Topi e komandon artilerine shqiptare ne Strasburg

[Fshatari]

NATO: Topi drejton delegacionin e Shqipërisë
NATO-ja fillon sot takimin dy ditor që përkon me 60 vjetorin e krijimit të Aleancës. Takimi do të mbahet në Strasburg të Francës dhe Kehl të Gjermanisë.
Udhëheqësit e 28 vendeve anëtare, mes të cilave për herë të parë merr pjesë dhe Shqipëria e Koracia do diskutojnë sfidat e NATO-s dhe misionin në Afganistan. Kosova besohet se do të jetë një ndër temat e debatit.
Delegacioni i Shqipërisë do të drejtohet nga presidenti Bamir Topi dhe në të do të marrin pjesë kryeministri Berisha, ministri i mbrojtjes, ai i jashtëm dhe shefat e grupeve parlamentare të PS-së e PD-së.
Në këtë takim Franca do t'i bashkohet strukturës komanduese ushtarake të NATO-s për herë të parë që nga largimi i vitit 1966.
Presidenti amerikan Barack Obama do të marrë pjesë në samitin e NATO-s, në kuadër të të cilit do të zhvillojë dhe takime dypalëshe.
Në prag të takimit policia është përleshur me protestuesit në Strasburg.
___________________________________________
Evropa e lire
03.04.2009

[niemand]

Ndonjë ditë vec kur të sjellëni ndonjë lajm se ka pjellë një lop n"katun! E keni mbush forumin me lloj lloj lajme që ska t"boj fare me Politik!

[Pupi]

Ndonjë ditë vec kur të sjellëni ndonjë lajm se ka pjellë një lop n"katun! E keni mbush forumin me lloj lloj lajme që ska t"boj fare me Politik!

Ska t'bëjë me politik kjo ?

Jaaa edhe kjo mos past t'boj me politik, atëher une jam imam !

Padyshim që një mburoje e tillë TOPI ka kohë që i ka munguar Shqipëris, andaj edhe Artileria pa u hamendur e ka vu TOPIN të parin që ti prijë kësaj dasmeje të madhe që kemi nisur.
Shqiptarët për nga natyra janë optimist të m'dhenjë (me përjashtime të ca antarve këtu), mirpor kësaj radhe optimizmi është lidhur edhe me suksese konkrete, siqë është edhe kjo "DASMË", e shumë fejesa të tjera :wink:

[Fshatari]

Shqipëria e gatshme të dërgojë trupa në Kosovë


Kryeministri shqiptar, Sali Berisha, që në ditën e parë të anëtarësimit të Shqipërisë në Aleancën Veriatlantike, shprehu gatishmërinë që vendi i tij të dërgojë trupa paqeruajtëse në kuadër të KFOR-it në Kosovë.
“Sa i përket pjesëmarrjes në Kosovë, gatishmëria e Shqipërisë është e plotë, por do të jetë NATO që do të vendosë... Shqipëria do të diskutojë me sekretarin e Përgjithshëm dhe do të vendosim bashkërisht”, tha Berisha, në një konferencë shtypi në Strasburg.
Kryeministri shqiptar tha se shteti i ri anëtar ka përgjegjësi për t’iu përgjigjur kërkesave të NATO-s.
Duke iu përgjigjur pyetjes së një gazetari për mundësinë e zëvendësimit të trupave spanjolle të KFOR-it me paqeruajtës nga Shqipëria, Berisha tha se tani për tani nuk ka ndonjë indikacion se NATO ka nevojë për trupa shtesë në Kosovë.
Kryeministri Berisha deklaroi se me anëtarësimin në NATO, hapet një kapitull i ri për Shqipërinë. Shefi i qeverise shqiptare theksoi se shqiptarët tani janë përkrah kombeve më të lira dhe më të mëdha.
”Ky ishte një akt madhor i historisë. Prej sot çdo qytetar shqiptar është si qytetarët e tjerë të NATO-s dhe Shqipëria është pjesë e aleancës më të madhe ushtarake”, u shpreh Berisha, ndërsa falënderoi vendet anëtare të NATO-s për mbështetjen e madhe dhënë shtetit shqiptar.
Sipas tij, anëtarësimi në NATO është një përgjegjësi e madhe për konsolidimin e vlerave të demokracisë për t'iu përgjigjur kërkesave të Aleancës në luftën kundër terrorizmit.
Me këtë rast, Berisha bëri të ditur se Shqipëria do të dërgojë një kompani shtesë prej rreth 130 ushtarakësh në Afganistan, 20 infermierë si dhe do të marrë pjesë në ndërtimin civil të Afganistanit.
Më tutje në konferencën për shtyp në Strasburg, kryeministri shqiptar deklaroi se pasaporta e NATO-s është një kredit shumë i madh i Shqipërisë për integrimin në Bashkimin Evropian, ndërsa premtoi se do të bëjë përpjekje maksimale për zhvillimin e zgjedhjeve të lira dhe të ndershme.
______________________________________
Nga Express më 04.04.2009 në ora 18:09

__________________________________________________ __
Edhe nje forumist ketu propozoi para do dite dergimin e nje batalioni te Natos shqiptare ne pikat kufitare 1 dhe 31

[GURI SYLAJ]

Nuk i thone ati badihava Ba(n) mir TOPI !!