Sëmundjet/Infektimet seksuale...

[LaDy_Diaspora]

Cilat janë këto?

Këto janë infeksione që përhapen kryesisht me anë të kontakteve seksuale dhe të cilat mund t'i prekin organet gjenitale, por edhe organet e tjera të trupit.
Nëse nuk shërohen me kohë, këto infeksione mund të jenë mjaft të rrezikshme për shëndetin në përgjithësi dhe për fertilitetin (aftësinë për të patur fëmijë) e personave të infektuar. Ekzistojnë tretmane efikase për shumicën e tyre.
Prezervativi femëror dhe mashkullor janë barrierë (pengesë) efikase kundër infeksioneve që barten me marrëdhënie seksuale.

Si quhen këto infeksione?

Triperi apo gonorea (urinë e nxehtë), verukat gjenitale (leze, lythi), infeksionet me klamidia, këpurdha gjenitale apo kandidozë, virusi i sidës, sifilisi apo (luesi), hepatiti (verdhëza apo sarillëku), herpesi, trikomonasi, morrat e pubisit, zhuga… Disa nga to janë të rrezikshme; disa nga to shërohen lehtë.

Si të evitohen (largohen)?

Nëse gjatë një kontrolle mjeku u ka diagnostikuar njërën nga këto infeksione, ju duhet ta njoftoni menjëherë partneren -in apo partnerët/-et tuaja. Edhe nëse partneri apo partnerja juaj nuk i kanë simptomet e këtyre sëmundjeve, ata duhet megjithatë të kontrollohen te mjeku dhe të marrin terapi nëse është e nevojshme.
Marrëdhëniet seksuale të ndërpriten gjatë tretmanit (trajtimit) dhe deri sa nuk arrihet shërimi i plotë i infeksionit. Për ta parandaluar përhapjen e virusit të sidës duhet aplikuar rregullen "SAFER SEX" që do ta lexoni më tutje.

Të meshkujt dhe të femrat simptomet mund të jenë diskrete (të pahetueshme) e ndonjëherë edhe mungojnë krejtësisht. Si të vëreni shenjat (simptomet) të cilat do t'i përmendim më poshtë, menjëherë duhet të lajmëroheni te mjeku, në klinikë, në këshillimoren për planifikim familijar apo në këshillimoren për virusin e sidës.

Simptomet të femrat:
-Puçrra, fshikëza, lythë të cilët formohen në vulvë dhe në buzët e vaginës.
-Kruarje, skuqje, dhe djegësim në regjionin e organit gjenital.
-Kullimi jo i zakonshëm nga vagina apo me erë të rëndë.
-Djegësim gjatë urinimit.
-Gjakderdhje jo të zakonshme, edhe nëse janë të pakta, por që nuk janë të shkaktuara nga menstruacionet.
-Dhimbje në fund të barkut, jo të shkaktuara nga menstruacionet.

Simptomet të meshkujt:
-Puçrra, vezikula, të cilat vërehen në glans (kokë) të organit mashkullor.
-Kruarje, djegësim në kokën e penisit.
-Nga kanali uretral (urinor) kullon qelbi i trashë me ngjyrë të bardhë në të verdhë.
-Djegësim gjatë urinimit.

Gjithsesi duhet përdor PREZERVATIVIN:
-Nëse i ndërroni shpesh partnerët/et
-Nëse keni më shumë se një partner/e
Pa marr parasysh metodën kontraceptive të cilën e përdorni.

[LaDy_Diaspora]

Virusi i sidës

Sida është një sëmundje e rëndë infektive e cila shkaktohet nga virusi i ashtuquajtur HIV. Ky virus e dobëson sistemin mbrojtës të organizmit, rezistenca e të cilit bie në atë shkallë sa që të mos mund t`i përballojë sëmundjeve infektive dhe sëmundjeve të tjera. Ende nuk ekziston vaksinë kundër kësaj sëmundje dhe tretmanet aktuale nuk e eliminojnë krejtësisht virusin e sidës. Ta parandalosh këtë sëmundje është e vetmja mënyrë për t'u mbrojtur nga infektimi me virusin e sidës.

Si bartet virusi i sidës?
- Bartja bëhet me anë të marrëdhënieve seksuale të pa mbrojtura (vaginale, anale ose orale- me anë të gojës) me personin i cili është bartës i virusit HIV (i infektuar).
- Nëpërmjet shiringave dhe gjilpërave të kontaminuara me ketë virus, nga personi i infektuar.
- Gjatë shtatzënisë dhe dhënjes gji foshnjës prej nënës së infektuar në foshnje.
- Përmes transfuzionit të gjakut të personave të infektuar.

Si mund të mbrohemi nga ky infektim?
T'i përmbahemi rregullave të seksit të sigurtë:
- Të përdoret prezervativi gjatë marrëdhënieve seksuale me penetracion vaginal apo anal.
- Gjatë menstruacioneve nuk duhet pasur marrëdhënie seksuale orale.
- Nuk duhet gëlltit spermën gjatë seksit oral (me gojë) dhe s'duhet mbajtë spermen në gojë.
- Personat të cilët marrin drogat me gjilpëra, kurrsesi nuk duhet të përdorin gjilpëra të pa sterilizuara.

Me rëndësi:
Nuk është e mjaftueshme që personi me të cilin keni pasur marrëdhënie seksuale të pambrojtura të jetë i pastër, i veshur mirë, i kujdesshëm dhe i sjellshëm - kjo nuk mbron nga sida.

Si mund ta vërtetojmë a jemi të infektuar me virusin e sida-së?
Në bazë të testit. Testi bëhet në mënyrë vullnetare, 3 muaj pas marrëdhënies së fundit të pambrojtur. Qendrat e ndryshme ofrojnë teste anonime. Testi mund të bëhet nga mjeku - mjekja, në këshillimore për siden, në spitale dhe në qendrat për planifikimin familjar.
Tani ekziston një test me rezultat të shpejtë. Këtë test duhet bërë 3 muaj pas marrëdhënies së fundit seksuale të pa mbrojtur apo jo të mbrojtur si duhet. Çmimi për këtë test është prej 30-90 franga. Testi anonim paguhet nga ju, të tjerat merren përsipër nga sigurimi shëndetësor.

Prezervativi femëror dhe mashkullor mbron nga virusi i sidës dhe nga infeksionet që barten nëpërmjet marrëdhënies seksuale.

(Prezervativi vehet para se të futet penisi në vaginë (para penetracionit). Paketimi i prezervativit hapet me kujdes duke pasur parasysh që të mos dëmtohet me thonjë apo mjete të mprehta. Para se ta vini prezervativin, shtyjeni lëkurën e penisit nga pjesa e përparme mbrapa. Vendoseni prezervativin mbi kokën e penisit duke e ndrydhur rezervarin me gishtin e madh dhe gishtin tregues. Nuk duhet të mbetet ajër në prezervativ. Vendoseni prezervativin në drejtimin e duhur, dmth. të mbetet rrethi jashtë në mënyrë që të mund ta hapni atë gjatë gjithë gjatësisë së penisit. Perdoreni një lubrifiant pa vaj i cili përdoret në këto raste. Mos përdorni kurrë produkte sikur p.sh. vaje për masazhe, vezelinë apo pomada për trup. Prezervativi nuk duhet të rrëshqasë. Kur të tërhiqeni, mbajeni shtrëngueshëm në bazë (fund). Mos e ruani prezervativin në vend të nxehtë, në diell apo në kuletën tuaj. Pasi ta përdorni, hedheni në mbeturina e çdo herë përdoreni një prezervativ tjetër.)

[LaDy_Diaspora]

61% të grave bartëse të virusit HIV/AIDS janë të infektuara nga burrat e tyre! http://www.albinfo.ch/files/imagecache/image_article/Couple_400.jpg

Me rastin e Ditës Botërore kundër SIDA/AIDS, është trajtuar edhe çështja e Sidës dhe çiftit. Sipas gazetës “24 Heures” „më shumë se gjysma e grave me HIV/AIDS janë të infektuara nga partnerët e tyre të rregullt“.

Ky lajm shqetësues tregon se 61 % e grave kanë deklaruar së janë infektuar nga burrat e tyre (në rast martese), ose nga partneri i tyre i rregullt. Ky vëzhgim është kryer nga Enti Federal i Shëndetësisë Publike dhe përfshinë periudhën 2005-2006.

Kryetari i shoqatës SID’Action, Diego Lindlau, shpreh shqetësimin e tij, duke konstatuar se „është mjaft alarmuese kur mendojmë që këto shifra vazhdojnë të jenë aktuale dhe se infektimi në çift mbetet i rëndësishëm“.

Gjatë hetimeve tona, mësojmë se kjo sëmundje vazhdon të bëjë kërdi. Sipas të dhënave zyrtare të prezantuara nga shoqatat përkatëse, në Zvicër, afro 750 persona infektohen nga virusi i HIV për çdo vit, ose dy persona në ditë mësojnë të janë seropozitivë. Mosha më e prekur është nga 30 deri në 45 vjeç. Kurse nënvizohet se çdo i katërti person nuk i duron medikamentet përkatëse për shërim.

Aktualisht në Zvicër, 25ooo veta janë bartës të virusit HIV/AIDS, gjë që dëshmon se lufta për neutralizimin e tij nuk ka përfunduar.

[dr.Dugi]

Grupet me te rrezikuara nga HIV-i jane Homoseksualet e biseksualet me 70% me pas vin heteroseksualet, permes transfuzionit te gjakut dhe nepermjet placentes( pra nga nena tek fryti) qe ende nuk dihet se si