Të Lutem Qeveri Më Bëj Një Varr !

[uck_aksh]

TË LUTEM QEVERI MË BËJ NJË VARR !
Shkruan : Abaz Pllana

Të premtën, më 20 prill 2007, në Lyon të Francës tragjikisht humbi jetën 28 vjeçari B.H. nga Prishtina. Duke mos qenë në lidhje me shqiptarët e Lyonit, ishte vetëm komisiariati i policisë së Lyonit që merr kontakt me kryetaren e Shoqërisë Shqiptare ILIRIA, zonjën Rina çela, të mërkurën më 25 prill 2007 për t’i kumtuar lajmin e rëndë. Tashmë shtroheshin dy mundësi: që trupi i bashkatdhetarit tonë të varrosej në varrezat e përbashkëta të endacakëve dhe të atyre pa emër ose të procedohej me riatdhesimin e tij. Për riatdhesim, familja e varfër nuk kishte mjete të siguronte, ndërsa zyra franceze në Prishtinë edhe përkundër vullnetit shumë të mirë nuk kishte mundësi të financonte këtë veprim. Mundësia e vetme mbeti vetëorganizimi i shqiptarëve të Lyonit, Saint Julienit dhe Annemasit për t’i dalë në ndihmë për të fundit herë bashkatdhetarit të tyre. Nisma del nga Shoqëria Shqiptare ILIRIA dhe lajmi shkoi deri te secili mërgimtar. Bashkatdhetarët tanë nga të gjitha trojet shqiptare u bënë krah për krah për të mbledhur ndihmat që të sigurojë riatdhesimin e të riut të ndjerë nga Prishtina. Agjensioni turistik Reisburo Prishtina nga Gjeneva, mori përsipër transportin pa para të të ndjerit dhe çështja ngeli vetëm tek dikush që duhej patjetër ta shoqërojë arkivolin deri në Prishtinë për shkak të çështjeve administrative. Azizi, një punëtor nga Vitia, me leje e lë punën dhe paraqitet vullnetar për të kaluar edhe këtë pengesë. Të premten, më 27 prill 2007, u arrit që të mblidhet shuma që duhej paguar morgut të Lyonit, pagesa për arkivol, transporti deri në aeroportin e Gjenevës dhe taksat tjera në aeroport. Të premten në orët e para të pasditës, trupi i pajetë i bashkatdhetarit tonë arriti në aeroportin e Gjenevës për t’u nisur në udhëtimin e tij të fundit, për në Kosovë të nesërmen e hershme. Ai varroset të shtunën në Kosovë, ku do të pushojë përjetësisht pranë nënës së tij.
Ju shpreh ngushëllimet e mia më të sinqerta familjes me rastin e humbjes të birit të tyre. I qoftë i lehtë dheu i Kosovës !

Kjo ishte në pika të shkurtëra kronologjia e kësaj ngjarje të dhimbshme. Do të kisha dashur që familja e të ndjerit të mos lexojë shkrimin tim nga këtu e tutje për shkakun e vetëm se biri i tyre u bë shkak për refleksione dhe mendime të tjera të ngacmuara nga ky rast.

Është hera e tretë që në Lyon ndodhin ngjarje të tilla dhe duke u lutur që të mos ketë tjera, prapë mendoj se do të jenë të përsëritshme. Dhe çdo herë mërgimtarët tanë duhen të vetëorganizohen siç dinë dhe siç munden. Dikush mund të thotë se shumë mirë që arrijnë ta bëjnë këtë. Por çështja është se ç’bëhet aty ku nuk mund të vetëorganizohen? Si do venin punët po që se nuk do të kishte një komisioner policie si Kristensen apo zonjat Masson dhe Landra nga morgu i Lyonit? Si mund të lihen të vetëorganizohen mbi 700 mijë shqiptarë të diasporës pa gëzuar mbështetjen ose ndihmën e qeverive të Tiranës, Prishtinës, Shkupit ose Podgoricës që u dalin në pritje të qyetetarëve të tyre përgjatë kufirit për të mbledhur kursimet e tyre sa herë që ata kthehen në atdhe? Si ka mundësi që qeveritë tona të mos qajnë kokën për fatin e gati një milionë mërgimtarëve që marrin pjesë aktivisht në ekonominë vendase? Deri kur qeveritë tona do t’i duan bashkatdhetarët e tyre në mërgim vetëm sa të jenë të gjallë, dhe posa të ndalojë zemra e tyre se rrahuri, do të ndalojë edhe "dashuria" për ta? Qeveritë tona që harxhojnë kohën, paranë dhe mundin e tyre për koncerte apo manifestime të tipit "miss", "mister", "top bukuria" e të tjera si këto dhe nuk mund të gjejnë mundin, kohën dhe paranë në rastet e riatdhesimit të bashkatdhetarëve të tyre në kohën kur ata nuk mund ta bëjnë vetë sepse nuk janë më në mesin e të gjallëve? Pse duhet të presin bashkatdhetarët tanë në arkivole për katër javë (rasti i të riut nga Tirana) , tre javë (rasti i të riut nga Shkodra) dhe një javë (rasti i fundit) për t’u kthyer në atdhe. Më duket se qeveritarëve dhe institucioneve tona, nuk iu bëhet vonë as edhe për katër vjet se një familje shqiptare nuk ka apo nuk pati mundësi ta marrë trupin e familjarit të tyre nga vendi i largët ku e gjeti vdekja.

Shtroj pyetjen se si do të vepronte një qeveri tjetër e botës kur një qytetar i saj do prekej nga vdekja? Me siguri se nuk do të shprehte një moskokëqarje si qeveritë tona. Jo, jo. Këtë nuk e bëjnë as qeveritë e vendeve më të varfëra se qeveritë në tokat shqiptare. Kjo çështje nuk është e lidhur me varfërinë apo me paranë. Kjo çështje është e lidhur me njerëzinë që qeveritarët tanë nuk e kanë. Fatkeqësisht, ne nuk kemi atë ç’kanë të tjerët.

Mërgimtarët e Lyonit, Saint Julienit dhe Annemassit, deri të shtunën në mëngjes arritën të paguajnë 2100 euro për morgun e Lyonit, 160 euro në aeroportin e Gjenevës dhe biletën e shoqëruesit e pagoi vetë Azizi. Pra, të gjitha këto nuk kalojnë shumën 2500 euro. Shqiptarët u treguan edhe më afër familjes së të ndjerit duke iu dhënë edhe 1000 euro dhe 100 franga zvicerane për ditën e varrimit. Ata ndoshta do të mund të u dërgojnë familjes edhe ndonjë ndihmë tjetër në të ardhmen, por, kjo nuk ka rëndësi sa ka rëndësi varrimi i mërgimtarit pranë nënës së tij nga familiarët e tij. A mund ta marrë me mend lexuesi se çfarë lehtësimi i dhembjes për familjen ka qenë arritja e arkivolit të birit të tyre në Prishtinë, kur deri të premten në ora 11 nuk dihej se ç’fat e priste trupin e bashkatdhetarit tonë dhe familjarit të tyre.

[uck_aksh]

Zyrtarët e qeverive tona shkojnë deri në tre herë mbrenda ditës në ambasadat apo zyrat ndërlidhëse të vendeve perëndimore për të siguruar një vizë për vete apo për familjarët e tyre për ikur për turizëm apo biznes jashtë atdheut. Si nuk mund të shkojë asnjëri prej tyre për një javë, dy javë apo me muaj të tërë në këto zyra, për çështje si kjo që ndodhi këtë javë me bashkatdhetarin tonë? Si mund të jenë aq moskokëqarëse qeveritë tona për familjet dhe për ata që vdesin jashtë vendit duke siguruar bukën e gojës, atë që nuk mundën t’ua sigurojnë qeveritë e vendit?

Të premten kur shkova në aeroportin e Gjenevës të paguaj fakturën e fundit, përgjegjësi i ndërmarrjes më pyet për emrin e bashkatdhetarit tonë të vdekur. I përgjigjem, sepse atë na kishte thënë komisioneri i policisë. Më pyet për adresën e tij në Kosovë. I them se nuk e di dhe se nuk e njoh dhe nuk kam pasur rastin ta njoh asnjëherë. Më thotë se do të ishte mirë që të kontaktoj Azizin, ai që do të shoqëronte arkivolin për të marrë informatën që kërkonte. I them se as ai nuk e njeh. Ndoshta në fillim e ka marrur edhe si tallje nga ana ime, por kur i them se fakturat e riatdhesimit paguhen nga mërgimtarët shqiptarë që nuk e kishim pasur rastin ta njohin asnjëherë për së gjalli bashkatdhetarin tonë, me shef me habi duke më thënë se "solidaritet të tillë nuk mund të haset diku tjetër në botë". Në vend që t’i them se gjithkush në botë ka qeverinë e vet, e ne nuk kemi qeveritë që i ka bota, mjaftohem të ngris supet që të mos e zgjas më shumë këtë dialog. Merr grumbullin e letrave që kishin ardhur nga Lyoni dhe nga aty ndau dy fleta dhe duke mbajtur në dorë më drejtohet : "Më lejoni që edhe unë të marr pjesë në dhembjen e familjes së bashkatdhetarit tuaj. Dua që edhe unë të bëj pjesë në këtë solidaritet tuaj". Zemra e këtij zvicerani derdhi dy lot për fatin e një shqiptari, të një shqiptari me fat tragjik. Në fakturën e re të gjitha shpenzimet që do të duheshin fakturoheshin nga ndërmarrja e tij Transit’air (rreth 60 euro) u dhanë dhuratë për humanizmin dhe solidaritetin e njerzve që nuk kishin qeveri të tyre. Si mund që një zviceran që jetën dhe fitimin e tij e ka në të ardhurat e kësaj pune, të heq dorë për një moment për të ndihmuar një njeri që nuk do ta shohë kurrë më, për një njeri që nuk do të presë kurrë nga ai t’ia kthejë një të mirë për kompensim, një njeriu që do ikte nga sipërfaqja e tokës përgjithmonë? Pse nuk mund të gjykojnë e veprojnë qeveritarët dhe institucionet tona si njeriu që unë e quaj zviceran? Por përgjigjen mund ta jap edhe vetë që besoj është e saktë. Unë takova një njeri, një krijesë humane, që mentaliteti i tij ndryshon nga ai i qeveritarëve tanë.

Zvicerani, Rina, unë, zyra franceze në Prishtinë, Azizi dhe të gjithë bashkatdhetarët tanë që ndihmuan që B.H. të varroset në vendin e tij, ndjenë një lumturi në shpirtin e tyre. Ata bënë një vepër humanitare, ata lehtësuan dhimbjen e familjes dhe treguan se janë qenie njerzore. Prandaj, edhe njëherë në emrin e familjes falenderoj të gjithë ata që bënë që kjo çështje u mbyll kështu e nuk u la nën mëshirën e qeverive dhe institucioneve tona.

Do të kisha dashur shumë që ky shkrim të mos shihet nga ndonjë prizëm tjetër siç kanë qejf ta shohin disa "rraxhagji" por një ide e re për punën e qeverive në Tiranë, Prishtinë, Shkup e Podgoricë. Ata duhet të mendojnë të krijojnë organizmat përkatës pranë ambasadave apo zyrave përkatëse të vendeve ku qytetarët e tyre kanë emigruar për të sjellur një kafshatë bukë për familjarët e tyre në atdhe. Nëse nuk mund të "sjellin" për së gjalli qytetarët e vet në vend, së paku të bëjë një gjest të vogël që ata të pushojnë të qetë përjetësisht në dheun e tyre. Nëse nuk mund t’ua ndalin vdekjen edhe nga sëmundjet e "lehta" së paku t’ua lehtësojë dhimbjen familjes duke riatdhesuar për së vdekuri të afërmit e tyre.

Qeveri të lutem, më gjej një varr, nuk është një thirrje dëshpërimi. As një thirrje revolte. Kjo është thirrje e mëse 700 mijë shqiptarëve anëkënd Evropës dhe botës që edhe fundin e jetës së tyre e lidhin me tokën mëmë. Prandaj, Qeveri të lutem, mos na leni pa varr...

28 prill 2007

[jadore]

Qeveri të lutem, më gjej një varr, nuk është një thirrje dëshpërimi. As një thirrje revolte. Kjo është thirrje e mëse 700 mijë shqiptarëve anëkënd Evropës dhe botës që edhe fundin e jetës së tyre e lidhin me tokën mëmë. Prandaj, Qeveri të lutem, mos na leni pa varr...

personalisht uqk, te cfac respektin per punen qe solle postimin , mos anshmerine e bindjeve tua individuale per sferen politike shqiptare ne kete rast, dhe shume e shume asye tera...
..qeveri me bej nje varr, nuk eshte thirrje deshprimi , as thirrje revolte , kjo eshte domosdoshmeri e njeriut , , ashtu siq eshte domosdoshmeri e thenjes qeveri me siguro egzistencen me buke , vend punim dhe kushtet obtimale te te egzistuarit si njeri ... pse e ke obligim nga konventa boterore si shtet , apo qeveri .. ,
e ky shkrim me gezoj per faktin qe mes dhembjes ,qfaq vetedijesimin edhe pse ne nr te vogel te popullates sone .. ne jemi njerze dhe duam te jetojme me te gjitha te drejtat e konventes per egzistencen e njeriut nga shteti ligjor ku i takojne , e them, forma e presionit psikollogjik permes politikes qe praktikohet ne trevat mbareshqiptare , nuk eshte aqgje tjeter veqse nje variante e nje grupi te caktuar per interesa personale ... fatkeqsisht fale gabimeve te vete popullit , qe i jep mbeshtetje pa ditur qe veteveten e kthen ne njeri apatik ndaj jetes ..duke ja mohuar vetevetes , asaj qe e ka te drejte themelore te egzistences ..

ne jemi njerze , krijesa me intelekt , duam te kemi kushte dhe te dime vleren e jetes , nuk duam presjon dhe trusni ne forma psikollogjike , qe pa kuptuar punojme kunder vetevetes... dhe kjo po ndodh si tek shqipari i pas luftes si tek shqiptari i tranicioneve nga diktatura ,..nje jete nuk mundet t jetohet vetem me presione dhe forma te psikollogjis e, dikur duket t vetedijesohemi , kur .. ne pytje eshte vetem kur do vetedijesohemi qe jeta na kaloj , pa ditur qe tjeret e shijuan per ne, pse ne ju dhame mundesin ...esenca e gjithe kesaj eshte , na jipni te drejten te jetojme si jetojne qytetaret e qeverive te botes..
..p.s.
dij qe ky shkrim i imi shume ke do te injoroj ... nese ju pelqen servilizmi apo ne heshtje distancimi .. julutem , mire te kaloni uroj ,ne shoqrine e njeriut sombi ... dikur , shume shume vone do te vetedijesoheni , ne pztje eshte vetem sa kohe ka shkuar dhe qka humbet !!

[LABI]

Qeveri të lutem, më gjej një varr, nuk është një thirrje dëshpërimi. As një thirrje revolte. Kjo është thirrje e mëse 700 mijë shqiptarëve anëkënd Evropës dhe botës që edhe fundin e jetës së tyre e lidhin me tokën mëmë. Prandaj, Qeveri të lutem, mos na leni pa varr...

personalisht uqk, te cfac respektin per punen qe solle postimin , mos anshmerine e bindjeve tua individuale per sferen politike shqiptare ne kete rast, dhe shume e shume asye tera...
..qeveri me bej nje varr, nuk eshte thirrje deshprimi , as thirrje revolte , kjo eshte domosdoshmeri e njeriut , , ashtu siq eshte domosdoshmeri e thenjes qeveri me siguro egzistencen me buke , vend punim dhe kushtet obtimale te te egzistuarit si njeri ... pse e ke obligim nga konventa boterore si shtet , apo qeveri .. ,
e ky shkrim me gezoj per faktin qe mes dhembjes ,qfaq vetedijesimin edhe pse ne nr te vogel te popullates sone .. ne jemi njerze dhe duam te jetojme me te gjitha te drejtat e konventes per egzistencen e njeriut nga shteti ligjor ku i takojne , e them, forma e presionit psikollogjik permes politikes qe praktikohet ne trevat mbareshqiptare , nuk eshte aqgje tjeter veqse nje variante e nje grupi te caktuar per interesa personale ... fatkeqsisht fale gabimeve te vete popullit , qe i jep mbeshtetje pa ditur qe veteveten e kthen ne njeri apatik ndaj jetes ..duke ja mohuar vetevetes , asaj qe e ka te drejte themelore te egzistences ..

ne jemi njerze , krijesa me intelekt , duam te kemi kushte dhe te dime vleren e jetes , nuk duam presjon dhe trusni ne forma psikollogjike , qe pa kuptuar punojme kunder vetevetes... dhe kjo po ndodh si tek shqipari i pas luftes si tek shqiptari i tranicioneve nga diktatura ,..nje jete nuk mundet t jetohet vetem me presione dhe forma te psikollogjis e, dikur duket t vetedijesohemi , kur .. ne pytje eshte vetem kur do vetedijesohemi qe jeta na kaloj , pa ditur qe tjeret e shijuan per ne, pse ne ju dhame mundesin ...esenca e gjithe kesaj eshte , na jipni te drejten te jetojme si jetojne qytetaret e qeverive te botes..
..p.s.
dij qe ky shkrim i imi shume ke do te injoroj ... nese ju pelqen servilizmi apo ne heshtje distancimi .. julutem , mire te kaloni uroj ,ne shoqrine e njeriut sombi ... dikur , shume shume vone do te vetedijesoheni , ne pztje eshte vetem sa kohe ka shkuar dhe qka humbet !!

Mos promovo "ide revolucionare" Jador, qe do t'shpallesh e qmendure, person qe s'ja done te miren shtete ndertimit. apo edhe dore e zgjature e Serise :biggrin:

Qytetare i pergjegjshem eshte qytetari qe po qe se edhe kockat prej trupit t'ja marre pushteti shteterore s'qete za me goje. Nje qytetare i pergjegjeshem, i ndershem eshte ai qytetare qe s'kirtikon, s'kundeshtone edhe atehere kur shteti abuzon me legjitimitetin e dhurare po qytetari ....Duhet te heshtemi, per hire te gjakut te derdhun , per hire te statusite ( gjendje kjo qe disave po u trashe gjepat e luksin ) .

Ky eshte qytetari i ndershem i pergjegjeshem - sipas pushtetit ne Kosove.... Ne te kunderten , qytetari qe kritikon, zbulon padrejtesiste, autoritarizmin, abuzimet, e pushtetit , etiketohet, si antikombetare, njerez te qemendur qe ushqehen me ide revolucionare utopike, te qmendur ... e ku ta di une .

[jadore]

Mos promovo "ide revolucionare" Jador, qe do t'shpallesh e qmendure, person qe s'ja done te miren shtete ndertimit. apo edhe dore e zgjature e Serise :biggrin:

Qytetare i pergjegjshem eshte qytetari qe po qe se edhe kockat prej trupit t'ja marre pushteti shteterore s'qete za me goje. Nje qytetare i pergjegjeshem, i ndershem eshte ai qytetare qe s'kirtikon, s'kundeshtone edhe atehere kur shteti abuzon me legjitimitetin e dhurare po qytetari ....Duhet te heshtemi, per hire te gjakut te derdhun , per hire te statusite ( gjendje kjo qe disave po u trashe gjepat e luksin ) .

Ky eshte qytetari i ndershem i pergjegjeshem - sipas pushtetit ne Kosove.... Ne te kunderten , qytetari qe kritikon, zbulon padrejtesiste, autoritarizmin, abuzimet, e pushtetit , etiketohet, si antikombetare, njerez te qemendur qe ushqehen me ide revolucionare utopike, te qmendur ... e ku ta di une .

... po po , e vertete , aq dime, ..!! kjo eshte ajo damka qe shqiptarine injorancen kolektive e dergone ne veteshkatrrime te mireqenjes , dhe kjo do falej sikur te mos mendohej per te ardhmen , nuk e kuptoj , e ndjejme peshen e obligimit si paraardhes qe jemi , kane faj frymoret tjere , gjeneratat qe ne i sjellim ne jete, qegabimet tona nga injoranca fodule ju vulosim emrin viktimizim .. !!!kete sot nuk e mendon shqiptari i pasionuar pas politikes se devalvuar..ka me qka te ushqehet ,... jo me kote thuhet ushqimi shpirteror ...pa qka qe nje dite do te na qmend e gjithe kjo ... dhe asaj ja kam frigen se do jete pastaj qmenduri kolektive.. e atehere pasojat mund te jene katastrofale ..!!