Gostivar: Vajza akuzon të atin për incest

[roadrunner]

Gostivar, 24 maj - Në stacionin policor në Gostivar, pasditen e të hënës një vajzë 19-vjeçare nga Gostivari ka denoncuar se është sulmuar fizikisht dhe e keqtrajtuar seksualisht nga babai i saj 42-vjeçar, ka bërë të ditur Sektori për Punë të Brendshme (SPB) në Gostivar.
Vajza veprën e ka denoncuar në prani të njerkës së saj. Gjatë periudhës së kaluar prej rreth dy vjetëve deri në denoncim, në shtëpinë e tyre familjare, në një fshat afër Gostivarit, i ati me përdorimin e forcës disa herë e ka detyruar vajzën në marrëdhënie seksuale, në prani të njerkës së saj. Ai të njëjtën ka tentuar t'ia bëjë edhe vajzës tjetër minorene, e cila ka 17 vjet. Vajza deklaroi se është shtatzënë nga babai i saj, ndërsa deri tani nuk e ka denoncuar rastin, sepse ai i është kërcënuar se do ta vrasë atë dhe anëtarët e familjes së tyre. Prindi i akuzuar është arrestuar dhe po mbahet në stacionin policor në Gostivar dhe pas ndriçimit të tërësishëm të rastit, kundër tij do të ngritët padi penale.