Përurohen 38 km e para të autostradës Vermicë-Mërdar

[Llapi]

Përurohen 38 km e para të autostradës Vermicë-Mërdar

http://www.botasot.info/img/f440_autostrada_1.jpg


Publikuar: E shtune 12 Nëntore 2011, 5:45
Në Vërmicë u zhvillua ceremonia e përurimit të 38 kilometrave të para të autostradës, Vermicë-Merdarë, me pjesëmarrjen e presidentes Atifete Jahjaga, kryeministrit Hashim Thaçi, , kryeparlamentarit Jakup Krasniqi shefit të qeverisë shqiptare Sali Berisha, kongresmenit amerikan, Eliot Engel, ambasadorit amerikan Kristofer Dell, zyrtarëve të tjerë si dhe të shumë qytetarëve. Prerjen e shiriti e bën presidentja e Kosovës, Atiefete Jahjaga, kryeministri Hashim Thaçi, kryeministri i Shqipërisë, Sali Berisha dhe kongresisti amerikan Eliot Engel.
Presidentja e Kosovës, Atifete Jahjaga, ka thënë se sot po tejkalojmë barrierat e fundit që penguan lëvizjen e lirë mes qytetarëve për të qenë bashkë si të gjithë popujt që kanë vlerat evropiane dhe që ndërtojnë urat e bashkëpunimit. “Përurimi i kilometrave të parë në territorin e Republikës së Kosovës të Rrugës së Kombit, të ndërtuar me standarde dhe parametra modern është fillimi i një vepre të dëshiruar dhe të pritur shumë gjatë, që Kosova dhe Shqipëria po e realizojnë sot. Po i shkurtojmë distancën dhe po e lehtësojmë komunikimin mes nesh, po i krijojmë rrethanat që të zhvillohen dhe të përparojnë më shpejt për t’u bërë pjesë e familjes së madhe të popujve evropian”, ka thënë Jahjaga.
Kryeministri i Kosovës, Hashim Thaçi deklaroi se ndërtimi i autostradës është një investim strategjik për zhvillimin e Kosovës. Thaçi theksoi se “projekti për ndërtimin e autostradës ndan epokat, është projekti i shekullit të ri, të lirisë, pavarësisë dhe integrimit. Ky projekt hap kufijtë dhe i demokratizon ata". Thaçi e cilësoi autostradën “Ibrahim Rugova” si projektin më të madh dhe më modern në historinë e vendit. Sipas tij, Rruga e Kombit është civilizim dhe emancipim që ndan botën e re nga e vjetra. "Ka kaluar një dekadë që kur kemi kaluar mbi tela me gjemba e kufij të ndarë dhe për këtë ditë që shohim sot është bërë luftë e gjatë, por sot ëndrra po bëhet realitet. Kjo është autostrada e jetës së re dhe e qytetarëve që hap kufijtë dhe thyhen barrierat e së shkuarës, duke hapur një horizont më shumë për qytetarët”, u shpreh Thaçi.
Kryeministri i Shqipërisë, Sali Berisha, ka folur për rëndësinë e autostradës e cila bashkon edhe më shumë Kosovën dhe Shqipërinë, duke realizuar në këtë mënyrë një ëndërr historike të brezave me radhë.

“Kjo është një punë me domethënie të madhe. Shënon një agim të vërtetë politik, ekonomik, social për Kosovën, është rruga me të cilën Republika e Kosovës kontribuon për paqen, stabilitetin, bashkëpunimin dhe integrimin rajonal, është rruga me të cilën Republika e Kosovës investon në të ardhmen e shkëlqyer evropiane qytetarëve të saj, është rruga e zhvillimit të shpejtë të Kosovës”, ka thënë Berisha. Kongresisti amerikan Eliot Engel, pasi që ka uruar popullin e Kosovës për autostradën e re, ka thënë se kjo është një ditë e shumë e rëndësishme, pasi që Kosova tash është më pranë Evropës.
Ambasadori amerikan Kristofer Dell ka thënë se përurimi i këtij segmenti rrugor është edhe një hap tjetër drejt ëndrrës së ish-presidentit të Kosovës, Ibrahim Rugovës, emrin e të cilit mban kjo autostradë. “Kur e shohim këtë punë në këtë pjesë të kryer brenda 18 muajve është me të vërtetë një çast i rëndësishëm dhe shpresoj se përderisa kjo rrugë është ndërtuar me standarde evropiane do të më lejoni të ndjej pak krenari amerikane, sepse kemi ndihmuar që të kryhet kjo punë në kohë”, ka thënë Dell.
Vlera e saj mësohet të jetë në 331 milionë euro. Me një gjerësi prej 28 metrash segmenti fillon në pikën kufitare të Vërmicës që lidh Kosoven me Shqiperinë dhe daljen e ka në Sllapuzhan të Suharekës, aty ku dhe lidhet me rrugen ekzistuese Prizren- Prishtinë.

[Llapi]

http://www.kryeministri-ks.net/repository/images/12.11.2011-ZKM-012_v.jpg%3C/u%3E%3Cu%3E
http://www.kryeministri-ks.net/repository/images/12.11.2011-ZKM-06_v.jpg

[Llapi]

Autostrada Vërmicë-Merdarë, projekti më i madh dhe më modern ndërtimor në historinë e Kosovës – thekson kryeministri Thaçi

12 nëntor 2011

Fjalimi i Kryeministrit të Republikës së Kosovës, Hashim Thaçi, me rastin e inaugurimit të 38 kilometrave të parë të Autostradës Vërmicë-Prishtinë-Merdarë

E nderuara presidente e Kosovës, zonja Jahjaga,
I nderuar kryeministër i Shqipërisë, z. Berisha,
I nderuari dhe i respektuari kongresmen, miku i madh i Kosovës, z. Engël,
I nderuari ambasador i SHBA-ve, z. Dell
Ambasadorë të nderuar,
Të nderuar përfaqësues të Konsorciumit Bektell - Enka
Të nderuar qytetarë të Republikës së Kosovës,
Zonja dhe zotërinj,

Kam nderin dhe kënaqësinë që në emër të Qeverisë së Republikës së Kosovës dhe në emerin tim t’ju drejtohem me rastin e inaugurimit të përfundimit të punimeve të 38 kilometrave të para të autosdratës Vërmicë-Merdarë.

Fillimisht dëshiroj të përkujtoj atë që e kam theksuar me rastin e nisjes së punimeve: se kjo rrugë ka rëndësi të veçantë jo vetëm për qytetarët e Kosovës, për shtetin e Kosovës dhe për Shqipërinë, por edhe për gjithë rajonin.

Prandaj, më lejoni të shpreh admirimin dhe respektin e lartë për punën madhështore që është bërë për vazhdimin e kilometrave të para të Rrugës së Kombit në Kosovë, që me krenari mban emrin e presidentit Ibrahim Rugova.

Kjo Autostradë paraqet projektin më madhor në historinë e Kosovës, një investim strategjik për zhvillimin infrastrukturor dhe ekonomik të vendit.

Është një projekt integrues, që Kosovës dhe qytetarëve të saj do t’u ofrojë mundësitë më të mira për lëvizjen e lirë të njerëzve dhe kapitalit.

Me këtë rast, në emër të Qeverisë së Republikës së Kosovës shpreh falënderim të veçantë për përfaqësuesit e Kompanisë ndërtuese Bektell – Enka.

Keni bërë një punë madhore dhe vepra juaj është tani pjesë e historisë së Kosovës.

Zonja dhe zotërinj,
Të dashur qytetarë të Republikës së Kosovës,

Ka kaluar një dekadë që kur kemi lënë mbrapa nesh telat me gjemba, kufijtë e frikshëm, kalimet e ndaluara dhe dëbimet e dhunshme.

Lamë mbrapa historinë e padrejtë: Kufijtë që ndanin.

Pra, për këtë ditë është bërë luftë e drejtë dhe çlirimtare.

Për këtë ditë janë çarë shkëmbinj e shembur bjeshkë.

Vetëm që njëherë e përgjithmonë prapa nesh të mbesin robëria dhe izolimi.

Pa lirinë e Kosovës ky projekt nuk do të jetësohej.

Sot ëndrra po e bëhet realitet.

Prandaj, të gjithë i gëzohemi natyrshëm kësaj autostrade, ashtu si i gëzohemi lirisë dhe pavarësisë së Kosovës.

Përmes saj do të përpiqemi ta zëmë kohën e humbur dhe ta korrigjojmë padrejtësinë dhe prapambetjen shekullore.

Kjo është autostradë e humanizimit të natyrës sonë.

Kjo është Autostrada e jetës së re.

Autostradë në shërbim të qytetarëve.

Në të do të qarkullojnë bashkëkombasit tanë, qytetarët e rajonit dhe të botës, bashkatdhetarët tanë.

Në të do të lëvizin lirshëm njerëzit për t’i përmbushur funksionet e jetës, në përpjekje për ta ngritur dhe ndërtuar ëndrrën e lumturisë njerëzore dhe familjare.

Në të do të lëvizin punëtorë e studentë, të rinj e të reja, biznesmenë e profesionistë të tjerë, farmerë, familjarë e turistë në kërkim të ëndrrës dhe synimit të tyre - suksesit, progresit dhe mirëqenies.

Zonja dhe zotërinj,

Ky është projekti i Kosovës së re. I Kosovës Evropiane.

Projekti më i madh dhe më modern ndërtimor në historinë e Kosovës.

Projekti i vullnetit të qytetarëve dhe vizionit politik të shtetit tonë.

Ky projekt është civilizim dhe emancipim, që ndanë përjetësisht epokat, botën e re nga e vjetra.

Është projekt i shekullit të ri, i lirisë, pavarësisë dhe intergrimit.

Projekt i gjeneratës dhe mentalitit të ri mirëqeverisës.

Është projekti i evropianëve të rinj.

Projekt që hap dhe demokratizon kufij – që thyen barrierat e së kaluarës, dhe hap horizontin e së ardhmes.

Kjo është autostrada më moderne në rajon.

Punimet e këtij segmenti janë mbyllë me afat rekord.

Zonja dhe zotërinj,
Të nderuar qytetarë të Kosovës,

38 kilometërshi i Autostradës, Kosovën e gjen shtet të njohur nga 85 vende të botës.

Kosova e pavarur dhe demokratike ka perspektivë të qartë dhe po hyn e sigurt në etapën e modernizimit.

Ne që kemi besuar në projektin madhor të çlirimit të Kosovës dhe të pavarësisë së saj, do të jemi këmbëngulës edhe në realizimin e projektit të tretë madhor, atë të integrimit të Kosovës në institucionet euroatlantike.

Urime dhe e gëzofshim Autostradën e re.

[panta_rhei]

38 km, 330 milion euro. Ne kikerr te rrafshit.
Me dollare amerikan i bjen 38 km, gjysme miliarde dollare.

[Hajra]

.....urime urime, ishalla te pakten deri sa te kryhet edhe pjesa tjeter nuk fillon kjo qe u kry me u prish, http://www.dardania.de/vb/upload/images/icons/icon10.gif

[MemphiSx]

Afer 10 milion euro 1 kilometer...e tmerrshme!

[Llapi]

Afer 10 milion euro 1 kilometer...e tmerrshme!
38 km, 330 milion euro. Ne kikerr te rrafshit.
Me dollare amerikan i bjen 38 km, gjysme miliarde dollare.

e dim e dim mier qe juve disave sot u ka dal flaka nga inati e merzija po gajret more burreca te vegjel se kini me perjetue qaste edhe ma te veshtira sa te jet Hashimi gjall ka me ju pervlue zemrat juve me me punen qe po e ben ai per popullin e vet e ju shkoni te hogja siq tha Bajram Rexhepi e shkruene nga ni hajmali se kini meu tranue e skini qka me ba

[MemphiSx]

Hahahahahh Lapce,jo jo kesh e pashe me sy...edhe u knaqa se Po behet Realitet ideja e Presidentit Rugova!

E ato cka i keni vjedh per fyti kan me ju dal,qysh po ju dalin!

Pse ske Lima more,ani i shkreti vet e ka nis kit rruge :(

[e_martumja]

Hahahahahh Lapce,jo jo kesh e pashe me sy...edhe u knaqa se Po behet Realitet ideja e Presidentit Rugova!

E ato cka i keni vjedh per fyti kan me ju dal,qysh po ju dalin!

Pse ske Lima more,ani i shkreti vet e ka nis kit rruge :(
E kan mbyll me nje dhome 4 qyshe se mos po tregon se ka kushtu ne realitet :biggrin:



Vallah shume bukur bash me ka knaq zemren dhe disi syte mu mbushen lote kur e ndegjova Salin Berisha pak tani ma prishi Thaqi por qka me bo e ndegjova edhe ato :biggrin: Ishallah veq vazhdon mjaft mo ti tregojme evropes dhe tjerave Kontinenteve se kush Jane Shqiptart, I kemi nderrtu shtetet tjera tani ka ardhe koha me Ndertu Shtetin tone qe me shume vite kemi kerku dhe kemi dhone shume sakrifica per to. Lavdi per te gjithe atyre qe dhane jeten per lirin e Kosoves.

[AlbaSoft]

Shekulli 21 merremi me Autostrada Japonia per 6 dit pas termetit i ndertoj gjitha rruget qe prishi termeti dhe se beri kaq te madhe.. plus kesaj Emrin nuk u desht me ja len Ibrahim Rugova po u desht Adem Jashari se ai i shtroi pavarsin kosoves dhe bashkoi shqiptaret.

[Llapi]

Hahahahahh Lapce,jo jo kesh e pashe me sy...edhe u knaqa se Po behet Realitet ideja e Presidentit Rugova!

E ato cka i keni vjedh per fyti kan me ju dal,qysh po ju dalin!

Pse ske Lima more,ani i shkreti vet e ka nis kit rruge :(
mos e lashin Limen keta te euleshit ken shoket e Limes qe te gjith
tek Çlirimtaret nuk ka gjelozi si te ju pacifitat o bal

[Kercovari]

Politika dallon luftëtarin nga vizionari,dhe nuk është gabuar këtë herë të quhet Autostrada Ibrahim Rugova,bile këtu nuk duhet të mbaroj ky emër.Adem Jashari i ka meritat e veta të luftës,por një projkti kaq madhor padyshim se i takon të e prij një emër i madhe si Ibrahim Rugova.E drejta eshtë dhe duhet të merret si e drejte dhe nuk mundemi dhe nuk duhet të nëpërkëmbet,teke e fundit të dy jan shqiptarë.
Unë lexoj këtu shifra çmimi të projektit,dhe sa di une i gjithë projekti kushton aq e jo vetëm këto 38 km rrugë...apo gabohem?

[Kercovari]

Emertimi i Autostrades me Emer personi thjesht ka qen i gabuar.
Vertet dallon Luftetari me Vizionarin /lEnderruesin.
Pa luftetarin Enderruesi kishte par Enderr sikurse Gomari qe e shifte Barin ne Enderr por ne funde cofi pa e shijuar at.
Rrugët jan vizione paqe sa edhe vetë Dr.Ibrahim Rrugova.Unë çmoj mendimin e çdo kujt por,të bëjsh luftë mbylle çdo rrugë edhe pse vertet ishte e nevojshme lufta jone.Ne të gjithë endëroj m kot o Shpat i nderuar,edhe Enveri e pa endërrin me te keqe per vete,megjithate,ka ndonjë meritë edhe ai me sado ne të shtremberojme gjerat per hater te politikes ditore..

[Shpati]

Rrugët jan vizione paqe sa edhe vetë Dr.Ibrahim Rrugova.Unë çmoj mendimin e çdo kujt por,të bëjsh luftë mbylle çdo rrugë edhe pse vertet ishte e nevojshme lufta jone.Ne të gjithë endëroj m kot o Shpat i nderuar,edhe Enveri e pa endërrin me te keqe per vete,megjithate,ka ndonjë meritë edhe ai me sado ne të shtremberojme gjerat per hater te politikes ditore..

Ti qmon mendimin e qdo kujt e une jo.
Nuk qmoj mendime te mbrapshta, vendime te mbrpashta , veprime te mbrapshta.
Ne funde te fundit edhe ne qofte se nuk pergigjet ,secili eshte pergjegjes per ate qe ben.

[Arb]

Urime Rrugen e Kombit!

[Oqeani]

Afer 10 milion euro 1 kilometer...e tmerrshme!


Me lire se falë !!!! Ne ne perendim 1 km, kushtion 20 mil.... E ne KS.... duht se paku te kushtojë 30 mil .... ( dihet perse, por nejse - perhajr ) !!!!

[uck_aksh]

qdo sen qe po ndertohet patjeter duhet mu emertu me ndonje emer te politikani athua edhe wc publike kur te ndertohen do te emrohen keshtu

[MemphiSx]

qdo sen qe po ndertohet patjeter duhet mu emertu me ndonje emer te politikani athua edhe wc publike kur te ndertohen do te emrohen keshtu

E per wc-t e kem hashimin :D mes ta nin :D qito ne Prishtine se po i marojm kem me ja ngjit emnin e Hashimit :D

[panta_rhei]

rruga e nje kombi qe mbet rrugeve.

[Makresh]

Kjo o fyese per Ibrahim Rugoven. Paramendoni, perdit, turli far njeri shkel permi to tashti.

[panta_rhei]

Kjo o fyese per Ibrahim Rugoven. Paramendoni, perdit, turli far njeri shkel permi to tashti.

Ky eshte fati i njerezve te medhenje, Maki, paramendo sa majmuni e dilingjia bjen shahadet. Veq paramendo.

[Makresh]

Ky eshte fati i njerezve te medhenje, Maki, paramendo sa majmuni e dilingjia bjen shahadet. Veq paramendo.

Allahu i udhezoft bre panta, s'ke qa ju bon.

[tipi engjellor]

mire kane punu po njeher u ndaluna punimet e ishalla se qojne fort larg ja nisin punimeve perseri se larg jane ....

[Llapi]

E per wc-t e kem hashimin :D mes ta nin :D qito ne Prishtine se po i marojm kem me ja ngjit emnin e Hashimit :D
jo valla mos te ardht merzi Hashimi po e nderton ket autostrad dhe Hashimio ja la emrin ibrahim rugovna dhe dihet mier se sa WWC do te ndertohen ne ket autostrad
haaaaaaaa po emen te mier i ka lan autostrades Kryeçlirimtari i Kosoves be hallall i qoft
o si shkon kurgju per dije jo Hashimit

[Llapi]

http://www.lajmeshqip.com/wp-content/uploads/2011/11/Autostrada_Vermice-Merdare-dyzetkm-911-LQ.jpg




http://kosova.info/wp-content/uploads/2011/04/thaqi1-300x200.jpg

[Llapi]

http://www.infoglobi.com/images/uploads/files/07.6.2011-ZKM-15.jpghttp://www.aliahmeti.org/foto/892a6ffe-9839-453d-a8f4-c13ba1d2bf44.jpg

[Llapi]

http://www.gazetaexpress.com/repository/images/large/C_214821_thumb_large.JPGhttp://www.gazeta55.al/fotolajm/38132kosove.jpg

[Llapi]

http://knninfo.com/repository/images/12_G_pol_autostrada.jpg

[tipi engjellor]

http://knninfo.com/repository/images/12_G_pol_autostrada.jpg

hahahahah hej keta qe jetojne krjet jasht shteti thojn kah u ndertu more kjo rruge keshtu se bukur po duket...

[Kaqanikasja]

Shqipetaret kurr sket te knaqun me asgje...

Bashkimi me Shqiperine ska ndryshe urime rruga e Kombit

[jadore]

Shqipetaret kurr sket te knaqun me asgje...

Bashkimi me Shqiperine ska ndryshe urime rruga e Kombit

nima, perhajr Kaqanikase ..per qjef ishim dal me fatu po sna ka lone cent ne xhep Hasha

[tipi engjellor]

nima, perhajr Kaqanikase ..per qjef ishim dal me fatu po sna ka lone cent ne xhep Hasha

po thu qe Haraqija i juv ju ka la pare a hahahahha