Gazeta elektronike sportive: "FUTBOLLI

[gen|us]

Van Basten thërret Sedorf, Van Persin dhe Van Nistelroin


Në aksion sërish “garda e vjetër”. Të paktën kur flasim për Rud Van Nistelroin dhe Klarenc Sedorf kemi të bëjmë me dy rikthime të bujshme në kombëtaren e Holandës. Marko van Basten ka lënë mënjanë mëritë dhe ka thirrur skuadrën më të mirë për miqësoren ndaj Zvicrës më 22 gusht. Kjo ndeshje do të jetë edhe testi kryesor i “portokallinjve” për ndeshjet e shtatorit ndaj Bullgarisë dhe Shqipërisë. Ja futbollistët e grumbulluar:
Portierë: Edvin van der Sar (Manchester United), Marten Stekelenburg (Ajax Amsterdam)
Mbrojtës: Khalid Boulahrouz (Sevilla), Vilfred Bouma (Aston Villa), Urby Emanuelson (Ajax Amsterdam), John Heitinga (Ajax Amsterdam), Kju Jaliens (AZ Alkmaar), Joris Mathijsen (Hamburg), Mario Melchiot (Uigan Athletic)
Mesfushorë: Ibrahim Afellay (PSV Eindhoven), Giovanni van Bronckhorst (Feyenord), Clarence Sedorf (AC Milan), Uesley Sneijder (Real Madrid), Demy de Zeu (AZ Alkmaar)
Sulmues: Rafael van der Vaart (Hamburg), Ryan Babel (Liverpool), Dirk Kuyt (Liverpool), Rud van Nistelrooy (Real Madrid), Robin van Persie (Arsenal),
Jan Venegor of
Heselink (Celtic)
__________________

[gen|us]

Cicinho: Kalimi te Sevilla do të ishte perfekt


Cicinho ka zbuluar se do të dëshironte një kalim tek Sevilla - nëse Real Madrid arrin marrëveshje me klubin rival - një marrëveshje e cila do t’i përshtatej secilës palë.
Pjesëtari i kombëtares së Brazilit, është cituar duke thënë se do të lëshonte Bernabeun vetëm për t’iu bashkuar Romës, por tash ka hapur dyert edhe për një kalim te Sevilla.

Më herët gjatë kësaj jave disa raportime bënin të ditur se Sevilla e ka ofruar Daniel Alvesin në shkëmbim me një shumë parash plus Cicinhon, dhe kjo tash do të mund të lëvizë më tej.

“Nëse Real Madrid dhe Sevilla arrijnë një marrëveshje dhe unë do të jem i kënaqur me të, atëherë kjo do të ishte perfekt”, ka sqaruar braziliani. “Për momentin unë jam lojtar i Real Madridit dhe pres që drejtuesit e klubit dhe agjenti im të vendosin për mua – megjithatë unë jam mirë, pasi që kam edhe dy vite të mbetura me kontratën e tanishme”.
“Nëse Real dëshiron që unë të largohem dhe oferta është e mirë për të gjitha palët, atëherë nuk do të ketë problem. Nëse jo atëherë do jem sërish i qetë pasi që do të vazhdojë me Madridin”.

Cicinho po ashtu ka thënë se do të ishte shumë i interesuar për një kalim tek Roma, pavarësisht faktit se gruaja e tij ka shprehur shqetësimin për tu transferuar në kryeqytetin italian.
“Nuk do të gënjej”, ka vazhduar ai. “Është e vërtetë se kam pranuar disa oferta dhe Roma është klubi të cilin e pëlqej. Ata më kanë ftuar dhe kjo është shumë tërheqëse për mua, po aq sa edhe Sevilla”.

[gen|us]

Nuk ka probleme mes Fergusonit dhe Erikssonit


Sven Goran Eriksson është në pritje të dëshmojë zgjuarsinë tij përballë, Sir Alex Fergusonit, gjatë derbit të së dielës, që do të zhvillohet në mes dy klubeve nga Manchesteri.


Gjatë kohës sa ishte trajner i Anglisë, Eriksson ka pasur një sërë mosmarrëveshjesh me Fergusonin, rreth asaj se si duhet t’i përdorë lojtarët e United në ndeshjet miqësore. Por, Eriksson mezi pret të kalojë më tej dhe ta shijojë drejtimin e Cityt kundër rivalit të vështirë, gjatë këtij vikendit.

“Nuk ka probleme mes meje dhe Alexit”, ka thënë suedezi për gazetën The Sun. “Ne mund të kishim pasur opinione të ndryshme rreth United dhe ekipit kombëtar, veçanërisht rreth ndeshjeve miqësore, por ne, po ashtu, kemi pasur edhe mjaft darka së bashku, andaj nuk ka asnjë personale këtu.”

“Një gjë është e sigurt. Nuk do t’i kem në dispozicion lojtarët e Alexit, ashtu siç i kam pasur më herët”.

Cristiano Ronaldo është përjashtuar nga ndeshja me Cityn, ndërsa Wayne Rooney është i lënduar, por Eriksson nuk është tepër i kënaqur pse mungon ky tandem. Ai edhe më tej parashikon një ndeshje të vështirë kundër ekipit të Manchester United i cili është katër pikë pas Cityt, pas dy ndeshjeve të sezonit.

“Është për keqardhje, pasi që adhuruesit dëshirojnë t’i shohin lojtarët më të mirë në fushë”, ka thënë ai për Rooneyn dhe Ronaldon. “Sidoqoftë, United ka ende mjaft lojtarë të tjerë

[gen|us]

Ferguson: City mund të bëhet ekip i fuqishëm


Para ndeshjes derbi të së dielës, mes klubeve të Manchesterit, bosi i United, Alex Ferguson, ka thënë se City mund të krahasohet me Chelsean dhe mund të bëhet fuqi e madhe në Premier Ligë.

Me ardhjen e menaxherit të ri Sven-Goran Eriksson dhe me investimin rreth 60 milionë euro, në tetë lojtarë të ri, nga pronari po ashtu i ri, Thaksin Shinawatra, Manchester City ka sjellë një frymë të re emocionuese dhe shpresëdhënëse.

“Në aspektin afatgjatë, siç ka dëshmuar Chelsea, nëse ke mjaft para dhe blen lojtarët e duhur, mund t’ia dalësh”, ka thënë menaxheri i Manchester United, Alex Ferguson. “Ndoshta kjo është vetëm fillimi. Me sa duket ky njeri ka shumë para, andaj kush e di çfarë mund të ndodhë në të ardhmen. Ai mund të sjellë ndonjë yll të madh ndërkombëtar, të profilit të lartë”.

Manchester City në ndeshjen e nesërme do të jetë pa Cristiano Ronaldon, i cili është përjashtuar për tri ndeshje pas katronit të kuq që ka marrë gjatë lojës kundër Portsmouthit, derisa Gary Neville, Wayne Rooney, Louis Saha, Anderson dhe Owen Hargreaves, janë të gjithë jashtë, për shkak të lëndimeve.

Bosi i United shpreson se Carlos Tevez dhe Paul Scholes do të kenë ndikim në ndeshjen si mysafirë në Eastlands, derisa ata janë në kërkim të fitores së parë pas dy barazimeve.

[gen|us]

Torres: Titulli i Premier Ligës prioritet i Liverpoolit


Liverpool ka luftuar në finalet e fundit të Ligës së Kampionëve, por për klubin, i cili dominoi në futbollin Anglez në vitet 1970-ta dhe 1980-ta, prioritet i këtij sezoni është të sigurojnë titulli i Ligës.



Sulmuesi i ri Fernando Torres thotë se klubi do të koncentrohet në fitoren e titullit në Premier Ligë, të cilin për herë të fundit e fitoi në vitin 1990. Torres pritet të bëjë debutimin në Anfield, në ndeshjen kundër Chelseat, që zhvillohet të dielën.

Fitorja, ose humbja e pamenduar, mund të përcaktojë tonin e gjithë fushatës së Liverpoolit në Premier Ligë. Torres konfirmon se menaxheri, Rafa Benitez, dhe lojtarët e tij janë të gjithë të fokusuar në arritjen e suksesit në ligën vendore.

“Është e habitshme, unë erdha duke menduar për Ligën e Kampionëve, por në ekip çdokush mendon për Premier Ligën”, ka thënë Torres për “The Sun”. “Kjo pasi që shumica e tyre fituan në Stamboll por nuk kanë fituar titull. Sigurisht, as unë. Klubi ka kaluar 17 vite pa e fituar dhe çdokush beson se këtë vit mund ta fitojmë”.

Torres, që erdhi nga Atletico Madrid, për rreth 30 milion euro, rreth ndeshjes me Chelsean shton: “Ndeshja kundër Chelseat në Anfield është loja për të cilën kam qenë më së shumti i emocionuar të luaj që kur kam nënshkruar për Liverpool. Duket si një ndeshje e Ligës së Kampionëve”.

[gen|us]

Crespo i gatshëm të luftojë për vend startues



Golashënuesi argjentinas, Hernan Crespo, nuk ka humbur shpresat për të siguruar një vend në 11-shën startuese, me gjithë konkurrencën e egër që do ta ketë në Inter gjatë sezonit të ri.



Sulmuesi 32-vjeçar do të luftojë kundër bashkëlojtarëve si Ibrahimovic, Adriano, Cruz dhe kundër të posa-ardhurit këtë verë, Suazo, për të qenë favorit i trajnerit Mancini. Por ai është i sigurt se, kjo është gjë e zakonshme kur je anëtar i një prej klubeve më ambicioze në botë.

“Nuk kam frikë nga fakti se në ekip ka shumë sulmues të mirë që konkurrojnë me mua për vend në ekip, kjo është normale në një klub që dëshiron të mbetet në maje të futbollit botëror”.

Crespo ka komentuar të arriturat e Interit gjatë sezonit të kaluar, gjatë të cilit ata fituan skudeton, ndërsa pranon se këtë vit do ta kenë më vështirë.

“Ne fituam duke thyer çdo rekord, askush nuk e ka menaxhuar Interin me aq shkathtësi, por ne mund ta bëjmë të njëjtën gjë me më pak pikë edhe këtë herë”.

[gen|us]

Jol afër shkarkimit - Tottenham kërkon Ramosin

Trajneri i Sevillas, Juande Ramos, duket se është gati të zëvendësojë Martin Jol, në Tottenham, pavarësisht se klubi i tij, tenton të mënjanojë interesimin e ekipit nga Premier Liga.

Spanjolli thuhet të jetë zgjidhja më e favorshme për të zëvendësuar Jolin, i cili duket se do të shkarkohet deri në fund të javës.

Por, ekipi spanjoll ka thënë se, nuk do ta lejojë 52-vjeçarin të largohet, pasi që ai udhëhoqi ekipin drejt triumfeve të njëpasnjëshme të Kupës UEFA, së bashku me medalje edhe nga Super Kupa Evropiane dhe Copa del Rey. Të dielën Sevilla fitoi edhe Super Kupën e Spanjës, duke mposhtur Realin e Madridit 5-3, në Santiago Bernabeu.

Ekipi spanjoll sivjet është i involvuar edhe në Ligën e Kampionëve, pasi që përfundoi sezonin e kaluar në vendin e tretë, pas Real Madridit dhe Barcelonës.

“Ramos ka edhe një vit kontratë me Sevillan”, ka thënë drejtori sportiv i klubit, Rodriguez. “Nuk shtrohet pyetja nëse dëshirojmë të vazhdojmë me të”, ka vazhduar ai duke nënkuptuar interesimin e Sevillas për ta mbajtur trajnerin aktual.

[gen|us]

Trajneri i Cagliari, Marco Gianpaolo ka biseduar personalisht me Presidentin e klubit Cellino dhe i ka kerkuar atij me ngulm qe te beje ço perpjekje qe te afroje ne skuader sulmuesin e kombetares shqiptare Erjon Bogdani. “Er-Bomber, eshte nje lojtar qe ne na intereson shume dhe une mendoj se do ta ndihmoje skuadren se tepermi ne sulm” u shpreh trajneri gjate prononcimit te tij ne lidhje me mundesine e kalimit te Bogdanit tek Cagliari. “Une kam biseduar frekuentisht me Presidentin dhe kemi rene dakort qe tratativat te vazhdojne, ndonese perveç shqiptarit ne jemi te interesuar edhe per 2-3 lojtare te tjere, por Bogdani eshte pikesynimi kryesor”vazhdoi shpjegimin per interesimin qe ai ka personalisht per futbollistin shqiptar. Nese Bogdani perfundimisht perpara fillimit te sezonit te ri do te jete lojtar i Cagliari, atehere ai tek skuadra e Serie A do te bashkohet me shqiptarin tjeter Rijat Shala i cili u zfrua prane skuadres gjate muajve te pare te periudhes se transferimeve

[gen|us]

Lëv në dilemë, mbledh nga e gjithë Bundesliga

21 Gusht Pasi deklaroi një numër të madh lojtarësh të dëmtuar, trajneri i përfaqësueses gjermane, Joahim Lëv ka kërkuar nga ekipet e Bundesligës një takim ku të bisedohet situata para takimit kundër Anglisë. Trajneri pranoi se ndodhet para një dileme të madhe përsa i përket plotësimit të formacionit. Në vetëm dy ditë të mbetura deri në fillimin e takimit, Lëv po përpiqet të bëjë zgjedhjen më të mirë për të formuar një skuadrër të denjë përballë Anglisë. Lëv dëshiron që takimi në “Ëembley” të shërbejë si një sinjal pozitiv pë skuadrën në prag të fillimit të takimeve për kualifikimin në Euro 2008. “Kaq shumë të dëmtuar nuk kemi pasur asnjëherë. Natyrisht që kjo ndeshje ka një karakter tjetër. Ne na mungon eksperienca, rutina dhe udhëheqja e skuadrës”, tha trajneri në Frankfurt dhe shtoi me bindje: “Ne nuk do të fillojmë të qahemi, edhe pse situata është vërtet shumë e rëndë. Do të shkojmë me shumë besim tek vetja dhe optimizëm drejt Anglisë”. Të paktën, statistikat flasin në favor të Gjermnisë përsa i përket takimeve në “Ëembley”. Përfaqësuesja gjermane nuk e njeh atje humbjen që prej 32 vitesh dhe Lëv beson se ky bilanc do të vazhdojë edhe më tej. “Pikërisht për lojtarët e rinj është një eksperiencë shumë e mirë që ky bilanc të vazhdojë më tej”, tha më tej 47?vjeçari. Trajneri ka vendosur që skuadra e tij të luajë e orientuar në sulm, njëlloj si në të gjitha takimet e drejtuara prej tij që kurse është emëruar në këtë post. “Ne do të shfrytëzojmë çdo mundësi për të sulmuar. Filozofia e lojës tonë nuk do të ndryshojë”, deklaroi trajneri i përfaqësueses gjermane. Në përgatitjet për takimin bëjnë pjesë edhe bisedat e shumta me lojtarët si dhe studimi intensiv i ndeshjeve të xhiruara. “Ne duam që të zgjojmë te lojtarët e rinj besimin tek vetja, t’ju tregojmë atyre se është një kënaqësi e madhe të luash në këtë stadium të ri”, theksoi Lëv. Por, pavarësisht nga optimizmi i madh, trajneri nuk i shmang dot dyshimet. “Do të përpiqemi që të mos nënvlerësojmë asnjë sekondë të lojës. Duhet të jemi të organizuar sa më mirë. Eshtë e vërtetë që na mungojnë shumë lojtarë të rëndësishëm, por edhe në këtë gjendje do të kemi shanset tona”, tha ai. Vetëm në bazë të një llogarie të thjeshtë mund të shihet se skuadrës së Lëvit i mungon përvoja pasi 11 lojtarët që do të mungojnë kanë luajtur të gjithë sëbashku 350 takime me përfaqësuesen. Një situatë të ngjashme kjo skuadër ka përjetuar në vitin 1994 nën drejtimin e Berti Vogtsit, ku para takimit kundër Hungarisë mungon dhjetë lojtarë. Në miqësoren me Anglinë, Lëvit do ti mungojnë Balak, Frings, Klose, Gomez, Shvainshtaiger, Podolski, Jansen, Fritc, Borovski, Kedira dhe Shlaudraf. Sipas Lëvit, situata dramatike e të dëmtuarve ka shpesh si shkak edhe papërgjegjshmërinë e vetë lojtarëve. “Për shumë prej tyre rëndësi ka vetëm të ndalin kundërshtarin, qoftë edhe duke bërë ndërhyrje të gabuara”, kritikoi Lëv dhe shtoi: “Ata duhet të mendojnë më shumë”. Brenda pak orëve ai duhet të deklarojë formacionin më të mirë të mundshëm. Problemet më të mëdha Lëv i sheh në sulm. Vetëm dy ditë para takimit u garantua prania e Kevin Kuranjit. Në krah të tij do të luajë Stefan Kisling i Leverkusenit. Për të ky është takimi i dytë me përfaqësuesen. “Deri tani ne kemi luajtur bashkë vetëm gjatë stërvitjeve, por me siguri që do të bashkëpunojmë mirë gjatë takimit”, tha Kuranji. Lojtari i Shalkes tha se skuadra gjermane e ka një shans, pavarësisht nga situata në formacion. “Lojtarët që do të luajnë, janë shumë entuziastë për këtë takim. Ata duan të tregojnë atë që dinë të bëjnë”, tha ai.

[gen|us]

Toni: I lumtur që rivishem “axurr”!

“Jam i kënaqur që u ktheva në kombëtare dhe nuk i druhem aspak konkurencës”. Kështu u shpreh Luka Toni, qendërsulmuesi i Bajern Mynihut dhe i Italisë, në ditën e parë të grumbullimit të kaltër për miqësoren me Hungarinë. “Nuk i druhem aspak konkurencës”, ka siguruar ai më tej, “dhe do të tentoj të luaj sa më mirë në mënyrë që t’ia vështirësoj sa më shumë zgjedhjen trajnerit tonë”. Toni po rikthehet në kombëtare si një lojtar italian që luan jashtë Serisë A, si shumë axurrë të tjerë: “Çfarë po ndodh me eksodin e yjeve të Serisë A? Këtë duhet t’ia kërkoni klubeve të këtij kampionati”, thotë më tej ish?sulmuesi i Fiorentinës. “Më vjen keq më tepër për faktin që edhe shumë të rinj po largohen nga Italia për të luajtur në kampionate të tjerë europiane”. Ish?Këpuca e Artë ka shënuar deri tani dy gola në Bundesligë, aventurë për të cilën shprehet: “U nisa shumë mirë. Kam pas shpatullave një skuadër që luan shumë mirë dhe unë kam pasur fatin që kam shënuar në të dy ndeshjet e para”.

[Ma-Origano]

shum flm gen|us nice post!!

[Mendjen]

Terry: Mund ta fitojmë Premierligën

Kapiteni i Chelseat, John Terry, pas golit të tij të parë të sezonit, që ishte vendimtar për fitoren e vikendit ndaj Sunderlandit, ka thënë se ekipi i tij ka ende shanse të mira të fitojë Premierligën.
“Ne jemi në kombinim dhe jemi në një pozitë të mirë, veçanërisht pasi që disa muaj më parë ishim nën mëshirën e fatit. Qetësisht po ngjitemi në binarë dhe po luajmë mirë”, ka thënë Terry.

“Goli priste një kohë të gjatë. Ishte goli im i parë i sezonit. Nuk më kujtohet as kur ishte goli im i fundit. U përpoqëm ta mbajmë mend në dhomën e zhveshjeve dhe më thanë që ishte në gusht të vitit 2006, e që ka qenë goli i parë i sezonit të kaluar”, ka shtuar kapiteni i bluve.

Me fitoren prej 1-0 ndaj Sunderlandit, Chelsea grumbullon 64 pikë në pozitën e tretë, tre më pak se Manchester United dhe Arsenal (nga 67 pikë), megjithëse topçinjtë kanë edhe një ndeshje më shumë të zhvilluar.

[Mendjen]

Milan e dëshiron Drogban dhe Gerrardin

Milani thuhet se do të bëjë një ofertë të majme për të transferuar dy lojtarët e Premierligës, Didier Drogban nga Chelsea dhe Steven Gerrard nga Livepooli, ka bërë të ditur sot Tuttosport.
Rosonerët dëshirojnë të bëjnë revolucion në ekipin e tyre, pas një sezonit tepër dëshpërues, duke larguar një numër të madh veteranësh, përfshirë edhe Giuseppe Favallin, Serginhon dhe Cafun. Edhe disa lojtarë të tjerë si Alberto Gilardino dhe Yoann Gourcuff, po ashtu do të shiten me qëllim për të krijuar buxhet për të blerë disa nga yjet më të reja të futbollit.

Ish-menaxheri i Chelseat, Jose Mourinho, mund të jetë zëvendësim për Carlo Ancelottin, ndërsa lëvizja e parë e tij do të jetë tentimi për të nënshkruar me Didier Drogba dhe Steven Gerrard.

Derisa largimi i Drogbas nga Stamford Bridge duket po thuajse i sigurt në fund të këtij sezoni, nënshkrimi me Gerrard do të jetë mjaft i vështirë, për të mos thënë ndoshta i pamundshëm.

Në mesin e lojtarëve tjerë për të cilën mund të bëjë ofertë janë edhe ylli i Stuttgartit, Mario Gomez dhe ai i CSKA Moskës, sulmuesi brazilian Jo.

[Mendjen]

Diego mohon thashethemet për largim nga Werderi

Ylli i Werder Bremenit, braziliani Diego, i cili është cak transferimi i shumë klubeve të huaja, ka thënë se e ardhshmja e tij është në duart e klubit gjerman.
Chelsea dhe Mancheter City thuhet se janë në mesin e shumë klubeve tjera që kërkojnë shërbimet e brazilianit. 23-vjeçari, i cili së fundi ka nënshkruar marrëveshje të re deri në vitin 2011 me klubin nga Bundesliga, thotë se është i kënaqur të qëndrojë në klub, derisa klubi nuk thotë ndryshe.

“Vendimi është në duar të klubit. Nëse Klaus Allofs dhe presidenti kërkojnë që të qëndroj, atëherë edhe do të luaj për Werderin. Spekulimet dhe thashethemet janë normale në futboll, të cilat më ngacmojnë. Por të vetmet gjëra që më shqetësojnë më së shumti janë gënjeshtrat që përhapen”, ka thënë Diego.

[Mendjen]

Eriksson në kërkim të Thierry Henry

Menaxheri i Manchester Cityt, Sven-Goran Eriksson, e ka si cak primar të transferimit të verës sulmuesin e Barcelonës, Thierry Henry, derisa është në kërkim të lojtarëve të cilët do ta dërgonin Cityn në mesin e katër ekipeve të para të tabelës.
Erikssonit i është premtuar një shumë prej afro 80 milionë eurosh nga pronari i Cityt, Thaksin Shinawatra, me qëllim që ta ngritë klubin në pozitat që dërgojnë në Ligën e Kampionëve dhe suedezi është i gatshëm të harxhojë 13 milionë dollarë për rikthyer Henryn në Angli.

30-vjeçari francez kaloi tetë vite të suksesshëm në Premierligë me Arsenalit, para se t’i bashkohet Barcelonës gjatë kësaj vere për një shumë që thuhet të jetë afro 20 milionë euro, por ka dështuar të tregojë ndonjë ndikim të madh në klubin spanjoll.

Në mesin e shumë klubeve të interesuara për francezin, City është i pari që e bën publik interesimin, nëse shkrimet e fundit të shtypit italian janë të vërteta.