Votoni Per MIss Universe - Albania 2006..!!

rilinda · 04-07-06, 15:27

Klikoni ketu

edhe pastaj

rilinda · 04-07-06, 15:29

Kush don mundet me dhane edhe ma shume se nje vote vetem shkoni me proceduren per me i fshi Cookiet...

TOOLS>>INTERNET OPTIONS>>DELETE COOKIES..... dhe votoni sa here te doni..!!!!

Dilaver · 05-07-06, 10:11

Për momentin mirë qenka Shqiperia, në vendin e dytë.

DOMINICAN REPUBLIC, Mia Taveras (3864) - 22%

ALBANIA, Eralda Hitaj (2876) - 17%

rilinda · 05-07-06, 10:37

ton k'ta shqiptarë që jemi, hajde pe qesin vendin ton t'parim!

Prishtinasja_ · 07-07-06, 22:11

Votova edhe une dhe i deshiroj Eraldes shume Suksese !!!!

Dilaver · 23-07-06, 11:59

Eralda Hitaj, sot në garën “Miss Universe” (23/07/2006)
Shekulli
I rrëmbeu vendin Suada Sherifit për të prezantuar sot Shqipërinë në “Miss Universe”. E ndërsa pak kush është marrë me këtë fakt, për publikun e gjerë ndoshta i rëndësishme mbetet klasifikimi që 19-vjeçarja nga Tirana, Eralda Hitaj, pritet të ketë sot në mbrëmje ndërmjet 89 vajzave që konkurrojnë për kurorën e më të bukurës së botës në Los Anxhelos. Votimet e deritanishme të publikut e kanë renditur Hitajn ndër 15 vajzat më të preferuara. Deri vonë ajo ka lëvizur ndërmjet vendit të 10 dhe 15 me 1.9% të votave. Ndërsa në vendin e parë, sipas këtij votimi në faqen zyrtare të “Miss Universe”-it është vajza që përfaqëson Porto Rikon me 6.9% të votave.
Komentet e atyre që po ndjekin me interes këtë konkurs e cilësojnë shqiptaren si “të mrekullueshme” me një nur pak të trishtuar, ndërsa në pozat para aparatit të njeriut që e zgjodhi për të përfaqësuar vendin në “Miss Universe”, Fadil Berishës, thuhet se i ngjan aktores Anxhelina Xholi. Berisha nuk e ka kursyer talentin në fotot e vajzës modele realizuar posaçërisht me këtë rast, duke e modeluar imazhin e saj sidomos në disa syresh, si një femër fatale në epokën e kapeleve me pupël dhe tyl në fytyrë.
Komentet e publikut janë dhe të atij lloji që vënë në dukje gafat e konkurrenteve gjatë intervistave. Fjalori i varfër, adhurimi i vetes dhe anglishtja e folur me shumë gabime janë disa nga elementët që tërheqin vëmendjen për inteligjencën e ulët të bukurosheve. Psh “Miss Indonezia”, pyetjes se cili është personi që ajo admiron më shumë i është përgjigjur: “Admiruesja ime është Nënë Tereza”. Kaq është dashur që bukuria e magjishme e indonezianes të rrëzohet në fund të këmbëve.
Në po të njëjtën intervistë tip për të gjitha konkurrentet Eralda Hitaj i është përgjigjur kështu kërkesës për të përshkruar vendin ku është rritur dhe si ka qenë fëminia e saj atje: “Të rritesh në Tiranë është një përvojë që të bën të fortë dhe të zonjën. Ajo që kam mësuar nga fëminia në vendin tim është që të pranoj dhe t’ju jap rëndësi gjërave të vogla emocionale të cilat njerëzit ndonjëherë kur rriten nuk i vlerësojnë. Jam rritur duke luajtur dhe ndarë gjithçka me miqtë e mi të cilët akoma i vlerësoj si thesaret më të mëdha të fëminisë sime. Megjithëse kurrë nuk kishim lodra të bukura apo park të madh argëtimi si Disneyland, kemi mësuar të ndajmë gjithçka dhe të zbavitemi me atë që kemi. Tani e di se fëminia ka qenë e pasur dhe e shumë e bukur sepse ka qenë plot me emocione të vërteta.” Eralda, një vajzë me sy blu dhe flokë të kafenjtë ka treguar se shtatorin që vjen do të regjistrohet në Akademinë e Arteve në Tiranë, sepse mendon që në një të ardhme t’i kushtohet arteve skenike ose produksionit kinematografik në vendin e saj. Pra do të rrijë në Shqipëri vend që publikut të Miss Universe-it, përveçse me simbolin e shqiponjës së zezë hedhur krahëve (një veshje aspak e gjetur) ajo ua prezantoi si një vend i vogël dhe i madh. I vogël, por me shumë bukuri dhe njerëz të dashur.
Gjithësesi një konkurs bukurie si ky, në një natë të vetme para ekranit mbërthen miliona shikues. Edicioni i 55-të i “Miss Universe”-it do të transmetohet drejtpërdrejtë nga Los Anxhelos në televizionin NBC dhe Telemundo sot më 23 korrik. Kështu pas tetë vjetësh, që prej 1998-s kur Havai ishte vendi pritës për “Miss Universe”-in, kurora do të jepet prej këtej.
23/07/2006