Ai/Ajo nuk të don më!!!!

[Murgesha]

Në këtë botë ndodh shpesh që përpjekjet për të pasur një lidhje dashurie dështojnë. Në një revistë i gjeta disa këshilla si ta mundim dhimbjen pas ndarjes.
Besoj se ka edhe tjerë që do të japin këshilla të vlefshme rreth kësaj teme.


Zemrës mund ti duhet kohë që të pranojë faktin se ai/ajo nuk të don më.
Ndjenjat që lindën dhe u forcuan me kalimin e kohës po ashtu duhet kohë që ato të shuhen. Rrallë ndodhë që ndjenjat e dashurisë të shuhen tak-fak, siç bëhet me një llambë. Ka ditë kur duket se ato po të mbysin. Ki durim. Ashtu siç koha kalon, ashtu do të kalojnë edhe ndjenjat. Por në qoftë se do që këto ndjenja të të shuhen më shpejt shmang gjithçka që i ushqen ato.

Për shembull, mos analizo çdo fjalë dhe gjest tëndin kur ti ke shprehur ndjenjën tënde, për të gjetur çfarë nuk ke bërë siç duhet. Nëse nuk u vë fre këtyre mendimeve, mund të arrish në përfundimin se ai/ajo në të vërtetë nuk donte të të thoshte "s´të dua" se ti je fajtori/fajtorja kryesore që ai/ajo nuk të don më, se po t´ishe sjellë ndryshe mund të kishte përfunduar më mirë. Prano faktin se nuk mund ti ndryshojshë ndjenjat e atij/asaj. Ka shumë të ngjarë që sido që t´ia kishe thënë përgjigjja do të ishte e njëjta.

Një grackë tjetër mund të jenë ëndrrat me sy hapur. Përfytyron sikur më në fund të dy bashkë jetoni të lumtur e të gëzuar. Mbase këto ëndërrime të duket sikur të qetësojnë, por ato nuk tregojnë realitetin. Kur ëndërrat mbarojnë, ndien s´ërish të njëjtin boshllëk e bashkë me të, të vjen edhe trishtimi. Kështu po të mos përpiqesh shumë t´i japësh fund kësaj gjendje që kalon nga kënaqësia në një dëshpërim të padurueshëm, ajo mund të vazhdojë për një kohë të gjatë.

Përpiqu të mos ëndërrojsh me sy hapur. Sa të ndiesh se po humbesh prapë në ëndërrime, ngrihu dhe bëj një shetitje. Merru me punë fizike, bëj diçka që ta çosh mendjen gjetkë. Përqëndrohu te gjëra që të japin forcë, jo që të sjellin trishtim. Në fillim, kjo ndoshta është e vështirë, por dalëngadalë do ta fitojsh këtë betejë dhe do të gjesh qetësinë shpirtërore.

Mbështetja e familjes, shokëve/shoqeve mund të jetë një ndihmesë e madhe. Nuk është e domosdoshme që shoqet/shokët të jenë në një moshë me ty, ke nevojë edhe për shoqëri më të rriturr, që mund të ndihmojnë ti shohësh gjërat me një sy realist.
Ka shumë prej tyre që do të thonë:
-"Mos u bëj merak, një ditë do të gjejsh princin/princeshën e ëndrrave tua"
Dhe është e vërtetë, se fakti që dikush të tha s´të dua nuk do të thotë që ti nuk je i/e denjë për tu dashuruar.

Dhe kurr mos harro se së shpejti do të vijë dita kur prap do të buzëqesh fati, të gjesh atë të vërtetin/vërteten.