Dhimbjet e Belit

[Linka_pz]

Dhimbja e belit është një sindromë, të cilin 85% e popullsisë së botës e ka kaluar të paktën njëherë në jetë dhe që haset veçanërisht në botën perëndimore industriale. Dhimbjet akute të belit në 80% rasteve zhduken brenda 6-8 javëve pa ndonjë terapi specifike. Por 40% e këtyre dhimbjeve rikthehen brenda vitit duke krijuar një atak te dyte. Kurse tek ata që vuajnë nga dhimbjet kronike të belit ky atak u rikthehet në 80% të rasteve.
Është shumë e rëndësishme që të parandalohet ataku i pare akut dhe të merren masa kundër kthimit të dhimbjes kronike të belit nga nëse e kemi kaluar fazën akute, si dhe të njihen dhe të pengohen faktorët të cilët e kthejnë këtë dhimbje në kronike. Faktorët e riskut për dhimbjen e belit mund të jenë:
Faktorë profesionalë
Faktorët sportivë
Faktorë personalë
Faktorë psikologjikë
Faktorët Profesionalë
Ngritja e peshave : Të ngresh pesha të rënda pa përthyer gjunjët gjatë ngritjes, përkuljes dhe rrotullimit në të njëjtën kohë dhe përsëritja e vazhdueshme e lëvizjeve janë disa nga faktorët e riskut për dhimbjen e belit. Ngritja e peshave pa përthyer gjunjët rrit gjithashtu riskun e hernies diskale.
Ngritja e vazhdueshme e objekteve është gjithashtu një faktor i rëndësishëm. Ata që kryejnë aktivitete të renda fizike dhe ata që janë të detyruar të punojnë në këmbë janë grupet e profesioneve në të cilët vihet re me tepër dhimbja e belit.
Dridhja/vibracioni: Shoferëve, duke qenë vazhdimisht në vibracion, u rritet aktiviteti i muskujve, i cili rrit lodhjen e tyre dhe gjithashtu duke prishur ushqyerjen e diskut bën te mundur degjenerimin e tij me përfundim hernien diskale. Në një studim që është bërë tek shoferët e autobusëve dhe teknikët e makinave është vënë re që ka lidhje ndërmjet dhimbjes së belit dhe dridhjes se përgjithshme të trupit dhe gjatësisë së kohës që dridhesh.
Dhimbja e belit dhe hernia diskale janë vënë re të ndodhin më tepër tek shoferët e autobusëve që janë vazhdimisht në dridhje. Gjithashtu shoferët e kamionëve janë pesë herë më në rrezik për dhimbjen e belit në krahasim me ata qe nuk janë shoferë.
Disa faktorë të tjerë lidhur me profesionin: Stresi psikologjik që krijon mosnjohja e gjuhës së huaj dhe gjithashtu punët e rënda që u jepen punëtoreve që punojnë jashtë shtetit bëjnë të mundur që te ky grup individësh të rritet risku i dhimbjes së belit.
Faktorët sportivë
Aktivitetet sportive në të cilat ndihet më tepër dhimbja e belit janë gjimnastika, futbolli dhe mundja. 6 % e gjimnazistëve dhe 30% e studentëve universitare që luajnë futboll kane dhimbje beli.
Faktorët personalë
Më të shumtit janë cigarja, mospërshtatja fizike dhe dhimbjet e mëparshme të belit. Pirja e me tepër se 50 paketave në vit si dhe mosha mbi 45 vjeç, jeta jo e shëndetshme që bëjnë duhanpirësit, osteoporoza si dhe kollitja nga duhani, e cila bën të mundur rritjen e presionit të disqeve që ndodhen midis brinjëve, janë faktorët që lidhen cigaren. Cigarja duke prishur ushqyerjen e diskut e bën atë më të ndjeshëm nga faktorët e jashtëm. Këto efekte të cigares vihen re tek ata persona që kryejnë aktivitete të rënda fizike.
Faktorët psikologjikë
Ata që nuk e pëlqejnë punën e tyre ankohen për dhimbje beli 2,5 herë më tepër se ata që e pëlqejnë atë. Mosmarrja e kënaqësisë dhe falënderimeve nga puna janë faktorë risku për dhimbjet e belit. Mospërqendrimi për shkak të stresit shkakton aksidente të ndryshme që bëhen shkak për dhimbjet e belit. Stresi gjithashtu është faktor risku për dhimbjen e belit.