Kush është pro pavarsisë së Kosovës

[Fshatari]

"Xhon Sojers, drejtori politik i ministrisë së jashtme britanike, u ka thënë mbrëmë përfaqësuesve të serbëve të Kosovës se Grupi i Kontaktit ka sjell vendimin që Kosova ta fitojë pavarësinë,- ka deklaruar negociatori serb Goran Bogdanoviq për B92. Ai thotë se Sojers ua ka përcjell mesazhin serbëve të Kosovës se ata duhet ta pranojë pavarësinë e Kosovës sepse kjo është mënyra e vetme dhe më e mira për serbët e mbetur në Kosovë dhe për ata që duan të kthehen".

[Dilaver]

Opinioni publik ne Beograd eshte i “shokuar” nga nje deklarate qe i atribuohet diplomatit britanik John Sawers se Grupi nderkombetar i Kontaktit ka arritur pajtim rreth pavaresise se Kosoves.

Pohohet se drejtori Politik i Foreign Office, John Sawers dje ne Prishtine, ne bisede me perfaqesuesit politik te serbeve te Kosoves, ka thene se Grupi i Kontaktit ka marre vendimin mbi pavaresine e Kosoves, sikur edhe se nje zgjidhje e tille do t’i kontribuonte stabilitetit ne rajon.
“Kemi pasur nje mbledhje mjaft te pakendshme,. Z. Sawers na ka thene se Grupi i Kontaktit ka marre vendim qe Kosova e Metohia te jene te pavarura dhe ne njefare menyre ai na ka bindur se ne thjesht duhet te pranojme nje vendim te tille”, ka thene per mediat beogradase, Goran Bogdanovic, nje nga pjesemarresit e mbledhjes dhe anetar i Ekipit Negociator te Serbise per zgjidhjen e statusit.
John Sawers arrin sot ne Beograd dhe pritet se ne takimet me zyrtaret serbe me detajisht to te shpjegoje deklaraten mbi pavaresine.
Keshilltari i kryeministrit te Serbise, Vojislav Kostunica, Slobodan Samardzic ka thene se nuk mund te besoje qe brenda bashkesise nderkombetare te jete arritur marreveshja mbi statusin e ardhshem.
“Nuk mund te besoj se Grupi i Kontaktit e ka marre nje vendim te tille. Nuk mund te komentoj informatat nga dora e trete – nese kjo eshte e vertete, kjo meriton nje koment te rende. Keto jane nuancat ne fjale dhe nuk kam deshire t’i komentoj”, ka thene Samardzic dhe ka precizuar se “shumeçka do te jete me qarte” pas vizites se sotme te Sawers, ne Beograd.
Shume me e drejtperdrejte ishte kryetarja e Qendres Kordinuese per Kosove, Sanda Raskovic-Ivic e cila konsideron se ne rast se konfirmohet deklarata e Sawers – Beogradi do te duhej te rishqyrtonte pjesemarrjen ne negociatat.
“Mendoj se Beogradi, nese kjo vertet eshte qendrim ne Grupin e Kontaktit, duhet te rishqyrtoje pjesemarrjen e vet ne negociatat ne Vjene rreth statusit te krahines jugore serbe”, ka porositur Sanda Raskovic-Ivic.
Ajo po ashtu ka vleresuar se nuk eshte e sigurt nese zyrtari i Foreign Office paraqet qendrimin e mbare Grupit te Kontaktit apo vetem te Britanise se Madhe.
“Serbet e shokuar me deklaraten e Sawers”, “Dikush ne Grupin e Kontaktit shpreh nervoze”, “Kosova do te jete e pavarur?!”, “Te rishqyrtohet pjesemarrja ne negociata” – jane disa nga titujt ne shtypin e sotem te Beogradit me rastin e takimit te John Sawers dhe perfaqesuesve te serbeve te Kosoves.
Media sjellin deklaratat e politikaneve serbe ne Kosove te cilen kane marre pjese ne mbledhje dhe te cilet transmetojne deklaraten e diplomatit britanik rreth pavaresise.
Momcilo Trajkovic ka transmetuar qendrimin e Sawers se lideret serbe do te duhej t’i shpjegonin zgjedhesve te vete “se e ardhmja e tyre eshte ne pavaresi”, por edhe se politikanet serbe kane porositur se “pavaresia e Kosoves dhe Metohise eshte e papranueshme”.
Shtypi beogradas ne komentet e para po ashtu vlereson se eshte fjala per nje “deklarate shokuese”, qe “ve ne pyetje procesin e negociatave”.(RD)


Rashkoviq-Iviq: Nëse GK është për pavarësinë e Kosovës, Beogradi do ta rishqyrtojë pjesëmarrjen në bisedime.
Nëse qëndrimi i Grupit të Kontaktit është që Kosova ta fitojë pavarësinë, atëherë Beogradi duhet ta rishqyrtojë pjesëmarrjen në bisedimet për statusin e ardhshëm të Kosovës, ka deklaruar shefja e kësaj qendre, Sanda Rashkoviq-Iviq. Ajo i ka bërë këto komente pas pohimeve të disa përfaqësuesve serbë të Kosovës, të cilët thanë se drejtori politik i ministrisë së Jashtme Britanike, John Sauers, u ka thënë atyre se Grupi i Kontaktit tashmë ka vendosur që Kosova të jetë e pavarur. Goran Bogdanoviq, përfaqësues i serbëve të Kosovës dhe anëtar i ekipit negociator të Beogradit ka thënë se diplomati britanik i ka porositur serbët që ta pranojnë pavarësinë, duke nënvizuar se Kosova është edhe shteti i tyre, i cili do të jetë shumetnik dhe i pavarur. Kjo çështje pritet të ngritet në takimet e sotme të diplomatit britanik me autoritetet në Beograd.




Sauers u ka thënë përfaqësuesve të serbëve se duhet të pranojnë pavarësinë e Kosovës

Prishtinë, 7 shkurt - Drejtori politik në Forin Ofisin britanik Xhon Sauers u ka thënë mbrëmë përfaqësuesve të serbëve se Grupi i Kontaktit ka vendosur që Kosova të jetë e pavarur. Këtë e ka konfirmuar për mediat serbe anëtari i Ekipit negociator të Beogradit për statusin e Kosovës Goran Bogdanoviq, i cili ka pohuar se Sauers u ka thënë se duhet të pranojnë pavarësinë e Kosovës.
"Kemi pasur një takim të pakëndshëm sepse Sauers tha se Grupi i Kontaktit ka vendosur që Kosova të jetë e pavarur dhe në njëfarë mënyre na bindi se duhet ta pranojmë vendimin e tillë dhe se kjo është mënyra e vetme dhe është diçka më e mirë për serbët që kanë mbetur në Kosovë dhe për ata që duan të kthehen", tha Bogdanoviq, i cili është shprehur i pakënaqur me qëndrimin e Grupit të Kontaktit. Ai thotë se negociatat për statusin final më nuk janë të nevojshme. "Pse do të luanim ndeshjen nëse rezultati është i njohur që më parë", thotë Bogdanoviq. Por sipas mendimit të tij ky është rast i mirë edhe për Beogradin që të mendojë se ç'të bëjë më tutje dhe si t'ia bëjë, thotë ai.

[Dilaver]

Zgjidhja që ende po mbahet e fshehtë për Kosovën është pavarësia

Pas takimi të fundit të vendeve të Grupit të Kontaktit në Londër, analistë dhe ekspertë të rajonit nga Shtetet e Bashkuara theksojnë se tashmë është marrë vendim për njohjen e pavarësisë së Kosovës. Ted Carpenter, nga instituti CATO në Washington thotë se zgjidhja që ende po mbahet e fshehtë për Kosovën është pavarësia sepse bashkësia ndërkombëtare mendon se kjo do të ishte një zgjidhje e përhershme dhe më e qëndrueshme. Bashkësia ndërkombëtare, thote Carpenter, tashmë e ka kuptuar se zgjidhja për Kosovën me çfarëdo autonomie të gjerë, nuk do të ishte një zgjidhje e qëndrueshme.
Carpenter më tej thotë se nga gjashtë vendet e Grupit të Kontaktit të cilët patën takim javën që shkoi në Londër dhe që do të kenë ndikimin kryesor në vendosjen e statusit të ardhshëm të Kosovës, është vetëm Rusia që e kundërshton pavarësinë. SHBA dhe Britania e Madhe e mbështesin pavarësinë e kushtëzuar, ndërkaq Franca, Italia dhe Gjermania janë diku në mes, thotë ai. Nicholas Gvozdev, redaktor i revistës për cështje të Jashtmë që botohet në Washington, e quajtur ‘Interesi Kombëtar’, thekson se termi ‘pavarësi e kushtëzuar’ përdoret nga ata që duan të krijojnë një përshtypje se asgjë nuk është vendosur përgjithmonë. Sepse, vazhdon ai, nga ajo që po shoh unë në Washington, dallimi midis pavarësisë së vërtetë dhe asaj të kushtëzuar është më tepër semantik se sa i një natyre politike.” Tim Judah, gazetar britanik dhe autor i një libri për Kosovën, thotë se bisedimet rreth statusit të Kosovës janë më tepër një cështje që do të merren me statusin e ardhshëm të serbëve në Kosovë. Jam i sigurt se fuqitë e mëdha tanimë kanë vendosur t’i njohin Kosovës pavarësinë e kushtëzuar dhe se tani në këto bisedime do të vendoset vetëm për hollësitë e kësaj pavarësie, thotë Judah.

[IB]

Te pershendes Fshatari, dhe te falenderoj, se prej vrejtjeve qe ti pata bere, per disa shkrime qe na i sillshe ne kete forum( ku me deshpronin), tani ke filluar te na sjellesh shkrime ma reale, per qeshtjen e Kosoves.

[Dilaver]

Pavarësia e Kosovës është e pashmangshme, thotë Xhek Strou

Salsburg, 11 mars 2006 (Kosovapress) Time:
Xhek Strou, sekretari i Jashtëm britanik, tha të premten se rruga e Kosovës drejt pavarësimit nga Serbia është pothuaj e pashmangshme. "Ne i dimë shqetësimet e Qeverisë së Serbisë kundër pavarësisë së mundshme. Por është realitet se popullata serbe në fund do të duhet të pranojë se shumica e popullsisë në Kosovë e mbështesin pavarësinë", tha ai. Sekretari i Jashtëm britanik këto komente i bëri në ditën e parë të takimit joformal të ministrave të Jashtëm të vendeve anëtare të Bashkimit Evropian, që po mbahet në Salsburg të Austrisë. "Çdonjëri e pranon se gjendja para vitit 1999 është e paqëndrueshme si bazë për të ardhmen, dhe nëse kjo është kështu, atëherë rruga drejt pavarësisë bëhet pothuaj e pashmangshme", tha Strou. Kjo është deklarata më e qartë e bërë deri sot nga një zyrtar i lartë, se fuqitë perëndimore do ta mbështesin një formë të pavarësisë për Kosovën.

[Reana]

Sot dretjperdrejte ne stacionin televiziv CNN, Richard Holbrooke gjate nje interviste, foli per qendrimin dhe prononcimin zyrtar te Britanise se Madhe dhe deklarates se Ministrit te Puneve te Jashtme Jack Straw, ne lidhje me Kosoven, dhe theksoi se dje me 10 mars, per here te pare nje qeveritar i nje shteti eshte prononcuar ZYRTARISHT pro Pavaresise se Kosoves.

Holbrooke ish Zevendes Sekretar i Shtetit Amerikan, shfrytezoi rastin gjate intervistes ne CNN ti drejtohet gjithe popullit shqiptar te Kosoves, se Kosova do te behet e pavarur nga Serbia, dhe i beri apel popullit te Kosoves qe te garantoje te drejtat e minoriteteve qe jetojne ne Kosove, dhe t'iu shmanget skandaleve te mundshme te persekutimit te minoriteteve te cilat do te tensiononin situaten politike mes Perendimit dhe Rusise.

Edhe sipas raporteve te BBC-se, Jack Straw, Minister i Puneve te Jashtme te Britanise se Madhe, dje zyrtarisht eshte prononcuar se Qeveria e vendit te tij NUK mund te perkrah idene qe Kosova te kthehet politikisht para vitit 1999, kur Kosova dirigjohej nga Beogradi, dhe se PAVARESIA ESHTE ZGJIDHJE E PASHMANGSHME

(kerkoj nga moderatori te fshije temen qe kam hapur ne lidhje me kete deklarate, pasiqe nuk e kam pare kete teme te hapur me pare)!!!

[Dilaver]

"F. Tajms": Rusia dhe Kina bindin SHBA-të se nuk do të bllokojnë pavarësinë e Kosovës
http://www.kosova.com/images/spacer_CCCCCC.gif
Uashington, 15 mars - Rusia dhe Kina i kanë transmetuar SHBA-ve se nuk do të bllokojnë pavarësinë e Kosovës, shkruan gazeta britanike "Fajnenshëll tajms" ("Financial Times"), duke u mbështetur në një zyrtar të paidentifikuar amerikan.
Javën e kaluar sekretarja amerikane e Shtetit Kondoliza Rajs ka biseduar për Kosovën në Uashington me shefin e diplomacisë ruse Sergej Lavrov dhe me atë rast ka marrë premtime se Moska nuk do të pengojë pavarësinë, i ka thënë burimi i njëjtë gazetës britanike. Besohet se Rusia dhe Kina do të abstenojnë me rastin e votimit të rezolutës së Kombeve të Bashkuara, me të cilën Kosovës do t'i jipet statusi i pavarësisë, shkruan "Fajnenshëll tajms".
Administrata e Bushit e ka bindur Moskën dhe Pekinin se statusi i pavarësisë për Kosovën është "unik" dhe nuk do të ishte precedent për Çeçeninë, përkatësisht për Tajvanin apo Tibetin, territore për të cilat pretendon Kina.
Shtetet e Bashkuara dhe Britania e Madhe po bëjnë presion mbi Serbinë që të pranojë pavarësinë e Kosovës, ndërkaq Rusia, e cila për shkak të Çeçenisë më herët kishte vërejtje, po lëshon pe në kërkesat e saj, nënvizon "Fajnëshëll tajms".

[Dilaver]

Shqiptarë të Amerikës i dorëzojnë Kongresit një peticion për njohjen e pavarësisë së KosovësAstrit Lulushi
Zëri i Amerikës
16-03-2006

Lidhja Qytetare Shqiptaro Amerikane, e kryesuar nga ish ligjvënësi Zhozef Dioguardi, u dorëzoi mbrëmë zyrtareve të lartë të kongresit një peticion ku kërkohet me kembëngulje pavarësia e Kosovës. Ky peticion, nismë e lidhjes qytetare, qarkulloi nëpër Kosove e Ballkan për 2 vjet dhe përmban rreth 1 milonë nënshkrime.
Kongresi amerikan ka tashmë në dorë peticion. Dokumenti u mor mbrëmë në dorëzim nga kryetari i Komisionit të Marrëdhënieve me Jashtë, Henri Hajd, i cili premtoi se do t'ia dërgojë atë menjëhere Departamentit të Shtetit dhe presidentit Bush në Shtëpinë e Bardhë. Peticioni, një nismë e filluar 2 vjet më parë nga lidhja qytetare shqiptare amerikane, me moton “Pavarësia e Kosovës Tani”, i bën thirrje Shtëpisë së Bardhë të njohë vullnetin e një populli që kërkon sovranitet.
“Me ketë peticion, Lidhja qyetetare shqiptaro amerikane”, tha ligjvenesi Hajd, “ka bërë një punë të shkelqyeshme, dhe kurrë nuk na le të harrojmë se Kosova e meriton të jetë e pavarur. Ju keni perkrahjen time dhe të kolegëve të tjerë si Benjamin Gillman, i cili megjithëse ka dalë në pension, ështe një figurë me ndikim në Kongres e në administrate”, tha kryetari i Komisionit të Marrëdhënieve me Jashtë, Henri Hajd.
Në ceremoni ishin të pranishëm edhe një numër shqiptaro amerikanësh, veprimtarë e anëtarë të këshillit drejtues të Lidhjes Qytetare, të ardhur nga shumë shtete të Amerikës. Ligjvënësi Hajd i siguroi ata se puna e tyre është një shërbim i madh patriotik në të mirë të kombit të prejardhjes së tyre si dhe një veprim që ndihmon në ruajtjen dhe forcimin e demokracisë amerikane, ku liria e individit, liria e grupeve të pakicave apo organizitave lobiste jane të drejta të shenjta. “Ju siguroj se puna juaj nuk do te shkojë kot. Zoti i bekoftë shqiptarët”, tha ligjvënësi Hajd.
Ndërsa ligjvënësi i njohur nga Kalifornia, Dana Rohrabaker tha se dëshira e popullit të Kosovës për pavarësi është jo me pak e zjarrtë sesa ishte dëshira e amerikanëve të shekullit të 18 për pavarësi nga Britania. Ai tha se këtë e kuptoi drejtpërdrejt gjatë vizitës së kohëve të fundit në Kosovë, ku pati takime me njerëz të moshave, shtresave e kombësive të ndryshme. “Për ta Kosovë e Pavarësi janë bërë tashë sinonim; fjalë të së njëjtit kuptim”, tha ligjvënësi Rohrabacker.
“Perticioni u nënshkrua edhe nga disa qindra serbë, romë e ashkali si dhe nga disa perfaqësues të komuniteit ndërkombëtar në Kosovë”, thotë Sherli Kloyes Dioguardi, këshilltare e lartë për çështje të Ballkanit pranë Lidhjes Qytetare Shqiptaro Amerikane.
Kryetari i Lidhjesh Qytetare, Zhozef Dioguardi thotë se petecioni është vazhdë e punës 20 vjeçare dhe e projekt rezolutave të njëpasnjëshme që kjo shoqatë lobiste shqiptaro amerikane ka paraqitur në Kongres për çëshjet shqiptare në Ballkan, e në veçanti për Kosovën.
Në nismën për nënshkrimin e peticionit u ngazhuan shumë veprimtarë përfshi Faton Bislimin, shqiptaro amerikan që vazhdon studimet në universitetin e Harvardit.
Ndërkohë që procresi i bisedimeve rreth statusit të Kosovës tashmë ka filluar, zoti Bislimi, një nga intelektualët lobistë më të rinj shqiptaro amerikanë beson, se vetem një njohje zyrtare e pavarësisë së Kosovës nga ana e Shteteve te Bashkuara, do t'i jepte fund agonisë së një populli rreth statusit përfundimtar.

[Dilaver]

Greqia shqyrton kthimin e politikave ndaj Kosovës
Diplomacia helene e konsideron Kosovën si shtet të pavarur dhe, në këtë këndvështrim, po kërkon rishqyrtim të politikave të saj të jashtme, duke sugjeruar të ndërtojë marrëdhënie më të hapura me shqiptarët, për të mbrojtur investimet e tyre aktuale


Gazeta greke “Ta Nea” e konsideron pavarësinë e Kosovës, të padiskutuar. Kjo, duke iu referuar deklaratave të këshilltarëve të afërt të Ministres së Jashtme, Dora Bakojanis. Në artikullin e gazetës “Ta Nea” citohen zyrtarë të lartë të diplomacisë greke dhe Ministrisë së Jashtme përkatëse, që deklarojnë se është duke u shqyrtuar një kthesë pozitive e politikës me Kosovën. Kjo, për shkak se po kërkohet një komunikim më i hapur me shqiptarët, në një perceptim më realist diplomatik, lidhur me pavarësinë e sigurtë të Kosovës në vitin 2006. Ministrja e Jashtme, Dora Bakojanis, nuk ka marrë ende asnjë vendim final për çështjen, por, sipas këshilltarëve të saj, ajo duket të jetë dashamirëse me nevojat e rishqyrtimit të politikave për Kosovën. Kjo vjen sidomos pas turit të znj.Bakojanis në territoret e ish-Jugosllavisë, pak kohë më parë.
Në sugjerimet e tyre, këta zyrtarë theksojnë se pavarësia e Kosovës, qoftë edhe nëpërmjet bisedimeve, mund të konsiderohet e sigurtë, duke sqaruar gjithashtu se kjo i atribuohet edhe dëshirës amerikane të mbështetur nga britanikët. Të njëjtët zyrtarë pohojnë se në kushtet aktuale, Franca nuk është e interesuar për problemin e Kosovës, ndërsa gjermanët janë neutralë, përderisa interesat e tyre brenda ish-Jugosllavisë, janë ezauruar me Slloveninë dhe Kroacinë. "E vetmja gjë që ne arrijmë duke folur vazhdimisht është që të mos ketë presion në bisedime, të mos ndryshohen kufijtë, të mos kemi një marrëveshje të sforcuar, të mos jemi kundër shqiptarëve dhe faktorit ndërkombëtar", theksohet në deklaratat e zyrtarëve të lartë të diplomacisë greke, që kanë paraqitur mendimet e tyre që në vitin 2000, por që nuk u pranuan nga qeveria helene. Për këtë arsye, shtojnë ata, do të ishte mirë nëse i hapej drita jeshile mundësisë të ndryshimit të politikës, duke sqaruar se gjithsesi, vendimi i përket qeverisë së tyre, në majat më të larta të vendim-marrjes, pra kryeministrit të vendit. Sugjerimet e diplomatëve vënë re se, sapo Kosova të bëhet e pavarur, elementi shqiptar do të dominojë në 3 shtete, Shqipëri, Kosovë dhe Maqedoni. Mbajtja e marrëdhënieve të mira me shqiptarët do të ndihmojë në mënyrë mbrojtëse investimet e Greqisë në këto vende, por edhe të ardhmen e tyre. Ata vënë re se, kur Kosova të bëhet e pavarur, paratë e emigrantëve kosovarë do të vërshojnë në vendin e tyre, ndërsa kjo nuk është bërë deri tani, sepse atdheu i tyre ka qenë në një regjim të diskutueshëm.

Re. Po.

[Dilaver]

http://www.eldr.org/modules.php?name=News&file=article&sid=746

[Dilaver]

Aleanca e Liberalëve dhe Demokratëve Europianë-Pavarësi de-jure dhe pranim në OKB


http://photos1.blogger.com/blogger/5230/1764/200/art-big-44511.jpg (http://photos1.blogger.com/blogger/5230/1764/1600/art-big-44511.jpg)
Grupimi i Parlamentit Europian, ALDE ( Aleanca e Liberalëve dhe Demokratëve Europianë) në një sesion të posaçëm është shprehur në favor të pavarësisë de - jure të Kosovës dhe dhënien asaj të një vendi në OKB. Ky është grupimi i tretë i Parlamentit Europian për nga numri i eurodeputetëve, pas atij popullor dhe socialist dhe i pari që shprehet zyrtarisht për pavarësinë e Kosovës.
Zgjidhja e statusit të ardhshëm të Kosovës ka qënë një temë tepër e nxehtë në diskutimet dhe debatet e zhvilluara prej kohësh në Parlamentin Europian. Së fundmi në këtë debat janë angazhuar edhe një grup eurodeputetësh, anëtarë të Grupimit të Partive Liberale dhe Demokrate Europiane, i njohur shkurtimisht edhe si ALDE. Një mbledhje e veçantë e këtij grupimi, në të cilin kanë marrë pjesë edhe disa nga anëtarët e Asamblesë Parlamentare të Këshillit të Europës ka arritur në përfundimin e prerë dhe të parevokueshëm: « Kosovës duhet t'i njihet pavarësia de jure dhe të pranohet në Organizatën e Kombeve të Bashkuara ».Duke argumentuar këtë qëndrim europarlamentarët liberalë dhe demokratë theksuan ndër të tjera se jo vetëm që pjesa dërrmuese e popullit të Kosovës kërkon pavarësinë, por duke pasur parasysh se Jugosllavia nuk ekziston më, as de jure dhe as de fakto, pavarësia e Kosovës nuk ka nevojë për të kërkuar ndarjen me ndonjë shtet tjetër.Por kjo pavarësi e plotë dhe e njohur ndërkombëtarisht, sipas eurodeputetëve liberalë dhe demokratë, duhet të shoqërohet megjithatë me disa kushte, të cilat sipas tyre nuk kanë të bëjnë me ndonjë lloj pavarësie të kushtëzuar, por thjesht me detyrimet që ka çdo shtet në respektimin e pakicave të tij apo të normave ndërkombëtare.
Eurodeputetët kërkojnë me këtë rast që shteti i ri ballkanik të pranojë të nënshkruajë konventat ndërkombëtare dhe europiane për mbrojtjen e minoriteteve dhe që serbët të kenë të drejtë të kujdesen dhe të administrojnë monumenet e tyre të kulturës atje.
Njohja zyrtare edhe e gjuhës serbe, rome etj dhe përdorimi i tyre nga qytetarët në marrëdhëniet me njëri - tjetrin dhe shtetin si dhe bashkëpunimi i plotë me Gjykatën e Hagës, - janë po ashtu disa nga kërkesat e europarlamentarëve. Njëkohësisht njohja dhe pranimi i kufijve të tashëm si të përhershëm dhe të pandryshueshëm së bashku me nevojën e ruajtjes së pranisë së NATO-s atje, për sa kohë që Këshilli i Sigurimit të Kombeve të Bashkuara do ta quajë të nevojshme - janë po ashtu disa nga rekomandimet që përfshihen në rezolutën e aprovuar nga grupimi i Partive Liberale dhe Demokrate Europiane.Me këtë rast duhet theksuar se ALDE është njëri nga grupimet më në zë të Parlamentit Europian. I përbërë nga eurodeputetë të spektrit liberal dhe demokrat ai përbën grupimin e tretë për nga rëndësia dhe pesha në Parlamentin Europian, dhe i pari që shprehet hapur dhe zyrtarisht në favor të pavarësisë së plotë të Kosovës.




http://www.eldr.org/modules.php?name=News&file=article&sid=746
.
.
.
.
.

[Dilaver]

Wisner haptas për pavarësinë e Kosovës

SHKUP, 17 prill 2006 (Beta) – I dërguari i posaçëm i SHBA-ve për Kosovën, Frank Wisner u ka thënë haptazi zyrtarëve më të lartë maqedonas se SHBA-të konsiderojnë se pavarësia është zgjidhja më e mirë për statusin e Kosovës, njoftoi të premten TV Kanal 5 nga Shkupi.


Ky televizion ka transmetuar se Wisner i ka thënë kryetarit të Maqedonisë Branko Cërvenkovski dhe kryeministrit Vllado Buçkovski se marrëveshja për statusin do të duhej të arrihet gjer në fund të këtij viti. “Wisner nuk u përgjigj tërthorazi, por në mënyrën më të drejtpërdrejt u ka përcjellë Cërvenkovskit dhe Buçkovskit qëndrimin e Presidentit Bush se Kosova duhet të bëhet e pavarur deri në fund të këtij viti”, Kanal 5 ka cituar një burim anonim.

Burimi i njëjtë po ashtu ka bërë me dije se Wisner u ka thënë zyrtarëve maqedonas se Uashingtoni tashmë u ka dërguar sinjale Beogradit, në mënyrë që autoritetet serbe të përgatisin publikun për pavarësinë e Kosovës.

[Dilaver]

Newsweek: KB pritet të shpallë Kosovën shtetin më të ri në botë, ndoshta që në qershor Në numrin e saj të fundit, e përjavshmja politike amerikane, Newsweek, boton një intervistë me kryeministrin e Kosovës, Agim Çeku, dhe që në fillim shtron pyetjen se “a do të mundet kryeministri kosovar të sjellë stabilitet politik? Revista amerikane më tej thekson se ish gjenerali që shërbeu në armatën kroate dhe komandoi UÇK-në në luftën për pavarësi, do të përballet me një javë të vështirë ndërsa ekipet negociatore po takohen për herë të katërt dhe të fundit në Vjenë. http://www.rtklive.com/site/themes/default/images/spacer_black.gif“Kombet e Bashkuara pritet të shpallin Kosovën shtetin më të ri në botë, ndoshta qysh në qershor të këtij viti, dhe ndonëse shqiptarët e mirëpresin prospektin e pavarësisë, serbët lokalë e shikojnë me frikë”, thotë revista amerikane. Për Çekun revista thotë se po bënë përpjekje të shërojë plagët e ndarjes duke u përqëndruar në të drejtat e pakicave. “Duhet të arrijmë një zgjidhje që do të kënaqte edhe serbët që të vazhdojnë jetën në Kosovë, duke ju ofruar respektim të të drejtave dhe komuna të reja, thotë Çeku duke folur për negociatat e 4 dhe 5 majit në Vjenë dhe nënvizon se ‘pavarësia është e vetmja zgjidhje për të gjithë qytetarët e Kosovws’. Me statusin e pavarur, Kosova përfundimisht do të jetë e lirë, në paqe, dhe në bashkëpunim me fqinjët, pa arsye të frikës për të ardhmen. Do ta udhëheqim vetë shtetin tonë dhe do t’i gëzohemi mundësisë së anëtarësimit në Bashkimin Evropian dhe NATO ashtu si vendet e tjera, thotë Çeku. Për postin e tij të ri, Çeku thotë se ‘unë sillem si kryeministër i të gjithë qytetarëve të Kosovës dhe ata nuk kanë një kryeministër tjetër’. Ai akuzon Beogradin se po i pengon serbët të integrohen në institucionet e Kosovës. Në pyetjen se a ka arsye që NATO të mbetet në Kosovë, Çeku përgjigjet se forcat e NATO-s mund të largohen sapo Kosova të jetë anëtarësuar në aleancën ushtarake perëndimore dhe të ndërtojë sistemin e saj të sigurisë që nuk paraqet kërcënim për askë dhe që i përgjigjet standardeve të Aleancës. Si problem më akut të Kosovës, Çeku e sheh papunësinë si dhe mosrespektin për rendin dhe ligjin. http://www.rtklive.com/site/themes/default/images/spacer_black.gifRTK (http://www.rtklive.com/site/perne/webstaff.php)04/05/2006 (http://www.rtklive.com/site/search/search.php?searchtype=date&search=04/05/2006)09:51:39

[Dilaver]

Pavarësia e pashmangshme
26 qershor - Gazeta Financial Times thotë se kryeministri britanik, Tony Blair, do t'i thotë të martën në Londër Vojislav Kostunicës se Serbia duhet të pranojë pashmangshmërinë e pavarësisë së Kosovës deri në fund të këtij viti. Kjo porosi i jepet liderit serb, përpara takimeve me rëndësi të Grupit të Kontaktit në Londër dhe Bruksel.



Serbia nën presion të madh ndërkombëtar
Sipas gazetës “Financial Times”, Beogradi gjendet nën presion nga Shtetet e Bashkuara, nga Britania dhe nga administrata e Kombeve të Bashkuara në Kosovë, që ta pranojë pavarësinë si "zgjidhjen më joproblematike".
“Financial Times” më tej shkruan për problemet e brendshme serbe dhe për presionin që të mos hiqet dorë nga Kosova dhe që të ofrohet një "autonomi më e gjerë e mundshme", por në kuadër të sovranitetit të Serbisë. Përderisa presionet e bashkësisë ndërkombëtare vazhdojnë, i dërguari special i OKB-së për statusin, Marti
Ahtisaari, vazhdon agjendën e tij të vizitave nëpër shumë qendra dhe institucione ndërkombëtare të rëndësishme, duke kërkuar mbështetje për procesin e bisedimeve.

[Dilaver]

Kryeministri britanik, Toni Bler, ka ftuar Serbinë të respektojë vullnetin e popullit të Kosovës, shkruan e përditshmja londineze "Financial Times.