Gatimet e Detit.

[Honesty^uk.]

Ushqimi i detit eshte ushqimi im i preferuar. Mund te ha cocktail me karkaleca deti deri sa te semurem dhe prape nuk them u ngopa. Per te mos vazhduar tek peshqit me rradhe.

Dy perberes qe perdoren per gati gjithe ushqimet e detit jane : 1. Cocktail souce perdoret zakonisht per karkalecat dhe ne pergjithesi per te gjithe llojet e peshqve (zakonisht ne gatime te ftohta). Une e mbaj ne frigorifer dhe jam gati ta ha edhe ashtu thjesht pa gje, pasi ka nje shije pak djegese dhe karakteristike. 2. Si dhe parsley* eshte nje errez qe perdoret zakonisht ne te gjitha gatimet e ushqimeve te detit.

Gaforret i ha shume, zakonisht ne restorante ku serviren kryesisht ushqime deti, po asnjehere nuk me ka rrene rasti te gatuaj nje gafore nga fillimi ne fund, pasi gjithmone i kam marre gjysem te gatshme.

Nje menyre fare e thjeshte per te pjekur gafore te buta (soft crabs), keto zakonisht kane guaske te bute :

Përbërësit

Për 12 gafore duhen:

Kripe dhe piper te zi sipas deshires
12 miell**
1/3 e gotes me gjalpe te shkrire
1/3 majdanoz i grire
12 feta limoni

Përgatitja

Piqen ne temperaturen 500ºF ose 260ºC

Si fillim pasi i shkrijme, gaforeve u heqim guasken***. U hedhim kripe dhe piper sipas deshires. I leme ne temperaturen e dhomes per gati gjysem ore ose me shume, ne menyre qe te marrin kripen dhe piperin si dhe te thahen disi nga uji i akullit. Me pas i pudrosim ""pak"" me miell dhe i lyejme me gjalpin e shkrire si dhe u hedhim pak majdanoz.

I vendosim ne tave, pjesen e siperme te gafores e shtrijme ne tave dhe i leme te piqen keshtu per rreth 10 minuta ose derisa ta shikojme qe jane zverdhur disi. Me pas i kthejme nga ana tjeter dhe pasi i lyejme me gjalpe i leme perseri per 10 minuta te piqen nga kjo ane. Duhet te kemi parasysh gjate pjekjes ti shpojme me pirun disa here, ne menyre qe mos krijojne presion nga brenda dhe te shperthejne e tu lene me zemer ne dore

Ne fund ju shtrydhim pak limon si dhe i zbukurojme me feta limoni nga anash. Kush ka deshire i shoqeron me salcen e ushqimeve te detit te permendur me lart.

[Barbaroza]

Honesty^uk,flm qe je munduar te na shkruash per keto gatojca deti,por,une personalisht karkalecat dhe gaforret as per ilaç nuk i ha :shock: :(

[Barbaroza]

Peshk i skarës

Numri i sherbimeve:
Koha e pregatitjes: 10-15 minuta
Koha e gatuatjes: 20-30 minuta
Kategori: Ushqim deti
Shkalla e veshtirsis: Veshtir

Prezentimi

Peshk i skares

Peshku i skarës mund të jetë i madh (ndahet në fileta) dhe i vogël.
Peshku i vogël (2oo-250gr.) pastrohet,lahet ,i çahet lëkura në disa vende dhe
marinohet me lëng limoni ose limontos,vaj,kripë e piper.
Lihet kështu për 15-20 minuta dhe piqet mbi skarë ose prush.
Kjo lloj gjelle mund të jetë si meze e nxehtë dhe shoqrohet me sallatë të stinës,
ose si gjellë e nxehtë me patate të fërguara.
Përberja


Për 4-5 persona duhen:

peshk 1 kg.
vaj 4-5 lugë gjelle,
kripë,piper,
limon 1 koker ose limontos gjysmë lugë kafeje
Udhezim

Ky lloj ushqimi përdoret i ngrohtë dhe i shoqruar,qotë me sallatë apo me diçka tjeter.

[Barbaroza]

Tavë peshku me hudhra

Numri i sherbimeve:
Koha e pregatitjes: 10-15 minuta
Koha e gatuatjes: 20-30 minuta
Kategori: Ushqim deti
Shkalla e veshtirsis: Veshtir

Prezentimi


Peshku i pastruar dhe ilarë pritet në copa,i hidhet kripë,piper,lyhet me miell dhe skuqet
në tigan me yndyrë të nxehtë.Në yndyrën që tepron na skuqja hidhen hudhra të grira,shtohet miell i cili kaperdiset pak,pastaj salcë domatesh ose domate të freskëta të grira hollë.Të gjitha këto përzihen,shuhen me uthull dhe pastaj shtohet pak ujë,kripë,piper
e dafinë.Pasi të mbahet në furrë 15-20 minuta dhe kur të jetë bërë gati i hidhet majdanozi grirë hollë.
Përberja


Për një kilogram peshk duhen:

vaj 2 filxhanë kafeje,
hudhra 3 kokrra,
uthull 1 filxhanë,
salcë 1 lugë gjelle ose domate 3-4 kokrra,
ujë 2 filxhanë çaji,
2 fletë dafine,
kripë e piper.
Udhezim

Amëvisat duhet të tregojnë kujdes në pastrimin e peshkut
që ti pastrojnë mirë kur ai është i freskët,i sapo ardhur nga uji.
Informata per ushqimin

Peshku është ushqim i pasur me shumë kalori.

[florian]

FRUTAT E DETIT TE FRESKETA ME UTHULL E LIMON JANE NJE MREKULLI :wink:

[napoleoni]

Mua, siç edhe napoleonit-atij të vërtetit- më pëlqejnë shumë gaforret që pas fërgimit të lehtë në vaj ulliri, digjen me konjak...u japin një aromë që të bënë të i lëpysh mustaqet...përshendetje

[Maca]

Fisch filet...mm!
Edhe peshk flambiert se di qysh i thojn shqip kur aty para tavolines ta pjekin ta presin etj,me zjarr!

[Dimri]

Mua, siç edhe napoleonit-atij të vërtetit- më pëlqejnë shumë gaforret që pas fërgimit të lehtë në vaj ulliri, digjen me konjak...u japin një aromë që të bënë të i lëpysh mustaqet...përshendetje

Gaforrat pregaditen ne dy mnyra ose ne gril ose me shpageti .

[Prishtinasja_]

Fruta deti te skuqura

http://www.shqipnet.com/images/frutadetiteskuqura.jpg

Perberesit per 4 persona: 200 g kallamare, 200 g karkaleca te qeruar, 150 g sepie, vaj per skuqjen, 50 g miell, 1 luge borzilok i thate, Majoneze per tu servirur.

Pergatitja: 1. Pastroni me uje te ftohte dhe te rrjedhshem kallameret, karkalecet dhe sepien. 2. Priteni sepien ne unaza duke i lene ta plota tentakulat. 3. Ne nje tigan te madh nxehni vajin. 4. Hidhni miell duke i shtuar gjithashtu kripe, piper dhe borzilok. 5. Lyeni frutat e detit me perzjerjen e miellit duke shkundur miellin e tepert. 6. Skuqini frutat e detit ne vajin e nxehte per disa minuta derisa te marrin ngjyre te arte. Me pas hiqini nga vaji dhe vendisini ne leter thithese. 7. Vendosini frutat e detit ne pjata dhe zbukurojini me majoneze dhe lekure limoni.

[Prishtinasja_]

Gjel deti sipas metodes Milaneze

http://www.shqipnet.com/images/gjeldetimilaneze.jpg

Perberesit: 1 kg gjel deti i prere ne copa, miell i bashkuar me kripe dhe piper per te lyer mishin, 4 veze, 1 1/2 filxhan therrime buke te fresket, 1 1/2 filxhan djath kackavall i grire, 1/4 filxhan vaj ulliri

Pergatitja: Hidheni miellin me kripe dhe piper ne nje pjate. Ne nje ene te thelle,rrihni lehte vezet dhe ne nje ene tjeter te ceket bashkoni djathin kackavall te grire dhe therrimet e bukes. Lyejini copat e gjelit te detit me miellin qe ndodhet ne pjate, duke i shkundur me pas tepricat, pastaj lyejini me veze duke e lene vezen e tepert te kulloje nga mishi. Mbulojini copat me perzjerjen e therrimeve te bukes dhe futini ne nje ene te veshur me leter kuzhine. Ne nje tigan nxehni vajin duke bere kujdes te mos digjet. Skuqini copat 1-2 minuta ne cdo ane, derisa ne marrin ngjyre te arte. Hiqeni tiganin nga zjarri. Vendosini copat e gjelit te detit ne leter thithese dhe me pas vendosini ne pjate. Servirini me feta limoni

[Linka_pz]

Perberesit:

~1 tas orizi
~2-3 luge vaj ulliri e.v.
~4-6 filxhane leng mishi pule
~15gr kerpudha te thara
~2 gota uje te valuar (per te pergatitur kerpudhat)
~1/2 gote vere te bardhe si psh chardonnay ose pinot grigio
~1 kile karkaleca deti (ose gjys-per gjys me Skallope, ose vetem skallope)
~3 thelpinj hudhre, te prere holle
~1/2 gote me qepe, te prera holle
~1 luge fara maraqi te bute, te grira
~2 luge majdanoz te fresket
~1/4 deri 1/2 gote parmiggiano te grire
~kripe dhe piper te zi te grire
~1/2 gote Romano te grire
~2 luge gjalp

Pergatitja

Hidhni uje te valuar ne nje tas te vogel, dhe fusni kerpudhat te zbuten. Per kete nevojiten 20-30min, keshtu qe planifikoni me pare. Kerpudhat duhet te jene te buta dhe te fryra.

Vini lengun e pules ne zjarr te ulet ne nje tigan te madh, ose tenxhere supe

Ne nje tigan tjeter, ngrohni veren ne zjarr te mesem dhe shtoni hudher pas 1 minute

Hidhni mbi te karkalecat dhe lini ne zjarr te ulet deri sa te marrin ngjyre roze, dhe/ose skallopet te fillojne te shndrisin. Hiqini nga zjarri, dhe lerini te rrine ne vere.

(Me fjale te tjera, pergatitini frutat e detit pergjysem, perderisa do te vazhdojne te gatuhen ne vere dhe kur te shtohen ne risotto.)

Pasi te jene gati kerpudhat, i marrim, dhe ia shtrydhim lengun ne tas. Do kete marre tashme ngjyre te kuqe-kafe te erret dhe nje arome te theksuar.

Hidhini lengun e kerpudhave dhe vete kerpudhat ne lengun e mishit te pules (ne zjarr te ulet, akoma)

Tani, skuqni ne zjarr te mesem vajin e ullirit, ne nje tigan te madh.

Hidhni qepet. dhe me pas orizin.

Perzjeni orizin me qepet, ne menyre qe te perfshihen nga vaji i ullirit. Kjo ndihmon orizin te thithe lengjet e gatimit ngadale. Gjithashtu ndihmon ne dhenien e asaj ngjyre te vecante orizit, nga e cila dallohet edhe profesionaliteti.

Tani, shtoni 2-3 garuzhde nga lengu i mishit, perzjeni pak, sigurohuni qe risotto te jete komplet i mbuluar nga lengjet dhe lini temperaturen e zjarrit ne te ulet.

Lerini ne ket gjendje per pak, deri sa lengu te thithet, dhe niveli i tij, te jete pak nen nivelin e orizit.

Shtoni me shume leng mishi. Nuk eshte nevoja ta perzjeni kete here, por sigurohuni qe orizi te jete i mbuluar nga lengu. Perserisni kete gje edhe per rreth 15 min.

Pothuajse kemi mbaruar, hidhni frutat e detit, me gjithe lengun ne tiganin e madh.

Prisni sa niveli i lengut te orizit te pergjysmohet.

Eshte koha per te provuar per butesine e orizit. Nese eshte i pershtatshem per shijen tuaj, shtoni djathe dhe gjalp, perzjejini mire dhe lereni ne zjarr deri sa lengu te jete pothuaj shteruar.

Hiqni nga zjarri. Ju lutem, lereni pjaten edhe per 5-7 minuta, qe shija dhe aroma te shkrihen me teper me njera-tjetren.

Servireni ne tasat e Pastes

*Siper mund ti hidhni Parmiggiano-n e grire dhe majdanoz.

Nje Chard Italian ose Pinot Grigio shkon per mrekulli me te!

Gjithmone: Buon Appetito

[Linka_pz]

ofte Peshku
Nga Milaniste

Per te pergatitur qofte peshku mund te merret cdo lloj peshku ose mbeturinat e peshqve te zier, te cilet jane perdorur per gjellen kryesore.

Perberesit

Per 4-5 veta: pesht te zier vetem tul 500g, veze 3 kokrra, miell 3 luge, pak hudhra, majdanoz 1 tufe, vaj per skuqje 3/4 e filxhanit te cajit, kripe e piper.

Pergatitja

Pastrohet peshku i zier ose i skuqur nga cipat dhe halat. Ngrohet ne nje ene me shum pak uje dhe kripe ne se ka nevoj dhe mbasi te kulloje mire pritet ne copa te vogla dhe kalohet ne makinen e mishit qe te behet kima. Thyejme vezet duke i ndare te bardhat nga te verdhat. Kerto te fundit rrihen ne nje ene porcelani me telin e kuzhines. Shtohet mielli, hudhrat e grira shume holle, majdanozi, kripa e piperi dhe trazohen mire.
Rrihen te bardhat e vezeve fort qe te behen te qendrueshme (marenge) dhe shtohen ne masne e mesiperme duke e trazuar. Vihet ne zjarr tigani me vaj dhe pasi te jete nxehur skuqen qoftet e peshkut si qoftet e mishit. Shoqerohen me sallata te stines.

*Shenim: Qofteve te peshkut mund tu pergatitet salce me veze qumesht (bashamel), e cila u hidhet qofteve siper

[Linka_pz]

Midhje me pilaf
(nga Milaniste)

Perberesit

Per 4-5 veta: midhje 2 kavanoza, vaj 1/2 gote, oriz 3 filxhane caji, qepe mesatare 2 kokrra, hudhra 2-3 thelpinj, salce domate 1 luge kafeje, vere te bardhe 1 gote, leng limoni 1/2 kokerr, kripe e piper.

Pergatitja

Me nje pjese te vajit skuqen qepet, hudhrat dhe pastaj shuhen me vere te bardhe. PAs pak shtohet salca e shkrire ne pak uje te nxehte, kripa e piperi dhe lihen te ziejne. Pastaj hidhen midhjet dhe lihen derisa te perfundoje zierja.
Nderkohe nxehet vaji qe mbeti, shtohet orizi duke e trazuar me luge druri sa te marre nje skuqje te lehte. Pstaj hidhet lengu ku zien midhjet si dhe pak uje ( te dy lengjet duhet te jene 6 filxhane caji), shtohet kripa e piper i duhur ne se ka nevoje lengu dhe lihet qe te zieje perfundimisht orizi.
Kur gjella eshte gati sherbehet sipas racioneve dhe siper pilafit vihen midhjet

[uck_aksh]

ja nje dorad e pergaditur
http://i86.photobucket.com/albums/k107/uck_aksh/Image001.jpg

[Guri i madh]

Gjel deti sipas metodes Milaneze

http://www.shqipnet.com/images/gjeldetimilaneze.jpg

Perberesit: 1 kg gjel deti i prere ne copa, miell i bashkuar me kripe dhe piper per te lyer mishin, 4 veze, 1 1/2 filxhan therrime buke te fresket, 1 1/2 filxhan djath kackavall i grire, 1/4 filxhan vaj ulliri

Pergatitja: Hidheni miellin me kripe dhe piper ne nje pjate. Ne nje ene te thelle,rrihni lehte vezet dhe ne nje ene tjeter te ceket bashkoni djathin kackavall te grire dhe therrimet e bukes. Lyejini copat e gjelit te detit me miellin qe ndodhet ne pjate, duke i shkundur me pas tepricat, pastaj lyejini me veze duke e lene vezen e tepert te kulloje nga mishi. Mbulojini copat me perzjerjen e therrimeve te bukes dhe futini ne nje ene te veshur me leter kuzhine. Ne nje tigan nxehni vajin duke bere kujdes te mos digjet. Skuqini copat 1-2 minuta ne cdo ane, derisa ne marrin ngjyre te arte. Hiqeni tiganin nga zjarri. Vendosini copat e gjelit te detit ne leter thithese dhe me pas vendosini ne pjate. Servirini me feta limoni



qka esht qyky gjeli i detit

[Linka_pz]

Ngjale e ferguar me sallata te ndryshme

Per 4-5 veta: ngjala 1-1,5 kg, miell 1 filxhan caji, rozmarine 1 luge gjelle, vaj 1 filxhan, limon 1 kokerr, kripe e piper sallate e gatshme per 5 persona.

Ngjalat pastrohen, lahen dhe priten sipas racioneve. Kullohen dhe u hidhet kripe e piper, kalohen ne miell, u hidhet rozmarine dhe skuqen nga te dy anet derisa te marrin ngjyre te kuqerremte. Pastaj vihen ne pjatance sipas racioneve me feta limoni te prera holle. Shoqerohen me sallata te stines.

[Linka_pz]

Karkaleca te ferguar

Per 4-5 veta: karakleca 1 kg, miell 2 filxhane kafeje, caj 1 filxhan caji, kripe e piper sipas deshires, sallate te stines.

Karkalecat pastrohen si zakonisht, lahen dhe vihen te kullojne.
Vihet tigani ne zjarr qe te nxehet mire, pudrosen karkalecat me pak miell dhe skuqen ne te dy anet qe te marrin ngjyre roze. AShtu sic jane te nxehta kullohen shpejt nga yndyra, vendosen ne pjatance dhe i hidhet kripe shume e holle e piper. Trazohen mire dhe jane gati per tu sherbyer. Mund te shoqerohen me sallata te stines.
Shenim: Edhe ne kete raste guacka e karkalecave mund te hiqet para skuqies ose gjat ngrenies. Menyra e dyte pelqehet me shume, sepse pervec shijes mban edhe mishin e bute.

[Linka_pz]

Si të njohim freskinë dhe të gatuajmë peshkun dhe prodhimet e detit

Vlera:

Peshku dallohet për vlera të mëdha ushqyese duke qenë se është i pasur në proteina, kripëra minerale dhe vitamina. Kjo e bën një ushqim të lehtë dhe lehtësisht të tretshëm nga organizmi.

Disa nga karakteristikat e një peshku të freskët:

• Mishi duhet të jetë i fortë dhe kur të shtypet me gisht të ketë elasticitet.

• Syri është i pastër si i gjallë.

• Bronke që ndodhen në kokë kanë ngjyrë të lehtë rozë.

• Lëkura është e ndritshme dhe luspat dalin shpejt.

• Era e peshkut të freskët është si era e detit. Në rast se ndihet një erë amoniaku, atëherë është i ndenjur.

• Mishi duhet të jetë i bardhë me ngjyrë shumë të lehtë rozë. Në se ka nuancë të bardhë në të verdhë atëherë nuk është i freskët.

Prerja:

Peshqit mund të gatuhen të plotë ose të ndarë në copa apo fileto të cilat mund të jenë me ose pa hala e lëkurë.

Për fileto pa hala e lëkurë duhet më tepër kujdes, për këtë peshqit duhet të jenë më të mëdhenj se 200 g.

• Peshku vendoset i pastruar mbi tavolinë dhe prerja fillon nga bishti në drejtim të kokës.

• Tehu i thikës duhet të takojë shtyllën kurrizore. Kështu përfitojmë dy fileto të gjata.

• Halat e barkut hiqen me pincën e kuzhinës.

• Me lëvizje të thikës kur sharrohet bëhet heqja e lëkurës nga bishti në drejtim të kokës. Kështu veprohet edhe për fileton tjetër.

Për dreka ose darka festash, peshku mund të vendoset i gjithi në një pjatancë të madhe i zbukuruar me garnitura të ndryshme. Para se të shërbehet pritet në prani të pjesëmarrësve.

[Linka_pz]

Gatimi

Peshqit gatuhen në tre mënyra:




• Të skuqur; më të përshtatshëm janë peshqit e vegjël, si barbuni, sardelja, etj

• Të pjekur në zgarë ose në furrë; ngjalat, barbuni, levreku, qefulli, koca, korani. Peshkut i bëhen prerje të lehta nga të dyja anët që pjekja të kalojë dhe në thellësi. Gjatë pjekjes spërkatet me vaj limon dhe kripë.

• Të zier në dy mënyra, sipas dëshirës;

a- me ujë kripë dhe bimë aromatike

b- me ujë, uthull ose verë të bardhë, karota, qepë, presh, dafinë, bimë aromatike dhe sipas dëshirës edhe karafil.

Gjatë zierjes peshku lëshon 10 % të substancave të tij, prandaj lëngu mund të përdoret fare mirë për supë peshku.

Peshqit e ujërave të ëmbla duhet të zihen me uthull dhe me më shumë kripë.

[Linka_pz]

RECETA

Peshk me feta domate e portokalli.



Për 4 – 5 persona: peshk 1 kg, domate 4 kokrra, patate 10 kokrra mesatare, portokalle e limon nga 1 kokërr, 1 gotë vaji, 1 gotë vere, 2 lugë majdanoz të grirë hollë, galetë e bluar, hudhra 3-4 thelpinj, kripë e piper sipas dëshirës.

Pastrojmë peshkun me ujë të bollshëm, e kullojmë, e thajmë me pecetë dhe e vendosim në pjatancë duke e kriposur nga të gjitha anët. Në enë porcelani hedhim verën, vajin, lëngun e limonit të prerë hollë, lëngun e dy domateve të grira, hudhrën e prerë hollë, piper, kripë sipas dëshirës, dhe e punojmë me tel deri sa të bëhet një masë e njëjtë.

Në një pjatë hedhim majdanozin e grimcuar dhe e përziejmë me galetën e bluar. Në tavë hedhim një shtresë nga masa e parë dhe mbi të majdanozin me galetën e bluar. Sipër vendoset peshku, i cili spërkatet me masën e parë dhe të dytë. Presim domatet dhe portokallin në feta rrethore simetrike duke mbuluar gjithë sipërfaqen e peshkut. E pjekim në furrë me nxehtësi mesatare për 20 – 30 minuta duke e spërkatur herë pas here me lëngun e tij. Pas pjekjes e vendosim në pjatancë dhe anash vendosim patatet e ziera e të spërkatura me majdanoz. Salcës së mbetur në tavë i jepet një valë për 3 – 4 min. Më pas i hidhet sipër peshkut. Shërbehet sipas dëshirës, e ftohtë ose e ngrohtë.

Llojet e peshkut që mund të përdoren: koran, levrek, koce, etj.

[Linka_pz]

Fileto merluci të freskët




Për 4 – 5 persona: merluc 1 kg, vezë 1 kokërr, vaj për skuqje 1 filxhan çaji, limon 1 kokërr, miell për skuqje 2 – 3 lugë gjelle, patate të ziera 1 kg, salcë majoneze për 4 persona, majdanoz një tufë, gjalp një lugë, kripë epiper sipas dëshirës.

Merluci pastrohet, lahet dhe i hiqen filetot me kujdes. I marinojmë me lëng limoni, kripë, piper dhe gjethe majdanozi për 10 minuta. Vendosim tiganin me vaj që të nxehet mirë. Në një enë porcelani hedhim vezë, pak ujë, kripë dhe i rrahim me pirun që të bëhen një masë. Kullojmë fileton nga marinimi dhe e kalojmë në miell, në vezën e rrahur, në galetën thërrmuar ku i jepet formë ovale dhe skuqet nga të dy anët deri sa të marrë ngjyrë të kuqërremtë. Kullohet nga yndyra e tepërt dhe vendoset në pjatancë. Rreth e rrotull dhe në mes vendosen patatet e ziera. Përgatisim salcë majoneze për 4 persona, e cila do të shoqërojë pjatat e peshkut.

[Linka_pz]

Sallatë me prodhime deti

Nga Wikipedia, Enciklopedia e Lirë


[/URL]
[URL="http://sq.wikipedia.org/wiki/Figura:Sallateprodhimedeti.jpg"]http://upload.wikimedia.org/wikipedia/sq/thumb/4/47/Sallateprodhimedeti.jpg/200px-Sallateprodhimedeti.jpg (http://sq.wikipedia.org/wiki/Sallat%C3%AB_me_prodhime_deti#searchInput)
Për 4 persona nevojiten:
200 gr. mish karkalecash deti dhe gaforresh½ filxhan midhje të qëruara½ kastravec1 mollë majhoshe1 spec i kuq½ tufe majdanoz½ filxhani misër të zier1 degë selino2 qepë të njomalëng dhe lëkurë të grirë të 1 limoni1/3 filxhan vaj ulliri1 lugë të vogël mustardë pikante1/3 lugë të vogël bahar të bluar (ose piper të zi)1 lugë të vogël estragonkripë Ziejmë mishin e karkalecave të detit për 3-4 minuta në ujë me kripë dhe e kullojmë mirë. Përgatitim marinadën duke përzier së bashku vajin e ullirit, mustardën, estragonin, baharin, lëngun dhe lëkurën e grirë të limonit dhe një majë gishti kripë e piper. E hedhim masën mbi mishin e zier të karkalecave të detit dhe midhjet. Ndërkohë grijmë mollën majhoshe me gjithë lëkurë, i heqim farëzat kastravecit dhe e ndajmë në copa të vogla kubike, dhe presim gjithashtu qepët, selinon, specin dhe majdanozin. Përziejmë perimet me misrin e zier dhe karkalecat në marinadë dhe servirim.

[Linka_pz]

Peshku dhe Vera


Peshku shoqërohet me verë të bardhë. Gjatë shërbimit të verërave duhen patur parasysh edhe disa rregulla:

• Gjithmonë verërat e lehta shkojnë me gjellët e lehta, kurse verërat e rënda me gatime të rënda.

• Duhet pasur parasysh përputhshmëria e ngjyrës së verës me ngjyrën e ushqimit

• Një verë e rëndë nuk bën të pihet para një të lehte, si dhe një verë e kuqe para një të bardhe, përjashtim bën rasti i shërbimit me verëra shkumuese.

• Vera e bardhë pihet relativisht e ftohtë, kurse vera e kuqe shërbehet në temperaturën e dhomës.

[Linka_pz]

Karkaleca me krem

Perberesit per 4 persona:• 200 gr krem djathi; • 70 gr ketchup; • nje qepe e vogel; • nje tufe majdanoz; • 4 luge majoneze; • 200 gr karkaleca te skuqur; • 2 luge vaj; • leng limoni; • kripe, piper. Pergatitja: Grini holle majdanozin dhe qepen, prini karkalecat, bashkojini te gjitha ne nje ene dhe hidhini pak kripe, piper, vaj dhe nje luge leng limoni. Ne nje ene hidhni ketchup-in, majonezen dhe kremin e djathit; perzjejini mire me nje pirun. Vendoseni kremin ne nje kupe dhe mbulojeni me karkalecat e marinuar. Sherbejeni menjehere. Kete cocktail karkalecash mund ta shoqeroni me “nachos”, ose me buke te thekur.

[Linka_pz]

Oktapod me vere.! mmmm


Perberesit per 4 - 5 persona:
1 kg oktapod,
5 kokrra qepe,
1 gote uji vere e kuqe,
3-4 kokrra mesatare domatesh te fresketa,
1/2 gote me uje, kripe e piper.

Pregatitja: Pas larjes i kullojme dhe i skuqim derisa te thithin lengun. Shtojme qepen e prere ne kubike te vegjel dhe pasi i skuqim bashke i shuajme me vere. Hedhim domatet e prera si zakonisht dhe me vone shtojme yndyre, kripe, piper. I leme te ziejne ne zjarr te avashem derisa te perfundoje plotesisht.

[Linka_pz]

Peshk I pjekur ne tjegull.
Nxehet ne fillim tjegulla. Peshku I sapozene pastrohet nga te brendshmet por nuk duhet te pastrohet nga luspat. Duhet te lahet dhe kullohet. Peshkut I hidhet kripe nga Brenda si edhe nga jashte dhe vihet mbi tjegullen e nxehte e cila qendron mbi prush deri sa te piqet nga te dyja anet. Peshku mund te piqet me dhjamin e vet ose mund ti hidhet pak vaj n.q.s peshku nuk ka dhjame. Gjate pjekjes luspat ngelen ne tjegull prandaj nuk eshte nevoja qe peshku te pastrohet nga luspat.
Hidhini limon sipas deshires dhe shoqerojeni me nje gote vere te bardhe dhe me sallate. Kjo eshte shume e shendetshme per personat qe vuajne nga dhjamosja e zemres ose nga kolesteroli I larte.

[uliksi31]

Peshk I pjekur ne tjegull.
Nxehet ne fillim tjegulla. Peshku I sapozene pastrohet nga te brendshmet por nuk duhet te pastrohet nga luspat. Duhet te lahet dhe kullohet. Peshkut I hidhet kripe nga Brenda si edhe nga jashte dhe vihet mbi tjegullen e nxehte e cila qendron mbi prush deri sa te piqet nga te dyja anet. Peshku mund te piqet me dhjamin e vet ose mund ti hidhet pak vaj n.q.s peshku nuk ka dhjame. Gjate pjekjes luspat ngelen ne tjegull prandaj nuk eshte nevoja qe peshku te pastrohet nga luspat.
Hidhini limon sipas deshires dhe shoqerojeni me nje gote vere te bardhe dhe me sallate. Kjo eshte shume e shendetshme per personat qe vuajne nga dhjamosja e zemres ose nga kolesteroli I larte.

E nderuar Linka Pz. A mund te na tregoni se per cfar tulle (tjegulle) behet fjale? Tjegull e thjesht apo ndonje tulle te vecant per kete proces? Falemderit

[Linka_pz]

[quote=uliksi31-jr.]E nderuar Linka Pz. A mund te na tregoni se per cfar tulle (tjegulle) behet fjale? Tjegull e thjesht apo ndonje tulle te vecant per kete proces? Falemderit[

I nderuari Moderator une kete lloj peshku e kam pergadit dhe e kam kuptuar keshtu

Nxehet ne fillim tjegulla.

Peshku vihet mbi tjegullen e nxehte e cila qendron mbi prush Do te thote peshku pra. Eshte Zgara Ku piqet peshku ne hell.

Me shume respekt Linka_Pz

[uliksi31]

[quote=uliksi31-jr.]E nderuar Linka Pz. A mund te na tregoni se per cfar tulle (tjegulle) behet fjale? Tjegull e thjesht apo ndonje tulle te vecant per kete proces? Falemderit[

I nderuari Moderator une kete lloj peshku e kam pergadit dhe e kam kuptuar keshtu

Nxehet ne fillim tjegulla.

Peshku vihet mbi tjegullen e nxehte e cila qendron mbi prush Do te thote peshku pra. Eshte Zgara Ku piqet peshku ne hell.

Me shume respekt Linka_Pz

Shume falemderit. Po a ngjitet peshku per tjegull, a duhet te lyhet me vaj? A mos pot lodhi me pyetje. Ahahahaha

[Linka_pz]

[quote=uliksi31-jr.][quote=Linka_pz]

Shume falemderit. Po a ngjitet peshku per tjegull, a duhet te lyhet me vaj? A mos pot lodhi me pyetje. Ahahahaha


Hahahaah Ok po a nuk ke ngren asnjeher mish apo peshk te skuqur ne zgare
Sigurish qe nuk ngjitet kur pergaditet me kujdes.
Linka_Pz

[uck_aksh]

peshk
http://i86.photobucket.com/albums/k107/uck_aksh/Image001.jpg

[uck_aksh]

GAMBASA OSE NE KOSOV PI THOJSHIN KARKALECA

http://i86.photobucket.com/albums/k107/uck_aksh/Image016.jpg

[Dardan Kastrati]

http://img86.imageshack.us/img86/1588/11977417rm7gh1.gif

[Ma-Origano]

wow uck aksh jane te mira

[Dardan Kastrati]

http://img218.imageshack.us/img218/6683/516145851f109fe5209wd4.jpg

[Dardan Kastrati]

http://img218.imageshack.us/img218/6683/516145851f109fe5209wd4.jpg
http://img223.imageshack.us/img223/9500/img7642rq2.jpg