Berlusconi, “të japë dorëheqje”

[pirro]

Berlusconi, “të japë dorëheqje”

Nga Express më 28.05.2009 në ora 18:54
Kryeministri i Italisë, Silvio Berlusconi, duke u përballur me kërkesa që të shpjegojë marrëdhënien e tij me një vajzë adoleshente, mohoi të enjten se kishte një “aferë të nxehtë” dhe tha se do të jepte dorëheqje nëse del se ka rrejtur për këtë gjë.

Marrëdhënia e udhëheqësit konservativ 72-vjeçar me një 18-vjeçare, është bërë një çështje eksplozive politike në Itali, pasi që gruaja e tij, Veronica kërkoi divorc për shkak të qepjes së tij pas femrave dhe tha se ai “nuk ishte mirë.”

Berlusconi ka mohuar të ketë bërë keq apo të ketë thonë gjëra të pavërteta gjatë shpjegimeve të tij kundërshtuese, kur arsyetohej pse ka shkuar në ditëlindjen e Noemi Letizias, 18-vjeçare, dhe i kishte dhënë një qafore të shtrenjtë. Ai ka premtuar se të gjitha këto do t’i shpjegonte në Parlament, por nuk e ka caktuar ndonjë datë.

Ai u tha reporterëve në Romë se nëse dikush pyeste nëse ka pasur “një marrëdhënie, të themi të nxehtë apo më shumë se të nxehtë, me një vajzë të mitur,” përgjigja e tij do të ishte: “Absolutisht, jo.”