Lajme Aktuale....

[Guri i madh]

Megjithatë, historia e Soraias nuk është e vetmja. Ajo ishte vetëm një nga qindra vajza dhe gra të reja libaneze, të cilat u rrëmbyen nga shkolla, shtëpia, puna dhe u forcuan të ishin skllavet e seksit të Gadafit.
Udhëheqësi libanez nuk i kufizoi tërheqjet e tij seksuale vetëm te femrat. Ai gjithashtu abuzonte seksualisht me meshkuj gardistë të rinj në sy të haremit të tij.
I mbushur me kokainë, uiski, cigare dhe Viagra, Gadafi e përdori seksin jo vetëm si armë fizike, por edhe si mjet politik për të shfaqur fuqinë.
Ai jo vetëm që përdhunonte gratë e nënshtruara, por në të njëjtën kohë vinte nën kontroll burrat që kishin afër si për shembull bashkëshortët ose baballarët e tyre.
Gadafi ishte shumë i vetëdijshëm për këtë. Grave dhe vajzave të figurave kryesore u bëhej shantazh, u jepej ryshfet, merreshin me të mira dhe ndonjëherë edhe me forcë që të bënin seks.
Gadafi jo vetëm që e shijonte aktin e degradimit të këtyre vajzave dhe grave, por tregonte edhe fuqinë që ky akt i jepte mbi njerëzit e tjerë. Disa femra madje edhe rrëmbeheshin gjatë ceremonive të tyre martesore, si shfaqe përfundimtare e plotfuqishmërisë.
Ashtu siç njëri nga bashkëpunëtorët e ngushtë të Gadafit e pranoi pas vdekjes së tiranit, seksi ishte jashtëzakonisht i rëndësishëm për të, sepse ai qeveriste, poshtëronte, kontrollonte dhe ligjëronte nëpërmjet seksit.
Në publik, Gadafi shtirej sikur i kishte të drejtat e femrave tepër për zemër. Në vitin 1981, ai tha se ishte i dedikuar ndaj lirimit të femrave libaneze në mënyrë që të shpëtoheshin prej botës së zotërimit dhe kontrollimit të tyre.

[Guri i madh]

Si provë të këtij premtimi, Gadafi e rrethoi veten nga roje femra. Mesazhi ishte i qartë: nëse Udhëheqësi i madh u besonte femrave sigurinë e tij, atëherë burrat libanezë duhet të ndjekin shembullin e tij dhe t’i trajtojnë femrat me barazi.
Megjithatë, rojet ishin pak më shumë nga sa dukeshin në vitrinë. Shumë prej tyre ishin rrëmbyer dhe përdhunuar nga Gadafi dhe kishin pak eksperiencë ushtarake.
Me raste, kur ajo nuk po përdhunohej apo po detyrohej të pinte kokainë, uiski apo të shihte pornografi, lista e abuzimeve është e pafund, Soraia ndonjëherë aktronte si një nga rojat gjoja elitë të Gadafit.
Në vitin 2007, ajo e shoqëroi Udhëheqësin në një tur në shtetet afrikane dhe i dha fytyrës një shprehje të ashpër, për t’i treguar botës sesa të përparuara ishin bërë femrat libaneze.
Megjithatë, në privatësi, pikërisht në atë tur, Sorajës iu desh të pretendonte se ishte sëmurë që të mos përdhunohej nga burri që ajo supozohej të mbronte.
Gadafi shpejt e zbuloi se ajo po gënjente, pasi ishte parë duke notuar, dhe kështu ai e rrahu dhe e pështyu përpara se ta përdhunonte. “Dola me fytyrë të fryrë dhe ata më mbyllën në një dhomë”, tregon Soraia.
Nga ana tjetër e derës ajo u tall nga një grua e quajtur Mabrouka Sherif, ajo që e furnizonte Gadafin me vajza dhe gra të reja.
“Doje t’ia mbathje, apo jo?” e kishte pyetur Mabrouka. “Kudo që të shkosh një ditë, Muamari do të të gjejë përsëri. Dhe atëherë ai do të të vrasë”.

[Guri i madh]

Ajo që e bën historinë e haremit të Gadafit edhe më shokuese është bashkëpunimi i grave si Mabrouka në gjetjen e femrave të seksit të saj për t’i çuar ato drejt flijimit për nder të dëshirave të mjeshtrit.
Falë aftësisë së saj për t’i dhënë Gadafit atë që ai dëshironte, një furnizim të pafundmë virgjëreshash, Mabrouka u rrit menjëherë në një pushtet tepër të madh në Libi.
Disa mendonin se ajo praktikonte magji të zezë me Gadafin, për të rritur më shumë statusin e saj. Por sipas Soraias, Mabrouka ishte një rojtare dhe torturuese. Soraia u detyrua të jetojë në një bodrum të lagësht në zemër të kompleksit të Gadafit në qendër të Tripolit.
Ajo lejohej të dilte në qytet vetëm gjysmë ore në ditë, e shoqëruar nga një roje. Në raste shumë të rralla ajo lejohej të krijonte kontakte me familjen, por shpejt u bë e dukshme se ata ishin të turpëruar prej asaj që i kishte ndodhur vajzës së tyre. Kur ajo bashkohej për pak kohë me prindërit dhe vëllezërit e saj, Soraia u trembej atyre. Ata i referoheshin asaj si një vajzë që nuk meritonte të jetonte, pasi nderi i tyre ishte në rrezik.
“Kjo më rrëqethte, kujton ajo. Të presësh fytin tim për t’i bërë të tjerët të respektonin burrat në familjen time. Krimi do të lante gjoja turpin. Unë jam e ndotur, ndaj ndot edhe të tjerët. Kur të jem e vdekur, kush do të qajë për vdekjen time?”
Teksa rritej, Soraia pranoni se me kalimin e kohës filloi ta preferonte jetën në kompleksin e Kolonel Gadafit, një mendim që asaj i dukej i paimagjinueshëm.
Megjithatë, atje kishte një qetësi të tmerrshme, e lirë nga përbuzja shoqërore. Pozicioni i Soraias i dha asaj një pamje të pasurisë dhe fuqisë. Mes tyre ishte Sesilia Sarkozi, gruaja e Presidentit francez dhe gjithashtu edhe Toni Bler që e vizitoi Gadafin në vitin 2004.
“Në Siri, pashë Toni Blerin të dilte nga automjeti i Udhëheqësit. ‘Përshëndetje vajza!” na tha ai me një gjest miqësor dhe me buzëqeshje të ëmbël”, kujton Soraia.
Në kujtimet e tij, Bler nuk i referohet takimit të tij me diktatorin libian, por duket e pamundur që Kryeministri britanik i kohës të mos kishte të dhëna nga raportet sekrete për sjelljen e Gadafit.
Për më tepër, Udhëheqësi kishte abuzuar femra në shkallë masive, qëkur erdhi në pushtet kur ishte vetëm 27 vjeç. Por kur regjimi i Gadafit ra dhe ai u vra në tetor të vitit 2011, Libia dhe bota nuk i hodhën sytë nga krimet monstruoze që ai kishte kryer ndaj femrave, gjinisë që ai pretendonte se e donte dhe respektonte.

[Guri i madh]

Përkundrazi, siç zbulon edhe Soraia, njerëzit ishin më të interesuar për krimet e kryera kundrejt burrave, siç ishin rrahjet dhe torturat. Për shkak të turpit nga përdhunimi, shumë pak femra që ishin viktima të Gadafit ishin të gatshme të flisnin për atë që i ndodhi atyre.
Teksa njëra prej tyre tha: “Më mirë do të vrisja veten, sesa ta dija që bashkëshorti dhe fëmijët e mi do ta zbulonin të shkuarën time një ditë”.
Megjithatë, historia e haremit të Gadafit ka filluar të tregohet, edhe pse shumë të vërteta nuk do të zbulohen dot kurrë. Ajo që dihet me siguri është që ekzistojnë shumë Soraias dhe ato gjenden në çdo qytet të Libisë.
Njëra prej tyre quhej Leila dhe ashtu sikurse Soraia, ishte një nxënëse shkolle kur u përdhunua për herë të parë nga Gadafi. Në fillim ajo u abuzua me aq dhunë saqë humbi ndjenjat. Kur erdhi në vete, pa se Gadafi ishte kthyer në tavolinën e tij të punës.
“Do të të pëlqejë më vonë”, i kishte thënë ai duke qeshur. Diktatori vazhdoi ta përdhunonte vajzën për tri vitet e ardhshme. Një tjetër grua, e quajtur Houda, kërcënohej që të flinte me Gadafin, sepse vëllai i saj ishte nën arrest. Udhëheqësi i gjuajti, e rrahu dhe e përdhunoi atë në një zyrë, ku u la brenda pa ujë dhe ushqim për dy ditë. Kur asaj iu bë një ekzaminim në spital, doktori e kërcënoi se do të tregonte në polici se ajo kishte pasur lidhje jashtëmartesore. Kur Houda nxori identitetin e përdhunuesit të saj, doktori e kuptoi se ishte më mirë ta mbante gojën mbyllur.
Sot, Soraia dhe shumë prej viktimave femra që u mbijetuan perversiteteve të Gadafit, po përpiqen të rindërtojnë jetën e tyre. Pas kaq shumë vitesh abuzimi, edhe pse ajo është vetëm në të njëzetat e saj, Soraia thotë se ka trupin e një gruaje të plakur.
Ajo tymos 60 cigare në ditë, një zakon që e mësoi nga Gadafi dhe tani e ka të pamundur të integrohet plotësisht në shoqëri. Pavarësisht se abuzuesi i saj ka vdekur, dhimbja që ai mbolli te femrat e kombit të tij, nuk do të largohet kurrë. Në këtë mënyrë, mund të thuash që Soraia dhe shumë të tjera do të jenë përherë të burgosurat e haremit të diktatorit përdhunues.

[Guri i madh]

Xhelati egjiptian: Kam vrarë 800 persona, e dua punën time



http://images.botasot.info/uploads/largea_xhelati-e1383384030.jpg
Xhelati kryesor egjiptian Haxh Abd al Nabi rezulton të ketë vrarë rreth 800 persona dhe shprehet i kënaqur me punën e tij, duke thënë se nuk ka asnjë dilemë morale. Kryexhelati thotë se nuk ndjen aspak mëshirë për të dënuarit me vdekje, pasi sipas tij, puna është punë.
"Nuk kam dilema morale. Vrasësi ka bërë ndonjë gjë monstruoze dhe për këtë arsye nuk më vjen fare keq”- shprehet Haxh Abd al Nabi.
Ai konsideron se ka talent për këtë punë, madje thotë se nuk do të dinte të bënte më mirë asnjë punë tjetër.
"Në shtëpi përpiqem të jem i qetë aq sa mundem. Punën e shoh si çdo punë tjetër dhe përpiqem ta bëjë në mënyrën më të mirë”, - thotë Nabi.

[Zero Cool]

Aktakuzë ndaj dy ish - ushtarakëve serbë për vrasjen e 27 shqiptarëve



http://knninfo.com/repository/images/06_11_13_55377_akuze.jpg



Beograd, 06.11.2013

Prokuroria për krime lufte në Serbi ka ngritur aktpadi kundër oficerit të Ushtrisë së Serbisë (US) Pavle Gavriloviq (1965) nga Leskovci dhe kundër nënoficerit Rajka Kozlina (1976) nga Beogradi për vrasjen e 27 personave civilë në Ternje të Suharekës, Kosovë, më 25 mars 1999, ka kumtuar Prokuroria, njofton Beta.

Në aktakuzë theksohet se Gavriloviq e Kozlina, si ish- pjesëtarë të Brigadës së motorizuar 549 të Ushtrisë së Serbisë, bashkë me të tjerë të paidentifikuar nga Prapavija e batalionit, kanë vrarë 27 civilë, banorë të Tërnjes, meshkuj pleq, gra e fëmijë, ndër të cilët edhe një katërvjeçar.

"Gavriloviq, i cili ka urdhëruar sulmin kundër civilëve në fshat, më 25 mars ka tubuar vartësit e tij, ndër të cilët edhe Rajka Kozlina, dhe dha urdhër që të vriten civilët me fjalët: “'Nuk guxon të mbetet asnjë i gjallë”, thuhet në kumtesë.

Sipas këtij urdhri, kjo do të thoshte spastrim fshati dhe vrasje banorësh, saktëson Prokuroria.

Eprorët, ndër të cilët edhe togeri Kozlina, i ndau ushtarët në tri grupe lufte që hynë në fshatin Ternje dhe gjatë aksionit vranë të paktën 27 banorë.

Gavriloviq dhe Kozlina ngarkohen me veprën penal krime lufte ndaj popullatës civile.

[Guri i madh]

Suedia mbyll burgjet, nuk ka të burgosur

http://www.koha.net/repository/images/f1_14burg1384433039.jpg




Publikuar: 14.11.2013 - 13:45Stokholm, 14 nëntor - Suedia ka një problem të pazakontë. Vendi skandinav, siç shkruan "Guardian", ka mbyllur katër burgje për shkak se numri i dënimeve me burgim në dy vjetët e fundit ka rënë në mënyrë të konsiderueshme dhe burgjet janë boshatisur."Ne kemi një rënie të jashtëzakonshme të numrit të të burgosurve", tha një zyrtar i burgjeve suedeze, Nils Oberg, transmeton albinfo.

Që nga viti 2004 numri i të burgosurve ka shënuar rënie me një mesatare prej një për qind, më 2011 dhe 2012 rënia është rritur për gjashtë për qind.

Prandaj, burgjet në Aby, Håja, Båtshagen Kristianstad tashmë janë mbyllur. Dy janë për t'u shitur për përdorim të përkohshëm.

Askush nuk mund të shpjegojë këtë fenomen të zvogëlimit të numrit të dënimeve me burgim në Suedi.

Autoritetet shpresojnë megjithatë se sistemi liberal i burgjeve ka luajtur një rol në fokus të parandalimit dhe riintegrimit.

"Ne vërtet shpresojmë se përpjekjet që bëjmë në rehabilitimin dhe parandalimin e krimit kanë dhënë efekt, por ne nuk besojmë se mund të shpjegohet kjo rënie prej gjashtë për qind", thonë autoritetet suedeze të burgjeve.

«Semana», një magazinë javore kolumbiane, ka komentuar me “xhelozi” ngjarjet në Suedi.

"Derisa në Kolumbi po vazhdon mbipopullimi i burgjeve, krimet në Suedi janë ulur në mënyrë që të mbyllen edhe katër burgje për shkak të mungesës së të burgosurve", shkruan «Semana».

[Zero Cool]

Arrestohet 10-vjeçja afgane, e përgatitur për sulm vetëvrasës



http://www.knninfo.com/repository/images/06_01_14_37913_afgan.jpg



06.01.2014

Policia në Afganistan ka arrestuar një vajzë 10 vjeçe, të veshur me jelek vetëvrasës.

Zëdhënësi i Ministrisë së Brendshme afgane, Sediq Sediqi, i ka thënë BBC-së se vajza, e quajtur Spozhmay, është kapur në provincën Helmand dhe ka pasur qëllim të sulmojë një postbllok të policisë.

Sediqi ka thënë se vajza besohet të jetë motra e një komandanti taliban, i cili e ka nxitur atë të kryejë sulm vetëvrasës.

Në një deklaratë të Ministrisë së Brendshme afgane, vajza citohet të ketë thënë se është bindur nga vëllai i saj që të ndërmerr këtë sulm.

Por, sipas Ministrisë, ajo nuk mundi ta shtypte butonin e shpërthimit të jelekut vetëvrasës, me ç’rast edhe u arrestua.

[Zero Cool]

Kroacia dënon ish kryeministrin me nëntë vjet burg, ia konfiskon pasurinë tërë familjes së tij



http://www.telegrafi.com/fo/bote/kroacia-d-euml-non-ish-kryeministrin-me-n-euml-nt-euml-vjet-burg-ia-konfiskon-pasurin-euml-t-euml-r-euml-familjes-s-euml-tij_hd.jpg




Pas gati dy viteve, përfundoi procesi gjyqësor kundër ish kryeministrit kroat, Ivo Sanader.

Sanader është dënuar me nëntë vite burg. Në dënim do të numërohen edhe koha e kaluar në burgun hetues. Po ashtu, do të konfiskohet tërë pasuria e tij dhe e familjes e realizuar me veprat e dënuara.

Pos parave që janë në llogaritë e tij dhe të gruas, të vajzave të tij dhe të miqve, familjes Sanader do t’ju merren edhe veprat artistike të gjetura në shtëpi.

[Oqeani]

Dhe ne KS duhet me i t..... keshtu !

[Zero Cool]

Two sisters got raped and hanged till death.....in India.

Shame on our leaders. When will Indian women see "ache din"?

Shame India....
Please protect our mothers/sisters/wives/daughters!





https://scontent-a-ams.xx.fbcdn.net/hphotos-xpf1/t1.0-9/10405559_709038962471364_1196951301476670450_n.jpg

[Zero Cool]

Vuçiq “shpullë” ambasadorit palestinez që tha se 'Kosova është Serbi'


Beograd, 30.07.2014

Kryeministri i Serbisë, Aleksandar Vuçiq ka thënë sot, në bisedë e ambasadorin izraelit në Beograd, Jozef Levi, që Serbia e respekton të drejtën e shtetit izraelit për ekzistencë dhe jetë të qetë të qytetarëve të tij.
Vuçiq dhe Levi, me rastin e përleshjeve në Lindjen e Afërt, kanë shfaqur shpresën që “situata do të zgjidhet me rrugë paqësore dhe do të vije deri të normalizimi i jetës së përditshme”.

E një deklaratë e tillë e Vuçiqit sigurisht se ia ka ‘ngrirë’ buzëqeshjen ambasadorit palestinez në Beograd, Mohamed Nabhan.

Arabët mbështesin Serbinë dhe asnjëherë pavarësinë e Kosovës. Kështu kishte thënë para disa ditësh ambasadori palestinez në Beograd.

“Kosova nuk e ka fituar statusin e shtetësisë falë vendeve arabe dhe myslimanëve e jo falë Izraelit. Arabët kanë mbështetur qëndrimin e Serbisë dhe ende e mbështesin”, ka thënë Nabhan.

Sipas tij, zhvillimet në Rripin e Gazës dhe çështja e Kosovës janë çështje krejtësisht të kundërta.

“Kosova gjithmonë ka qenë pjesë e Serbisë, ndërsa Gaza dhe Bregu Perëndimor kurrë nuk kanë qenë në kuadër të Izraelit. Këto janë territore të okupuara, ndërsa Serbia kurrë nuk e ka okupuar Kosovën. Paralelja do të ishte e arsyeshme në rast se serbët do të ishin okupatorë”, pati thënë ambasadori palestinez në një intervistë dhënë "Danas".

[Ylli-1]

Rrëfehen familjarët: Ja si e vranë Ardian Brahimin

Publikuar: 10:45 / 29.08.2014
http://www.telegrafi.com/fo/kronikaezeze/tre-v-euml-llez-euml-rit-sulmohen-n-euml-mitrovic-euml-nga-persona-me-uniform-euml-serbe_hd.jpg

(E plotësuar) Driton Brahimi njëri prej familjarëve të të vrarit, Ardian Brahimit, në një prononcim ka rrëfyer dhe ka dhënë disa detaje rreth vrasjes së kushëririt të tij në Kushtovë.

Ai ka treguar se tre vëllezërit ishin në malin e tyre.
“Ata janë kanë duke ecë rrugës në mal të vetin dhe një person me uniformë serbe ka dal midis rrugës dhe ka gjuajtur me armë në drejtim të Ardanit, Albertit dhe Albionit. Kushërinjtë e mi nuk kanë qenë në kufirin me Serbinë, ata kanë qenë në malin e tyre pasi që katër kilometra larg aty është kufiri me Serbi”, ka thënë ndër të tjera ai për Indeksonline.
Ndryshe, Alberi dhe Albion Ibrahimi tani janë të shtrirë në QKUK. /Indeksonline/


Ishin në territor të Kosovës
Familjarët e të lënduarve në Mitrovicë thonë se djemtë kanë qenë brenda territorit të Kosovës.
Derisa të gjithë ndodhen në Emergjencë në Prishtinë dhe po presin të dinë për gjendjen ë të lënduarve, pritet që drejtori i kësaj Qendre, Basri Lenjani të tregoj për ta dhe gjendjen e tyre.
Disa nga familjarët kanë thënë se djemtë janë plagosur nga një person me uniformë serbe e zyrtarisht ende nuk ka asnjë informacion se a ka të dyshuar. /KP/


Edhe i plagosuri i dytë në gjendje të rëndë, sillet në Prishtinë
Ka arritur në Emergjencë në Prishtinë edhe i plagosuri i dytë nga Mitrovica. Gjendja e tij është shumë rëndë pas plagëve të marra nga arma e zjarrit.
Mjekët nuk kanë dhënë ende ndonjë informacion nëse është jashtë rrezikut për jetë ose jo. /KP/

Tre vëllezërit sulmohen në Mitrovicë nga persona me uniformë serbe
Personi i vdekur dhe dy të plagosurit, KosovaPress mëson se janë vëllezër, njëri 19 vjeç, njëri 17 dhe tjetri 16. Që të tre shqiptarë, me mbiemrin Brahimi. Ky i fundit tashmë ka arritur në Emergjencë në Prishtinë.
Burime të KosovaPress gjithashtu bëjnë të ditur se ata kishin shkuar në mal për dru dhe se një person me uniformë serbe ka shtënë me armë në drejtim të tyre.
Askush nuk din nëse ishin andej kufirit apo këndej, por dihet se ata kishin shkuar për dru. Rasti sipas këtyre burime ka ndodhur diku në orën 5 në mëngjes. /KP/


Një i vdekur dhe një i plagosur në Mitrovicë
Të shtëna armësh janë dëgjuar para disa minutave mes fshatit Koshtovë dhe Zubin Potok përkatësisht në vendin e quajtur Kollovergë me ç’rast Policia ka gjetur një person pa shenja jete dhe një tjetër është plagosur.


Një i plagosur në Mitrovicë
Të shtëna armësh janë dëgjuar para rreth 20 minutave mes fshatit Koshtovë dhe Zubin Potok përkatësisht në vendin e quajtur Kollovergë, me ç’rast një person është plagosur bëjnë të ditur burime të KosovaPress-it.
Sipas këtyre burimeve, të shtënat kanë zgjatur për disa minuta, ndërsa, dyshohet për më shumë persona të plagosur.
Zëdhënësi i policisë për rajonin e Mitrovicës, Avni Zahiti ka konfirmuar ngjarjen për KosovaPress duke i thënë se i plagosuri, pasi është trajtuar në spitalin e Mitrovicës është dërguar në QKUK.
Ai nuk ka dhënë detaje shtesë. /KP/

[Zero Cool]

Në internet është publikuar një video që tregon mbetjet e batalionit të shkatërruar ukrainas “Aidar” në vendin Novosvetlovkoj.

Raportet nga tereni thonë se forcat ruse përparojnë në të gjitha drejtimet e frontit.

Zyrtarët e Kievit kanë njoftuar se rreth 680 ushtarë ukrainas janë zënë rob ditët e fundit nga separatistët pro-rusë në rajonin e Donyetskut lindor.



U-SPEynF2bc

[Ylli-1]

Serbi – Shqipëri, 7 fakte që mediat e huaja nuk i raportojnë
Bota Sot | 15.10.2014 20:41
http://images.botasot.info/uploads/largea_tensioni1413398508.jpg
Shumica e medieve ndërkombëtare gjatë raportimit të dhunës në stadiumin e Beogradit u fokusuan vetëm tek kapja dhe përdhosja e flamurit shqiptar nga një futbollist serb, çka u bë edhe shkak që në fushë të zbrisnin huliganët serb dhe të godisnin lojtarët shqiptarë.
Por a mjafton vetëm kaq për të pasur një pikëpamje më realiste rreth asaj që ndodhi më 14 tetor në stadiumin e Partizanit të Beogradit?
Shumë momente dhe fakte të tjerë të dhunës ndaj ekipit shqiptar nga serbët nuk janë raportuar nga mediat ndërkombëtare, ndërsa ato serbe kanë shpërthyer në një eufori fyese ndaj shqiptarëve vetëm e vetëm për të mbuluar aktet e dhunës dhe mosaftësinë e autoriteteve shtetërore për të siguruar mbarëvajtjen e ndeshjes.
Ja disa fakte që pala shqiptare s’ka faj:
1 – Tifozët shqiptarë nuk u lejuan ta ndjekin ndeshjen nga stadiumi. Autoritetet serbe paralajmëruan se do të arrestojnë të gjithë ata persona që do të tregojnë simbole shqiptare në stadium. Këto kufizime janë të padëgjuara në arenën e futbollit ndërkombëtar. Pak shqiptarë arritën të shkonin në stadium, por më shumë se 99% ishin serbë.
2 – Gjatë 40 minutave lojë, turma serbe thërriste “Ubij, Ubij siptar” që në shqip do të thotë “Vrisni, vrisni shqiptarët”. Këto thirrje e kanë origjinën që nga koha e Millosheviçit.
3 – Stadiumi u mbush me parrudha politike nacionaliste serbe, si “Kosova është Serbi” dhe slogane të tjera për Bosnjën dhe Kroacinë. Gjatë kohës që po këndohej himni kombëtar shqiptar tifozët serbë vërshëllyen fort, një gjest fyes ky ndaj simbolit shqiptar.
4 – Lojtarët miq u goditën me objekte të forta (karrige, shishe uji, copa betoni) dhe fishekzjarrë. Gjithashtu edhe disa gazetarë shqiptarë që guxuan të shkonin në Beograd janë qëlluar me objekte të forta dhe kërcënuar me jetë.
5 – Ivan Bogdanoviç, huligani serb që udhëhoqi trazirat në Itali, Xhenova, në vitin 2010, ka qenë i pranishëm në stadium bashkë me një grup të maskuar që dirigjuan dhunën në stadium. Për disa kohë ai ka qenë i burgosur në Serbi si shkaktar i incidenteve në Itali, ku ai dogji edhe flamurin shqiptar. Autoritetet serbe e dinin rrezikshmërinë e tij dhe e lejuan që ai të ishte i pranishëm në ndeshjen e “ferrit”.
6 – Më shumë se gjysma e ekipit kombëtar shqiptar e ka origjinën nga Kosova, e cila u nda nga Serbia në vitin 1999 mes dhunës, vrasjeve, përdhunimeve dhe spastrimit etnik të ushtrisë serbe. U desh ndërhyrja e NATO-s që Kosova t’i shpëtonte spastrimit etnik. Si kundërpërgjigje ndaj kësaj, 15 vite më vonë serbët djegin në shtëpinë e tyre flamurin e aleancës ushtarake perëndimore. (Shqipëria është pjesë e NATO-s që nga viti 2009, ndërsa Serbia ka marrë statusin e vendit kandidat të BE-së, por nuk është pjesë e NATO-s”.
7 – Pavarësisht atmosferës së ashpër politike në stadium, përfaqësuesja shqiptare shkeli në fushë vetëm për të luajtur futboll dhe këtë e bëri me sukses deri në ndërprerjen e takimit, për shkak të përdhosjes së flamurit kombëtar nga futbollistët serbë.

[Zero Cool]

Shumë shtete islamike përkrahin shkaun, cfarë i lidhë ata mes vete? Feja? Kultura? Dreqi apo i biri?!
Një ndër këta shtete është edhe Algjeria



Algjeria përkrah Serbinë për Kosovën



17.11.2014

Kryetari i Serbisë, Tomislav Nikoliq, ka biseduar sot me kryetarin e parlamentit algjerian Muhamed Larbi Ould Kalifom, i cili siç njofton kumtesa e kabinetit të kryetarit serb, përcjell FoNet, i ka thënë se vendi i tij, Algjeria, “nuk do të ndryshojë qëndrimin parimor për mosnjohjen e Kosovës”, transmeton Koha. net Kalif ka thënë se nuk dëshiron të japë këshilla për këtë problem të cilin, sipas tij, Serbia e njeh më së miri.

Nikoliq ka falënderuar për këtë qëndrim dhe ka përkujtuar se Jugosllavia ka qenë njëri nga vendet e para që e ka njohur pavarësinë e Algjerisë duke mos përmendur faktin se vetë Franca kishte hequr dorë nga kjo ish –koloni pas luftimeve të përgjakshme dhe e kishte njohur pavarësinë e saj.

[Lona]

Festat e nëntorit, politika shqiptare feston sërish e ndarë
27 Nëntor 2014 |

Ashtu siç ka ndodhur rëndom gjatë dekadës së fundit, festat e nëntorit do të festohen të ndara nga politika në Shqipëri.

Bashkia e Tiranës do të ketë një agjendë tjetër, ndryshe nga ajo e qeverisë për datën 28 Nëntor. I gjithë ekzekutivi pritet të zbarkojë nesër në Vlorë në një ceremoni që do të kulmojë në orën 10:00, me vendosje kurorash në Monumentin e Pavarësisë, ku i pranishëm do të jetë edhe Presidenti i Republikës Bujar Nishani.

Ndërsa më 29 nëntor, qeveria, me rastin e 70-vjetorit të Çlirimit të vendit, ka një agjendë më të pasur me ceremoni, parada ushtarake, pritje në Pallatin e Kongreseve dhe duke e përmbyllur me të famshmen “Natë të bardhë” në kryeqytet.

Ndërkohë, bashkia e kryeqytetit, së bashku me deputetë të opozitës do të festojnë në Tiranë për 28 nëntorin. Festimet nisin në orën 10:00 me homazhet në varrezat e Dëshmorëve të Kombit, më pas në orën 11:00 do të kryhen homazhe pranë bustit të Adem Jasharit, në orën 16:00 do të ketë sërish homazhe pranë shtatores së Ismail Qemalit dhe në orën 18:00 dhe 19:00 parashikohen koncerte dhe aktivitete muzikore.

Sa i përket datës 29 Nëntor, Bashkia dhe PD nuk planifikojnë asnjë aktivitet në agjendën e tyre, pasi nuk e njohin këtë datë si Festën e Çlirimit të Shqipërisë dhe as si festimin e Natës së Bardhë (festë e huazuar në Shqipëri nga kryeministri Rama).

Datat 28 dhe 29 nëntor, kanë qenë një debat i hershëm i politikës shqiptare, ku e djathta feston 28 Nëntorin (si Ditën e Flamurit dhe të Çlirimit të vendit) dhe e majta feston 28 Nëntorin si Ditën e Flamurit, dhe 29 Nëntorin si Ditën e Çlirimit.

[Ylli-1]

Shqipëria me dy agjenda për Festat e Nëntorit

Publikuar: 15:42 / 27.11.2014

http://www.telegrafi.com/fo/shqiperi/shqip-euml-ria-me-dy-agjenda-p-euml-r-festat-e-n-euml-ntorit_hd.jpg

Bashkia e Tiranës do të ketë një agjendë tjetër, ndaras nga ajo e Qeverisë së Shqipërisë, për datën 28 Nëntor. Përderisa Qeveria feston në Vlorë Ditën e Pavarësisë, Bashkia e Tiranës bashkë me deputetë të opozitës do festojnë në Tiranë, ndryshe nga festimet e deritanishme në Tiranë.

Festimet nisin në orën 10:00 me homazhet në varrezat e Dëshmorëve të Kombit, më pas në orën 11:00 do të kryhen homazhe pranë bustit të Adem Jasharit, në orën 16:00 do të ketë sërish homazhe pranë shtatores së Ismail Qemalit dhe në orën 18:00 dhe 19:00 parashikohen koncerte në Akademinë e Arteve dhe një shfaqje te tetari Metropol.

Sa i përket datës 29 Nëntor Bashkia dhe PD nuk planifikojnë asnjë aktivitet në agjendën e tyre, pasi nuk e njohin këtë datë si Festën e Çlirimit të Shqipërisë dhe as si festimin e Natës së Bardhë (festë e huazuar në Shqipëri nga kryeministri Rama).

Në fakt datat 28 dhe 29 kanë qenë një debat i hershëm i politikës shqiptare ku e djathta feston 28 Nëntorit ( si Ditën e Flamurit dhe të Çlirimit të vendit) dhe e majta feston 28 Nëntori si Ditë Flamurit, dhe 29 Nëntorin si Ditën e Çlirimit.

Agjenda e aktiviteteve nesër më 28 nëntor:
Ora 10.00 - Homazhe në Varrezat e Dëshmorëve
Ora 11.00 - Homazhe pranë bustit të Adem Jasharit
Ora 16.00 - Homazhe pranë shtatores të Ismail Qemalit
Ora 18.00 Në universitetin e Arteve, koncerti i Filarmonisë së Tiranës me vepra nga kompozitorët më të mirë shqiptarë, Prenk Jakova, Çesk Zadeja, Feim Ibrahimi, Kujtim Laro, Avni Mula, Hajg Zacharian; solistë, Ramë Lahaj, Eva Golemi, Maria Prifti, Gjylie Pelingu, nën drejtimin e Petrika Afezollit.
Ora 19.00- shfaqje “Ata hyjnë pa trokitur” - teatri “Metropol”, dramë shqiptare në kujtim të jetëve të sakrifikuara në ferrin komunist (hyrja pa bileta). /Telegrafi/