Alma Lama: Letër e hapur kryeministrit të Turqisë

[Psikologu]

Letër e hapur kryeministrit të Turqisë, me rastin e vizitës së tij në Kosovë
http://www.zemrashqiptare.net/images/article/2013_07/32697/u1_AlmaLama.jpg

I nderuar z. Erdogan,

Po ju shkruaj këtë letër të hapur me rastin e vizitës suaj në Kosovë. Prej ditësh këtu është proklamuar vizita juaj, me rastin e inaugurimit të Aeroportit të Prishtinës, ku firma e cila e ka marrë këtë aset është turke dhe ka qëlluar që pronari i saj të jetë edhe dhëndri juaj. Gjëra që ndodhin në politikë, por unë do ta lë me kaq këtë çështje pasi nuk është objekt i kësaj letre të hapur.
Më lejoni fillimisht përpara se të hyj në temë t’ju falënderoj për mikpritjen që shteti juaj më ofroi mua, si pjesë e delegacionit të kryetarit të Kuvendit të Kosovës, gjatë një vizite që zhvilluam rreth një vit e gjysmë më parë. Mbeta e impresionuar në fakt me gjithë gatishmërinë e krerëve më të lartë të shtetit tuaj, përfshirë presidentin dhe ju, për të na rezervuar kohë, takime. Patëm edhe mundësinë të shohim edhe pjesë të kulturës së vendit tuaj, historinë, zhvillimin etj. Më kujtohet që ju z. Kryeministër sapo kishit kaluar një operacion dhe shëndeti juaj nuk ishte në gjendjen më të mirë, por megjithatë na e rezervuat më shumë se një orë, në pallatin qeveritar në Stamboll, dikur pallat i sulltanit. Dhe këtë akt tuajin unë dhe delegacioni në të cilin bëja pjesë e çmuam dyfish, pasi tek e fundit nuk ishte as takim në nivel të kryeministrave.
z. Erdogan,
Përtej mikpritjes suaj, gjuhës “vëllazërore”, përtej atmosferës që përpiqet të krijojë diskursi se ne si popuj jemi të afërt sepse na ka lidhur historia, unë personalisht u ktheva në Kosovë me një shije jo fort të mirë. Disi u hidhërova. E kam mbajtur për vete këtë hidhërim, mirëpo sot, pas zhvillimeve që do t’i shpjegoj më poshtë, jam e bindur se fjala ime e hapur shërben më shumë se fjala e ruajtur në dry, për hir të diplomacisë.
Mbeta e hidhëruar sepse gjatë takimit me ju, prej më shumë se një orë, çështja kryesore e cila u diskutua ishte xhamia në Prishtinë. Ndërtimi i xhamisë për të cilën u bë shumë zhurmë në Prishtinë, më së shumti nga radikalët dhe profiterët e fesë, erdhi e rierdhi disa herë në bisedë, në formën e pyetjes dhe kërkesës nga ana juaj.
Kreu i delegacionit u detyrua të shpjegojë se toka për këtë ishte ndarë. Natyrisht ju nuk kishit detaje për këtë çështje, sepse jeni kryeministri i një vendi tepër të madh, por edhe vetë xhamia në Prishtinë, unë mendoj se do të duhej të ishte një detaj që nuk duhet t’ju interesonte fare.
Pritshmëria ime lidhje me tema të tjera në fakt, si p.sh. thellimi i bashkëpunimit në fushën ekonomike, lufta e krimit të organizuar dhe rrugëve të trafiqeve, bashkëpunim në fushën e legjislacionit edhe pse ne modelet i marrim nga BE-ja, e po kështu si shtet i madh e me ndikim në rajon pse jo një influencë më e madhe diplomatike në raport me fqinjin tonë problematik, Serbinë, që është një partner goxha i rëndësishëm për Turqinë, së paku sipas deklarimeve tuaja dhe të bilancit tregtar që zhvilloni me të. Në fakt ne i jemi mirënjohës kujtdo që punon sado pak, apo ushtron influencën e tij për të na e hequr qafe Serbinë.
Nga ky takim mora vesh gjithashtu se edhe kreu i Bashkësisë Islame të Kosovës z. Naim Tërnava kishte ardhur tek ju dhe ishte ankuar për punën e xhamisë. Nuk kisha se si të mos ndihesha e çuditur dhe e tradhtuar nga ky njeri i cili ka shkuar të ankohet te kryeministri i një vendi tjetër, për një punë që duhej të zgjidhje me Komunën e Prishtinës.
Përveç pamaturisë dhe gafës së madhe të Tërnavës, me thënë të drejtën unë kërkesën tuaj apo parashtrimin tuaj për ndërtimin e xhamisë e përjetova edhe si ndërhyrje nga ana e shtetit tuaj në punët e brendshme të Kosovës.
Le të më korrigjojë dikush nëse e kam gabim.
Por sikur të mos kishte mjaftuar ky takim me kryetemë xhaminë, në takimin e radhës me kryediplomatin e Turqisë, z. Davitoglu, një intelektual i shquar në vendin tuaj, por me teoritë e të cilit për neootomanizmin, e thënë e zeza mbi të bardhë në librin e tij “Thellësia Strategjike” apo edhe në disa fjalime në vendet e rajonit, çështja e xhamisë na mbiu sërish.
Fillimisht ministri i Jashtëm përshkroi gjerë e gjatë dashurinë e tij për qytetin e Prizrenit. Përshkroi rrugët dhe ndërtesat me një hollësi sikur të kishte kaluar fëmijërinë në to, duke shënuar e nuancuar me admirim hiret e këtij qyteti, një pikturë të madhe të të cilit e mbante pikërisht në zyrën e tij, bashkë me një pikturë të një qyteti tjetër të preferuar, atë të Mostarit.
Ndjeva xhelozi për Prizrenin, njësoj si për të dashurin, kur dikush tjetër kërkon të ta marrë. Askush i huaj nuk mund ta dojë Prizrenin më shumë se unë. Kurrë!
Në këtë takim xhamia jo vetëm që doli në tryezë, por u shoqërua edhe me shkaqet e ekzistencës së katedrales, e cila “nuk mund të mbushet nga besimtarët”.
z. Erdogan,
Ne në Kosovë, por shqiptarët edhe më gjerë jemi shumë të interesuar të kemi raporte të mira me shtetin e sotëm turk pavarësisht nga e shkuara jonë e hidhur. Krijimi i raporteve të mira do të thotë në radhë të parë respekt reciprok, do të thotë respektim i kulturës dhe traditës së tjetrit.
Ne, si ish-pjesë e perandorisë turke, të pushtuar prej saj jo vetëm politikisht por edhe kulturalisht e fetarisht, para një shekulli bëmë përpjekje të jashtëzakonshme si komb për të rilindur vetveten. Ia dolëm. Sfida numër një për ne ishte pikërisht feja. Vendosëm që asaj të mos i jepnim rëndësi të dorës së parë, por kombi të ishte formula jonë e ekzistencës. U përcaktuam për këtë dhe ecëm përpara. E kundërta do të na kishte fundosur. Ashtu sikurse mund të na fundosë tani, nëse ne nuk tregohemi të vëmendshëm.
Ne nuk kemi asnjë të drejtë t’ju gjykojmë ju dhe partinë tuaj për agjendën islamike të cilën e keni proklamuar hapur, i takon popullit të Turqisë ta bëjë këtë vlerësim, mirëpo unë personalisht dhe si unë ka me mijëra shqiptarë, nuk mund të heshtnim nëse këtë agjendë ju apo kushdo tjetër do të përpiqet ta shtrijë edhe në Kosovë. Unë i kam parë shenjat, diçka e tillë po ndodh, islami politik ka nxjerrë kokën edhe në Kosovë dhe po bëhet gjithnjë e më agresiv.
Prandaj po ju shkruaj për t’ju thënë se agjenda islamike për ne është helm. Ky helm e kontaminon botëkuptimin tonë për fenë, bashkëjetesën që e kultivuam prej shekujsh, respektin për fenë e tjetrit. Dhe në rast se ju na konsideroni vëllezër, ashtu siç jeni shprehur, mos na e sillni atë helm këtu.
Përkundrazi, unë nga shteti juaj, të cilin e konsideroj sot shtet mik, pres ndihmë në betejën që ne vetë duhet të ndërmarrim për të luftuar organizatat dhe fondet e dyshimta, që nën petkun e humanizmit sollën në Kosovë pas luftës edhe rrymat më fanatike e ekstreme të islamit, që për mua dhe jo vetëm, janë në kundërshtim me vetë këtë fe. Sot ata po na indoktrinojnë të rinjtë, po shfrytëzojnë varfërinë tonë ekstreme, mungesën e edukimit të mirëfilltë dhe dobësitë e shtetit të ri të Kosovës, i cili nuk ka kapacitete të mjaftueshme t’i luftojë.
E në fakt një shtet i fuqishëm si i juaji, do të mund të na ndihmonte më shumë se kushdo tjetër unë besoj se e keni dijen, eksperiencën dhe mundësitë për ta bërë këtë.

[Psikologu]

Unë dhe gjithë shqiptarët jemi të interesuar për raporte të mira me Turqinë e sotme, edhe pse ajo është trashëgimtare e një perandorie që ne na mbajti nën pushtim rreth 500 vite. Ju mund të keni një qëndrim tjetër për pushtimin, por unë personalisht jam rritur me rrëfime për vajzat tona të reja që dikur hidheshin nga shkëmbinjtë për të mos rënë në duart e ushtarëve turq, se si kullave të të parëve të mi, iu është vënë flaka disa herë nga këto pushtues, sesi mijëra shqiptarë merreshin e dërgoheshin nizam, duke lënë shkretë shtëpi e katandi, e duke luftuar nëpër toka të huaja për interesa të perandorisë.
Ne nuk mund t’ju akuzojmë ju për atë që kanë bërë paraardhësit tuaj por në momentin që na kërkoni që ne të ndërrojmë historinë, që të zezës t’i themi e bardhë, e përgjakshmes lulëzim, në momentin pra kur ju nuk distancoheni nga prapësitë e paraardhësve tuaj, por përkundrazi na kërkoni që edhe ne t’i shohim me sytë tuaj, atëherë mos pritni prej nesh mirëkuptim.
Ne si komb kemi luftuar shumë hegjemoninë e të tjerëve, dhe tani që po shijojmë lirinë, kurrsesi s’mund të pranojmë që dikush, sado i fuqishëm, të na e shkruajë historinë sipas qejfit të vet. Asnjë shtet perëndimor, as ata që na çliruan nga pushtuesi tjetër Serbia, nuk na ka ardhur me një kërkesë të tillë primitive. Primitive pasi së pari historinë e shkruajnë historianët, jo politikanët, aq më tepër politikanët e vendeve ish-pushtuese; dhe së dyti, sepse bie tërësisht ndesh me fondamentin tonë, iluminizmin dhe të vërtetat që burojnë nën dritën e tij.
Sado i fuqishëm të jetë, askush nuk mund ta ndryshojë të shkuarën, ajo është arbitrare, edhe kur dikush palos fletë mbi të, një ditë ajo i shqyen pa mëshirë, madje edhe në shoqëritë e mbyllura.
E ne në Kosovë po përpiqemi të ndërtojmë diçka tjetër, një shoqëri të hapur, ku logjika e absolutizmit shpesh e mishëruar edhe tek feja, ia lë vendin logjikës kritike, konkurrencës së ideve dhe dekonstruktimit të ideologjive.
Prandaj, duke ju uruar mirëseardhje në Kosovë me datë 23 tetor, si kreu i një shteti me të cilin na lidhi një e shkuar fatkeqe, shpresoj që kjo vizitë të bëhet me qëllimin për të ndërtuar një të ardhme fatmirë.

Me respekt
Deputete e pavarur në Kuvendin e Kosovës

[Kercovari]

Deputet në Paralmentin e Kosovës,që do të thotë:Të deleguarit e popullit flasin çka të duan,keshtu flet edhe krutanja Alma.

Do t`ishte më mirë që krutanja Alma Lama pak me heret se sot t`ishte zgjuar gjumi kur kalvarët e msionarëve të Vatikanit në emer të ndihmave humanitare, ngritën kisha ne te gjithë teritorin e Shqipërsë po edhe në Kosovë. Apo ky fenomen ka kuptim të pacënueshëm kur edhe ne toka jo pronë e kishës po pronë shoqërore janë ngritë kisha,këtu aty edhe në prona private.Krutanja Lama duhet të di se sa ka të drejtë Vatikani dhe shtete të caktuara perendimore nga ku Zonja Lama merr udhëzime ose direktiva se n`çë nivel fetar duhet të ndërtohet shteti me i ri në botë,po aq të drejtë ka edhe Turqia t`jep udhëzime dhe sygjerimet e veta si shtet me shumicë muslimane në rajon.

Alma e nderuar duhet të di se Prishtina është kryqyteti politikbërës dhe i diplamacisë Kosovare,dhe ka nevojë për objekte fetare moderne qofshin kisha apo xhami ku atashet diplomatike do të kryejnë obligimet fetare të feve që ato u përkasin,dhe për këtë nuk është dashur që Zonja Alma të pres sygjerime as nga evropa po as nga Turqia që të mos mbetet e hidheruar në Naim Ternaven dhe Davutoglun.

Mesa duket se Zonja Alma akoma nuk e ka të kjartë se shtetet që kan pranuar Kosovën si shtet të pavarur dhe që do dhe duhet të pranojnë,të gjithë nuk janë komunitete të besimit të krishterë dhe se islami nuk eshtë plagë që kërkon sherim nga dogmatizmat e krishter, po është besim fetar shumicë që nuk ka ndodhur dje po ka ndodhur 700 vite me heret me rrejë të thella historike që justifikon në çdo aspket ndertimin e xhamisë se re moderne në Prishtinë,dhe kjo nuk duhet të friksojë qarqet e krishtere se do të ndodhë islamizimi i mëtejshëm i trojeve shqiptare,sepse,islam do të thotë paqë e jo dëshira dhe qëllime kolinijalizimi të trojeve shqiptare,siç e kan në ëndërrat e tyre disa gjoja misonar dhe qarqe të krishtere.

Se për cilin respekt ndaj feve dhe bashkejetesës fetare flet Alma e kontaminuar nga islami ,kur nuk ka kurajo të flasë për helmin që vjellin të krishteret për çdo ditë e cila ka haruar se fal besimtarve musliman deridiku është ruajtutr dhe tradicionalish ruhet bashkejetesa fetare.

[premium]

Prandaj po ju shkruaj për t’ju thënë se agjenda islamike për ne është helm.

Kete e deklaron kjo hanemshaja ,
Cfare dote thote kjo fjale per nje popull me shumicen Islam ..
Turp per nje persone qe numerohet nje hiq ama hiq per nje kryeminister i cili luan nje rol te madhe ne mbare boten.

Kjo vlersohet per Erdoganin sikur nje insekt , aq nuk qon peshe letra e saje .

[premium]

LAM pqulajka mire ish kan te lexon kete artikull>

- Bazat ushtarake të Turqisë e gjunjezuan Serbinë e Millosheviqit. Bombardimet që vazhdonte NATO përmes korridoreve ajrore perëndimore e jugore që hynin në Jugosllavi, nuk po e gjunjëzonin Milosheviçin. Për këtë arsye, SHBA me Turqinë, vendosën të hapnin një korridor të ri, për ta bombarduar Serbinë nga Veriu e Lindja e saj. Me vendimin 99/12688, datë 27 prill 1999, Këshilli i Ministrave i Turqisë, vendosi që Bazat Ushtarake Ajrore të Anadollit Perëndimor në Ballekesir dhe në Banderma, nëse ishte e nevojshme, edhe e Çorllusë në Trakën Turke, të kalonin në interes të bombardimeve kundër Serbisë. Ishte koha kur qeveria greke nuk e miratoi kërkesën e NATO-s për hapjen e korridorit të saj ajror për kalimin e avionëve ushtarake të NATO-s për në Jugosllavi. Ndërsa Bullgaria, mbas shumë hezitimesh, e miratoi korridorin ajror, që do të fillonte nga Turqia Perëndimore në Bullgari ose Rumani dhe do të përfundonte në hapësirat ajrore të Serbisë dhe Kosovës. Në bazat ushtarake të Turqisë Perëndimore do të dislokoheshin 72 avionë ushtarakë të NATO-s, nga të cilët 54 avionë F- 15 S dhe F-16 S do të ishin amerikanë dhe 18 të tjerët F-16 do të ishin të Forcave Ushtarake Ajrore të Turqisë. Baza Ushtarake Ajrore e Çorllusë u vendos të përdorej për avionët cisternë të tipit KC-135 R dhe avionët e transportit kargo. Fillimisht do të dislokoheshin 2000 trupa amerikane. 54 avionët ushtarakë amerikanë në fund të muajit maj1999 do të ishin të gjithë të dislokuar në këto baza turke dhe do të fillonin operacionin në fjalë. Për këtë skenar ushtarak, më datën 25 maj 1999, Komandanti i Forcave të Armatosura dhe Shefi i Shtatmadhorisë Turke, gjeneral armate Hysejin Kevrekoglu, inspektoi bazën ajrore të Ballekesirit dhe vëzhgoi një stërvitje ajrore me avionë të tipit F-16 dhe F-4. Turqia vazhdonte të ishte i vetmi vend i NATO-s, që argumentonte dhe mbështeste idenë e organizimit dhe realizimit edhe të operacioneve tokësore kundër Jugosllavisë. Në këto kushte Milosheviçi u gjunjëzua. Menjëherë Turqia dërgoi dhe dislokoi në Kosovë 987 trupa ushtarake, në kuadrin e Forcës Ndërkombëtare të Paqes”. Rëfimi i Kolonel Hajro Limaj -Atashe ushtarak në Anakara v.1999

[King_Gentius]

Prandaj po ju shkruaj për t’ju thënë se agjenda islamike për ne është helm.

Kete e deklaron kjo hanemshaja ,
Cfare dote thote kjo fjale per nje popull me shumicen Islam ..
Turp per nje persone qe numerohet nje hiq ama hiq per nje kryeminister i cili luan nje rol te madhe ne mbare boten.

Kjo vlersohet per Erdoganin sikur nje insekt , aq nuk qon peshe letra e saje .

Premium me duket po lexon shkarazi, atje thot politika e jashtme e Turqise eshte helm, jo Islami eshte helm. Per fat te keq shum shqiptar ne shekuj i kan konsideruar keto koncepte si e njejta gje, por te pakten jo shumica e popullit shqiptar sot ashtu si do te nenkuptosh.


Persa i perket kryeministrit te nje vendi me rol te madh ne bote, kjo duket si nje arsye me teper per te patur aftesi me te mira komunikimi dhe fjalimi publik. Pra nje kryeminister i nje vendi akoma me te madh se Turqia si per shembull kryeministri anglez nuk i pershtatet te shkoje ne Washington DC dhe ne fjalim publik tu thote amerikaneve Amerika eshte Angli! Apo ndoshta nuk duhet ta qortojme nje kryeprift me rol te vogel ne bote si Janullatos ne qofte se shkon ne Vlore dhe ne fjalim publik te deklaroje Vlora eshte Greqi? Megjithate besoj dhe shpresoj te ishte nje moment turbullimi nga entusiazmi i mikpritjes qe treguam per mikun sipas tradites, dhe gjithashtu jam dakort se Thaci e Rama u gjenden papritmas ne nje situate qe nuk ja vlente te fillonin debat per dicka qe sigurisht dhe Erdogani e di vete qe ishte hiperbole.

[King_Gentius]

Deputet në Paralmentin e Kosovës,që do të thotë:Të deleguarit e popullit flasin çka të duan,keshtu flet edhe krutanja Alma.

Do t`ishte më mirë që krutanja Alma Lama pak me heret se sot t`ishte zgjuar gjumi kur kalvarët e msionarëve të Vatikanit në emer të ndihmave humanitare, ngritën kisha ne te gjithë teritorin e Shqipërsë po edhe në Kosovë. Apo ky fenomen ka kuptim të pacënueshëm kur edhe ne toka jo pronë e kishës po pronë shoqërore janë ngritë kisha,këtu aty edhe në prona private.Krutanja Lama duhet të di se sa ka të drejtë Vatikani dhe shtete të caktuara perendimore nga ku Zonja Lama merr udhëzime ose direktiva se n`çë nivel fetar duhet të ndërtohet shteti me i ri në botë,po aq të drejtë ka edhe Turqia t`jep udhëzime dhe sygjerimet e veta si shtet me shumicë muslimane në rajon.

Alma e nderuar duhet të di se Prishtina është kryqyteti politikbërës dhe i diplamacisë Kosovare,dhe ka nevojë për objekte fetare moderne qofshin kisha apo xhami ku atashet diplomatike do të kryejnë obligimet fetare të feve që ato u përkasin,dhe për këtë nuk është dashur që Zonja Alma të pres sygjerime as nga evropa po as nga Turqia që të mos mbetet e hidheruar në Naim Ternaven dhe Davutoglun.

Mesa duket se Zonja Alma akoma nuk e ka të kjartë se shtetet që kan pranuar Kosovën si shtet të pavarur dhe që do dhe duhet të pranojnë,të gjithë nuk janë komunitete të besimit të krishterë dhe se islami nuk eshtë plagë që kërkon sherim nga dogmatizmat e krishter, po është besim fetar shumicë që nuk ka ndodhur dje po ka ndodhur 700 vite me heret me rrejë të thella historike që justifikon në çdo aspket ndertimin e xhamisë se re moderne në Prishtinë,dhe kjo nuk duhet të friksojë qarqet e krishtere se do të ndodhë islamizimi i mëtejshëm i trojeve shqiptare,sepse,islam do të thotë paqë e jo dëshira dhe qëllime kolinijalizimi të trojeve shqiptare,siç e kan në ëndërrat e tyre disa gjoja misonar dhe qarqe të krishtere.

Se për cilin respekt ndaj feve dhe bashkejetesës fetare flet Alma e kontaminuar nga islami ,kur nuk ka kurajo të flasë për helmin që vjellin të krishteret për çdo ditë e cila ka haruar se fal besimtarve musliman deridiku është ruajtutr dhe tradicionalish ruhet bashkejetesa fetare.


Kercovar pershendetje, besoj flas ne emer te shumices se popullit kur deklaroj se jemi te konfuzuar nga teoria qe shitet lart e posht kti forumi sikur turqia dha ndihme me qellime te pastra humanitare ndersa perendimi dha ndihme me qellime te erreta prapanike. A nuk po ndjekin te gjitha vendet qe nderhyne ne Kosove agjenden qe u interesonte seciles per vetvete? Ne qofte se pendendimi paska dash sundimin krishter kaq keq ne Kosove, matematikisht perendimit i kushtonte zero dollare / evro te lejonin serbin te shkrumbonte shqiptaret e te ndertonte nje mije manastire me shume. Sic e di neper bote ka plot gjenocide ku perendimi (edhe Turqia) nuk nderhyn.

Persa i perket xhamiave personalisht nuk shoh arsye pse komuniteti musliman mos ndertojne xhamia moderne, kjo nuk do shqetesonte perendimin per sa kohe populli shqiptar vazhdon te tregoje deshiren dhe vazhdon te punoje per nje integrim paqesor ne evrope, dhe mos filloje te merret me propagande te verber anti-perendimore sic kan filluar tash disa hardhuca shpellash neper trevat shqiptare.

[Kercovari]

Çdo kufizim ka një qëllim të caktuar, për fatë të keq vetëm politika ka qëllime të pakufizuara..kështu mendoj unë.

A thua mund të bëhet propagandë antiislame në një vend ku shumica janë besimtarë musliman?

Se perendimi pas rrëzimit të ideologjisë komuniste gjoja "zbuloj" se bota islame qenka armik më i madhë e vlerave të perendimit dhe demokracië,që ska të bejë me asnjë të vertetë përveç me apetitet e ideologjisë kapitaliste për të sunduar botën islame dhe popuj të vegjel dhe shtete,dhe për ketë ka bere investime të mëdha në zhvillimin e makinerisë propagandistike,fatkeqsisht në këtë makineri bejnë pjesë edhe disa shqiptarë po edhe Alma Lama e cila vetë pranon se direktivat i merr nga perendimi.Pra,të futesh në mes prushit të zjarrit në një hapsirë ku si Orientalizmi poashtu Oksidentalizmi janë prezente në masë të gjerrë si trashigimi shekullore e të dy kulturave,dhe të ngresh gisht kundër njërës kulturë fetare,as gjermani nuk do të kishte vepruar kështu megjith që edhe ato janë të manipuluar nga politika deri në palcë të kockave.

Në shtypin dhe media elektronike gejrmanofolës për çdo ditë u jepet mundësi të lexoni dhe të ndigjoni;

Krieg gegen den Islam – Krieg gegen die Muslime/Luftë kundër Islamit-Luftë kundër muslimanëve,ose,

Die deutsche Angst vor dem Islam /Frika e gjermanëve nga Islami

Edhe në Gjermani , shumë njerëz janë të frikësuar nga Islami. Në jetën e tyre personale disa nga ata zakonisht kanë pasur përvoja shumë të mira me muslimanët dhe lobojnë për çeshtjen islame të mos kuptohet ashtu si propagandohet, megjithatë, për fat të keq egsiton një linjë refuzimi dhe skepticizëm i gjerë .
Tek disa janë ngjallë paragjykime që më të drejtë i çojnë në një frikë iracionale deri në reagime paniku.
Si shembujt janë ndalimi i minareve në Zvicër dhe ndalimi i shamive të kokës mësueseve dhe nxënseve gati në të gjithë shtetet e perendimit.Me një gjë të tillë është ka merret edhe Zonja Presidente Jahjaga pa u futur në analiza më të thella se kur shumica vendos pro shamisë, vihet në pune ligji i natyrës dhe ndjejes e drejtë legjitime dhe individuale"vendos unë se si dua të veshem" e jo ligjet diskriminuese të Zonjës Jahjaga.
Në një shoqëri të lirë çdo Informacioni i plasuar duhet të jetë i mundur për të zbuluar vlerat e përbashkëta dhe për të i kultivuar ato .

Shterimi i paragjykimeve do të kontribojë bashkëjetesës paqësore, por në vend të kësaj jemi vazhdimisht në futjen e ndonjë supozime rreth myslimanëve , për të bërë pretendime të rreme në lidhje me fenë,thuhet në një kumtesë të ekspertëve gjerman mbi marrëdhëniet kulturore fetare.

Të vetëshpallurit "ekspertë islam" muslimanët i paraqesin si të papërmbajtshëm që mundësisht paragjykimet e tyre të duken si të pranueshme .
Shkojn aq larg, sa edhe përkthimin e Kur`anit ku bëhet thirje për paqë, publikisht i kan shpallur si"të rrezikshme ". Në mënyrë të gabuar dhe gjithashtu në mënyrë të përsëritur fjala " dhunë" është atributi i tyre.
Edhe Radio dhe Televizionet publike hedhin atribute të tilla si " islamist radikal " kur ata flasin për politikanët dhe partitë nga vendet islamike.
E gjithë kjo sigurisht nxit zemërim dhe frikë,po edhe ndikimi në klimën sociale është fatale, sepse këtu ka një bashkëveprim :

- Difuzioni,ose shpërndarja e frikës të zhyt në islamofobi paragjykime.
Diçka e tillë destabilizon kohezionin social,në veqanti në mjedise ku ka më shumë komunitete fetare dhe kultura të ndryshme nacionale siç është Kosova,Shqiperia,Maqedonia etj,për shkak se askush nuk mund të përfitojë asgjë nga propaganda antiislame.

Zonja Alma nuk pushon, mbase ka dal më një publikim tjetër "Disa hoxhallarë kan përqafuar islamin radikal".Të presim se cila do të jetë befasia e rradhës,dhe kjo do të shkoj më tej sipas direktivave që merr nga perendimi sepse nuk e ka kuptuar se eshtë futur në lojë të rrezikshme.Shaktrimin e Kombit që i përket bashkë me Zonjen Presidenten e Imponuar të Kosovës-Jahjaga.
Çdo hoxhë dhe prift e ka për detyre nese preken nga politikat radikale të reagojnë në kohë,dhe kjo nuk mund të quhet radikalizëm Islam apo i Krishterë.Këtë duhet të mesojnë Zonjat..ndryshe le të shkojnë në vise ose shtete që i ushqejnë me ide të tilla
të dëmshme për të gjithë ne.

[King_Gentius]

Personalisht nuk kam interes te mbroj karakterin apo agjenden e Zj Lama, dhe jemi dakort qe propaganda e krishtere eshte gjithashtu e demshme, por asnje nga kto tre tema nuk e filluan kte bisede. Biseda filloi nga fjalimi I papershtatshem I Erdoganit te cilen nuk po e komentoni.

[Kercovari]

Sa mirë do t`ishte sikur Alma Lamat dhe At Zefat njehere të kishin komentuar llomotitjet serbe se "Kosova është Sërbi".Apo për hatër të gjithsejt 3% të krishtereve në Kosovë le të solokaten apetitet srbe edhe më tej për të sunduar Kosovën,zatëm kan edhe mbeshtetjen që më heret nga Don Lush Gjergji kur patë thenë se"Ne nuk jemi në konflikt me askend,as me serbët po as me kishën si moter sërbe".

Ajo që duhet të di çdokush është se ;faktet shtrohen të nxisin fakte,argumentet të nxisin argumente,nacionalizmi të nxit nacionalzmin,këtu ndoshta e teproj Erdogan jo për ata që janë mësuar të dëgjojnë daklarata të tilla po për ata që mizën duan të bëjn buall,dhe këtu ska çka të komentohet mbase disa miliona shqiptarë që ka Turqia sot janë ura lidhëse në mes të shqiptarve kendej dhe andej po edhe miqesia e kahershme në mes Turqisë dhe Shqiperisë nuk ka munguar edhe në kohën e Enver Hoxhes.

„Ne me shqiptarët jemi vëllezër, shumë herë na ka ndihmuar Shqipëria. Nuk e harrojmë kurrë vitin 1974 kur ishim në konflikt me grekun , me rastin e Qipros, e qysh atëherë Shqipëria ashtu cfarë ishte, ajo u solidarizua dhe ishte në gjendje gatishmërie me forcat e veta për të na ndihmuar në kët luftë që kishim, përballë grekut. Andaj të mirat nuk harrohen kurr dhe mu për ketë ne ju kemi borgj.!.." tha fillimisht presidenti turk kena Evren në fillim të bisedës sonë.(5 qershor 1991)

Keni dyer të hapura të komentoni të qëna dhe të paqëna nuk ju ndal askush,kurse atyre që u jan mesu veshët me deklarata të tilla si nga sërbet,maqedonët,po edhe nga të tjerë, nuk kan çka të komentojnë sepse rrugët e miqësisë në mes shteteve dhe popujve janë toleranca dhe mirëkuptimi edhe kur me ose padashje mund të kuptohemi keq.

[Shpati]

Unë dhe gjithë shqiptarët jemi të interesuar për raporte të mira me Turqinë e sotme, edhe pse ajo është trashëgimtare e një perandorie që ne na mbajti nën pushtim rreth 500 vite. Ju mund të keni një qëndrim tjetër për pushtimin, por unë personalisht jam rritur me rrëfime për vajzat tona të reja që dikur hidheshin nga shkëmbinjtë për të mos rënë në duart e ushtarëve turq, se si kullave të të parëve të mi, iu është vënë flaka disa herë nga këto pushtues, sesi mijëra shqiptarë merreshin e dërgoheshin nizam, duke lënë shkretë shtëpi e katandi, e duke luftuar nëpër toka të huaja për interesa të perandorisë.
Ne nuk mund t’ju akuzojmë ju për atë që kanë bërë paraardhësit tuaj por në momentin që na kërkoni që ne të ndërrojmë historinë, që të zezës t’i themi e bardhë, e përgjakshmes lulëzim, në momentin pra kur ju nuk distancoheni nga prapësitë e paraardhësve tuaj, por përkundrazi na kërkoni që edhe ne t’i shohim me sytë tuaj, atëherë mos pritni prej nesh mirëkuptim.
Ne si komb kemi luftuar shumë hegjemoninë e të tjerëve, dhe tani që po shijojmë lirinë, kurrsesi s’mund të pranojmë që dikush, sado i fuqishëm, të na e shkruajë historinë sipas qejfit të vet. Asnjë shtet perëndimor, as ata që na çliruan nga pushtuesi tjetër Serbia, nuk na ka ardhur me një kërkesë të tillë primitive. Primitive pasi së pari historinë e shkruajnë historianët, jo politikanët, aq më tepër politikanët e vendeve ish-pushtuese; dhe së dyti, sepse bie tërësisht ndesh me fondamentin tonë, iluminizmin dhe të vërtetat që burojnë nën dritën e tij.
Sado i fuqishëm të jetë, askush nuk mund ta ndryshojë të shkuarën, ajo është arbitrare, edhe kur dikush palos fletë mbi të, një ditë ajo i shqyen pa mëshirë, madje edhe në shoqëritë e mbyllura.
E ne në Kosovë po përpiqemi të ndërtojmë diçka tjetër, një shoqëri të hapur, ku logjika e absolutizmit shpesh e mishëruar edhe tek feja, ia lë vendin logjikës kritike, konkurrencës së ideve dhe dekonstruktimit të ideologjive.
Prandaj, duke ju uruar mirëseardhje në Kosovë me datë 23 tetor, si kreu i një shteti me të cilin na lidhi një e shkuar fatkeqe, shpresoj që kjo vizitë të bëhet me qëllimin për të ndërtuar një të ardhme fatmirë.

Me respekt
Deputete e pavarur në Kuvendin e Kosovës

"Qellimi , arsyeton mjetin... " !
Kryeministri i Turqis nuk lexon Leter te mbyllet as te hapur te shkruar nga Alma por edhe nga te tjeret, se ka pune me te menqur se sa te humbe kohe , kot.
Ket e ka dit edhe Lama por qellimi i saj ishte te thot ate qka e kishte ne Zemer.

As une se lexova .
Ne Media verehen Deklerata, Shkrime, etj, te disa "Atedhetareve "...
Disa reaguan "Heftig" si nga Kosova dhe Shqiperia rreth deklerates dhe vizites se Erdoganit !!!
E asnjeri nga keta nuk regaoi fare rreth vizites se Daqiqit !!!

"Armiku im, duhet te ket , Armik te fort "... !
Fjala Politik rrjedhe nga Fjal Greke - e qe i bjer disi si :"shum fjal".
Por Mjeshter te Politikes ne Antik kan qen Perset . Kur Qyet- Shtetet Greke luftonin ndermjet veti ,Perset perkrahenin her njerin Qytet -Shtet e her tjeterin !
Qellimi i vetem te mos mbes anjeri Qytet - Shtet i fort ose i forti te dobesohet ose humbe .
E njeta strategji i mundesonete Perseve nje kohe te gjat te jen nje Superfufqi e kohes.

Nje lloj i till i politikes e percjell Njerzimin neper te gjitha fazat e mevoneshme te Historis deri me sot.
Sot SHBA-te perkrahin Turqin te jet e fort per Rusin.
Kina perkrah Pakistanin te jet e fort kunder Indis.
Rusia perkrah Indin te jet e fort kunder Pakistanit.
Ketu mora disa shembuj se si ne dite te sodit Palet e forcojn kundershtarin e kundershtarit ,jo se e duan kundershtarin e kundershtarit por me te njeten menyr kundershtari paralizohet.

Para ardhejs se Daqiqit ne Kosove te cilit nje her Autoritet e Kosoves nje her i than jo, e mandej !!!
Kosova u vizitua nga nje Delegacion i Ushtris Kroate te njetit po perkrahenin " forconin" Armikun e Armikut te tyre.
E mbas vizites se Daqicit !
Kosova u vizitua nga Kryeministri i Shqiperis Rama dhe Kryeministri i Turqis Erdogani .
Keto vizita nuk ndodhen rastesisht por paten nje Mesazh,se ju nuk jeni veten.
Lamen & Co nuk i pengoi Vizita e Daqiqit por e Erdoganit, Rames, dhe Delegacionit Kroat.

[King_Gentius]

Kjo nuk ka nevoje per shpjegim, biles cuditem qe po kerkoni shpjegim. Te gjith e dime qe Daciqi vjen per serbet, jo te shese propaganda shqiptarve per vllazni dhe ribashkim me serbet, por edhe sikur ta bente kete, nuk do kishte tifoze shqiptare qe do e ndiqnin. Pra nuk e shikoj te vlefshme te merremi me ta. Nga ana tjeter kur Erdogani shfrytezon vellezerit tane shqiptare ne Turqi per perfitime diplomatike te Turqise ka nje levizje brenda popullit shqiptar qe nuk e shikon si nje mundesi per perfitim te anasjellte diplomatik per Shqiptarine, por shkon nje hap gjigand dhe mundohet ta fuse popullin shqiptar prape ne ate izolimin prej evropes dhe vartesine e plote te qorrsokaku otoman. Kte lloj politike historia e 200 vjeteve te fundit na mesoi qe nuk na sjell perfitime diplomatike, por kerkon sakrifica te medha nga ne si "vellai i vogel" dhe con ne shkaterrimin tone pasi perfitimi i Turqise eshte sherbyer ne maksimum. Ne nje kohe qe vet Turqia eshte munduar kto 100 vjet te afrohet me perendimin, pse idiotet tane bokoharamista mundohen te na shkeputin prej evropes? A mund te jemi kaq naïve sa te konfuzojme miqesine diplomatike me vellazeri?

[Kercovari]

I lumi ti për Evropë!E di se sa here kemi thënë se "Ne jemi në Evropë dhe Evropa është tek ne".Me çka të lumturoj Evropa ty?A lavdëroj ndonjehere Evropa se shqiptarët i dhanë kulturën dhe identitetin Evropes?Po Vatikani?

Vatikani: Kosova, djepi i Kishës Ortodokse serbe.

http://lajmpress.com/top_lajme/25663.html (http://lajmpress.com/top_lajme/25663.html)

E pra,për aq kohë sa ty të duhet Evropa dhe Vatikani kështu siç janë sot,mu më ka mbetë të vezhgoj situatën deri në ç`masë mund të eskalojë dhe nderkohë për të u mbrojtur nga këto avanturier me duhet të kërkoj rrugë të reja miqesia.Keshtu vepruam për të shkeput Kosovën nga djepi i serbizmit dhe nuk do te lejojmë risllavizimin e trojeve shqiptare për qef tendin,të Vatikanit dhe shtrigës Evropë.

Ta them një mirembetsh me shprese se do të luftojsh dukurinë me negative të njerzimit-pedofilinë qe ka mbërthyer edhe Vatikanin se sa të merresh me bokoharamet e Tanzanise, mbase je i Evropes,apo jo?!.

[Shpati]

Kjo nuk ka nevoje per shpjegim, biles cuditem qe po kerkoni shpjegim. Te gjith e dime qe Daciqi vjen per serbet, jo te shese propaganda shqiptarve per vllazni dhe ribashkim me serbet, por edhe sikur ta bente kete, nuk do kishte tifoze shqiptare qe do e ndiqnin. Pra nuk e shikoj te vlefshme te merremi me ta. Nga ana tjeter kur Erdogani shfrytezon vellezerit tane shqiptare ne Turqi per perfitime diplomatike te Turqise ka nje levizje brenda popullit shqiptar qe nuk e shikon si nje mundesi per perfitim te anasjellte diplomatik per Shqiptarine, por shkon nje hap gjigand dhe mundohet ta fuse popullin shqiptar prape ne ate izolimin prej evropes dhe vartesine e plote te qorrsokaku otoman. Kte lloj politike historia e 200 vjeteve te fundit na mesoi qe nuk na sjell perfitime diplomatike, por kerkon sakrifica te medha nga ne si "vellai i vogel" dhe con ne shkaterrimin tone pasi perfitimi i Turqise eshte sherbyer ne maksimum. Ne nje kohe qe vet Turqia eshte munduar kto 100 vjet te afrohet me perendimin, pse idiotet tane bokoharamista mundohen te na shkeputin prej evropes? A mund te jemi kaq naïve sa te konfuzojme miqesine diplomatike me vellazeri?

Populli Shqiptar nuk do te iritohet nga ata qe kan pikpamje te ngjashme si Daqiqi.

Turqia ne fakt esht me shume se nje vend Mik i Shqiptareve !
Pse ?
Atje jetojn hiq me pak se 5 Milion Shqiptar .
Erdogani ka then se Turqia esht Kosove dhe nje thenje e till deshmohet me perqindjen e Shqiptareve qe jetojn atj.
Shqiptaret duhet te intesifikojn mardhenjet me Turqin dhe SHBA-te !
Me te njeten form do te forconim poziten ton e cila ka filluar te dobesohet me aferimin e Serbis me Evropen.
Edhe pse Fanatiket Fetar Katolik kan problem me Turqin ose ata Musliman me SHBA-te por Populli Shqiptar duhet te injoroj Fanatiket .

[King_Gentius]

Hi Shpat, pikerisht kte po them dhe une, qe duhet te kemi lidhje te mira diplomatike si me Turqine ashtu dhe perendimin, dhe te margjinalizojme ekstremistet fetare te te gjitha feve. Turqia vet mundohet ti ket lidhjet mir me perendimin, pra trim I mir me shok shum por Kercovari thot hajde flem me mullixhine turk per inat te vjerres shtrige Evropes. Kercovar, mua mos me bashkangjit shpifje se nuk fola gjekundi per vllazni me Vatikanin apo Serbin. Sa per kulturen ton te lashte, koha per lobby neper Evrope ishte nga filimi I viteve 1800 kur politiken ton te jashtme e manaxhonte vellau tend turk, qe nuk na lejonte edukim shqip po na mbajti te izoluar nderkohe qe grekoserbet e asaj kohe benin lobby lart e poshte Evropes per ceshtjet e veta.

[Izraeliti]

Krejt atë që është duke ndodhur aktualisht në Kosovë,shkrimtari Mehmet Kraja e sheh si një luftë për ndërtimin e shtetit dhe të profilizimit të shoqërisë. Këto dy beteja, sipas tij, po zhvillohen në një ambient të degjeneruar, ku liderët politikë përfillin vetëm interesat që lidhen me pushtetin e tyre. Por, Kraja nuk heziton t'a thotë se në mbrapshti, përveç politikanëve, janë përfshirë edhe prijësit fetarë, e bashkë me ta edhe njerëzit e zakonshëm. "Elitat politike nuk krijohen me ndonjë konstruksion jashtë shoqëror, ato janë pjesë e konstalacionit shoqëror, pjesë e mentalitetit, e etnopsikologjisë, trashëgimisë historike, e shtresimeve sociale, e botëkuptimit dhe pikëpamjeve, e kulturës politike etj", shpjegon Kraja. "Ne kemi dështuar të bëjmë shtet normal...", shton ai. Por, kosovarët nuk janë të vetëm, në një situatë të tillë. "Çuditë shqiptare duket sikur nuk marrin fund asnjëherë" thotë Kraja teksa elaboron se pse shoqëritë shqiptare vazhdojnë të stagnojnë - Shqipëria 20 vjet pas ndërrimit të sistemit e Kosova 15 vjet pas përfundimit të luftës. Në intervistën për Express, Kraja flet edhe për raportet Kosovë - Shqipëri, çështjen e shumë diskutuar të gjuhës standarde, ndikimin e religjionit në situatën aktuale, rolin e intelektualit në shoqëri, vizitën e fundit të Kryeministrit turk Recep Tayyip Erdogan dhe marrëdhëniet e shqiptarëve me Turqinë etj.


Express: Këto ditë në Kosovë qëndroi Kryeministri i Turqisë Recep Tayyip Erdogan, i cili me fjalimin e tij vetëm i rikonfirmoi aspiratat turke, që disa shtete të Ballkanit përfshirë edhe Kosovën, të futen në zonën e influencës së Ankarasë. Kryeministri Thaçi kishte diçka tjetër në mendje duke e çuar Erdoganin në Prizren, por zyrtari i lartëturk e shfrytëzoi vizitën më shumë për të promovuar atë që shumëkush tashmë e cilëson si politikë neootomane të autoriteteve të shtetit turk. Si e komentoni këtë?

M.Kraja Fjalimi i Erdoganit, reagimet agresive ndaj deklaratës së presidentes Jahjaga për shamitë dhe fenë në shkolla, ikonografia fetare që është e pranishme në jetën tonë të përditshme, të gjitha këto se bashku dëshmojnë se diçka është duke ndodhur në këtë vend, se ka diçka që vlon përbrenda, se bëhet fjalë për një shoqëri të trazuar. Shoqëria kosovare nuk është profilizuar ende, prandaj synimet për ta dominuar atë janë agresive, nuk njohin kufizime, nuk njohin rend vlerash. Nuk është çudi që në këtë betejë për ta profilizuar shoqërinë kosovare janë futur në garë dy koncepte, dy filozofi, dy botë, të cilat në këtë vend kanë pasur një ndarje shekullore dhe kanë sjellë tragjedi të mëdha. Është e frikshme ta mendosh se një Kosovë me dhjetë mijë kilometër katrorë, një botë shqiptare me gjashtë-shtatë milionë banorë, bëhen arenë e përplasjeve të këtilla planetare. Në kontekst të këtyre zhvillimeve, dua të them edhe një gjë: Perëndimi, NATO-ja bëri në Kosovë njërën nga luftërat më parimore në historinë e njerëzimit, por, për shkak të konjukturave politike globale, i la kosovarët që t’i bëjnë vetë dy beteja gati të pamundshme: ndërtimin e shtetit dhe profilizimin e shoqërisë. Ne jemi në betejë për t’i bërë këto dy gjëra. Lufta për Kosovën nuk ka përfunduar ende.

Express: Kosova i ka hapur dyert për bizneset turke, e bashkë me këtë për shumëkënd edhe dyert e nënshtrimit ndaj Turqisë. Dihet që Qeveria nuk i rezistoi kërkesës turke për ndryshimin e "paragrafëve fyes ndaj Perandorisë Osmane"...

M.Kraja: Po, mendoj se tani vjen radha të themi diçka për Turqinë, më shumë në kontekst të asaj që thamë më parë, rreth profilizimit të shoqërisë kosovare. Turqia, duke qenë investitori kryesor në Kosovë (për shkak të krizës që ka përfshirë pjesën më të madhe të botës) ka filluar të krekoset pa takt, madje të sillet me arrogancë në shtëpinë tonë. Në sjelljen e Turqisë ndaj Kosovës dhe ndaj shqiptarëve mungon takti diplomatik, mungon respekti, me një fjalë, është sjellje primitive. Me anë të kësaj miqësie “vëllazërore” ndaj shqiptarëve, Turqia po fsheh tri gjëra: e para, aspiratat neootomane; e dyta, pjesëmarrjen në gjenocid ndaj shqiptarëve (Turqia e Ataturkut, pra jo Perandoria Otomane, ka qenë aleate e dy ish-Jugosllavive për shpërnguljen e shqiptarëve nga Kosova); dhe, e treta, detyrimet që ka ndaj komunitetit shqiptar në Turqi. Pra, thënë me një fjalë, është një sjellje tipike turke, të tillë që e kemi njohur gjatë historisë, e pasinqertë, anadollake në mentalitet dhe bizantine në politikë. Mos u çuditni, nëse pas disa ditësh Erdogani thërret Daçiqin në Ankara dhe ia thotë po ato që ua tha Ramës dhe Thaçit në Prizren. Kështu ka bërë Turqia deri më tani dhe, më sa shihet, nuk ka ndonjë arsye madhore të mos bëjë kështu edhe në të ardhmen. Sido që të jetë, duhet thënë se me këtë “dashuri” kaq të madhe që e paska ndaj shqiptarëve dhe që nuk e ka dëshmuar gjatë historisë, Turqia mbulon interesa shumë të mëdha që ka në drejtim të Ballkanit dhe të Europës. Duke parë këtë rrethanë, mbase është koha që shqiptarët, më në fund, të fillojnë të bëjnë politikë mbi bazat e reciprocitetit me Turqinë. Një politikë e këtillë do të na kthente sadopak dinjitetin e humbur.

Express: Në anën tjetër, Kryeministri i Shqipërisë Edi Rama po ashtu ka shpallë Turqinë aleat dhe partner strategjik, ndërsa popullin shqiptar dhe turk - popuj vëllezër. A mendoni se ky është drejtimi në të cilin duhet të shkojnë dy shtetet dhe shoqëritë shqiptare

M.Kraja: Në politikën shqiptare ka shumë makivelizëm, kështu që është vështirë të thuhet një gjë e saktë, e cila nuk do të demantohej pastaj. Por një gjë është tashmë është e qartë: liderët shqiptarë nuk merren me vizione, me fenomene shoqërore dhe gjëra të këtilla. Ata merren me interesa pragmatike, jo të shoqërive dhe të shteteve shqiptare, por të pushtetit të tyre. Kjo murtajë, pra mercenarizmi i jashtëm dhe i brendshëm, ka përfshirë të gjithë shqiptarët, pavarësisht në janë liderë shtetërorë apo politikë, në janë liderë fetarë apo njerëz të zakonshëm të jetës qytetare. Le të shohim, ta zëmë, se çfarë i lidh liderët shqiptarë aktualë, në pikëpamje botëkuptimore, me fenë, me islamin. Asgjë. Të gjithë, përfshirë edhe liderin e Partisë së Drejtësisë, apo të Vetëvendosjes, të LDK-së, të PDK-së, të PS-së, të PD-së, apo të BDI-së, pra të gjithë këta, flas gjithnjë në pikëpamje botëkuptimore, kanë lidhje më të afërta me marksizëm-leninizmin ose me komunizmin jugosllav, sesa me islamin. Por çfarë po ndodh tani? Që të gjithë heshtin ose “bëjnë prokopi”, pra koketojnë me fenë, jo pse iu dhemb zemra për “gjendjen shpirtërore” të kombit apo gjëra të këtilla, por thjeshtë e bëjnë këtë për interesa politike ose elektorale. Më anë tjetër, sado që mund të duket e çuditshme, në Kosovë ka edhe fundamentalizëm katolik, respektivisht të krishterë. Vetë Katedralja e Prishtinës, vendi ku është ndërtuar ajo, madhësia e saj, përfshirë edhe disa deklarata të pamatura të krerëve të Kishës Katolike të Kosovës, e dëshmojnë pikërisht këtë.

[King_Gentius]

Meqe jemi ne temen e vellazerise, kte jave erdhi president Papulja nga Greqia, dhe camet nxorren parulla me foto te arvaniteve qe ndihmuan revolucionin grek, pra gjaku I tyre praktikisht na nxjerrin vellezer me greket gjithashtu, dhe na vendos ne poziten disi paradoksale qe jemi vllezer me dy kombe qe jan armiq te perbetuar me njeri-tjetrin, dhe per me teper ne jemi keput me sopata me te dy ata ne nje kohe apo tjetren. Prandaj me mire do ishte ti mbajme te dy kta ne distancen e duhur te "miqesise diplomatike" dhe ne qofte se ata keputen me sopata me njeri-tjetrin ne te mos behemi satelit apo tifoz asnjerit. Kto lojra I kemi provuar me pare dhe jemi djeg (kujtoni psh luftrat greko-turke te 1770s, ku turqit kerkuan mijera mercenar shqiptare te shtypin greket po kur mbaroi lufta e mercenaret ngelen duke plackit Peloponezin, Sulltani dergoi turq qe asgjesuan mercenaret shqiptar!)