Ledina Çelo mes Aguilerës dhe Mariah Careyt

[Dilaver]

Nuk bëhet fjalë vetëm për ngjashmërinë e këngës së fundit të Ledina Çelos, “Të ndjej të huaj”, ( këngë që zuri vendin e dytë në festivalin “Kënga Magjike”), me një këngë të realizuar kaherë nga Mariah Carey. Ngjashmëria e këtyre dy këngëve vërehet që në dëgjimin e parë, vija melodike është e njëjtë dhe paksa edhe ngjyra e zërit duket të jetë e kopjuar. Mirëpo, kjo nuk është e tëra. Falë lexuesve tanë dhe të interesuarve për muzikë në një faqe interneti, kuptojmë edhe një lajm për ngjashmërinë e videoklipit të fundit të Ledinës, ( gjë që nuk e kemi vënë re) dhe atë me Christina Aguilera, te kënga "The Voice Within". Videot kanë ngjashmëri në ide dhe disi në realizim. Për tërë këto mund të mos ketë qenë faji i Ledinës më tepër sesa i regjisorit Popovski, por, gjithsesi, kjo qëndron. Sikur kopjimet e këngëve të mos mjaftonin, do të fillojnë t’I kopjojnë edhe videot tani?

Iliriapost