Rruga drejtë pavarësisë së Kosovës është trasuar nga Liga Qytetare Shqiptaro-Amerikan

[Dilaver]

Rruga drejtë pavarësisë së Kosovës është trasuar nga Liga Qytetare Shqiptaro-Amerikane përmes Kongresit të Shteteve të Bashkuara të Amerikës


1985

Janar
Joe DioGuardi, shqiptaro-amerikan, jep betimin para Kryetarit të Kongresit të SHBA-ve për të filluar mandatin e tij si Kongresist


Shtator
Shqiptaro-Amerikanët nga Rrethina Kongresionale e DioGuardit mësojnë se babai i tij është Arbëresh dhe fillojnë të lobojnë DioGuardin për çështjen e Kosovës.



1986

Qershor
Rezoluta e parë për të drejtat e shqiptarëve në Jugosllavi paraqitet në Kongresin e Shteteve të Bashkuara nga DioGuardi në Dhomën e Përfaqësuesëve (H.Con.Res. 358) dhe nga përkrahësi i tij, Senatori Bob Dole në Senat (S.Con.Res. 150).


Nëntor
DioGuardi rizgjidhet Kongresist edhe për një mandat dy vjeçar.



1987

Qershor
DioGuardi paraqet një verzion të ri të rezolutës kongresionale për shqiptarët në Kosovë para Kongresit së bashku me 57 kongresistë tjerë (H.Con.Res. 162)


Korrik
Sllobodan Millosheviqi vjen në pushtet dhe fillon të çpifë akuza kundër shqiptarëve për krime ndaj serbëve në Kosovë për të rritur tensionet etnike.


Tetor
Departamenti i Shtetit të SHBA-ve ekspozon politiken e vet pro-jugosllave, anti-shqiptare në një letër drejtuar Kongresistit Dante Fascell (atëherë Kryetar i Komitetit Kongresional për Marrëdhënie Ndërkombëtare), në të cilën thuhej se kërkesa e DioGuardit për të diskutuar çështjen e Kosovës në Kongres ishte ofendim për një shtet mik dhe aleat (Jugosllavinë) të SHBA-ve.

Nëntor
Kryetari Fascell, një italiano-amerikan dhe mik i DioGuardit, lejon Dëgjimin e parë Kongresional për çështjen e Kosovës.



1988

Qershor
DioGuardi udhëheqë mitingun e parë madhor të shqiptarëve para Kombeve të Bashkuara për të tërhequr vëmendjen e shtypit dhe publikut në SHBA drejtë kërkesave të drejta të shqiptarëve në ish-Jugosllavi, e veçanërisht të atyre në Kosovë.

Shtator
DioGuardi dhe Kongresisti Lantos kundërshtojnë politikën anti-shqiptare amerikane në një takim të nivelit të lartë me zyrtarë të Departamentit të Shtetit dhe me Ambasadorin nga Jugosllavia.


1989

Janar
Liga Qytetare Shqiptaro-Amerikane themelohet nga DioGuardi dhe përkrahës dymbëdhjetë shqiptaro-amerikan të ardhur nga të gjitha tokat shqiptare në Ballkan.

Qershor
Mitingu i parë madhor për çlirim të Kosovës nga okupimi serb dhe për lirim të Adem Demaçit nga burgu mbahet në Washington, DC.

Korrik
Kongresi aprovon rezolutën e parë për të drejtat e shqiptarëve si në Dhomën e Përfaqësuesëve (H.Con.Res. 314) ashtu edhe në Senat (S.Con.Res. 124).

Nëntor
DioGuardi udhëton për herë të parë për në Beograd për të kundërshtuar Millosheviqin dhe për në Prishtinë për të takuar Dr. Ibrahim Rugovën dhe për të qenë dëshmitar i brutalitetit të okupimit serb në Kosovë.



1990

Shkurt
DioGuardi sjellë në Beograd dhe Prishtinë Drejtorin Ekzekutiv të Këshillit për të Drejtat e Njeriut të Kongresit për të dëshmuar okupimin e Kosovës dhe për të marrë dëshmi nga gazetarë dhe aktivistë shqiptarë në Kosovë.

Prill
Liga Qytetare sjellë në Washington, DC, Dr. Rugovën dhe njëmbëdhjetë liderë tjerë nga Kosova të fushave akademike, qytetare, dhe shoqërore, për të dëshmuar para Kongresit për herë të parë dhe për t’u nderuar nga shqiptaro-amerikanët në Hotelin Sheraton në New York City.

Maj
DioGuardi sjellë në Kosovë Tom dhe Annette Lantos si dhe shefin e stafit të Kongresistit Lantos për të ekspozuar “Getot e Varshavës” që Milosheviqi kishte krijuar tanimë në Kosovë.


Korrik
DioGuardit zyrtarisht i ndalohet hyrja në Jugosllavi nga Parlamenti në Beograd nën diktatin e Millosheviqit.

Gusht
Me kërkesë të Ligës Qytetare, Bob Dole dhe gjashtë Senatorë tjerë të SHBA-ve vizitojnë Prishtinën për të parë për së afërmi brutalitetin e Millosheviqit.

[Dilaver]

1991

Janar
DioGuardi dhe Lantos udhëtojnë për në Luksemburg për të themeluar Grupin Ndërparlamentar për Kuvendin e Kosovës në ekzil me Iljaz Ramajlin dhe Lordin britanik Bethel.

Shkurt
DioGuardi dëshmon në një Dëgjim të Senatit të SHBA-ve të udhëhequr nga Senatori Biden, ku cilëson Millosheqivin si “Hilterin e Ri” të Evropës “Sadam Hysein të Ballkanit,” dhe ku paraqet për herë të parë publikisht kërkesën e drejtë për pavarësinë e Kosovës sipas ligjit ndërkombëtar.

Qershor
Liga Qytetare angazhohet për çështjen e Kosovës edhe në Komisionin e Helksinkut në Kopenhagë ku edhe mbanë një miting me shqiptarët e ardhur nga mbarë Evropa.




1992

Janar
Liga Qytetare bindë Kongresistin Lantos që të paraqesë në Kongres rezolutën e parë për pavarësinë e Kosovës (H.Con.Res. 264)




1993

Mars
Gjatë qëndrimit për të monitoruar referendumin për pavarësi në Maqedoni, DioGuardi kalon fshehtazi kufirin për në Kaçanik, Kosovë, për të mësuar nga së afërmi për gjendjen brenda Kosovës dhe për t’i raportuar Kongresit në lidhje me të. .


Dhjetor
Shirley Cloyes, publiciste e Lawrence Hill Books, i bashkohet Ligës Qytetare Shqiptaro-Amerikane.




1994

Shkurt
DioGuardi dhe Kongresisti Gilman mundësojnë takimin e Dr. Rugovës më Presidentin Clinton, para fillimit të ceremonisë së përvjetëshme të Mëgjesit të Lutjeve, për të sjellur më shumë shpresë në Kosovë gjatë periudhës kritike të okupimit Serb.

Prill
Liga Qytetare mbanë miting ku për herë të parë kërkohet nga SHBA-të që të dërgojnë trupa ushtarake në Kosovë dhe përreth saj.

Maj
Kongresisti Gilman paraqet një rezolutë kongresionale përmes së cilës kërkon nga Presidenti Clinton që të mbrojë të drejtat e Kosovarëve dhe të vendosë një protektorat të OKB-së në Kosovë (H.Con.Res. 251)




1995

Shkurt
Liga Qytetare arrinë të marrë përkrahjen e lobit hebrej për Kosovën gjatë një ceremonie në Muzeun Memorial të Holokaustit në Washington, DC së bashku Kongresistët Hebrejo-Amerikanë Lantos, Gilman, dhe Nadler.

Mars
Kongresisti Gilman paraqet një rezolutë kongresionale që kushtëzon heqjen e sanksioneve ndaj Serbisë me përmirësimin e gjendjes në Kosovë (H.Con.Res. 1360)

Shtator
DioGuardi dhe Cloyes udhëtojnë për në Turqi ku edhe mbajnë një konferencë për shtyp në Stamboll për të paraqitur brutalitetin e Millosheviqit dhe për të kërkuar përkrahjen e Ankarasë për pavarësinë e Kosovës.




1996

DioGuardit nuk i jepet vizë për të vizituar Malin e Zi, dhe ende është në fuqi ndalimi për hyrjen e tij në Kosovë, kështu që Liga Qytetare udhëheqë disa delegacione për në Tetovë dhe Maqedoninë perëndimore në përkrahje të universitetit shqiptar atje.




1997

Tetor
Liga Qytetare fillon distribuimin e librit “Rescue in Albania” (Shpëtimi në Shqipëri) tek anëtarët e Kongresit dhe Senatit të SHBA-ve për të dëshmuar kurajon dhe tolerancën e popullit shqiptar që kishte shpëtuar të gjithë hebrenjtë që jetonin në Shqipëri apo që kërkuan strehim në Shqipëri gjatë përndjekjes nga Nazistët në Luftën e Dytë Botërore.




1998

Shkurt
Liga Qytetare në mënyrë të hapur deklaron përkrahjen e saj ndaj Ushtrisë Çlirimtare të Kosovës.

Mars
Cloyes kundërshton Ambasadorin Gelbard në një Dëgjim Kongresional dhe i deklaron Kongresit se UÇK nuk është një “grup terrorist.”

Prill/Maj
DioGuardi dhe Cloyes i bëjnë thirrje Kongresit që të përkrahë intervenimin ushtarak të SHBA-ve në Kosovë dhe të akuzimin e Millosheviqit. (DioGuardi dëshmon para Komitetit Kongresional të Helsinkut dhe Komitetit për Marrëdhënie me Jashtë të Senatit)

Qershor
DioGuardi përsëri dëshmon para Komitetit Kongresional të Helsinkut në lidhje invazionin ushtarak serb të Kosovës dhe për akuzimin e Millosheviqit si kriminel lufte.

July
Cloyes fillon të punojë me Partinë Radikale Transnacionale me bazë në Itali për të përgatitur dokumentacionin për akuzën ndaj Millosheviqit si kriminel lufte për në Hagë

Gusht
Liga Qytetare shkon në Romë, ku DioGuardi dhe Cloyes lobojnë Papën për Kosovën.

Shtator
Liga Qytetare lobon Emma Boninon, kryesuese e Komisionit Evropian për të Drejtat e Njeriut, për Kosovën.

Tetor
Liga Qytetare mbanë miting para OKB-së kundër marrëveshjes së Holbrukut me Millosheviqin—marrëveshje kjo që çonte në masakren e shqiptarëve në Reçak.




1999

Shkurt
Liga Qytetare shkon në Rambuje, Francë, ku mban miting madhor me shqiptarë nga e mbarë Evropa në përkrahje të pavarësisë për Kosovën.

Shkurt-Gusht
DioGuardi dhe Cloyes advokojnë për Kosovën në mbi pesëdhjetë emisione radioje e televizioni ndërkombëtare e të SHBA-ve.

Mars
Cloyes dëshmon pas Senatorit Dole, Ambasadorit Kirkpatrick, dhe Dr. Kissinger para Komitetit për Marrëdhënie Ndërkombëtare të Kongresit në përkrahje të dërgimit të trupave amerikane në Kosovë, dhe Liga Qytetare mbanë një miting para OKB-së ku kërkohet nga SHBA-të që të armatosin UÇK-në, të dërgojnë trupa ushtarake për të mbrojtur popullin e Kosovës, dhe të ndalojnë gjenocidin.

Prill-Korrik
DioGuardi dhe Cloyes takohen me liderë të komunitetit hebrenjë, mbajnë mitingje, dhe konferenca për shtyp për Kosovën në Dallas, Los Angeles, Detroit, Chicago, Milwaukee, Miami, dhe Atlantic City.

Maj
DioGuardi dhe Cloyes flasin para Këshillit të Komuniteteve Muslimane në favor të Kosovës në Vancouver, Kanadë.

Gusht
DioGuardi dhe Cloyes udhëtojnë për në Kosovën e lirë dhe takohen me Gjeneral-Major Ramush Haradinaj pas luftës së NATO-s, dhe i raportojnë Kongresit në lidhje me gjendjen e pasluftës në Kosovë.

Tetor
DioGuardi dhe Cloyes ftohen nga Ipeshkvi Mark Sopi për të marrë pjesë në meshën e parë në Kosovën e lirë në Bizhtashin për t’u lutur për të gjithë Kosovarët që sakrifikuan jetërat e tyre për liri.

Nëntor
Një delegacion zyrtar i Ligës Qytetare i udhëhequr nga DioGuardi dhe Cloyes feston Ditën e Flamurit në Prizren dhe Pejë me ftesë të Ramush Haradinajt.




2000

Shkurt
Liga Qytetare mbanë një miting në Manhattan me Senatorin John McCain ku kërkohet lirimi i shqiptarëve të Kosovës të marrë si pengje lufte nga burgjet serbe.

Prill
Liga Qytetare bindë Komitetin për Marrëdhënie Ndërkombëtare të Kongresit që të mbajë një Dëgjim Kongresional për mënyrën se si mund të fitohet paqja në Kosovën e pasluftës, dhe sjellë Ramush Haradinajn, Muhamet Mustafën, Bajram Rexhepin, Esad Stavilecin, dhe Shyqyri Kelmendin për të dëshmuar në këtë seancë.

Shtator
Liga Qytetare sjellë Haradinajn në New York, Chicago, dhe Washington, DC, për takime me anëtar të Kongresit, Senatit, dhe Departamentit të Shtetit.

[Dilaver]

2001

Qershor
Millosheviqi akuzohet për krime lufte dhe dorëzohet në Tribunalin Ndërkombëtar për Krime të Luftës në Hagë. .

Korrik
Liga Qytetare mbanë një ceremony solemne për të nderuar Gjeneralin Wesley Clark dhe i ndanë atij Çmimin e Paqës në Ballkan për herë të parë.

Tetor-Nëntor
Një Delegacion i Bordit të Ligës Qytetare merrë pjesë në procesin parazgjedhor dhe në diten e zgjedhjeve për kuvendin e parë të Kosovës së pasluftës.

Nëntor
Tribunali Ndërkombëtar për Krime të Luftës akuzon Millosheviqin për gjenocid.

Dhjetor
Liga Qytetare mbanë një takim historik me Senatorin Biden në New York City për të diskutuar strategjinë për të bindur administratën e Bushit që të mos i tërhjekë trupat nga Kosova dhe të mos rrijë pasivë kundrejtë Evropës në procesin e përcaktimit të statusit final të Kosovës.




2002

Shkurt
Millosheviqi fillon gjykimin në Hagë dhe citon DioGuardin dhe punën e Ligës Qytetare kundër regjimit të tij.

Prill
DioGuardi dhe Cloyes takojnë prokurorët e Millosheviqit në Tribunalin Ndërkombëtar për Ish-Jugosllavinë në Hagë për të dhënë dëshmitë e tyrë kundër tij.

Qershor
Kongresistët Gilman, Kryetar Komiteti, dhe Lantos, Zëvendës Kryetar, paraqesin rezoluten kongresionale H.Res. 467 në përkrahje të pavarësisë së Kosovës tani.

Korrik
Liga Qytetare nderon Senatorin Joe Biden me Çmimin e Paqës në Ballkan në prezencë të Kryetarit të Kuvendit të Kosovës Nexhat Daci, në Washington, DC.

Dhjetor
Kongresisti Henry Hyde vjen në New York City për të deklaruar përkrahjen e tij për pavarësinë e Kosovës dhe thot se politika e administratës së Bushit “standardet para statusit” është sikur “karroca-para-kuajve, e cila do të sjellë një Rrip të Gazës, kësaj rradhe në zemër të Evropës.”




2003

Janar
Kongresisti Lantos dhe Kryetari i ri i Komitetit për Marrëdhënie Ndërkombëtare, Hyde, paraqesin rezolutën kongresionale H.Res. 28 në përkrahje të pavarësisë së menjëherëshme për Kosovën.

Maj
Kryetari Hyde dhe Zëvendes Kryetari Lantos mbajnë një Dëgjim Kongresional në të cilin DioGuardi dhe Cloyes dëshmojnë kundër politikës së “standardeve para statusit” e cila është një taktikë vonuese për pavarësinë e Kosovës.

Qershor
Liga Qytetare jep për herë të tretë Çmimin e Paqës në Ballkan, kësaj rradhe Kongresistit Tom Lantos, Kryetarit Henry Hyde, dhe ish-Kongresistit Ben Gilman, në shenjë mirënjohje për punën e tyre të palodhur në përkrahje të pavarësisë së Kosovës.

Dhjetor
Një delegacion i Ligës Qytetare takohet në OKB me Ambasadorin e SHBA-ve, John Negroponte dhe Përfaqësuesin e SHBA-ve në Asamblenë e Përgjithëshme, ish-Kongresistin Ben Gilman, për të diskutuar statusin final të Kosovës.




2004

Janar
Kongresisti Lantos dhe Kryetari Hyde u dërgojnë një letër zyrtare (“Dear Colleague”) të gjithë 435 anëtarëve të Dhomës së Përfaqësuesëve së bashku me një kopje të rezolutës H.Res. 28, për të shpjeguar arsyet se pse SHBA-të duhet të deklarojnë përkrahjen e tyre për pavarësinë e Kosovës tani.

Mars
Liga Qytetare shpallë të hapur Fushatën Ndërkombëtare për Pavarësinë e Kosovës Tani në një takim me Kryetarin Hyde në Washington, dhe fillon mbledhjen e nënshkrimeve për këtë peticion që thërret Presidentin Bush të përkrahë aprovimin e H.Res. 28 për pavarësinë e Kosovës.

Qershor
Liga Qytetare ndanë për të katërtën herë Çmimin e Paqës në Ballkan, kësaj rradhe në nder të Kongresistit Dana Rohrabacher për përpjekjet e tij kurajuese për të ndërruar politikën e administratës së Bushit ndaj Kosovës dhe shqiptarëve në Mal të Zi.

Korrik
DioGuardi dhe Cloyes udhëtojnë për në Kosovë për t’u takuar me qindra vullnetarë që kishin përkrahur peticionin në përkrahje të H.Res. 28 dhe për të pranuar mëse një milion nënshkrime për t’i sjellur në Washington.

Nëntor
DioGuardi dhe Cloyes udhëtojnë për në Hagë për të marrë pjesë në seancën e fillimit të gjykimit ndaj Fatmir Limajt dhe për të kundërshtuar barazimin në mes kriminelëve gjenocidial të Serbisë dhe shqiptarëve të Kosovës si anëtarë të UÇK-së dhe mbrojtës të popullit.




2005

Janar
Kongresisti Lantos dhe Kryetari Hyde paraqesin një rezolute të re në përkrahje të pavarësisë së Kosovës tani (H.Res. 24) në fillim të punimeve të Kongresit të 109 të SHBA-ve.

Maj
Në shënim të pesëmbëdhjetë vjetorit të saj, Liga Qytetare mbanë një ceremoni solemne “Nderim Tolerancës, Rezistencës, dhe Shpresës Shqiptare: Të Kujtuarit e Besës dhe Holokaustit,” në New York City, dhe Kongresisti Henry Hyde mbanë një Degjim Kongresional para Komitetit për Marrëdhënie Ndërkombëtare të Kongresit për pavarësinë e Kosovës ku dëshmojnë Ipeshkvi Mark Sopi, At Lush Gjergji, Ministri Ardian Gjini, dhe Shirley Cloyes.

Korrik
Për herë të pestë, Liga Qytetare ndanë Çmimin e Paqës në Ballkan për Kongresistën Ileana Ros-Lehtinen, anëtare seniore e Komitetit për Marrëdhënie Ndërkombëtare të Kongresit, për përkrahjen e saj për pavarësinë e Kosovës.

Gusht
Liga Qytetare udhëton për në Kosovë, Malt të Zi, dhe Shqipëri me Kongresistin Dana Rohrabacher, dhe i raporton kryesuesit të Këshillit Kombëtar të Sigurisë në lidhje me arsyet se pse qeveria e SHBA-ve duhet të njohë pavarësinë e Kosovës.




2006

Janar
Cloyes publikon artikullin e titulluar “Shpëtimi Hebrenjë në Shqipëri dhe Etika e Besës” në Congress Monthly, revistë e Kongresit Amerikano-Hebreit.

Mars
Kryetari Hendry Hyde, Kongresistët Tom Lantos e Dana Rohrabacher, dhe ish-Kongresisti Ben Gilman mbajnë një ceremoni zyrtare në Kongres për të pranuar në mënyrë zyrtare mëse një milion nënshkrimet e peticionit drejtuar Presidentit Bush për njohje të pavarësisë së Kosovës tani.

Maj
Cloyes publikon artikullin e titulluar “Lobi Serb Tenton të Mbajë Peng Politikën e Jashtëme të SHBA-ve Ndaj Kosovës,” që ekspozon lidhjet në mes lobit serb në Washington, Këshillit Kombëtar Serb të Kosovës dhe Metohisë, dhe James Jatras, një greko-amerikan dhe activist i firmës ligjore për lobim, Venable.

Qershor
Cloyes dhe DioGuardi udhëtojnë për në Kosovë për të paralajmëruar qeverinë vendore, se gjerësa Kosova po i ofrohet pavarësisë dita-ditës, lobi serb në Washington po i intensifikon përpjekjet e tij për të parandaluar pavarësinë e Kosovës.

Shtator
Liga Qytetare ndanë për herë të gjashtë, Çmimin e Paqës në Ballkan për Senatorët Charles Schumer dhe John McCain në shenjë mirënjohje për bashkësponzorimin e tyre të rezolutës kongresionale U.S.Res. 521 dhe për përkrahjen e tyre historike ndaj pavarësisë së Kosovës.

Nëntor-Dhjetor
DioGuardi dhe Cloyes udhëtojnë urgjentisht për në Londër për t’u takuar me anëtarë të mediave dhe të parlamentit britanik për shkak të progresit të bërë nga Beogradi në vonimin e statusit final të Kosovës, dhe mandej udhëtojnë edhe për në Kosovë për të mbajtur një konferencë për shtyp, ku edhe paraqesin propozimin e Ligës Qytetare për flamurin shtetëror të Kosovës.




2007

Janar
Me kërkesë të Ligës Qytetare, Kryetari i ri i Komitetit për Punë të Jashtëme të Kongresit, Tom Lantos, dhe Zëvendës kryetarja Ileana Ros-Lehtinen paraqesin rezolutën H.Res. 36 në përkrahje të pavarësisë së Kosovës tani.

Shkurt
Cloyes publikon shkrimin “Plani i Ahtisaarit: Caveat Emptor” si paralajmërim se mund të krijohet edhe një shtet si Bosnja, i varur nga ndihmat, sipas disa provizioneve të planit për Kosovën.

Mars
DioGuardi dhe Cloyes udhëtojnë për në Hagë për të marrë pjesë në seancën hyrëse të gjykimit të Ramush Haradinajt para Tribunalit Ndërkombëtar për Krime Lufte dhe për të fokusuar shtypin perëndimor në motivet politike të Carla Del Pontes për të akuzuar Haradinajn.

Prill
Plani i Ahtisaarit për përcaktimin e statusit final të Kosovës prezentohet para Këshillit të Sigurimit të OKB-së me rekomandimin për “pavarësi të mbikqyrur.”

[Albodrenicasja]

Leter Senatoreve dhe Kongresmeneve te Virxhinise: KERKOJME PERKRAHJEN TUAJ



nga BEQIR SINA, Nju Jork




Demaku:"Amerika ka bërë mjaft per ne, por kemi nevojë edhe më tutje për përkrahjen tuaj të pazevendësueshme, në rrugën tonë drejt lirisë",




Roanoke, VIRXHINIA: Nisma e katër senatorëve amerikanë ku kërkohet nga qeveria amerikane t'a mbështes totalishtë pavarësinë e Kosovës, ka nxitur edhe komunitetin shqiptarë në Virxhinia t'i kërkojnë ligjëvenësve të tyre dhe përfaqësueseve të bëjnë të njëjtën gjë duke mbështetur e përkrahur pa rezerva pavarësinë e plotë të Kosovës.

Kjo nismë është vepër e senatorëve, Xhozef Lieberman, Xhozef Biden, Xhon Mek Kein dhe Gordon Smith, të cilët kanë sponsorizuar një rezolutë me të cilën kërkohet nga qeveria amerikane ta mbështes pavarësinë e Kosovës. Sipas tyre "Shtetet e Bashkuara duhet që në konsultim dhe bashkëpunim me aleatët fuqimisht dhe me kohë të kërkojnë miratimin e një rezolute në Këshillin e Sigurimit që do të mbështeste rekomandimet e Ahtisaarit. Në rast se do të mungojë veprimi nga ana e Këshillit të Sigurimit të OKB-së, atëherë SHBA-ja duhet të jetë e gatshme që në bashkëpunim me vendet e tjera demokratike të ofrojnë njohjen dhe të vendosin marrëdhënie të plota diplomatike me Kosovën si një shtet i pavarur, ashtu siç kanë vepruar bashkë me vendet e tjera demokratike në mbrojtje të Kosovës më 1999", thuhet ne tekstin e kësaj rezolute. Kjo rezoluta pritet të vendoset në agjendë javën e ardhshme.


Në këtë kontekst Komuniteti shqiptaro-amerikan i Virxhinisë, iu drejtua dje dy senatoreve të këtij shteti federal Jim Web dhe John William Warner dhe kongresmenve të këtij shteti në Kongresin Amerikan me një letër, ku kërkohet përkrahja e tyre ndaj Rezolutës se paraqitur dje, në senat nga disa senatorë amerikanë mbi njohjen e pavarësisë së Kosovës.Komuniteti shqiptar këtu, ashtu si dhe të gjithë shqiptarët e çmojnë dhe respektojnë ndihmën amerikane në luftën e këtij populli për liri e pavarësi. Dikur SHBA-të në krye me Wilsonin e shpëtuan Shqipërinë pa u coptuar nga fqinjët grabitçarë, duke rikonfirmuar pavarësinë e saj në Konferencën e Paqes në Paris (1919), ndërsa viteve të fundit Amerika përmes inkuadrimit në luftë për çlirimin e popullit të shumëvuajtur shqiptarë në Kosovë, dëshmoi edhe njëherë se është miku i madh i kombit tonë të vogël, thuhet mes tjerash në këtë letër.

Ne besojmë se Amerika do të ndërmerr së shpejti iniciativën vetanake për njohjen e pavarësisë së Kosovës, si kusht i vetëm i paqes jetëgjatë dhe stabilitetit politik në Kosovë dhe Ballkan. Rezoluta e propozuar nga disa senatorë do të gjej mbështetje të plotë edhe te senatorët dhe kongresmenet e tjerë në Kongresin Amerikan. Në veçanti, ne besojmë se përfaqësuesit e Virxhinisë në Senat dhe Kongres, poashtu do të jenë në anën e së drejtës së patjetërsueshme të popullit shqiptar në Kosovë për t'u bërë zot në trojet e veta- vazhdon me tutje kjo letër. Të njëjtën gjë ia përsëriti Kongresmenit të Virxhinisë Bob Goodlate, presidenti i Komunitetit Shqiptaro-amerikan, Fadil Demaku, gjatë një vizite që Goodlate i bëri sot, barnatores në të cilën punon Fadil Demaku.Kongresmeni Goodlate shfaqi interesim për këtë problem."Amerika ka bërë mjaft per ne, por kemi nevojë edhe më tutje për përkrahjen tuaj të pazevendësueshme, në rrugën tonë drejt lirisë", i tha Fadil Demaku atij në emër të Komunitetit shqiptaro-amerikan të Virxhinisë.


.

[arton121]

po ska dyshim qe per interesat kombetare ka ber shum pune te madhe mergata jone ne amerik duke lobuar tek njerzit me te fort ne USA, pra pran njerzeve me te fort ne kete bote!!shpresoj qe keshtu do veproj tash e tutje edhe mergata ne evrop...

[Dilaver]

PRO-AMERIKANIZMI I PAREZERVË ËSHTË
NJË VIRTYT SHQIPTAR

Shkruan: Faton H. Bislimi
Boston, SHBA
23 Maj 2007

Kundër Fort Dix-it
Javët e kaluara kanë sjellë një shok për të gjithë shqiptarët anekënd botës. Identifikimi i katër shqiptarëve si pjesëtarë të një grupi terrorist në Nju Xhersi ( New Jersey) solli një idinjatë të thellë ndër shqiptarë të cilët gjithëherë kanë qenë, dhe vazhdojnë të jenë një dër popujt më pro-amerikanë në botë. Se shqiptarët janë një ndër popujt më pro-amerikan në botë nuk është vetëm thënje rasti, por është fakt. Për ata që kanë sado pakë mëdyshje në lidhje me këtë fakt, majfton të rikujtojmë ngjarjet e 11 Shtatorit. Shqiptarët, si në Kosovë e ashtu edhe në Shqipëri, ishin ndër të parët në Evropë që publikisht shprehën përkrahjen e tyre të parezervë për popullin amerikan. Ata morrën rrugët ato ditë zie dhe i mbuluan ato me pano pro-amerikane dhe me qirinjë si shenjë e ndarjes së dhembjes së asaj tragjedia. Po ashtu, të rikujtojmë se në të njejtën kohë, fqinjët e shqiptarëve në Ballkan, kryesisht serbët, kremtuan nëpër rrugët e Beogradit. Serbët tragjedinë e 11 Shtatorit e kremtuan si një “denim meritor” ndaj Amerikës.


Për shkak të kohës kaq me rendësi, fiasko e Fort Dix-it në Nju Xhersi, në të cilën pjesëmarrës ishin edhe këta katër shqiptarët, ndikoi keq në imazhin e përgjithshëm shqiptar. Për gjithësecilin, që me dije apo pa të, ka dashur të dëmtojë cështjen kombëtare shqiptare – e vecanërisht hapat e fundit deri tek pavarësia e Kosovës – nuk do të kishte kohë më të përshtatëshme se tani për të involvuar shqiptarët si pjesë të grupeve islamiste me orientime fundamentaliste e terroriste.
Përvec kohës, me rendësi të vacantë për shqiptarët është edhe vet objekti i këtij plani për sulm. Fort Dix është një bazë ushtarake amerikane ne Nju Xhersi. Në të vërtetë, është baza në të cilën u mirëpritën dhe u strehuan përkohësisht mijëra shqiptarë të Kosovës që sapo kishin arritur në SHBA si refugjatë nga lufta e vitit 1999.

Për secilin shqiptar me gjak shqiptari, të jesh kundër interesave amerikane – e vecanërisht të planifikosh të sulmosh një bazë sic është Fort Dix, një simbol të mikëpritjes së përzemërt të Amerikës për shqiptarët e Kosovës – është me të vërtetë e pakuptimtë. Prandaj, katër shqiptarët e involvuar në këtë plan sulmi janë shpirtëra të humbur. Të qenit e tyre shqiptarë për nga etniciteti, në këtë rast, cvlerësohet nga veprat e tyre kaq jo-shqiptare. Dhe, për shkak të involvimit të tyre në planifikim të një sulmi të tillë, jo shumëcka shqiptare mbetet në ta.
Sidoqoftë, opinioni publik si në SHBA ashtu edhe në trojet shqiptare në Ballkan mbeti i hamendur. Serbët dhe oponentët tjetër të shqiptarëve majft shpejtë dhe fatkeqësisht mjaft gjerë publikuan lajmin e involvimit të shqiptarëve në planifikim sulmesh kundër Amerikës. Në shumë shkrime serbe apo nga autorë jo-serbë me motive serbe të kohëve të fundit, gjithënjë e më shumë vërehet tendenca për të paraqitur shqiptarët në përgjithësi si një popull armik të SHBA-ve dhe serbët si një popull mik. Gjerësa asgjë nuk qëndron më largë të vërtetës se ky deklarim, nuk është edhe aq largë mendjes që shkrime të tilla të kenë një efekt, sado të vogël, në një amerikan mesatar që nuk është i njohur mirë me historinë dhe traditat e shqiptarëve. Prandaj, fiasko e Fort Dix-it gjeneroi një publicitet negativ për shqiptarët, gjë e cila u dashtë të kundërshtohej fuqishëm dhe me mecuri.

[Pupi]

Edhe nje Arsye me teper te jesh pjes i ketij forumi (Shkrimi-e me lart)!

[Dilaver]

Përgjigja Shqiptare
Disi ende zotëron besimi se të thënit “unë e dënoj” këtë akt të këtyre shqiptarëve të involvuar në planifikimin e sulmit kundër Fort Dix-it, apo të dërguarit e një “letre ku dënohet ashpër” një veprim i tillë tek Zyra Amerikane në Prishtinë, apo Ambasada Amerikane në Tiranë, thjeshtë i rregullon të gjitha gjërat. Ky besim, fatkeqësisht, ka lënë palën shqiptare me një strategji joadekuate të reagimit në raste të tilla, sic ishte ky me Fort Dix. Po, është e vërtetë se dy qeveritë – ajo e Tiranës dhe e Prishtinës – zyrtarisht kanë dënuar planifikimin e sulmit kundër Fort Dix-it dhe kanë rikonfirmuar përkrahjen e tyre për SHBA-të, që është një gjë e mirë burokratike, por që nuk jep përgjigje meritore as për opinionin publik ndërkombëtar në përgjithësi, e as për atë amerikan në vecanti.
Fatkeqësisht, edhe shumica e organizatave shqiptaro-amerikane ranë prehë e kësaj filozofie të “dënimeve” zyrtare. Ato lëshuan një sër deklaratash të gjata për shtypin shqiptar, i cili as nuk lexohet e as nuk kuptohet nga publiku amerikan, dhe si rezultat nuk bënë më shumë përvec rritjes se publicitetit të tyre ndër shqiptarë.
Shtypi negativ që serbët arritën ta plasonin anekënd pas kësaj ngjarje, meritonte një përgjigje më aktive dhe më të fuqishme. Përgjigja e tillë duhej të binte në sy të publikut amerikan në mënyrë të drejtpërdrejtë. Përgjigja e tillë duhej të kishte formën e një aktiviteti qytetar, gjë të cilën arriti ta bëjë vetëm një organizatë e shqiptarëve ne SHBA. Përgjigja më meritore gjithë negativitetit të dalë nga fiasko e Fort Dix-it u dha më 19 Maj nga Liga Qyetare Shqiptaro-Amerikane në Westchester County (NY), përmes pjesëmarrjes së një numri të madh shqiptarësh, nën një organizim dinjiton, në paradën tradicionale të nderit për të shënuar Ditën e Forcave të Armatosura amerikane.
Shqiptaro-Amerikanët Tregojnë Respektin dhe Përkrahjen e Tyre për SHBA-të dhe Foracat e Armatosura Amerikane Nën lidershipin dhe udhëzimet e Ligës Qytetare Shqiptaro-Amerikane, qindra shqiptaro-amerikanë morrën pjesë në festën e Ditës së Forcave të Armatosura në Kensico Dam të Westchester County në shtetin e Nju Jorkut. Këta shqiptaro-amerikanë nuk ishin pjesëmarrës të kësaj parade për të nderuar dhe përkrahur Forcat e Armatosura amerikane vetëm për qejf, por mbi të gjitha, ata ishin aty për të treguar publikisht përkrahjen dhe respektin e tyre të parezervë ndaj SHBA-ve dhe ushtrisë amerikane—për të treguar në mënyrën më qytetare pro-amerikanizmin e tyre, këtë virtyt shqiptar.

[Dilaver]

Ish-kongresisti amerikan dhe kryetari i LQSHA-së, Joeseph DioGuardi ishe personalisht i involvuar në përgatitjen e kësaj ngjarje memoriale. Si veteran i luftës së Vietnamit, DioGuardi është anëtar aktiv i Legjionit Amerikan, organizatë kjo që ishte organizatorja kryesore e kësaj ngjarje me nam për Nju Jork. Për shkak të angazhimit të tij në këtë manifestim, shqiptaro-amerikanët të ardhur nga viset përreth (si Bronx, Queens, Brooklyn, etj) paten mundësinë që të marshonin në marshin zyrtar të parades duke mbajtur lartë e me mburrje flamuj të shumtë shqiptarë e amerikanë si dhe portrete të Nënës Terezë. DioGuardi kishte thënë se “është e rendësishme që shqiptaro-amerikanët të marrin pjesë në këtë manifestim për të treguar përkrahjen e tonë për trupat amerikane kudo që janë.” Mirëpo, arsyeja më kryesore për pjesëmarrjen e shqiptarëve në këtë manifestim me të vërtetë jep përgjigjen më meritore ndaj shtypin anti-shqiptar të kohëve të fundit. “Pasi që nga armiqtë e tyre, shqiptarët po paraqiten si muslimanë fundamentalistë që mund të kthehen në një forcë potencialisht e dhunëshme në Ballkan, ne duhet të vazhdojmë të bëjmë gjithëcka që është e mundur për t’I treguar botës se cilët me të vërtetë janë shqiptarët – një popull tolerantë, paqedashës, dhe shumëfetar,” ka thënë DioGuardi. Thjesht, nuk ka strategji më të mirë për të publikuar virtytet e vërteta shqiptare për tolerance fetare, paqe, respekt, dhe mirënjohje, se sa të bësh ata të marshojnë me kaq dinjitet dhe admirim krah për krahë me miqtë e tyre amerikanë në një manifestim publik sic ishte ai i kremtimit të Ditës së Forcave të Armatosura në Nju Jork. Askush që ka qenë pjesëmarrës në këtë manifestim, apo që e ka përcjellur atë përmes presit dhe TV-ve të Nju Jorkut, nuk ka mundur të mos kuptojë një realitet të thjeshtë – se cilët me të vërtetë janë shqiptarët. Ata janë një popull që lindi Nënën Terezë, një popull që ka dërguar bijtë e bijat e veta për të luftuar krah-për-krahë me ushëtarët amerikanë në Irak, një popull që është gjithëherë mirënjohës ndaj Amerikës për përkrahjen e saj gjatë gjithë historisë (vecanërisht për rolin e Presidentit Woodrow Wilson në njohjen e shtetësisë së Shqipërisë pas Luftës së Parë Botërore, për udhëheqjen amerikane të NATO-s për të cliruar Kosovën më 1999, dhe tani për rolin kryesor të SHBA-ve për njohjen sa më të shpejtë të pavarësisë së Kosovës nga OKB).
Manifestimi për nder të Ditës së Forcave të Armatosura në Kensico Dam nuk ishte vetëm një deklarim publik, por mbi të gjitha ishte një shprehje e sinqertë e ndjenjave të vërteta për përkrahje të parezervë ndaj SHBA-ve. Dhe, shqiptarët fatmirësisht ishin pjesë e këtij manifestimi.
Prandaj, asnjë lloj deklarate e shkruar në filozofinë e “denimit zyrtar” për involvimin e shqiptarëve në planifikimin e sulmit kundër Fort Dix-it nuk do të arrinte të krijonte kaq pozitivitet në opinionin publik amerikan se sa pjesëmarrja e shqiptarëve nën udhëheqjen e LQSHA-së në manifestimin e Ditës së Forcave të Armatosura në Nju Jork. Mjaft lehtë është të kuptohet dallimi në mes të fuqisë së fjalës dhe veprës, vecanërisht kur në pyetje është përfaqësimi i vlerave të një populli. Nuk ka dyshim se fjalët janë të fuqishme, por ato mbesin largë për sa i përket fuqisë së veprave qytetare që sjellin ngrohtësi zemrash në mes dy popujve. Ajo që bëri LQSHA në Kensico Dam në mënyrë të jashtëzakonëshme demostron formën më të mirë të ndërtimit të mëtutjeshëm të miqësisë historike në mes shqiptarëve dhe amerikanëve, edhe përkundër gjithë kësaj buje negative publike të krijuar si pasojë e planit të sulmit kundër Fort Dix-it.

[Dilaver]

Ura e Vetme e Vërtetë në Mes të Shqiptarëve dhe Amerikës

Sa e sa herë është vërtetuar se është vetëm një zë i arsyeshëm, që jo vetëm kjartazi artikulon cështjen shqiptare në qarqet e vendosjes në SHBA, por po ashtu edhe me kujdes dëgjohet nga këto qarqe. Ky është zëri i Ligës Qytetare Shqiptaro-Amerikane, lobi i vetëm shqiptar i regjistruar në Washington, DC. Nën udhëheqjen ish-kongresistit Joseph DioGuardi dhe publicistes Shirley Cloyes, LQSHA ka bërë një histori suksesesh për popullin shqiptar në përgjithësi, dhe për Kosovën në vecanti.
Për të shkruar për rolin e suksesshëm të Ligës Qytetare në përparimin e cështjes kombëtare shqiptare duhen mijëra faqe. Mirëpo, një purfundim modest i kësaj pune mëse njëzet vjecare, megjithatë mund të shkruhet në një fjali: LQSHA ka ndërtuar rrugën e përparimit për të gjithë shqiptarët në Ballkan, dhe rrugën e pavarësisë për Kosovën, përmes miqësisë dhe përkrahjes amerikane. Sikur të mos ishte puna e zellëshme e Ligës Qytetare, oponentët e shqiptarëve do të kishin patur më shumë sukses, dhe si rezultat Kosova me siguri nuk do të ishte aty ku është sot, dhe shqiptarët në trojet tjera në Ballkan nuk do të gëzonin nivelin e përkrahjes amerikane që gëzojnë sot.
Normalisht se edhe për Ligën Qytetare do të kishte qenë shumë më lehtë për të lëshuar një kumtesë për shtyp për të “dënuar zyrtarisht” involvimin e shqiptarëve në fiaskon e Fort Dix-it, se sa për të planifikuar e organizuar me sukses pjesëmarrjen e shqiptarëve në manifestimin e Ditës së Forcave të Armatosura. Por, sikur cdoherë më parë (si më 2005 kur sollën Ipeshkv Sopin dhe At Gjergjin për të dëshmuar para Kongresit për tolerancën fetare ndër shqiptarë, kur në Washington klerikët dhe qeveria serbe po propagandonin tejmase per fundamentalismin islam në Kosovë), edhe kësaj here, DioGuardët dhe Liga Qytetare, zgjodhen rrugën më të vështirë, por më të drejtë.
Në manifestimin e Ditës së Forcave të Armatosura amerikane në Nju Jork, Liga Qytetare i tregoi publikisht opinionit amerikan se kush me të vërtetë janë shqiptarët, dhe kjo vepër vetmas meriton më shumë respekt se sa që mund të thonë fjalët. Prandaj, është e pamundur për shqiptarët të harrojnë se kush është zëri dhe përfaqësuesi i tyre më i denjë në SHBA. Gjerësa ndokush edhe mund të mos e kuptojë këtë fakt tani, qoftë nga konfuzioni, apo agjendat tjera personale, historia kurrë nuk do ta lë anash rolin që mërgata shqiptare (e vecanërisht ajo në SHBA nën ombrellën e LQSHA-se) ka luajtur dhe po luan në favor të cështjes kombëtare shqiptare.





Faton Bislimi është në përfundim të studimeve të magjistraturës në administratë publike dhe marrëdhenie (zhvillim) ndërkombëtar në Shkollën Postdiplomike të Qeverisjes John F. Kennedy të Universitetit të Harvardit, ku është nderuar me titullin Kennedy Fellow. Është diplomuar me nderimet më të larta akademike në shkenca kompjuterike dhe matematikë nga Universitei Teksasit më 2005. Është lindur dhe rritur në Gjilan, Kosovë.

[Naki]

Presidenti Bush takon Veton Surroin në Pragë
Linda Karadaku
06-06-2007

http://www.voanews.com/albanian/images/bush4.jpgPresidenti Xhorxh BushAnëtari i Grupit Negociator të Kosovës dhe Kryetar i Partisë “Ora” Veton Surroi, është takuar dje në Pragë me presidentin amerikan Xhorxh Bush, gjatë kohës që gjendej atje për të marrë pjesë në konferencën për demokratizim dhe siguri, të organizuar nga Ministria e Jashtme çeke.
Partia e zotit Surroi tha, se në takim është biseduar për zgjidhjen e statusit të Kosovës dhe rezolutën e Kombeve të Bashkuara për Kosovën. Zoti Surroi ka thënë se me presidentin Bush ka biseduar për rezolutën dhe statusin e Kosovës dhe se presidenti Bush ka shprehur qëndrimin e prerë amerikan për vazhdimin e procedurës, me hapa të shpejtuar, për miratimin e rezolutës së re për Kosovën, në Këshillin e Sigurimit.
Zoti Surroi ka shprehur falënderimin e të gjithë kosovarëve për udhëheqjen amerikane.
http://www.voanews.com/albanian/images/veton-suroi.jpgVeton Surroi“Shpreha bindjen se pozicioni që po mban Serbia në lidhje me Kosovën, dhe me përkrahje te Rusisë, po bëhet me qëllim të krijimit të një konflikti të ngrirë, qoftë duke kërcënuar me veto, qoftë me përpjekjen për të krijuar një pjesë të ndarë në veriun e Kosovës, që do të operojë si konfliktet e ngrira në Kaukaz”,- ka theksuar zoti Surroi.
Zëdhënësi i partisë së zotit Surroi, Ylli Hoxha, i tha mbrëmë Zërit të Amerikës, se zoti Surroi ka marrë nga takimi mesazhin e qartë nga presidenti amerikan se Amerika ka qëndrim të prerë për nxjerrjen e rezolutës së re dhe se presidenti Bush është i përkushtuar që ky process të ecë me hapa të shpejtuar. Zëdhënësi tha gjithashtu, se zoti Surroi ka nënvizuar nevojën që Shtetet e Bashkuara të ruajnë lidershipin në zgjidhjen e çështjes së Kosovës.
Takimi, sipas këtij burimi, është mbajtur në mjediset e Ministrisë së Jashtme çeke dhe sipas zëdhënësit të partisë Ora, ka zgjatur aq sa për të shkëmbyer pikëpamjet për çështjet kyçe për statusin dhe procesin dhe për atë se çfarë pritet të ndodhë në ditët në vijim. Takimi, sipas zëdhënësit, është përgatitur përmes kontakteve me këshilltarë të afërt të Presidentit Bush.//lk

Marrë nga zëri i amerikës