Nuk mbrohet Zoti me gënjeshtra!

pokeri · 11-11-06, 13:40

Nuk mbrohet Zoti me gënjeshtra!
Në shekullin e IV të erës sonë, njëri nga teologët dhe filozofët më të shquar të krishtërimit, Shën Aurel Augustini në një nga librat e tij thotë:
"Shpesh edhe jobesimtari di diç për tokën, qiellin dhe elementet e kësaj bote, për lëvizjen e yjeve, madhësinë e tyre, pozicionet, për parashikimin e zënies së diellit dhe hënës, ciklet e viteve dhe stinëve të vitit, për llojet e shtazëve, bimëve, gurëve etj. Dhe, ai këto njohuri i mbanë të sigurta në bazë të përvojës. Është turp dhe rrezik që të krishterët kinse duke shpjeguar shkrimin e shenjtë flasin gjepura për ato tema, dhe ne besimtarët duhet të ndërmarrim të gjitha masat e duhura ta parandalojmë atë gjendje, në të cilën pabesimtarët mund të tërheqin vërejtjen për padijen e madhe të besimtarëve, dhe t'u qeshen me përbuzje."
Të krishterët gjatë historisë në rastet më të shpeshta e kishin respektuar këtë këshillë të Aurel Augustinit, duke e pranuar të vërtetën e matematicientëve dhe filozofëve të famshëm grek. Në mesjetë, kur shkenca arabe ishte në kulmet e saj, zbulimet e saj u pranuan dhe u përphapën pikërisht nga murgjët dhe dijetarët kishtar, pa marrë parasysh që ato vinin nga "pabesimtarët".
Por urtia e kësaj këshille shihet me gjithë fuqinë e saj kur shikojmë çfarë ka ndodhur, kur nuk e kishin respektuar besimtarët!? Disa shembuj, sot i di secili fëmijë; teologët kishtarë në mesjetë ishin të bindur që - Bibla thotë se Toka ishte e rrafshtë. Kur Galileu e shpiku teleskopin dhe filloi t'i publikoj zbulimet për planetet, ata teologë e detyruan që publikisht të heqte dorë nga tërë ajo që kishte zbuluar.
Kur Koperniku gjeti dëshmi të pakontestueshme që Toka ishte e rrumbullakët dhe rrotullohet rreth diellit (dhe jo e kundërta), kishte aq shumë frikë nga dënimi që do të pasonte në rast të publikimit të atyre "herezive", sa që kurrë nuk guxoi t'i botonte.Ato u gjetën nëpër sirtarë pas vdekjes së tij. Xhordano Bruno pasi që nuk ishte i gatshëm të fshihej, u dogj në turrë të druve.
Kur mjekët dhe bilogët e zbuluan që sëmundjet shkaktohen nga bakteret e jo nga demonët. priftërinjtë iu kundërvuan dhe e sulmuan teorinë e tyrë si "blasfemi". Në Bibël sipas interpretimit të tyre shkruante se: Zoti e dërgonte sëmundjen si dënim. Nuk shkruante se ajo mund të ishte rezultat i pisllëkut dhe organizmave të padukshëm... Natyrisht, këtyre "ekspertëve" kurrë nuk u kishte shkuar mendja që interpretimi i tyre i Biblës, do të mund të ishte i pasaktë!?
Çfarë ndodhi me gjithë këto raste? Besimtarët dolën qesharak! Fëmijët sot u qeshen atyre teologëve që e ndoqën Galileun, dhe pyeten se si aq lehtë "kisha" i refuzoi dëshmitë që i kishte para hundës. Edhepse e kishin qëllim mbrojtjen e fesë, gjëja e vetme që arrinë ishte që fenë e paraqitën qesharake.
Sot kemi kundër-teorinë që quhet "kreacionizëm". Tërësi argumentesh që mohojnë evolucionin. Kjo lëvizje para disa dekadash ishte e "koncentruar" kryesisht në SHBA, ku kishat fundamentaliste janë më të popullarizuara, mirëpo viteve të fundit shumë "argumente" të tyre u përhapën në Evropë dhe Ballkan, përmes Dëshmitarëve të Jehovës dhe Kishës Adventiste. Këto argumente gjithashtu i përqafoi edhe grupi islamik Harun Jahi, pamfletet dhe librat e së cilit po përhapen gjithnjë e më shumë edhe në kontinentin e vjetër.
Cili është problemi me kreacionizmin?
Përgjigja më e shkurtër në këtë pyetje është se; argumentet e kreacionistëve nuk janë të sakta. Shumë njerëz e kanë vështirë ta kuptojnë, por kjo nuk ka asnjë lidhje me evolucionin. E marrim shembull pohimin e kreacionistëve se, fosilet kalimtare nuk ekzistojnë. Ky pohim nuk është aspak i saktë. Evolucioni ndoshta nuk është i saktë dhe ndoshta nesër do të hedhet si teori për t'u zëvendësuar me ndonjë teori tjetër, e cila më mirë do të mund të pasqyroj dëshmitë për botën që e kemi. Por, pa marrë parasysh e saktë apo jo, njeriu që pohon se nuk ka fosile kalimtare e flet të pavërtetën.
Ky është problemi me argumentet kreacioniste. "Archaeopteryx është skelet i një shpeze të zakonshme". Nuk është e saktë!
"Janë gjetur gjurmë të njerëzve dhe dinosaurve, njëri pranë tjetrit". Nuk është e saktë.
Sado që njeriu të besoj në autencitetin e Biblës, dhe sado që besimtarit nuk i pëlqen teoria e evolucionit, mendoj që të gjithë duhet të pajtohen në një pikë; Zoti nuk mbrohet me gënjeshtra.
Çka është rrënja e gjithë kësaj? Pse kaq shumë njerëz "përpiqen" ta dëshmojnë kreacionizmin dhe ta rrëzojnë teorinë e evolucionit?
Arsyeja kryesore është bindja që shumë njerëz e kanë se; Shkenca e mohon Zotin, se zbulimet shkencore e largojnë Zotin gjithnjë e më larg.
Funkcioni i shkencës është që ta përshkruaj botën dhe të shpjegoj sa më mirë se si funkcionon ajo. Mirëpo, njerëzit i kanë disa bindje të veta, dhe kur shkenca bën një zbulim ajo i shtyen që ato bindje t'i ndryshojnë. Prandaj mbizotëron fryma; "Nëse baballarët tanë besuan në diç, pse ne sot besojmë në diç tjetër?".
Përgjigja në këtë pyetje është e thjeshtë; Sepse është e rëndësishme të dihet e vërteta. Deri para disa qindra vitesh njerëzit besonin që Zoti apo ndonjë shenjtor shkaktonin rrufetë dhe bubullimat! Ndërkohë, shkenca e zbuloi që kjo nuk është ashtu. Ky zbulim a e zvogëlon Zotin? A është më mirë të besohet në të pavërtetën që Zoti krijon rrufetë, apo në të vërtetën që ato krijohen për shkak të dallimeve në potencial mes reve dhe tokës?
Të besosh në diçka që është e pavërtetë nuk është shenjë e Besimit - kjo është shenjë e llojit më të shëmtuar të krenarisë arrogante. "Dëshmitë mund të jenë çfarë të duan, ekspertët mund të flasin çfarë të duan, unë e dij cila është e vërteta dhe pikë"! A është në rregull kjo?
Nëse ekziston Zoti, a dëshiron ai që ne të mendojmë kësisoj? A ka Zoti dëshirë që ne të besojmë në gënjeshtra të mëdha, të tipit se ai krijon rrufe, që Ai dërgon sëmundje për t'i dënuar mëkatarët, që Ai e krijoi Botën për 6 ditë para 6000 vjetësh? Apo ndoshta do të kishte më shumë dëshirë që ne ta përdorim mendjen tonë, të provojmë ta njohim botën në të cilën jetojmë, dhe ta gjejmë të vërtetën, edhe kur ajo e vërtetë na detyron të heqim dorë nga disa ide në të cilat kishim besuar më përpara?

Agolli · 12-11-06, 03:33

Filozofi i njohur gjerman Emanuel Kanti në veprën e tij "Kritika e mendjes së pastër "....ka zhvilluar idenë se me mendje nuk mund të përfshihet e verteta e pafund. Sipas natyrës së saj, mendja i arrinë vetëm partikularitë ndërsa është e paaftë të kuptojë të ekzistuarit absolut siç është ekzistimi i Zotit. Ne e kuptojmë Zotin me ndërgjegje (damîr) e jo me mendje (‘akl). Dëshira jonë për drejtësi është dëshmi e ekzistimit të së drejtës, sikur që është etja për ujë dëshmi për ekzistimin e ujit.
Aristoteli shumë më herët ka shtruar një varg të tërë shkaqesh duke thënë: karrigia është nga druri, druri nga trungu, trungu nga fara, kurse fara është nga mbjellësi, që në fund të tregojë se si numërimi i tillë i shkaqeve medoemos shpie tek shkaku i parë. Shkakun i cili nuk ka nevojë për shkak, lëvizësin i cili nuk ka nevojë për lëvizës, krijuesin i cili nuk ka nevojë për krijues, që i përgjigjet të kuptuarit tonë...
Ibni Arebiu konsideron se në pyetjen kush e krijoi Krijuesin aspak nuk duhet përgjigjur. Zoti e dëshmon ekzistimin dhe është jokorrekte me ekzistim të dëshmohet Zoti. Drita e dëshmon ditën e jo e kundërta...
Zoti nuk ka nevojë për dëshmi, sepse Ai çdo gjë e dëshmon. Ai vetvetiu është e vërtetë e qartë.
Zoti shfaqet në ligjet, rendin, bukurinë dhe normat, në gjethin e drurit, pendën e palloit, krahun e fluturës, erën e trëndafilit, këngën e bilbilit, lidhshmërinë e yjeve, në simfoninë e kozmosit. Sikur të thonim se e tërë kjo është krijuar rastësisht, do t’i përngjanim njeriut i cili konsideron se me vetë hedhjen e shkronjave në ajër, prej tyre mund të krijohet vargu në të cilin do të gjenim një poezi të Shekspirit, do të thotë poezi pa poet.

Bjeshka1 · 12-11-06, 11:35

Citim:

Deri para disa qindra vitesh njerëzit besonin që Zoti apo ndonjë shenjtor shkaktonin rrufetë dhe bubullimat!

Ke edhe sot njerz qe besojne ne kete. Shih ketu ne forum, nuk kemi nevoje te shkojme me larg. Ka asish qe besojne se Zoti vrau mbi 200000 njerz te varfer ete vuajtur(eshte fjala per Cunamin) ,sepse pranonin turist nga perendimi dhe se i shisnin femrat e tyre.
Kur hasin ne shkrime te Bibles ose Kuranit qe jane kontradiktore, mundohen ti quajne "metafora", nuk mund te pajtohen me realitetin.

pokeri · 12-11-06, 11:42

Citim:

Postimi origjinal është bërë nga Agolli

Filozofi i njohur gjerman Emanuel Kanti në veprën e tij "Kritika e mendjes së pastër "....ka zhvilluar idenë se me mendje nuk mund të përfshihet e verteta e pafund. Sipas natyrës së saj, mendja i arrinë vetëm partikularitë ndërsa është e paaftë të kuptojë të ekzistuarit absolut siç është ekzistimi i Zotit.

Agolli, të përshëndes!
Duke pasur frikë që tema do të "zhytet" tërësisht në pellgun e një diskutimi filozofik (e nuk do të kisha dëshirë), megjithatë do të komentoj diç.
Kanti kështu e shpjegon ekzistimin e Zotit si Krijesë e përsosur.
Që të jetë e përsosur (krijesa) duhet t'i ketë të gjitha vetitë pozitive, dhe asnjë veti negative. Mosekzistimi është veti negative, dhe me vetë këtë, joekzistimi i Zotit është absurd.

Komenti:
Krijesa e përsosur nuk ka mundësi të krijoj diçka të papërsosur (sepse do të ishte absurd), apo jo?
Shembulli:
"Nëse njeriu e krijoi Zotin, krijoi diçka të përsosur. Nëse Zoti e krijoi njeriun, krijoi diç të papërsosur. Kush qenka pra më i përsosur? S'ka dyshim që ai i cili e krijon "të përsosurën". Pra Njeriu është më i përsosur se Zoti sepse e krijoi Zotin (e përsosur). Mirëpo, pasiqë Zoti nuk mund të ekzistoj si "krijesë më pak e përsosur" se njeriu, Zoti atëherë nuk ekziston"

A qenka pra Zoti, "E vërteta e pafund-absolute"?
Çfarë qenka ndërgjegja jonë, e ndarë nga mendja?
Kanti thotë (në veprën që ke cituar) edhe se: - Nderimi-respekti nuk është emocion, siç është dashuria, miqësia. Nuk është as bindje, as akt intelektual. Është diç ndërmjet, një fenomen krejt i veçantë?
Mund të pyesim, çfarë na qenka pra?
Këto çështje e kanë vendin në një nënforum tjetër. Mund t'i diskutojmë pa asnjë problem.

Agolli · 13-11-06, 01:25

Pershendetje Pokeri

Njeriu eshte i lire ta perfytyroje krijuesin ashtu sic deshiron, ne menyre poetike, racionale, shkencore, edhe pse ne nuk mund ti afrohemi dot atij perfytyrimi te sakte sesi mund te jete Ai. Vullneti i lire eshte aftesi per te vepruar, dhe per te mednuar.... Thjeshte vullneti ekziston brenda qenies, dhe ajo dirigjohet nga Qenia e perjetshme...
Njeriu mund ta di ate qe i eshte caktuar... Nese i eshte caktuar te dije vetem kete sfere dhe vetem kete pune, ai sadoqofte te beje sakrfice eshte e kot.
Zoti i persosur e krijoi njeriun dhe te tjera krijesa, por te keqen dhe te miren nuk e krijoi zoti, e lindi vete njeriu... Zoti eshte i ngjashem me njeriun me perjashtim te faktit se eshte i pa vdekshem dhe i persosur.
Une Zotin e ndjej dhe e besoj me ndergjegjie por nuk e kam pare qe te arij te imagjinoj ne pamjen e tij.
Per mendimin tim cdo imagjinate e tepert te dergon ne gabim.

pokeri · 13-11-06, 12:42

Citim:

Postimi origjinal është bërë nga Agolli

Zoti i persosur e krijoi njeriun dhe te tjera krijesa, por te keqen dhe te miren nuk e krijoi zoti, e lindi vete njeriu... Zoti eshte i ngjashem me njeriun me perjashtim te faktit se eshte i pa vdekshem dhe i persosur.

Pse Krijesa e përsosur krijoi diç të papërsosur? Veç kësaj, i dhe mundësi që kjo jo-përsoshmëri (Njeriu) edhe të krijoj (të keqen që është përligjie absolute e pozitivitetit?) Mendon që Zoti i përsosur do të bënte një "gabim" të tillë? Nëse po, atëherë a nuk do të binte kjo ndesh me Përsosshmërinë e tij? Përsosshmëria nuk kufizohet, ajo vetvetiu do të duhej të ishte Absolute! Pra, tashmë kemi dilemën; Zoti krijoi diç të keqe (Njeriun që krijon të keqen) me qëllim, apo Zoti krijoi (Njeriun e keq) duke menduar se Krijoi të mirën?

P.S. Lus moderatorët që këtë temë ta zhvendosin te Hapësirë Filozofike-Psikologjike.

Albanian eX|PerT · 13-11-06, 14:23

Citim:

Postimi origjinal është bërë nga Agolli

Zoti i persosur e krijoi njeriun dhe te tjera krijesa, por te keqen dhe te miren nuk e krijoi zoti, e lindi vete njeriu... Zoti eshte i ngjashem me njeriun me perjashtim te faktit se eshte i pa vdekshem dhe i persosur

I nderuari shoku im Agolli, mendoj qe ky konstatim i yt per Zotin parcialisht (pjeserisht) eshte gabim per te mos thene totalisht. Zotit nuk i perngjason asgje, Ai eshte i Vetmi dhe i Persosuri, Krijuesi, Furnizuesi, Meshiruesi, Percaktuesi, Sunduesi. Ai eshte i Plotefuqishmi dhe i Gjithedituri i cili Krijoi krijesat e tij ashtu siç eshte me se miri mirepo jo duke marr shembullin e vet, sepse Atij nuk i perngjason asgje. Pavdekshmeria dhe Persomsmeria jane dy nga atributete/cilesite e Zotit te Lartemadheruar. E keqja dhe e mira u be me pecaktimin e Zotit, qe te shihet kush eshte me mireberes edhe pse Ai e di se kush çfare do te veproje mirepo kjo leje zgjedhjeje eshte nje nga urtesite e medha te Perendise. Marrim per shembull, ferrin apo siç quhet xhehenemi apo thene ma shqip sketerra, e cila eshte perplot vuajtje, mjerim, shkatrrim, etj., e qe kjo ka nje urtesi shume shume te madhe. Si? Marrim per shembull sot njerezit e degjeneruar, te cilet jane te dhene pas epsheve dhe harrojne qe duhet adhuruar Krijuesi i tyre apo ata te cilet thone se jane besimtare mirepo besimi i tyre eshte i kote sa qe disa kane arrit deri tek idhujtaria apo politeizmi, si per shembull sot qe njerezit e shikojne dhe e besojne horoskopin. Tani marrim shembull ata te cilet jane te matur dhe te mençur adhurojne nje Zot te Vetem, njeherit duke besuar dhe pranuar çdo percaktim qe Ai ka vendosur per ata. Valle, a do te jete i pari me te dytin ne nje vend pas vdekjes? I keqi qe i beri tere ato padrejtesi ai pas vdekjes dhe largimit nga kjo bote e pret denimi dhe mjerimi ngase ishte mosmirenjohes ndaj te mirave te Zotit dhe nuk e ka falenderuar, e falenderimi ndaj Zotit behet duke e adhuruar ate (duke iu perkulur). Ndersa i miri e ka vendin ne shtepine e gezimeve dhe te kenaqesive, ku nuk ka mjerim, breng, merzi, gajle, etj., aty mbreteron kenaqesia shpirterore dhe fizike duke u liruar ne shfrenimin e epsheve sepse ai ne kete bote bente durim dhe ishte i matur. E ai vend quhet parajse apo siç ndegjohet ne popull Xhenet. D.t.th. dy krijesa te Zotit, njera e keqe ne vetvete mirepo me urtesi te medha qe ti denoje keqberesit dhe mizoret, dhe nje krijes tjeter e Zotit qe eshte parajsa qe ne mbrendesi permban kenaqesi dhe defrim qe eshte shperblim per mireberesit (besimtaret) dhe te duruarit. Marrim per shembull edhe djallin e mallkuar qe eshte nje krijes qe ne vetvete eshte e keqen duke i mashtruar njerezit, mirepo edhe kjo eshte krijes e Zotit, qe e ka nje urtesi te madhe, prandaj Zoti edhe e krijoi, qe te sheh Zoti se cili nga krijesat e Tij do ta pasoje ne mashtrimet qe i ben djalli. Dhe pastaj ai qe beri durim dhe ishte i mençur dhe nuk i pasoi shtremberit e djallit do te shperblehet, ndersa ai qe ishte kryeneç dhe mendjemadhe e koprrac, dhe pasoi djallin do te hidhet ne skutat e denimin te ferrit te tmerrshem. Do te vazhdojme ne te ardhmen te shkruajme ne kete teme, nese na premton koha i nderuar.

Mbeteni i pershendetur dhe i rrespektuar nga shoku juaj:
Albanian eX|PerT

ps| Shoku im i nderuar, ne kete forum ishte nje teme rreth emrave dhe cilesive te Zoti qe mua me pelqeu ne pergjithesi, kliko ketu:
http://dardania.de/vb/upload/showthread.php?t=20473

**LOJETARI** · 13-11-06, 20:13

Duke mos mohuar nje fuqi mbinatyrore,ngase do te dukej sikur une te isha me largepames se sa te gjithe ata qe u munduan te shpjegojne enigmen e jo vetem kesaj bote por edhe te asaj qe do te vij pas jetes ,e qe si pengese e krejt kesaj na del VDEKJA si perde e zeze ,do te perpiqem te perkthej mendimet e mia ne fjale, lidhur me kete qeshtje qe si duket preokupon me se shumti ata qe nuk jane te lumtur me jeten e vet .
Te besosh ne zotin si krijese e persosur, qofte ajo edhe absolute dhe njekohesisht te krijosh bindjen se pas kesaj jete do te vazhdoj nje jete edhe me e thjeshte se kjo , e shablonizuar ku nje pjese do te vuaj e tjetra do te kete privilegje perendore ,per mua do te thote te tallesh me vetveten e terthorazi edhe me zotin.Qesharake te besosh se zoti do te te shperblej ne boten tjeter me te gjitha te mirat , vetem se ti ke bere lutje te panderprera per te ,ne kete bote ,duke i treguar atij vazhdimisht se ai eshte Zoti .Thuajse ai nuk e din se kush eshte Zoti .
Mbyllja e sirtarve mendor qe shpiejne ne labirinthin e pakuptimsise se kesaj jete , te pakten per nje kohe te shkurte ,te themi sa zgjate jeta vete,do te hapte mundesi tjera shtese per secilin ,te shijoj dhe perjetoj te mirat e kesaj bote qe jane te pakufishme.
Nje mendje ma thote se ne boten tjeter ,shqisat qe posedojme sot, nuk do te mjaftojne te kapin realitetin e RI dhe se veshtire do ta kete SHPIRTI pa shokun e tij me te ngushte TRUPIN , per te cilin e dijme se ku perfundon .
Prandaj une do te vazhdoj te shfrytezoj kete DUET gati te persosur ne kerkim te lumturise ne kete jete sepse nje Zot e din se cka do te ndodhe pastaj.!

Albanian eX|PerT · 13-11-06, 20:48

Pranoni pershendetje shoku im i nderuar LOJETARI

Citim:

Postimi origjinal është bërë nga LOJETARI

Te besosh ne zotin si krijese e persosur,

Zoti nuk quhet krijes, por Krijues. Mund te thuash qenie.

Citim:

Postimi origjinal është bërë nga LOJETARI

Te besosh ne zotin si krijese e persosur,qofte ajo edhe absolute dhe njekohesisht te krijosh bindjen se pas kesaj jete do te vazhdoj nje jete edhe me e thjeshte se kjo , e shablonizuar ku nje pjese do te vuaj e tjetra do te kete privilegje perendore ,per mua do te thote te tallesh me vetveten e terthorazi edhe me zotin.

I nderuar, ky kocepti yt eshte shume i keqperceptuar. Ne e kemi sqaruar edhe me heret pse ndodh kjo.

Citim:

Postimi origjinal është bërë nga LOJETARI

Qesharake te besosh se zoti do te te shperblej ne boten tjeter me te gjitha te mirat , vetem se ti ke bere lutje te panderprera per te ,ne kete bote ,duke i treguar atij vazhdimisht se ai eshte Zoti .Thuajse ai nuk e din se kush eshte Zoti .

Ky eshte keqkuptimi i parë ndaj adhurimit qe ia ben sot njerezimi. O shok i nderuar dhe i rrespektuar, adhurim eshte çdo gje e mire me te cilen synon kenaqesine e Perendise. Nuk eshte adhurim vetem te lutemi. Adhurim eshte te shkosh ne shkolle, ne universitet, apo ta vizitosh nje te semure, ta ndihmosh nje te varfer, ti buzeqeshesh dikujt per te ia zbutur zemren, te ia thuash nje fjal te mire ndokujt, ta rrespektosh nje te moshuar, te sillemi mire me njeri tjetrin ketu ne forum etj. Te gjitha keto dhe shumeçka tjeter jane adhurime me te cilat mund ta fitosh shperblimin e Perendis, qe eshte Parajsa. Zoti e di se eshte Nje dhe i Vetem. Njera prej krijesave te Tij me e çmuar eshte njeriu. I mençuri dhe largpamesi e beson Perendin si Krijues, qe e meriton adhurimin, dhe ai per kete do te shperblehet ne Boten e amshuar. Nese nuk do te ishte keshtu, ma thuaj i nderuari shoku im cili do te ishte qellimi i jetes tone ne kete bote? ç'fare mendon, te jetojme, te dashurohemi, te martohemi, te punesohemi, te bejme femije, te plakemi, te vdesim, te hym me nje cop grop varri, edhe kaq e te zhdukemi????? Jo i nderuar, njeriu ka vlere te madhe, e qe vlera e tij nuk perfundon me kaq. Ai vdes, e qe (pas vdekjes) fillon rruga per tek llogaritja. Dije se nje dit edhe vdekja do te vdes!!!

Citim:

Postimi origjinal është bërë nga LOJETARI

Mbyllja e sirtarve mendor qe shpiejne ne labirinthin e pakuptimsise se kesaj jete , te pakten per nje kohe te shkurte ,te themi sa zgjate jeta vete,do te hapte mundesi tjera shtese per secilin ,te shijoj dhe perjetoj te mirat e kesaj bote qe jane te pakufishme.

Perendia ka thene, se i ka krijuar te mirat qe njeriu ti shfrytezoje. Mirepo besimtari apo mireberesi e falenderone per keto te mira, ndersa injoranti dhe mizori eshte mendjemadhe dhe kryeneç e mosmirenjohes dhe nuk e falenderon Perendin per gjithe te mirat qe ia ka dhene.
Shfrytezo te mirat e kesaj Bote, duke e falenderuar Ate i Cili ta ka mundesuar ti shijosh.

Citim:

Postimi origjinal është bërë nga LOJETARI

Nje mendje ma thote se ne boten tjeter ,shqisat qe posedojme sot, nuk do te mjaftojne te kapin realitetin e RI dhe se veshtire do ta kete SHPIRTI pa shokun e tij me te ngushte TRUPIN , per te cilin e dijme se ku perfundon .
Prandaj une do te vazhdoj te shfrytezoj kete DUET gati te persosur ne kerkim te lumturise ne kete jete sepse nje Zot e din se cka do te ndodhe pastaj.!

Njeriu kur te ringjallet, ai nuk ringjallet vetem me shpirt mirepo edhe me trup. Që edhe shpirti edhe trupi te shijojne kenaqesi apo denim. Per akceptimin/pranimin e ketij koncepti nevojitet besim i plote, mirepo per ata te pabindurit kemi edhe argumente shkencore. Marrim per shembull, qe sot shkenca e perparuar ka zbuluar se trupi i njeriut pas vdekjes sa do qe te zhduket ai prap ne palcen kurrizore (apo siç i thone populli ne lug te prapanices) ka nje eshtër/koc qe nuk zhduket, e qe prej saj Perendia e ringjalle njeriun. Zoti eshte i Gjitheditur dhe i Plotefuqishe, dhe per Te eshte gjithcka e mundur te beje. Sikur qe ka ditur ta krijoj njeriun Ai di edhe ta ringjall. Kerko lumturine ne kete Bote, mirepo dije se te gjitha jane kalimtare perveç asaj qe ke vepruar qe ka qene e lidhur ngusht me shpirtin i cili e beson Perendin. Ai shpirti i çilter dhe i paster beson se Perendia e ka krijuar ate me qellim fisnik dhe jo te kot, prandaj Ate e adhuron qe nje dit te shpeton, te fiton, qe stacioni i fundit te jete parajsa qe eshte vend kenaqesi te pakufshme. Ne kete destinacion qe jemi nisur ka shigjetar mashtrues qe na sulmojne per te na mashtruar qe te marrim kahje tjeter dhe te mos arrijme deri tek qellimi yne final qe eshte arritja ne shtepine e gezime, qe eshte destinacioni paresor per ne. Piloti i mençur e ka harten ne dore dhe prej saj udhezohet, e fletushkat djallezore per mashtrim nga anesh qe i vin ai aspak nuk i perfill, sepse e di se e verteta eshte Nje.

Shume rrespekt per shokun tim
Albanian eX|PerT

**LOJETARI** · 13-11-06, 21:15

Faleminderit shoku im i ri Albanian eX/PerT per kete sqarim ekzakt .Nese nuk shihemi ne boten tjeter ma ben hallall ,e nese shihemi e nuk del ashtu qysh po thue, lirisht lype edhe nje bote tjeter se veq ne mos mujsha me te nxene ,sepse krejteve munde t´ua fali diqysh por jo edhe EKSPERTEVE .

Me nderimet e mia te parezerve per shokun tim te Ri

Albanian eX|PerT · 14-11-06, 02:19

Citim:

Postimi origjinal është bërë nga LOJETARI

Faleminderit shoku im i ri Albanian eX/PerT per kete sqarim ekzakt .Nese nuk shihemi ne boten tjeter ma ben hallall ,e nese shihemi e nuk del ashtu qysh po thue, lirisht lype edhe nje bote tjeter se veq ne mos mujsha me te nxene ,sepse krejteve munde t´ua fali diqysh por jo edhe EKSPERTEVE .

Me nderimet e mia te parezerve per shokun tim te Ri

E kemi borxh o vellau im shqiptar te ia sqarojme njeri tjetrit ate qe nuk e dim. Po te garantoje per ate e thash se ishte e vertete, per kete e kam Zotin deshmitar. Te lutem mos vdis duke thene: "ndoshta", mirepo vdis me bindje, se kjo do te ndodh.

Shoku juaj i ri, ju ndihet mirenjohes per kete mirekuptim tuajin.

Shume rrespekt per juve i nderuar:
Albanian eX|PerT

**GURI SYLAJ** · 14-11-06, 10:28

Lojtari, ju pershendes dhe ju shprehe rrespektin tim per temen dhe casjen qe po e beni ketu.
Nje fil.anglez thote ,perafersisht, se duhet te besojme ne nje fuqi mbi natyrore deri ne momentin kur ka edhe dicka qe ne nuk e njohim.Cka don te thot se ky limit eshte shume i larget ndoshta edhe i pa arritshem.
Por t'a qoroditesh besimin ne Zotin me marrjen e te drejtes qe te konkludosh se cka eshte vullnet i tij , cka eshte veprim i tij -mandej te pohosh se Ai, Zoti e beri kete apo ate ,ku futen edhe katastrofat natyrore te cilat sot njeriu i spjegon drejt dhe krijon mundesi mbrojtese,eshte nje cmendi e llojt te vet.
Ne njeren ane thuhet se Ai nuk mund te pershkruhet kurse ne anen tjeter pershkruhen ,deri ne imtesi , vullneti dhe veprimet e Tij!Kjo nuk don koment.
Plotesisht keni te drejte; Zoti nuk mbrohet me genjeshtra!!!

**GURI SYLAJ** · 14-11-06, 10:32

Pokerin e falenderoj per hapjen e kesaj teme kurse te gjithe debatuesit tjere per konstruktivitetin ,pjekurin dhe rrespektin qe kan per temen dhe per njeri tjetrin.Eshte knaqesi te besh pjese ne debate te tilla te mirefillta.

Albanian eX|PerT · 14-11-06, 13:44

I nderuari Guri. Ne besimtaret, e besojme Perendin, me të gjitha atributet e Tij, të Cilat Ai i ka afirmuar për Vete në Librin e Tij, apo të Cilat i Dërguari i Tij, i ka afirmuar, që neve në këtë Botë të na e forcojë besimin, dhe në ditën e ringjalljes të marrim shpërblimin prej mëshirës së madhe të Tij. Besimin ne atributet apo cilesite e Tij e bejme pa shtrembëruar, pa mohuar, dhe pa thënë se si janë ato dhe pa bërë ndonjë gjasim me krijimin.

Shume rrespekt per juve i nderuar, shoku juaj:
Albanian eX|PerT

pokeri · 14-11-06, 13:49

Citim:

Postimi origjinal është bërë nga Albanian eX|PerT

Sikur qe ka ditur ta krijoj njeriun Ai di edhe ta ringjall. Albanian eX|PerT

Expert, a mund të përgjigjedh në pyetjen vijuese; "Pse duhet të ringjallemi patjetër"? A është e domosdoshme kjo? A nuk është kjo "dëshirë", në realitet reflektim i asaj që do të mund të quhej "pakënaqësi me Jetën e rrejshme", pra këtë jetë?

Citim:

Postimi origjinal është bërë nga Albanian eX|PerT

Njeriu kur te ringjallet, ai nuk ringjallet vetem me shpirt mirepo edhe me trup. Që edhe shpirti edhe trupi te shijojne kenaqesi apo denim. Albanian eX|PerT

Edhe ky konstatim (për mendimin tim) është "i ngushtë". I nxitur nga
dëshirat, qëllimet, dështimet e kësaj jete! Ti, i jep atribute tokësore Jetës së amshumeshme, pse?