Presidenti Ibrahim Rugova shpallet Senator Nderi i Evropës

[Dilaver]

Bruksel, 29 janar - Presidenti i Kosovës Ibrahim po qëndron në Belgjikë për një vizitë disaditëshe.
Presidenti Rugova sot mori pjesë në ceremoninë e dorëzimit të Çmimit Saharov sekretarit të përgjithshëm të OKB-së, Kofi Anan. Ibrahim Rugova poashtu është një nga laureatët e këtij Çmimi prestigjioz të Parlamentit Evropian.
Gjatë një kokteji që shtroi kryetari i Parlamentit Evropian Pat Koks me rastin e dorëzimit të këtij çmimi, mori pjesë edhe Presidenti Rugova, i cili me këtë rast pati takime të shkurta me sekretarin e përgjithshëm të OKB-së Kofin Anan, shefin e politikës së jashtme të BE-së Havier Solana dhe me komesionerin evropian Kris Paten. Poashtu Presidenti Rugova me këtë rast takoi edhe bashkëshorten e Serzho de Melos së ndjerë, të cilës i shprehu ngushëllime.
Gjithashtu Presidenti Rugova ishte në drekën që shtroi Havier Solana për nder të Kofi Ananit, pas ceremonisë së dhënies së Çmimit Saharov.
Presidenti Rugova nesër do të takohet me ministrin e Punëve të Jashtme të Belgjikës, Lui Mishel.
Ndërkaq, të dielën më 1 shkurt, në një ceremoni që do të zhvillohet në orën 11.00 në qytetin Atverpen të Belgjikës, Prsidenti Ibrahim Rugova do të shpallet Senator Nderi i Evropës. "