Antonieta Nikprelaj(Kalaj)

[doGzona]

Antonieta Nikprelaj aktore në “Piratët të karaibeve”





Të gjithë janë në pritje të serisë më të fundit të “Piratët e Karaibeve”, por shumë shqiptarë nuk e dinë se në këtë serial filmik kaq të njohur në mbarë botën dhe neve kemi një aktore që na përfaqëson. Ajo quhet Antoinette Nikprelaj dhe interpreton rolin e një prej sirenave të detit.

Me një bukuri magjepse dhe mesdhetare, dalëngadalë Antoinette, apo Neta, siç e thërrasin miqtë, ka filluar përherë e më shpesh të shtojë rolet dhe kohën interpretuese në disa prej filmave më të njohur të prodhuar në hollivud. Përpara se t’i hynte rrugës së kinematografisë, Antoinette arriti një sukses të konsiderueshëm si modele nën menaxhimin e kompanisë së njohur “M3 Model Management” duke realizuar sesione të ndryshme fotografike për editorialë e reklama, si për shembull atë të TINte Cosmetics midis të tjerash. Dukej se bukuroshja shqiptare ishte e prirë për sukses, pasi menjëherë ra në sy në skenën shoqërore artistike të Miçiganit (Detroid, SHBA) ku u shpall dhe një prej personave më me stil në të veshur të vitit 2009 nga revista lokale “Hour”. Tashmë, në kurrikulumin e saj renditen disa prej filmave më të suksesshëm të kinemave botërore përkrah disa prej emrave më të njohur të aktorëve hollivudian. Brenda një viti, Antoinette ka arritur të luajë role të vogla në tetë filma dhe një serial televiziv. Fillimisht në “Demoted” përkrah Sean Astin (The Lord of The Rings), më pas në “Killers” përkrah Ashton Kutcher dhe Katherine Heighl, pasuar me “Pirattes of The Caribbean” përkrah Johnny Depp e Penelope Cruz, “Reel Steel” përkrah Hugh Jackman dhe “Exit 33” përkrah Kane Hodder (në të cilin ajo ka dhe rol protagonist). Të tre filmat e fundit do ta sjellin Antoinette në ekranin e gjerë të kinemasë përgjatë gjithë vitit të ri 2011. Ndërkohë, aktorja ka marrë pjesë dhe në serialin e njohur televiziv të HBO “Hung”, (në serinë e parë të sezonit të 2010). Me një karrierë shumë premtuese dhe arritje kaq të mëdha brenda vetëm një viti, është pak të thuhet se Antoinette tani e ka nisur rrugën drejt një karriere të fortë në hollivud. Tashmë, ajo i është bashkangjitur Masiela Lushës, Eliza Dushkut, Enver Gjokës, James Belushi e shumë shqiptarë të tjerë në atë çka ne preferojmë ta quajmë “Hollivudi i vogël shqiptar”.

Antoinette Nikprelaj (Kalaj)
Emri shkurt: Neta
Ditëlindja: 20 shtator 1986
Mosha: 24 vjeç
Shenja horoskopit:Virgjëresha
Sytë: Të kaftë
Flokët:Të kaftë
Format: 86/61/86
Gjatësia: 170cm
Pesha: 53kg
Besimi fetar: katolike
Sporti preferuar: Volejboll, basketboll, noti, patinazhi
Instrumentet që luan: Piano, Klarinet
Gjuhët: Anglisht, shqip