Azem Syla e Jakup Krasniqi akuzohen se kanë krijuar fraksione në Komunën e Drenasit

[Dilaver]

Artan Behrami
Drenas,25 maj — Protesta e tretë me radhë e organizuar nga tri shoqatat e dala nga lufta në komunën e Drenasit, ka rezultuar me dy dorëheqje të dy krerëve të pushtetit lokal - kryetarit Gani Sylaj dhe nënkryetarit Gani Halilaj. I vetmi që mbetet në zyre e që i kërkohet dorëheqja është Abdyl Krasniqi, kryeshef i ekzekutivit të Komunës së Drenasit, që është edhe vëllai i sekretarit të përgjithshëm të PDK-së, Jakup Krasniqi.
Për ta arritur kërkesën për dorheqjen e tretë të radhës – protestuesit, nga të cilët shumica ishin veteranë të Ushtrisë Çlirimtare të Kosovës (UÇK), janë hedhur në grevë urie para Kuvendit Komunal. Ata thonë se do të qëndrojnë aty deri në përmbushjen e kërkesës që pretendon dorëheqjen e Avdyl Krasniqit.
Rexhep Gjeli, kryetar i shoqatave të dala nga lufta në Drenas, thotë se ia kanë arritur vetëm pjesërisht qëllimit të tyre për largimin e krerëve të Komunës.
“Ia kemi arritur qëllimit. Kryetari dhe nënkryetari kanë dhënë dorëheqje. Tash presim edhe dorëheqjen e Avdyl Krasniqit që është shef në ekzekutiv. Ne jemi në grevë para Komunës së Drenasit. Pengesa kryesore është pikërisht Avdyl Krasniqi, bile ata dy janë të pafuqishëm”, vlerëson Rexhep Gjeli.
Dorëheqja e Abdyl Krasniqit, sipas tij, është shumë e lehtë, ngase ata nuk do të tërhiqen nga qëllimet e tyre deri në largimin e tij.
“Nashta është lehtë dorëheqja. Në qoftë se Jakupi qysh e ka pru edhe e hiq, atëherë është shumë lehtë. E ne nuk e kemi mendjen m’u tërhiq derisa të jep dorëheqje edhe Avdyl Krasniqi, sepse kanë qenë pengesë e zhvillimeve për komunën e Drenasit”, thotë Gjeli.
Gjeli akuzon Krasniqin për mospërkujdesje për shoqatat e dala nga lufta e në veçanti për popullin, siç e quan, të varfër të Drenasit.
“Nuk ka bërë asgjë as për popull e as për shoqata... sen hiq veç për interesa të veta”, duke shtuar se vendet e tyre duhet t’i zëvendësojnë njerëzit të cilët do t’i zgjedhë PDK -ja.
“Aty vendos partia, na nuk vendosim. Neve nuk na intereson. Ne nuk mundem me caktua njerëz veç ai që vjen duhet me punu mirë edhe drejt”, mendon Gjeli.
Ai gjithashtu thotë se Azem Syla dhe Jakup Krasniqi mbajnë përgjegjësinë për fraksionet e krijuara brenda Kuvendit Komunal në Drenas.
“Pikërisht ata dy janë që i kanë bërë këto fraksione brenda komunës sonë në Drenas. Na jemi kundër këtyre njerëzve që janë në komunë brenda. Ne nuk e përkrahim asnjërin fraksion, neve nuk na interesojnë ato, na jemi shoqatat dhe ne i mbrojmë interesat e familjeve të dëshmoreve, veteranëve edhe të popullit”, shton Gjeli, duke shtuar se protestat e së enjtes kanë qenë demokratike.
Ndërkaq Azem Syla, anëtar i kryesisë së PDK-së, është përgjigjur me nervozë dhe shumë shkurt në konstatimet e protestuesve.
“Nuk është e vërtetë”, tha Syla, duke e mbyllur menjëherë telefonin. Përderisa Jakup Krasniqi, sekretar i përgjithshëm i PDK-së, nuk dëshiron të merret me komentet e të tjerëve.
Problemin në komunën e Drenasit ai e quan zhvendosje të vëmendjes nga problemet që i ka Kosova në problemet e Drenicës, aty ku pushtetin e ka PDK-ja.
“Unë nuk do të merrem me komentimin e të tjerëve. Unë për vete kam pas dhe kam interes me stabilizuar gjendjen. Unë nuk jam marr me grupacione, unë jam sekretari i përgjithshëm i partisë dhe angazhohem për një frymë të re, frymë të unifikuar në kuadër të PDK-së”, pohon Krasniqi.
Ai shton se në Drenicë shumë njerëz kanë arsye për të protestuar, por sipas tij, problemet e veteranëve të luftës nuk mund t’i zgjidhë vetëm komuna.
Veteran i luftës jam edhe unë, edhe jam shumë i vjetër, edhe e përkrahi luftën, por dua të them që është zhvendosje e vëmendjes nga problemet që i ka Kosova në Drenicë.
Problemet e kategorisë së luftës nuk mund t’i zgjidhë Drenasi. Këto kanë të bëjnë me ligjet në nivelin qendrore dhe përgjigja e probleme të veteranëve të luftës është qendrore e jo atyre lokale”, thotë Jakup Krasniqi. Ai shton se si kundër-përgjigje të asaj që PDK ka zhvilluar kundër keqqeverisjes në nivel të Kosovës dhe, sipas tij, dikush e ka zhvendosur problemin kryesor dhe e ka qit në një teren tjetër.
Ndërkohë Gani Halilaj i cili ka dhënë dorëheqje të mërkurën, thotë se arsyeja për largimin i tij është shumë e thjeshtë.
“Me kërkesë të shoqatave të dala nga lufta, pamundësia e ime për të ndryshuar diçka për të mirën dhe plotësimin e kërkesave të tyre. Dhe është edhe një çështje morale në momentin e duhur, në mënyrë që mos me ndryshuar situata për të keq”, thotë Halilaj.
Ai shton se shoqatat e dala nga lufta nuk janë kundër tij.
“Nuk janë kundër meje, sepse unë kam dhe do të kem raporte të mira me ta, unë gjithashtu kam qenë pjesëtar i UÇK-së dhe njëherë ndihem edhe vetë veteran, por më ka rrok për shkak pozicionit që kam qenë”, pohon Halilaj. Ai vlerëson se protestat e veteranëve të luftës nuk kanë qenë të motivuara politikisht, por ata kanë protestuar vetëm kundër gjendjes së keqe ekonomike dhe sociale që kanë.
“Nuk besoj që protestat kanë qenë të motivuara politikisht. Unë nuk besoj që kemi dështuar në atë aspekt, për arsyeje se mundësia jonë për të ndryshuar diçka në situatën ekonomike dhe sociale ka qenë e vështirë edhe me buxhetin që e kemi. Kështu që besoj që nuk kemi dështuar dhe popullata është e njoftuar me atë”, vlerëson Gani Halilaj, ish nënkryetar i Kuvendit Komunal të Drenasit.
Disa javë rresht anëtarë të tri shoqatave të dala nga lufta në Drenas kanë dalë para Kuvendit Komunal të Drenasit, për të protestuar kundër udhëheqjes komunale.
Në të gjitha protestat, ata kanë kërkuar dorëheqjen e kryetarit dhe nënkryetarit të Komunës së Drenasit si dhe të Avdyl Krasniqit, shef i ekzekutivit komunal. Sipas tyre, nuk kanë bërë asgjë në përmirësimin e kushteve të kësaj kategorie, e cila është e madhe në këtë komunë.

Expres

[E_Zjarrta]

Ma ne fund edhe Kupes i doli duqi

Ja se si luan nje pjese e PDK me drenicen e djegur te vuajtur e te plagosur si para luftes si ne lufte e me se keqi edhe pas luftes

kjo flet se si jetojne veteranet e luftes deri sa Krasniqi me co kan edhe vila ne shqiperi

[GURI SYLAJ]

Moj Drenice me xhamadan ,kurrnjehere s'po te bjen taman.
Here i huaj e her i yti,don me te mbyte tuj te mbajte per fyti...............

[Dilaver]

Ra Drenasi

Minirevolucioni veteran drenicak

Një grusht veteranësh të luftës shtynë Drenasin të lëshojë pe dhe të japë dorëheqje. Kjo të kujton Revolucionin Borgjez Francez, kur mbreti më i fuqishëm i kohës u rrëzua duke qenë patriot, por edhe një lider i dobët dhe i nënshtruar.

Artan Behrami
[email protected]
Drenas,26 maj — Vazhdimi i protestave të shoqatave të dala nga lufta e shtynë Jakup Krasniqin, sekretar i Përgjithshëm i PDK-së dhe Ramë Bujën, të nisen për në Drenas. Të enjten, Krasniqi iu premtoi protestueseve, që brenda dhjetë ditëve, Komuna e Drenasit do ta ketë mundësinë që të zgjedhë tre udhëheqës të rinj.
Pas kësaj, grevistët të ndikuar nga premtimet e kryesisë së PDK-së janë tërhequr nga greva duke u shpërndarë nëpër shtëpi. Kështu njofton Ragip Gjoshi, zëdhënës në Komunën e Drenasit.
Sipas tij, kërkesat e parashtruara me protestat janë para përmbushjes dhe kjo i ka shtyrë shoqatat e dala nga lufta ta përfundojnë grevën.
Pritet që në mënyrë procedurale, të përcaktuar sipas normave positive të zgjidhen tre të parët e KK Drenasit.
Para se të vinte Jakup Krasniqi me bashkëpunëtorë, grevistët të qetë dhe të ulur kanë qëndruar në hyrje të komunës.
Ata thonë se janë në pritje të plotësimit të kërkesës së vetme për dorëheqjen edhe të kryeshefit ekzekutiv të komunës, Abdyl Krasniqi. Palët vazhdojnë të marrin shërbimet e duhura, që shpjegohet se administrata po vazhdon punën. Zëdhënësi Gjoshi, ka njoftuar se përbrenda objektit në portën hyrëse kanë qëndruar forca policore të SHPK- së, që së bashku me grevistët kishin kaluar natën.
Vlora Çitaku, zëdhënëse e PDKsë, ka shtuar se “zgjedhja e kryesuesve të rinj të Drenasit nuk do të ndikohet nga PDK, por nga vetë anëtarët e Kuvendit Komunal të Drenasit”.
Kjo natyrisht se nënkupton që personat e zgjedhur nga Kuvendi Komunal do t’i takojnë partisë më të madhe në këtë komunë.
Protestat e shoqatave të dala nga lufta kanë kërkuar dorëheqjen e kryetarit, nënkryetarit dhe shefit të ekzekutivit të Komunës së Drenasit.
Kryetari Gani Syla dhe nënkryetari Gani Halilaj, kanë dhënë dorëheqje, ndërsa shefi i ekzekutivit Abdyl Krasniqi, nuk ka pranuar të jape dorëheqje, deri kur vëllai i tij, Jakup Krasniqi, me vizitën e të premtës iu premtoi se edhe ai do të jape dorëheqje brenda 10 ditëve të ardhëshme.

[Guri i madh]

po dojka kupes me ju qart shtrufullogu po mbasi e ka edhe nji shtrufullog ne malisheven e raketave tok mars per drenas nuk e ka fort gajle