Çka është UE?

[Naki]

Çka është UE?

Bashkëpunimi në mes shteteve të UE kryesisht mbështetet në qarkullimin e lirë të mallrave, shërbimeve, personave dhe parave brenda UE, pa u penguar nga doganat dhe pengesa tjera. Që ky bashkëpunim të funksionojë, UE ka krijuar të ashtuquajturin tregun e brendshëm. Shtetet e UE bashkëpunojnë poashtu edhe brenda lëmive tjera, si për shembull në çështje të ambientit, bujqësisë, pranimin e refugjatëve dhe luftimin e krimit të organizuar.

Ai/Ajo që ka nënshtetësinë e ndonjë shteti të UE ka të drejtë të udhëtojë, punojë dhe banojë në cilindo shtet tjetër të UE. Shtetet e UE nuk bën t’u japin përparësi qytetarëve të vet para nënshtetasve të shteteve tjera të UE. Nëse ndërkaq ndonjë qytetar i UE qëndron më gjatë se tre muaj në një shtet tjetër brenda unionit, organet përkatëse të atij shteti mund të kërkojnë që ai/ajo të regjistrohet në atë shtet. Parakusht për këtë është që ai/ajo të ketë vend pune ose mund të kujdeset për vetveten në ndonjë mënyrë tjetër. Ai/Ajo poashtu duhet të mbajë me vete kartelën evropiane të sigurimit shëndetësor me të cilën do të dëshmojë se mbulohet nga një sigurim shëndetësor.
Tregtia me mallra duhet të bëhet me kushte të njëjta në të gjitha shtetet e UE

Shtetet anëtare nuk bën që prodhimeve dhe shërbimeve të veta t’u japin përparësi. Malli duhet të blehet dhe shitet me të njëjtat kushte brenda gjithë UE. Duhet poashtu të jetë e mundur që të futen mallra edhe nga shtetet jashtë UE, që pastaj me ato mallra të bëhet tregti me kushte të njëjta në të gjitha shtetet anëtare. Për këtë arsye UE ka taksë doganore dhe politikë tregtie të përbashkët.
Schengeni është union pashaportash i UE

Bashkëpunimi Schengen quhet edhe unioni i pashaportave të UE, dhe d. m. th. që ato shtete që janë anëtare kanë hequr kontrollin e pashaportave në vendkalimet kufitare në mes tyre. Qytetarët e cilitdo shteti Schengen nuk e kanë të domosdoshme që me vete të bartin pashaportën kur të udhëtojnë në ndonjë nga shtetet e këtij unioni, mjafton të kenë vetëm letërnjoftimin.
Disa shtete janë anëtare të unionit valutor

Përafërsisht gjysma e shteteve të UE janë anëtare të EMU, i njohur edhe si unioni valutor. Në këto shtete përdoret valuta e përbashkët euro. Shtetet tjera të UE kanë zgjedhur për momentin të mbeten jashtë unionit valutor e disa edhe nuk i plotësojnë kushtet që të jenë anëtare të këtij unioni.
Politika e bujqësisë do të çojë kah një bujqësi e fortë ndaj konkurrencës dhe prodhimin e ushqimit të mirë

Shtetet e UE kanë një politikë të përbashkët bujqësie. Kjo politikë, përveç tjerash, do të bëjë që ushqimi që prodhohet të jetë i mirë si për ambientin ashtu edhe për kafshët dhe njerëzit që do ta hanë. Një pjesë e madhe e buxhetit të UE përdoret në politikën bujqësore.
UE do të udhëheq një politikë për një ambient më të mirë

UE ka rregulla të përbashkëta për ambientin, sepse ndotjet në një shtet shpesh ndikojnë në ambientin e një shteti tjetër. Rregullat janë për të ruajtur, mbrojtur dhe përmirësuar ambientin, për mbrojtjen e shëndetit të njerëzve dhe që në mënyrën më të mirë të kujdesemi ndaj burimeve natyrore. Shembuj të këtyre rregullave janë rregullat mbi hedhjen e mbeturinave, ruajtja e cilësisë së ajrit dhe ujit si dhe mënyra e përdorimit të kemikalieve. UE ka gjithashtu rregulla për mbrojtjen e zogjve dhe llojeve të kafshëve dhe bimëve të rrezikuara.
Bashkëpunimi në luftimin e krimit

Shtetet e UE bashkëpunojnë për të luftuar krimin e organizuar ndërshtetëror. Rregulla të përbashkëta ka përveç tjerash mbi terrorizëm, tregti me narkotikë dhe krime që kanë të bëjnë me pornografi me fëmijë. Për të luftuar krimin, policitë dhe prokuroritë publike të shteteve anëtare bashkëpunojnë në mes tyre.
Politikë e përbashkët migrimi

Shtetet e UE janë gjithashtu të një mendimi për zhvillimin e një politike të përbashkët azili dhe migrimi. Rregullat e UE përcaktojnë për shembull kush duhet të konsiderohet refugjat dhe në çfarë mënyre shtetet anëtare do të shqyrtojnë lëndë të këtyre llojeve. Nëse një lëndë azili paraqitet në disa shtete, UE ka rregulla që përcaktojnë në cilin shtet kjo çështje duhet të shqyrtohet.
Politika e jashtme dhe e sigurisë është vetëm pjesërisht e përbashkët

Në çështje të politikës së jashtme UE do të koordinojë politikën aq sa të jetë e mundur, mirëpo shtetet anëtare ende vazhdojnë të mbajnë politikën e tyre shtetërore në këto çështje. Në vendime që kanë të bëjnë me politikë të jashtme dhe të sigurisë duhet që të gjitha shtetet anëtare të bien në ujdi. Shtetet e UE nuk kanë një armatë të përbashkët. Ekziston ndërkaq një forcë e përbashkët militare dhe civile për zgjedhje krizash, forcë që mund të mobilizohet për të ruajtur dhe imponuar paqe.

[Berkan]

Unioni Evropian eshte nje krijese e pas luftes se dyte boterore e cila edhe ishte domosdoshmeri e kohes, sepse ajo u krijua ne momentin kur Franca dhe Gjermania ishin armiqe me te medhenje te njeri tjetrit, poashtu ajo u krijua edhe si rezulat i forcimit te teperm te SHBA-ve pas luftes se dyte boterore dhe shtetet evropiane si te vetme nuk mund ti benin balle si ekonomikisht ashtu edhe politikisht nje shteti te madh dhe te sterforcuar pertej oqeanit atlantik. Ndersa shume autore permendin se edhe gjermania si shkaktare te dy lufterave boterore ishte shkaktar i krijimit te Unionit Evropian qe atehere quhej Tregu i Perbashket Evropian, sepse ishte e vetmja menyre qe Gjermania te mbahej nen kontroll qe te mos shkaktonte edhe nje lufte tjeter boterore. Koncepti i krijimit te Bashkimit Evropian qe nga dita a pare e ekzistimit e deri me sot ka ndryshuar, fillimisht ishte vetem nje union ekonomik i shteteve te Evropes perendimore, ndersa sot kane edhe nje unitet politik, prandaj edhe pse eshte nje organizate e tipit SUI GENERIS, ajo prapseprap dita dites eshte duke anuar kah konfederalizmi