Poezi te perzgjedhura nga Linka_Pz

[Linka_pz]

Poezi të shkëputura nga përmbledhja "Kohë Qirinjsh"-Agim METBALA


KOHË QIRINJSH

Në Kosovë
Motet ndërrohen
Nën ritmikë gjeneratorësh
Ftohtë,akull,akullnajë
Në shpirt të secilit
Mbin nga një ajsberg ...

Në Kosovë
Nata edhe dita
Ndërrohen në vërtitje krismash
Duke bartur stafetën stereotipe
Me porosi të stërpërsëritura ...

Në Kosovë
Çdo gjë e brishtë
E ftohtë,akull,akullnajë
Derisa të lindë shpirti
Ai do t'i shkrijë të gjithë ajsbergët
Në bebëzat e syve do ta mbjellë dashurinë
Aq të kërkuar në këto mote .

[Linka_pz]

Akrobati

E urrej akrobatin
Qe mban ekujlibrin
Mbi lartesite qe mendjen ta merr.

Ndonjehere, per sfide
Me nje kembe
Ecen mbi tel.

Te tjeret duartrokasin.

Kurse une
Nuk e di se si
E urrej
Ekujlibrin
E qendrimit mbi lartesi.

Rodolf Marku

[besimi1]

Ajo...ishte njё kitarё,
Herё e heshtur lёnё te njё qoshk,
Herё çbrengosje e shpirtrave tё vrarё.

Ishte pra njё kitarё,
Herё tel-kёputur,
Herё me tinguj fluturakё.

Ajo ishte veçse njё kitarё,
Qeshte e qante
Me çdo kёngёtar.

Sa lot,
Sa lot u derdhёn,
Mbi trupin e saj!

[besimi1]

Do tё iki,
Dhe shi i imёt do tё bjerё.
Nёpёr flokёt e lagura,
Lisharёsa pikёllimi,
Kujtim i pёrhimtё do tё flerё.

Do tё iki...
Pa e parё diellin
tё pёrhumbet lodhshёm,
krahёve mallёngjyes tё muzgut,
as hёnёn e brishtё vetullhark.

Por ti mos qaj!
Engjёjt krahёkёputur
nuk shkojnё shumё larg.

[besimi1]

Mё prit kur zog’i natёs nis kёngёn e vajit,
Atje tek stoli ynё poshtё pemёs sё blirit,
Kur dielli zemёruar tё fshihet pas malit,
E qielli tё rёndohet me ngjyrёn e hirit.

Mё prit kur shiu mbi supe tё na bjerё,
As mos u anko pёr bluzёn e qullёt.
Tek rrugёza ku putheshim njёherё,
Do tё pёshpёris ёmbёl me zё tё ulёt.

Do ta rrёmbej buzёn me afsh pёrvёlues
Aq sa hёna xheloze tё shuhet mbi to.
Do tё ta kafshoj cepin e saj pёrgjёrues,
Nga puthjet,zjarre ndeztё njё natё si kjo.

Mё prit se ditё nuk do shkojnё shumё,
Deri atёherё njё mal me gjumё na ndan.
Tek stoli ku shiheshim dikur nёn rrugё
Do tё tё pres e pёrmallur njё ndajnatё

[besimi1]

Puthmё i dashur, gjersa tё arrish
Nё shpirtin qё thellё mё rreh.
Ajo ёshtё vera qё pi, ta dish,
Dhe ti je malli qё mё deh !

Puthmё, tё fle nё ёndёrrime,
Ankthet e jetёs hiç mos dёgjo
Nёse lё ca gjurmё kafshimesh,
Diell do t’bёhem, tё shuhem nёn to...

[besimi1]

Dy qirinj tё ndezur, pranё,
Pranё, thuajse ngjitur.
Ah, dy flakёt drithёruese,
Puthen, puthen, pёr tё ndritur.

Mё pёlqen kjo puthje flakёsh,
Si dy shpirtra tё uritur,
ç’kёnaqёsi, me shpirt tё japёsh,
dashuri, si i parritur...

[Linka_pz]

Pershendetje i nderuar ,te falenderoj per pruprjen qe ke bere me Poezi ,mirepo duhet te cekesh se nga kush
autore jane ,apo jane poezi tuaja personale.

Me respekt Linka_Pz

[Linka_pz]

. . .

Gjysma - mashkull.
Gjysma - femër.
Lind,
rron,
vdes ndër sy.

Hapësire dhe kohë e matur me zemër,
Dashuri…


. . .

Pëshpëritmë ëmbël në gojë.
Se rrugës zëri, ftohet.
Dashuria është drithërimë,
Nga fjalët tona ngrohet.

Dhe,“mua” tretet në “ty”.

I ndez buzët në zemër,
Digjet heshturazi në sy…

Suzana Zisi

[Linka_pz]

Qenie…


Thyesë e përkryer e natyrës.
Numërues – “e jotja fytyrë” .
Emërues – “ajo që mendon se je”.
Pa lidhje...
Pa zgjidhje …
Pse?
A mundet një shifror,
…………..të mbartë mbi shpinë kërmillin
……………………………........…..që “sillet” si deve?

Suzana Zisi

[Linka_pz]

Mëngjes i çmendur me(pa) ty…



Si një tymnajë hipnotike,
Ti tret shikimin mëngjesor mbi botë,
Në shtratin e reve të dashurisë sime/tënde
Derdhen rënkimesh dhe ca pika lotë…
Të sotmet,
Do ia nis me krahë ëndrrash Hënës,
Netëve të gjata të pritjes përvëluese…
Shuaje etjen në burimet e mia të buzëve,
Që dhembin nga uria jote e mëndafshtë gjarpëruese.
Ma jep gjuhën e nxehtë ta gëlltis brenda vetes
E shpirtin të ta thith gjer në pafundësi.
Flokët që mu lagën buzëve nga puthjet
Do ia thur pelena “bebes dashuri”,
“Foshnjës” që po çmend e dhemb tek unë
E dhemb e klith pashmangshmërisht tek ti…
Dorën e bardhë , të brishtë mos e zgjat,
se shemben konturet e rinj të padurimit,
Lermë të largohem udhës së pasosur,
T’i rrembej vdekjes, agun e zgjimit.
Sytë mos i çel pasi shpinën mua,
ma kthen me një: “Dua” të pa thenë,
Rrugës ku gjëmojnë, e mbyten dashuritë,
trete atë lot ende të parënë…
Se, lagu pa dashur puthjen e brishtë
Që të lashë mbi faqe kur thamë: “Paçim shpirt…”

Suzana Zisi

[Linka_pz]

Nenat

Kur dhimbja ne shpirt të gjuan me shuplaka merzije
dhe dielli shpirtëror te shikon me inat
kur dita e lodhur ta fiku semaforin e fatit
vjen nena si ne nje ëndërr të arte.

E dhimbja ne çast iken rreshqathi te mbytet ne det
dhe dielli shpirteror te fal ledhatime
fati te merr ne krahe pa pertim e tuj qesh
merzija e mbyll rubinetin e nuk ka me shi dhimbjeje!

Nena kjo ndienje e qeshur si vete pranvera
por kur ajo është mungese
ke gjithmone tallaze shpirterore
dhe asnjehere ndienjat nuk kane me qeshe !..


Lekë Gjoka

[Linka_pz]

Diellin kapa për veshesh !...

Diellin kapa për veshesh naten një dite
dhe ai me pa me inat
në trup e kapluan ca të dridhura si mornice
e një të zbehtë fytyres i trokiti në prag !..

Ah !- shfryu dielli - kur ia lëshova veshet
e tonëlata vransire i shpërthyen sytë
male zemerimesh kercitnin mengjesesh
e në pellgjet e trishtimit notonin merzite !..

Me shikonte dielli si i turrullosur
- çfarë ke me mua ? - më tha
ta dish unë Shqipërinë nuk ta kam ftohur
e lumin u mundova te pi por ajo mbrenda ra !..

- Më fal !- i thashe me një shikim
dhe desha prap për veshesh ta kap
por shoh tek rrokulliset disi me e qeshur Shqipërinë
e dielli shtriu duart dhe e ledhatontë tere merak !...

Lekë Gjoka

[Linka_pz]

“Askush, askund, asnjehere…Vetem ti…”

(fragment)



Shkula një copëz nga shpirti.
Me pelenën që u formësua prej saj ,
Të mbulova…
Deshifrova pafajësinë e syve të tu trembur…
Klitha pa zë…

Qielli,
Mes errësirës së virgjër,
Po pikturon një të errët vrimë,
E cila,
Herë me duket si Ferri
që më pjek me të nxehtin zeher,
E herë ylber që ngjason me një “N”.

Një shkronjë asgjëprurëse,
Na largon skajesh, ty dhe mua.
Hepohet, përplaset
Humbet dhe…s’na nxë…


Kafshova gjuhën.
Me buzë të perpiva.
(Mbase të helmova)
I trembur,
U lëshove rrugëve që si dije.


Sot,
Kërkoj një fjalë prej teje…
Një fjalë të pa shkruar në asnjë plazh të lagur,
Zodiak,
Alfabet të mykur,
Apo gjuhë të shuar…

E ke harruar…?

Nesër,
Në mëngjes,
Do pres këmbë e duar…
Sokakëve të askundit pa dyer, pa emra…

……………………………………………..

Pyllit tim të errët me gjemba,
Iu largove Ti
dhe Zemra…

Suzana Zisi

[Linka_pz]

. . .


Me flasin shumë,
Kaq shumë, sytë e tu.
Më dridhet zemra,
Digjem në mendje…
Thellë i dashur, thellë më shih.
Genjeshtra ështe si me qenë vdekje.
Nëse më do, ma belbëzo puthjesh,
Nëse s’më do,
Flakmë në heshtje…
Njollat e trupit lahen me ujë
Njollat e e shpirtit janë të përjetshme…

Suzana Zisi

[Linka_pz]

Fjala e urtë…


Fjala i takon kohës.
Heshtja - përjetësisë…
Në pafundësi,
……………shekuj,
…………………ditë e netë…
Mësoje veten të heshtë,
Të kafshojë gjuhën e mërisë
Për të folur do ketë kohë një jetë.

Gjuha e lëvizjeve të trupit tënd,
Është po aq e bukur sa fjala e pathënë,
E vetme çan shtigjesh…
Është një lloj përgjigjeje
…………………kur ti nuk përgjigjesh.

Mbetem tërë jetën me kryet nga pas,
Duke mbledhur gjuhë,
Duke krehur fjalë.
Kush nuk di të heshtë,
Nuk di as të flasë…

E lehtë të flasësh
………………kur ke çfarë të thuash.
Me metrin e mendjes ta masësh,
humnerën që të jep asgjëprurja,
Ç’të thuash, kur duhet të flasësh…?


Fjala e pa nxjerrë nga buzët, ende,
Është robinja jote,
………………..ruaje si sytë.
Ajo që nga goja, ka shkarë si padashur,
Të tërheq prej hunde,
Është “Zoti” yt.



Fjala e gjatë, ka kuptim të shkurtër.
Thuaje pra shkurt,
………………..tek unë të arrijë.
Fjala e keqe, është si qymyri,
Edhe kur nuk djeg, arrin të të nxijë…

[Linka_pz]

Puna
***************

Le të flasin të tjerët bukur në kafene.
Ti asgjë mos duartrokit
se fjalët e bukura ndodh që shpesh
të ngjajnë me femrat që shikojnë dinakërisht.
Ne dhomën tënde është tavolina
atje në gjysmerrësirë.
Le të flasin të tjerët bukur në kafene
se dielli është kaq shumë i mirë.
Kerrusu,
në dhomën tende të punës
le të nxihen gishtërinjte deri në dhembje:
pastaj do kujtohesh se fjalët e bukura
kanë mbetur diku pas teje.
Dhe ti s'do ndihësh asnjë trishtim
për fjalët e bukura në kafene,
se njerëzit që folën dikur aq bukur
do heshtin para tavolinës tënde.


Rudolf Marku

[natyra]

Pershendetje per ju Linka_pz,faleminderit qe na emoncionon me poezi te zgjedhura,po nga poet te shquar...respekt

Ja dhe nga une nje poezi shtes,

po nga poet i shquar....

Lasgush Poradeci

Malli

Syri-i bukur qe t'u mvrenjt -
Syri yt qe me lendon
Do me lere-a von a shpejt,
Do me lere-a shpejt a von.

Sapo shpirti m'u delir -
Shpirti im i nxire krejt -
Do me lere me pahir
Syri-i bukur qe t'u mvrenjt.

E do mbetem pernjemend
Varfanjak si mbret pa fron:
Mbreteresha qe me cmend
Do me lere-a shpejt a von.

Do me lere-a von a shpejt,
Do me lere-a shpejt a von,
Syri i bukur qe t'u mvrenjt -
Syri yt qe me lendon.

Do me lere...A! po si -
Qofte-ahere-ose tani -
Do te qaj aq dashuri
Qe te humb me mall te ti?

* *
me-nderime
Natyra

[natyra]

Lasgush Poradeci

Dimer

Shpirtit tim qe sot y mbyll
Dhe gezimin m'a perzuri.
Neper mal e neper pyll
Zu debora prej qekuri.


Bjene floket nje-nga-nje
Mbi katundin e shkretuar.
Duke mardhur nene te
Dheri fjet e ri mbuluar.


Flet nga-dal e shpirti im,
Dhe ne zi pikon si fleta,
Pa me qit as pipellim,
Tere filli tere jeta.


Ne kaq heshtje-e qetesi
Ndjej vajtimthin e nje shpesi,
Psheretin me ze te ti
Jet e trembur se mos vdesi...

* *

me-nderime
Natyra

[Linka_pz]

Poezi shume te mira , te falenderoj qe zgjodhe kete teme dhe shkrove ato qe te pelqejne ,,,je e mire se ardhur çdo here
ketu .

[natyra]

Poezi shume te mira , te falenderoj qe zgjodhe kete teme dhe shkrove ato qe te pelqejne ,,,je e mire se ardhur çdo here
ketu .

Jufalemnderit dhe mire se ju gjeje Linka, jeni e mrekullueshme....:smile:

me respekt
Natyra

[Linka_pz]

“Kushtuar X…”



Të jetë kaq e pështirë
ajo që drita nesër do të zbulojë në fytyrën tënde?
Të kesh vallë në lëkurë sadopak ndjesi?
Thua të rrjedhë në venat e tua gjak?
Të jesh përsëri si sot,
nën diellin e ngrohtë,
Që (duke të rritur temperaturën),
Të gjallëroi të qelbëzuarat prenka
që me ndyrësi më spërkatën për pak?
Pas shpirtit ëngjëllor,
Nën Make – Up – in, erërëndë,
vlon vullkani i qukatriçeve gri…
Blerë tregjeve të pista të shpirtvogëlsisë,
Që gjenden diku...
Tek ti,
E pakënaqura
E llojit NJERI…
Edhe nëse llagëmeve shekullore zvarritem,
E di,
Kurrë nuk do të ndotem
me llojin tënd...
Sepse je kudo.
Edhe tek e bardha që bëhet më e bardhë
krahasuar me ty.
Edhe tek e blerta
………………që të flak mbi kurm
…………………………kalbësirat e dimrit.

Do të gjendesh gjithmonë diku.

Edhe aty
Ku,
të çelurat ditët e mia,
Përndriten, nga thinjat e së ardhmes,
Dhe lastarët e së shkuarës rrebele,
……………………………….fëmijërisë sime…
U mësova me ty.

Tashmë, duke vëzhguar veten,
I njoh më mirë errësirat e mia.
Fal dhe jap,
Dhuroj dhe rikthej përsëri.
Rrëmbej prapë..

E këndshme, jeta me ty…
Ç’vlerë do kish luledelja ime,
nqs nuk do shihej në pasqyrën e tëndes shëmti?
Me prenka në zemër,
Me quka në sy,
Ti çan errësirat e vjen tek unë,
Hije.
E pangopur me asgjënë,
E dashuruar me askushin.
Llupëse e dëshirave,
që kurrë s’ta ndritën atë “te paqtën” fytyrë…
Te cilën,
Sot,
Ta stukoi bujarisht me errësirë
Nata - Maska më e mirë…

Suzana Zisi

[Linka_pz]

Alain Bosquet

Bari

Në Pyllin e Gjashtë Bollave,
krahët të shtrënguar pas një lisi, kam ulëritur :
"Do të vdes."
Kaltërsia më është përgjigjur : "Mua, aq më bën."
Përroi nuk është ndalur
dhe guri më ka thënë :
"Nuk është punë e imja kjo
sepse jam për vete i vdekur dhe nuk mërzitem shumë."
Milingona më ka shtrembëruar buzët :
"Nuk dua të di asgjë."
Por një fije bari, më është dukur më e dashur :
"Do të të mbuloj unë, nëse ti ngul këmbë."

[Albonita]

Fjala e urtë…


Fjala i takon kohës.
Heshtja - përjetësisë…
Në pafundësi,
……………shekuj,
…………………ditë e netë…
Mësoje veten të heshtë,
Të kafshojë gjuhën e mërisë
Për të folur do ketë kohë një jetë.

Gjuha e lëvizjeve të trupit tënd,
Është po aq e bukur sa fjala e pathënë,
E vetme çan shtigjesh…
Është një lloj përgjigjeje
…………………kur ti nuk përgjigjesh.

Mbetem tërë jetën me kryet nga pas,
Duke mbledhur gjuhë,
Duke krehur fjalë.
Kush nuk di të heshtë,
Nuk di as të flasë…

E lehtë të flasësh
………………kur ke çfarë të thuash.
Me metrin e mendjes ta masësh,
humnerën që të jep asgjëprurja,
Ç’të thuash, kur duhet të flasësh…?


Fjala e pa nxjerrë nga buzët, ende,
Është robinja jote,
………………..ruaje si sytë.
Ajo që nga goja, ka shkarë si padashur,
Të tërheq prej hunde,
Është “Zoti” yt.



Fjala e gjatë, ka kuptim të shkurtër.
Thuaje pra shkurt,
………………..tek unë të arrijë.
Fjala e keqe, është si qymyri,
Edhe kur nuk djeg, arrin të të nxijë…


Linka ishte knaqsi se i lexova kto poezi tuat met vertet ishin te mira..


Te pershndes shum Motrushe me Rrespekt> Albonita

[Linka_pz]

Linka ishte knaqsi se i lexova kto poezi tuat met vertet ishin te mira..


Te pershndes shum Motrushe me Rrespekt> Albonita

Gezohem qe te kan pelqy Albonita .....



Claude Roy (1915-1997)

Kam kohë

Kam pak frymë dhe pak forcë dhe më pak vrull
Por nuk ngutem më Kam kohë
të pres
Qëkur është vonë kam kohë përpara meje
Jam si ai që e ka mbaruar ditën e vet
dhe reflekton i ulur duart rrafsh mbi gjunjë
për gjëra që ai do të bëjë dhe do t'i bëjë në kohën e tyre

nëse burimi i kohës i ka lënë ende ca ditë

[Linka_pz]

Kthehu…


Zvarrite hapin e plogësht,
Mbi gjurmën që le kur erdhe,
(E parmja dhe e mbrapshta
S’përputhen aspak)

Këpucët e ikjeve pa kthim,
Lermi në prag.

Ktheje me fund kupën e verës – gjak.
Edhe trishtimin…

Për dashurinë që nuk t’i ngrohu
……………………….ankthet e ftohta,
Për zjarrin që mbi hirin e saj u mpak.

Mëshoji me forcë gjurmës së ikjes,
Për të gdhendur kthimin…

Suzana Zisi

[Linka_pz]

Paris at night

Tri shkrepse te ndezura ,
nje nga nje ne erresire
E para per te pare
fytyren tende,
e dyta per te pare
syte e tu,
e fundit per te pare
gojen tende
dhe tere nata per te mi kujtuar perseri
duke te te shtrenguar ne krahet e mi

Zh.Prevert

[Linka_pz]

Mardena Kelmendi

Efekt skenik...


Muzike e stonuar filmi

nje cift i trembur qe rend ne ekranin vjole

Messenger!

Gjurme dashurish skenike

i kane kaluar ne profilin e tyre

Aktore protagoniste

drejt horizontit vjole

Ne sfond degjohen hingellima kuajsh

Shihet trubullt kerpudha e grixhte

e vdekjes se jetes !

Lindin dashurite shpirterore

Gjuhe radioaktive e dashnoreve pa ze!

dhe degjohen te qeshura indiferente

te disa prifterinjeve te nje feje te re

vetem per kritike!

Syte e tyre nuk shprehin kurgje ne efektin skenik!

[Linka_pz]

Oh...!

Tak.. tak... tak..
...dhe melodi e eres qe kreh floket drejt perendimit
Mbasdite verore ti qiellin vesh
me mendafshin e kuq
ngjyrë e moshes time ...

Largesi....

Ti nuk njeh ende perendimin e nostalgjisë

si ta lodh zemrën…

Ti nuk njeh shpaten e saj,

që pret çdo dëshire

Ti nuk e njeh stinën e mërgimit

se si lulëzon thatë rrenjët e jaseminit…

Sikur njëhere ti të kaloje tek unë,

kufinjtë e mendimit ndare pa koh

rruga jote do ndalte
në një qytet
pa rrugica....

Atëhere do kuptoje këtë gjuhë dallgesh

oqeanike...

me klithma shtegëtimesh pa fund…!

Larg kaq larg nga miq e toke e dashur
nga kull e lotëve dhe kuror e dashurisë
me 44 fije te fildishte vendosur mbi te
Larg nga dhembshuria e dhimbjes
ku ulen netet...
...në dritaren time të nostalgjise
e shikoj pafundesitë e udhëtuara në koh!

Mardena Kelmendi

[lirik]

E nderuara linka faleminderit per angazhimin tuaj në sjelljen e shum autorve para lexuesit te ktij forumi jeni shum e zellshme dhe puntore ne kontribut
përgzime shum bukur

[Linka_pz]

E nderuara linka faleminderit per angazhimin tuaj në sjelljen e shum autorve para lexuesit te ktij forumi jeni shum e zellshme dhe puntore ne kontribut
përgzime shum bukur


Te falenderoj shume dhe jam shume e nderuar qe vleresohem per perzgjedhje nga nje Poet si Ty .


Dashuria-Cajupi


E mban mënd, moj Marë,
dashurin' e parë?
Njeri nuk e gjegji,
se jeshmë te vegji.

Unë pa ty s'rrojë,
vij' e të kërkojë;
tl pa mua s'rroje,
vij' e me kërkoje.

Në lule me erë
putheshim ngahere,
dhe si burr' e grua
losnim nënë ftua.

Një ditë, të dyza
losnim mbylla-syza:
U fshyem pa dukur
Cinë të besoj taninë,
perëndin' a dashurinë?
Perëndi në këte jetë
është dashuria vetë.

[Linka_pz]

Qesh Shpirt!
Dhimbjen, Lotët, Trishtimin,
lërmi mua!
(tashmë Ato më njohin..,
e nuk më kafshojnë më...)

Qesh Shpirt,
nëse nuk do që unë të vdes
sepse e qeshura jote është jetë për mua.

Qesh Shpirt,
sepse ndoshta do të qesh dhe unë...

Poezi nga Poeti Pesimist

[Linka_pz]

FJALA MË MBETI NË FYT

Desha të flas
Fjala më mbeti në fyt
Janë ngopur me fjalët tona ...

Desha të shkruaj
Për çfarë të shkruaj
Para meje kishin shkruar për çdo gjë
Era i morri shkrimet e tyre ...

Desha të protestoj
Për shumëçka
Para meje kishin protestuar për çdo gjë
Ato i varrosën në sarkofag ...

Desha të çmendem
Nuk më lanë
Më thanë:Ka mjaftë të çmendur ...

Dhe shtuan :
-Së pari kuptohet vetja
Atëherë i mirret erë
Flladit të pranverës ...

Agim METBALA

[Albonita]

[quote=Linka_pz]FJALA MË MBETI NË FYT

Desha të flas
Fjala më mbeti në fyt
Janë ngopur me fjalët tona ...

Desha të shkruaj
Për çfarë të shkruaj
Para meje kishin shkruar për çdo gjë
Era i morri shkrimet e tyre ...

Desha të protestoj
Për shumëçka
Para meje kishin protestuar për çdo gjë
Ato i varrosën në sarkofag ...

Desha të çmendem
Nuk më lanë
Më thanë:Ka mjaftë të çmendur ...

Dhe shtuan :
-Së pari kuptohet vetja
Atëherë i mirret erë
Flladit të pranverës ...

Agim METBALA[/quote


Kalova kendej lexova keto poezi ...sa her hy ketu ka poezi se me pelqejn shum .

TE PERSHNDET >>>Albonita.!

[Linka_pz]

E COPËTUAR...





Më copëtuat miqtë e mi.
Lumenjtë e rrjedhshëm, Kuçedra i përpiu.
Kodrat e buta, hapësirash kam harruar.
Hyjnitë,
petalet m’i kafshuan gjakshëm,
të nxehtin zjarr, ma lagu shiu.

Më copëtuat, më helmuat,
legjendash emri im u tret.
Ndërsa një Zanë më thërrmon,
Një Penelopë diku më end.

Suzana Zisi

[Linka_pz]

E MBAJ ZJARRIN NDEZUR…!!!



E mbaj zjarrin ndezur…
............................ .Ndezur….

Rrëmbej dege të prera,
.................................peme te thara.


Mbeturina të mbledhura andejpari...


Nëse nuk gjej,
............... ..djeg brinjët e mia,

Të mos shuhet zjarri…

Eh, zanat e pyllit
................... ...digjen dhe rilindin…

Po hedh njërën dorë…
Të shkruara fatet…!!!


Ja, kjo erë e marrë,
.................. .ulërin prej “miqsh”…

Ndaj, zjarri tulatet…

Kridhem e tëra…
Më treten eshtrat...


Shembem,
........... .ulëras,
............... ....përpëlitem…andejpari…

Që të ngrohen “miqtë”,
Që të zbuten djajtë…


Është ndezur zjarri…!!!

Suzana Zisi

[Linka_pz]

Mulliri i kafesë


Ti bluan,
bluan skelete.
Përtyp kafka,
mbeturina brinjësh,
Cdo ditë.
Ti,
bluan.
Bluan hije,
Linjash,
........konturesh,
.......................gjinjsh.
Ti,
bluan,
zhurmat,
............klithjet,
....................përkëdheljet.
Dashuritë…!
Bashkë me të ligun,
Bluan dhe të mirin.
Ti.
Mulliri i kafesë,
që, s’ta mbush syrin...!!!

Suzana Zisi

[Linka_pz]

Petro Marko...

APOLOGJIA IME
(JETES)

...Marrezi, turp turp dhe
mekate
per jeten e terbuar
se kur me ndal, o gjenerate,
qe vuan rruges ndonje nate,
me merr per te denuar
dhe, me nje ze qe vret,
ngahera me pyet:
-Ku linde, o i ri?
-O jete, linda ne shkreti!
-Ku rron dhe ku vete,
ne c'dhera e ne c'dete?!
-Cudi! C'kerkon prej meje ti
dhe si, o jete, pyet,
kurse ne varferi
me hodhe kur me gjete
te lindur nga skelete
pa drite, pa liri?
-Njeri!
Nga vete, as me thua?
-S'e di! Jo, Nuk e di!
Po lerme, o jete, c'ke me
mua?
-Dua ta di, po dua!
-Atehere, jete e krisur,
per mua mos pyet
se qysh ne n'agim kam nisur
te shkel si skllav i shkrete
mbi gjurma shprese drite...

[Linka_pz]

KUR NJE MENGJES!

Do te jete mengjes e une do te vi patjeter.
Mbi xhaketen time do te kene rene petale
Nga lulet e kumbulles se vjeter,
Nga lulet e thanes se tharet.

Ahere ti s'do te jesh zgjuar akoma.
Une do te them emrin tend ne xhame
Dhe do te vershellej te dashuren kengen tone:
"Ti cele heret, moj bajame!"

Do vershellej ngadale-ngadale
E s'do prish gjumin tend te bukur.
Do bien mbi mua petale
E do ulet ne sup nje flutur...

E, kur syte te hapesh, do te shohesh
Romantikun e perjetshem ne xhame
Dhe kengen e dashur do njohesh:
"Ti cele heret, moj bajame!"

Dritero Agoll

[Linka_pz]

Pa kohë...

Në Atlantik,
u zhyta në magjinë e ekzistencës joreale.
Në Bermude,
u njësova me të fshehtat magnetike.
Ligjet e fizikës,
i shumëzovame ligjet morale.
E dolën jashtë kohe:
Njerëzit,
Jeta,
Paranojat biblike...!
S’ka mëngjese,
.....................vjeshtë,
..............................shekull.
S’ka nocione fundi e fillimi.
Mbete vetëm ti...
Mbi botë.
Pa kohë.
Pafundësisht imi…!

Suzana Zisi .

[Linka_pz]

Gjuhës shqype

Gjuh' e ambël, gjuh' amtare,
Je ambla gjuh' shqyptare!
Gjuh' e nalt' për Perëndi,
T'cilt ndër koh't që kahmot shkuene
Mbi Tomorr të përdoruene;
Gjuh' e ambël, plot dashtni!

Gjuh' e shejt' e kaq e moçme.
Gjuh' sakole der n'dit t'soçme,
Shoqen tande kund s'e gjenë!
Zoti ty këtu t'ka çuemun:
T'rrebt' e t'bukur e t'kulluemun;
Kshtu gjithmon' ti ke me qenë.

Gjuh' që t'foli Skendërbegu,
Dhe ndër t'par' qe Naim Begu,
Që me shkrim t'pat lartësue.
Ty t'kan' fol' shum' kapidana,
Burra t'rrebt si t'ishin zana;
Gjuh' e rrebt, ti qofsh nderue!

Gjuh' e bukur si pranvera,
Ti s'do t'quhesh ma: e mjera;
Se na dona ty me t'rritë.
Bashk' me t'tjerat shoqe tueja,
Se ma s'dona zhele t'hueja
Veç duem ty me t'pa në dritë.

Wien (Vjenë) 14.I.1907

HIL MOSI

[Linka_pz]

Djali Shqiptar

Unë jam nji bir shqiptari
e Shqipninë e due.
Kujdes na la i pari
m’e dashtë e m’e nderue.

Se ne atë e kemi nanë,
prandaj s’do lodhem kurr’ tue thanë:
Un’ jam nji bir shqiptari
e Shqipninë e due.

Un’ jam nji bir iliri
e i lirë un’due me mbetë;
për çfardo xhevahiri
Shqipnin’ s’e jap përjetë.
.................................................

Un’ kombin kurr s’kam m’e mohue,
gjithmonë, gjithkund ka m’u diftue:
Un’ jam nji bir arbnori,
shqiptar besnik i mirë.

Hil Mosi

[Linka_pz]

NQS


Nqs një ditë,
..........përpara meje
.......................ti do shfaqesh...
Natë do bëhet dita
Ditë - e ardhmja...!

Nqs, nje cast
.............dorën do e zgjatësh,
Dhe, krejt padashur,
....................do prekësh trupin tim...
Zjarr do bëhet shtrati.
..................Hi do mbetet dielli.
Ajri - dritherimë...

Nqs, nje ditë
............puthje do më falësh,

Buzët e mia,
............ do vdesin tek ti.

Nqs, nje ditë
........... do jesh brenda meje,

Shpirtin e bëj shtrat.

Vdekjen - dashuri...

Suzana Zisi

[Linka_pz]

Fluturat s’kanë moshë

Si flutur në shi, e tejdukshme, e lagur
Do të jesh ti bukuroshe e plakur,
Kush të la do të kujtojë i penduar
Hirin plot ngjyra që i le në duar.

Sa donte të të mbante!
Ah, sa donte!Pr sa më shumë me ty të fluturonte!
I menduar do të thotë, të më besosh:
Djemtë plaken, fluturat s’kanë moshë.

Pa një fshikëz loti ashtu dalngadalë
Gjethit të syrit do ti varet kur të dalë,
Gishtat do të zgjatë, por s’do mund ta prekë
Dora do ti thahet si në vjeshtë një degë.

Dhe ti do të shkasësh nga fshikëza e lotit,
Buzën do t’ja puthësh siç ja puthje motit;
Askush s’do ta besojë: ç’ka ngjau? ç’po ngjan?
I vdekuri i vdekur me lotë po qan!?

[Linka_pz]

Puthja e amshimit.

E veçante me qe gjithmone kjo ore e vone
e ky shtrat i truar qe dergjet pa fjale,
ne dhomen me çardak ku veç ora zhurmon,
me tik-taket e saj qe endrren ma vrane.

Gjysmezgjuar qendroj i shtrire nen petka,
me terrin rrethuar ne te akullten hapesire
e ky tavan i kalbur nxire nga vdekja,
me josh ne pah e me tremb ne thellesire.

Nder kujtime te mia rroboj me vetdije
nen heshtjen perseritese qe çirrjet perpin,
qe shqyejne kabzerrin pastaj hapen si hije
e kollufiten nga nata bashke me shpirtin tim.

Puthjen e ameshimit symbyllur shijoj
e mes makthesh gjumi nje buzeqeshje lind,
kur ne çastin e fundit abisesh hulumtoj,
e zgjohem pa peshe e pa dhimbje ne limb.

Pellumb Syku

[Linka_pz]

Dy yje.

U pane dy yje sysh mes tyre dhe kete nate,
- shpejt u skuqen,
- boten ndriçuan.
U aviten dhe flertuan bashke shume gjate,
- pastaj u puthen,
- u dashuruan.
U perqafuan prej shikimeve te mia tinzare,
- e u turperuan,
- udhen moren.
U kredhen ne te artat rreze krrepuskolare,
- ku dhe jetuan,
- me qiellin prore.

Pellumb Syku

[Linka_pz]

Ti buzeqesh...

Ti buzeqesh
me syte e tu, me buzet e tua si hyjni
e gjithçka çka eshte e imja, s'eshte e imja
kur je ti.

...porsi dielli
qe bie bute e ben dashni me floket e tu,
zemra ime ngrihet peshe e kunder saj
kot me luftu.

Je si Zoti
qe krijon jete e krijeses se vet i jep dashni,
edhe une; pre e jotja, te shikoj e pa te prek
s'mund te rri.

Ti buzeqesh
me syte e tu, me gojen tende si hyjni
e buza ime ne buzen tende, helmin e embel
shpreson ta pije.

Pellumb Syku

[Linka_pz]

PËR TEK TY


Eh, për të hyrë në zemrën tende,
m’u desh të hidhja goxha lumë.
Falë “Po-së” që me the në mbrëmje
dhe ujin e lumit e thaj unë.


Jorgo S. Telo

[Linka_pz]

Ah, dhimbje mike

Ndoshta ngaqe prehja e heshtur
nuk ngjall besim, e lehte peshon
kjo barre, nen kurriz e ngjeshur,
qe, n'vrull rinor po me thermon.

Ah, dhimbje mike, fort po me there
ne gjoks, kur nder kujtime te njoma
bie, brengosur e kraheprere
si shpend, qe klithmat len jehona.


.................................................. .................................

Pak vaj ka vendin e vet.

Sa me vrasin syte e skuqur
nga lotet e dashurise
qe s'i japin te drejte
as vete perendise.
Ato britma te çirreta
qe perplasen neper shqisa,
shpirtin ma copetojne.
Qerpiket e djegur
nga shija e shthinosur e lotit
nuk arrijne atje ku synojne
por i kaperdin fatkeqi.
Pak vaj ka vendin e vet
por dikujt i dhemb koka.
Pak fjale duhen thene
por çfare thote bota?!

Pellumb Syku

[Linka_pz]

HAFIZ SHIRAZI
(1325-1388)


Aq shumë lotë
Kam derdhur
Duke vajtuar,
Sa kushdo
Që do t’më
Kishte takuar
Do të habitej,
Nga habija
Do të pyeste:
Lum miku im,
Cili është
Ky burim ?

[doGzona]

Poezi te bukura Linka_Pz


Atdheu nuk ka nevojë…!

Atdheu nuk ka nevojë që vetëm të thuash; që e don !
Por Atdheu ka nevojë të ia shërosh plagët´ kur ai rënkon!

Atdheu nuk ka nevojë që ti të mburresh me emrin e ti !
Por atdheu ka nevojë që ti ta nderosh me punë e ndershmëri !

Atdheu nuk ka nevojë për emrin tënd plot lavdi…
Por ka nevojë që të mos lëndohet` kur përmendesh ti !

Nuk ka nevojë Atdheu për paratë e tua, as për tënden pasuri !
Por ka nevojë për njerëz të vërtetë,
me plot kuptimin dhe vlerën, që ka fjala: Njeri !


Llemadeo

[Linka_pz]

Poezi te bukura Linka_Pz


Atdheu nuk ka nevojë…!

Atdheu nuk ka nevojë që vetëm të thuash; që e don !
Por Atdheu ka nevojë të ia shërosh plagët´ kur ai rënkon!

Atdheu nuk ka nevojë që ti të mburresh me emrin e ti !
Por atdheu ka nevojë që ti ta nderosh me punë e ndershmëri !

Atdheu nuk ka nevojë për emrin tënd plot lavdi…
Por ka nevojë që të mos lëndohet` kur përmendesh ti !

Nuk ka nevojë Atdheu për paratë e tua, as për tënden pasuri !
Por ka nevojë për njerëz të vërtetë,
me plot kuptimin dhe vlerën, që ka fjala: Njeri !


Llemadeo


Te falenderoj shummmme ,dhe te uroj rikthim ne kete forum .

Eklipse.

(Pikepamje 1).
Hena ziliqare u duk.
Ne mes te dites doli
si perde perpara diellit.
Toka n'terr u humb,
henen inat e mori
dhe ia sterpiku qiellin.
Hakmarrja s'mjaftoi
po rikembon sonte
kur Hena s'rreflekton.
Toka diellin ia mbuloi,
por se dinte ç'donte,
n'terr dhe ajo qendron.

(Pikepamje 2).
Hena e perveluar u shfaq
ne mes te dites erdhi
per te deshmuar dashurine.
Me diellin buzesh u kap
pasionin ne te e hedhi.
nje çast vlejti perjetesine.
Edhe toka u dashurua.
Nje nate kur hena heshti
ajo ia shkeputi rreflektimin.
Permes erresires iu afrua
nje puthje buzesh ia ngjeshi
dhe ia dhuroi ameshimin.

Pellumb Syku

[Linka_pz]

Si s'të Desha pak më Shumë

Unë e desha përtej vdekjes,
Ashtu dashurova unë
Edhe prap s'ia fal dot vetes:
S'i s'e desha pak më shumë...
Pak më shumë ku shpirti thyhet,
T'i them ndarjes: - Prit, ca pak...
Të gënjejmë mallin që s'shuhet,
Kujtimin të gënjejmë pak.
Përtej vdekjes, përtej botëve,
Atje ku nis "ca pak" tjetër,-
Asaj që më rri mes Zotave:
"Si s'të desha pak më tepër...".

Fatos Arapi

[adidu]

Pergezime e nderuar linka, vertet nje nisme shume e mire dhe me vlere kjo teme.

[egi]

Linka, hyra pak ketu qe te faleminderoj ne publik per keto poezi me vlere. Me te vertet mundem te them se asnje teme tjeter nen forumin e Poezive nuk ka aq shum vlere si kjo e hapur nga ti.:smile:

[Linka_pz]

Pergezime e nderuar linka, vertet nje nisme shume e mire dhe me vlere kjo teme.

Adi , te falenderoj per viziten qe ke bere ne kete teme ,do te isha edhe me e nderuar sikur t`kisha edhe disa nga poezit e tua te mrekullueshme ketu ,te cilat i lexoj me shume emocion .

T`pershemdes shummmme MIK i nderuar dhe shume i respektuar , kam nderin qe te kam njohur .


Egi ,Engjellushe te falenderoj dhe me vjen shume mire qe nuk me shkon mundi KOT , edhe une kur i lexoj keto poezi me pelqejne dhe pastaj i sjell ketu , e aq me mire kur e di qe lexohen dhe pelqehen nga forumistat .

[adidu]

[quote=Linka_pz]Adi , te falenderoj per viziten qe ke bere ne kete teme ,do te isha edhe me e nderuar sikur t`kisha edhe disa nga poezit e tua te mrekullueshme ketu ,te cilat i lexoj me shume emocion .

T`pershemdes shummmme MIK i nderuar dhe shume i respektuar , kam nderin qe te kam njohur .




Nderi eshte i imi e nderuar lin, pasi qofte per ty personalisht edhe per kete forum kam respekt te vecante.

p.s Poezite e mia i ke ne dispozicion te plote.

[Linka_pz]

Trishtim ......



Dy penjë pa gjak më qepin trishtimin,
e plagës së thellë nga therja e një copë xhami në rrugë,
tek ecja i zbathur në dheun e shkretë,
pa këpucët firmato të mashtrimit,
që shpesh i pashë në vitrinat e dashurisë,
së larë nga drita e pasurisë.

Dashurin-këpucë të larë me dritën e cmimin e lartë të cilësisë,
si mall i shtrenjtë shpirti ma kundron,
pa mundur ta blej,
vuajtaz e vështroj nëpërmjet një xhami të kristaltë,
thurtaz ëndrra magjiplota me këmbët e zbathura të ndjenjës pa dashuri,
të dashurisë së shtrenjtë pas kristalit shëndritës,
që rrëzëllon e qesh me mua,
e qep me dy penjë pa gjak plagën e thellë të trishtimit.


Me te drejten e Autorit Adrian Dule

[lyra2]

Trishtim ......


-prap poezi nga mikja ime A.D,titulli i ngjajshem :smile: nese plagen time
e preke MIK
te kam borgj dashurine
nuk e di
si do ta quaje ti
dashurine
kenge,poezi apo proze..
une emer nuk i ve
as moshe
as ngjyre
sepse nuk ia di
as tiktaket
sepse i ka te rrembyeshme dhe
dot nuk ia numeroj

Une flas me ty
edhe kur ti s`me degjon
une te shqetsoj
edhe kur qetesia te mbulon
Une flej me ty
dhe kur n`krevat s`ka vend
une te vizitoj ty...
dhe atje ku s`ka vizita...
sepse jam dashuria jote
tik taket i numeroj

Asnjeher ste pashe po sa shume te njoh
Asnjeher ste preka po sa shume te ndjej
E sa afer te mbaj
E sa shume te dua

Ne u njohem ate nate ,
ate nate kur skishte gje tjeter pos nates
Ti erdhe dhe si hene me shendrite
Rrugen per ne miresi
sa shume te kam pritur
te me vije
si cdo nate
me fjalen tende
qe qan dhe malin

[Linka_pz]

Lyra2 , te falenderoj qe solle kete poezi te bukur ketu.



Pas perdes...

Pas perdes heshton ndjenjë e lar në ar,
Me sy të dlirë , e zemër të dridhur,
Si lulja e shkëmbit fërgëllimtas n’ acar,
Si embrion njeriu në mitrën e hidhur.

Me ruan engjellimthi tek fle i bindur,
Me sy të dlirë, e zemer të dridhur,
Si kelysh ulkonje bishë e sapolindur,
Si morenë e gjall në rrjetë e lidhur.

Grise perden, vrapo, sulmo dhe me zgjo,
Me puthje ëndrrimet mermi, hidhi në lum,
Dashurinë që fle në shpirtin tim fito,
me aromen e trupit tënd më ler pa gjum.


Adrian Dule

[Linka_pz]

0 bletë e gjor,
Pjalmëthithur e përkor,
Flak me thumb dhëmbor.

O art mjalt krijes,
Vet’vrasëse pa pendes,
Lulputhse me ves,

O blet e përkor,
Pjalmëthithura e gjor,
Flak me thumb vdekor.

O art mjalt me ves,
Lulputhse hyjni krijes,
Lerm si ty te vdes.

(poezi nga Adrian Dule)

[Linka_pz]

“Pema ime”…
Rreth teje jam gjarpëruar.
Në mos qofsha asnjëherë pranvera jote,
A më lejon të jem
.................hardhia që të deh me musht,
E ti(në mundsh), të bëhesh Dionisi im i harbuar…???


Suzana Zisi

[Linka_pz]

Poezia


Nese ka det ne Gjithesi
Qe kurr s'i dihet, jo thellesia
Ajo e ka emrin Dashuri!
dhe matet vetem nga Poezija

Nese ka diell te dyt ne thellsi
Larg do jem , jo si dihet dashuria
Rrezet aty afer zemres n'brendesi
Ne kohen me te bukur,jo rinia!

Nese edhe hana do t'na shoqeroj
Tokes mallin do ja kem
Krahet e mi do ti shterngoj
Atje larg me shpirtin tim te vem.

Nese ka det ne Gjithesi
Qe kurr s'i dihet jo thellesia
Ajo e ka emrin Dashuri!
dhe matet vetem nga Poezija .

Me te drejten e krijuesit Astrit Dreshaj

[Linka_pz]

Ta Fal Dashurin

Gjdeshiron te fal nga shpirti ime
Frymen ta fal do me humbasesh
zemren ta dhuroj perseri i humbur do jem
me thuaj cfar kerkojn syt e tu te etur


Ta fal dashurin te mbushur respekt
e gzim plot pasion dhe ngrohtesi shpirti
te mjafton ???? Me shiko me sy geshtenje
me ngjall fronin e ekulibrit mbi koke


Une po te falem ty i teri e i beri
ne brendesin tende po fle
sa her per mua mall ke
me ngjall me lpendrat tua shtegetare


Te fal dashurin
kjo mjafton
se me vete mbart gjithcka
madje edhe vitet edhe jeten......


Astrit Dreshaj

[Linka_pz]

Trishtim......

Nje pe me gjak me qep trishtimin,
n’gjilpere te holle kaluar,
zemresvdekur i fal ngadhnjimin.
dy buzshpirti n’tegel kaplluar.

Trishtimplag qeptaz me gjilpere,
kufome morgu e mbaruar,
njeri i shuar per te tere,
trup i ftohte vdekje mbuluar


Adrian Dule

[Linka_pz]

Loti je në sytë e mi,
e s’qaj se s’dua të më ikësh –
lexoj gërmëzezat në mesazh.
Gota bosh e vetmisë,
i ka buzët të hidhura –
lexoj fjalëzezat në celular.
Të shkruara nga ty,
Të dërguara nga ty.
Dridhtas,
unë loti,
mbi tastierë butonat e gërmave shtyp.
Ngadalë,
gërmëflakë,
fjalëzjarr,
shkruaj.
Qa e dashur,
më lër të rrjedh në faqet e tua,
mbi buzët e tua të thara të rrëshkas,
nga mjekra e dridhur të këputem,
gotën tënde të vetmisë të mbush,
pikë – pikë.
Buzët e gotës puth,
Hidhësinë me lot shplahe,
Në shpirt më gëlltit,
Që të mos mund të iki më kurrë,
Unë loti i syve të tu.

Adrian Dule

[Linka_pz]

Fjala

Kush hesht
s'ia ve askush veshin
thon eshte humbur.
Kur flet
kur flet hapin syt nga frika
ik nga ai thone
eshte i cmendur.
Ajo digjet
me flaken e ferrit
theret
deri ne palce.
Flet me brendin
lotet rrjedhin.
Monotoni e heshtjes
fjal shpata ime
shpon gurin fjala e drejte
rrit gurin.

Astrit Dreshaj

[Linka_pz]

Dy trandafil


Dy trandafil kam ne dor
e me ta po sillem verdall
kam frik se do me zen koha me debor
e te me ben perrall.

Dy trandafil kam ne dor
tek kerkoj vend per ti mbjell
sa i dhimben shpirti tim te gjor
lutet me sy ne qiell.

Veshtir ti shikosh vetmuar
malli shprishur i ksaj kohe
gjumi i nates i pergjeruar
dy trandafil te kesaj bote.

Astrit Dreshaj

[Linka_pz]

Nje Nate Pa Gjume


C'jan kta tinguj qe m'djegin endrren
Me perkundin N'prag t'lumturis
e ti per mua shijoje zemren
edhe notat e dashuris.

Nje nate pa gjume ,nje nat me shum
Nje nate e ndezur,nder deje e fikur drita
me prek aty ketu ndjenjat, qe kerjon gjum
E ashtu g'dhendur, dekor dhome me ze dita.


E ti kerko ne qiell yje sa me shum
deri sa une te jem ne gjum
Kur te jem z'gjuar diten me diell
veshtir se do ket yje ne qiell.

E ti po ik nga une sikur mendafsh i fshehur nate
qe rrjedh si burim drini,freski hiqe ket vape.
qithcka eshte e ditur,qe une nje nate me shum
pa gjum po rri,e ti ndjeku me yjet ne gjum.

Astrit Dreshaj

[Linka_pz]

O zog!
Gëzim i folesë trishtim,
Vezët e dëshpërimit lëshove,
Me përkushtim mëmësor i ngrove,
Me durim, e shpresëshum,
Që zogjtë e lumturisë të çelësh,
…një dit me drit.

O zog!
Gëzim i folesë trishtim,
Nga vezët hidhërim,
Nuk çelen zogjtë e lumturisë,
Por bijtë, e bijat e zhgënjimit,
Pjella lëvozhgëthyese të dëshpërimit,
…kuptove… një dit pa drit.

Adrian Dule

[Linka_pz]

Lule – Margarita…



Mërmërisin këngën e zgjimit
Gonxhet e rrëgjuara
..................nga i ftohti i mëngjesit.
Ti
i çel Lule - Margaritat.
Mbi gjirin tim...
Farat e puthjeve në buzë,

Në mitrën e "tokes" sime, mbijnë…

Harlisur lëkurës,
Pikuar me gjak e pjalm pjellorie,
Rrokullisen faqeve të zbehta
.....................sumbullat erëmira të vesës…

Lëndina jote e gjelbër,
Eshtë barku im,
Bleruar me të tuat duar…

Afshi i rrënojave,
përpin shekujt anonimë të harresës…

Lule - Margaritat,
(stërpikur me lëngun e bardhë të pjellorisë)
Mbarsin edhe frikën…
Djegur nga dashuria e parë me diellin,
Nga humbja e fundit në betejën e jetës…

Mushtin e bardhë të gjinjve – petale,
Ta pimë në shtratin e mbetur gjysmë - bosh.
Si gota gjysmë - plot që pret buzët e mia.

E shkuara,
mbështjellë me pelenat e së ardhmes,
Pjell vetveten.
Në altarin e vdekjes, lind – dashuria…

Në muzgjet blu,
përthyhen polet e ngrohta të përqafimeve.
E ardhmja, ngjitet
..................por kurrë nuk arrin në majë.
.
.Qiejve të tu,,
Yjëzon e ëmbla Lule - Margaritë.

Llavë e nxehtë dëshire,
......................petalet e saj…

Suzana Zisi

[Linka_pz]

Nje here te pashë,
e zërin s’ta dëgjova,
me gërma u dënove,
në humbëtirën e thellë,
të dashurisë.
Më nuk do t’ shoh,
rrjet merimange thur,
shpirtin tim të kapësh,
thurur në fijet e holla,
të qëllimit.

Shpirti im!
Peshkatar sirenash,
Kapur nga një pezhishkë merimange,
prej sirenash i shpëtuar.

Adrian Dule

[Linka_pz]

SHPIRTI NË SHUPLAKË

Kurrë nuk do të isha trembur
Nga askush dhe nga asgjë
Po të mos ishte syri im
Që ma shpalos shpirtin në shuplakë ...


.................................................. .................................................


NGADHËNJIM

Në raste të panumërta
Ia kam lidhur duart syve
Nga turpi ynë të lidhur për beli
I gatshëm për dorëzim
Dhe një mijë e një të tjera
Të thëna e të pathëna...

Çuditërishtë,sa herë kam kthyer
Shikimin nga fëmijët
Në një mijë variante
Më është paraqitur lindja
Dhe fitorja jonë !

Agim Metbala

[Linka_pz]

FJALA MË MBETI NË FYT

Desha të flas
Fjala më mbeti në fyt
Janë ngopur me fjalët tona ...

Desha të shkruaj
Për çfarë të shkruaj
Para meje kishin shkruar për çdo gjë
Era i morri shkrimet e tyre ...

Desha të protestoj
Për shumëçka
Para meje kishin protestuar për çdo gjë
Ato i varrosën në sarkofag ...

Desha të çmendem
Nuk më lanë
Më thanë:Ka mjaftë të çmendur ...

Dhe shtuan :
-Së pari kuptohet vetja
Atëherë i mirret erë
Flladit të pranverës ...

Agim Metbala

[Linka_pz]

Nje moment i zhytur



Larte ku rri bilbili
kam folen
Po shtrihem natyren tende
Po kendoj

A po e ndjen zerin tim
lehtas tek ndjek ret
i mbeshtjell
n'pul bardha.

Ku rri bilbili
kanngen kam nis
po i qaj kta
tela t'qiftelis .

Astrit Dreshaj

[Linka_pz]

MARSIN DUA TA SHOH NË BEHARE

Sa herë vjen Marsi
I trembem rrëmujës
Dhe prangave...

Si e gjithë bota
Dua ta shoh dushkun të çelur
Vetëm në gjelbërim
Ta pushoj syrin e etur për bukuri
Marsin ta shoh në behare
Ta pushoj shpirtin e mekur ndër stuhitë
T'i kthej
Pranverat që m'i kanë vjedhur . . .

.................................................. .....................................

SHPËTIMI

Hutia na është lidhur
Për ty këmbë me nyje të mbrapsht
Turrinjt thejm asfaltit
Në shuplaka numrojmë dhëmbët e thyer...

Inati na ka mbuluar trupin
Qefin të gjallë mbajmë për jetë
Nga jeta ikim si nga hija e zezë
Duke i numëruar birat e hapura në kafka...

Zhagë, zhagë zvarritem
Për ta rrjepur lëkurën
Maramendshëm iki në çerdhe të fëmijëve
Ta ndëgjoj cicërrimën e zogjëve
Aty ndjej klithën e lindjes
Dhe vrasjen e vdekjes...

Agim Metbala

[Linka_pz]

Buzëprushen e kërkoj



Tek lodron veriu në verë nëpër ajrin e harruar,
Më lëndon zemrën e mjerë me një dhimbjezë të shuar;
Zgjon një brengë tej të vjetër, që vjen rritet e pasosur,
Si gulçon vullkan’ i ndezur, kur tret llavën e ngurosur.

Më rrëmben më çon ndër male, nëpër pyjet fletëfjetur.
Ku ndër fikje ëmbëlsie nis çliroj afshin e mbetur.
Rri pushoj rrëzë gëmushe, ruaj shtigjesh të pashkelur.
Zgjedh zambakët buzë pellgjesh, pas lëndinave të ngelur.

Dhe kërkoj degë më degë bukurinë e vërtetë.
Adhuroj zën’ e bilbilit, me ‘të bilbiloj dhe vetë.
Fle e zgjohem në dëborë, e ngroh akullin me duar.
Në mes hirit të zhuritur lulëzoj jetën e shuar.

Në pasqyrën e burimit njom baluken edhe krihem.
Hip këput lulen e majës, pa nga gjëmbat le të grihem.
Dhe i fshehur nënë hije përgëzoj një manushaqe,
Pastaj gjer në tokë ulem dhe me gaz e puth në faqe.

I ndjell yjet nëpër fletë, tinës duke fërshëllyer.
Zbathur mbledh margaritarë në përrenjtë e rrëmbyer.
Dhe kur nata më afrohet këmbëlehtë pa u ndjerë,
I kërkoj një buzëprushe cigarishten të më bjerë.

Dhimitraq Papando

[Linka_pz]

Mu Afro

Perpiqu te me kuptosh
zemre t'mos ma lendosh
mu afro ,me kupto
ne shpirtin tim jeto!

Mu afro te prek buzet
Mu afro te ledhatoj
se keq iu kam katanndisur muzes
vetem per ty t'jetoj.

Nga larg prej hijen tende
ne dor kam penden
qe shkruaj epshin tend
te dua sa driten!

Sepaku nja tri fjal ti them
nga aty ku ther e dhemb
aty shenjterisht per moti
aty ku do te dua une,aty te do edhe Zoti

Astrit Dreshaj

[Linka_pz]

Ledhatimi


Tani dora peshon mbi ty,
ngadal,prek fetyren tende,
mundohem qe te mbyll syt,
perjetoje.

Ngadal,kafshoj buzen,
e ti humb ,kujtesen,
mrekulli ,ledhatim,
pa fjal,dora vet.

Ndjej shum,te gjitha,mbi ty,
ledhatim,dridhem,
ndalem,heshte,
humba ,peshen,hije,nga larg.

Te putha furishem, e ti the,
ndal se me vrave,buzeqeshe,
un perseri, shenja ,ti bej lekures,
pa deshir,nga dashuria e madhe.


Ledhatim,nuk ndalem,
kurr,
do ta mesosh,por nje dit,
ledhatim,sy me sy,
buz me buz,putha une.

Ti mos me ledhato koken,
se me c'mende,jam ketu,
doren ta imagjinoj,butesi,
gishterinje,,,,,,,,,qe lengojn ndjenja.

Astrit Dreshaj

[Linka_pz]

Klithma e vajzës – lojë...(2)



Jam trishtim
ulur pritshëm mbi sytë e tu të lagur…
Qëndroj pezull mbi kraharor
…………………………….dhe s’guxoj të të prek.
Pikoj prej syrit
përgjakshem mbi buzë.
Jam zjarr që shuhem para se të djeg…
Hije me ankth e padurim ferri.
Ulërimë
që të mbështjell duke të vjedhur pëshpërimën.
Parajsë,
që të përpij si rrymë ajri,
e të marr frymën.
Je dheu im.
Ndihem e mbirë ne çdo milimetër,
…………………………………… si bar i njomë…

Jam ëndërr e nxehtë
në dimrin tënd me borë

Harromë…

.................................................. ...................

Beautiful sorow...



Largohem me gjysmën e imazhit tënd në sy.
Kridhem në një kupë verë.
Mes lëngut të kuq,
……………..të shoh ty…ty…
Një grimë buzëqeshjeje,
Njërin sy…
Majën e gjuhës zgjas,
…………………e të përpij…


Rikthehem tek ti pa imazh.
Pa lëng, kupë, të qeshura e fjalë…
E shtrydh mes gishtërinjsh prekjen e fundit…
Tek pema e lodhur e oborrit,
………………….var përqafimin e thatë…
Lëshoj rropullitë udhëve të kurrkundit…


Jam unë gjysma,
…………….apo ajo…tjetra,
Qe,
rend dhe tërheq kuaj pikëllimi nëpër natë,
Duke gdhendur gjurmët e historisë sonë të re,
Mbi legjendat e tua të vjetra…


Suzana Zisi

[andvlo11]

..............................

[andvlo11]

.....................................

[andvlo11]

........................................

[Linka_pz]

NDOC GJETJA - DASHURISE



O perëndeshë e gjithëpushtetshme
e universit mashkull-femër!
Bëj c'të duash me veten time
jam instrumenti yt i verbër.

Në jetë më solle kaq shumë dhimbje
dhe shqetësime pa mbarim
po s'jam ankuar kundër teje
as me gojë e as me shkrim.

Të jam nënshtruar e të nënshtrohem
gjersa në botë të jem i gjallë
ndën pushtetin tënd të përbotshëm
më pëlqen të jem skllav

Ma ktheve gjuhën në përcartje
më bëre plak me shpirt fëmijë
herë më hodhe qefinin krahëve
herë më ngrite gjer në yje.

Më hidh në zjarr, në det, në ferr!
Më hidh në baltë, më hidh në hon!
Vec të lutem mos më lër...
në atë vend ku ti mungon!

[doGzona]

Bilbilit


Pranvera erdhi o miku im,
dil dimrit te gjate,
se shume te kam pritur
qe te te shoh prape.

Ti kenges merrja perseri
me tingujt qe ti din...
korbat larg le te vajtojne,
ti shtrije melodine.

Ti thirr serish ne brigje
mbi degeza e mbi lule,
kendoje kengen e bukur
qe gjithmone e thure...!

Aromat e pranveres
shijoje o miku im,
vashave shpirt delira
mu fal kenge dhe gezim!

Mu shko dhe permbi kyre
mu rri mbi kacurrel,
mbi vetullen gajtanlie,
ne buze zerin mua merr.

Mi puth me mallin tim...
melodishe mi deh...
mbi gjoksin aq te bukur
aty ngreje folene...!

Ne dore te tyre ulu
dhe ne sy mi shiko
mu thuaj se kjo bote
eshte hic pa ato!

Pastaj ti fluturo
qiellit kalterosh,
kendo e prap me shko
ne strehez te pushosh

Tek vashat zemer-mira
me shpirtin xhevahire
qe fjalen e kane te embel,
te shenjte kane miresine!

Kendo pra dhe gezo
pranvera tash ka dale...
eja ne dritaren time
sa here te keshe mall!
2006




LLEMADEO DUKAGJINI

[doGzona]

Lavdisë

O fjalë e shenjtë, që vetëm për heronjtë e vërtetë dhe vlerat je krijuar,
A smë thua, çkanë me ty servilët, ata që hero e thërrasin
Çdo mik a mike të tyre´ që qefin ua bën…,
Çdo të korruptuar të kohës´ që orekset ua ushqen ?!

A smë thua o shkëlqim i gjithë universeve,

çfarë kanë me ty pseudotë e çdo lloji,

të cilet vetvetes' papushim, grada i ngjeshin...?!

Ndërsa me shkarraviteje, vlerat zënë e përqeshin!


Ti qëndro atje lart o fjalë hyjnore,
Në kupën më të lartë të qiejve´ qëndro´
Dhe dritë në ballë mu bëj vlerave dhe Heronjëve !
Ndërsa pseudotë, mashtruesit ´ i injoro !

LLEMADEO DUKAGJINI

[doGzona]

Llemadeo , poezi te reja, Nentor 2006.

O njeri që nuk je njeri…!

Po e marr penën përseri,
o njeri që s`je njeri,
po të shkruj vetëm ty,
vetëm ty, o faqe zi!

Ty që mund të jesh vertetë,
ndoshta lart dhe president,
ja ministër, ja bisnesmen
mund të jesh edhe më „mend“.

O njeri që sje njeri,
por ke fytyrën e atij
dhe na shtiresh perëndi
dhe pse djallin mban në gji!

Mund të jesh…,
por çfarë smund të jesh,
ndoshta je edhe “shkrimtar”,
që i bën fjalet si mullar,

ku as dreqi sta gjen fillin,
se ku don të dalë e shkreta,
episodi dhe e verteta…
që sillet rrotull veç nga kuleta…!

Sillet rrotull veç për famë,
nëpër stoqe librash të vjetër
kalbur poshtë nëpër ahure
shkruar kohës „lule-lule“…!

Mund të jesh autor i madh,
dhe me famën e zyrtarve…
ku ke korrur shumë bereqete
nëpër kohën Lepe-peqe!

Mund të jesh me famë të vjetër
servilizmash lënë në letër…
kur të dhanë dhe medalione
tituj, grada e vulë padrone…!

Mund të jesh dhe gazetarë,
që rend udhëve si qyqarë…
si shoqërues për ca ministra
që të kapin nga kapistra…!

Mund të jesh, por çfarë smund të jesh,
mund të jesh edhe pronarë
trurit lodhur edhe tharë…
lodhjeve me ustallarë…

Si të dridhet e përdridhet

si të piqet e si të hahet,
si të lyhet e si të lahet.

Si të shtrohet nëpër zyra…
si të shkojë e të mos vijë fytyra,
si të vritet e të rrembehet,
si të pritet e si të thehet.

Jo, jo, jo, Bese per Besen e shqiptarve,
por per horllikun e pazareve,
që ndër zyra të pa ftyra…
thurin plane ngjyra ngjyra.

Thonë e zeza të sjell fat,
fat të zi kur je lugat…
dhe kostumin seç ta pret
kur fatkeqja të pëlcet…

Ti mund të jesh dhe çfarë nuk je,
nëse xhepin të fortë e ke,
nëse jep bakshish në dorë
mund të bëhesh dhe profësorë!

Mund të rritesh dhe doktorr,
dhe minister e deputet
nëse jep e kurr nuk flet,
mund të bëhesh dhe president!

Mund të jesh, ah`çfarë smund të jesh,
diplomat nëpër avione…
botës do të vish vërdallë,
nëse urtë rri dhe pa fjalë!

Mund të bëhësh
dhe me famë botërorë…
kur servilet lart të ngrejnë
dhe tek Retë ty të mbrethjenë…

Me ca gozhda për bukuri
dhe të thërrasin si “Mesi”,
ca shërbëtore që i mban ti…
ca servilë e faqe zi!

Edhe mund të jesh bërë,
siç u bënë plehra të tërë…
por sje bërë dhe nuk bëhesh kurrë,
për atdhuen nuk je bërë burrë!

Mund të marresh tituj e grada
siç ka dhënë e jep krah-thata,
Histroia e maskarenjeve,
neper darkat e Çakenjëve…!

Mund të behesh,
me mashtrime dhe perendi…
por ti nuk ishe, as nuk behesh më,
o fat zi, ti nuk je njeri!

Sje njeri as nuk do të jesh kurrë
kur mashtrimin e ke vulë,
kur korruptuar je gjithë jetën
kur atdheut nuk ja mbron të drejtën!

Sje njeri, ti mbaje mënd,
nëse këmbet stë zënë vend
duke rendur për lavdi,
kur atdheu vuan në zi…!

Zi për buk e zi për punë,
në mjerim mbushur me dhunë,
korruptuar në çdo zyrë…
prej hajduteve të pa fytyrë!

Sje njeri, as ti vetë,
por je thjeshtë si një trup pa jetë,
vesesh veshur e kapistallur,
nëpër kohën ku je tallur!
2006.

[Linka_pz]

Diku ne ket lemsh ndodhesh ,mu ne mes mijra njerzish,mu midis miliona endrrash,e vetmuar ndoshta diku,ndoshta e buzqeshur duke pritur fatin, ti me rri.
Ndoshta qan e heshte, e lendon vetveten e thua se, sa e pa fat jam,ndoshta je lodhur nga rruga e gjat,e di por fatin askush smund ta marr.....
Ndoshta je ne gjum mes endrrave te bukura apo te hidhura,ndoshta je ne breg te detit diku, ku rrin ne qetesin e natyres,ku heshtja te ngacmon ndjenjat ,ku dashuria jote behet edhe me e fort,apo ndoshta duke luajtur me val,pa fjal....
Apo je duke kerkuar ne mes te keti lemshi,,,fetyren time,qe kurr se ke pare,buzeqeshjen qe kurr thell se ke ndjer,,syt qe kurr mat bukur ste kan vjedhur...
Apo qendrimi i dashuris ,se dlir qe avullon prej sinqeriteti,,,e mbushur jet .
LLogarin qe i bej vetes ,askund nuk me shtie,perveq mendjes tek ty.
RRi vetem si i braktisur,por jo i vrar,rri vetem i heshtur,qe luaj me shkronja pa fjal..
E di se dicka e madhe na pret,kur dy zemra te perballohen,perjet te dashurohen.

Astrit Dreshaj

[Andi Mecaj]

.................................................. ......

[Andi Mecaj]

.............................................

[Andi Mecaj]

............................

[Andi Mecaj]

.............................................