Diskutimet per pavaresine e Kosoves fillojne ne tetor?

[Reana]

Sipas Zerit te Amerikes, Organzata e Kombeve te Bashkuara me qender ne New York, ka derguar ne Kosove diplomatin Norvegjian Kai Eide me qellim te vleresimit te situates se funksionimit te Organeve dhe Institucioneve te Kosoves.

Qe Kosova te qeverise e pavarur duhet te kete Institucione funksionale demokratike; realizimi i standardeve te kerkuara nga Bashkesia Nderkombetare dergon drejt ketyre objektivave!

Kai Eide eshte ne pergatitje e siper te nje raporti i cili do te jete i gatshem ne Shtator ku ne detaje analizohet implementimi i standardeve qe kane te bejne me qeverisjen e ardhshme te p a v a r u r te Kosoves.
Sipas burimeve nga New Yorku ( :P ) ky raport derimetani, thuhet te jete ne favor te arritjeve te Institucioneve te Kosoves dhe mbeshtet kerkesen legjiime te popullit te Kosoves per pavaresi.
Sipas te gjitha parashikimeve, ky raport do te jete drita e gjelber per Bashkesine Nderkomebtare te inicoje diskutimet per pavaresine e Kosoves

Pasi qe OKB-ja te kete konstatuar se diskutimet mund te fillojne, keto do te udhehiqen nga diplomate te Bashkimit Europian dhe te asistohen nga diplomate te Shteteve te Bashkuara te Amerikes.

[Arb]

Ah, me ne fund bre!

Qofte kembe e hajrit kjo nisme e OKB-se.

Dhashte Zoti e Kosoves i njihet pavaresia kete vit!

[Reana]

Diskutimet supozohet te fillojne ne tetor, por sipas te gjitha gjasave do te zgjasin 12 muaj!

[Arb]

Diskutimet supozohet te fillojne ne tetor, por sipas te gjitha gjasave do te zgjasin 12 muaj!

Edhe 12 muaj le te zgjasin, me kusht qe te njihet Pavaresia e shumepritur e Kosoves... kemi prite tash me shume se 5 dekada...

[Kloni]

Diskutimet supozohet te fillojne ne tetor, por sipas te gjitha gjasave do te zgjasin 12 muaj!

Edhe 12 muaj le te zgjasin, me kusht qe te njihet Pavaresia e shumepritur e Kosoves... kemi prite tash me shume se 5 dekada...

Eh, me ne fund edhe fundi po i vie per te kaluar nga nje formalitet i vjetruar ner nje ne realitet te Ri!

Boll ma, a!

Dikush e ka kundershtuar, dikush ka pritur. dikush eshte perpjekur e perdjegur, dikush edhe ka luftuar jo vtem 5 dekada dhe te gjithe kane per ta gezuar!

[Kastri]

Ah, me ne fund bre!

Qofte kembe e hajrit kjo nisme e OKB-se.

Dhashte Zoti e Kosoves i njihet pavaresia kete vit!


.................................................. .
.................................................. .

Pershendetje

I nderuare pa dashte te replikoi,por nese eshte nisme e OKBse,atehere une dyshoi se do njifete diqka qe nuk na eshte njife.

Po te ishte nisme e KOSOVES atehere me siguri se do ishte njife me doemos.

I nderuare ky eshte vetem mendime imi,ju lutem mos e merre per te keqe,se gjithe Shqiptarve po na dhembe mu aty ku edhe juve-Pamvarsia.

Me nderime i nderuare.

[GASHI75]

Ah, me ne fund bre!

Qofte kembe e hajrit kjo nisme e OKB-se.

Dhashte Zoti e Kosoves i njihet pavaresia kete vit!

Bisedime po për qfarë statusi se me serbien zotri nuk bisedohet për statusë dhe bash me serbien do bisedojm për status se vet jan ra në gracka kta qeveritaret e povratakitë .
Kurse rezeultati autonomi substanciale nën serbi simbasë jush se si po duketë edhe kritikatë e solanës ishin të ashpra që u than në prishtin gjatë vizites së tij në kosovë.
Për qarsye se shpallin pamvarsin e kosovës në parlamentë që presin kta qeveritarët tan më edhe kushtetuten e kan të gatshme edhe atë se diskutojn më bile vall mosë po presin që serbi ta njof kosovën si shtetë kjo nga ana serbe nuk njifetë në ketë mnyrë kurr.
shqiptaret duhet ti inicojn punëtë vetë spari e tani nderkombtaret e pa serbinë me serbin e kemi krye nji herë e përgjithëmon.

[Reana]

Bërns ka deklaruar se me padurim pret në vjeshtë fillimin e bisedimeve për statusin e Kosovës

Nënsekretari amerikan i Shtetit Nikolas Bërns ka deklaruar se me padurim pret në vjeshtë fillimin e bisedimeve për statusin e Kosovës, ndonëse akoma nuk shpreh qëndrimin për zgjidhjen.
Sipas gazetës "Herald tribune" bisedimet për statusin e Kosovës do t'i udhëheqë njëri nga politikanët më të njohur evropian, ndoshta ish-presidenti finlandez Marti Ahtisari, me ndihmën e një diplomati të lartë amerikan, i cili me siguri nuk do të jetë Bërns, shkruan gazeta.
"Ndoshta do të provojmë me izolimin e negociatorëve, a la Hollbruk në Dejton ose do të bisedojmë në ndonjë mënyrë tjetër", thotë Bërns për këtë gazetë.
Ndërkaq gazeta, duke quajtur formulën serbe "më shumë se autonomi, më pak se pavarësi" një "frazë profetike" ( :lol: ), konsideron se rezultatin afatgjatë tjetërfarë nga pavarësia e bën të pamundshëm kur shumica dërrmuese shqiptare e synon pëkërisht këtë. Por njëheri gazeta thekson se shqiptarët këtë duhet ta meritojnë.

(Aktualitete)

[Dilaver]

PRISHTINE (1 Gusht) -Ministrja e jashtme e Zvicres, Misheline Kalmi Rei, ka filluar nje vizite kater ditore ne Kosove. Ministrja Kalmi Rei, ne prag te vizites ne Prishtine, ka deklaruar se vendi i saj eshte shume i interesuar qe ceshtja e Kosoves te zgjidhet sa me pare. Kryediplomatja zvicerane, ka deklaruar se Zvicra mbeshtet pavaresine e Kosoves, si nje prej rrugezgjidhjeve me te mundshme. Gjate vizites, Rei do te takohet me pjesetare te kontigjentit zviceran qe sherben ne Kosove qe nga viti 1999 ne kuader te forces paqeruajtese te drejtuar nga NATO, KFOR. Diplomatja zvicerane do te zhvilloje bisedime edhe me zyrtare te misionit te Kombeve te Bashkuara ne Kosove, UNMIK. Ajo do te takohet dhe me perfaqesues te institucioneve te Kosoves si dhe me politikane shqiptare e te pakices serbe. Ne Zvicer jetojne nje numer jo i vogel emigrantesh shqiptare nga Kosova. Sipas Reit, ata perbejne nje te dhjeten e popullates se Kosoves. db/db(BBC/Balkanweb)

[i_retardumi]

Diskutime per pavarsi...?!Hmmm sma merr menja që do të diskutohet për pavarsi!

[Guri i madh]

Diskutimet supozohet te fillojne ne tetor, por sipas te gjitha gjasave do te zgjasin 12 muaj!

Edhe 12 muaj le te zgjasin, me kusht qe te njihet Pavaresia e shumepritur e Kosoves... kemi prite tash me shume se 5 dekada...

me disa lajme qe kam ndegjuar sante kam kriju pershtypjen se evropjanet prap dojn me lue politiken e vjeter si ne vitet e 1918 duke shfrytzuar mungesen e dr rugoves dhe vershimeve qe kan ndodh ne shtetet e bashkura te amerikes ku e gjith diplomacia e miqve tan asht e angazhuar ne problemet qe ka shkaktuar ky uragan dhe duke shfrytzuar vakumin qeveritar ne shqipri ku ishte iftuar edh gjenerali i forcave serbe bojkoti ishte hapi i par por mendimi i im asht qe pozita dh e opozita ta gjejn gjuhen e perbashket dhe ti bojkotojn nderkombtaret nese qeveria e shteteve te bashkura nuk asht prezente ne definimin e statusit te kosoves

[Dilaver]

Pas Britanisë, edhe Franca nuk e përjashton pavarësinë e Kosovës


Prishtinë, 21 shtator - Rreth zgjidhjes së statusit të Kosovës, pas Britanisë së Madhe edhe Franca nuk e përjashton pavarësinë si një nga opsionet, deklaroi shefi i Zyrës franceze në Prishtinë, Tieri Rejnar. Rreth statusit Franca ka qëndrim të njëjtë me SHBA të dhe Britaninë e Madhe, theksoi diplomati francez pas takimit me kryeparlamentarin Nexhat Daci. (Ditë më parë në Prishtinë edhe ministri britanik për Evropë Dagllas Aleksander u shpreh pro pavarësisë së Kosovës si një nga opsionet)."
Po, ne jemi në të njëjtën linjë. Ky është një opsion. Mirëpo, kjo së pari do të varet nga raporti i Aides, për të parë se ç'është e mundur... Natyrisht varet edhe nga bisedimet për statusin, se si do të zhvillohen ato, dhe çfarë do të nxjerrë si përfundim bashkësia ndërkombëtare", u shpreh Rejnar, duke shtuar se vendi i tij ka qëndrim të njëjtë me vendet e tjera të Grupit të Kontaktit:
"Ne jemi plotësisht në të njëjtën linjë me kolegët e Grupit të Kontaktit, dhe nuk ka asnjë dallim ndërmjet Francës, Shteteve të Bashkuara, Britanisë, Gjermanisë, Italisë apo Rusisë".
Por Rejnar shtroi nevojën e unitetit edhe brenda faktorit kosovar të bisedimeve.
"Unë e theksova domosdoshmërinë e unitetit brenda ekipit të bisedimeve për statusin, sepse, statusi nuk është çështje e shumicës apo opozitës dhe ju vërtet duhet të jeni të bashkuar brenda këtij ekipi", tha Rejnar, duke theksuar domosdoshmërinë e përfshirjes së pakicave në këtë ekip. Gjithashtu si çështje të rëndësishme ai vuri në dukje edhe fillimin e decentralizimit.
Pasi vlerësoi nismën e Presidentit Rugova për përgatitjen e bisedimeve, diplomati francez shprehu bindjen se ato do të fillojnë gjatë këtij viti. "Nuk mund të parashikoj, por duket e arsyeshme të mendohet kështu. Kjo është e qartë", tha Rejnar.
Kryeparlamentari Daci nuk u prononcua para mediave, por nga zyra e tij për këtë takim është publikuar një komunikatë në të cilën thuhet se Daci e Rejnar "kanë biseduar për zhvillimet në Kosovë dhe për përgatitjen institucioneve të vendit për procesin e përcaktimit të statusit të Kosovës".
"Z.Rejnar është shprehur se Franca, si anëtare e grupit të Kontaktit, është e interesuar për unifikimin e lidershipit të Kosovës rreth bisedimeve për statusin. Ai ndërkaq është interesuar për procedurën e miratimit nga Kuvendi të grupit negociator të emëruar nga presidenti Rugova", thuhet në komunikatë.
Ndërkaq Daci ka thënë se se kur bëhet fjalë për "çështje madhore, siç është statusi i vendit, institucionet, por edhe qytetarët e Kosovës janë shumë unikë".
"Me Beogradin do të bisedohet për të gjitha çështjet në interes të dy vendeve, por jo edhe për statusin e Kosovës, i cili është i panegociueshëm", citohen fjalët e Dacit në këtë komunikatë.

[Dilaver]

Besnik Mustafaj ka kërkuar mbrëmë në OKB që Kosovës t'i jepet pavarësia e kushtëzuar

Nju Jork, 22 shtator - Ministri i Punëve të Jashtme të Shqipërisë ka kërkuar që Kosovës t'i jepet pavarësia e kushtëzuar nga Serbia dhe Mali i Zi. Statusi përfundimtar i Kosovës duhet të bazohet në vullnetin e lirë të popullit të Kosovës, të shprehur nëpërmjet metodave demokratike, tha Mustafaj,njofton Rojter.
Shefi i diplomacisë shqiptare mbrëmë tha në Asamblenë e Përgjithshme të OKB-së se pavarësia e kushtëzuar për Kosovën do t'i mundësonte bashkësisë ndërkombëtare që për një periudhë të caktuar kohore të vëzhgojë zhvillimin e plotë të institucioneve të Kosovës dhe shoqërisë së saj si garancë për serbët dhe pakicat e tjera.
Duke shfrytëzuar të drejtën për replikë përfaqësuesi i Serbisë tha se ishte i befasuar që Shqipëria ka ndryshuar politikën e saj dhe angazhohet për pavarësinë e Kosovës. Sipas tij, Kosova është pjesë e Serbisë dhe se bsiedimet për të ardhmen e saj duhet të zhvillohen ndërmjet Beogradit, Prishtinës dhe bashkësisë ndërkombëtare.
Ndihmësministri Miomir Udoviçki tha se deklarata e Mustafajt nuk i kontribuon bashkëpunimit aq të nevojshëm ndërmjet Beogradit dhe Tiranës, por as stabilitetit në rajon.

[Krokodilli]

e mjera Kosove,, me shekuj me dekada,, ende populli i saj nuk eshte ne gjendje, e lire te caktoj fatin e saj...

me frigon pa mas ky viti 2006, Pavaresi e kushtezuar do te ishte fantazi,, do te thot pavarsi nen kontroll te Okb-be, por nuk perjashtohet as ndarja e Kosoves,, po ashtu as ndarja ne Enklava,, keshtu qe shpresojm se kem politikan te fort,, dhe shpresoj se eshte koha te tregojn veten sa jan te aft....... dhasht zoti e te behet ashtu siq kemi deshire te gjithe..
shtet i pavarur ne zemer te evropes....

[MemphiSx]

Dhasht zoti vitin 2006 te jet vit i Nenshkrimit te ktij akti madhor per te gjith Shqiptaret kah do qe jan te behet edhe njohja formale PAVARESIA E KOSOVES

[Arb]

Rohrabacher: Pavarësia e Kosovës e vetmja zgjidhje e drejtë për statusin e saj përfundimtar

Intervistoi Isabela Çoçoli
Uashington
23-09-2005


Anëtari i Dhomës së Përfaqësuesve të Kongresit amerikan, Dana Rohrabacher, republikan nga shteti i Kalifornisë, thotë se pavarësia e Kosovës është e vetmja zgjidhje e drejtë për statusin e saj përfundimtar. Zoti Rohrabacher thekson se 10 përqind e popullatës së Kosovës që përbëhet nga sërbët, nuk duhet të presi që t’i diktojë politikën e vet 90 përqind të popullatës, me përjashtim të kërkesave për respektimin e të drejtave të tyre.

Zëri i Amerikës: Ju bëtë një vizitë në rajonin e Ballkanit kohët e fundit. Çfarë ju nxiti për të shkuar në atë rajon?

Dana Rohrabacher: Shumë amerikanë nuk e dinë se Shtetet e Bashkuara ende po shpenzojmë qindra miliona dollarë në vit për të mbajtur 18 mijë trupa në Kosovë dhe duket se ne duhet të përqendrohemi në këtë çështje dhe t’i japim fund gjendjes pas gjithë kësaj kohe qendrimi atje. Shkova atje për t’u siguruar që t’i kuptoj mirë gjërat dhe për t’u takuar me lojtarët për të parë se cilat janë opcionet tona dhe si të shkëputemi prej andej dhe t’i lëmë njerëzit të vazhdojnë jetën normalisht.

Zëri i Amerikës: Ju keni qënë një nga mbështetësit më të fuqishëm të pavarësisë së Kosovës. Përse?

Dana Rohrabacher: E vetmja zgjidhje që dëshirohet nga popullata në Kosovë është pavarësia. Zgjidhja nuk mund t’u detyrohet atyre nga larg, nga kompromist që bëhen mes qeverive. Zgjidhjet me të vëtetë të qendushme e që kanë kuptim janë zgjidhjet që përfshijnë pjesëmarrjen dhe reflektojnë vullnetin e popullit. Dhe këto janë pikërisht normat e demokracisë. Themeluesit e Shteteve të Bashkuara na i kanë mësuar këtë parim. Besoj se 90 përqind e popullit të Kosovës do që të jetë i lirë dhe i pavarur. Kjo është zgjidhja. Populli i Kosovës, jo vetëm që duhet të jetë i lirë dhe i pavarur, por duhet lejuar të kontrollojë jetën dhe të krijojë vendin e vet.

Zëri i Amerikës: Kongresmen, administrata e tanishme amerikane ka deklaruar se statuskuoja nuk mund të vazhdojë, por ajo nuk ka ofruar ndonjë alternativë të qartë se cili do të ishte statusi i Kosovës. A mendoni se një deklaratë publike do të ishte e nevojshme?

Dana Rohrabacher: E nevojshme është që popullit të Kosovës t’i jepet mundësia të thotë vetë se çfarë dëshiron, dhe kjo të vendoset me referendum. Shtetet e Bashkuara kanë thënë se se statuskuoja e tanishme e statusit të pazgjidhur të Kosovës nuk është e pranueshme. Cila pra do të jetë zgjidhja apo alternativa? Për këtë duhet pyetur populli i Kosovës dhe duhet respektuar vendimi i tij. Në qoftë se ai do që të jetë i lirë dhe i pavarur dhe i angazhuar për të respektuar të drejtat e pakicave, duke përfshirë edhe ato sërbe, ai duhet të jetë i lirë dhe i pavarur. Kjo është e vetmja zgjidhje. Populli i Kosovës është ai që duhet ta vendosë atë zgjidhje.

Zëri i Amerikës: Shumë analistë besojnë se raporti i të dërgurit të Kombeve të Bashkuara në Kosovë për vlerësimine standardeve, Kai Eide, do të jetë pozitiv dhe negociatat për statusin përfundimtar të Kosovës do të fillojnë. Duke patur parasysh se shqiptarët dhe sërbët, kanë qendrime diametralisht të kundërta lidhur me statusin përfundimtar, sa mendoni ju se do të zgjasnin këto negociata?

Dana Rohrabacher: Negociatat mund të zgjasin pafundësisht, përsa kohë që ne përballojmë shpenzimet. Zgjidhja nuk është bisedime dhe gjinjë bisedime. Zgjidhja është që popullit të Kosovës t’i jepet mundësia për të marrë vendimin për statusin përfundimat dhe jo një grupi të huaj burokratësh që bisedojnë me njeri-tjertin. Për sa u përket sërbëve të Kosëvos, të drejtat e tyre duhet të respektohen patjetër. Por në një shoqëri demokratike pakica, që në rstin e sërbëve të Kosovës është vetëm 10 përqind, nuk mund të marrë vendim për gjithë vendin. Ata kanë të drejtën të shprehin qendrimet e tyre, ata gëzojnë të drejtën të mos diskriminohen, por ata nuk mund të marrim vendimin se në çfarë drejtimi duhet të shkojë vendi. Sërbët që jetojnë në Kosovë duhet të vendosin se çfarë duan. Ata mund të jetojnë si pakicë në Kosovë dhe gjithkush do të kërkonte që të drejtat e tyre të respektohen, por ata duhet të pranojnë vendimin e shumicës, ose të shkojnë në Sërbi, në qoftë se duan të jetojnë mes sërbëve. Këto janë të vetmet alternativa. Alternativa nuk është që 10 përqind e popullatës t’i diktojë 90 përqind të popullatës se cilat do të jenë politikat e vendit. Kjo nuk është as demokratike dhe as e drejtë. Të gjithë kosovarët me të cilët unë kam biseduar, më kanë thënë se janë të angazhuar të respektojnë të gjitha të drejtat e pakicave, qofshin ato sërbe apo të tjera. Sërbët nuk duhet të presin që t’i diktojnë politikën e tyre 90 përqind të popullatës, me përjashtim të kërkesave për respektimin e të drjetave të tyre.

[Arb]

Presidenti Rugova përgëzon qytetarët e Kosovës në 14-vjetorin e Referendumit për Pavarësinë e Kosovës

Prishtinë, 26 shtator - Presidenti i Kosovës, Dr. Ibrahim Rugova, ka përgëzuar sot qytetarët e Kosovës për 26 Shtatorin, ditën kur para 14 vjetësh u mbajt Referendumi për Pavarësinë e Kosovës.
Në mesazhin e Presidentit Rugova thuhet:
"Me rastin e 14 vjetorit të mbajtjes së Referendumit për Pavarësinë e Kosovës, Ju shpreh urimet e mia të përzemërta.

Dita e 26 Shtatorit të vitit 1991, dita e Referendumit për Pavarësi, do të mbetet në historinë më të re të Kosovës si njëra ndër ditët më të mëdha, sepse e konfirmoi vullnetin politik të popullit dhe të qytetarëve për pavarësinë e vendit tonë.

Referendumin për Pavarësi i kurorëzoi Deklaratën e Pavarësisë dhe Kushtetutën e Republikës (korrik, shtator 1990), duke u bërë akti më madhor i popullit tonë për të siguruar ekzistencën dhe të ardhmen e pavarur përgjithmonë.

Dhashtë Zoti që sa më parë ta gëzojmë njohjen e drejtpërdrejtë të pavarësisë së Kosovës nga miqtë tanë", thuhet në mesazhin e Presidentit Rugova”.

QIK-u

[Reana]

Sot me 7 tetor, Sekretari i Pergjithshem i Kombeve te Bashkuara, Kofi Anan, ne Bern te Zvicres, ka rekomanduar qe diskutimet per statusin final te Kosoves duhet te zhvillohen.
Rekomandimi i eshte dorezuar Keshillit te Sigurimit mbeshtetur ne raportin e Kai Eide ku theksohet se eshte arritur mjaft ne krijimin e institucioneve vete-qeverisese ne Kosove.

Sipas Kai Eide, te deleguarit special qe pregatiti raportin mbi arritjet e Standardeve ne Kosove, Kombet e Bashkuara kane ofruar nje momentum/mbeshtetje politike per Kosoven dhe do te ishte gabim qe kjo energji politike te mos shfrytezohej i.e. diskutimet duhet te fillojne.

Ndersa Nen-sekretari i shtetit Amerikan, Nicholas Burns ka deklaruar se statusi i pazgjidhur ne Kosove, "nuk eshte me i pranueshem".

( http://news.yahoo.com/news?tmpl=story&u=/ap/20051007/ap_on_re_eu/un_kosovo_2 )

[Dilaver]

Anan: Negociatat mbi te ardhmen e Kosoves do te fillojne se shpejti

BERNE (8 Tetor) -"Se shpejti une do te emeroj dike per te drejtuar negociatat qe do te nisin se shpejti mes Beogradit, Prishtines dhe Organizates se Kombeve te Bashkuara". Keshtu ka deklaruar dje Sekretari i pergjithshem i Kombeve te Bashkuara, Kofi Annan, gjate nje interviste per shtyp ne Berne.

Anan tha se negociatat mbi statusin perfundimtar te Kosoves do te fillojne se shpejti me emerimin e nje zyrtari te posacem, i cili do te zhvilloje diskutimet me Beogradin dhe Prishtinen. Sipas agjensise AFP, Anan u shpreh se ceshtjet qe do te shqyrtohen do te jene autonomia dhe pavaresia. "Duhet te diskutojme me Beogradin dhe Prishtinen, ndaj do te fillojme se shpejti", deklaroi shefi i OKB duke u shprehur mbi te ardhmen e Kosoves.

Pak ore me pare se shefi i OKB, Kofi Anan te jepte "Ok" per fillimin e bisedimeve mbi negociatat, lajmin e konfirmoi edhe kryeadministratori i Kosoves Soren Jesen-Petersen ne nje konference per shtyp ne Beograd. "Natyrisht qe me kane konsultuar per raportin dhe kam ndare mendimet e mia me Sekretarin e Pergjithshem . Madje e kam thene me pare dhe po e them edhe ketu se kam shume besim se Sekretari i Pergjithshem do te rekomandoje qe te fillojne bisedimet per statusin e Kosoves", tha Petersen duke shtuar se eshte shume me rendesi qe ne lidhje me kete te egzistoje dialogu edhe ne Beograd.db/db(AFP+BBC/Balkanweb)

[Arb]

"Uashington post" shkruan se zgjidhja për Kosovën është pavarësia me një mbikqyrje ndërkombëtare

Uashington, 17 tetor - Gazeta autoritative amerikane "Uashington post" shkruan se tashmë po shihet zgjidhja për Kosovën dhe kjo është pavarësia me një lloj mbikqyrjeje ndërkombëtare, megjithëse administrata amerikane pohon se janë të hapura të gjitha opsionet për statusin e Kosovës. Politikanëve të Perëndimit, shkruan më tuije gazeta, u është e qartë se zgjidhja e tillë është më e mira, meqenëse 9O për qind e banorëve konsideron se ështe papranueshme kthimi i Kosovës nën pushtetin e Serbisë.

Serbia kundërshton zgjidhjen e tillë, por Perëndimi konsideron se udhëheqja serbe duhet bindet që të heqë dorë nga Kosova dhe se ky është një hap i rëndësishëm për lirimin e Serbisë nga naconalizmi i saj helmues që të lëvizë drejt integrimeve me demokracitë leberale evropane, shkruan gazeta, duke shtua rse zbatimi i politikës së tillë do të kërkojë kapërcimin e kundërshtimit jo vetëm të politikanëve radikalë serbë, por edhe të ithtarëve të tyre në Rusi.

"Edhe më vështirë është të kapërcehet kundërshtimi i shqiptarëve të Kosovës dhe të binden të bëjnë koncesione të arsyeshme ndaj pakicës serbe, si dhënia e autonomisë zonave të banuara me serbë, dhe me atë rast të pengohet përpjekja e pakicës serbe në Kosovë që pjesët veriore të provincës t'ia bashkojë Serbisë", shkruan "Uashington post".

[Arb]

Vendet e sovranizuara nga ish-Jugosllavia duhet ta mbështesin pavarësinë e Kosovës


Shkruan: Esat Stavileci, profesor i Universitetit të Prishtinës

- Ato dinë më së miri se ç’farë pozite kishte Kosova si përbërës i ish-Federatës, prandaj do të duhej të njihej edhe si përbërës i shpërbërjes së saj, me të drejtë për vetëvendosje dhe suksesion -

Shkas i drejtpërdrejtë i këtij shkrimi është një deklaratë e z. Dimitrij Rupel, kryesuesit të rradhës së OSBE-së, njëkohësisht ministrit të jashtëm slloven, gjatë qëndrimit të tij në Kosovë, se “Sllovenia ende nuk ka qëndrim të qartë rreth statusit të Kosovës”. Nuk është vetëm Sllovenia që “ende nuk ka qëndrim të qartë”, por janë edhe Kroacia, Bosnjë e Hercegovina dhe Maqedonia, vende të sovranizuara nga shpërbërja e ish-Jugosllavisë që ende nuk e “kanë bërë të qartë qëndrimin e tyre rreth statusit të Kosovës.

Indiferenca

Me gjithë shkasin e drejtpërdrejtë të këtij shkrimi janë,më së paku,edhe dy arsye të tjera,që më shtynë të shtroj këtë temë:e para,aktualiteti i saj,në kohën kur çështja e Kosovës gjindet “në buzë”të hapjes dhe të zhvillimit të diskutimeve për të;e dyta,indiferenca e republikave të ish-Jugosllavisë për të marrë një qëndrim ndaj statusit të Kosovës që,në mos asgjë tjetër,flet për mungesën e ndjenjës së korrektësisë ndaj një njësie federale të ish-Jugosllavisë,ndonëse jo me statusin e republikës me të cilën,siç thuhet,kanë krijuar dhe kanë ndarë “fatet e përbashkëta”.
Askush nuk di më mirë për pozitën që kishte Kosova në ish-Jugosllavi se ç’dinë republikat e mëparshme të saj të cilat, mbi bazën e të drejtës për vetëvendosje, u sovranizuan dhe u krijuan si shtete të pavarura.
Shtrirja e kësaj teme sot dhe vendosja në një rrafsh e shpërbërjes së ish-Jugosllavisë me statusin e Kosovës bëhet për shkak të ndikimeve të ndërsjella që kishin ato ndërmjet tyre, me mundësinë e ndikimit në përcaktimet në lidhje me statusin e Kosovës, nga njëra anë, për shkak se procesi i shpërbërjes së ish-Jugosllavisë filloi në Kosovë dhe rreth Kosovës, ndërsa nga ana tjetër, për arsye se çështja e Kosovës mu për shkak të shpërbërjes së ish-Jugosllavisë, sot paraqitet me një dimension të ri politik, por edhe konstitucional juridik e ndërkombëtar, me shumë interes për të marrë një qëndrim të drejtë ndaj statusit të saj.

Me shpërbërjen e ish-Jugosllavisë, Kosova si dhe shqiptarët që jetonin në hapësirën e saj, në territore ku përbënin shumicën, kanë pritur që objektivisht dhe realisht të paraqitën si subjekt të vetvetës,pra subjekt i vendosjes për fatin e vet në rrethanat e reja historike, në bazë të parimit të vetëvendosjes. Mirëpo, zhvillimet që ndodhën pas shpërbërjes së ish-Jugosllavisë nuk morën në konsideratë këtë parim në asnjerin prej rasteve me shqiptarët, as në ish-Republikën Jugosllave të Maqedonisë, as në Kosovën Lindore, as në Mal të Zi dhe para së gjithash, në Kosovë që, pa asnjë mëdyshje, paraqet përbërësin themelor të çështjes ende të pazgjidhur shqiptare.

Për çfarë flasin realitetet

Kosova paraqet sot një rajon politiko-territorial të individualizuar në Ballkan. Është ky një fakt që nuk mund të injorohet, po sikurse që nuk mund të injorohet fakti tjetër për realitetin nacional-demografik të popullit të Kosovës që i kundërvihet çdo përpjekjeje për “ta paraqitur Kosovën”si një mjedis shumëetnik”. Mirë iu tha z. Rupel, gjatë qëndrimit të tij të fundit në Kosovë se “Kosova është po aq multietnike sa është edhe vetë Sllovenia”.

Shtetet e sovranizuara nga ish-Jugosllavia e dinë më mirë se asnjë vend tjetër se Kosova në ish-Federatën multinacionale të Jugosllavisë kishte status të njësisë konstitutive, ndonëse jo edhe të republikës; ato e dinë më mire se asnjë shtet tjetër se Kosova në ish-Jugosllavi kishte kufijtë e saj interfederalë që nuk mund të ndryshoheshin pa pëlqimin e saj,po sikurse që edhe kufijtë e jashtëm të ish-Jugosllavisë, nuk mund të ndryshoheshin pa pëlqimin e Kuvendit të Kosovës, fakte këto shumë të rendësishme për të marrë një qëndrim të drejtë ndaj të ardhmes së Kosovës, mbi bazën e garancisë së kufijve nga Kushtetuta e ish-Jugosllavisë e vitit 1974.

Përfundimi është i qartë se parimi i njohur në të drejtën ndërkombëtare uti possidetis, ashtu siç është zbatuar për republikat e ish-Jugosllavisë(1991-1992), ka qenë dashur të zbatohet edhe në rastin e Kosovës. Pra, ky parim u zbatua në mënyrë selektive:iu njoh karakteri ndërkombëtar vetëm kufijve të republikave dhe jo edhe të kufijve të krahinave autonome, me gjithë faktin konstitucional-juridik se edhe kufijtë e krahinave autonome, do të thotë edhe të Kosovës, përcaktoheshin dhe garantoheshin me të njëjtin akt kushtetues, madje edhe me të njëjtën normë kushtetuese. Nëse nuk është zbatuar dje, pse të mos zbatohet sot e nesër.

A do t’i kushtojnë dhe sa do t’i kushtojnë Kosovës “interpretimet politike”të Badinterit?

Kosova nuk mund të jetë “peng”e interpretimeve, më shumë politike”, se sa konstitucionale – juridike e Komisionit të Badinterit, në mënyrë që të vazhdojë të trajtohet në dritën e atyre interpretimeve. Qëndrimet e Komisionit të Badinterit do të duhej të zbatoheshin njësoj edhe për kufijtë e Kosovës, si njerës nga tetë konstituentët e ish-Jugosllavisë.Në fakt, Kosova, në përputhje me parimin uti possidetis, me plebishtin e popullit (1991) ndërkombëtarizoi kufijtë e saj, por ai ndërkombëtarizim i kufijve të Kosovës nuk u përligj.

Kosova, po sikurse edhe republikat e ish-Jugosllavisë, të cilat shpallen sovranitetin dhe pavarësinë, paraqet rast të vetëvendosjes së jashtme. Shtetet e sovranizuara nga ish-Jugosllavia e kanë shumë të qartë se rikonstrukturimi i plotë dhe i drejtë ndërkombëtar i ish-Jugosllavisë nuk mund të quhet “i kryer” pa zgjidhjen e drejtë të çështjes së Kosovës, pra “pa valorizimin e plotë dhe të drejtë ndërkombëtar të trungut etnik të Kosovës dhe të vullnetit politik të artikuluar dhe të institucionalizuar të shumicës dominante shqiptare të popullsisë së Kosovës”.

Prandaj, nuk mund të kuptohet qëndrimi ende indiferent i shteteve të sovranizuara nga ish-Jugosllavia në lidhje me statusin e Kosovës, kur, nga ana tjetër, disa nga shtetet e perëndimit dhe SHBA-të ose favorizojnë pavarësinë e Kosovës ose angazhohen drejtpërsëdrejti për të si zgjidhje të drejtë.
Jam shumë i vetëdijshëm se ekzistojnë një varg i tërë rrethanash të cilat mund të ndikojnë në “indiferencën” dhe “luhatjen”ose “lëkundjen” e shteteve të sovranizuara nga ish-Jugosllavia ndaj statusit të ardhshëm të Kosovës. Po qe se vështrohen nga një “plan më i gjerë”, ato sikur “arsyetohen”me “kryqëzimin e interesave” në Ballkan.

Serbia e konsideron Rusinë mbrojtësen kryesore historike të vetën. Rumania mban marrëdhënie të mira me Serbinë. Hungaria frikësohet nga konflikti ushtarak me Serbinë. Bullgarisë nuk i përgjigjet konflikti me Serbinë, për shkak të Maqedonisë. Turqia pretendon të bëhet fuqia e parë e Ballkanit dhe ta neutralizojë ndikimin grek. Greqia i mban rezervë kërkesat territoriale ndaj Maqedonisë dhe Shqipërisë, ndërsa Serbinë e ruan si aleat dhe e bashkërendon me të politikën ndaj Shqipërisë.

Rëndësia e trefishtë e pavarësisë së Kosovës për raportet e shqiptarëve dhe serbëve

Mirëpo, në gjithë këtë vorbullë, pavarësia e Kosovës paraqitet me rendësi të trefishtë, sepse “involvohet njëkohësisht në tri rrafshe hapësinore”: së pari, ”në raportin interetnik shqiptaro-serb në Kosovë”, së dyti, ”në raportin interetnik shqiptaro-serb në hapësirën e ish-Jugosllavisë” dhe, së treti, ”në raportin interetnik global të kombit shqiptar dhe kombit serb në Ballkan”.

Nisur nga rëndësia e madhe që ka zgjidhja e drejtë e çështjes së Kosovës për ekuilibrin politik në Ballkan, shtetet e sovranizuara nga ish-Jugosllavia, po sikurse edhe shtetit e rajonit në përgjithësi, do të duhej që,të ndihmonin në krijimin e ekuilibrit, me mbështetjen e pavarësisë së Kosovës. Pavarësia e Kosovës paraqitet me shumë favore për ruajtjen e stabilitetit në Ballkan. Çdo zgjidhje që do të injoronte vullnetin e popullit të Kosovës, qoftë ajo edhe kaluese, me kërcënimin që “të konservojë gjendjen”,do të linte të hapur mundësinë për konflikte.

Shtetet e sovranizuara nga ish-Jugosllavia janë të ndërgjegjshme se me shpërbërjen e ish-Jugosllavisë, pjesë e së cilës ishin, bashkë me Kosovën, do të duhej të konsideroheshin edhe si faktorë të shpërbërjes së saj, sërish bashkë me Kosovën, me të drejtën për vetëvendosje dhe suksesion. Më në fund, Kosova edhe sot paraqet një entitet nacional dhe social-politik, me identitet dhe individualitet të pamohueshëm që paraqesin argumente të fuqishme për të përmbyllur dosjen e saj me pavarësi.

Për Kosovën, shteti paraqet një përfundim logjik dhe konstitucional-juridik

Nga pikëpamja logjike, po sikurse edhe nga pikëpamja konstitucionale-juridike, është e padiskutueshme se shqiptarët paraqesin një etnikum të qartë me të cilin identifikohet popullata kompakte me territorin e vetë, prandaj, si logjikisht, ashtu dhe polito-gjenetikisht, secilit etnikum, pra edhe etnikumit shqiptar, si popull me shumicë të theksuar në Kosovë, i takon e drejta për të ndërtuar shtetin në të cilin, ç’është e vërteta, me shqiptarët do të bashkëjetojnë edhe pjesëtarët e pakicave dhe të grupeve etnike. Ata që e shohin Kosovën si “shtetin e dytë shqiptar”sikur injorojnë të vërtetën se “ekzistimi i dy shteteve shqiptare në Ballkan”, përpara se të konsiderohej përparësi, do të duhej të kualifikohej hendikep, për shkak të synimeve shekullore të shqiptarëve për të “ndërtuar dhe jetuar në një shtet të vetëm”.

Qe pra, pse shtetet e sovranizuara nga ish-Jugosllavia do të duhej që “indiferencën ndaj statusit të Kosovës” ta zëvendësonin me përcaktimin e qartë dhe mbështetjen e pavarësisë së Kosovës.

Prishtinë,
17 tetor 2005

[Arb]

Te dy artikujt me larte, jane te bartur nga QIK-u.

[Dilaver]

Nëntë kushtet e Uashingtonit për Beogradin para fillimit të negociatave për statusin e Kosovës

Beograd, 21 tetor - Nënsekretari amerikan i Shtetit Nikolas Bërns gjatë vizitës së fundit në Beograd i ka dorëzuar kryeministrit serb Vojisllav Koshtunica nëntë kushte të cilat administrata amerikane i konsideron se duhet përmbushur para se të fillojnë negociatat për statusin e Kosovës dhe të Mali të Zi.

Thuhet se Bërns Koshtunicës i ka rekomanduar që Beogradi të mos bëjë obstruksion për statusin e ardhshëm të Kosovës, duke heqë dorë
nga një zgjidhje kompromisi, sepse në atë rast Beogradi mund të bëhet përgjegës për ndaljen e bisedimeve, ndërkaq në tavolinë atëherë automatikisht do të gjendej zgjidhja e përkohshme
apo pavarësia e kushtëzuar, shkruan gazeta "Blic" e Beogradit duke cituar një burim të afërt me Qeverinë serbe.
Siç mësohet, Bërns i ka transmetuar Koshtunicës se negociatat për statusin e Kosovës do të zgjasin 9 muaj, ndërkohë që pas gjashtë muajsh negociatash, bashkësia ndërkombëtare do të analizonte rrjedhën e bisedimeve të Prishtinës dhe Beogradit.
"Kjo në një farë dore përputhet me datën e shpalljes së referendumit në Mal të Zi, gjë që vetvetiu flet se amerikanët, ndryshe nga BE, nuk shohin ndonjë problem në bisedimet paralele për statusin e ardhshëm të Kosovës dhe të Unionit Serbi- Mali i Zi (SMZ). Qëndrimi i tyre është se për fatin e SMZ-së vendimin duhet ta marrë BE dhe Serbia e Mali i Zi", thotë ky burim për gazetën në fjalë.
Si kusht më të rëndësishëm që Serbia duhet përmbushë deri në përfundim të negociatave është dorëzimi i të arratisurve të Hagës, miratimi i kushtetutës e cila duhet të përcaktohet ndaj pretendimeve për Kosovën si dhe zgjidhja e problemeve të minoriteteve në përputhje me standardet ndërkombëtare.

[Dilaver]

Monday, March 06, 2006

Shumica e anëtarëve të GK kanë marrë qëndrimin se pavarësia e Kosovës është zgjidhje e pranueshme


Shumica e anëtarëve të Grupit të Kontaktit tashmë kanë marrë qëndrimin se pavarësia e Kosovës është zgjidhje e pranueshme, ndërkohë që në periudhën e ardhshme disa lëvizje duhet të bëjnë Gjermania dhe Franca të cilat deri më tash nuk janë deklaruar, shkruan gazeta "Blic" e Beogradit duke iu referuar një burimi në Bashkimin Evropian. Ndërkohë në Beograd vendet anëtare të Grupit të Kontaktit së shpejti do të dërgojnë mesazhe private për zgjidhjen e statusit të Kosovës.Sipas kësaj gazete, mesazhin e parë privat se Kosova do të jetë e pavarur para do kohe serbëve ua ka dërguar diplomati britanik Xhon Sauers.Sipas qarqeve diplomatike, bisedat në katër sy dhe mesazhet private janë mjet kyç në zgjidhjen e problemeve politike dhe se përjashtim nuk do të jetë as statusi i Kosovës. Edhe drejtori i Grupit Ndërkombëtar të Krizave për Evropën Nikolas Uajt thotë se në bisedimet për Kosovën do të ketë mesazhe sekrete dhe publike dhe se ato janë të rëndësishme njësoj për pjesëmarrësit.


posted by KeP-Kosova e Pavarur at 11:22 AM (http://lajmeshqip.blogspot.com/2006/03/shumica-e-antarve-t-gk-kan-marr.html)