Sfida e shqiptarit, modele për emrin e restorantit.

[Era1]

Aldo Velaj punëson 5 modele, që i paguan 270 dollarë në ditë, për të mbajtur në bluza emrin Vlora

Një shqiptar ka sfiduar në një mënyrë mjaft origjinale pronarin e ndërtesës ku ndodhet restoranti i tij në Boston të SHBA-ve, i cili nuk e lejonte të vendoste një reklamë të madhe para restorantit të pagëzuar “Vlora”. Shqiptari Aldo Velaj, pronar i restorantit i ka dhënë, sipas “Boston Herald”, një kuptim të ri togfjalëshit “modele për biznes”, duke vendosur në vend të reklamës së madhe prej neoni dhe dritash, 5 modele vajza, që kanë të shkruar nga një shkronjë të emrit të restorantit V-L-O-R-A. “Boston Herald”, në një shkrim kushtuar kësaj mënyre të re të reklamimit, njofton se shqiptari edhe pse pronar i restorantit, nuk do ta përballojë për më shumë se dy javë emrin e shkruar në bluzat e vajzave të bukura, të cilat i paguan me 18 dollarë për orë për të mbajtur shkronjat dhe reklamuar restorantin, të cilin ai e ka hapur pasi ka punuar për tre vjet në një restorant tjetër në Boston.

“Herald” shkruan se vajzat qëndrojnë gjatë orëve të darkës dhe kostoja ditore është 270 dollarë. Por, vetë Velaj thotë se “modelet i kishin sjellë mjaft klientë”, duke lënë të kuptohet se shpenzimi i deritanishëm ia kishte vlejtur. Restoranti është hapur të dielën që shkoi dhe “Boston Herald” e citon Velaj të ketë thënë se, fakti që do të jetë i vetmi restorant në Boston pa një tabelë ku të shënohet emri e bën atë edhe më interesant.

Marre nga gazeta Shekulli (Sipas “Boston Herald”)

http://www.shekulli.com.al/news/52/ARTICLE/15679/2007-09-14.html

[jadore]

hm , kur jemi tek marketingu i gastronomise, theme qe vertet me pelqejne dy lokale ne Prishtine , si firma apo pano qe prezntojne shtepine e tyre ku sherbehet ushqimi , eshte de Rada per ngrohtesine e ambientit qe ofrone dhe Puro per ekstravagandizmin qe reflekton , secila ne formen e saj , pa zhurme , pa propagande , vetem me pune qe e deshmone sherbimin e saj ..