Çfare po shkruan plehu i serbise

[Fshatari]

Dobrica Cosic para gjyqit
Komiteti i Juristëve për të Drejtat e Njeriut dhe Këshilli i Helsinkit për të Drejtat e Njeriut, kanë ngritur më 1 prill në Gjykatën e Qarkut në Beograd kallëzim penal kundër shkrimtarit Dobrica Cosic, për shkak të nxitjes së urrejtjes nacionale, fetare dhe racore, dhe për shkak të kryerjes së veprës penale të diskriminimit racor.


Beograd, 2 prill – Në kumtesën e këtyre dy organizatave theksohet se, Cosic në librin e tij të fundit, ‘Koha e Gjarpinjve – Shënime të shkrimtarit, 1999-2000’ (Vreme Zmija – piscevi zapisi 1999-2000), në botim të Sluzbeni Glasnik, për shqiptarët ka shkruar këto fjalë:
“Ajo fundërrinë sociale, politike dhe morale e Ballkanit merr për aleatë Amerikën dhe bashkimin Evropian për të luftuar kundër popullit më demokratik, më të civilizuar dhe më të kulturuar ballkanik – popullit serb”, duke kryer kështu vepër penale të urrejtjes nacionale, racore dhe fetare, nga neni 317, pika 1, të Ligjit Penal të Republikës së Serbisë, si dhe veprën penale të diskriminimit racor, nga neni 387, pika 3, të Ligjit Penal të Republikës së Serbisë.
Në vazhdim thuhet se, sipas Konventës Ndërkombëtare për
Pezullimin e të Gjitha Formave të Diskriminimit Racor, të cilën e ka nënshkruar edhe Serbia (Gazeta Zyrtare e RSFJ – Kontratat Ndërkombëtare, nr 6/67), shprehja diskriminim racor “ka të bëjë me çdo jobarazi, përjashtim, kufizim ose dhënie të përparësisë, që bazohet në racë, ngjyrë, paraardhës, prejardhje nacionale ose etnike, dhe që ka si rezultat prishjen ose komprometimin e pranimit, posedimit ose ushtrimit - nën kushte të barabarta – të të drejtave dhe lirive elementare të njeriut në fushën e politikës, ekonomisë, socializimit dhe kulturës, ose në cilëndo fushë tjetër të jetës publike”.
Biljana Kovacevic-Vuco i deklaroi gazetës elektronike ‘e-Novine’ se, fjalia e Dobrica Cosic për shkak të së cilës është ngritur kallëzimi penal, ndodhet në faqen 211 të librit, dhe se ajo paraqet një dukuri të rrezikshme të thënë nga goja e njeriut që veten e prezanton si “baba i kombit”, dhe ndaj së cilës deri tani nuk ka reaguar askush, edhe pse është cituar disa herë.
“Ky është një fjalor par excellence dhe i drejtpërdrejtë i urrejtjes, dhe një propagandim i idesë së supremacisë së një kombi ndaj një tjetri. Në këtë rast të atij serb ndaj atij shqiptar”, theksoi përfaqësuesja e Komitetit të Juristëve për të Drejtat e Njeriut, duke shtuar se Cosic, megjithatë, nuk është paditur edhe për ideologji.
Komitet i Juristëve për të Drejtat e Njeriut dhe Këshilli i Helsinkit për të Drejtat e Njeriut në Serbi kërkojnë nga prokurori i qarkut q]ë, në përputhje me kompetencat që i ka, kundër Dobrica Cosic të iniciojë kallëzim penal për shkak të kryerjes së veprave të përmendura, theksohet në fund të kumtesës së këtyre dy organizatave, të cilat janë nënshkruar nga Biljana Kovacevic-Vuco dhe Sonja Biserko. (e-Novine)
__________________________________________________ ______
Nga Express më 02.04.2009 në ora 16:19