Kryetarët e PDK-së

[Zero Cool]

Çfarë po ndodhë me kryetarët e komunave, natyrisht të zgjedhur nga populli, anëtarë të PDK-së ? Njëri po vozitë shpejt e po i mbytë njerëzit e pafajshëm skaj rrugës kurse tjetri po mbanë armë pa leje.

Keni ndonjë koment ju për këtë ?


Gjykata Supreme ia konfirmon dënimin Xhabir Zharkut

Prishtinë, 8 maj 2012 - Gjykata Supreme e Kosovës ka vërtetuar aktgjykimin e shkallës së parë kundër kryetarit të Komunës së Kaçanikut Xhabir Zharku. Ai do të vuajë tre vjet burgim për veprën penale të detyrimit. Si pasojë edhe kjo komunë pritet që brenda 45 ditësh të shkojë në zgjedhje të parakohshme, raporton Koha.
Zharku nuk ka thënë nëse do të paraqesë dorëheqjen, porse dënimin e tij e ka quajtur të motivuar politikisht.
Supremja ka vërtetuar aktgjykimin edhe kundër Besnik Hasanit dhe Nysret Cenës, të dënuar me nga një vit burgim.
Zharku dhe Arsim Kloshi janë dënuar edhe për armëmbajtje pa leje, për çka do të paguajnë gjobë 1500 eurosh.



Bajrush Xhemajli jep dorëheqje


Publikuar: 20.03.2012 - 13:18
Prishtinë, 20 mars - (E plotësuar) Në ditën kur Gjykata Supreme e Kosovës e ka bërë të plotfuqishëm vendimin sipas të cilit kryetari i Ferizajit, Bajrush Xhemajli, do të vuaj dënimin prej 2 vjet e gjysmë, ai ka dhënë dorëheqje nga posti i të parit të komunës, raporton Zëri.
Sipas gazetës, nuk dihet dita në të cilën Xhemajli do të dërgohet për të vuajtur dënimin.
Ferizaji shkon në zgjedhje të jashtëzakonshme, pasi Gjykata Supreme ka fuqizuar aktvendimin e Gjykatës së Qarkut, e cila e kishte dënuar kryetarin e Ferizajt, Bajrush Xhemajli, me 2 vjet e gjysmë burgim. Në aktvendimin e Supremes, thuhet se vërtetohet aktvendimin i Shkallës së Parë, ndërsa janë hedhur poshtë ankesat e palës së dëmtuar dhe të mbrojtjes së Bajrush Xhemajlit. Kryetari i Gjykatës Supreme, Fejzullah Hasani, ka thënë se Xhemajli do të vuajë dënimin me burgim, ngase është gjetur fajtor në të gjitha pikat e aktvendimit të Gjykatës së Qarkut dhe që nga nesër duhet ta lërë karrigen e të parit të Komunës së Ferizajt, njofton KTV-ja.
Ligji i vetëqeverisjes lokale, neni 56 paragrafi g dhe h, qartëson se mandati i kryetarit të komunës merret në rast të vendimit përfundimtar të gjyqit, që e privon kryetarin e komunës nga cilësia juridike, dhe në rast të dënimit për vepër penale me një urdhër për burgim për gjashtë muaj, ose më tepër.
Xhemajli u dënua me 2 vjet e gjysmë burgim nga Gjykata e Qarkut në Prishtinë, për aksidentin në të cilin vdiq një i ri. Ai u gjet fajtor për thyerjen e rregullave të komunikacionit që patën si pasojë vdekjen e një personi. Atij i është ndaluar ngasja e veturës për 3 vjet.

[Arb]

Nuk qendrojne me mire punet as me Kryetaret e tjere te Komunave te Kosoves.

Thjeshte, dallojne vetem nga fuqia politike qe kane ne partine e tyre, dhe guximin qe kane per te shkerdhyer buxhetin e Komunes, dhe ato qe marrin nga pushteti qendror.

Ne cdo sfere te jetes, Kosoven e ka mbuluar nje krize e cmendur morale, qe nga njeriu i thjeshte e deri te zyrtari me i larte Shteteror.

[Neferta]

Mos marresh ne thua se bie ne koke
Xhabir Zharku denoncohet nga dhëndrri
Ish-kryetari i Kaçanikut, Xhabir Zharku, i denuar me tre vjet burgim nga gjykatësit e EUKEX-it për kryejen e veprës penale të posedimit të paligjshëm të armës, tani akuzohet nga një qytetar për një mori krimesh të tjera.
Besnik Lajqi, burr i motrës së Xhabir Zharkut, i cili jeton në Danimarkë, ka ngritur kallzim penal në EULEX duke u bazuar në vepra penale që i ka kryer Xhabir Zharku.
Lajqi e denoncon Xhabir Zharkun, për këto akuza: vepra penale kundër të drejtës ndërkombëtare, vepra penale kundër siguris së përgjithshme të njerzve dhe të pasurisë, vepra penale kundër martesës dhe familjes, krime kundër njerzimit, përgjegjësia e komandës dhe terrorizëm.
Mirëpo, këto akuza i ka hedhur poshtë Xhabir Zharku, i cili ka thënë përmes telefonit për Indeksonline.net, se këto nuk janë të vërteta dhe e tëra kjo është vetëm një hakmarrje për arsye familjare. (me gjeresisht indeksonline)

[lirik]

kush jan pdk istat dhe ldk istat u pa fytyra e tyre dhe e partive tjera ne kosove

[valiii]

HASHIM SULLTANI :rolleyes:

[Dardanesha]

HASHIM SULLTANI :rolleyes:


O i ka hije bre badihava nime sulltan eshte :tongue:

[Guri i madh]

nuk ka nji zyrtar i PDKes qe nuk ka dosje kriminale ktyre duhet saqin mbi kok me ja u vnue ket mjerim populli nuk do ta duroj gjat

[Gjumashja]

lule mbesin keta me i shpalose dosjet edhe te tjera partive

[Zero Cool]

PDK-ja ia vodhi Limajt paratë e fondit për mbrojtje?!


Prishtinë, 22.09.2012

Sfondi i përplasjes së Fatmir Limajt kundër Hashim Thaçit nuk e ka gjenezën vetëm në kundërshtimin e ideve dhe pikëpamjeve brenda PDK-së.

Në pamje të parë duket kështu ky dyluftim për eliminim nga skena politike, por në thellësi është shumë kompleks. Përveç se Fatmir Limaj ka mbetur pa karrige ministri, tash po del se dikush ja paska vjedhur edhe paratë që u dhanë për mbrojtjen e tij. Gishti po drejtohet te oponentët e Limajt që janë brenda PDK-së. E që gëzojnë poste të larta në qeveri.

Ditëve të fundit kuluareve të politikës në Prishtinë po shtrohet pyetja e madhe, se çfarë ndodhi me fondin për mbrojtjen e Fatmir Limajt të themeluar nga PDK-ja në maj 2010?

Askush deri më sot s’ka dhënë ndonjë vendim zyrtar se ky fond është mbyllur, apo vërtetë ka qenë fiktiv, apo vazhdon të jetë i hapur ku simpatizantët vazhdojnë të kontribuojnë financiarisht.

Ditëve të fundit, jo publikisht, dikush nga PDK-istët është dëgjuar të ketë thënë se po një kastë e ngushtë e bashkëpartiakëve PDK-istë i ka vjedhur paratë e fondit për mbrojtjen e Fatmir Limajt.

[Dardanesha]

Djalo rri rahat pot them mos ma perqaj PDK ti mu, mos me shkep dezinformata qaq :biggrin::tongue:

[Gjumashja]

Djalo rri rahat pot them mos ma perqaj PDK ti mu, mos me shkep dezinformata qaq :biggrin::tongue:

hajt qiko perderisa flitet e po perflitet per ta i kane punet mas miri, qe apo flitet per ato qyqet tjera hahaha dmth kerrsh jone

[Dardanesha]

hajt qiko perderisa flitet e po perflitet per ta i kane punet mas miri, qe apo flitet per ato qyqet tjera hahaha dmth kerrsh jone


:biggrin::biggrin::biggrin:

[Guri i madh]

Epilogu i PDK-së me konflikte



http://images.botasot.info/uploads/largea_pdk-271348765074.jpg
Pritet epilog me konflikte, e ndoshta edhe me shkëputje të ndonjë grupimi nga PDK-ja. Do ketë të pakënaqur që pas procesit zgjedhor do dalin publikisht të flasin në media për keqpërdorimet e disa zyrtarëve të PDK-së, ose për krimet e kryera pas luftës.
Jakup Krasniqi, Hashim Thaçi, Fatmir Limaj, Hajredin Kuçi, Rrustem Mustafa, Bajram Rexhepi, janë pjesë e komisionit që po përgatisin zgjedhjet e brendshme të PDK-së. Në pamje të parë ky kompozim duket i ndarë në dy grupime, për mënyrën se si do mbahen zgjedhjet në PDK, bazuar në pikëpamjet e ndryshme që kanë Limaj, Krasniqi, Mustafa, e në anën tjetër grupimi: Hashim Thaçi me dy vartësit e tij Hajredin Kuçi, e Bajram Rexhepi. Këta të fundin synojnë që procesi zgjedhor në PDK të zhvillohet “shkel e shko” me emërime nga qendra tek degët e nëndegët e partisë. E kështu për ta mbajtur të uzurpuar partinë. Ndërsa, Fatmir Limaj e Jakup Krasniqi insistojnë që votimi në zgjedhjet e PDK-së të bëhet “një anëtar, një votë”, të bëhen ndryshime statutare, të riorganizohet në tërësi PDK-ja në terren. Të përzgjidhet më të mirët dhe të eliminohen ata me vota të vjedhura erdhën në pushtet e në qeveri, e ata parazitë që kanë gjet strehë në PDK.

[Gjumashja]

cila parti e paska radhen me u gjujt me karrige ldk jane bo llom veq mos aak apo tjerat, se edhe para disa kohe qeshtu thoshin t'ldk-se e mandej kerrsh u bonen mes vete :biggrin:

[Dardanesha]

JU lus Hashimin e PDK-ne mos ma ngucni, se ju preke nana ne te ftofte :biggrin:

[Zero Cool]

Çfarë po ndodhë me kryetarët e komunave, natyrisht të zgjedhur nga populli, anëtarë të PDK-së ? Njëri po vozitë shpejt e po i mbytë njerëzit e pafajshëm skaj rrugës kurse tjetri po mbanë armë pa leje.

Keni ndonjë koment ju për këtë ?





EULEX ngre aktakuzë kundër kryetarit të komunës së Prizrenit


Prishtinë, 27.02.2013
Një prokuror i EULEX-it ka ngritur aktakuzë për korrupsion në Gjykatën Themelore të Prizrenit kundër Kryetarit të Komunës së Prizrenit, Ramadan Muja dhe pesë zyrtarëve tjerë të Komunës së Prizrenit.Kështu ka njoftuar misioni evropian për sundimin e ligjit përmes një komunikate.

"Prokurori i ka ngritur akuzat kundër të pandehurve Ramadan Muja, Sadik Paçarizi, Avni Ademaj, Kadri Ukimeri, Abdullah Tejeci dhe Minir Krasniqi".

"Ramadan Muja akuzohet në katër pika të aktakuzës për keqpërdorim të pozitës zyrtare ose autoritetit. Minir Krasniqi akuzohet në dy pika të aktakuzës për keqpërdorim të pozitës zyrtare ose autoritetit. Kadri Ukimeri, Avni Ademaj, Sadik Paçarizi dhe Abdullah Tejeci akuzohen secili në një pikë të aktakuzës për keqpërdorim të pozitës zyrtare ose autoritetit".

Rasti përfshin pretendime për shfrytëzimin dhe përfitimin e kundërligjshëm nga toka që i takon Komunës së Prizrenit dhe vepra të tjera që kanë rezultuar me shkeljen e rëndë të drejtave të një numri të paditësve në konteste civile, thuhet në komunikatë.

[Zeqiri]

hashimi asht trim imadh ai nuktutet prej serbije eprej dacicit ai jau ftofe hiq moskini dert sebahet mire hashim thaci trim mbitrima eka ba kosoven shtet ma tfortin nballkan

[premium]

Oj Kasove oj nana imeee...

gjithqka oash ka e shku mire ne Kasoven e lire
lirine e Kosoves kane shiju harramet e qeverise , por nuk kan mendu se ajo dite dote vjen e gjithat kane me mbet ne fyt.

Shih sa lajmi i mire na erdhe nga Eulexi , por inshAllah eshte reale nese e arestojne kete mikrob Mujo .
Njerit nje meter e nje zhilet me ra ndermen me kriju gjeth ate kapital .

Ka edhe shume mikrobe ne Kasove per tu pastruar.

[Guri i madh]

kryetaret e PDKes se cili ma kriminel se tjeteri lirisht burgose secilin zyrtar te PDKes pa kurfar para hetimi se 100% ka vepra kriminale veq pyte ne cilen parti je PDK fill lidhe e dergoe ne burg

[Guri i madh]

Pesë kryetarë nga PDK-ja, probleme me ligjin

http://koha.net/repository/images/f1_03kryetar-pdk-jpg1362301174.jpg




Publikuar: 03.03.2013 - 10:05Prishtinë, 3 shkurt - Pesë kryetarët e komunave, anëtarë të PDK-së, kanë probleme me drejtësinë. Disa prej tyre janë dënuar, por asnjëri nuk iu ka “nënshtruar” vendimeve të gjyqësorit. Kjo nga opozita dhe analistët politikë shihet si pushtet i partisë së kryeministrit Thaçi, mbi organet e drejtësisë, shkruan gazeta “Zëri”.

Aktakuza ndaj kryetarit të Komunës së Prizrenit, Ramadan Muja, ka dërguar në pesë numrin e kryetarëve të komunave që vijnë nga PDK-ja, e që kanë probleme me drejtësinë.

Njëri nga prokurorët e Misionit EULEX ka ngritur aktakuzë për korrupsion në gjykatën Themelore të Prizrenit ndaj kryetarit Muja dhe pesë bashkëpunëtorëve të tij. Disa muaj më parë Gjykata e Qarkut në Prishtinë ka shpallur fajtor tashmë ish- kryetarin e Komunës së Kaçanikut, Xhabir Zharku, për vepra korruptive, duke dënuar atë me tri vjet burgim dhe një mijë e pesëqind euro gjobë për armëmbajtje pa leje, shkruan Zëri.

Pak a shumë “fat” të ngjashëm ka pasur edhe ish-kryetari i Ferizajit, Bajrush Xhemajli, i cili kishte shkaktuar një aksident komunikacioni në qytetin e Prishtinës. Nga ky aksident pati humbur jetën i riu Labinot Rrustemi, ndërsa Gjykata pati marrë vendimin që Xhemajli të dënohet më dy vjet e gjysmë burgim.

Probleme me drejtësinë në vend ka edhe Kryetari i Komunës së Skenderajt, Sami Lushtaku, ndaj të cilit është ngritur aktakuzë, meqenëse besohet se ai ka kryer vepër penale të shkeljes së statusit të barabartë të banorëve të Kosovës.

Organet e drejtësisë janë duke u marrë edhe me kryetarin e Komunës së Gjilanit, Qemajl Mustafa, i cili dyshohet se ka bërë shpërdorim të detyrës zyrtare. Ai dyshohet se ka ndikuar në dhënien tenderit për ndërtimin e objektit të ri të Komunës.

Opozita ka vlerësuar se këto janë shembuj se pushteti në Kosovës është i paprekshëm nga drejtësia.

[Kaqanikasja]

hehehe ncncncncn nuk edi spe a thua vetem kryetaret qe i kane PDK-ja jan per tu akuzu e per tu denuar a jo jo se ata tjeret qe kane qen para ktyne kan bo qka skan bo e tash tju ejt faji ketyre po punetorin askush se don ektu se te gjithe kryetaret e komunave qe jane te PDK-se ia kan hapun syte komunave te tyre qe i kan po njerzia jane mesu me pa punetore e puentoret nuk i dojne

[Zero Cool]

Kryetari Mustafa nderohet me titullin “Kryetari më i mirë i Komunës”



Prishtinë, 04.07.2013

Kryetari i Komunës së Prishtinës Isa Mustafa po qëndron për një vizitë në Sarajevë, me ç’rast do të nderohet me titullin ‘Kryetari me i mirë i Komunës’, nga Agjencia e Pavarur Ndërkombëtare për përzgjedhje të menaxherit të vitit për Evropën juglindore dhe Evropën e mesme, njofton Komuna e Prishtinës.

Sot paradite kryetari Mustafa është takuar me kryetarin e Qytetit të Vjetër të Sarajevës Ibrahim Haxhibajriq. Pasi i ka dëshiruar mirëseardhje kryetari Hadzibajriq e ka njoftuar kryetarin Mustafa mbi zhvillimet, projektet por edhe sfidat me të cilat është ballafaquar qyteti i Sarajevës në përgjithësi.

Kryetari Mustafa pasi e ka informuar kryetarin Hadzibajriq, për zhvillimet , investimet në kryeqytet dhe të arriturat në të gjitha fushat, si dhe për organizimin e kryeqytetit në përgjithësi. Të dy kryetarët biseduan për mundësinë e bashkëpunimit në të ardhmen.

[murrizi]

A po e pergadisinn per pushtetin e ardhshem kualicionin LDK-AAK ?.
Po po edhe shpejt bile ;)

[Zero Cool]

Ndahet PDK-ja në Malishevë



Anëtarë të Kryesisë së PDK-së në Malishevë janë tërhequr nga kjo parti duke njoftuar se kanë formuar një subjekt të ri politik të quajtur Iniciativa Qytetare Për Malishevën.

Ndër anëtarët që janë tërhequr është edhe kryesuesi i asamblesë së Malishevës nga radhët e PDK-së Ragib Begaj dhe drejtori i drejtorisë për buxhet dhe financa në këtë komunë Vesel Krasnqi.

“Pas shumë takimeve dhe konsultimeve me intelektualët, veprimtarët, veteranët, rininë dhe qytetarët e Malishevës, kemi marrë vendim që të formojmë Iniciativën Qytetare Për Malishevën Ky vendim buron nga pakënaqësitë e qytetarëve në partitë politike dhe nga koncepti i tyre i cili është largimi i qytetarëve nga vendimmarrja dhe mos funksionimi demokratik i tyre”, thuhet në njoftimin e kësaj iniciative.

Indeskonline mëson se ata që kanë pasur pozita në komunë janë suspenduar nga kryetari Isni Kilaj menjëherë pas bërjes publike të vendimit të tyre. Pakënaqësitë më të mëdha të kësaj dege ishin shfaqur pas publikimit të skandalit “Pronto” ku kryeministri iu referohet me terma ofendues.
“Pakënaqësia dhe zhgënjimi janë të skajshme në qeverisjen lokale e cila qytetarët po i trajton si objekt të administratës dhe të grupit qeverisës në Malishevë. Për të penguar dhe ndaluar të gjitha këto zhvillime negative, për të kthyer dinjitetin e qytetarëve dhe të Malishevës, dinjitet i cili ka kohë që po nëpërkëmbet nga udhëheqësit e partive politike dhe grupe jo formale të cilat janë futur nën petkun e subjekteve politike aktuale e të cilët janë të pa interesuar dhe të pa aftë për të drejtuar dhe udhëhequr me tej vetë subjektet e tyre e aq më pak Komunën e Malishevës e ku qëllimi i tyre i vetëm dhe përfundimtar është akomodimi dhe përfitimi i grupeve të tyre të interesit dhe fare nuk preokupohen për interesat e qytetarëve”, thuhet më tej ne komunikatë.

Pakënaqësitë më të mëdha të kësaj dege ishin shfaqur pas publikimit të skandalit “Pronto” ku kryeministri iu referohet anëtarëve të kësaj dege me terma ofendues.


Indeksonline (http://www.indeksonline.net/?FaqeID=2&LajmID=68160)

[Kaqanikasja]

JU lus Hashimin e PDK-ne mos ma ngucni, se ju preke nana ne te ftofte :biggrin:


te lumte goja bre dardanesh:smile:

[Zero Cool]

Lufta për zhbërjen e PDK-së në Malishevë, Rahovec, Suharekë...e Drenicë



Prishtinë, 28.08.2013 09:11
Jakup Krasniqi dhe Fatmir Limaj aty janë. Iniciativa për partinë e re ponis me fotoportretet e Fatmir Limajt. Ky element nënkupton se kushqëndron pas lëvizjeve të reja që pritet të shkaktojnë termet në PDK.

Mbështetësi i Fatmir Limajt dhe Jakup Krasniqit është njeriu i 10,078votave, përkatësisht Ragip Begaj që në dorë ka marrë stafetën eprotagonizmit për zhbërjen e PDK-së dhe orientimin e elektoratit përkrijimin e partisë së re.

Këto ditë “Iniciativa për Malishevën” ështëshfaqur me fotoportret të Fatmir Limajt, i cili aktualisht nuk e gëzonlirinë e lëvizjes për shkak të procesit gjyqësor nga EULEX. Në terren,jo vetëm në Malishevë janë shfaqur edhe bosët e votave dhe po zhvillojnëluftën për zhbërjen e PDK-së në rajonin e Malishevës, Rahovecit,Suharekës, Klinës dhe në Drenicë.

Në terren askush nuk e kontestonzhbërjen e degës së PDK-së në Malishevë dhe ditëve në vijim në zonatpërreth. Faktet janë publike dhe të qarta. Një armatë aktivistësh këtoditë e kanë braktisur partinë.

Fillesa ka qenë PDK-ja e fshatit tëlindjes së Fatmir Limajt, e cila është braktisur këto ditë, dhepërfaqësues e aktivistë partiak kanë krijuar strukturën politike“Iniciativa për Malishevën”. “Bukla” ka hyrë në PDK, dhe partisë po jakthejnë shpinën edhe Jakup Krasniqi e Fatmir Limaj, dy figura këto qëjanë lënë në një pozicion përjashtimi nga Hashim Thaçi.

[Zero Cool]

PDK-ja në Lipjan zyrtarisht përgjysmohet


Një pjesë e anëtarësisë pritet që sot t\'i shkëputet degës së PDK-së në Lipjan. Këtë e konfirmoi për Indeksonline, ish kandidati për kryetar të Komunës së Lipjanit nga radhët e PDK-së, Fitim Selimi.


Nënkryetari i PDK-së në Lipjan, thotë se 10 anëtarë të Kryesisë së degës do të dalin nga PDK-ja, nga gjithsej 15 sa janë.

Ai tha se zyrtarisht sot do të largohen edhe 19 anëtarë nga Këshilli drejtues i degës.

Sipas tij, krejt kjo në shenjë pakënaqësie për emërimin e Shukri Bujes për kryetar të komunës.

“Qytetarët e Lipjanit kanë menduar se emërimi i zotit Buja nuk është zëri i tyre. Ashtu kanë menduar edhe 10 anëtarët e degës e 19 anëtarët e Këshillit drejtues, të cilët po ikin nga kjo parti. Dorëheqje kam dhënë edhe un. Sipas qytetarëve lipjanas ne kemi qenë zëri i tyre, por ashtu nuk mendoi dikush tjetër. Ne kemi menduar që të sjellim kuadro dhe qasje më pozitiv”, tha Selimi.

Ai pretendon se, siç thotë ai, zëri i qytetarit kësaj here nuk do të lejojë edhe për një mandat tjetër që në krye të komunës të jetë Shukri Buja.

Selimi nuk tregon, nëse do ti bashkohen ndonjë subjekti tjetër polik, apo do të formojnë parti tjetër. “Tash për tash do të paraqesin dorëheqjen, më pas shohim”, thotë Selimi, transmeton indeksoline.

[Kaqanikasja]

O Nuk ka perqarje te PDK-se jo pritni se do te shifni

[Guri i madh]

e pat puna e tyre ani faqezit kur ndahen kundermojn ,tani edhe qaj burgu i ri ne DUMOSH mo mbarohet tash veq kah perfundimi besoj se banoret e par te kti burgu do te jan qeveria e tanishme per vrasjen e Dino asanajt te Hamdi sopes per vjedhjet ne dhomat e siguris e krime e krime tjera qe i ka ber kjo qeveri

[Guri i madh]

http://www.youtube.com/watch?v=ixPT9f_FhwQ&feature=player_embedded#t=0



po thojn kur u kan Fatmiri ne HAG paret qe i ka tubue populli per mbrojtje advokat ja ka vjedh ose ja ka marr Hashim thaqi

[Guri i madh]

Limaj: Mjerë ai pushtet që kërkon votat me kërcënime

23 Shtator 2013 - 01:25
http://www.rrokum.tv/inc/images/fbIcon.png (http://www.facebook.com/sharer.php?u=http://www.rrokum.tv/index.php?page=1,3,5941)

http://www.rrokum.tv/repository/images/5_223411.JPG (http://www.rrokum.tv/repository/images/5_223411.JPG)


(18:00) Shumë qytetarë të Malishevës, kishin dalë ta presin heroin e tyre Fatmir Limajn, të cilën e quajnë jo vetëm hero të Malishevës, por gjithë Kosovës. Limaj para qytetarëve të shumtë tha se tashmë ai është i lirë dhe do ta vazhdojë punën e tij aty ku e kishte lënë në gjysmë. Në këtë takim, Limaj tha se e përkrahë edhe Iniciativën Qytetare të Malishevës, ku dhe bëri thirrje për ta votuar atë.
Ai, po ashtu, tha se është koha që qytetarët me votën e tyre t’i ndëshkojnë të korruptuarit dhe ata që shkelin ligjin dhe të kthehet besimi i humbur ndaj shtetit. Limaj, i cili ia kishte mësy vendlindjes të hënën, tha se ai do të vazhdojë të punoj në shërbim të atdheut.
Kam dashur që nga këtu, nga vendlindja ime, t’i drejtohem jo vetëm komunës së Malishevës, por gjithë Kosovës. T’i drejtohem nga vendlindja ime Kosovës me meazhin se as s’kam pushuar, as sjam ndalur , por do të vazhdoj punën time në shërbim të atdheut tonë“, tha ai.
Limaj, po ashtu, falënderoi të gjithë ata, që në kohë të vështira dhe sfiduese, patën besim tek ai dhe besuan në fitore dhe në vlerat e UÇK-së. Andaj, siç tha ai, që nga sot, së bashku me bashkëpunëtorët e tij, do të vazhdojnë aty ku kanë mbetur, me qëllim që ta çojnë përpara shtetin e Kosovës. Ai foli edhe për bashkëluftëtarët e tij, duke pohuar se Malisheva di t’i nderojë dëshmorët dhe heronjtë e kombit dhe se nuk do të lejojë që të përdhoset lufta e UÇK-së.
Ndërsa pohoi se vendi ynë po ballafaqohet me mijëra probleme dhe se është momenti i fundit që popullit t’i kthehet shpresa e humbur për jetë dhe besimin tek shteti.
Ai kishte edhe një mesazh për udhëheqësit e institucioneve, duke ia rikujtuar se shteti nuk është pronë private e askujt.
Mesazh për ata që drejtojnë institucionet, komuna, shkolla, administratë, shteti, nuk është pronë private e askujt, ato janë të qytetarëve dhe funksionojnë sipas rregullave ligjore. Andaj, jemi në kohën kur së shpejti do të mbahen zgjedhjet lokale dhe ky është momenti kur populli merr vendime se kënd ta votoj. Para se të shkoni tek kutitë e votimeve, të nderuar bashkëqytetar, kthehuni mbrapa dhe vlerësoni punën e tyre që kanë bërë deri tani dhe analizoni mirë ata të cilët pretendojnë të vijnë. Dita e votimit është dita kur ju mund t’i dënoni të gjithë ata të cilët nuk kanë pasur sjellje demokratike, apo qeverisjen që ju e keni pritur. Ju e keni rastin që ata t’i largoni dhe t’i sjellni njerëzit e rinj në atë qeverisje. Vetëm tek kutitë e votimit, populli ka rastin që t'iu tregojë gjithë atyre, të cilët shteti i ka bërë arrogant, i'u ka mbyllur sytë. Populli, atë ditë, do t'iu tregoj atyre, se vetëm populli është sovrani në kutitë e votimit dhe ai vendos”, ka thënë ai.
Ai, po ashtu, tha se do të vazhdojë të angazhohet për një shtet ligjor dhe një qeverisje demokratike, duke pohuar se do t’i mbështes vetëm ata njerëz që punojnë për nevojat dhe në shërbim të popullit dhe jo ata që dëshirojnë t’i privatizojnë institucionet.
Unë i respektoj dhe i mbështes ata njerëz, të cilët nuk e përdorin pushtetin për hakmarrje. Unë do t’i mbështes edhe njerëzit, të cilët nuk shantazhojnë me pushtetin. Unë do t’i mbështes ata njerëz, të cilët nuk i kërcënojnë qytetarët, arsimtarët, profesorët me pushtetin. Kam një mesazh posaçërisht për arsimtarët, administratën dhe për nxënësit. E di që jeni në presion. E di kam dëgjuar që jeni edhe të kërcënuar. Kam dëgjuar që jeni larguar edhe nga puna, për shkak që mendoni ndryshe. Askush nuk do të lejohet ta bëjë një gjë të tillë në Malishevë. Mos harroni se as Malisheva, as çdo komunë e Kosovës, le ta dinë mirë atë komunë nuk e ka lënë baba, por e ka bërë populli. Askush nuk ka të drejtë që njerëzve me kërcënime që t'iu ndryshojë mendimin. Mjer ai i mjeri. I mjerë ai pushtet, i cili kërkon t’i fitoj votat me kërcënime. Lum ai që punon për popullin dhe e do populli”, tha Limaj.
Limaj, ndër të tjera, ftoi intelektualët e komunës së Malishevës, arsimtarët dhe profesorët, që mos të vazhdojnë të ndikohen nga kërcënimet, por përgjigjen e tyre ta japin tek kutitë e votimit me tre nëntor.
Andaj ju që jeni në administratë, arsimtarë, ditën me 3 nëntor, duhet me dhanë mesazhin me i'u kallxu që nuk pranojmë diktator .Malisheva ka qenë vendi ku gjithmonë është shprehur mendimi lirshëm dhe ashtu duhet të mbetet gjithmonë ”, tha ai.
Limaj, ndër të tjera u tha bashkëvendësve të tij se ai tashmë është kthyer dhe do të jetë zëri i tyre mbrojtës, jo vetëm në këtë komunë, por në gjithë Kosovën. Ndërsa u shpreh haptas se përkrah tashmë Iniciativën qytetare në Malishevë, duke kërkuar nga qytetarët që të votojnë për atë. Limaj tha se do t'i mbështet të gjitha iniciativat qoftë në Malishevë apo vende tjera, të cilat kanë si qëllim ndryshimin e jetës për të mirë të qytetarëve të këtij vendi.
Të nderuar qytetarë të Komunës së Malishevës, unë kam vendosur që ta mbështes Ragip Begaj dhe Iniciativën për kryetar të komunës së Malishevës. I ftoj qytetarët e Komunës së Malishevës, që me 3 nëntor ta japin shembullin për Kosovën, ashtu siç ka dhënë shembull Hani i Elezit, që ne dimë të votojmë për ndryshime pozitive, në shërbim të demokracisë dhe mirëqenies së qytetarëve tonë. Prandaj, Malisheva duhet të votojë për Ragip Begaj dhe iniciativën e tij”, pohoi ndër të tjera Limaj.
Ai, po ashtu, u bëri thirrje qytetarëve, që të mos bien pre e provokimeve dhe kërcënimeve. Ai pati dhe një mesazh për komisionarët, që të mos i'u binden urdhërave për vjedhje, sepse në fund vet do të përfundojnë në burg./Kosovapress/

* * *
(10:00) Fatmir Limaj sot do të mbajë një tubim me qytetarë, në Palestrën Sportive në Malishevë. Tubimi ku ai do të marrë pjesë fillon në orën 12:00.

“Dua t’ju njoftoj se me kënaqësi do t’i përgjigjem ftesës së qytetarëve të Malishevës në tubimin që ata kanë paraparë. Për një kohë të gjatë më ka munguar komunikimi me qytetarët. Do ta kem kënaqësinë që tani t’u drejtohem me një fjalim të gjithë atyre që u kam munguar. Shihemi atje!”, ka shkruar Limaj në Facebook.

Ai ka thënë se do të jetë aktiv në politikë. “Patjetër, do ta vazhdojë punën time për vendin”, ka thënë Limaj. Ai këtë koment e ka bërë në Kleçkë në pritjen që ishte organizuar për qytetarët, vetëm disa ditë pasi është shpallur i pafajshëm në rastin “Kleçka”.

Limaj pritet që së shpejti ta bëjë publik qëndrimin për të ardhmen e tij, nëse do të vazhdojë me PDK-në apo do t’i thotë lamtumirë asaj.

[Guri i madh]

Krasniqi me parti të re, ia merr disa deputetë PDK-së

Prishtinë, 23 shtator 2013 - Së shpejti pritet që Jakup Krasniqi ta bëjë publike formimin e partisë së re në kuadër të së cilës do të formohet edhe një grup i ri parlamentar me deputetët e PDK-së.
Siç shkruan e përditshmja “Zëri”, deputetët e përfolur janë: Jakup Krasniqi, Fatmir Limaj, Hydajet Hyseni, Flora Brovina, Justina Pula - Shiroka, Muhamet Mustafa dhe Emin Gërbeshi, e ka shumë gjasa që pjesë e këtij Grupi Parlamentar të jenë edhe Nijazi Idrizi, Nait Hasani Xhevahire Izmaku e Azem Syla.
Emri i partisë, sipas të gjitha gjasave, do të jetë Rilindja Demokratike e Kosovës

Që nga fillimi i këtij viti është folur e përfolur se Jakup Krasniqi së bashku me Fatmir Limajn do të formojnë një parti të re. E për një mundësi të tillë ka folur tash e sa herë vetë Jakup Krasniqi, por pa e definuar mirë se a do të formojë parti të re apo do t’i bashkohet ndonjë subjekti apo nisme të re politike.

Ndërkohë burime të gazetës ‘Lajm’, e afërt me kryeparlmentarin aktual të Kosovës, kanë thënë se kjo shtyrje e Krasniqit për formimin e partisë së re kishte të bënte me procesin gjyqësor të Fatmir Limajt. Tani që ky proces gjyqësor është mbyllur, të dy aktorët kanë vendosur që ta bëjnë publike formimin e partisë së re, e cila sipas këtij burimi do të quhet Rilindja Demokratike e Kosovës.

[Guri i madh]

Thaçi gjen “kompensim” për deputetët që mund t’i ikin

http://koha.net/repository/images/f1_30ikja1380524316.jpg





Publikuar: 30.09.2013 - 08:55Prishtinë, 30 shtator - Kryeministri i Kosovës, Hashim Thaçi, është duke e përgatitur skenarin për ruajtjen e fuqisë në Kuvend, në rast të formimit të një grupi parlamentar nga Fatmir Limaj e Jakup Krasniqi.

Formimi i një grupit të tillë, nga këta dy ish-udhëheqës të lartë të PDK-së, mund t’ia rrëmbejnë partisë së Thaçit disa deputetë, gjë që do të ndikonte në humbjen e fuqisë përfaqësuese të pozitës në Kuvend, shkruan “Tribuna”.

Nait Hasani, Hydajet Hyseni dhe Flora Brovina janë disa nga deputetët e PDK-së të cilët që një kohë të gjatë kanë qëndrime të kundërta me GP të PDK-së, dhe njihen si njerëz të afërt të Limajt e Krasniqit.

I vetëdijshëm për këtë, kryeministri dhe kryetari i PDK-së, Hashim Thaçi, pritet ta themelojë Ministrinë e Shtetit, e cila do të jetë pa portofol dhe e cila, siç merr vesh gazeta, pritet t’i takojë Grupi parlamentar serb në Kuvendin e Kosovës “Ardhmëria e Përbashkët”.

[Guri i madh]

Krasniqi dhe Limaj formojnë parti të re, lënë PDK – në

http://koha.net/repository/images/f1_02kras1380696531.jpg





Publikuar: 02.10.2013 - 08:50Prishtinë, 2 tetor - Kryeparlamentari, Jakup Krasniqi, i cili muajt e fundit doli si “disident” nga partia e tij, thotë sa struktura e re e Partisë Demokratike të Kosovës po i mbyt intelektualët me autoritarizëm dhe injorancë. Duke e humbur rrugën në mes, për të qenë parti substanciale në Kosovë, PDK, sipas Krasniqit, e ka humbur ekuilibrin politik, prandaj për këtë arsye së bashku me Fatmir Limajn dhe disa të tjerë ka ndarë mendjen për ta formuar një parti të re politike.

Në intervistën dhënë “Zërit”, ai tha se është bërë gati për ta formuar një parti të re, ku dominon vlera demokratike dhe jo zëri i liderit totalitar siç është në PDK.

Jakup Krasniqi thotë se PDK i dhimbset që po e braktis, por këtë e konsideron si rrugën e vetme për ta përmbushur boshllëkun politik.

Megjithatë ia tha se nuk e ka në agjendë të shndërrohet si “kamikaz” për ta djegur veten dhe për ta dëmtuar PDK-në, por tha se politika ka edhe arsyet e veta. Duke iu përgjigjur Ramë Bujës, që tha se Limaj dhe Krasniqi po vetëdigjen, ky i fundit thotë se do të “ringjallet si feniks”.

Ai tha se disa herë njerëzit kanë menduar se “kam marrë vendime të gabuara dhe jam djegur, por kam fituar.Mirëpo thjeshtë nuk i kuptoj, ata njerëz që dje për Kosovën kanë rrezikuar gjithçka dhe sot e bëjnë të kundërtën, e sakrifikojnë Kosovën për veten, për interesat meskine”, deklaroi Krasniqi, i cili po ashtu u shpreh kundër lidhjeve të forta me Ankaranë.

[murrizi]

Krasniqi dhe Limaj formojnë parti të re, lënë PDK – në

http://koha.net/repository/images/f1_02kras1380696531.jpg




Publikuar: 02.10.2013 - 08:50Prishtinë, 2 tetor - Kryeparlamentari, Jakup Krasniqi, i cili muajt e fundit doli si “disident” nga partia e tij, thotë sa struktura e re e Partisë Demokratike të Kosovës po i mbyt intelektualët me autoritarizëm dhe injorancë. Duke e humbur rrugën në mes, për të qenë parti substanciale në Kosovë, PDK, sipas Krasniqit, e ka humbur ekuilibrin politik, prandaj për këtë arsye së bashku me Fatmir Limajn dhe disa të tjerë ka ndarë mendjen për ta formuar një parti të re politike.

Në intervistën dhënë “Zërit”, ai tha se është bërë gati për ta formuar një parti të re, ku dominon vlera demokratike dhe jo zëri i liderit totalitar siç është në PDK.

Jakup Krasniqi thotë se PDK i dhimbset që po e braktis, por këtë e konsideron si rrugën e vetme për ta përmbushur boshllëkun politik.

Megjithatë ia tha se nuk e ka në agjendë të shndërrohet si “kamikaz” për ta djegur veten dhe për ta dëmtuar PDK-në, por tha se politika ka edhe arsyet e veta. Duke iu përgjigjur Ramë Bujës, që tha se Limaj dhe Krasniqi po vetëdigjen, ky i fundit thotë se do të “ringjallet si feniks”.

Ai tha se disa herë njerëzit kanë menduar se “kam marrë vendime të gabuara dhe jam djegur, por kam fituar.Mirëpo thjeshtë nuk i kuptoj, ata njerëz që dje për Kosovën kanë rrezikuar gjithçka dhe sot e bëjnë të kundërtën, e sakrifikojnë Kosovën për veten, për interesat meskine”, deklaroi Krasniqi, i cili po ashtu u shpreh kundër lidhjeve të forta me Ankaranë.

Rroft Rilindja Demokratike

[Guri i madh]

Haraçin po e lejon shteti

http://www.koha.net/repository/images/f1_04hara1380868213.jpg





Publikuar: 04.10.2013 - 08:32Prishtinë, 4 tetor - Një laurë (pengesë) në hyrje të terminalit në Han të Elezit paralajmëron ndalim të detyrueshëm. Askush nuk mund të kaloj aty pa i kryer obligimet.

Shkuarja në pikën kufitare, ndonëse nëpër rrugë të shtetit është e pamundur pa e paguar taksën e vënë nga Rrustem Rukolli e Xhevdet Bajramaliu.

Ata kontrollojnë rrugën e ndërtuar me para të Bashkimit Evropian.

Punëtorët në terminal tregohen miqësorë. Si pa sherr, tregojnë gjithçka që dinë. Madje edhe për vizitat e Sami Lushtakut , natën atje.

Kur i pyet se i kujt është terminali, qeshin. “I Sami Lushtakut po thonë”, tregon njëri prej tyre.

[Zero Cool]

Buzhala: Po më 'kërcënojnë' katolikët e Palit



Deputeti i Kosovës nga radhët e PDK, Berat Buzhala reagon ndaj debatit të mbrëmshëm për Gjakovën, duke theksuar s e ka marrë mesazhe nga përkrahësit e kryetarit të Gjakovës, Pal Lekajt.



http://scontent-b-ams.xx.fbcdn.net/hphotos-prn2/6042_10151315857346479_1238611876_n.jpg



Në postimin e tij në rrjetin social Facebook, deputeti Buzhaka shkruan se “Pas statusave qe mbrëmë i vuna rreth gares per kryetar te Gjakoves u perballa me nje mori mesazhesh te ndyta, me konotacion religjioz se gjoja pse une si besimtar katolik nuk po e perkrah Palin, gjithashtu besimtar katolik”, (sic) shkruan Bzhala.

“Te nderuar katolik te Gjakoves, ne nentor ne zgjedhjet lokale nuk do te dilni ne vota per te zgjedhur perfundimisht se cili religjion do te jete zyrtar je komunen e juaj, e cili do te zhduket perfundimisht prej faqes se dheut. Relaksohuni, ne mes te te tjerave, Mimoza Kusarin e njoh shume mire. Nese nuk eshte katolike e pagezuar te jeni te bindur se eshte nje femer qe cdo dite jeten e saj e jeton sipas urdhnimeve te te madhit Zot”, ka shkruar Buzhala.

"Eshte e martuar. Eshte bashkeshorte e mire dhe nane e mire. Ndonese ka qene afer eurove asnjehere nuk eshte dyshuar as perfolur se e ka futur doren ne thesin qeveritar per te pervetesuar mjete qe nuk i takojne etj etj. Njejte po besoj edhe per Golen e LDK-se qe gjithashtu me la pershtypje shume te mira mbreme".

"Te nderuar bashkereligjiozas kokenxehur, politiken dhe religjionin i ka ndare si me thiken e bukes Jezu Krishti kur ka deklaruar se 'Jepjani Cezarit ate qe i takon Cezarit dhe Zotit ate qe i takon Zotit'".

"Pra edhe ju: vazhdoni me pa meshe cdo te diele. Vazhdoni me e jetu jeten ashtu sic urdheron Krishti, e leni anash fjalet e ndyta, sepse nuk e besoj qe nje gje te tille e keni mesuar ne ndonjerin prej ungjijve. Ne keto zgjedhje ju duhet te votoni per me te mirin dhe per me te ndershmin, e jo per pengje politike, qe jane te shantazhuar dhe te shantazhushem”, (sic), shkruan deputeti Buzhala në profilin e tij në Facebook.

[Zero Cool]

Këshilltarja e PDK-së akuzohet për falsifikimin e 11 notave



Këshilltarja komunale e Prishtinës nga radhët e PDK-së, Lirie Avdiu, akuzohet për falsifikimin e njëmbëdhjetë notave dhe nënshkrimeve në lëndë të ndryshme gjatë studimeve për shkenca politike, në Fakultetin Filozofik të Universitetit të Prishtinës.

Ndryshe nga hera e parë kur Avdiu akuzohej për falsifikimin e notës dhe nënshkrimin e vetëm një note tek profesori Arben Hajrullahu, ajo tani akuzohet se ka kryer të njëjtën gjë edhe në dhjetë lëndë të tjera.

“Koha Ditore” ka siguruar një dokument zyrtar, në të cilin konfirmohet se ekzistojnë dyshime në lidhje me falsifikimin e 11 notave dhe nënshkrimeve të profesorëve nga ana e saj.

[Kaqanikasja]

http://koha.net/repository/images/f1_03kryetar-pdk-jpg1362301174.jpg

njerez te medhenje ka PDK

[tipi engjellor]

http://koha.net/repository/images/f1_03kryetar-pdk-jpg1362301174.jpg

njerez te medhenje ka PDK

Ishin dikur.............

[premium]

Babe o babe , jam bere mbret ...
babai ua kthen djalit te vet...
o bir mbret je bere amo njeri nuk je bere,,,

Keshtu eshte puna ne Kosove.

[Zero Cool]

Titulli: Kryetarët e PDK-së ----> Neyse ky kryetar i Pacovit.



Nipi i Agim Bahtirit sulmon rojtarin e parkingut të komunës



15.12.2014

Qerim Hetemi, roja i parkingut të komunës së Mitrovicës është sulmuar të premten nga Nehat Bahtiri, shofer i kryetarit të komunës Agim Bahtiri dhe, në të njëjtën kohë, djalë i vëllait të tij.

Hetemi është veteran i UÇK-së dhe punon në parkingun zyrtar të Komunës se Mitrovicës në të cilin hyjnë vetëm veturat zyrtare të Komunës

Hetemi tha për KALLXO.com se ngjarja ka ndodhur kur ai ishte në detyrë.
“Sa isha në punë ka ardh Nehat Bahtiri bashkë me dy rojet e sigurimit të Kryetarit dhe kanë kërkuar të hyjnë në parking me një veturë private. Unë ua kam kërkuar lejen se a mund të futen në parking, ata më kanë sharë fillimisht dhe me dhunë kanë provuar të fusin veturën në parking kur unë e kam marrë telefonin ta thërras policinë ata ma morën edhe telefonin dhe ma hodhën në tokë, dhe më kanë rrahur dhe tani jam në tretman mjekësor" u shpreh ai.

Hetemi tha se rastin e ka paraqitur në polici mirëpo thotë se hetuesit dhe prokuroria më shumë janë marrë me të se me shoferin e kryetarit Bahtiri.

“Ata janë liruar dy orë para meje nga stacioni policor”, tha Hetemi.
Avni Zahiti, zëdhënës i Policisë në rajonin e Mitrovicës tha se rasti do të procedohet në procedurë të rregullt drejt prokurorisë.

“Personat janë marrë në pyetje si të dyshimtë ndërsa njëri është deklaruar se është Zyrtar i Komunës, ndaj dy personave është hapur rast. E tëra ka ndodhur për shkak të parkimit të veturës civile që kanë synuar ta parkojnë në parkingun zyrtar të Komunës”, tha zëdhënësi Zahiti.

Ndërsa kryetari i komunës, Agim Bahtiri, nuk ka dashur të prononcohet rreth këtij incidenti.

[Zero Cool]

Bastiset edhe Kryetari i Klinës Sokol Bashota



23.12.2014


Është bastisur edhe Kryetari i Klinës, Sokol Bashota, i cili është nën hetime për procesin e ndarjes së banesave komunale ku përfitoi vet ai, nënkryetari nga radhët e AAK-së, Enver Berisha dhe një sërë politikanësh lokalë edhe nga LDK-ja. Në Komunën e Klinës nuk kanë komentuar.

Edhe zyra dhe prona e Kryetarit të Komunës së Klinës, Sokol Bashota është bastisur, bëjnë të ditur burime të Express brenda Policisë.

Express raportoi të martën se ishte bastisur Zyra e Nënkryetarit të Klinës, Enver Berishës, gjë që është konfirmuar edhe nga Prokuroria e Shtetit. Pas kësaj, Berisha u përjashtua nga partia e tij.

Siç merr vesh Express, bastisja lidhet me një hetim që është duke u kryer në këtë komunë mbi mënyrën e shpërndarjes së banesave që janë ndërtuar nga kjo komunë, e në të cilat kanë përfituar edhe Sokol Bashota, Kryetar i Komunës për mandatin tretë tashmë dhe politikanë tjerë lokal si Fadil Gashi (LDK) dhe Enver Berisha(AAK), Arben Limani (LDD), Vezire Elshani (LDK), Esat Raci (PDK).

Prokuroria Speciale e ka konfirmuar për Express bastisjen e pronave dhe zyrës së nënkryetari Enver Berisha, po ashtu përfitues i banesës së ndërtuar nga Komuna, por Prokuroria deri tash nuk ka folur për Kryetarin, Sokol Bashota.