Te dhenit gji femijes

[memumi]

Të dhënit gji fëmijësMarrë nga "Rritja e fëmijëve në dritën e Kur'anit dhe Sunetit" i AbduSelam bin Abdilah es-Sulejman [Ky libër është prezantuar dhe rekomanduar nga shejh Salih el-Feuzan]
10. Të dhënit gji foshnjës

Qumështi natyral i nënës ka një ndikim tepër të madh në shëndetin dhe edukimin e një fëmije. Allahu instrukton nënat t'u japin gji fëmijëve të tyre dy vite të plota. Kjo është për ata që dëshirojnë ta plotësojnë periudhën e dhënies së gjirit. Allahu ka thënë:
» Nënat t'u japin gji fëmijëve të vet për dy vite – ata [prindër] që dëshirojnë ta plotësojnë afatin e dhënies së gjirit « [el-Bekare, 233]
Arsyeja për këtë është se foshnja ndjen dhembshurinë/dashurinë e nënës ndërsa ushqehet nga gjiri i saj dhe ai ka nevojë për këtë.
Mjekësia bashkëkohore ka vërtetuar se ka një përqindje të lartë sëmundjeje e vdekjeje për fëmijët që janë ushqyer më qumësht të përpunuar gjatë foshnjërisë së tyre. Qumështi natyral, po ashtu, është dobiprurës për shëndetin e nënës, si për riparimin e mitrës, pas lindjes, dhe sistemit të tretjes.
Islami e inkurajon dhënien e gjirit, sepse kjo i lejon nënës që jep gji ta ndërpres agjërimin në ramazan, nëse agjërimi ndikon në gjirin e saj.
Ndoshta, një nga arsyet përse shumë fëmijë nuk janë fort të dhënë pas nënave të tyre dhe përse ka aq shumë mosbindje ndaj tyre në ditët e sotme, është për shkak të përdorimit të pakët të qumështit natyral dhe përdorimit të lartë të qumështit të përpunuar.
Meqë dhënia e gjirit ka një ndikim të tillë në fëmijën, pejgamberi [salallahu alejhi ue selam] i ka ndaluar muslimanët të angazhojnë një grua budallaqe për t'i dhënë gji fëmijës.
Ibn Kasim [Allahu e mëshiroftë], kur e ka komentuar këtë hadith në Hashijet-ur-Reud, ka thënë:"Kjo, sepse dhënia e gjirit ka ndikim në natyrën e individit". Pastaj ka thënë:"El-Kadi ka përmendur se kushdo që ushqehet me gjirin e një gruaje budallaqe, fëmija do të dalë budalla; kushdo që ushqehet me gjirin e një gruaje të pasjellshme, kjo do të kalojë në fëmijën; kushdo që ushqehet nga një kafshë, do të dalë i pandjenja, si kafsha".
Ibn Kudame [Allahu e mëshiroftë] ka thënë në el-Mugnij : "Është thënë : 'Dhënia e gjirit ndryshon personalitetet'".
E, si qëndron puna e atyre që ushqehen me formulë qumështi, origjina e së cilës është a panjohur dhe nuk dihet kush e ka përpunuar?

[Henori]

Nuk jam i keti mendimi. Ajo qka thote Islami ose Katolicizmi nuk eshte e vertete. Me se miri eshte me ja lane shkences kete pune.

Pershendetje

[valiii]

Qumështi i nënës është një përzierje e pakrahasueshme që shërben si burim ushqimor i shkëlqyeshëm për foshnjen e porsalindur dhe rrit rezistencën ndaj sëmundjeve. As ushqimi artificial për fëmijë i prodhuar nga teknologjia e ditëve tona nuk mund ta zëvendësojë këtë burim ushqimi të mrekullueshëm.
Çdo ditë zbulohen dobi të reja që përmban qumështi i nënës për
fëmijën. Një prej argumenteve që shkenca ka zbuluar rreth qumështit të nënës është se pirja e tij gjatë dy viteve të para të jetës ka dobi mjaft të madhe. Në Kuran jepet një lajm mjaft i rëndësishëm 14 shekuj më parë në lidhje me këtë fakt të zbuluar nga shkenca vetëm kohët e fundit:

”Nënat duhet t ’i ushqejnë foshnjat e tyre për dy vjet me radhë …”(El-Bekare 233)

”Ne e kemi urdhëruar njeriun që të sillet mirë me prindërit, sepse nëna e vet e mbajti në barkun e saj,me vështirësi pas vështirësie dhe pas dy viteve ia ndau gjirin.

Ji mirënjohës ndaj Meje dhe ndaj dy prindërve të tu, sepse tek Unë është kthimi juaj. ”(Lukman 14)