Udhëzime për shfrytëzuesit e Internetit

[Hattabi]

1. Kur muslimani e dëgjon ezanin, nuk guxon të lejoj asgjë që atë t’i përgjigjet asaj thirrjeje. Allahu i Lartësuar në Kur’an thotë:

“ ( Ajo dritë ) Është në shtëpitë ( xhamitë ) që Allahu lejoi të ngrihen, e që në to të përmendet emir i Tij, t’i bëhet lutje Atij mëngjes e mbrëmje. Ata janë njerëz që nuk I pengon as tregtia e largët e as shitblerja në vend për ta përmendur Allahun, për ta falur namazin dhe për ta dhënë zekatin, ata i frikësohen një dite kur do të tronditen zemrat dhe shikimet. ” ( Nur, 36-37 )


2. Interneti është mjet i komunikimit, por ai në të vërtet është shpatë me dy tehë. Muslimani duhet t’i shfrytëzoj anët e mira të internetit, ato ato që i shërbejnë fesë dhe jetës së tij, e jo ato që e prishin fenë dhe jetën e tij.


3. Është shumë me rëndësi që shfrytëzuesit e internetit të mbrojnë sytë e tyre, që të mos shohin atë që është e ndaluar. Shfaqjet e ndaluara janë armë e shejtanit, të cilat ai i përdor për t’i prishur zemrat e muslimanëve, duke ofruar një kënaqësi momentale, pas së cilës vjen pendimi dhe shqetësimi i ndërgjegjes. Shikimi i të ndaluarës është burim i ndotjes së zemrës, rëndimit në gjoks dhe largimi nga adhurimi i Allahut Fuqiplotë. Gjithashtu, këto gjëra e largojnë shpirtin nga kënaqësitë që ai i arrin gjatë adhurimit të Allahut. Kjo është armë e shejtanit me të cilën ai e zbukuron mëkatin dhe në momentin kur dikush hyn në kurthin e tij, shejtani merr kontrollin ndaj zemrës së tij dhe luan më të, sikur fëmija që luan me topin.


4. Mos lejo që interneti ta “shkatërrojë” kohën tënde. Dhe kjo ndodhë kur me orë të tëra i kalon nëpër faqe të ndryshme dhe me grupe të ndryshme bisedash online. Me këtë harxhon kohën e çmuar, kohën të cilën do ta kishe kaluar me familjen, fëmijët, të afërmit ose duke punuar për të fituar për vete dhe për familjen.


5. Vizitoni shpesh faqet islame. Vizitoni faqet nëpërmjet të cilave do të marrësh informacione të dobishme, të cilat e zgjerojnë diturinë tënde. Largohu nga faqet të cilat e dëmtojnë fenë, moralin dhe grupet që përhapin fitne. Mos hy në debat me armiqët e Islamit, nëse nuk ke dituri të mjaftueshme me të cilën mund t’i kundërshtosh. Në raste të këtilla kërko nga dikush që di më shumë të merret me ato çështje.


6. Miqësitë nga çati janë kurthe edhe për meshkuj edhe për femrat; kurthe që i çojnë ata drejt mardhënieve të ndaluara, mardhënie që zakonisht fillojnë si njoftime të thjeshta dhe përfundojnë me dëm të madh për fenë dhe jetën.


7. Ose je ti ai që kontrollon, ose je i kontrolluar. Nëse e vendos internetin nën kontroll, atëher dobitë e tij e mposhtin dëmin e tij potencial dhe kështu, interneti bëhet dhunti nga ana e Allahut të Lartësuar. Por, nëse bie nën kontrollin e tij, atëher ai do t’i mjegullojë sytë me kënaqësi të përkohshme, e cila t’i vjedhë të hollat, kohën, jetën dhe të largon nga obligimet që i ke ndaj familjen dhe të afërmve. Bëhesh viktimë, ndërkohë që nuk mund ta kuptosh një gjë të tillë. Shpëto nga ky kurth para se të humbësh dhe para se të bëhet shumë vonë.



Marrur nga: www.sinqeriteti.com (http://forumi.kurandhesunet.net/links.php?url=http://www.sinqeriteti.com)