Blegërima që apelon njerëzoren!

[rilinda]

10.05.2007

Blegërima që apelon njerëzoren

Cicërima e zogjve, gurgullima e ujrave, bebëzima e bletëve, blegërima e deleve e dhive dhe e shumë të tjerëve që bashkëjetojnë në këtë nënqiell, përcjellin komponimin më polifonik përballë natyrës që merr rolin e dirigjentit virtuoz.E mjerisht çdo herë e më shumë zëri i kësaj orkestre në refrenin e këngës po përcjell apelin e lutjes ndaj atyre që quhen njerëz e që njerëzoren e kanë harruar.
Kësaj radhe blegërimën e apelit përfaqësueshëm për ju o njerëz po e sjell unë, Dhia që padrejtësisht më mbiemëruat “e egër” . Ndonëse shumë kohë më parë kjo blegërimë shoqërohej me vaj, të cilën se kuptonit dot, sot vendosa të njejtën ta përkthej në gjuhën tuaj me shpresë se më në fund në llojin tuaj do triumfojë njerëzorja kundrejt egërsisë.
Asnjëherë më parë s'e kisha besuar se llojin tonë deri në kufijtë e zhdukjes do e rrezikonte egërsia njerëzore... Njerëzit, që para vetes kanë të shkruara sa e sa libra për rëndësinë e jetës dhe natyrën, tani çdo ditë e më tepër e shkatërrojnë vrazhdë e pa dhimbje atë që na ushqen të gjithëve së bashku. Ah sa keq! Shpeshëherë kam frikë të hap sytë kur shoh se pyjet i kanë zhveshur përtej rrënjëve. O ju të mjerë harruat përpjekjen titanike të drunjëve për të zbutur sa e sa herë tërbimin e ujrave në zbritjen vërshuese.
Niveli i ndotjes dhe shkatrrimit të ambientit mbërriti përtej pragut të strehimoreve tona. Kjo ndotje, që e shkaktoi pakujdesi, lakmia dhe egoizmi juaj si duket fizikisht dhe psiqikisht po e ngulfat çdo ditë e më tepër “përsosmërinë” e pretenduar njerëzore. Të paktën një herë o njerëz pyeteni veten: Përse vallë numri i sëmundjeve vjen e shtohet e shëruesit mantelbardhë nuk ia dalin dot as t'i emërtojnë ato? Gjithsesi kjo keqsjellje e juaja ndaj natyrës dhe banorëve njerëz e jonjerëz ka një “shpërblim” dhe një emërues të përbashkët: Vetvrasje kolektive!!! E tmershme dhe njëkohësisht tragjedi kolektive.
Unë kësaj radhe guxova t` ju afrohem edhe me çmim jete për një apel miqësor me shpresë se së bashku me të do mund të zgjoj njerëzoren tek ju për të zëvendësuar kujdesin me keqsjelljen, shënjestrën me fotoaparatet hidhërimin me pajtesën , lakminë e egër njerëzore me shijen për natyrën...Se di në do ja dal apo jo!? E megjithatë porosinë po e dërgoj besnikërisht me refren të përsëritur : Njerëzoren o njerëz ku e keni?
E megjithatë shpresa e mirëkuptimit me njerëzit adhurues të natyrës dhe të sojit tonë( për fat të keq mjaft të rallë) që na vizitojnë dhe sjellja e tyre fqinjësore na bën të besojmë se megjithatë lloji ynë do mbijetojë përbotshëm.
O Njerëz! Duhet të kuptoni që ju jeni të vetmit që mund ta ndryshoni këtë situatë andaj po ju përgjërohëm në emër të bashkëvendaseve të mia të bëni diçka në mbrojtjen e mirëqenies së përgjithshme. Kontribuoni për një ambient më të pastër e më të pasur sepse kjo është për të mirën e të gjithëve.
Po e përfundoj këtë lëtër duke ju lutur në ëmer timin personal dhe të gjitha kafshëve që të na ndihmoni të jetojmë sepse edhe ne jemi pjesë e natyrës,botës së gjallë…deshëm apo s`deshëm, jemi pjesë e jetës suaj kudo dhe përjetshëm...

VLORA MEMEDI KL.VIII-1
SH.F “NAIM FRASHËRI”

[rilinda]

Besoj se nga ky shkrim i kësaj vajze, do të mësojmë diçka...Shumica nga ne dhe i dimë këto, po sa i përfillim?!
Çka të bëjmë për një botë më të mirë?
Ç'mendoni për njerëzit që e kanë humbur njerëzoren?

Diskutim të këndshëm!

[Penesti]

Besoj se nga ky shkrim i kësaj vajze, do të mësojmë diçka...Shumica nga ne dhe i dimë këto, po sa i përfillim?!
Çka të bëjmë për një botë më të mirë?
Ç'mendoni për njerëzit që e kanë humbur njerëzoren?

Diskutim të këndshëm!
Flm Rilinda per publikimin e ketij shkrimi ... per tjerat le te flasin antaret e forumit sepse un mund te jem subjektiv ne raport me autoren e ketij shkrimi... faleminderit

[Albanian eX|PerT]

Dikush e quan kete shkatrrim histeri, dhe mendon te influencon me apele qe t'i ndal njerezit nga disa dukuri devijante, qe nese i shikojme me nje sy komperativ keto duhet te diskutohen me vone,... o njerez te mire, a nuk eshte kolapsi nga humaniteti nese ne vendet tona po vdesin nga uria e po degjenerohet rinija e po vdes shpirti i njerezve, e dikush flet per gjendjen e ca gjerave qe kot flasim perderisa e kemi shtetin irracional dhe lirisht mund te them karizmatik ne aspektin negativ. Ky ekspansion i dukurive negative tek shqiptaret dhe tek gjithe popujt e Botes ka sjellur kete produkt qe sot shume qarte po e shohim, tradhti e mashtrim, dallaver e vujtje, sidomos ndaj qenies se shtrejt te quajtur femer! Ngandonjehere keto diskutime per keto gjera me duken sikur utopi didaktike! O njerez, te punojme ne menyre koligjiale per te permiresuar vetedijen e popullit, moralin e ndergjegjen e me pastaj iu vijne ketyre temave rendi.

[rilinda]

Mbrojtjen e rrethit ku jetojmë, e konsideroj primare, e nuk mendoj se mund ta ketë vendin dytësor. Me disa dukuri negative vjen te rrezikimi i shtresës së ozonit. Kështu, ndryshimi klimaterik i Tokës, mbinxehja, e quajtur ndryshe "efekti serrë", do të arrijë në një pikë të pariparueshme brenda 20 vitesh dhe neve që jetojmë në Tokë na mbetet vetëm pak vjet për të marrë masa drastike për ta parandaluar gjithë këtë, para se të jetë vonë. Niveli i anhidridit karbonik dhe metanit në atmosferë nuk kanë qenë kurrë në nivele kaq të larta që prej 800 mijë vjetësh dhe këto nivele tani po rriten me një shpejtësi marramendëse. "Brenda një dhjetëvjeçari ose maksimumi dy, Toka do të jetë më e nxehtë nga sa ka qenë në 5 milionë vitet e fundit, në epokën, kur në Oqeanin Atlantik notonin krokodilët. Rreth 200 milionë persona do të migrojnë në Veri, afër Polit të Veriut, për të mbijetuar, sepse nuk do të kenë rrugëzgjidhje tjetër. Edhe nëse mund të marrim menjëherë masa të jashtëzakonshme për ta frenuar këtë ndryshim, botës do t‘i nevojiteshin mijëra vite për ta marrë sërish veten"- thotë profesor Lovelock.
E po të na shkatërrohet Toka, si mund t'iu ndihmojmë atyre që po vdesin nga uria, si mund t'i ndihmojmë rinisë që të dalë nga ajo rrugë e degjeneruar, siç thua TI, i nderuar Albanian eX|PerT?



Shëndet!
Rilinda

[Albanian eX|PerT]

Jo rastesisht me parë thash se keto i ngjajne nje utopise didaktike dhe po qe se nuk behet nje strategji pararendese nuk do arrijme ne nje rezultat profitabil.

Perderisa tek shoqerija sot ne pergjithesi degjenerimi dhe kolapsi moral eshte ne ekspansion, s'di kujt i drejtohet ky apel?

Kur e lexova kete postimin tuaj te fundit, thoja me vete ndoshta kjo mund te kete impakt tek ndokush te thote: "Phaaaaaa, i paska ardh fundi kesaj Bote" lol.

Ketu kemi te bejme me nje polaritet, dhe neve mund te kemi mendime racionale, porse prap njeri prej nesh i takon taborit te sakte, dhe sigurisht qe per mendimin tim nuk kemi per te arritur dicka produktive ne kete drejtim nese nuk punohet ne vetedijesimin e popullates, pra te permiresimit te personalitetit te tyre qe duhet te vishet me moral e ndergjegje e karkater te forte!

Ata te cilet sot nuk mundohen ta perdorin influencen e tyre ne permiresimin e vetedijes se njerezve (ne te gjitha komponentet pozitive) me ngjajne me kolaboracionalistet e dikurshem!

Me plot rrespekt per vlerat tuaja
Experti!