Edhe Gjermania sikur Zvicrra me debime

[pirro]

Me aeroplana e me kerre
Gjermania dhe Kosova në vjeshtë nënshkruajnë marrëveshje për riatdhesim të emigrantëve kosovarë. Ende nuk dihet numri i saktë i atyre që do të kthehen, por tash për tash flitet për ata që kanë rënë ndesh me ligjet gjermane. Kthimi pritet të realizohet vitin tjetër.

Nga Jeton Musliu më 07.07.2009 në ora 16:27
Ka shumë mundësi që vitin e ardhshëm, avionët të mbushen me kosovarë, të cilët do të riatdhesohen nga autoritetet gjermane drejt Kosovës.

Një marrëveshje e tillë për kthim të shtetasve të Kosovës nga shteti gjerman, pritet të nënshkruhet në vjeshtë, ndërmjet autoriteteve përkatëse të Prishtinës dhe Berlinit.

Ende nuk dihet saktë dhe në mënyrë zyrtare, vendi, data e nënshkrimit të këtij dokumenti, dhe as koha e saktë e fillimit të zbatimit të tij.

Megjithëkëtë, burime zyrtare nga Qeveria e Kosovës, i kanë treguar Expressit se fjala është për vjeshtën e këtij viti.

“Marrëveshja e tillë pritet të nënshkruhet në vjeshtë të këtij viti, kurse zbatimi i saj kërkon kohë ngase shteti i Kosovës ka procedura të tjera të ratifikimit nga ato të shtetit gjerman”, thotë ky zyrtar për Express.

Ndërkohë, tash për tash, krejt çfarë dihet është se shteti gjerman, duket të jetë i vendosur për të kthyer një numër të kosovarëve në atdheun e tyre.

Madje një fakt të tillë, zyrtarë gjermanë, ua than në sy bashkëbiseduesve të tyre të martën në Prishtinë, saktësisht, Zenun Pajazitit, ministrit të Punëve të Brendshme të Kosovës.

“Me ministrin tuaj të Punëve të Brendshme kemi arritur të biem dakord për kthimin e emigrantëve kosovarë nga Gjermania”, thotë August Hanning, Sekretari i Shtetit në Ministrinë e Brendshme Federale të Gjermanisë.

Tekstin e plotë mund ta lexoni nesër ne Gazetën Express