Lustraxhiu politikan

[Lapsi]

Lustraxhiu politikan



Aty... vetëm në një pjesë të qytetit tim mund të shohësh dhe të mësosh shumëçka ... Po pra, mundësh të gjeshë gjëra të bukura, por ka më shumë nga ata që të lënë të habitur. Aty flitet shumë për drejtësi por unë nuk munda ta gjej apo ta shohë në këtë qytet. Jetohet ndërmjet luftës dhe paqës. Jetohet dhe luftohet për kafshatën e gojës... Gjthëçka në këtë qytet ka një domethënie, por kuptimi i kesaj domethënie është tejet i rëndë. Gjithëçka në këtë botë gëlltitet, ... mjalti dhe kajmaku i sotem po na bëhet shkak që nesër të gëlltitim krip e spec… e këta, për çdo ditë po na bëhen më të hidhura se helmi. Çfarë bëjmë, mundohemi të përmirësojm diçka apo thjeshtë jemi të pajtuar me këtë fat… apo jemi nga ata që ngarkojnë dhelpërën që të na ruaje qymezet?!

Drejtësi! Ç’është ajo??? Ka këtej, apo ajo është fshehur në…?

Nuk e di, asgjë nuk funksionon me ritmin e dëshiruar. Nxënësi, kthehet nga shkolla, por nuk shkon në shtëpi të haje drekë, piten që e ka bë nëna e tij... Ai mu në atë pjesë të qytetit, në këndin ku pret njerëz, në këndin ku dëgjohet zëri i tij i ... duke thënë urdhëroni, urdhëroni... është ulur mbi çantën e mbushur me fletore, por pa libra... ai para vetës ka vënë një arkë të vogël dhe e ka rregulluar sikur lustraxhinjtë, kurse në dorën e tij nuk shihet lapsi po furçat e mëdha. Djal i vogël, me furçat e tij të mëdha, pret që kalimtarët të vënë këmbë mbi të... mbi arkën e tij... Pikërisht, kjo po më habitë, ai është i kënaqur kur kalimtarët vëndosin këmbën aty, rrëmben me shpejtësi furçat me të dyja duart e tija të vogla, dhe me shkathtësi mundohet që ta kryeje punën e tij... dhe sikur shkelësve të arkës ua bënë me dije se ai është mjeshtër i përkryer, zanat ky që nuk e ka trashëguar nga prindërit... Shumë keq, çfarë qenka kjo botë... gjithëçka bëhet për një qëllim... e ky djalosh lufton me forcën e tij që të bleje libra..... Ky djalosh ka nevojë për libra. Libra që duhet dhënë fëmijëve për t’i lexuar, që janë me një cilësi të veçantë, ku stimulojnë në vullnet dhe në bazë të këtij vullneti ta forcojë mendimin dhe shpirti i tij të jetë më i qëndrueshëm. Mendoja në vete se edhe lustraxhiu i vogël ka nevojë për libra të tillë. Dihet se e ardhmja e çdo njeriu është e lidhur ngushtë me fëmijërinë, me përjetimet, me ndikimet dhe të kaluarën e tij në fëmijëri. Andaj, është e moralshme që të këshillojmë në të mirë. Edhe fëmiju lustraxhi nuk duhet të ketë një përkujtim të keq nga fëmijëria e tij...

Ai tani ka nevojë për lexim, mësim... ka nevojë për shoqëri, për...

Dihet se qyteti im është i vogël, mandej mund ta quajm edhe fshat... informacionet nga një kënd shumë shpejtë mbarten në këndin tjetër të qytetit. Ate që dëgjova për te, mu bë sikur gëlltita helm, por... kam një shpresë se mundët helmi për një kohë të më bëhet kajmak dhe mjaltë. Kuptova edhe ate se nuk ishte në pyetje kafshata e gojës, por diçka tjetër... Lustraxhiu im i vogël ishte shumë i mençur, ai dinte shumë histori dhe donte që në një të ardhme të bëhet sikur... Çdo dit që shkonte në shkollë, kalonte përmes Çarshisë së Vjetër të qytetit. Kishte vërejtë se në vitrinën e librarisë “Rilindja” ishte vendosur “POLITIKA” e Aristotelit. Donte ta blente! Për dëshirën e djalit nuk ishte në dijeni babai...Kishte dëgjuar se shumë nga politikanë kishin qenë lustraxhinjë, kurse sot kanë ndikim në shoqëri. Këtë e kishte dëgjuar nga babai i tij, që kishte qenë i burgosur politik nga sistemi komunist. Siduket ai i ka vënë në tallje politikanët, mirëpo djali i tij e ka marrë me seriozitet këtë punë. Po, ky do të bëhet diçka më i veçantë nga të tjerët, sëpaku do të sakrifikoje në vegjëli, “lustrimin” nuk e bënë nga mjerimi... ai do të lexoje “POLITIKËN” e Aristotelit, kur dihet se të tjerët nuk kanë dëgjuar për atë libër... Fëmiu lustraxhi mendonte se shkalla e parë për ta arritur këtë post është ky zanat ...po, por fëmiu lustraxhi donte tua bëjë me dije se sikur ai që fshin dhe pastron ndytësirat nga këpucet e politikanëve të fëlliqur ashtu ata duhet te pastrohen edhe nga papërgjegjësia politike dhe shpirti i tyre i mëkatarëve ..... shpresojmë lustraxhiu ynë i ardhshëm mos të bëhet sikur ata që ishin para tij lustraxhinjë, që pastronin këpucët e popullit, kurse tani me këpucë, që në të ka... e shkelin popullin.



Agim Jakupi - Shkup