Testohen Shqiptarët-Ku është "VIJA E KUQE" zoti Kryeministër ?!

[murrizi]

Sot se ç'më vajti mendja te Isa-i,
Por ama jo ky Isai që po feston ditlindjen këtyre ditëve, apo edhe ai Isai i Ldk-s që po ngushëllohet duke kërcënuar nga "QAFA".
Jo ishte një Isa tjetër që ma turbullonte barkun sot, Ishte Isa i Boletinëve.

Mora frymë thellë derisa qëndroja i penguar nga forcat e Bajram Rexhepit, për të mos guxuar të shëtis shadërvanit tim si çdo her, apo edhe atëher kur më pihet një kafe buz lumbardhit, dhe e gjitha për të mos ia prishur "mysafirëve fiesten" që kishin përgaditur për ta RIMARRUR Prizrenin.

Isai thash me vete mesiguri do ta kishte fshehur diku nën lëkur ndoj gjë të vlefshme për ditën e kjametit, derisa kërkoja ndojë guralec në asfaltin e fshir e bër tas enkas për "gostin" e lart nga Bolegradi.

[Guri i madh]

veq po i lutna zotit qe ky rrufunia i shkjeve mos tja msyn drenices kishes te deviqit ,se qysh i ka zbut drenicakt hashim thaqi ,po kam frig se mos po e ftojn per drek e nuk ka nevoj me shkue ne kish te deviqit

[Zeqiri]

qitahen ekan lype shiptart edhe qe egjeten me serbi podojne e pokan qef qe ja pafshin hajrin se deshten hutin tash le te presin dautin

[Zana_ch]

qitahen ekan lype shiptart edhe qe egjeten me serbi podojne e pokan qef qe ja pafshin hajrin se deshten hutin tash le te presin dautin
THAQOVIQIN




Z.Zeqiri mduket se ke ngatrrue Z. Dautin me trktoriviqat(hashimoviqat) e drenices

[Zeqiri]

Z.Zeqiri mduket se ke ngatrrue Z. Dautin me trktoriviqat(hashimoviqat) e drenices


ojo nuk a ngatrrim jo poplli thot - se deshte hutin prite dautin - senuk a fjala as per dautovicat as per hashimovicat poper primitivat qespo dijne kurgju as me votu bile

[murrizi]

Fuqit e mëdha duket se po na biejn në qaf derisa po kërkojn nga ne të krijojm një Nacion/Komb të fuqishëm.
Ne as që kemi dëshirën, e qebesa as edhe vullnetin për atë punë.

Ndaj edhe serbia shfrytëzon boshllëkun institucjonal për të shqelmuar mbi e në Kosovë kur tia doje loçka.

P.s.
pak pas dymbëdhjetëve

[shfletuesi_]

E knaqt kanja dertin e keni kantonizu Kosoven mazi se Ch-n


Zana_Ch, kujdes qka flet se nga Drenica jam.

[murrizi]

Thaçi: Kosova ka vijat e kuqe në bisedimet me Serbinë

Kryeministri i Kosovës Hashim Thaçi është paraqitur në interpelancë te cilën e ka kërkuar Lëvizja ”Vetëvendosje” rreth çështjes së bisedimeve ndermjet Kosovës dhe Serbisë. ...
rtk 01:16:49 / 05.05.2011

Fillimisht Lideri i ”Vetëvendosjes” Albin Kurti ka paraqitur disa pyetje për të cilat ka kërkuar përgjigje nga kryeministri Thaçi, për bisedimet në mes Kosovës dhe Serbisë.

Kurti kërkoi të jepen sqarime pse Kosova domosdo duhet të bisedoi me Serbinë, ai kërkoi të bëhen publike bisedat se çka është biseduar me Rober Cooper gjatë mesit të vitit 2010 dhe pse Kosova nuk po vendos masa reciprociteti me Serbinë, si dhe a ka platformë të qartë të bisedimeve.

Kryeministri Thaçi duke i u përgjigjur Kurtit, tha se Kosova ka vijat e kuqe në bisedimet me Serbinë, e që sipas tij do të thotë se statusi i Kosovës dhe integriteti territorial i sajë janë të pa prekshme.

Ndërsa rreth platformës është përgjigjur se rezoluta e cila është aprovuar nga Kuvendi i Kosovës është platforma e bisedimeve në mes të Kosovës dhe Serbisë. Thaçi ka ripërsëritur se dialogu është teknik dhe jo politik.

[Guri i madh]

testohen shqiptart edhe me vizeten e kti stefanoviqit ,se si po vijn hesapet tash priten bisedimet ne prishtin ne kosov per kosoven


kjo vizita e tij esht paralajmrim se per kosoven do te bisedohet ne kosov ,e jo ne bruksel

[Oqeani]

testohen shqiptart edhe me vizeten e kti stefanoviqit ,se si po vijn hesapet tash priten bisedimet ne prishtin ne kosov per kosoven


kjo vizita e tij esht paralajmrim se per kosoven do te bisedohet ne kosov ,e jo ne bruksel


Me mire ne Kosove, Brukseli iu tha : Mos bani harxhime te kota, llafosni ne oborr te juaj sepse me ne fund do jet ashtu siç do te thojme ne !

[roadrunner]

CgdFEOpx0MQ

[Guri i madh]

Me mire ne Kosove, Brukseli iu tha : Mos bani harxhime te kota, llafosni ne oborr te juaj sepse me ne fund do jet ashtu siç do te thojme ne !



jo mir hiq kta po thojn se i kena dhan leje aj po thot qe nuk kerkon leje per me udhtue ne token e serrbis


kta prap po na rrejn si gjithmon ,po thgojn aj ka kerkue leje na i kena dhan leje po thojn

RRen hespi kta me kto deklarata po e pergaditin terenin per bisedime ne kosov e per kosoven per perfitimet e serrbis

[Zero Cool]

Ku i ka ‘vijat e kuqe’ Qeveria e Kosovës?

Driton Avdiu
Është qesharake sjellja e Qeverisë së Kosovës karshi gjendjes në terren, e me theks të veçantë në veri të vendit. Kjo nuk vlen vetëm për këtë qeveri në pushtet, por për të gjitha radhazi që nga paslufta. Megjithatë, ajo që e bën kontrastin më të mprehtë për këtë qeveri është vazhdimi i indiferencës së plotë të saj përballë përkeqësimit të vazhdueshëm të gjendjes në terren matanë lumit Ibër. Duke u nxituar turravrap në të ashtuquajturat “tema teknike” të bisedimeve me Beogradin, pa e përfillur asnjë normë më themelore demokratike ndaj institucioneve të vendit - Kuvendit të Kosovës, duke mos menduar fare për interesat e vendit, duke i injoruar me vetëdije të plotë komunat shqiptare në Kosovën Lindore, qeveria e Kosovës i ngjan njeriut që me plot fuqinë e lëvizjes së vet të mbrapshtë përplas kokën për muri.

Qeveria e Kosovës, nëpërmjet zëvendëskryeministres Tahiri thirret në disa “vija të kuqe”, që në këtë rast simbolizojnë murin e lartpërmendur. Sipas Qeverisë, vijat të cilat ia ka “vendosur” Serbisë dhe mbi të cilat nuk mund të kalohet me asnjë kusht janë: integriteti territorial i Kosovës, që sipas saj është i paprekshëm, dhe rregullimi kushtetues i Kosovës, që po ashtu sipas saj është i panegociueshëm. Shto këtu edhe parullën e fundit në këtë seri se nuk do të flasin për “ndarjen e Kosovës” e as për “shkëmbim territoresh” me Serbinë (kjo e fundit e aktualizuar më vonë) apo për bashkimin e Kosovës me ndonjë shtet tjetër (lexo: Republikën e Shqipërisë)(sic!).

Këto vija të kuqe janë vetëm në fjalorin dhe në letrat nëpër sirtarët e zyrave të qeverisë, e assesi nuk janë vija që mund t’i vendosë apo t’i zbatojë në terren Qeveria e Kosovës. Në fakt, disa vija i ka vendosur qysh në qershor 1999 Qeveria e Serbisë, e cila e ka kontrollin faktik mbi lumin Ibër dhe i ka forcuar në vijimësi me kalimin e viteve, që sot e kanë marrë karakterin e një muri mjaft të fortë, vija përtej të cilave Qeveria e Kosovës mund të depërtojë vetëm përmes valëve të mjeteve të komunikimit masiv: TV, radiove apo komunikimit tjetër elektronik; vija të cilat Qeveria e Kosovës e di fort mirë se nuk mund t’i kalojë; vija të status quo-së, të cilat jo vetëm që funksionojnë e mbrohen nga strukturat e Serbisë në veri, por edhe tolerohen me vite nga faktorët ndërkombëtarë të cilët (përkundër të gjitha kapaciteteve ushtarako-policore që i kanë) nuk i fshijnë ato, për shkak se ato vija janë një realitet i pashmangshëm në terren dhe janë në përputhje me interesat e një pjese të faktorëve ndërkombëtarë në Kosovë.

Këto vija, që me kohë janë forcuar nga Serbia dhe toleruar në heshtje nga ndërkombëtarët, janë forcuar edhe nga mosveprimet e Qeverisë së Kosovës. P.sh. qytetarët shqiptarë nga veriu i Mitrovicës, që u dëbuan me dhunë nga serbët në shkurt të vitit 2000 para hundëve të pranisë ndërkombëtare, u lanë që atëherë në mëshirë të fatit. As edhe mbështetja më minimale nuk u dha për këta njerëz, të cilët brenda natës u shndërruan në refugjatë në shtetin e vet. Ndryshimi i dhunshëm i strukturës etnike të qytetit të Mitrovicës sipër Ibrit nga ana e strukturave administrative të mbështetura nga Serbia u përcoll me indiferencë të plotë institucionale nga Qeveria e Kosovës. Kaluan tre vjet nga shpallja e pavarësisë së Kosovës dhe nuk është e njohur as edhe një nismë e vetme nga ana e institucioneve të shtetit për kthimin e njerëzve në vatrat e veta në pjesën urbane të qytetit të Mitrovicës, prej nga ata u larguan me dhunë. Këto nisma do të mund të ishin këmbëngulja-presioni ndaj institucioneve ndërkombëtare përgjegjëse për sigurinë dhe qetësinë në atë pjesë të Kosovës, që njerëzit e përndjekur të kthehen në pronat e veta.

E drejta e pronës është një e drejtë e patjetërsueshme themelore, të cilën, ashtu siç e kanë shfrytëzuar serbët e shpërngulur nga Kosova pas vitit 1999, duhet ta shfrytëzojnë edhe shqiptarët e përndjekur nga pronat e veta në veri. Si hap i parë në këtë drejtim do të ishte zbatimi i programit “Shko, shiko dhe kthehu!”, që është zbatuar shpesh nga serbët që kanë vazhduar për vite t’i vizitojnë pronat e veta nëpër Kosovë, nën përcjelljen e trupave të KFOR-it. Nuk ka asnjë pengesë ligjore apo politike që kjo të fillojë të vlejë edhe për shqiptarët. Duhet vetëm vullnet politik nga institucionet e Kosovës dhe kjo realizohet pa vështirësi të madhe.

Gjepurat e mos-heqjes dorë nga “vijat e kuqe” në bisedimet “teknike” me Serbinë, të cilat po synojnë t’i shndërrojnë në dogmë, nuk janë asgjë tjetër veç një përpjekje për mashtrimin dhe shpërqendrimin e vëmendjes së opinionit publik nga pozita tejet e rëndë politike ku e ka futur vendin Qeveria e Kosovës përmes nisjes së bisedimeve në këtë mënyrë. Bisedimet që bëhen në emër të “përmirësimit të jetës së qytetarëve në veri” janë në të vërtetë bisedime që bëhen për ta legjitimuar situatën në terren, situatë kjo e cila është plotësisht në dëmin e interesit kombëtar shqiptar, duke pasur parasysh situatën e krijuar në veri të qytetit të Mitrovicës dhe të fshatrave shqiptare përreth, situatë e cila është rezultat i spastrimit etnik të kryer gjatë ngjarjeve të shkurtit 2000, ku rreth 12000 qytetarë shqiptarë u dëbuan me dhunë nga kjo pjesë e qytetit.

Qeveria, duke biseduar “teknikisht” me Serbinë për “përmirësimin e jetës së qytetarëve të veriut”, në fakt i ka mbyllur sytë para këtij dëbimi. Në këtë mënyrë Qeveria e Kosovës godet rëndë interesin tonë kombëtar në këtë pjesë të vendit, duke i mbyllur sytë e veshët nga rreziku potencial - e pse jo edhe real - që e kërcënon vendin dhe qytetarët shqiptarë të kësaj pjese të Kosovës, pjesë kjo e cila, për shkak të shpopullimit të saj nga popullata autoktone shqiptare, me kalimin e çdo dite po mbetet gjithnjë e më pak shqiptare.

Këto bisedime “teknike”, edhe nëse kurorëzohen me marrëveshje “teknike”, do të kenë pasoja të drejtpërdrejta politike. Në situatën e dhënë dhe me politikën e ndjekur nga ana e Qeverisë së Kosovës gjatë zhvillimit të këtyre bisedimeve, pozita e rëndë e Kosovës do të përkeqësohet më tej. Në vend se të ulet dhe të bashkëpunojë me forcat politike për këtë çështje kaq të rëndësishme që i tejkalon të gjitha ngjyrat partiake, Qeveria zgjodhi rrugën e injorimit dhe arrogancës ndaj Kuvendit dhe vullnetit politik të shumicës shqiptare në Kosovë. Në vend që ta hartonte platformën politike në bashkëpunim me të gjitha forcat politike, ajo vendosi të ecë e vetme në bisedime me Serbinë. Qeveria i pati të gjitha mundësitë që të mos e vërë veten dhe - çka është edhe më me rëndësi - vendin, në këtë pozitë shumë të papëlqyeshme.

(Autori është sekretar për Marrëdhënie me Publikun i Lëvizjes për Bashkim)