Kosova në prag të ndarjes

Dilaver · 22-03-04, 16:03

Zemërimi dhe revolta qytetare këtyre ditëve në mbarë Kosovën si duket e kanë destabilizuar dhe zbehur imazhin politik të saj deri në kufijtë kritik, sepse ky eskalim i situatës, Kosovës pretendon t’ia mbyll derën drejt Europës dhe i hap derën e disfatës politike dhe labirintin e humnerës.

Ishim deshmitarë kur bota i kritikonte spastrimet etnike që kryen serbët në Kosovë, tani pllaka është ndërruar, shqiptarët tani perfaqësojnë ketë dukuri, sepse per një akuzë të tillë mbajmë pergjegjësi ne vet, duke ju dhënë argumente të pakontestueshme botës dhe serbisë.

Per ditë e më zëshëm degjohen analizat propozimet dhe strategjitë të cilat duhet të pasojnë pas kësaj situate që kaloi Kosova dhe fatkeqësisht ndër më të zëshmet është edhe propozimi për ndarjen e Kosovës.

**Murgesha** · 22-03-04, 16:20

Rugova: Kufijtë tanë janë të paprekshëm dhe ashtu do të mbesin
Lajmi i ores 1:30 PM
PRISHTINE (22 Mars) - "Situata ka filluar të qetësohet, dhe nuk mendoj se është vënë në rrezik pavarësia e Kosovës, ajo është e domosdoshme", tha presidenti Ibrahim Rugova në një konferencë për shtyp të mbajtur sot në rezidencën e tij në Prishtinë. Ai shtoi se do të fillojnë së shpejti shqyrtimi i shkaqeve dhe pasojave të këtyre trazirave. Rugova theksoi se që nga hyrja e forcave të NATO-s mund të them se është bërë një progres prej 50 përqind në të gjitha fushat e jetës, si në ekonomi ashtu edhe në sferat e tjera. I pyetur për ndarjen e Kosovës, presidenti Rugova tha se kufijtë e Kosovës janë të pa prekshëm e ashtu do të mbesin. Çdo lëvizje e kufijve të Kosovës do të sillte trazira të reja, tha Rugova. Edhe UNMIK-u, por edhe ne jemi të interesuar që t'i shqyrtojmë raportet tona edhe njëherë që të kemi raporte më efikase dhe të kemi efikasitet më të madh te të dyja palët, përfundoi presidenti Rugova. ro/ro(Balkanweb)

LUMI_007 · 10-12-04, 22:46

PO INTENSIFOKOHEN KONFRONTIMET RRETH KOSOVËS DHE EVROPËS JUGLINDORE

Për hegjemonizëm e dominim, tani janë duke u intensifikuar konfrontimet dhe aksionet e shteteve të mëdha rreth Kosovës e në Evropën Juglindore. Me siguri konfrontimet rreth Kosovës e territoreve shqiptare në Maqedoni e gjetiu, aktualisht po marrin përmasa që mund të shkaktojnë rreziqe të mëdha. Nuk duhet të ketë dyshim se aksionet e konfrontimet rreth Kosovës kanë për ta destabilizuar gjendjen në Kosovë, në Maqedoni dhe në regjion, të cilat mund të marrin përmasa ndërkombëtare.

Lidhur me këto aspirata e konfrontime duhet të kuptohet dhe me kohë të dihet a kanë filluar aksionet ose përpjekjet për të formuar një bllok shtetesh në Ballkan, së pari me popullsi të besimit ortodoks? Duhet të kuptohet a kanë lidhje me përpjekjet për ndarjen e sërishme të Evropës në blloqe vizitat e z.Llavrov, ministër i Punëve të Jashtëme, në Shkup e në Shqipëri, dhe të zyrtarëve të tjerë të Rusisë në Begorad dhe në shtetet e tjera të Ballkanit dhe të këtij regjioni ? Gjithashtu, duhet të dihet a janë duke i ndihmuar drejtuesit e sotëm të Francës e të ndonjë shteti tjetër nga Aleanca Perëndimore, këto aspirata të rrezikshme dhe aksionet për lindjen e një grupi shtetesh me orientim
pro-Moskës me bashkëpunëtorë?

Në qoftë se shqiptarët, e sidomos kosovarët, nuk e kuptojnë rrezikun e këtyre tendencave të rrezikshme, është mirë që drejtuesit e bashkësisë ndërkombëtare t’i shqyrtojnë këto me seriozitet të duhur.

Dr.R.Xhema
Prishtinë, më 10 dhjetor 2004