Poezi per 28 nentorin

[Ma-Origano]

Ne kuader te pergatitjes se nje feste studentore ne Grac bashke me nje grup kolegesh, jam duke kerkuar per poezi per 28 Nentorin. Kam mjaft nga shkrimtare qe i njohim qe te vegjel nga librat e letersise ne shkolle, por me erdhi si ide ne mendje qe te perfshijme poezi dhe nga autore te rinj. Ne kete forum ka shume te tille dhe qe prej kohes qe e kam nderprere une te shkruarin ketu e tani pas rifillimit, kane ardhur mjaft te rinj qe akoma nuk i njoh.

[Ma-Origano]

Hyrje e gjate, per sa deshiroj qe te paraqes:
Nese ka deshire dikush prej jush mund te me orientoje ne kete teme ose me mesazh privat per poezi te veten ne kete forum me teme Flamurin, 28 Nentorin, Shqiptarine. Eshte teme ndoshta e dale mode, por te pakten nje dite ne vit kjo teme eshte plotesisht ne mode.
Per terheqjen dhe shfrytezimin e poezive kam nevoje per lejen e autoreve, ndaj kjo eshte nje arsye me shume, pse me duhet nderhyrja konkrete nga ana juaj.

[Ma-Origano]

Poezite nuk mund te them, se do te lexohen, sepse ne mbremje studentore me shume kercehet e pihet, gjithsesi mund te them me siguri se poezite do te vendosen si dekoracion ne mure. Une do ta bej me dije se kemi keto e keto poezi nga keta e keta autore dhe do t'i ftoj te gjithe te gjejne kohen t'i lexojne. Ndonje e lexojme dhe me te vertete para te gjitheve.
Cfare mund te bej une qe te deshmoj, se poezite u shfrytezuan realisht per dekorim? Te sjell foto nga mbremja.

Jeni te mirepritur. Kohe ka deri neser ne oret e drekes. Mua me erdhi vetem me vonese nje ide e tille e ndoshta per vitin tjeter do mund te aplikohet nga organizuesit e rinj dhe kerkimin e fillojne shume me perpara se une kete radhe.

[Ma-Origano]

Shqipja

Na mekoi qumshti i gjirit
Na ushqeu gjuhe e shpirtit
Na gjumoi nder perralla
Me e embla shqipe-fjala.

Dhe kur flisnim capra cupra
Ishin rrokje, fjale te bukura
Ishin vete kuptimi i jetes
Shqiptarisht dhe asgje tjeter.

Dhe ne ka pak atavizma
Mbetet gjuhe me fisnikja
Dhe ne mes te pabesise
Mbetet firma e Shqiperise!

[Ma-Origano]

ATDHE

Gerxhe ngado ku shkel
Ku je, o Atdheu im?
Vetem gerxhin tend dua te ndjej
Mes gerxhesh ketu ne mergim!

Ne token qe duket e njejte
Rremoj e rremoj si i mar'
Te ndjej eren e dheut te shenjte
Eren e gerxhit shqiptar!

Vazhdoj e vazhdoj kerkimin
Une mergimtari eksplorator
Atdheun e gjej tek shpirti
Dhe shpirtin tek Atdheu, njelloj!

[Ma-Origano]

Shpirti shqiptar

Shqiptarlleku me thote:S'kam nevoje per elozhe
Mbame, qofte e me pak, nga c'te mbaj une ty.
Ngado qe te ropatesh, gerxheve te kesaj bote
Mjafton qe te kam dhe me ke, aty!

Aty ku askush tjetersim s'mund te beje
Me blloqe kartash dhe vula identiteti.
Aty ku as Zoti me dore s'mund te vere
Se shpirti i tij, ne shpirtrat tona mbeti.

Aty cdo materie nje fjale do te thote
Fjalen qe qumeshti i nenes na dha
Aty cdo fjale e shperndare neper bote
S'do tradhtoje kurre, shpirtin shqiptar!

[Ma-Origano]

Pjeset me blu jane pjeset qe kam zgjedhur. Tek poezia e fundit (ta kishte shkruar edhe Brari kete dhe jam dakord dhe une) "shqiptarlleku" e prish vargun e me pas krejt poezine. Te mbetet nje shije me "llek" ne fund. Shume mire do mund ta ndryshoje ne "shqiptarizmi", sepse ne fakt kjo eshte fjala e sakte. Shqiptarlleku eshte hera e pare qe une e lexoj te shkruar. Nese e ndryshon qe sot nga si eshte ne "shqiptarizmi" une e marr ne formen e ndryshuar.

[Ma-Origano]

KOSOVES

Pengu me i madh i kohes
Shqipetarja-Kosove
Lume i pashtershem lotesh
Mes te shurdheres bote.

[Ma-Origano]

C'u perpoqen te te c'benin
Ne materie dhe ne shpirt
Mos e kishe tendin zerin
Asnje gen shqipetarisht.

[Ma-Origano]

S'ishin fqinj, i bere fqinj
Sllavoserbet e barbarise
S'ishin miq, i bere miq
Zuzarmiqt' e pabesise...

[Ma-Origano]

Durimmadhja shekullore
Po vjen dita e bekuar
Dhe ne harten e kesaj bote
Te kesh emrin e nderuar.

[Ma-Origano]

Atdheu

Dëgjoj tek flitet për atdheun,
këtë copë imagjinare buke,
kafshuar nga gjuha shumëgojëshe
e më vjen të puth...

[Ma-Origano]

Ç`fjalë është kjo?
Tingull i mbytur i buzëve,
apo krismë e pushkës a kollës?

[Ma-Origano]

Atdheu është kudo,
Kudo mbaj mishin në krahë,
kokën mbi supe,
mendimet, zhurmën,
kockat, trurin, miqtë, të tjerët,
A më mbajne ata mua si rruga turmen

[Ma-Origano]

Ç`gjuhë flasin të vdekurit?
Anglisht në parajse?
Po në skëterrë?
Atdheu lëviz shpejt,
Atdheu ringjallet, vdes,
Shqiptar, grek apo kinez

[Ma-Origano]

Duhen lëruar tokat me spirancë,
zgjidhur kuajt në lëmë,
kafshët ripërtypëse në mencë,
Katror është atdheu, 105 gradë,
dyqan i mbyllur kur flemë,
kater horizonte si qeli,
i rrumbullt nga hëna,
pikë në hartë,
kur shuhet dielli, i zi,
pulson në gji, njeri,
ha,pi, zgjohet, fle,
plak, fëmijë,
une e ti

[Ma-Origano]

Ra përdhe e puthi tokën
nuk dinte se ku kishte kokën






At the?
Dhe the?
Dhe?

Atë atë,
atë dhe
Na dhe

Dhe je Atë,
Dhe dhe ne

Ati ynë
në qiell...

[Ma-Origano]

Rri ulur Atdheu plak,
La me lot e la me gjak.
Mijera vjet histori,
me shume rob se ne liri.

[Ma-Origano]

Vetem qan e renkon,
trojet e veta kerkon...
Buza vetem i buzeqesh,
kur sheh bijte me armet ngjesh.

[Ma-Origano]

Nga cdo ane vjen ze i burrit ,
mu ne Diten e Flamurit,
Nga cdo ane vjen ze i trimit,
ne kete dite te bashkimit.

[Ma-Origano]

Jam Kosova e trimerise,
Lulja e bukur e Shqiperise.
Me coi Isa shpirtbiluri,
me tha:"Te therret Flamuri".

[Ma-Origano]

Ilirides jam Iliri,
dhe i lire dua me mbet.
Per cfardo xhevahiri,
Shqiperine s'e jap per jete.

[Ma-Origano]

Jam Ulqini , jam Malesia,
edhe mua me therret liria.
Jam Malesia e Dede Gjon Lulit,
jam shqiponja ne pale te flamurit.

[Ma-Origano]

Tungjatjeta Nene Shqiperi,
Une jam Cami tek ti vij.
Shqiperi te qofsha fal,
te kam nene e me ke djale.

[Ma-Origano]

Jam Presheva neno moj,
nuk mund me te duroj.
Jam flamuri kuq e zi,
S'rri dot me ne roberi.

[Ma-Origano]

dashur Nene Shqiperi,
Ja dhe nje porosi.
Te fala nga mergimtaret,
lot e djerse margaritaret.
Larg ne dhe te mergimit,

[Ma-Origano]

shtruam sofren e bashkimit,
mu ne diten e vertete,
Rrofsh moj Shqiperi per jete.

[Ma-Origano]

FLAMURI

Deti mbin shkumë mbi përgjumjen e ilirëve.
Shekujt arbërorë zhveshën robërinë prej supeve.
Rapsodët rrënqethën lahutat me “liridona”.
Plisi i Kosovës ngrihet mbi kryet e statujës,
jeleku prehet mbi rrjedhën e lashtë të gjakut,
qëndisma e flaktë lidh në jetë cungimin e trupit.
Troku i shekullit ngrin hapat me Isa Boletinin
Në njomjen e buzëve me lotët e flamurit.

[Ma-Origano]

Në ndërtimin e monumentit të Rugovës

Dhimbje është, je
kur mendja nis të kërkojë një pse.

[Ma-Origano]

Dhimbje është, je
kur çka le pas rënkon mbi dhe.

[Ma-Origano]

Zemër është, je
kur njeriu për ty bën be

[Ma-Origano]

Zemër është, je
kur jeta jote mban aromë mëmëdhe.

[Ma-Origano]

Mendje është, je
kur mes ujqërve mbetesh në jetë.

[Ma-Origano]

Mendje është, je
kur urtia jote i fal një populli shpresë.

[Ma-Origano]

Dhimbje-zemër-mendje je,
në krah të Skënderbeut vëlla,
shqipe krenare me dy koka
mbi një flamur të kuq si zjarr.

[Ma-Origano]

Ngrije kokën yll, eshtrat po mardhin

Po, edhe eshtrat mardhin,
në qese plasmasi frymën ia marrin,
dhe i thonë të rriten nga mituria,
dhe i thonë të rinohen nga pleqëria,
dhe i thonë të ndërrojnë emër,
dhe i thonë të ndërrojnë farë,
dhe i thonë se janë ushtarë,
dhe i përdhunojnë sa iu do xhani,
dhe i qeshin në kishën e zezë,
përtej kufirit gëzojnë hamës
festojnë përdhunimin tonë
që i ngectë në fyt gazi
atyre e këtyre që për përdhunuesit
edhe gjuhën e falin,
e presin deri në rrëzë dhe i thonë,
se s’është më shqip,
e nxjerrin nga zgavra zemrën dhe i thonë,
se s’rreh më shqip,
e shkulin nga truri mallin dhe i thonë,
se s’është lindur nga mëma dhe ati
e gërryejmë mundin ne me
gjuhëprerët, zemërnxjerrët, trushkulurit,
se edhe eshtrat mardhin, po mardhin,
frymën në qese plasmasi ia marrin,
e kundron përdhunimin një botë
dhe e vuan në trup kjo tokë
mbi të cilën flen ti?
Eshtrat po këlthasin,
flen ti yll?
Eshtrat po i vrasin,
flen ti?
Zgjohu, ndritu, yll zemërzjarr
mbi njeriun tënd dhe të vdekur, dhe të vrarë

[Zero Cool]

Rreth flamurit të përbashkuar
Me një dëshir` e një qëllim,
Të gjith` atij duk` ju betuar
Të lidhim besën për shpëtim.
Prej lufte veç ay largohet
Që është lindur tradhëtor,
Kush është burrë nuk frikohet,
Po vdes, po vdes si një dëshmor!
Në dorë armët do t`i mbajmë
Të mprojmë atdhenë më çdo kënt,
Të drejtat tona ne s`i ndajmë;
Këtu armiqtë s`kanë vënt.
Se Zoti vetë e tha me gojë
Që kombe shuhen përmi dhe,
Po Shqipëria do të rrojë;
Për të, për të luftojmë ne!

O flamur, flamur, shenj` e shenjtë,
Te ty betohemi këtu,
Për Shqipërin` atdhen` e shtrenjtë,
Për nder` edhe lavdimn` e tu.
Trim, burrë quhet dhe nderohet
Atdheut kush iu bë theror;
Për jet` ay do të kujtohet
Mi dhet, mi dhe si një shenjtor!

[Zero Cool]

GËZUAR MBARË SHQIPTARËVE DITA E SHENJTË E FLAMURIT !!!

TASH FESTOJMË

Na kanë shtypë
Shum perandori
Romakët e turqit
Dhe Shtriga Serbi

Nëpër luftat çlirimtare
Kemi derdhë shum gjak
Deri në shekullin e ri
Nuk na kanë dhanë hak

Gjysh e gjyshe
Na i kanë vra
Edhe prindët
I kanë përla

Shum herë
Tokën na e kanë djegë
Me na lanë
Të varun n’degë

Para nji shekulli
U ngrit mbarë shqiptaria
Me e fitue pamvarsin
Me u lirue nga Turqia

N’Grykë të Kaçanikut
E n’Malsi t’Mbi Shkodrës
Anekand tokave tona
Fushës, shpatit e kodrës

Marigona qëndisi flamurin
Burrat u mblodhën n’Vlonë
E shpallën pamvarsin
E Shqipnis sonë

Ismail Qemali
Dom Nikoll Kaçorri
Gurakuqi e Boletini
Lajmi botën mori

Bukur hidhej vallja
Bahej festë e madhe
Kangët seç jehojshin
Në Vlonën Krenare

28 Nandor
Njimijenandqindedymbdhetë
Qofsh i bekuem
E krenar përjetë

Gzim të madhe kemi
Si plaku si fmija
Edhe n’Kosovë
Tash lulzon Lirija

Vuejtja e lutja
Tash po na pranohet
Mbarë kombi shqiptar
Ngadalë po bashkohet

Tash ka ndrrue koha
Ma nuk do t’luftojmë
N’mbarë trojet shqiptare
Gzueshëm po festojmë

Rrnoftë Shqipnia
Deri n’amshim
Shnet e fat pastë
Kombi ynë trim

Kudo janë shqiptarët
N’tokat e Ilirisë
Lulzofshin traditat e shejta
Të shqiptarisë

[Zero Cool]

O flamur gjak, o flamur shkabë
O vend e vatër, o nën' e babë,
lagur me lot, djegur me flakë,
flamur i kuq, flamur i zi

[Zero Cool]

Na perflet gjith bota..
bashk me ta dhe Evropa,
emri Shqiptar njihet,
nga bemat qe bejm dihet.

Kemi egersin e shqipes malit,
me dashurin ton vrasim dhe djallin,
rritur ashtu kembe zbathur,te uritur,
me uj te malit, etjen shuajtur...

Nen lotet e nenave duke u lare,
nen driten e diellit duke u thare..
ne lendine jastek kishim lulet,
dhe barin djep qe lekundet..

Shqipe mali na therrasin,
emrin shqipe dun t'na vrasin.
Emrin shqipe ta ngrem lart n'qiell t'hapur
atje ku dhe rrufeja dot se kap

[natyra]

**Urime DITELINDJES se 28 Nentorit 1912
te Shpalljes se PAVARESIS
e kur per here te pare ne SHQIPTARI
**Kjo dite MADHESHTORE **
kishte prekur qdo ZEMER patriotizmit te DEVOTSHEM
ME GJAK SHQIPTARI mrenda dhe jashte SHQIPERISE**
NE DITEN E SHLIRIMIT TE SAJ**
Dhe fatkeqsishte ATO ZEMRA U ndan,u coptun,u roberun...
SHUM VITE ME RADHE...QE NGA SHOVENIZMI ISH JUGOSLLAV!!!
Cila dhe pas SHPARTALLIMIT te saj NUK HOQI DOR...
dhe akoma SOT eshte PREZENT NE KOSOVEN TON...
Pikerisht ne VERIUN E MITROVICES!
Qe tani e sa muaj e mban nen (ekupim)
ate TERRITOR dhe zgjidhje s`po ka!
Quditerisht,kaluan vite me radhe pas lirimit te luftes se fundit ne KOSOVE.
Ku dhe menduam se gjitheqka ishte ne Liri...
Por si duket qenkem ZHGENJYER!!!

`...dhe sa do kaloin, kete askush s`po e din! O KUR DO BEHEMI PER TE QENUNIT (te bashkuar) E TE LIRE ... (kete askush s`po e merr per mi)http://static.forumishqiptar.com/images/smilies/ohplease.gif!!! NDAJ-ZGJOHU SHQIPTARI...

..autore
Hajla Rugovase&Natyra

mcs,vargjet e mia me pak fjale,nderlidhen ne te dya format..poezi dhe fragment..

p.s.besoi te mos e kam prish temen!

Faleminderit...GEZUAR DARDANI...

[GURI SYLAJ]

28 Nentore 2012 !!

Njeqind vjete po e ruaj gurin,
pesqind vjete po e ruaj Flamurin!
Njeqind vjet me nate mbi krye,
njeqind vjete s'kan mujt me me thye!
Njeqind vjete me djepa plot,
njeqind vjet po e pres kete mot!
Njeqind vjet se humba shpresen ,
njeqind vjete e mbajta besen!
Njeqind vjete me zjarr ne oxhak ,
njeqind vjete s'muj mora hak!
Njeqind vjete po e rriti trimin ,
njeqind vjete po e prese bashkimin!
Njeqind vjet po u therras me loder,
njeqind vjete po u pres ne kete voter!
Njeqind vjete po e pres kete Mot,
marrue kjofte kush nuk vjen sot!!

[e-uritura]

28 Nentore 2012 !!

Njeqind vjete po e ruaj gurin,
pesqind vjete po e ruaj Flamurin!
Njeqind vjet me nate mbi krye,
njeqind vjete s'kan mujt me me thye!
Njeqind vjete me djepa plot,
njeqind vjet po e pres kete mot!
Njeqind vjet se humba shpresen ,
njeqind vjete e mbajta besen!
Njeqind vjete me zjarr ne oxhak ,
njeqind vjete s'muj mora hak!
Njeqind vjete po e rriti trimin ,
njeqind vjete po e prese bashkimin!
Njeqind vjet po u therras me loder,
njeqind vjete po u pres ne kete voter!
Njeqind vjete po e pres kete Mot,
marrue kjofte kush nuk vjen sot!!


Kjo poezi meriton të shpallet shkrimi i Vitit!

Të lumtë dora dhe mendja i nderuar!