Opinione

[Avniu_1]

A po e terrorizon "Epoka e Re" Kryeministrin e ri të Kosovës, zotin Ramush Haradinaj...Çka mendoni ju?

[Korab KORABI]

A po e terrorizon "Epoka e Re" Kryeministrin e ri të Kosovës, zotin Ramush Haradinaj...Çka mendoni ju?

Askush nuk mund ta terrorizoj askënd, dhe as z. R.Haradinaj, nëse paraprakisht nuk jep shkasin apo shkakun për këtë. Figura e z. Haradinaj, është bërë objekt i dikutimeve dhe polemikave të shumta, jo me fajin e mediave, e në këtë rast as të "Epokes se Re", por pikërisht nga prirjet egoiste dhe karrieriste të vet z. Haradinaj. Simbioza politike Rugova-Haradinaj, aq e panatyrshme edhe moralisht, edhe kombtarisht edhe politikisht, ka indinjuar pjesën më të ndershme të popullit tonë dhe dhe idhëtarët më të mdhenjë të z. Hradinaj. si dhe pjesën ndërkombëtar(SHBA,etj), që ia duan të mirën Kosovës. Shantazhimi që i bëhet z. Haradinaj nga Gjykata e Hagës, është shantazh jo për z. Haradinaj si Kryeministër, por z. Haradinaj si çlirimtar. Dhe futja e tij i vetmuar nën sqetullen e Ibrahim Rugovës kabineti i të cilit ka punuar dhe punon shumë në dosjet e çlirimtarëve për Gjykatën e Hagës është terrorizimi ose vetëterrorizimi i z. Ramush Haradinajt. Duhet dalluar z. Haradinaj si çlirimtar prej atij si politika.

Respekoj edhe mendimet e kundërta.

[MemphiSx]

A po e terrorizon "Epoka e Re" Kryeministrin e ri të Kosovës, zotin Ramush Haradinaj...Çka mendoni ju?


Teme shum e qelluar Jo vetem qe po e Terrorizon por per Interesa te Partis Sot PDK-ja dhe epoka e re me pare e bejne Ramush Haradinajn ne Hage se sa ne Koalicion me LDK-ne
Spo e kuptoj ket Dr e shkencav Korab Korabi se si nuk po i duket i Natyrshem ky Koalicion Kur ne gjith boten behen Koalicione te tilla
Marrirm si shembull Maqedonin Koalicionin e Maqedonve me nje Krah lufte ku eshte gjithqka normale
Por kjo fara e zeze qe na ka pjell n'Kosove qka nuk eshte alla PDK-iste eshte kunder interesave te Kosoves
Per fat te mir te Kosoves dhe qytetarve te Kosoves Ramush Haradinaj ne momentet e fundit u vetdijesua dhe nuk u be argat i se keqes se bashku me kolegen e tij Thaqin
Ne ket rast spo merrem me Mr.e shkencav Korab korabin sepse eshte humbje kohe te merresh me nje deshtak te ri ne Ket Forum ;)

[LUMI_007]

NDËRKOMBËTARËT E NDANË MITROVICËN DHE E SHUAN UÇK-në

Mbas dëbimit të forcave të Serbisë më 1999, disa nga drejtuesit ndërkombëtarë e ndanë qytetin e Mitrovicës dhe pjesën veriore të Kosovës. Gjithashtu, ndërkombëtarët e shuan Ushtrinë Çlirimtare të Kosovës. Kjo veprimtari antikosovare që e ka dëmtuar autoritetin e interesat e Aleancës Perëndimore, shihet në librin për Kosovën të z.Bernard Kushner, Përfaqësues Special i Sekretarit të Përgjithshëm të OKB-së. Shuarjen e UÇK-së dhe aksionet e tjera kundër Kosovës i kërkonte Beogradi me piskamë të madhe.

Kështu, kur njeriu që anon ose punon për agresorët, gjendet në detyrë me përgjegjësi, në emër të bashkësisë dhe të organizmave ndërkombëtarë ka mundësi të shkaktojë dëme dhe të ofrojë rreziqe të mëdha. Z.Kushner, përveç kërkesës dhe alarmit të agresorëve serbë, kishte alarmuar OKB-në dhe qendrat e vendosjes në Washington, në Londër, në Paris e gjetiu, për “rrezikun” që gjoja paraqiste Ushtria Çlirimtare e Kosovës për ndërkombëtarët e për regjionin! Ky alarmim, shuarja e UÇK-së dhe ndarja e Mitorvicës janë krim mbi krime. Me veprimtari perfide, z.Kushner kishte vepruar edhe kundër komandës e aktviteteve të gjeneralit Claus Reinhardt, komandant i forcave të NATO-s në Kosovë, për të mos lejuar ndarjen e Mitorvicës dhe kundër mospajtimit të Britanisë së Madhe për shuarjen e UÇK-së. Pra, tani dihet që ndarjen e Mitrovicës e të pjesës së veriut nga Kosova e ka kërkuar Beogradi dhe e kanë realizuar disa zyrtarë ndërkombëtarë. Kjo veprimtari ka lindur pakënaqësi te populli i Kosovës, u ka marrë jetën qindra civilëve të pafajshëm dhe ka shkaktuar destabilizim e rreziqe të tjera. Kështu, janë dëmtuar intersat e popullit të Kosovës dhe autoriteti e intersat e perëndimorëve. Mirëpo, duhet pyetur a përgjigjen zyrtarët ndërkombëtarë për informata të gabuara ose mashtruese që u japin eprorëve të tyre të organizmave ndërkombëtarë, por edhe për dëmet e shkaktuara?

Mes shqiptarëve të Kosovës ka edhe njerëz euforikë e mendjelehtë, por të tillë kanë edhe popujt e tjerë. Ndërkaq, mjaft politikanë shqiptarë janë të angazhuar në konfrontime ndërpartiake e ndërshqiptare. Por, duhet kuptuar që intersat dhe konfrontimet ndërmjet shteteve të mëdha dhe ndryshimet e rrethanave ndërkombëtare mund t’i dëmtojnë popujt që presin çlirimin dhe kërkojnë pavarësi. Tani është bërë e qartë se përveç Rusisë me bashkëpunëtorë, edhe liderë të disa shteteve të mëdha në Evropë nuk janë duke u pajtuar me Amerikën si më parë. Prandaj, liderët aktualë të Kosovës dhe prijësit e partive politike, si kurrë më parë, duhet të angazhohen për të realizuar pavarësinë e Kosovës. Unë shpresoj se tashmë Amerika ka marrë qëndrim, por edhe Brukesli ka një qëndrim më pozitiv për realizimin e pavarësisë së Kosovës. Nuk ka asnjë dyshim se i nderuari dhe i respektuari z.Petersen është mjaft i angazhuar në realizimin e këtij qëllimi.

Me nderime,
R.Xhema
Më 16 dhjetor 2004, Prishtinë

[LUMI_007]

GJYKATA NDËRKOMBËTARE E HAGËS

Pak kohë mbas formimit, ndaj prokurorëve, gjykatësve e zyrtarëve të tjerë të Tribunalit të Hagës janë ushtruar trysni të mëdha dhe po intensifikohen aksione të ndryshme. Në kohë të fundit, trysnitë dhe aksionet kundër zyrtarëve të Tribunalit kanë arritur përmasa shqetësuese. Në emër të drejtësisë po akuzohen, arrestohen e dënohen edhe njerëz të pafajshëm! Është e dëmshme, por edhe kriminele dhe mund të ofrojë rreziqe të paparashikuara, në qoftë se në emër të drejtësisë ndërkombëtare Tribunali i Hagës akuzon, arreston ose dënon njerëz të pafajshëm. Por, është krim mbi krime kur në emër të drejtësisë ndërkombëtare Tribunali i Hagës i liron kriminelët, të cilët ua kanë marrë jetën ose i kanë sakatosur me qindra e mijëra civilë të pafajshëm.

S’ka dyshim se z.Jovica Stanishiq ishte bashkëpunëtor i ngushtë i kryekriminelit Millosheviq dhe udhëheqës i Shërbimit Sekret Shtetëror të Serbisë. Shumë kohë para se të sulmonin forcat e NATO-s, gjatë sulmeve të ushtrisë dhe krimeve të egra të policisë serbo-jugosllave mbi popullin shqiptar të Kosovës, Stanishiqi jepte urdhëra dhe ishte i njohur me të gjitha ose me shumicën e krimeve dhe të masakrave që kryheshin në Kosovë. Kurse, Frenki Simatoviq, komandant i paramilitarëve serbë “Beretat e kuqe”, jepte urdhëra dhe merrte pjesë në masakra masive për shfarosjen e popullit shqiptar të Kosovës. Pa as më të voglin dyshim, Simatoviqi ishte njëri ndër kriminelët më të mëdhenj dhe fund e krye është i përlyer me gjakun e qindra e mijëra shqiptarëve të Kosovës, por edhe të popujve të tjerë të ish-Jugosllavisë.

Dihet që nuk mund të ketë shtet të mirëfilltë e stabil as shoqëri të organizuar, në qoftë se organet e drejtësisë nuk veprojnë si duhet dhe korruptohen ose deformohen. Nuk duhet të ketë shoqëri njerëzore e cila nuk ka ose nuk i përfillë normat ligjore dhe nuk vepron kundër krimeve. Gjithashtu, drejtësia duhet të angazhohet dhe ta zbulojë të vërtetën për vepra flagrante e për krime të kryera të të gjitha llojeve për çdo person të akuzuar. Po ashtu, organet e drejtësisë përafërsisht duhet ta vlerësojnë nivelin e veprës së kryer penale dhe në bazë të peshës së saj të shqiptojnë dënimet meritore.

Dihet që Tribunali Ndërkombëtar i Hagës është formuar për t’i akuzuar, gjykuar e dënuar individët që kanë bërë krime mbi njerëz dhe kanë ndërmarrë aksione gjenocidale për shfarosjen e popujve në territoret e ish-Jugosllavisë. Ky tribunal nuk është formuar për të akuzuar ose dënuar njerëz për vepra të tjera, me të cilat duhet të merren e të vendosin organet e drejtësisë së vendeve përkatëse. Pastaj, është e tmerrshme në qoftë se organet e Tribunalit Ndërkombëtar të Hagës akuzojnë, burgosin dhe dënojnë njerëz me kërkesa politike të shteteve ose të blloqeve vetëm për t’i barazuar kriminelët me viktima. Është e qartë që shtete e grupe të ndryshme gjendën në aksione që së bashku me kriminelët serbë të akuzojnë, të sjellin e të dënojnë në Hagë edhe shqiptarë nga Kosova, sidomos komandantë e pjesëtarë të tjerë të Ushtrisë Çlirimtare të Kosovës. Për habi e për çdo dënim, nga Tribunali i Hagës po akuzohen dhe po arrestohen shqiptarë të pafajshëm dhe atdhetarë të ndershëm! Dihet mirë që agresorët serbë me eufori e me piskamë të pakontrolluar i kanë fajësuar dhe po i fajësojnë prijësit shqiptarë që janë përpjekur për ta shpëtuar popullin e Kosovës nga masakrat e egra dhe nga shpërnguljet masive. Gjithashtu, Beogradi gjendet në aksione për të fajësuar çdo shqiptar që është duke u përpjekur për ta stabilizuar gjendjen në Kosovë ose që është duke kërkuar pavarësinë e saj.

Për habi, akuzat e Beogradit kundër z.Ramush Haradinajt, qysh kur është propozuar, e pastaj edhe pasi është zgjedhur kryeministër i Kosovës, u përcollën edhe me akuzat e Tribunalit të Hagës, por edhe të disa zyrtarëve të Bashkimit Evropian! Mjerisht, tashmë është e qartë që për aspirata hegjemoniste, disa drejtues perëndimorë po krijojnë xhelozi e konfrontime të dëmshme brenda Aleancës Perëndimore. Këto tendenca ose aksione të disa perëndimorëve mund t’i keqpërdorin ose edhe t’i deformojnë organet e drejtësisë të këtij Tribunali Ndërkombëtar. Kurse, organet e drejtësisë në Kosovë, në të shumtën e rasteve deri më tani nuk i kanë zbatuar ligjet e drejtësisë. Nuk mund e të mos e përmendim rastin e dënimit me 17 vjet burgim të z.Rrustem Mustafa, drejtues i shpëtimit të popullit shqiptar në territoret e Llapit e të Gollakut në kohën kur masakrohej dhe shpërngulej nga policia, ushtria dhe forcat paramilitare serbe, si në masakrën e Kaçandollit, të Makocit e të tjera! Atëherë, çfarë dënimi mund t’u shqiptohet kriminelëve që gjenden para këtij tribunali në Hagë, për mbytjen e qindra e mijëra njerëzve të pafajshëm në Kosovë, në Bosnjë e Hercegovinë dhe në Kroaci?! Drejtuesit e bashkësisë ndërkombëtare dhe përfaqësuesit e drejtësisë pranë Tribunalit të Hagës duhet ta kuptojnë që bashkëpunëtorët e Millosheviqit gjatë luftës dhe pas saj, me të gjitha mundësitë e akuzuan rrejshëm z.Rrustem Mustafa. Ndërkaq, z.Mustafa, për t’i lehtësuar ose shpëtuar të akuzuarit e tjerë të Zonës së Llapit nga vuajtjet gjatë hetuesisë dhe procesit gjyqësor, deklaron para trupit gjykues se e merr mbi vehte tërë përgjegjësinë. Për këtë arsye, z.Mustafa, i prekur thellë nga këto padrejtësi ndaj pjesëtarëve të UÇK-së, të cilët kishin bërë orvatje mbinjerëzore për shpëtimin e mëse njëqindmijë civilëve nga masakrat shfarosëse, para trupit gjykues shprehet si vijon: “Çlirim e liri popullit të Kosovës, lavdi atdheut”!

Dr.Ramadan Xhema
Daluk Halit, jurist i diplomuar
Prishtinë, më 17 dhjetor 2004