Shamia dhe liria

[Lapsi]

Shamia dhe liria


autor Agustin Palokaj


Kosova u shfaq në ekranet televizive evropiane për shkak të një ngjarjeje me koreografi dhe kostumografi çfarë asnjëherë më parë nuk kanë regjistruar kamerat në shtetin më të ri të botës. Por ajo protestë nuk u dallua as nga ato të ngjashmet që janë organizuar në Hagë, Londër, Paris e gjetiu në Evropë. Dallimi i vetëm është se në Prishtinë protestonin qytetarë që janë evropianë autoktonë, ndërsa në kryeqytetet e tjera të Evropës protestonin kryesisht qytetarë nga komuniteti i emigrantëve nga Lindja e Mesme. Për ta bartja e shamisë, që ata e konsiderojnë si element të identitetit të tyre fetar dhe të drejtë të tyre, përfshirë edhe bartjen e saj në objekte shkollore, nuk bën të ndalohet, sepse kjo ndalesë është diskriminuese. Për kundërshtarët në Evropë pikërisht detyrimi i grave të besimit islam, qoftë nga burrat e tyre apo nga ndonjë sistem, është diskriminues, sepse në atë mënyrë i diskriminon ato nga shumica e femrave të tjera në rrethin ku jetojnë. Sikur në secilin debat gjenden argumentet për dhe kundër. Por, ka debat, dhe ky debat në Evropë, është në rritje. Belgjika është vendi i parë që ka ndaluar bartjen e burkas jo vetëm në vendet publike, por edhe në rrugë. Por në të njëjtën kohë Belgjika është vendi i parë në BE, ku në një Parlament është një deputete që bart shami në mbledhjet e tij. Madje ajo në vendin e saj të origjinës, në Turqi, nuk do ta kishte këtë të drejtë. Në Holandë një parti me një platformë antiislamike ka fituar shumë vota dhe pritet eventualisht të jetë pjesë edhe e qeverisë së ardhshme të këtij vendi. Udhëheqësi i kësaj partie, Wilders, madje ka ardhur me një ide aq banale, saqë të caktohet një taksë prej 1000 eurosh në vit për secilën grua që dëshiron të bartë shami në Holandë. Kjo parti holandeze ka deputetë edhe në Parlamentin Evropian. E ata nuk lënë asnjë seancë kur diskutohet për Ballkanin, që të mos thonë se „nuk bën të hiqen vizat për vendet myslimane, si Kosova, Bosnja dhe Shqipëria". Për fat ata janë një pakicë dhe mendimet e tyre nuk i ndanë shumica as në parlamente, as në mesin e qytetarëve.
Sido që të jetë, në Evropë ka debat dhe debat duhet të ketë edhe në Kosovë. Por debati duhet të bëhet në mënyrë tolerante e jo siç bëhet në komentet e lexuesve nëpër mediat e Kosovës e në internet. Në të gjitha ueb faqet në gjuhën shqipe, ku është dhënë lajmi për protestën në Prishtinë, ky lajm ka qenë bindshëm më i lexuari dhe më i komentuari. Edhe nga vetë mediat është vërejtur një lloj „vetëcensure" për raportimin nga kjo ngjarje. Një gazetë e Kosovës në uebfaqen e vet e ka dhënë lajmin e agjencisë Reuters, edhe pse ngjarja ishte zhvilluar para hundëve të tyre. Shumica e madhe e komenteve të lexuesve kanë qenë fyese për pjesëmarrësit në këtë protestë, për koreografinë dhe sidomos kostumografinë e tyre dhe kjo nuk është mirë, sepse ata kanë të drejtën për të protestuar dhe për të menduar ndryshe. Madje, një numër i madh i komentuesve sugjeronin që këta njerëz të dërgohen në Afganistan apo në Iran. Në Iran liria kërkohet përmes të drejtës që të mos mbahet shamia. Vajzat e reja nga Irani u vranë në protestat e fundit duke kërkuar liri, duke kërkuar që edhe ato të mund të vishen si moshataret e tyre në pjesët tjera të botës. Ishte shumë e prekshme pamja kur një vajzë e re në Iran kishte hequr shaminë dhe ishte fotografuar pa të në një shesh të Teheranit. Heqja e shamisë për të ishte rrezikim i jetës për të fituar lirinë. Në Prishtinë, të premten e kaluar, vajza të reja kërkonin lirinë e tyre për të mbajtur shaminë. Por këto krahasime nuk duhet të bëhen temë e debatit, sepse Kosova është në Evropë dhe është vend demokratik. Fundi i fundit, pa marrë parasysh se a pajtohet dikush me ata apo jo, është e drejtë e tyre të protestojnë dhe të shfaqin mendimin e tyre. Edhe ata janë "Young Europeans" sikur edhe të rinjtë që shfaqen në Euronews në reklamat e paguara nga Qeveria e Kosovës.
Në Kosovë duhet të zhvillohet një debat i hapur në shoqëri rreth të drejtës apo jo të mbajtjes së simboleve fetare, nëse dikush si të tillë e konsideron edhe shaminë. Duhet të ketë debat rreth identitetit të Kosovës, atij shtetëror, shoqëror e kulturologjik. Rreth kësaj duhet të prononcohen edhe partitë politike. Kur për asgjë tjetër nuk protestohet në numër më të madh sesa për të drejtën e bartjes së shamive në shkolla, kur kjo ngjarje nxit interesim më të madh të qytetarëve se çfarëdo tjetër që po ndodh në Kosovë, atëherë ndaj këtij fenomeni nuk duhet të heshtin as strukturat politike, të cilat janë mësuar që me heshtje të mos rrezikojnë humbjen e votave.
Lajmi tjetër nga Kosova që dominon në faqet e internetit sapo të shkruash në google apo ndonjë kërkues tjetër fjalën „Kosovo", ishte arrestimi dhe lirimi i një kosovari me dyshim për terrorizëm në Shtetet e Bashkuara të Amerikës.
Ky lajm është shumë më shqetësues sesa lajmi për protesta rreth shamive. Pa marrë parasysh se a është personi në fjalë vërtet fajtor apo jo, shumë shërbime të vendeve mike të Kosovës u kanë dhënë njoftime qeverive të tyre se edhe në Kosovë është në rritje ekstremizmi fetar. Rreth kësaj nuk duhet të ketë debat, sepse nuk është fjala për liri apo mendim ndryshe, siç është rasti me shamitë. Ndaj ekstremizmave nuk duhet të ketë tolerancë në Kosovë. Kosova sapo e ka fituar lirinë me mjaft mund dhe askujt nuk mund t'i jepet e drejta ta keqpërdorë atë liri dhe ta shndërrojë Kosovën në një shtet të dështuar, ku duke shfrytëzuar edhe varfërinë, mund të krijohen edhe qeliza të organizatave terroriste.

E liria i ka parimet e veta dhe kufijtë e saj, sepse liria e dikujt nuk mund ta kufizojë lirinë e të tjerëve. Debati duhet të bëhet para se të miratohen ligjet. Nëse bëhet ligji, atëherë ai duhet të respektohet. Nëse me një ligj nuk pajtohet shumica, atëherë ai ligj duhet të shfuqizohet. Këto janë rregullat e demokracisë dhe Kosova do të jetë shtet demokratik. Është vështirë të merret një qëndrim i qartë rreth asaj se a duhet ndaluar apo lejuar bartjen e shamive nëpër institucionet publike. Edhe në vendet e tjera në Evropë, janë në hall rreth kësaj. Ja se edhe debati i „lirisë dhe i shamisë" e bën Kosovën pjesë të Evropës po ashtu.

[Izraeliti]

Me pelqeu shume artikulli nga Augustin Palokaj. Faleminderit Lapsi qe e solle ketu. Mendoj se e ka me vend per te gjitha ato qe flet. Jam i pajtimit se duhet te respektohet edhe mendimi ndryshe, dhe se qeveria e Kosoves te mirret edhe me kete pune. Mendoj se ne emer te lirise individuale duhet te lejohet bartja e shamise edhe neper shkolla.

Sidemos me bene pershtypje keta rreshta:

Për ta bartja e shamisë, që ata e konsiderojnë si element të identitetit të tyre fetar dhe të drejtë të tyre, përfshirë edhe bartjen e saj në objekte shkollore, nuk bën të ndalohet, sepse kjo ndalesë është diskriminuese. Për kundërshtarët në Evropë pikërisht detyrimi i grave të besimit islam, qoftë nga burrat e tyre apo nga ndonjë sistem, është diskriminues, sepse në atë mënyrë i diskriminon ato nga shumica e femrave të tjera në rrethin ku jetojnë.

[Guri i madh]

po po ne emer te liris e demokracis paraqiten me parolla lahi lahi il allah

kso lirie e domokracie kerkohet ne shkollat shqipe ,qe ne kto shkolla shqipe te mbizotroj gjuha arabe

[Arb]

Edhe nje here, e themi te gjithe se bashku:

JO, shamiave magjupe ne Shkollen Shqipe!

[Zeqiri]

o augustin palokaj te kofshin fale krejt shamijat merri dhe baje vet e sa per shkolla pajtohna me zotnin Arb - jo shamiave magjupe ne shkollen shqipe - shume me vend e ka than zotnia Arb

[shfletuesi_]

Postimi origjinal është bërë nga Arb

Edhe nje here, e themi te gjithe se bashku:

JO, shamiave magjupe ne Shkollen Shqipe!

Por behuni me te drejt... edhe Stop cullakhanes se kthizave ne klase dhe ne ambientet ku zhvillohet mesimi. :)

Tash leht eshte te dallosh te miren dhe te keqen per ate qe ka sy te shohin edhe per ata qe kan vesh ta degjojn.

Ti po ngjet syze dielli qe ti mbrosh jo vetem te mbrosh por edhe per qejf ngjet kaqket,kapele,sheshir askush s'te thot gje. Kur nje femer ngjet nje shami ne koke po u behet pengese pse !?.

[GURI SYLAJ]

Postimi origjinal është bërë nga shfletuesi_

Por behuni me te drejt... edhe Stop cullakhanes se kthizave ne klase dhe ne ambientet ku zhvillohet mesimi. :)

Tash leht eshte te dallosh te miren dhe te keqen per ate qe ka sy te shohin edhe per ata qe kan vesh ta degjojn.

Ti po ngjet syze dielli qe ti mbrosh jo vetem te mbrosh por edhe per qejf ngjet kaqket,kapele,sheshir askush s'te thot gje. Kur nje femer ngjet nje shami ne koke po u behet pengese pse !?.

I nderumi Shfletuesi !
Pikrisht ketu qendron problemi .
A eshte shamia mode apo detyrim!
Nese trajtohet baras me syzet e diellit atehere degradohet deri ne fund .
Nese eshte obligim atehere ky obligim bart me vete edhe obligimet tjera e per te cilat po heshtin edhe besimtaret me te "devotshem"-Shamija (hixhabi) pa obligimet tjera percjellese eshte nje hiq!!
Nese shkolla eshte institucion ku detyre primare ka pergaditjen e te ardhmes atehere aty duhet te veproj ligji i shtetit ne te cilen ndodhet ajo shkolle.
..e ligjin e bejne te zgjedhurit e ati shteti ,deputetet.
Te tjeret mund te pajtohen por mund edhe te mos pajtohen por ligji duhet te rrespsektohet.
E kam fjalen ku ka shtet edhe ku ka ligj!

P.S
Keto gjera i din edhe Augustini por neve e kemi si TABJAT ate thenjen e popullit "Ngreh e mos kput" . Kjo te qon drejt e ne shllunge te leshit lidhe per furke.
Ose duhet me e tjerre ose duhet me e kpute.
Me heme ,heme nuk ka!!

[Fshatari]

Sikur "evropa e mplakur" do t'i kishte trajtue shqiptaret(endhe ne Shqiperi edhe ne Kosove) siç i trajton sllavet ne ballkan, askush nuk do te shihte ne ekranet e vete manifestues lidhur me bartjen e shamise. Evropa nuk i pranon shqiptaret si bashkbisedues te barabarte por i getoizon nderkohe qe perkdhel serbet, maqedonasit, malaziasit...Kjo u pa shume qarte para disa muajve kur "evropa humanitare" diskriminoi ne pike te dites shqiptaret, apo jo!Me kete vendim te vetin, e me veprime te ngjshme ne 20 vitet e fundit, evropa i ka shenue shume qarte kufinjt e vete(shengen) duke perjashtuar shiptaret. Çka vjen e perzihet tash evropa e shtremte ne shamijat e ne familjet shqiptare ?!Eshte pikerisht kjo evrope qe ka ndepre çdo dialog te mundshem me shqiptaret e jo shqiptaret.
Personalisht, nuk kisha mujt me jetue me nji grue me shami, as me kule...por po e theksoj shume qarte se njerzit nuk jane si une...mendojne ndryshe dhe une e rrespektoj edhe mendimin edhe doket e zakonet e tyre por nuk i rrespektoj ne asnje moment verejtjet dhe keshillat e nje vendi qe me ka perjashtue nga çdo lloj dialogu dhe bashkpunimi me te.

[Izraeliti]

Fshatar i nderum, une nuk pajtona me ty në këto se thua, sepse mirë e thotë një fjalë popullore ‚‘‘Askush nuk të bënë mirë as keq, mirëpo të gjitha njeriu ia banë vehtes‘‘. Edhe na shiqipëtarët e shkret të gjitha i’a kemi berë vehtes e tash përpiqemi që fajet t’ia hedhim Evropes apo dikujt tjeter.

Jemi shoqeri e ndarë në 3 komunitetet goxha të mëdha fetare, ku secila mundohet me e hanger tjetren. Jemi aq të armiqësuar njeri me tjetrin në aspektin politik (Pozitë-Opozitë) si askund tjetër (askund tjetër në Evropë nuk e bojkoton opozita parlamentin për muaj të tërë si në Shqipëri). Edhe une s’besoj se Evropa po përzihet në shamitë e Shqipëtarëve. Nëse ashtë tu përzi dikush në këtë punë, janë duke e bërë shtetet e Lindjes së Mesme qoftë në mënyrë direkte qoftë indirekte.

[roadrunner]

apo mos i ka fajet pak plani i demokratizimit ne kosove, me qellim te integrimit ne nje shoqeri evropiane?

Postimi origjinal është bërë nga Izraeliti

Fshatar i nderum, une nuk pajtona me ty në këto se thua, sepse mirë e thotë një fjalë popullore ‚‘‘Askush nuk të bënë mirë as keq, mirëpo të gjitha njeriu ia banë vehtes‘‘. Edhe na shiqipëtarët e shkret të gjitha i’a kemi berë vehtes e tash përpiqemi që fajet t’ia hedhim Evropes apo dikujt tjeter.

Jemi shoqeri e ndarë në 3 komunitetet goxha të mëdha fetare, ku secila mundohet me e hanger tjetren. Jemi aq të armiqësuar njeri me tjetrin në aspektin politik (Pozitë-Opozitë) si askund tjetër (askund tjetër në Evropë nuk e bojkoton opozita parlamentin për muaj të tërë si në Shqipëri). Edhe une s’besoj se Evropa po përzihet në shamitë e Shqipëtarëve. Nëse ashtë tu përzi dikush në këtë punë, janë duke e bërë shtetet e Lindjes së Mesme qoftë në mënyrë direkte qoftë indirekte.

[Makresh]

Ne evrope te gjitha partit e majta ekstremiste jan duke ardhur ne qeveri.

Ne Holand kerkohet ndalimi i kur'anit dhe islamit duke i perjashtuar muslimanet nga vendi ku jetojn dhe kjo quhet Demokraci "DIREKTE".

A do ti 'vie edhe Kosoves fati qe ta perdorin kete Demokraci DIREKTE, nje mend me Evropjanet ?

Ore te mjer, kosova eshte e banuar me 98% musliman. Ligji francez dhe ai shqiptar nuk mund te jen te njejt !

[Izraeliti]

Postimi origjinal është bërë nga roadrunner

apo mos i ka fajet pak plani i demokratizimit ne kosove, me qellim te integrimit ne nje shoqeri evropiane?

Shoki, une nuk e di për atë plan, mirëpo të gjitha planet që miratohen nga Parlamenti i Kosovës i përgjigjen vullnetit të shumicës. Bile ne edhe kemi luftuar për shtet sovran e demokratik, me demokraci perëndimore. Ky ka qenë qëllimi i luftës edhe pasluftës. Une jam shumë i kenaqun me këtë punë.

Makresh: Ore te mjer, kosova eshte e banuar me 98% musliman.

Shoki na sjellë burimin e informacionit të lutem, sepse jam shumë i interesuar të mësoj për numrin e muslimanëve në Kosovë dhe perqindjen e tyre ne numrin e pergjithshem te popullsise!!

[Arb]

Postimi origjinal është bërë nga Izraeliti

Une jam shumë i kenaqun me këtë punë.
Shoki na sjellë burimin e informacionit të lutem, sepse jam shumë i interesuar të mësoj për numrin e muslimanëve në Kosovë dhe perqindjen e tyre ne numrin e pergjithshem te popullsise!!

Ne Kosove, me shume ka Futbolliste se sa ka muslimane.

[Makresh]

Postimi origjinal është bërë nga Izraeliti

Shoki na sjellë burimin e informacionit të lutem, sepse jam shumë i interesuar të mësoj për numrin e muslimanëve në Kosovë dhe perqindjen e tyre ne numrin e pergjithshem te popullsise!!

Po ore si jo.

http://www.france-catholique.fr/la-c...-Teresa-a.html

Ketu Mgr Dode Gjergjaj thot qe Kosova eshte e banuar me 95 % musliman. 95% ne teresi, por kur raporton per numrin e katolikeve shqiptar, ai thot qe jan vetem 65'040.

Tash beri hesap, se sa jan musliman e sa katolik.

Tung.

[Izraeliti]

Postimi origjinal është bërë nga Makresh

Po ore si jo.

http://www.france-catholique.fr/la-c...-Teresa-a.html

Ketu Mgr Dode Gjergjaj thot qe Kosova eshte e banuar me 95 % musliman. 95% ne teresi, por kur raporton per numrin e katolikeve shqiptar, ai thot qe jan vetem 65'040.

Tash beri hesap, se sa jan musliman e sa katolik.

Tung.

Faleminderit shoki. Une mendova se do t'na sjellesh ndonje statistik nga Bashkesia Islame e Kosoves, apo enti i statistikes se Kosoves, e jo nga mediat franqeze, por sidoqoft faleminderit.

Hesapet duhet ti bejne institucionet fetare e jo une, sepse nuk jane te gjithe shiptaret musliman e katolik, por ka qe besojn edhe ne fe te tjera (evangjelista psh), ose ateista.

Une se kuptoj se pse nuk del edhe Bashkesia Islame e Kosoves, dhe Kishat Evangjeliste me shifra e statistika sikur Kisha Katolike ku beri publike se ne Kosove nen autoritetin e kishes katolike jane rrethe 65 000 shiptar, dhe ne diaspor rrethe 60 000. Atehere kishte me qene ma lehte edhe per qeverine edhe per parlamentin me dite me u orientu sa i perket sjelljeve karshi religjioneve.