Serbia justifikon kërkesat për ndarje të Kosovës

[Zero Cool]

Serrbia ka shpeshtuar kërkesat për ndarjen e Kosovës, përderisa politikajt Kosovarë, pozitë dhe opozitë e kundërshtojnë një mundësi të tillë.
Mendimi juaj për këtë temë është ?






http://gdb.rferl.org/E2851A71-AA48-446C-B857-22D3696515A5_w527_s.jpg






S’duan të dëgjojnë për ndarjen (http://www.evropaelire.org/content/article/24177580.html)



Përfaqësuesit e qeverisë dhe ata të opozitës kundërshtojnë ashpër idetë e ndarjes së Kosovës, që po lansohen këto ditë nga zyrtarë në Beograd. Çdo zgjidhje që bie ndesh me Kushtetutën e Kosovës, për Prishtinën zyrtare konsiderohet e papranueshme.


Opsionet e ndarjes së Kosovës vazhdojnë të kundërshtohen me ngulm nga përfaqësuesit politikë në Prishtinë.

Ndërsa zyrtarë në Beograd, ditëve të fundit, në disa raste e kanë përmendur edhe ndarjen si një prej opsioneve, duke apostrofuar veriun e Kosovës, ata në Prishtinë thonë se zgjidhjet për problemet në Kosovë duhet kërkuar brenda Kushtetutës së Kosovës dhe jo në bisedime me Serbinë.

Zëvendëskryeministri Hajredin Kuçi thotë se janë institucionet dhe qytetarët e Kosovës ata që vendosin për Kosovën, e jo Serbia. Për temat që mund të bisedohen me Serbinë, ai thotë se ka edhe vija të kuqe.

“Ne marrim pjesë aktive në çështjen e dialogut. Nuk kemi ndonjë iluzion se gjërat do të lëvizin shumë shpejt. Por, ne do të jemi specifikë në kërkesat tona, në të drejtën tonë, e njëkohësisht edhe në zgjidhjet, të cilat duhet të jenë në kuadër të objektivave tona politike, kufizimeve kushtetuese që i kemi dhe standardeve ndërkombëtare”.

“Në këtë drejtim dëshirojmë zgjidhje të qëndrueshme dhe jo zgjidhje për hir të kohës”, thotë Kuçi.

Anëtari i Kryesisë së Lidhjes Demokratike të Kosovës, Kujtim Shala, thotë se bisedimet me Serbinë janë politike, ndërsa e kundërshton ashpër futjen e veriut si temë në agjendën e këtyre bisedimeve.

Shala thotë se as idetë për reciprocitet zgjidhjesh, duke krahasuar Luginën e Preshevës me veriun e Kosovës, nuk mund të jenë objekt diskutimi me Serbinë, sepse në këtë mënyrë vetvetiu do të hapej edhe çështja e ndarjes.
Çështja e veriut është çështje e Kosovës dhe problemet në veri ndodhin sepse ndërhyn Serbia.

“Nëse kërkohet reciprocitet, i bie që është hapur tema e veriut dhe është hapur tema e ndarjes. Ndërkaq, është e palejueshme që të hapet një temë e tillë. Çështja e veriut është çështje e Kosovës dhe problemet në veri ndodhin sepse ndërhyn Serbia. Por, Serbia çdo ditë shkel sovranitetin e Kosovës”, thotë Shala.

Zgjidhjet që do të çonin kah ndarja e veriut të Kosovës janë luftënxitëse, thotë në anën tjetër sekretari i përgjithshëm i Aleancës për Ardhmërinë e Kosovës, Burim Ramadani.

Ai thotë se Qeveria e Kosovës duhet të vendosë menjëherë sundimin e rendit dhe ligjit në veri. Kjo, sipas tij, do të ishte përgjigjja më e mirë që Kosova mund t’iu japë deklaratave të zyrtarëve serbë për ndarjen e Kosovës.

Ramadani i kundërshton edhe idetë e përqendrimit të bisedimeve në temën e veriut të Kosovës dhe kërkesat për reciprocitet me Luginën e Preshevës.

“Kjo logjikë e zgjidhjes së konflikteve besoj se është e tejkaluar, sepse kjo hap rrugë për ndryshimin e pothuajse të gjithë kufijve të Ballkanit. Nuk është e pranueshme. Ne duhet ta funksionalizojmë shtetin e Kosovës”, thekson Ramadani.

Bisedimet Prishtinë - Beograd, të cilat po zhvillohen aktualisht, janë paralajmëruar në vazhdimësi si teknike. Por, që nga fillimi, një pjesë e spektrit politik në Prishtinë si dhe analistët kishin parashikuar se ato mund të përfundojnë me inicimin e temave politike, duke përfshirë sidomos çështjen e veriut të Kosovës.

Një temë e tillë nuk është hapur dhe të paktën zyrtarisht nuk është paralajmëruar se do të hapet. Por, kohë pas kohe, nga Beogradi dërgohen sinjale përmes deklarimeve publike, se një ditë edhe kjo çështje, edhe ndarja do të jenë në tavolinën e bisedimeve.

[premium]

per mendimin tim, sa nuk ka kembengules e burra Kosova , se shpejti ka me na ardhe qirilica ne Kosove .

pozita -opozita kane një rruge dalje , prap populli i mjerë ka me hongër tunq'in .

[Zero Cool]

Mbi gjysmë milion euro për bisedimet me Serbinë (http://www.telegrafi.com/?id=2&a=14666)


http://www.telegrafi.com/fo/kosove/f.0518163329946_m.jpg



Në mbledhjen e së mërkurës, Qeveri ka miratuan vendimin për ndarjen e mjeteve financiare në vlerë prej 541.000 euro për mbulimin e shpenzimeve të delegacionit të Kosovës për bisedime teknike në mes të Republikës së Kosovës dhe Serbisë.
Po ashtu, Qeveria ka aprovuar Platformën Vjetore të Politikës së Inteligjencës dhe Sigurisë, e cila ka qëllim përcaktimin e detyrave strategjike në fushën e sigurisë dhe për të mbrojtur vlerat themelore dhe interesat e Kosovës, mbrojtja e sovranitetit, integritetit territorial dhe rendit kushtetues.

Qeveria ka miratuar Projektligjin për Persona të Zhdukur, i cili rregullon të drejtën e familjarëve për të ditur fatin e personave të zhdukur, si pasojë e luftës në Kosovë në vitet 1998-1999. Po ashtu me këtë projektligj përcaktohen kompetencat dhe përgjegjësitë e Komisionit Qeveritar për Persona të Zhdukur.

Në këtë mbledhje Qeveria ka aprovuar Planin Hapësinor të Kosovës për vitin 2010-2020 dhe Propozimin për shpalljen e Zonës Ekonomike në Komunën e Lipjanit, në pajtim me paragrafin 4 të nenit 73 të Ligjit për miniera dhe minerale. /Telegrafi/

[Zero Cool]

Shkëmbimi i territoreve - ideja më e mirë (http://www.telegrafi.com/?id=2&a=14720)


http://www.telegrafi.com/fo/kosove/f.0521145452651_m.jpg



Lideri i Partisë Demokratike Shqiptare (PDSH) nga Lugina e Preshevës, Ragmi Mustafa ka thënë se angazhohet hapur për bashkimin e Preshevës, Medvegjës dhe Bujanocit me Kosovën.
Në një prononcim për Deutsche Welle në gjuhën serbe ai ka thënë se e ka pritur me gëzim idenë e shefit të socialistëve dhe zëvendëskryeministrit të Serbisë, Ivica Dacic për ndarjen e Kosovës dhe përcaktimin e kufijve mes Serbisë dhe Kosovës.

“Në qoftë se Dacici do të jetë qind për qind pragmatik, atëherë duhet të jetë i gatshëm edhe për ndarjen e Serbisë, në mënyrë që Presheva, Medvegja dhe Bujanoci të bashkohen me Kosovën, ndërsa veriu i Kosovës të bashkohet me Serbinë”, ka thënë Mustafa.

Kreu i PDSH-së është i mendimit se pikërisht shkëmbimi i territoreve është zgjidhja më e mirë për përfundimin e tensioneve në Ballkan.

“Kjo është absolutisht zgjidhja më e mirë, në qoftë se duam zgjidhjen e problemeve mes shqiptarëve dhe serbëve. Vetëm në këtë mënyrë Prishtina dhe Beogradi mund të vendosin raporte të përhershme të mira fqinjësore. Kështu do të dëshmonin para botës se janë të gatshëm të bëjnë këtë hap precedent”, ka thënë Mustafa, i cili aktualisht është kryetar i Komunës së Preshevës.

[Zero Cool]

Ideja për ndarjen e Kosovës është e kahershme (http://www.telegrafi.com/?id=2&a=14716)


http://www.telegrafi.com/fo/kosove/f.0521110857947_m.jpg



Presidenti i Serbisë, Boris Tadic ka thënë se nuk duhet habitur për idenë rreth ndarjes së Kosovës meqë ajo qe një kohë të gjatë është e pranishme në opinionin publik serb.
Tadic ka thënë se të gjitha idetë për zgjidhjen e përhershme të çështjes së Kosovës janë të mirëseardhur. Sipas tij, është nevojshme që të gjendet zgjidhja e pranueshme për të palët e dhe për faktorët ndërkombëtare.

“Puna jonë është të ndryshojmë realitetin në terren dhe ta lëvizim atë në favorin tonë por edhe ta respektojmë popullin shqiptar. Këtu nuk ka farë politike sekrete dheas netojë për tituj bombastikë, çdo ide është e mirëseardhur dhe nuk duhet bërë spektakle që i dëgjojmë tash e 50 vjet”, ka thënë Tadiq, njoftoi Tanjug.

Si njërën nga zgjedhjet Tadic ka përmendur edhe konceptin e “dy Gjermanive” që nuk vetëkupton detyrimin që Serbia të njohë pavarësinë e Kosovës, por që lë hapësirë të zgjidhen shumë probleme jetësore që rëndojnë mbi dy popujt.

“Është jorealiste që tani të merremi me parashikime se si do të rrjedhë dialogu, sepse ai tani po fokusohet para së gjithash në çështjet teknike. Serbi është e gatshme që në dialog të marrë pjesë me çdo mënyrë dhe të zgjidhë konfliktin historik të popullit serbe shqiptar”, ka thënë Tadic.

Sipas tij, asnjë zgjidhje nuk është reale përderisa nuk hyhet në fazën e re të dialogut ose përderisa dialogu të mos shndërrohet në bisedime.

“Për këtë arsye duhet të ekzistojnë rrethanat e volitshme ndërkombëtare dhe nuk është vetëm dëshira e Serbisë dhe e shqiptarëve të Kosovës që të vendosin për këtë çështje, por ajo është edhe çështje e gjitha faktorit ndërkombëtar”, ka thënë presidenti serb.

[Zero Cool]

Cosic: Ndarja e Kosovës - zgjidhja e vetme (http://www.telegrafi.com/?id=2&a=14892)


http://www.telegrafi.com/fo/kosove/f.0529115155945_m.jpg



Ish-presidenti i RSJ-së dhe shkrimtari i njohur serb, Dobrica Cosic thënë se “antagonizmat shekullorë” të serbëve dhe shqiptarëve në Kosovë mund të tejkalohen vetëm me ndarjen e përhershme.
Siç raportoi agjenci Beta, ai ka thënë se Slobodan Milosevici asnjëherë nuk e ka pranuar një propozim të këtillë, i cili ka ardhur nga SHBA.

“Për Kosovën kot flas dhe shkruaj katër decenie, duke propozuar zgjidhje demokratike të drejta të kompromisit dhe ndarje të përhershme. Kjo është mënyra e vetme që të tejkalohen antagonizmat shekullorë ndërmjet serbëve dhe shqiptarëve”, ka thënë Cosic, transmetoi Koha.

Sipas tij, ndarja do të “parandalonte ekspansionin shqiptaro-madh dhe do të krijonte kushte për jetë normale të dy popujve”.

Cosic ka thënë se politika ndaj Kosovës duhet të ndryshohet, në mënyrë që problemi i Kosovës mos të mbetet afatgjatë dhe i rrezikshëm.

“Nëse të gjithë përgjegjësit e tragjedisë së Kosovës nuk ndryshojnë qëndrimet e politikës së vet ndaj këtij vendi të helmuar me radioaktivitet, ku ende nuk mbretëron toleranca e kuptueshme, çështja e Kosovës do të mbetet problem afatgjatë dhe i rrezikshëm i Ballkanit dhe Evropës”, ka theksuar Cosic.

Ai ka thënë se shumë herë ka biseduar me ish-presidentin serb, Slobodan Milosevic, për Kosovën, por asnjëherë nuk janë pajtuar.

“Së pari më 1991 ia kam përcjell propozimin amerikan për ndarjen e Kosovës, sipas të cilit, Serbisë do t’i takonte një e treta e Kosovës, por Milosevici nuk hoqi dorë nga mjegullnajat serbe deri në kapitullimin e Kumanovës në luftën e vogël botërore kundër Serbisë. Ky politikan i vetëkënaqur është krijues i paradoksit më të pakuptimtë në historinë serbe - Ai humbjen e Kosovës e ka kremtuar si fitore, e cila shpejt u mohua në gjykatoren e Hagës”, ka thënë Cosic.

Ai tha se “e mendon të gabuar politikën shtetërore serbe ndaj Kosovës që nga Nikola Pasicit e deri te Boris Tadici”, dhe ka shtuar se në “këtë politikë të gabuar njëkahëshe dhe humbëse” kanë participuar shumë edhe Kisha Ortodokse Serbe dhe inteligjenca patriotike e Serbisë.

Cosic ka thënë se shtetet e Perëndimit karshi Serbisë nuk e kanë lëshuar politikën e presionit dhe shantazhimit të filluar në fund të shekullit të kaluar.

“Historia po na shkruhet në Tribunalin e Hagës. Sot na gëzojnë vetëm sukseset e sportistëve”, ka thënë ai. /Telegrafi/

[Zero Cool]

Idetë e Tadicit të rrezikshme për paqen në Ballkan




http://www.telegrafi.com/fo/kosove/f.0628142240481_m.jpg



Ministri i Punëve të Jashtme i Republikës së Kosovës, Enver Hoxhaj në ditën e dytë të vizitës në Bullgari ka thënë se idetë që vijnë nga Serbia për shkëmbimin e territoreve, për ndarje dhe krijimin e shteteve monoetnike janë ide të rrezikshme dhe mund të prodhojnë vetëm dhunë në Ballkan.
Ministri Hoxhaj para dhjetëra diplomatëve të shteteve të ndryshme ka mbajtur një ligjëratë në Institutin Diplomatik të Bullgarisë me temën “Shtetndërtimi dhe perspektiva Evropiane e Kosovës”.

“Të hënën zoti Tadic propozon ndarje të Kosovës, të martën flet për shkëmbim të territoreve, të mërkurën flet për krijimin e shteteve monoetnike në Ballkan, derisa të enjten dhe të premten vjen me deklarata tjera. Ide të tilla janë shumë të rrezikshme dhe mund të prodhojnë dhunë, jostabilitet dhe mund ta kthejnë Ballkanin 20 vjet mbrapa. Kufijtë e Ballkanit janë vendosur, janë stabil dhe çështja e sovranitetit, e territorit janë çështje të mbyllura”, ka thënë Hoxhaj.

Sa i përket shtetndërtimit të brendshëm, Hoxhaj ka thënë se në këto tri vite është bërë një punë shumë e madhe në implementimin e Pakos së Ahtisaarit, në reformimin e shtetit dhe të shoqërisë, derisa po vazhdojnë përpjekjet për të forcuar pozitën ndërkombëtare të Republikës së Kosovës.

Me këtë rast, ministri i jashtëm ka ritheksuar nevojën e lëvizjes së lirë të qytetarëve të Republikës së Kosovës në Evropë dhe nevojën e vendosjes së marrëdhënieve kontraktuale me Bashkimin Evropian. “Vetëm dy milion kosovarë nga 50 milion qytetarë të Ballkanit, nuk kanë drejtë të lëvizjes pa viza në Evropë. Kosova sot është shtet i izoluar dhe ne nuk dëshirojmë të mbesim një popull i harruar në mes të Evropës. Ne kërkojmë udhërrëfyesin për Liberalizimin e Vizave”, ka thënë ai.

Hoxhaj po ashtu, ka takuar anëtarët e Komisionit Parlamentar për Politikë të Jashtme të Asamblesë Nacionale të Bullgarisë. Përveç aspekteve të tjera të thellimit të bashkëpunimit bilateral, deputetët bullgarë kanë marrë iniciativë për krijimin e grupit të miqësisë Bullgari-Kosovë, në kuadër të Asamblesë Nacionale bullgare, grup i cili pritet të krijohet edhe në Kuvendin e Kosovës.

Gjatë vizitës në Sofje, ministri Hoxhaj ka marrë pjesë edhe në një ceremoni simbolike në Ambasadën e Kosovës në Bullgari, ku së bashku me ambasadoren, Ariana Zherka Hoxha, ka bërë dorëzimin e pasaportës së Kosovës, për një student kosovar në Bullgari.