Pranohet ndërkombëtarisht edhe Federata e Peshëngritjes e Kosovës

[Zero Cool]

Pranohet ndërkombëtarisht edhe Federata e Peshëngritjes e Kosovës

Ministri i Kulturës, Rinisë dhe Sportit, Valton Beqiri sot priti Këshillin për ndërkombëtarizim, anëtarë të së cilës janë: Besim Hasani, kryetar i Komitetit Olimpik, Mexhid Devaja, kryetar i Federatës së Hendbollit, Fadil Vokrri, kryetar i Federatës së Futbollit, Erolld Belegu, kryetar i Federatës së Basketbollit.




Në këtë takim u prezantua puna e deritashme e këtij këshilli si dhe takimet që ka pasur këshilli për pranimin e federatave të Kosovës në ato ndërkombëtare. Ministri Beqiri i njoftoi anëtarët e Këshillit për takimet që ka pasë në Athinë me dr. Tamas Ajan, president i Federatës Botërore të Peshëngritjes si dhe me të gjithë kryetarët e Federatave ndërkombëtare. Si rezultat i kësaj erdhi edhe pranimi i dy federatave të Kosovës në federatat ndërkombëtare, Federata e Mundjes dhe sot zyrtarisht erdhi konfirmimi i pranimit edhe për Federatën e Peshëngritjes, ka njoftuar Zyra për Informim e Ministrisë së Kulturës, Rinisë dhe Sportit.



RTK 16 qershor 2008 - 15:40:28