm të negociatave mbi varrezat, pas kalimit të mesazhit për ta mbajtur Uashingtonin jashtë negociatave, grekët u dhanë një ultimatum të dytë, më të fortë, shqiptarëve. Ndërsa Marrëveshja e Stabilizim-Asocimit të Shqipërisë (MSA) me Bashkimin Europian është ratifikuar deri tani nga 22 vendet e BE-së, Greqia është një ndër tre shtetet e fundit që deri tani nuk e ka bërë këtë. Ambasadori grek i tha Bashës se në qoftë se qeveria shqiptare nuk bie dakord për kushtet e Athinës në lidhje me varrezat ushtarake, atëherë Parlamenti grek nuk do ta ratifikojë MSA-në. Ai gjithashtu i tha Bashës se në të njëjtën ditë që Shqipëria nënshkruan çështjen e varrezave, Parlamenti grek do të ratifikojë MSA-në e Shqipërisë. Në lidhje me çështjen e kufirit detar të vendeve dhe pavarësisht nga fakti se qëndrimi grek në negociata është në kundërshtim me konventat ndërkombëtare, Athina ka thënë se për kufirin ose do të bihet dakord në termat e saj, ose nuk ka marrëveshje. Hysi tha se qëndrimi grek ishte një kërcënim serioz për zhvillimin afatgjatë të zonës bregdetare jugore, pasi do të krijojë pengesa për turizëm, transport, peshkim, naftën në shtratin detar dhe shfrytëzimin e gazit, dhe se kjo mund të çojë edhe në incidente territoriale me Greqinë. Me kujtime ende të freskëta mbi veton e Athinës në ftesën për në NATO të Maqedonisë, qeveria shqiptare beson se pozitat greke në kufirin detar dhe çështjen e varrezave janë kërcënime serioze për interesat e shqiptarëve dhe sovranitetin.



Sipas kabllogramit të Ambasadës Amerikane, qeveria shqiptare nuk kërkoi ndihmën e SHBA-ve në lidhje me bisedimet me palën greke, duke shtuar se shqiptarët mund t’ia dilnin vetë. “Qeveria shqiptare në këtë pikë nuk duket se po shqetësohet për kërcënimin e Greqisë për të bllokuar ratifikimin e MSA-së, me sa duket duke besuar se për aq kohë sa Shqipëria vazhdon të bëjë një përpjekje mirëbesimi për të vazhduar bisedimet, grekët nuk do të duan të izolojnë vetveten brenda BE-së mbi një çështje që vendet e tjera të BE-së ka të ngjarë ta shohin si të vogël. Por, në prag të suksesit grek për bllokimin e aspiratave të Maqedonisë në NATO, shqiptarët nuk janë të bindur nëse grekët janë thjesht duke bërë blof. Në këtë pikë, qeveria shqiptare nuk ka kërkuar ndihmë nga SHBA apo ndërhyrje me Greqinë, duke preferuar ta zgjidhë këtë me vetë grekët”, thuhet në kabllogram

[Zero Cool]

Opozita: Aksioni të shkojë deri në fund






Partitë opozitare në Kosovë kanë kërkuar nga qeveria që të mos tërhiqet nga vendimi i saj për të vendosur rendin e ligjin edhe në veri të Kosovës dhe të mos mjaftohet me deklarata bombastike se ka kthyer kontrollin në këtë pjesë, ndërsa realiteti në terren flet ndryshe.
Alsat raporton se Lidhja Demokratike e Kosovës i ka bërë thirrje Qeverisë që aksionin e nisur me 25 korrik për të vendosur kontrollin në tërë territorin e Kosovës ta çojë deri në fund dhe të mos pranojë asnjë kompromis me askënd për sa i përket vendosjes së ligjshmërisë në këtë pjesë.

Kreu i grupit parlamentar të LDK-së, Ismet Beqiri, ka thënë se partia e tij përkrah çdo gjë që shkon në favor të vënies së rendit dhe ligjit në territorin e Kosovës, e në veçanti në veri.

Partia tjetër opozitare, Aleanca për Ardhmërinë e Kosovës, e vlerëson të domosdoshëm bashkërendimin e veprimeve mes institucioneve vendore dhe ndërkombëtare për vendosjen e kontrollit në veri. Ahmet Isufi nga kjo parti ka thënë se Serbisë duhet t’i bëhet me dije se nuk mund të shkelë mbi territorin e Kosovës përmes mekanizmave të këtij shteti.

Partitë opozitare kërkojnë edhe nga EULEX-i që të mbështesë institucionet e Kosovës në vendosjen e rendit dhe ligjit në veri.

[Zero Cool]

Kërkohet ndihma e Gjermanisë dhe Francës për lirimin e Berishës





Ministria e Punëve të Jashtme e Kosovës ka kërkuar nga Qeveria gjermane dhe ajo franceze që të ndikojnë tek Eritrea për lirimin e menjëhershëm të pilotit shqiptaro-amerikan, James Berisha, i cili derisa ishte në mision lobues për njohjen e Kosovës është burgosur nga autoritetet e këtij shteti afrikan.
Nga MPJ kanë thënë se Gjermania dhe Franca kanë raporte të mira me shtetin e Eritresë dhe pritet që me ndikimin e tyre të arrihet lirimi i pilotit Berisha.

RTV21 citon zëdhënësin e MPJ-së, Artan Behrami, të ketë thënë se ministri Enver Hoxhaj ka kërkuar nga Gjermania dhe Franca që të ndikojnë në lirimin e Berishës dhe se, po ashtu, ai i ka dërguar një letër homologut të tij nga Eritrea, përmes së cilës sqaron misionin lobues të Berishës për njohjen e pavarësisë, në mënyrë që prezenca e tij atje mos të keqkuptohet nga autoritetet e këtij vendi.

Sipas informacioneve të deritashme, mësohet se gjendja shëndetësore e Berishës është e mirë dhe se ai po trajtohet në mënyrë korrekte nga ana e autoriteteve të Eritreas dhe se shumë shpejt pritet lirimi i tij.

[Zero Cool]

Vidhen barnat e konfiskuara nga Inspektorati i AKPM-së?





Barna me vlera të mëdha parash deri në mbi dy-trembëdhjetë mijë euro janë vjedhur nga objekti i Agjencisë Kosovare për Produkte Mjekësore (AKPM), pa u ditur se si ka ndodhur kjo.
E gjitha është bërë në kohën kur u.d. i kryeshefit të kësaj agjencie, Jeton Shala, gjendej në një udhëtim zyrtar jashtë vendit, njëkohësisht edhe në kohën kur Ministria e Shëndetësisë po shqyrtonte mundësinë e kërkesës për anulimin e konkursit të shpallur kohë më parë, për postin e të parit në këtë institucion.

Kështu, barnat e konfiskuara nëpër barnatoret private nga Inspektorati pas vërtetimit se “biznesi” me to përbën shkelje ligjore, janë sjellë brenda institucionit të AKPM-së, por më pas një sasi e madhe e tyre janë vjedhur që aty.

Burime të besueshme të “Kohës Ditore” kanë bërë të ditur se javën e kaluar në një mëngjes është vërejtur se stoqet e barnave të konfiskuara nuk ishin ashtu siç janë lënë nga Inspektorati ditën paraprake.

“Janë vjedhur sasi të mëdha barnash, dhe madje me paketime të tëra. Ndërsa ato nuk kanë mundur të barteshin me torba, prandaj nuk ka shanse që të mos dihet se si janë nxjerrë nga objekti. Aq më tepër kur objekti, përveç me kamera, sigurohet edhe nga rojat fizike 24 orë pandërprerë”, ka thënë ky burim i gazetës.

Ku burim ka pohuar se janë vjedhur me qindra paketime barnash të konfiskuara.

[Guri i madh]

AKTUALE




Meshë solemne në përvjetorin e Nënë Terezës Në 14 vjetorin e vdekjes së Nënë Terezës, sot në katedralen e Prishtinës, në kuadër të festës së Nënës Terezë, u mbajt një meshë solemne, e organizuar nga Ipeshkvia e Kosovës.... Postuar: 02:54:10 / 05.09.2011
Mesha u drejtua nga delegati apostolik i Papës, shkëlqesia e tij Imzot Juliusz Janosz.
“Jam i sigurtë se dashuria juaj për Kishën dhe per Papën do të jetë e durueshme dhe e mirëfilltë në proceset e stabilizimit të gjendjes politike dhe kishtare” tha mes të tjerash Imzot Janosz.
Të pranishëm në Festën e Nënës Tereze ishin edhe përfaqësues nga institucionet e Kosovës dhe misioneve ndërkombëtare, por edhe Arqipeshkvi i Tivarit , Zef Gashi.
Nënë Tereza ka lindur në Shkup në vitin 1910, dhe vdiç me 5 shtator të vitit 1997 në moshën 87 vjeçare. Ajo kaloi 45-vjet në shërbim të plotë të varfërve, të të sëmurëve, jetimëve duke ofruar dhe kërkuar ndihma për ta në mbarë botën. Në vitin 1979 ajo mori Çmimin Nobel për Paqe.

[Zero Cool]

Vitia i organizoi pritje madhështore ish-luftëtarit të UÇK-së Xhavit Hasani





Ish-luftëtari i UÇK-së Xhavit Hasani, i cili sot u lirua nga burgu u Dubravës ku ka qëndruar për 11 vite e 2 muaj, është pritur në mënyrë madhështore nga qytetarët e komunës së Vitisë. Atij ju bë pritje edhe nga udhëheqja komunale, ku i dëshiruan mirëseardhje. Xhavit Hasani ka qenë i dënuar me 14 vite burgim, sipas një aktakuze të organeve maqedonase e që ishte zbatuar nga administrate e UNMIK-ut në Kosovë. Me një vendim të ushtruesit të detyrës së presidentit të Kosovës Jakup Krasniqi, bazuar në ligjin për amnisti me rastin e Ditës së pavarësisë së Kosovës, Hasanit i janë falur 3 vite, kështu që sot ai është liruar nga burgu i Dubravës. Në një takim me kryetarin e komunës Nexhmedin Arifi, Hasani u shpreh i brengosur për fatin e shokëve të cilët i ka lënë në burg.Kam emocione dhe jam i brengosur për shokët që i lash në burg të cilët padrejtësisht po mbahen ku një pjesë e tyre ka me nga 10 vite dhe numri tyre është i madh. Jam mirënjohës stafit korrektues të burgut të cilët kanë qenë mjaft korrekt ndaj nesh sit ë burgosur. Unë kam qenë i kidnapuar dhe jam mbajtur në burg, në bazë të një vendimi të organeve të gjyqësisë së Maqedonisë i cili vendim ka qenë i papërfunduar, por që ka gjetur mbështetjen tek administrate e UNMIK-ut, u shpreh Hasani. Ndërsa kryetari i komunës Nexhmedin Arifi tha se lirimi i tij është i mirëseardhur për të gjithë ne, edhe si udhëheqje komunale, edhe si qytetar, por megjithatë ka qenë për familjarët. “Xhaviti na ka munguar dhe lirimi i tij na ka gëzuar të gjithëve, sepse e dimë veprimtarin patriotike të tij për lirinë e Kosovës, u shpreh kryetari Arifi.

[Zero Cool]

Serbët e veriut kërkojnë ndërrimin e Stefanovicit





Përfaqësuesit e komunave paralele të Zveçanit, Mitrovicës dhe Zubin-Potokut – Dragisa Milovic, Krstimir Pantic dhe Slavisa Ristic – kanë kërkuar ndërrimin e shefit të delegacionit serb për bisedime me Prishtinën, Borislav Stefanovic, sepse – siç kanë thënë ata – “me marrëveshjet e tij po i dëmton serbët e Kosovës”.
“Stefanovici, qëkur bisedon me Prishtinën, i ka sjellë dëme serbëve të Kosovës, më shumë se bashkësia ndërkombëtare në 12 vitet e fundit”, ka thënë ata në një konferencë në Zveçan.

Si arsye për ndërrim, kanë shtuar se Stefanovici nuk e gëzon besimin e serbëve të Kosovës e edhe të liderëve të tyre në veri.

“Presim ftesën e presidentit të Serbis, Boris Tadic, që në takim në Beograd qartë t’i themi se nuk duam të bashkëpunojmë me Stefanovicin”, ka thënë Pantinc, transmeton “Beta”.

Liderët e komunave paralele kanë thënë se Stefanovici në Bruksel merret vesh në emrin e tij personal dhe se “për këtë duhet të deklarohet edhe Kuvendi i Serbisë”.

“Serbët që 12 vite kanë arritur t’i mbajnë institucionet e tyre në veri, i kanë përdorur dokumentet dhe tabelat serbe, ndërsa për shkak të marrëveshjes së arritur në Bruksel, që nga 1 nëntori duhet të përdorim tabela dhe dokumente të Kosovës”.

[Guri i madh]

Postimi origjinal është bërë nga Guri i madh

AKTUALE




Meshë solemne në përvjetorin e Nënë Terezës Në 14 vjetorin e vdekjes së Nënë Terezës, sot në katedralen e Prishtinës, në kuadër të festës së Nënës Terezë, u mbajt një meshë solemne, e organizuar nga Ipeshkvia e Kosovës.... Postuar: 02:54:10 / 05.09.2011
Mesha u drejtua nga delegati apostolik i Papës, shkëlqesia e tij Imzot Juliusz Janosz.
“Jam i sigurtë se dashuria juaj për Kishën dhe per Papën do të jetë e durueshme dhe e mirëfilltë në proceset e stabilizimit të gjendjes politike dhe kishtare” tha mes të tjerash Imzot Janosz.
Të pranishëm në Festën e Nënës Tereze ishin edhe përfaqësues nga institucionet e Kosovës dhe misioneve ndërkombëtare, por edhe Arqipeshkvi i Tivarit , Zef Gashi.
Nënë Tereza ka lindur në Shkup në vitin 1910, dhe vdiç me 5 shtator të vitit 1997 në moshën 87 vjeçare. Ajo kaloi 45-vjet në shërbim të plotë të varfërve, të të sëmurëve, jetimëve duke ofruar dhe kërkuar ndihma për ta në mbarë botën. Në vitin 1979 ajo mori Çmimin Nobel për Paqe.

[Zero Cool]

Ekstremistët serbë kërcënojnë edhe KFOR-in





Përfaqësuesit e serbëve të veriut të Kosovës kanë paralajmëruar mundësinë e bllokimit të sërishëm të rrugëve, siç është thënë, nëse KFOR-i vazhdon t’i mbajë të bllokuara rrugët alternative, të cilat e lidhin veriun e Kosovës me Serbinë. Ata po ashtu kanë paralajmëruar edhe bllokimin e mallrave furnizuese për KFOR-in.
Lideri i serbëve të Zveçanit, Dragisa Milovic, ka theksuar se KFOR-i plotësisht e ka bllokuar rrugën që shpie për në Novi Pazar, në fshatin Izvori dhe, sipas tij, situata po vjen duke u komplikuar dhe tensionuar. “Nëse rrugët alternative në Zubin Potok dhe Leposaviq mbyllen në mënyrë hermetike, ne nuk do të lejojmë KFOR-in që të furnizojë ushtarët e vet përmes atyre rrugëve, por këtë le ta bëjë përmes ajrit. Pastaj, ta shohim se a kanë llogari për këtë dhe në interesin e kujt do të jetë një gjë e tillë”, ka theksuar Milovic, raporton Radio Evropa e Lirë.

Edhe një tjetër përfaqësues i serbëve të veriut të Mitrovicës, Krstimir Pantic ka paralajmëruar se qytetarët serbë do t’i kthejnë barrikadat në rrugë, duke vlerësuar se kjo do të ishte hap logjik i tyre dhe e drejtë legjitime, përballë veprimeve të KFOR-it. “Ata, sipas të gjitha gjasave, me vetë iniciativë do t’i bllokojnë të dy urat e qytetit, kështu që bllokada do të nisë që nga Mitrovica e deri në Jarinjë. Ne e shfrytëzojmë rastin që t’i bëjmë thirrje bashkësisë ndërkombëtare dhe para së gjithash KFOR-it, që të ndikojnë që situata të qetësohet...”.

Ndryshe, situate në veriun e Kosovës të hënën ka qenë e qetë. Zëdhënësi i Policisë së Kosovës për rajonin e Mitrovicës, Besim Hoti, ka thënë se gjatë ditës së hënë nuk është raportuar asnjë incident ne veri të vendit. Ndërkaq, lidhur me paralajmërimet e liderëve serbë të veriut për mundësinë e bllokimit të rrugëve në veri të vendit, Hoti ka theksuar se Policia e Kosovës do të përdorë kapacitetet e saj për ruajtjen e qetësisë dhe rendit publik.