Telefoni që tregon nivelin e kolesterolit!

[rilinda]

• Nëse vërtetë e keni tepruar me yndyrna atëherë telefoni NTT Do Co Mo mund t’ju tregojë qartë se duhet të merrni masa për t’i djegur ato nëpërmjet stërvitjes.

Japonezët kanë shpikur një telefon të ri që mund të informojë personin që e mban për nivelin e kalorive dhe kolesterolit që ai ka konsumuar gjatë një vakti. Nëse vërtetë e keni tepruar me yndyrna atherë telefoni NTT Do Co Mo mund t’ju tregojë qartë se duhet të merrni masa për t’i djegur ato nëpërmjet stërvitjes. Jo vetem kaq, por çudia japoneze e rradhës arrin të nuhasë edhe aromat e pakëndshme, sidomos kur keni konsumuar hudhër.
Telefoni i ri japonez përveçse mund të kryejë më së miri qëllimet parësore siç është komunikimi, arrin të masë edhe pulsin.

Një biznesmen japonez u shpreh se në fillim ishte skeptik në lidhje me prodhimin e ri të telefonisë celulare, por më pas kishte kuptuar se aparati mund ta informonte mjaft mirë se cila do të ishte mënyra më e mirë për të qëndruar në formë të shëndetshme.

Kompania prodhuese dëshiron që telefonat të shiten më së shumti tek ata persona që vuajnë nga mbipesha dhe biznesmenet të cilët nuk kanë kohë të mjaftueshme për të shkuar në një klinikë për t’u informuar rreth sasisë së kolesterolit që kanë konsumuar gjatë ditës. Për momentin, kompania nuk ka vendosur ende një çmim për telefonin e ri, por duket se ai nuk do të jetë aspak i lirë.