Ngacmimi Seksual

[LABI]

Duke pas parasysh kete dukuri, sfide - qe eshte prezente ne tere jeten sociale qe na rrethon, vendosa qe te publikoj nje punim te punuar, duke ju referuar (cituar) edhe literaturave qe kam shfrytezuar gjate punimit te keti punimi seminarik ...(ne kete rast pse t'mos jet nje shkas per te ngritur debatin lidhur me vetedijen e ekzistencen-mos ekzistencen/nivelin e kesaj dukurie edhe ne realitetin e virtualitetit te Dardanise).

Konsideroj qe kjo teme eshte e patejkalueshme (njera nga shtyllat) e kesaj rubrike (Mbi Gruan dhe Familjen)...dhe qe nevojitet te punohet, propagandohet me shume , qe shoqeria te informohet dhe vetedijesohet mbi kete dukuri dhe prezencen e saj.

Hyrje

Asha (26 vjeçe), sekretare – banon ne Kariaku.

“Bosi im, një emigrant italian, gjithmonë me prek me dorë. Një here me tha që të rrija pas orarit të punës kur të gjithë ishin larguar dhe u perpoq të më sulmonte …

Mua Mua (16 vjeçe), nxënse – banon në Temeke .

“Kur mami nuk është në shtëpi , thjeshtri më kap. Mami punon infermiere, nga një herë edhe në turnin e natës . Ai më blen dhurata dhe më jep të holla, të cilat unë gjithmon i’a kthej . Më thotë të mos kem frikë se do të mbetem me barrë , sepse ai di se si të mbrohet…

Maumba , përdhosësi i nxënësve të shkollës
“
Atumani Ali Maumba, një rrobaqepës , në Dar es Salam , u dënua se prishte vajzat e shkollës, posht moshës 14 vjeç, pasi që i joshte vajzat e vogla në dyqanin e tij dhe u jepte te holla për të kryer mardhënie më te …

Maria (27) vjeçe banon në Kipava

“Shkova në një intervist për t’u future në punë si llogaritare. Menagjeri më peshoj mirë, më dukej sikur po më zhvishte me sy . Pas intervistes , ai më mori me një anë dhe më tha që të dilmin për të pirë një gotë bashkë pas orarit të punës . Kur shpreha ngurrimin tim , ai më tha haptazi se nuk do të merrja vendin e punës , nëse nuk do të dilja me te .

Të gjithë këta shembuj , janë përvoja të vërteta të këtyre femrave, dhe janë të marrur nga libri : “Gratë dhe Dhuna” – harutar nga Miranda Deivis.


Paramendoni , që në një nga këta individ, të takohet nëna , bashkëshortja, motra jonë ?!
Ngacmimi seksual, është një nga format më të vjetra të ushtrimit të pushtetit, midis burrit dhe gruas, që e ka vënë gruan në rolin e viktimës , ndërsa burrin në rolin e kërcënuesit .


Sipas Giddens 7 – në mesin e 10 grave ngacmohen , në mënyrë active gjatë orarit të punës në Britani të Madhe. Ky trend mund të na tregoj se sa problematik është dukuria në fjalë . Prandaj , në vazhdim do të përpiqemi të spjegojmë se çka është ngacmimi seksual, më konkretisht të gjejm një definicion të pranueshëm për te, sa është i përhapur ai, cilat janë format e tij , në cilat ambiente e hasim , si mund t’a parandalojm atë .

Përkufizimi
Siç duket, nevoja e ekzistimit të një definicioni mbi çdo dukuri , shpeshherë paraqitet si një problem në vete , përshkak të mungesës të përkufizimit të çartë , po kështu është edhe përkufizimi mbi atë se çka është ngacmimi seksual .
Ja se çfarë thotë Jennifer Mather Saul për këtë : “Sipas meje përgjegjja qëndron në atë se ende nuk e kemi të çartë se çfarë lloj sjellje duhet trajtuar , si ngacmim seksual . Dhe në fakt kjo është ajo që edhe pritet me një koncept aq të ri ; para se feministet të nisnin punën që ngacmimi seksual të njihet si koncept ligjor , të njejtat lloj sjelljesh ekzistonin edhe më parë por nuk kishte emërtim për to”[1]
Është e vështirë të jipet një definicion mbi ngacmimin seksual , sepse në vete përfshin forma të ndryshme duke filluar prej “komplimenteve”, fjalët që u hidhen në rrugë dhe ambiente të tjera , e që kanë të bëjnë me përshkrimin e fizikumit të tyre, pastaj prekjet e padëshirueshme etj .
Se sa e rëndë duhet te jetë një sjellje që të konsiderohet ngacmim seksual , kjo është një dilem tjetër . Ja se si Miranda Deivis në librin e saj , e përshkruan me përkufizimin më të thjesht ngacmimin seksual : “Ngacmim seksual do të thotë , të të kushtojnë vëmendje kundër dëshirës tande”[2].
Ngacmimi seksual në vendin e punës , është pothuajse problem në veti , me gjithëse është i monitoruar dhe i mbrojtur me ligj .
Mari – Vitori Lui ( presidente e shoqatës kundër dhunës ndaj gruas- AVFT) e definon kështu ngacmimin seksual në vendin e punës : “Ne duam të vëmë në dukje , të denoncojm , të analizojmë dhe të denojmë ekzistencën e pa pranueshme dhe deri tani të panjohur të dhunës kundër gruas në qendrën e punës dhe t’i vëmë kësaj dhune një emër , diçka të tillë si termi që kan nxjerr anglo-saksonët “ngacmim seksual”[3].
Ndërsa , Anthony Giddens , jep këtë përkufizim: “Ngacmimi seksual , në vendin e punës mund të përcaktohet , si shfrytëzim i autoritetit , ose i pushtetit të punës, për të imponuar kërkesa seksuale”[4].
Në vazhdim , do të jep një shembull, se si duken këshillat të bazuara në ligj , e një byroje kunder ngacmimit seksual dhe vetëdijësimin e gruas për të drejtat e tyre :
“është joligjore që punëdhënsi juaj të ju trajtoj keq nëse ju jeni ngacmuar apo jeni munduar ta ndaloni dikend të ju ngacmoj. Për shembull, nëse ju refuzoheni për pozitë më të lartë në organizatë përshkak se ju jeni ankuar për dikend që ju ka ngacmuar apo për komentet për pamjen tuaj, kjo është joligjore.
Nëse dikush ju ngacmon dhe nuk ndalen pasi që ju tërhjekni vërejtjen (apo nëse frigoheni të ju tërhjekni vrejtjen) ju duhet të bisedoni me punëdhënsin tuaj – përveq nëse punëdhënsi është personi që ju ngacmon.
Ligji thotë që punëdhënsit janë përgjegjës për diskriminim nga punëtorët e tyre. Shumica e punëdhënsve i trajtojnë ngacmimet seksuale nga punëtorët e tyre si veprim joligjor diciplinor, dhe ata duhen ta diciplinojnë personin që ju ngacmon. Nëse punëdhësi juaj nuk bënë asgjë për situatën ju mund ta vazhdoni ankesën në tribunaalin për punësim. Në shumë raste personin që ju ngacmon dhe punëdhënsin tuaj, mund ta dërgoni në gjyq.
Nëse ju jeni të ngacmuar seksualisht nga dikush që nuk ka lidhje me vendin tuaj të punës ju poashtu mund ta dërgoni në gjyq. Por në disa raste mund të jetë procedur speciale që duhet ta vijoni posaqërisht nëse ai person është p.sh. mjeku juaj”[5].
Një përkufizim diçka më të gjërë, mbi ngacmimin seksual, ku ka përfshirë po thuaj të gjitha format e ngacmimit , jep Lëvizja Sindikale e cila ka botuar një broshur me titullin “Udhëzime të sindikatave për ngacmimin seksual” : “ Të gjitha llojet e përpjekjeve të pa dëshirueshme seksuale, me gjeste , me gojë, apo fizike; Fjalët dhe thënjet e hapura fyese , apo të shprehurit diskriminues nga dikush, të cilat përbëjnë fyerje për të , prej të cilave ajo ndjehet e turpruar , poshtëruar, e nënshtruar, apo e ngacmuar . Ose ngacmime të cilat kanë ndikim negativ në rendimentin e punës së saj, kërcënojnë sigurinë e punës , ose krijojnë një mjedis kërcënues dhe të pa sigurt në qendrën e punës”[6]
… Është e çartë që nuk është e lehtë të bësh një dallim midis ngacmimit seksual dhe asaj që mund të shihet tërheqje legjitime të një burri dhe një gruaje ( Giddens) .
Për këtë ndodhë , që kolegu të thërras kolegen në ndonjë darkë , por edhe një dëshmitarë gjithëashtu , i cili do të vërtetojë që në atë takim nuk ka pas asgjë , që do të mund ta dërgonte atë në gjykatë.