Pohim I rrezikshem I Hashim Thaçit!!

[Dilaver]

Pohim I rrezikshem I Hashim Thaçit!!


Jane te panumurta arsyet qe e kane shtyre Hashim Thaçin te deklaroje se kryeministri I Kosoves eshte zgjedhur nga struktura parapolitike dhe nga nentoka e Kosoves. Mund te jene personale keto arsye, ashtu siç mund te jene edhe gjithfaresh. Por ne esence, ato shvleftesohen para permbajtjes destruktive dhe shkaterruese te pohimit te Thaçit. Eshte ndoshta pohimi me i rrezikshem i hedhur deri me sot nga shqiptaret per shqiptaret ne Kosove. Perse?
Pohimi i Thaçit behet ne nje kohe kur :

E para: Ne daten 4 maj 2006 do te zhvillohet faza permbyllese e bisedimeve per decentralizimin e Kosoves, qe ne thelb eshte ndarja e Kosoves. Serbet e Kosoves pas ketij pohimi te Thaçit kane te drejte te thone: Si mund tju besojme juve kur ish-lideri juaj I UCK e ka konsideruar kryeministrin tuaj si pjelle te Mafias dhe jo legjitim. Si mund te jeni ju te pavarur, kur qysh tani qe keni kaq pak kompetenca ju zgjodhet nje kryeminister nga mafia.

E dyta: Kur kosovaret kane bere kompromisin e pare te nevojshem, te padomosdoshem, te detyrueshem nga nderkombetaret por te padeshirueshem nga kosovaret qe ndau Mitrovicen ne dy pjese. Njeriu qe mbrojti ndarjen e Mitrovices eshte ish-kryeministri I Kosoves dhe njeriu I afert I Thaçit, Bajram Rexhepi.

E treta: Kur pjestari tjeter I opozites, Surroi, mbron vendimin e UNMIK lidhur me dhenien e 800 hektareve Manastirit te Deçanit me konkluzionin kozmopolit se «toka ketu do te mbetet». (Megjithe kishat e ndertuara nga Milosheviçi ne pas vitet 90, ne Kosove behen afer 154 objekte fetare serbe. Sa bejne 800 here 154? Sa kilometra katrore bejne te gjitha ato? Kjo eshte objekt I nje analize tjeter )

E katerta: Kur, Albert Rohan qe nga Zvicra kercenon ne menyre demokratike kosovaret duke ju thene se ju jeni te korruptuar dhe sa kohe qe jeni te tille, nuk do tju japim pavarsine. ( Thaçi e di shume mire se ne Protektorate korrupsioni zhvillohet ne baze te sentences filozofike popullore : «Mishin dervishi dhe kockat kelyshi». Ai e di shume mire se kush eshte «dervishi dhe kush eshte kelyshi» ne Kosove).

Opinioni publik ne Kosove do te deshironte qe Thaçi te fliste me hapur lidhur me korrupsionin duke filluar me Petersen e duke mbaruar tek Rohan. Ashtu siç do te deshironte qe te sqaronte se kush jane strukturat parapolitike dhe nentoka e Kosoves qe ka zgjedhur kryeminister Agim Cekun?
Por opinioni kerkon te dije akoma me shume. Ai kerkon te dije se a eshte I vertete pohimi I bere ne median e Kosoves mbi planin mbi ndarjen e Kosoves ne qershor te vitit 1999. Ish-kryeministri I qeverise se perkohshme te Kosoves nuk mund ti anashkaloje keto pohime. (Ka nje fakt interesant lidhur me kete çeshtje. Plani Ahtisari-Cernomerdin ju paraqit parlamentit jugosllav ne 3 qershor 1999. Dhe ky plan eshte duartrokitur nga parlamenti jugosllav dhe deputetet e tij.)
Dikush. disa apo shumekush mund te gjykoje per nje deklarate emocionale te bere ne Kuvendin e Kosoves. Por eshte nje deklarate e kryetarit te opozites dhe per me teper ne nje kontekst parapolitik dhe politik tejet delikat. Sepse mund te ndodhe per shembull qe: Kur te diskutohet per statusin final te Kosoves te ngrihet ndonje nga antaret e Keshillit te Sigurimit dhe te thote: Si mund te kerkoni pavarsi ju qe kryeministrin tuaj e kini zgjedhur nga struktura parapolitike dhe nga mafia? Pavarsi e pamundur ne kushte te tilla.
Ja perse pohimi I Thaçit eshte I rrezikshem per momentin kur u hodh ne tregun e politikes dhe per nga menyra si u hodh. Ai eshte nje pohim qe nuk mund te mbetet pezull: Ose Thaçi duhet te shkoje deri ne fund dhe te flase hapur ose Petersen dhe Ceku duhet te japin doreheqje. Ne Pezulin e Pavarsise se Kosoves, ai pohim nuk mund te qendroje gjate.


ALN LAJMET.NET

[Dilaver]

Korrupsioni në qeveri është shndërruar në kulturë politike, thotë Thaçi

Prishtinë, 20 prill 2006 (Kosovapress) Koha 13:32



Ndërkaq, kryetari i Partisë Demokratike të Kosovës (PDK), Hashim Thaçi, kritikoi qeverisjen aktuale për mungesë rezultatesh në zbatimin e standardeve. Ai tha se Kosova në këtë fazë përcaktuese për të ardhmen e saj, ka nevojë për një qeverisje me bazë të gjerë, në të cilën do të përfshiheshin edhe ekspertët.

“Koalicioni aktual qeverisës po tregohet i paaftë dhe jokompetentë për t’u përballur me sfidat e procesit të përmbushjes së standardeve dhe përgatitjes së procesit të përcaktimit të statusit politik të vendit. Thjesht, është dëshmuar qe sa e sa herë që qeveria dhe koalicioni aktual nuk kanë as kapacitet as vullnet për t’ia dhënë Kosovës një qeveri çfarë e meriton”, deklaroi Thaçi duke vlerësuar se është koha e fundit për ndryshime.

Por për të arritur deri te caku final i kosovarëve- pavarësia dhe sovraniteti i plotë i Kosovës, Thaçi ka kërkuar ndryshime strukturore dhe jo vetëm klanore në qeverinë dhe koalicionin aktual.

”PDK para qytetarëve të Kosovës dhe spektrit të gjerë politik paraqet ofertën e saj për daljen nga kjo krizë politike dhe institucionale duke formuar një qeveri të unitetit të gjerë politik e qytetar. Një qeveri profesionale, e cila do të ishte e zonja ta çonte vendin drejtë pavarësisë së plotë. Një qeveri e cila nuk do të udhëhiqej nga logjika e grabitjes, por logjika e shërbimit ndaj qytetarit. Thjesht, është dëshmuar qe sa e sa herë që qeveria dhe koalicioni aktual nuk kanë as kapacitet as vullnet për t’ia dhënë Kosovës një qeveri çfarë e meriton”, është shprehur i pari i PDK-së.


Sipas tij, standardet demokratike për Kosovën janë të lidhura drejtpërdrejt me zgjidhjen e statusit politikë, jetën e re kosovare dhe procesin e integrimeve euro-atlantike. Megjithatë, ai ka vlerësuar se standardet janë shndërruar në dekor dhe blerje kohe nga qeveritarët e korruptuar.

“Si mund të plotësojë kritere perëndimore një qeveri e këtillë e zhytur në krim e korrupsion, kur vetë korrupsioni dhe krimi janë dukuri që luftohen më së shumti në perëndim? Ta marrim për shembull standardin e parë: funksionimin demokratik të institucioneve. Si mund të flasim për institucione demokratike kur ekzistojnë dëshmi të mjaftueshme tashmë se vetë emërimi i ministrave dhe kryeministrave është bërë nga struktura parapolitike dhe jodemokratike, kur ministrat nuk i japin llogari Parlamentit të Kosovës, por bosëve të tyre të nëntokës, kur diferencojnë e spastrojnë në baza krejtësisht politike shërbimin civil të Kosovës, kur shpërfillin kritikën e mediave të lira dhe të qytetarëve të Kosovës? Për kë punon kjo qeveri, për qytetarët e Kosovës jo, për pavarësinë e Kosovës, jo se jo”, është shprehur Thaçi.

Sa i përket sundimit të ligjit, ai ka vënë në pah se qeveritarët e Kosovës dhe UNMIK-u se janë shndërruar në sinonim të shkeljes së ligjit, të abuzimit me detyrën e me paratë publike. “Ky standard do të mund të riemërtohej lirisht standardi i sundimit dhe i tolerimit të krimit në Kosovë”, tha ai duke shtuar se edhe në standardi i ekonomisë është dështim i radhës së qeveritarëve, ku ministrat e Qeverisë së Kosovës përdorin privatizimin për t’i mbushur xhepat e vet dhe të miqve të tyre.

Ndërsa, luksi dhe plaçkitja e fondeve publike nga ana e qeveritarëve aktualë sipas liderit të partisë më të madhe opozitare vazhdon i papenguar. Ai tha se mendimi politik i këtij koalicioni udhëhiqet sipas logjikës së shtetit absolutist, logjikë e cila qytetarin e vështron si një shërbëtor të shtetit, si objekt përdorimi për kohë të caktuar.

“Kjo është logjika për shtetin e ardhshëm të Kosovës, nga qeveria aktuale, e cila nuk udhëhiqet nga legaliteti i partive të koalicionit, por nga kuzhina e individëve dhe grupe parapolitike. Qeveria aktuale nuk i shërben qytetareve të Kosovës, por vetëm dhe vetëm njerëzve të parapolitikës. Korrupsioni në qeverinë aktuale nuk është punë individi, është e keqe dhe fenomen strukturor, është mentalitet, është shndërruar në kulturë politike,” tha Thaçi.

Krejt në fund, ai ka konkluduar se ndikimi i Qeverisë së Kosovës në procesin e bisedimeve për statusin e Kosovës nuk është vendimtar, duke u shprehur optimist se procesi i krijimit të shtetit të pavarur të Kosovës do të ecën me dinamikën e paraparë.

Për dallim nga opozita, pozita ka hedhur poshtë të gjitha pohimet e Thaçit, duke thënë se nuk ka fakte të mjaftueshme për akuza aq të rënda. Naim Maloku në emër të Grupit Parlamentar të Aleancës për Ardhmërinë e Kosovës (AAK) ka hedhur poshtë të gjitha supozimet dhe vlerësimet e grupit parlamentar të PDK-së, të thëna nga goja e Hashim Thaçit.

“Pohimi i Thaçit se fakti dhe argumenti më i fortë për keqmenxhim dhe keqpërdorim është qeveria aktuale, tregon se ai nuk ka kurrfarë fakte dhe argumentesh për akuza të tilla”, tha Maloku.

Ndryshe, Kuvendi i Kosovës, me kërkesë të PDK-së është mbledhur në një seancë të jashtëzakonshme për të shqyrtuar ecurinë e procesit të përmbushjes së standardeve, procesit të privatizimit si dhe masave të ndërmarra për parandalimin apo përballjen eventuale me gripin e shpezëve.

Seanca është duke vazhduar punimet./L.Blakaj/

[Dilaver]

PDK Duan të dalin nga hija

Shpend Limoni Expres
Prishtinë 19 prill

PDK kërkon krijimin e një Qeverie të Re, gjithëpërfshirëse, me arsyetimin se vendit nuk i duhen udhëheqës të korruptuar. Partitë në Koalicion, megjithatë reagojnë ftohtë.

PDK duket se është lodhur në hije, por edhe se ka marr një leksion të mirë nga Sali Berisha në Shqipëri – për ta fituar pushtetin – me akuza për korrupsionin.
Zyrtarë të saj kanë shprehur dëshirën për t’u bërë pjesë e qeverisjes, por janë kujdesur që mesazhin ta përçojnë ndryshe.
Duke alarmuar opinionin për udhëheqësit e korruptuar.
Kabineti i Qevirsjes së Mirë (nën hije) ka sfiduar ambientin politik të mërkurën, duke bëre¨thirrje për krijimin e një Qeverie te re gjithëpërfshirëse.
Luftën të cilën Kryeminsitri Agim Çeku ia ka shpallur korrupsionit dhe që këtyre ditëve po zhvillohet në trajtë të auditimeve nëpër institucione, KMQ e ka përdorur si një argument për ofertën e saj, duke thënë se kjo nuk paraqet zgjidhje.
Për partinë më të madhe opozitare nuk është vetëm korrupsioni ”karta” e bvetme që arsyeton këtë ndërmarrje të saj. Gjendja e rëndë politike dhe socilae dhe paaftësitë organizative e profesionaletë qeverisjes aktuale, janë arsyet plus që janë përmendur në selinë e partisë së dytë në vend.
”Në Kosovë urgjentisht duhet të krijohet një Qeveri e Re, gjithëpërfshirëse politike, intelektuale dhe qytetare, në baza të profesionalizmit deri në zgjedhjet e reja në Kosovë”, ka thënë të mërkurën Hajredin Kuçi, udheheqës i KQM-së.
PDK është kujdesur edhe për imazhin, të mërkurën, kur ka vendosur të flasë para opinionit për idenë e saj të re.
Ka vënë para mediave - Bajram Rexhepin dhe Enver Hoxhajn.
I shoqëruar edhe nga dy ”ministrat” (nën hije) e KQM. Hajredin Kuçi ka shpalosur vizionin se si do të mund të dukej dhe çfarë do të bënte Qeveria e Re.
”Kërkojmë që të angazhohet një grup profesionistësh të vendit dhe ndërkombëtarë, nën patronatin e Qeverisë së Re, që do të hartonte politikat ekonomike afatshkurtra dhe afatmesme, për gjallërimin e potencialeve dhe industriale në Kosovë dhe projektimin e politikave të reja të avancimit dhe të mbështetjes së biznesit të vogël e të mesëm, zhvillimit të bujqësisë dhe zbutjes së papunësisë”.
PDK që nga formimi i koalicionit LDK AAK nuk ka pushuar së akuzuari këtë koalicion për korrupcion dhe instalim të krimit.
Njësoj ka bërë edhe partia tjetër opozitare, ORA, e udhehequr nga Veton Surroi, e cila pas vdekjes së Presidentit Dr Ibrahim Rugova, po ashtu, kishte dhënë sinjalese është e gatshme për t’u bëre¨pjesë e Qeverisë së Kosovës.
Por, të mërkurën, zyrtarë të saj kanë deklaruar se iniciativa e PDK-së duhet sqaruar se për çfarë arsye po bëhet.
”Presim të na informojnë në detaje dhe të na informojnë se për çka bëhet fjalë ” ka thënë zëdhënësi Ylli Hoxha.
KQM, në adresimin e saj, të mërkurën, ak kërkuar që pos përfshirjes së profesionistëve në radhët e Qeverisë së Re, duhet rrekur reformave në të gjitha fushat dhe nivelet, përfshirë arsimin, shëndetësinë, e sidomos privatizimin.
Hajredin Kuçi ka thënë se KQM kërkonqë në ekzekutivin e propozuar të ketë përfshirjemë të gjerë dhe më transparente të spektrit politikk, si dhe të qytetarve, me qellim të implementimit të vullnetit të qytetarëve për shtet sovran dhe të pavarur.
”Çdo opsion tjetër që ka për qellim ripozicionimin e klaneve brenda strukturave aktuale të partnerëve qeverisës, që mund të dukën në sipërfaqe kohëve të fundit, vetëm se e do ta stërkeqte situatën dhe do ta acaronte luftën politike për pushtet”.
KQM nuk ka bërë shumë komente rreth rrjedhave të bisedimeve për statusin e Kosovës: Edhe pse që kur kanë filluar negociatat – është Delegacioni i Kosovës ai që i jep formë çështjeve për statusin, Hajredin Kuçi mendon se Qeveria e Re do të duhej ta ketë fjalën e saj.
”Qeveria e re ka nevojë të hartojë një ofertë për shtet qytetar dhe unik, ku roli qendror i qytetarit si individ do të shmangte tendencat e ndarjeve mbi baza etnike”, është shprehur ai.
Shefi i KQM, madje është i bindur se Qeveria Çeku nuk mund të bëjë asgjë në fazën kritike për Ksovën.
”Kjo Qeveri nuk është e aftë që të kontribuojë për statusin final të Kosovës, krijjimin e imazhit pozitiv. Lidhur me këtë, kemi edhe konstatimin e Albert Rohan – se korrupsioni aktual po e rrezikon pavarësinë”.
Tutje ai ka vlerësuar se korrupsionin mund ta luftojnë institucionet dhe individët që mbi vete bartin autoritet morale, profesionale, politike dhe legale.
”Mbi të gjitha, korrupsionin duhet ta luftojnë njerëz që nuk janë të zhytur në Korrupsion”, ka thënë Kuçi.
Ai ka tërhequr vërejtjen se luftimi i korrupsionit nuk është vetëm deklaratë politike, por është veprim juridik dhe politik.
Partitë në koalicion, LDK dhe AAK, thuajse kanë injoruar nismën e PDK-së, duke cilësuar si një hap ”normal” të opozitës.
Lutfi Haziri, Zevendskryeministër dhe Ministër i Pushtetit Lokal, nuk ka dashur të flasë shumë.
”Nuk kam koment. Tash e dëgjova këtë. Pa e parë arsyetimin e kësaj, nuk mund të them asgjë”, është shprehur Haziri.
Megjithatë, ka pohuar se opozita ka të drejtë të bëjë një gjë të tillë.
”Atat kanë të drjetë të kërkojnë, por duhet arsyetuar procesin”.
Mirëpo, kur bëhet fjalë për korrupsionin, Haziri mendon se kontrolli i shtetit rekomandon politika të caktuara në kuptimin menaxherial të financave.
”Së paku, kjo Qeveri është aleate me ligjin pas zgjedhjes së Çekut për Kryeministër”, ka thënë Haziri.
LDK, e cila ka shtatë ministra në Qeverinë e Kosovës, një ditë më parë, i ka dhënë mbeshtetje Kryeministrit Çeku për ta luftuar korrupsionin në institucione, por komentet e PDK-së mund të mos i pelqejnë.
Të paktën, Alush Gashi, Shefi i GP të LDK-së, nuk ka dëgjuar për iniciativen e re të partisë më të madhe opozitare në vend, por as nuk ka dashur ta komentojë fare atë.
”Nuk jam në rrejdha lidhur me këtë çështje” ka thënë shkurt Alush Gashi. Sa për AAK-në thirrjet e opozitës ajanë normale.
”Është iniciativë shum legjitime e opozitës, prej ditës së parë kur zgjedhet Qeveria në cilindo shtet demokratik të botës, opozita e ka një një rol të tillë, të jap propozime për krijimin e një Qeverie tjetër”, ka thënë Naim Maloku.
Legjitime i ka quajtur edhe akuzat por ka tërhequr vërejtjen se ato duhet drejtuar në prokurori – nëse janë të vërteta.
Naim Maloku mendon se Qeveria aktuale punon mirë.
E PDK po i rri gati atyre.
Për ta luftuar korrupsionin, por edhe për te dalë nga hija, e edhe për t’ia filluar qysh tash fushatës për zgjedhjet e ardhshme.

[Gentiani]

Mbrëmë pata rastin të përcjell në RTK debatin, ku ishin prezent Peterseni, kryeministri Çeku, Thaqi, Trajkoviq dhe fatkeqësisht Thaqi fliste sikur Rada dhe Rada sikur Thaqi! Me një fjalë, qeveri parapolitike, nga nëntoka, kriminele etj, etj...

Thaqi u tregua, që është viq, bile të ishte viq që e ka pjellur Lopa shumë më produktiv dhe me dobi do të ishte se ashtu siç është! Mjerim i atij niveli njerëzorë e që pretendon të thirret në diçka që ka bërë për atë vend. Në anën tjetër, mendoja për Çekun i cili deri sa ka ardhur në postin e kryeministrit, ka ngrënë nga po e njëjta pjatë!

[fadil]

Pershendetje:

Fillimisht ju pershendes te gjitheve edhe ata qe kan mendime te kunderta me mua, sepse teke e fundit eshte mir kjo sepse qytetaret e kosoves kane mundesi te lexojn dhe te shofin kulturen dhe arrogancen e secilit ne kete forum!

Kurse sa i perket temes mendoj se akuzat e Hashim Thaqit jane te bazuara ne fakte , e kete e deshmojn me se miri dhe ne menyr te dukshme shkarkimet e koheve te fundit qe u bene ne instutucionet zyrtare, si ai i Nexhat Dacit, Bajram Kosumit dhe Adem Salihajt.

Kurse sa i perket emisionit ne RTK mendoj se ai qe e ka pastuar shkrimin e prafundit ose nuk e ka ndegjuar fare ose nuk i ka marr veshe diskutuesit ose ska dashur ta beje asnjeren, sepse kjo nuk eshte asgje me shum se nje genjeshter, kete me se miri e dine ata qe e kane percjell kete debat.

Qytetaret suksesin dhe deshmtimin e kesaj qeverie e vertetojn me se miri me gjepin e tyre.

une nje e dije se kurr Kosova nuk ka pasur kriz sociale me shume se qe ka tashte dhe kjo eshte rezultat e keq qeverisjes se qeveris aktuale.

nese ju mendoni ti mbroni ata qe vjedhin paret e popullit dhe i akuzoni si tradhtar ata qe mundohen ta bejne kete sepaku transparente ateher e keni gabim .

Me e Mirte Eshte Gjuha e Memecit se e Genjeshtarit.

[Gentiani]

Aha, ja fillove fadil me gjuhën e memecit dhe gënjeshtarëve a ?

nëse shërbehesh me këtë gjuhë ka gjasa të mos e kuptosh edhe sikur të ishe prezent edhe vehtë në atë debat . Peterseni e demantoj Hashimin për çështjen e privatizimit dhe llokopendrat tjera, sepse Hasha flet Llokopendra dhe nga 100 % i mundshëm as 10 % nuk ja ka qëlluar deri tani. Me një fjalë po e përsëris, mbrëmë nga ai debat flisnin njësoj si Hashim Trajkoviqi ashtu edhe Rada Thaqi :wink: qeveri nga parapolitikat, kriminelë etj me një emërues përbashkët ja hudhnin Çekut.

Nexhat Daci, Kosumi e Salihaj, ka një muaj që nuk janë në skenë, prandaj bla,bla,bla nuk po flitet për ta, por për qeverinë Çeku.

[GURI SYLAJ]

Dikujt, jo qe nuk po i ngutet mvehtesimi i Kosoves por perkunder po i frigohet keti procesi i cili ka hy ne nje rruge e cila nuk ka kthim mbrapa. Te gjithe trajkoviqet kan te drejte qe kete rruge t'a pengojne dhe mundesisht t'a vonojne. Ne te tjeret ose kemi arsye personale ose kemi detyra personale , nese veprojme ne kete drejtim.

[prishtinasi]

mmm...me shkoj mendja (mos u frikesoni ju:):))), qe t'ia bejm nje auditim forumit te Dradanise...:biggrin:, jam i sigurte qe do te kem befasira!
Debatin nuk e kam percjell, keshtuqe...veq muj me fol palidhje, e po e la krejt!
E kam edhe nje propozim...(a mundem zoti Daci...upss...Berisha), qe prej sotit qeveria te mos vjedhe me, JU Lutem...se mjafte ke...nese vazhdon keshtu, do ti kemi te gjithe ministrat Bill Gates:):)
Me te mira...

[Arb]

Eh, fara e keqe osht qu peshe fort. S'po ju rrihet fort nen hije ma.

Nuk pritet ma shume prej tyne, vecse kerkesa per dhumin te ketille te votes se popullit. Qysh s'kane pike njerezie me kerku ate qe nuk ju takon. Opozite, edhe jane shume!

[Dilaver]

Parapolitika - janë njerëzit që pas luftës kontrollonin doganat e Kosovës dhe shtrinin gypat e naftës bjeshkëve nga Mali i Zi, njerëzit që ndërtuan vila marramendëse në kodrat urbane të Prishtinës, njerëz që imponojnë demarkacionin dhe ndarjen e Mitrovicës. Ramush Haradinajn po e dëmton metoda e biznesit të zi, që ka gjetur strehë në Qeveri.

Hashim Thaçi flet për Express

Berat Buzhala
Artan Mustafa
Prishtinë, 23 prill —
Express: Çka keni dashur të thoni, kur keni propozuar formimin e një Qeverie të ekspertëve, me bazë partiake?
Hashim Thaçi: Duke parë keqqeverisjen që po ndodh në Kosovë dhe qëndrimet e komunitetit ndërkombëtar, veçanërisht të Albert Rohan, i cili deklaroi se kjo keqqeverisje dhe korrupsioni janë duke e rrezikuar pavarësinë, por duke u nisur edhe nga realiteti i paqëndrueshëm i funksionimit demokratik të institucioneve, kemi vlerësuar se në interes për Kosovën do të ishte ndërtimi i një Qeverie të ekspertëve, më mbështetje të gjerë politike, deri në organizimin e zgjedhjeve të reja pas statusore.
Express: A ka PDK ekspert për Kryeministër?
Hashim Thaçi: PDK ka ekspert për Kryeministër, por nuk do të thotë domosdoshmërisht të jetë ekspert i ndonjë partie kandidati për Kryeministër.
Express: A e vlerësoni vetën ekspert për Kryeministër?
Hashim Thaçi: Jo gjithmonë ekspertët janë kryeministra. Natyrisht që liderët e partive që i fitojnë zgjedhjet do duhej të bëheshin Kryeministër, sepse nevojitet mbështetja politike. Në këtë drejtim, besoj se edhe më herët, edhe tash, kam treguar përgjegjësinë e duhur politike, edhe përgjegjësinë intelektuale për të udhëhequr proceset në momentet nëpër të cilat ka kaluar Kosova gjatë këtyre 7-8 vjetëve.
Express: Propozim juaj vjen vetëm si pasoj e deklaratës së Rohan,apo keni edhe ndonjë informacion tjetër për mundësi të ndonjë ndërrimi në Qeveri së shpejti?
Hashim Thaçi: Jo. Ky është reflektim i PDK'së, si rrjedhim i realitetit të hidhur kosovar që kemi nga Qeveria aktuale, e në veçanti pas humbjes së legalitetit të theksuar demokratik dhe legjitimitetit qytetar.
Express: Por këtu si duket është thyer një rregull e pashkruar, në bazë të së cilës Kryeministri i ri meriton së paku 100 ditë. Çeku ende nuk i ka kaluar kaq ditë...
Hashim Thaçi: Ne kemi tash Kryeministrin e tretë në këtë kabinet të vjetër qeveritar. Ky kabinet
i ka kaluar tashmë rreth 400 ditë dhe ne nuk mund që për çdo tre muaj të ndërrohet Kryeministri dhe vazhdimisht t'i kërkojë edhe100 ditë. Nuk ka ofertë të re, nuk ka program alternativ nga ai i kaluari, nuk ka nomenklaturë të re. Kanë ndodhur vetëm ndërrime kozmetike, e jo ndryshime të kërkuara.
Express: A mund të konsiderohet kjo ofertë serioze, nëse paraprakisht nuk e keni pëlqimin e komunitetit ndërkombëtar apo atij vendor?
Hashim Thaçi: Kemi pasur kontakte edhe me komunitetin ndërkombëtar, edhe me subjektet tjera politike vendore. Është vlerësuar si një ide interesante që ia vlen të diskutohet dhe të studiohet.
Express: A po e dëmton PDK'në fakti së jeni pjesë e Grupit Negociator të Kosovës dhe shumë probleme gërshetohen me Qeverinë, ta zëmë?
Hashim Thaçi:Natyrisht se nuk na bën shumë nderë të punojmë më këtë ekip të koalicionit aktual, por duhet kuptuar se për hir të interesave të të gjithë qytetarëve dhe për hir të zyrtarizimit të realitetit të Kosovës së pavarur në qershor të vitit 1999, kemi marrë përgjegjësinë që na takon. Ne do të jemi të gatshëm të gëlltisim shumëçka si opozitë vetëm e vetëm që të realizojmë aspiratat e qytetarëve të vendit për shtet të pavarur dhe sovran, natyrisht me Mitrovicë të bashkuar, pa enklava, pa komuna çfarë Qeveria e tashme pretendonte t'i ndërtonte.
Express: Në momente shumë të rëndësishme për të ardhmen e Kosovës po kulmojnë disa
probleme shumë të rënda. Asnjëherë në Kosovë nuk ka pasur më shumë zhurmë rreth korrupsionit, krimit të organizuar,klaneve mafioze, "strukturave parapolitike" dhe gjëra të tilla. Destabiliteti eventual politik,a mund ta rrezikojë procesin politik?
Hashim Thaçi: Fenomenet negative, korrupsioni dhe krimi i organizuar i Qeverisë aktuale - e ka rrezikuar dhe po e rrezikon pavarësinë dhe demokracinë në vend. Asnjëherë më parë pas luftës s'ka pasur shqetësim të tillë, sepse asnjëherë s'ka pasur korrupsion të tillë në Kosovë. Më herët jemi ballafaquar me korrupsion nga individë të caktuar. Sot kemi një ballafaqim me korrupsionin.
Sot Qeveria aktuale është bërë emblema dhe adresa e korrupsionit dhe krimit të organizuar. Kjo e rrezikon të ardhmen demokratike të vendit, funksionimin demokratik të institucioneve, sundimin e ligjit, ndërtimin e demokracisë dhe integrimin e Kosovës në strukturat e BE'së, NATO's dhe mirëqenien sociale të qytetarit të Kosovës. Qeveria e koalicionit aktual po e varfëron çdo ditë e më tepër qytetarin e Kosovës, po ia vret shpresën arsimtarit, mjekut, pensionistit, invalidit të luftës e të punës.
Express: Kryeministri Çeku në fjalimin e tij të fundit thoshte se korrupsioni nuk ka lindur tash, por ka qenë prezent edhe më herët. Ai, gjithashtu,premton se do ta luftojë korrupsionin dhe po kërkon mirëkuptim nga opozita, që sipas tij ka qasje tendencioze...
Hashim Thaçi: Është skandaloze të kërkohet nga ne që të heshtim dukuritë e tilla dhe do të ishte mungesë e përgjegjësisë nga ana jonë po të mos e ngrisnim zërin për këto dukuri kancerogjene. Mirëkuptim në tolerimin e korrupsionit dhe krimit të organizuar nuk do të ketë nga askush, e as nga ana ime, nga PDK, nga politika progresiste kosovare, qytetarët dhe bota demokratike.
Express:Me asnjë kusht?
Hashim Thaçi:Me asnjë kusht.

[Dilaver]

Express: Çka nëse destabilizohet situata në momentet shumë finale të statusit të Kosovës?
Hashim Thaçi: Situata mund të destabilizohet vetëm nëse Kosovën e udhëheq krimi dhe njerëzit e korrupsionit, e jo nëse luftohen dukuritë negative.
Express: Në dy seancat e fundit të Kuvendit, disa deputetë të PDK'së e kanë fyer personalisht Agim Çekun pse ka lënë TMK'në. Dy kryeministrat e kaluar kanë ardhur nga UÇK dhe TMK. Pse akuzohet Kryeministri Çeku në këtë nivel?
Hashim Thaçi: Betejat politike nuk duhet personalizuar. Por, duhet kuptuar reflektimet e ndryshme të deputetëve, opinionet që janë paraqitur. Unë do të falënderoja qytetaret e vendit që kanë pasur mirëkuptim në përkushtimin tim 7 vjeçar që të kemi një personalitet emblemë të ushtrisë së ardhshme të Kosovës dhe jo një personalitet që do të transformohej brenda natës në fytyrën e parë të qeverisjes së keqe. Kjo ndodhi ka hapur dilema edhe për të ardhmen e TMK-së -ushtri të ardhshme të Kosovës. Por, në anën tjetër, siguroj qytetarët se ndonëse kryeministrat do të shkojnë dhe vijnë, TMK do të përmbushë qëllimin e saj për t'u bërë ushtri e ardhshme e moderne Kosovës, e integruar në strukturat e NATO.
Express:E keni akuzuar Çekun gjatë fjalimit tuaj. Keni thënë se duke filluar prej Kryeministrit dhe gjithë ministrat janë aty nga strukturat parapolitike.Kush janë
ato struktura?
Hashim Thaçi: Strukturat para politike në Kosovë janë ato që menjëherë pas luftës, në emër të patriotizmit, organizonin dhe kontrollonin doganat e Kosovës, kontrabandën e cigareve, derivateve të naftës, në Kosovë dhe rajon. Janë ata që shtrinin gypat e derivateve të naftës nga Mali i Zi deri në kufirin me Kosovën. Janë edhe ata që lokacionet e çerdheve të fëmijëve i uzurpuan shpateve urbane të Prishtinës dhe ndërtuan vila marramendëse për realitetin e mjerimit social e ekonomik të Kosovës. Dhe, natyrisht, ata që udhëheqin korrupsionin, që largojnë të padëgjueshmit politikë që nuk i japin llogari financiare parapolitikës në Kosovë. Parapolitika është biznesi i zi që ushtron diktat mbi Qeverinë aktuale të Kosovës dhe përdor instrumentet e saj për të financuar krimin.
Express:Emërimi i Çekut është përkrahur edhe nga diplomatët perëndimorë. Pra, edhe po i
mbështesin "strukturat parapolitike", për mendimin tuaj?
Hashim Thaçi: Ju e shihni tolerimin e korrupsionit nga struktura të caktuara të UNMIK'ut. Tolerimi i këtij korrupsioni dëshmohet edhe nga OKB. Gjithë kjo ndodh në emër të një paqeje sociale, apo politike të dëgjueshmërisë. Ju i shihni menjëherë lëvizjet për tolerimin apo kinse zgjidhjen e shpejt të çështjes së demarkacionit, që është një pazar nga parapolitika, e cila çështje iu ka vënë në agjendë Kryeministrit të ri. Këtu hyn, natyrisht, edhe projekti për ndarjen e Mitrovicës në vija etnike, që gjithashtu është vënë në agjendë nga parapolitika.
Express: Keni folur edhe për ministrat dhe mënyrën se si janë caktuar ata. Gjithë mozaikut i mungojnë emrat.Në Kuvend nuk është folur me emra konkretë se cili ministër është i korruptuar. A keni fakte,apo ju mungon guximi politik?
Hashim Thaçi: UNMIK dhe ndërkombëtarët kanë evidenca të PDK'së. Ato janë të verifikuara
dhe konfirmuara nga autoritetet e UNMIK'ut, me emra dhe mbiemra, por nuk dëshiroj që ta politizoj procesin. Thjesht, kjo është çështje më të cilën duhet të merren organet përkatëse të specializuara të drejtësisë. E ritheksoj edhe një herë se kjo qeverisje aktuale është koha që të ballafaqohet me qytetarin dhe të ndodhë ndëshkimi politik dhe juridik.

Express: Z. Thaçi, kur jeni takuar për herë të fundit me Ramush Haradinaj?
Hashim Thaçi: Para 7 a 8 ditësh.
Express: Takimi nuk ka qenë publik?
Hashim Thaçi: Jemi takuar në një akademi.
Express: Dhe ndërkohë Ramush Haradinaj është në qendër të akuzave tuaja?
Hashim Thaçi: Unë jam duke folur për realitete, nuk akuzoj.
Express: Marrëdhëniet tuaja me Ramush Haradinaj duken më të tensionuarat prej pasluftës...
Hashim Thaçi: Nuk janë as të tensionuara e as të ngrohta, janë raporte të relacioneve politike dhe qytetare. Tribunali i Hagës ka bërë padrejtësi ndaj tij dhe gjithë luftëtarëve të UÇK'së që janë në Hagë. Në këtë rast, unë besoj se pastërtia dhe drejtësia e luftës së UÇK'së dhe popullit të Kosovë do të ngadhënjejë përsëri.
Express: Prejse është lejuar nga Tribunali i Hagës që të dale publikisht në takime, ai nuk
është parë të ketë qenë në selinë e PDK'së...
Hashim Thaçi: Unë jam i hapur për të gjithë.
Express: A ka kërkuar takim?
Hashim Thaçi: Takimi do tëndodhë me kohë.
Express: Raportet tuaja me AAK'në,si duket,janë tensionuar pas një interviste që keni dhënë në televizion, ku keni folur për Fondin Haradinaj...
Hashim Thaçi: Unë nuk shoh tensione, që i flisni ju. Për çdo kënd duhet të ketë transparencë dhe assesi nuk duhet që në emër të së kaluarës, patriotizmit, sakrificës, të pavarësisë, demokracisë, të mblidhen fonde marramendëse, siç konfirmohet prej rreth 15 milionë eurosh. Duhet të ketë transparencë se kah po derdhen këto mjete të mbledhura nga xhepi i varfër i qytetarit të Kosovës dhe nga buxheti i konsoliduar i Kosovës. Qeveria e Kosovës në mënyrë transparente duhet të ndajë mjete për mbrojtjen e Ramushit dhe të tjerëve që gjenden në Hagë, e jo kjo të bëhet me metoda të biznesit të zi, që kanë gjetur strehë nëpër ministritë aktuale. Kjo më se tepërmi po e
dëmton vetë Ramushin.
Express:Domethënë, keni informacione se janë marrë mjete nga buxheti i Kosovës për këtë fond?
Hashim Thaçi: Unë thashë duhet të ketë transparencë për çdo kënd.
Express: Si duhet të bëhet transparenca?
Hashim Thaçi: Kjo transparencë duhet të bëhet duke i respektuar të gjitha procedurat e rregullta demokratike të institucioneve të vendit.
Express: Flitet se disa përfaqësues të koalicionit qeverisës ju kanë dërguar disa selame ne formë të kërcënimeve që nuk kanë qenë publike. A është e vërtetë kjo?
Hashim Thaçi: Jo. Përkundrazi kam selame se duhet të ndërtojmë një bashkëqeverisje gjithë politike.

[Dilaver]

Express: Prej përfaqësuesve të koalicionit?
Hashim Thaçi: Po. Por, PDK nuk hyn në bashkëqeverisje me këtë spektër... Por, përgjigjja është se duhet të ndërtojmë një Qeveri të ekspertëve më mbështetje të gjerë politike. Assesi nuk do të bëhemi pjesë e kësaj qeverisje, në asnjë formë, në asnjë kombinim.
Express: A është e vështirë për ju tash që të ballafaqoheni me Agim Çekun, më të cilin një kohë keni bashkëpunuar gjatë luftës?
Hashim Thaçi: Gjërat nuk duhet personalizuar. Unë e vlerësoj kontributin e çdo qytetari të Kosovës edhe të Kryeministrit të ri. Ai ka qenë afër meje gjatë bombardimeve të NATO's
dhe natyrisht edhe gjatë transformimit dhe demilitarizimit të UÇK'së. Vazhdimisht kam qenë i përkushtuar, natyrisht edhe me njerëzit tjerë të Shtabit të Përgjithshëm, që të sjellim njerëz që kanë qenë të shkolluar në aspektin ushtarak, që të jenë pjesë e TMK'së. Në këto drejtime, ka pasur vështirësi, por më fund është sjell edhe Agim Çeku. Jo Bajram Rexhepi, por Ekipi Negociator
Express: Qytetarët e Kosovës janë të shqetësuar me draftin e fundit për zgjidhjen e problemit të Mitrovicës. Me ketë problem po merret njëri prej nënkryetarëve të PDK'së, Bajram Rexhepi. A mendoni se kjo do t'i kushtojë partisë suaj?
Hashim Thaçi: Platforma për Mitrovicën është një platformë integruese, jo ndarëse. Është një
platformë e ndërtuar prej Ekipit Negociator, e jo prej Bajram Rexhepit.
Express: Ka qenë drafti i propozuar prej Bajram Rexhepit?
Hashim Thaçi: Bajram Rexhepi ka propozuar draftin integrues të bashkimit të Mitrovicës
dhe jo të ndarjeve etnike shqiptar - serbë, apo jug - veri, prandaj kjo është një prej varianteve
të diskutuara në EN dhe sot diskutohen edhe variante tjera.
Express: A e përkrahni këtë ndarje në dy njësi komunale?
Hashim Thaçi: Nuk e kam përkrahur dhe nuk e përkrah kurrë ndarjen, por kam përkrahur, kam punuar dhe punoj për zyrtarizimin e projekteve që çojnë drejt bashkimit të qytetit të Mitrovicës.
Express: A mendoni se bëhet bashkimi me ndarjen në dy njësi, veri - jug?
Hashim Thaçi: Nuk do të ketë ndarje në njësi veri dhe jug, por do të ketë qytet të bashkuar të
Mitrovicës, qytet ku do t'i gëzojnë të drejtat e veta të gjithë qytetarët dhe ku do të jetojnë në shtëpitë dhe pronat e veta, edhe shqiptarët në veri, edhe serbët jug. Në këtë drejtim, duhet që secili t'i marrë përgjegjësit që i ka, në mënyrë që të krijohet ai realitet i lëvizjes së lirë, sigurisë dhe jetës së përbashkët. Do të jetë një qytet i bashkuar me nën-njësi komunale.
Express: Mirëpo, ky propozimi i fundit - që të jenë dy njësi komunale në pjesën veriore dhe
atë jugore, e krijon përshtypjen e një legalizimi të gjendjes faktike...
Hashim Thaçi: Legalizim dhe legjitimim të kësaj gjendje faktike nuk do të ketë, por do të
ketë përkushtim për ndryshimin e kësaj gjendjeje faktike bashkë me ndërkombëtaret.
Express: Njëmend jeni të bindur se do të integrohet pjesa veriore e Mitrovicës?
Hashim Thaçi: Sinqerisht jam i bindur se do të ndodhë bashkimi i Mitrovicës dhe nuk do të ketë ndarje as të Kosovës, as të Mitrovicës, por do të ketë Kosovë të bashkuar, të pavarur, demokratike me një Mitrovicë të bashkuar.
Express: A ia vlen të çohet pluhur për 800 hektarë në Deçan, një tjetër çështje kjo që
po shqetëson qytetarët?
Hashim Thaçi:Duhet të kemi zgjidhje parimore dhe jo zgjidhje kilometrash ose hektarësh.
Këtu duhet marrë parasysh edhe çështjen e demarkacionit, çështjen e hektarëve brenda Kosovës. Kështu që, do të kemi zgjidhje parimore të të gjitha çështjeve të ngritura së diskutuari për mënyrën e zgjidhjes së tyre.
Express: Kur pritni se do të zgjidhet statusi final i Kosovës?
Hashim Thaçi: Statusi final, në fakt, ka përfunduar në qershor të viti 1999, me realitetin e Kosovës si vend i pavarur. Ndërsa, unë jam që të përshpejtohet procesi i statusit politik që definitivisht në vjeshtë të këtij viti të kemi një ndihmë për Kosovën e pavarur, me mbështetje dhe prezencë ndërkombëtare, me prezencë të theksuar të NATO's dhe natyrisht me një mbikëqyrje
këshilluese civile.
Express: BE po paralajmëron se do të ketë kompetenca të rezervuara në fushën e drejtësisë,
ekonomisë dhe në disa fusha të tjera. A do të jenë ato kompetenca në të cilat organet vendore nuk do të kenë qasje, por BE do të vendosë?
Hashim Thaçi: Kosova e pavarur do ta ketë edhe statusin europian dhe natyrisht se do t'i ruajmë dhe forcojmë relacionet e drejtpërdrejta me SHBA. Mirëpo, në anën tjetër, vetë ne jemi për një asistencë të theksuar ndërkombëtare, në kuptimin e mirëfilltë profesionale, që të ndërtojmë institucione demokratike, efektive, sipas përvojave dhe standardeve ndërkombëtare. Një prezencë e tillë ndodh edhe ne vende të pavarura në rajon, mirëpo vetëm ndihmesë dhe bashkëpunim.
Express: Ndihmë, apo kompetenca të rezervuara?
Hashim Thaçi: Në Kosovën e pavarur do të ketë mbështetje ndërkombëtare, do të thotë në zbatimin e kritereve legjislative, politikave ekonomike në përcjelljen dhe zbatimin e tyre dhe në përcjelljen e respektimit të të drejtave të minoritarëve. Një prezencë e tillë do të jetë e mirëpritur.
Express: A do të pranonit të nënshkruani pavarësinë e kushtëzuar?
Hashim Thaçi: Pavarësia është nënshkruar në qershor të vitit 1999 dhe statusi politik i ardhshëm i Kosovës nuk do të nënshkruhet, por do të jetë një vendim i komunitetit ndërkombëtar që do të jetë - jo siç po thuhet i pranueshëm për qytetarët e Kosovës, por të jetë në përputhshmëri me vullnetin e qytetarve të Kosovës

[Espresso]

Hë..kush Thaqi?? O popull, nje njeri i cili deri dje i ka ruajtur bagetine dhe s'ka prekur libra me dore, eshte sillur rrugeve te Zvicres, gjate luftes rrugeve dhe restoranteve te Tiranes dhe deri pas luftes kur filloj te shkon prap ne shkolle per te pervetesuar kohen e humbur, nuk mund te pritet dicka me e mencme prej tij. Ai, bile i ka punt shume mire sic ka qene mbas luftes, kur as dy fjali nuk ishte ne gjendje t'i lidhe. Ka bere perparime te dukshme, ama te bene karriere te begatshme politike, nuk i ka patkoit e mbathur. :wink:

[pirro]

Une personalisht nuk jam ndonje simatizues i asnje partie politike ne kosove,sidomos keto dy tri vjetet e fundit kur dhe filloj epoka e vjedhjeve te medha.
Une nuk do quaja deklaraten e thaqit te rrezikshme, mirpo te guximshme.Sepse askush nuk mund te mohoj as edhe qeveria se nuk kosove nuk vidhet me te madhe.Prandaj kushdoqoft qe jep keso deklaratash dhe qe kan fakte jan te mireseardhur.Tani topi eshte anen e qeveris dhe le te deshmoj te kunderten e thaqit.

Ne gjithmon po folin per te tashmen dhe jo per te kaluaren, dhe thaqi ketu eshte shume ne pozite me te volitshme (sepse dihet e kaluara e qeveris se perkoshme mendoj shume negative).

[laliloli]

Diqka nuk eshte ne rregull ne kete kohe vendimtare per Kosoven. Vertet ketu dikush nuk e ka mire ose i akuzuari ose akuzuesi.Kushdo qe e ka keq ,e qe besa njeri po, nuk eshte mire per Kosoven.

Lali

[Dilaver]

Zëvendëkryeadministratori i Kosovës, Steven Schooke, i ka ulur mbrëmë, në Restorantin "Derada", ballë për ballë - Agim Çekun, Hashim Thaçin dhe Ramush Haradinajn.

Prishtinë, 2 Maj – Në politikë nuk ka armiqësi të përhershme.
Kjo frazë e bukur amerikane ka qenë lajtmotiv për të gjitha politikat dhe politikanët që kanë ngritur armiqësi dhe nuk kanë pasur mundësi të takojnë njëri tjetrin.
Zëvendëkryeadministratori i Kosovës, gjenerali i pensionuar amerikan, Steven Schooke, dy javë pasi i është rikthyer Kosovës, ka ndërmarrë hapin e tij të parë në përpjekje për relaksimin e situatës në terrenin politik në vend.
Ka vendosur në një tavolinë dy liderët e armiqësuar, ish bashkëluftëtarët e Ushtrisë Çlirimtare të Kosovës, në Restorantin "De Rada", një nga restorantet më të frekuentuara të kryeqytetit.
Të martën në mbrëmje, ai ka ulur në një vend Kryeministrin e Kosovës, Agim Çekun, Kryetarin e Partisë Demokratike të Kosovës, Hashim Thaçin, dhe Kryetarin e Aleancës për Ardhmërinë e Kosovës, Ramush Haradinajn.
I vendosur përballë Çekut, Haradinajt dhe Thaçit, numri dy i UNMIK-ut, më në fund, ka bërë këtë hap, me gjasë, për të ndalur sulmet e fundit të opozitës ndaj Qeverisë dhe Haradinajt.
Një përpjekje, mbase, kjo – për ta shtrirë paqen mes liderëve kosovarë, raportet e të cilëve janë tensionuar.
I përballur me presionet e vazhdueshme nga opozita dhe nga Hashim Thaçi personalisht, Haradinaj prej kohësh ka takuar liderët institucionalë e politikë, pasi Tribunali i Hagës, javë më parë, i ka dhënë leje të merret me politikë.
Por, jo edhe liderin e PDK'së. Nuk dihen arsyet pse Hashim Thaçi nuk është takuar zyrtarisht me Ramush Haradinajn, pasi ky i fundit i kishte bërë një kërkesë për takim.
Shpjegime nuk janë dhënë nga asnjëra palë.
Akuzat e PDK-së në adresë të Ramush Haradinajt kanë qenë të vazhdueshme, por edhe Qeveria e Agim Çekut nuk është kursyer fare, duke e akuzuar kabinetin e tij për korrupsion.
Vazhdimisht kanë rrjedhë thashetheme se arsyet kryesore kanë qenë anashkalimi i Thaçit në procesin e formimit të Qeverisë Çeku.
Thuhet që tërë këtë proces ka kuptuar nga kuluaret dhe jo nga ata që kanë ndërtuar një qeveri në një kohë shumë delikate për Kosovën.
Takimi i natës së mbrëmë duket të jetë sinjal për një pajtim apo për një heshtje derisa të përfundoi procesi i statusit.
UNMIK ka marrë seriozisht akuzat për korrupsion, të cilat i ka bërë Partia Demokratike e Kosovës në adresë të institucioneve të vendit.
Numri dy i administratës ndërkombëtare në Kosovë, Steven Schooke, gjatë një vizite që i ka bërë partisë më të madhe opozitare, të martën, ka pranuar se këto akuza janë duke u shqyrtuar me kujdes të madh.
"Mund t'ju siguroj se në UNMIK jemi duke shikuar çdo gjë që është prezantuar. Unë jam takuar sot me Komisionerin e Policisë, shikuam çdo akuzë, ndërsa jemi duke kërkuar për të gjetur atë që ne e quajmë - dëshmi të forta dhe dëshmitarë të fortë", ka thënë Schooke, të martën.
Mirëpo, gjenerali amerikan, edhe pse nuk ka thënë se nuk dëshiron të hyjë në detaje, ka kërkuar nga Hashim Thaçi më shumë dëshmi lidhur me akuzat e PDK'së ndaj Qeverisë së Kosovës.

Express

[Reana]

Por, jo edhe liderin e PDK'së. Nuk dihen arsyet pse Hashim Thaçi nuk është takuar zyrtarisht me Ramush Haradinajn, pasi ky i fundit i kishte bërë një kërkesë për takim.
Shpjegime nuk janë dhënë nga asnjëra palë.



Nuk eshte veshtire te gjindet arsyeja: XHELOZIA!!! Nje nga instinktet me te uleta njerezore!!!
Ramushi eshte ne pushtet, perderisa Hashimi ende nen hije te dardhave kakicke diku rreze ndonje Bjeshke duke pare enderr se si ti eliminoje te gjithe ata qe nuk renditen PAS tij: o permes spiunazheve, thashethenave, sulmeve te uleta publike, genjeshtrave, zullumit, presionit, kercenimeve, etj etj...

Hashimi per te fituar, se pari duhet ta PASTROJE me varekine karakterin dhe ndergjegjjen e tij, ne te cilen mban varur shume skeletone te fshehur, pastaj mundet te dale perballe nje populli dhe te thote -ME VOTONI....po njerezit shpirtlige sikur ai, nuk e kane kete aftesi te vetepastrimit...prandaj shume keq per te qe edhe me tej do te ngel nen hijen e dardhave....

E mira e se mires, do te ishte, qe ai te largohet fare nga skena politike, se bashku me grupacionin e vet, sepse NUK posedon asnje vlere te PA-ZEVENDESUESHME per politiken shqiptare ne Kosove (perpos shpirt-ligesise, kete s'e besoj te jete dikush tjeter ne gjendje t'ia zevendesoje), dhe ti mundesoje PDK-se, qe te filloje nga e para, dhe te hape faqe te reja ne historiatin e saj si Parti Politike shqiptare, e cila sinqerisht mund te kontriboje ne te ardhmen pozitive te Kosoves...
Por lakmia per pushtet, deshira per te shembur cdo gje, qofte te mire apo te keqe, per satisfakcionin e tij personal per fuqi politike, ka vetem per t'ia zbardhur edhe ato pakez floke te zeza qe i kane mbetur-asgje me shume!!!


(hajt se shkova ne shopping, t'i blej disa fustana me lule:cool: )




DUHET BERE MBULIMIN E MESHKUJVE POSAQERISHT FYTYRAVE TE TYRE, MEQE PA LAKMINE E TYRE PER C'DO GJE QE I RRETHON, KJO BOTE DO TE ISHTE NE PAQE PERPETUALE!!!