Të drejtat e grave

[Preshevar]

TË DREJTAT E GRAVE -


Në qytetërimet antike e mesjetare si ai i grekëve, hebrenjve, krishterëve të hershëm, hindusëve e ai i kinezëve, gratë nuk gëzonin praktikisht asnjë të drejtë e mos të flasim më për arabët paraislamikë! Ato, para ardhjes së Islamit, trajtoheshin ashtu siç trajtohet kafsha. Në shumë vende të botës, gratë përgjithësisht vështroheshin si robëresha, ose, thënë më mirë, si shërbëtore shtëpiake, detyra kryesore e të cilave ishte që t’u shërbejnë meshkujve e t’i kënaqin ata duke ua plotësuar dëshirat seksuale. Femra konsiderohej artikull i shitshëm apo lëndë e shitjes testamentare. Filozofët e antikitetit për shumë kohë diskutonin rreth çështjes se a është femra qenie njerëzore apo jo?!

Nëse i lutemi historisë për të na dhënë informata rreth asaj se a kishin gratë të drejta në lidhje me çështjet martesore, pronësinë e pasurisë, trashëgimisë etj., do të shohim se do të marrim përgjigje negative. Poligamia ishte e zakonshme thuajse në të gjitha shoqëritë pa vënë kufi në numrin e grave që i merrnim për një herë. Lindja e një vajzeje konsiderohej si shenjë e keqe dhe paraqiste shkak turpi për familjen, veçanërisht në shoqërinë pagane arabe dhe, si pasojë, atë vajzë e varrosnin të gjallë. E tillë ishte gjendja edhe e atyre grave (që gjendeshin afër) në lindjen e Muhammedit alejhi selam...

Islami e ngriti statusin e femrës prej plaçkës në qenie njerëzore. Në bazë të Islamit, pra, mashkulli dhe femra burojnë prej sojit të njëjtë. Të dytë janë anëtarë të sojit të njëjtë dhe që të dy janë të lindur prej prindërve të njëjtë. Kur`ani Famëlartë thotë: “O ju njerëz! Kini frikë Zotin tuaj i Cili ju ka krijuar prej një veteje (njeriu) dhe nga ajo krijoi palën (shoqën) e saj, e prej atyre dyve u shtuan shumë burrra e gra!...” (Kur`an, 4: 1). Zoti i Madhërishëm e krijoi Ademin alejhi selam dhe prej tij e krijoi Havën alejha selam dhe prej këtij çifti u bënë shumë qenie njerëzore. All-llahu i Lartësuar gjithçka ka krijuar në çifte (Kur`an, 51: 49), e mashkulli dhe femra formojnë një çifte prej krijimeve të të Madhërishmit. Mashkulli dhe femra janë pjesëtarë dhe anëtarë të sojit njerëzor dhe Kur`ani Famëlartë pandryshueshëm i quan ata bashkëshortë të njëri-tjetrit ose ndihmëtarë e shoqërues të njëri-tjetrit. Si të tillë, pra, të dytë sëbashku si qenie njerëzore, burrat dhe gratë janë të barabartë në kamjen e të drejtave dhe obligimeve të njëjta. Me bashkimin e mashkullit dhe femrës formohet familja. Burri është i ati dhe njëherit është ushqimsjellësi i shtëpisë, përkundër të cilit, gruaja është e ëma dhe njëherit është zonja e shtëpisë duke e administruar shtëpinë dhe duke i edukuar fëmijët. Roli i të dyve është njëlloj esencial për kauzën dhe përparimin e shoqërisë. Më tej, roli i grave në shoqëri dhe në shtëpi është i ndarë në katër lloje, edhe atë si nënë, bashkëshorte, bijë dhe motër. Në vazhdim, pra, do të diskutojmë rreth të drejtave që i jep Islami për femrën. Rrespektivisht, ne do të sjellim të dhëna për secilin rol të femrës veç e veç:

[Preshevar]

Si Nënë:

Gruaja, si nënë, gëzon një status unik të nderit dhe rrespektit në shoqërinë muslimane.
Detyra e parë dhe kryesore e qenies njerëzore është që ta adhurojë vetëm All-llahun e Lartësuar. Menjëherë pas kësaj është obligimi për t’i rrespektuar prindërit dhe për t’iu bindur atyre. Kur`ani Famëlartë thotë:

1) “Adhurojeni All-llahun e mos i shoqëroni Atij asnjë send, silluni mirë ndaj prindërve!...” (Kur`an, 4: 36).

2) “Zoti yt ka dhënë urdhër të prerë që të mos adhuroni tjetër pos Tij, që të silleni në mënyrë bamirëse ndaj prindërve. Nëse njërin prej tyre, ose që të dy, i ka kapur pleqëria pranë kujdesit tënd, atëherë mos u thuaj atyre as “of - oh”, as mos u bë i vrazhdë ndaj tyre, po atyre thuaju fjalë të mira (të buta, respektuese). E në shenjë mëshire shtrije pranë tyre krahun përulës e rrespektues dhe thuaj: “Zoti im! Mëshiroi ata të dy, sikurse më edukuan mua kur isha i vogël!” (Kur`an, 17: 23-24).

Në këtë mënyrë, pra, ajetet e sipërcekura të Kur`anit Famëlartë i pozicionojnë obligimet ndaj prindërve menjëherë pas obligimeve ndaj Zotit të Lartësuar. Në mesin e prindërve, pozita e nënës për sa i përket dëgjueshmërisë është lartësuar më shumë në krahasim me pozitën e babait, nga fakti se nëna është ajo që merr më shumë sakrifikon dhe vuan për fëmijët. Në ajetet vijuese Kur`ani Famëlartë në mënyrë specifike i përmend shërbimet e nënës në mbartjen dhe edukimin e fëmijës. Në të thuhet:

1) “Ne njeriun e kemi urdhëruar për (sjellje të mira ndaj) prindit të vet, sepse nëna e vet atë e barti me mund pas mundi dhe pas dy viteve ia ndau gjinin. (E porositëm) Të jetë mirënjohës ndaj Meje dhe ndaj dy prindërve të tij, sepse vetëm tek Unë është kthimi juaj!” (Kur`an, 31: 14).

2) “Ne e urdhëruam njeriun t’u bëjë mirë prindërve të vet, ngase nëna e vet me mundim e barti dhe me vështirësi e lindi, e bartja e tij dhe gjidhënia e tij zgjat tridhjetë muaj (e ai vazhdon të jetojë) derisa ta arrijë pjekurinë e vet dhe kur t’i mbush dyzet vjet ai thotë: “Zoti im, më inspiro mua që të falënderoj për të mirën Tënde që ma dhurove mua dhe prindërve të mi, që të bëj vepra të mira që i pëlqen Ti dhe m’i bën të mirë pasardhësit e mi! Unë pendohem te Ti dhe unë jam me muslimanët”!” (Kur`an, 46: 15).

Në vazhdim kemi renditur disa hadithe të Pejgamberit alejhi selam për të vënë theks mbi statusin e nënës dhe për t’i nxitur besimtarët për ta rrespektuar nënën dhe për t’iu bindur asaj me qëllim që ta fitojnë kënaqësinë e All-llahut të Lartësuar:

1) Mugire (All-llahu qoftë i kënaqur prej tij!) rrëfen se Pejgamberi alejhi selam ka thënë: “All-llahu i Lartësuar e ka bërë të paligjshme mosbindjen ndaj nënës suaj, varrosjen e bijave tuaja të gjalla dhe refuzimin e njerëzve që kërkojnë ndihmë nga ju! Gjithashtu, Ai nuk i pëlqen as thashethemet e pavlefshme, pyetjet e shpeshta dhe shkapërderdhjen e pasurisë!” [Transmeton Buhariu dhe Muslimi].

2) Muavije ibën Xhehime (All-llahu qoftë i kënaqur prej tij!) tregon se Xhehime erdhi te Pejgamberi alejhi selam dhe i tha: “Kam ndër mend të vij me ty në luftë, andaj erdha të konsulltohem”, kurse Pejgamberi alejhi selam ia ktheu: “A e ke nënën (gjallë)?”, pastaj kur ai i dha përgjigje pozitive, Pejgamberi alejhi selam i tha: “Atëherë, qëndro afër saj, ngase Xhenneti është nën këmbët e saj!” [Transmeton Ahmedi, Nisai dhe Bejhakiu].

3) Behaj ibën Hakimi (All-llahu e mëshiroftë!) përcjell nga babai i tij, e ky nga gjyshi i se e ka pyetur Pejgamberin alejhi selam: “O i Dërguari i All-llahut! Kujt duhet t’i bindemi më së shumti? Pejgamberi alejhi selam i tha: “Nënës sate!”. E kush është i ardhshmi? – “Nëna jote!”. Pastaj? – “Nëna jote!”. Pastaj? – “Babai yt!”. Pastaj? – “Farefisi i afërm!”. Pastaj? –
“Farefisi më i largët!” [Transmeton Tirmidhiu dhe ebu Davudi].

Nëna është qendra e vëmendjes për gjithë anëtarët e familjes në shtëpinë muslimane dhe pikëpamjet e saj mbartin peshë të madhe në të gjitha çështjet familjare. Krahas rrespektit dhe nderimit, nëna gëzon shumë të drejta të tjera legale. Asaj i është dhënë e drejta për të marrë hise nga trashëgimia e fëmijëve të saj dhe, në rast se nuk posedon mjete të mjaftueshme për jetesë, ata (fëmijët e vet) janë të obliguar sheriatikisht që të sigurojnë mirëmbajtje për të, kuptohet në bazë të nevojave.

[Preshevar]

Si Bashkëshorte:

All-llahu i Lartësuar ka krijuar gjithçka në çifte, së këndejmi, mashkulli bashkë me femrën formojnë një çift. Kur`ani Famëlartë thotë: “All-llahu krijoi për ju bashkëshorte nga vetë lloji juaj, e prej bashkëshorteve tuaja - fëmijë e nipa dhe ju furnizoi me (ushqime) të mira. A besojnë ata të pavërtetën, e të mirat e All-llahut i mohojnë?” (Kur`an, 16: 72). Zoti i Madhërishëm ka krijuar dashuri dhe dhembshuri ndaj këtyre dyve dhe Kur`ani Famëlartë gruan e quan si begatuese, ngase burrat begatohen me pasradhës përmes grave të tyre. Në një vend tjetër, Kur`ani Famëlartë e shpreh lidhshmërinë e ngushtë mes burrit dhe gruas duke i quajtur ata si prehje të njëri-tjetrit. Ai thotë: “Natën e agjërimit u është lejuar afrimi te gratë tuaja, ato janë prehje për ju dhe ju jeni prehje për to!...” (Kur`an, 2: 187).

Prandaj, Kur`ani Famëlartë i urdhëron besimtarët për t’iu bërë mirë grave dhe për t’i trajtuar këndshëm. Urdhëri relevant për këtë çështje është: “...Çoni jetë të mirë me to! Nëse i urreni ato, bëni durim se ndodh që All-llahu të japë shumë të mira në një send që ju e urreni!” (Kur`an, 4: 19). Muslimi (All-llahu qoftë i kënaqur prej tij!) transmeton se Pejgamberi alejhi selam ka thënë: “Asnjë besimtar mos ta urrejë ndonjë besimtare! Nëse ai e urren ndonjë tipar të karakterit të saj, ai mund të jetë i kënaqur me ndonjë tipar tjetër që është në karakterin e saj!”. Në një hadith tjetër që e transmeton ebu Hurejra (All-llahu qoftë i kënaqur prej tij!) rrëfen se Pejgamberi alejhi selam ka thënë: “Besimtari më i përsosur është ai që ka sjellje më të mirë dhe më i miri prej jush është ai që është më i mirë ndaj gruas/grave së/të vet/a!”. Një grua e virtytshme është bekim dhe dhuratë e madhe që All-llahu i Lartësuar ia jep dikujt. Për ta argumentuar këtë, do ta sjellim një hadith të Pejgamberit alejhi selam që e transmeton ibën Maxhe (All-llahu qoftë i kënaqur prej tij!) në lidhje me këtë: “Pas frikës ndaj All-llahut të Lartësuar, besimtari nuk mund të ketë gjë më të mirë sesa një grua të virtytshme! Nëse ai e urdhëron për diçka, ajo i bindet; nëse e shikon, ajo i jep buzëqeshje; nëse i thotë diç, ajo e kryen atë dhe nëse ai nuk është prezent, ajo e ruan nderin e vet dhe pasurinë e tij!”.

Gruaja gëzon shumë të drejta në Islam. Të drejtat e saj si bashkëshorte në lidhje me martesën, prikën, shkurorëzimin, trashëgiminë, mirëmbajtjen ejt., janë garantuar nga Islami. Këto të drejta shkurtimisht i kemi shtjelluar në vargjet e mëposhtme:
1. Martesa, sipas Ligjit islam, është marrëveshje mes burrit dhe gruas dhe se kjo e fundit është e barabartë me partnerin e saj. Gjithashtu, sipas tij (Ligjit islam), asnjë martesë nuk quhet valide nëse bëhet pa vullnetin dhe pëlqimin e nusës. Ajo ka të drejtë të disponojë me mjetet që janë miratuar në atë marrëveshje, ndërsa burri i saj legalisht është i obliguar që t’i rrespektojë dhe t’i përmbushë kushtet e përcaktuara.

2. Gruaja në mënyrë absolute e gëzon të drejtën e marrjes së mehrit (prikës) nga burri i vet. Mehri mund të jetë në të holla në dorë ose në të mira tjera materiale. Më tej, nuk është bërë me dije në Kur`an e as në Sunnet se sasia e mehrit duhet të jetë kaq apo aq, që do të thotë se ai mund të përcaktohet lirshëm. Përfundimisht, ai është pjesë e nevojshme e kontratës martesore dhe është detyrë e domosdoshme për burrin që ta japë atë shumë kundrejt gruas së vet.

3. Gruaja ka disa mjete ligjore mbrojtëse në rast se burri i saj paarsyeshëm e shfrytëzon fuqinë e tij për të shkaktuar divorc. Në situata të pashmangshme, asaj i është dhënë e drejta për t’u shkurorëzuar nëpërmjet gjyqit. Një prej llojeve të shkurorëzimit është edhe ai “Hula”, në të cilin ajo ia dorëzon burrit të vet një pjesë të mehrit apo, në disa raste, të tërin. Për më tepër, vetë ajo mund ta ushtrojë fuqinë për t’u shkurorëzuar nëse e njëjta i është asaj në kontratën e martesës.

4. Gruaja është një prej trashëgimtarëve legalë të pasurisë së burrit në rast se ky i fundit vdes para saj. Asaj, pra, gjithashtu i është dhënë e drejta për ta trashëguar pronën e lënë nga burri i saj. Kur`ani Famëlartë thotë: “...Atyre (grave) u takon një e katërta nga ajo që lini ju, nëse nuk keni fëmijë, por nëse keni fëmijë, atyre u takon një e teta!...” (Kur`an, 4: 12).

5. Krahas dashurisë dhe trajtimit të mirë, gruas i është dhënë e drejta edhe për t’u mirëmbajtur nga burri saj në çështjen e ushqimit, veshmbathjes dhe vendbanimit. Hadithet vijuese i theksojnë të drejtat që i kanë gratë në lidhje me ushqimin, veshmbathjen dhe trajtimin e butë ndaj saj:

1) Hakim ibën Muavije (All-llahu qoftë i kënaqur prej tij!) përcjell prej babait të vet: Unë pyeta: “O i Dërguari i All-llahut! Çfarë të drejta kanë gratë tona ndaj nesh? Pejgamberi alejhi selam ia ktheu: “Duhet që ta ushqesh kur ti të ushqehesh; të sigurosh veshmbathje për të pasi të kesh siguruar për veti dhe mos ta godasësh, mos ta ofendosh e mos ta braktisësh (mos të dalësh nga shtëpia)!” [Transmeton Ahmedi, ebu Davudi dhe ibën Maxhe].
2) Xhabir ibën Abdullahu (All-llahu qoftë i kënaqur prej tij!) se Pejgamberi alejhi selam ka thënë: “Frikësojuni All-llahut në lidhje me gratë! Me të vërtetë ju jeni martuar me to nën Kujdesin e All-llahut dhe ju janë ligjësuar pjesët e tyre të turpshme me Fjalën e Tij! E drejta juaj mbi to është që ato nuk duhet ta gostisin askënd pa lejen dhe pëlqimin tuaj. Nëse e bëjnë këtë, rrihni pa u shkaktuar lëndim. E drejta e tyre mbi ju është që t’u siguroni ushqim dhe veshmbathje në pajtim me nevojat!” [Transmeton Buhariu dhe Muslimi].

3) Në fjalimin e fundit që Pejgamberi alejhi selam e mbajti në Arafat në haxhin lamtumirës në vitin e dhjetë hixhrij, mes tjerash, tha: “O njerëz! Vërtet ekzistojnë të drejta në favor të grave tuaja të cilat janë të detyrueshme për juve dhe ekzistojnë të tjera në favor tuajin e që janë të detyrueshme për to. Sa i përket asaj se cilat janë të drejtat tuaja mbi to, konsiderohen si vijon: Ato nuk duhet të lejojnë që shtrati juaj të shtypet nga ndokush tjetër pos nga ju; nuk duhet të lejojnë të hyjë ndokush në shtëpinë tuaj pa lejen dhe pëlqimin tuaj dhe nuk duhet të bëjnë turpësi! Nëse i bëjnë këto, atëherë keni leje prej All-llahut që t’i qortoni, t’i largoni prej shtratit dhe t’i goditni pa u shkaktuar lëndim serioz. E nëse i përmbahen këtyre rregullave, atëherë është detyrë juaja që t’u siguroni ushqim dhe rrobe ashtu si duhet. Më tej, ju urdhëroj që t’i trajtoni ato mirë, sepse ato janë shtyllat e shtëpisë suaj, duke mos poseduar asgjë përveç vetvetes, ndërsa ju, shikuar nga ana juaj, i merrni ato si dhuratë nga i Lartësuari dhe kënaquni me to në Emër të Tij! Kini dro All-llahun në lidhje me gratë tuaja dhe trajtoni me butësi! Vallë, a jua komunikova atë që u porosita?”, ndërsa 100.000 haxhinjtë e pranishëm thanë “PO” me tërë fuqinë e zërit të tyre, e Pejgamberi alejhi selam kur i dëgjoi ata, tha: “O Zot, dëshmo për këtë!” [Ibën Hishami citon nga Dr. Hamidullahu].

[Preshevar]

Si Bijë:

Kur`ani Famëlartë në ajetet 58-59 të kaptinës së 16, pikturon një pamje mëse të vërtetë të arabëve paganë kur ata lajmëroheshin se kishin vajzë. Në të qëndron: “Kur ndonjëri prej tyre lajmërohet me (lindjen) vajzë, fytyra e tij prishet dhe bëhet pot mllef. Fshihet prej njerëzve, për shkak të asaj të keqeje me të cilën u lajmërua (e konsideron bela, e jo dhuratë prej Zotit). Mandej, (mendon) a do ta mbajë atë, ashtu i përulur, apo do ta mbulojë atë (të gjallë) në dhe. Sa i keq është ai gjykim i tyre!” (Kur`an, 16: 58-59). Meqë praktimi i mbytjes dhe varrimit të vajzave është gjë e keqe dhe tepër jonjerëzore, Kur`ani Famëlartë jo vetëm që e ndëshkoi, por edhe e hoqi tërësisht (prej praktikës). Ai thotë: “Ju mos i mbytni fëmijët tuaj nga frika e varfërisë, se Ne ua sigurojmë furnizimin atyre dhe juve, e mbytja e tyre është mëkat i madh!” (Kur`an, 17: 31). Pra, vrasja apo mbytja e bijës është një krim aq i urryer saqë në Ditën e Gjykimit All-llahu i Lartësuar as që do të dëshirojë të bisedojë me vrasësin e fëmijëve femra. Dëshmia e trupit të vajzës së varrosur do të mjaftonte për ta dënuar vrasësin përkatës...

Pejgamberi alejhi selam e ngriti statusin e vajzave duke premtuar shpërblime të mëdha në botën e ardhshme për ata që ushtrojnë trajtim të butë ndaj tyre (vajzave) dhe, gjithashtu (e ngriti statusin e tyre), duke lënë shembull të mirë me trajtimin e vet që kishte me bijat e veta. Hadithet vijuese janë që flasin rreth trajtimit të mirë ndaj tyre:

1) Enesi (All-llahu qoftë i kënaqur prej tij!) rrëfen se Pejgamberi alejhi selam ka thënë: “Gjithsecili që i mirëmban dy bija të vetat derisa ato ta arrijnë pjekurinë, në Ditën e Gjykimit do të jetë me mua sikur këta dy gishta” dhe e bashkoi gishtin tregues me të mesmin [Transmeton Muslimi].

2) Ibën Abasi (All-llahu qoftë i kënaqur prej tij!) rrëfen se Pejgamberi alejhi selam ka thënë: “Nëse ndonjëri prej jush i edukon tri bija të vetat ose tri motra, duke u mbjellur sjellje të mira dhe duke i trajtuar ato butësisht dhe me dashuri derisa mos të kenë më nevojë për atë, All-llahu i Lartësuar do ta bëjë Xhennetin të obligueshëm për të!”. Njëri prej të pranishmëve tha: “E nëse i ka vetëm dy?”, kurse Pejgamberi alejhi selam i tha: “Edhe nëse i ka vetëm dy!”. Ibën Abasi thotë se sikur njerëzit do të thonin edhe për një, Pejgamberi alejhi selam do ta thoshte të njëjtën gjë!” [Sharai Sunneh].

3) Ajshja (All-llahu qoftë i kënaqur prej saj!) tregon: “Një grua erdhi te unë me dy bijat e saj. Më përbetonte për t’i dhënë diçka, e unë nuk pata tjetër send për t’i dhënë përveç se një hurme, të cilën ia dhashë. Ajo e ndau atë në dy pjesë, ua dha dy bijave të saj, ndërsa për vete nuk mori asgjë dhe iku. Më pas, erdhi Pejgamberi alejhi selam dhe unë e informova për këtë. Ai tha: “Gjithsecili që vuan për ndonjë gjë për shkak të bijave të tij dhe sillet me butësi ndaj tyre, mes tyre dhe Xhehennemit do të vihet mburojë!” [Transmeton Buhariu dhe Muslimi].

4) Ibën Abasi (All-llahu qoftë i kënaqur prej tij!) rrëfen se Pejgamberi alejhi selam ka thënë: “Nëse ndonjëri prej jush ka një fëmijë femër dhe nuk e varros të gjallë, nuk i bën padrejtësi dhe nuk i parapëlqen fëmijët tjerë (djem) që i ka, i Lartësuari do ta pranojë në Xhennet!” [Transmeton ebu Davudi].

5) Suraka ibën Maliku (All-llahu qoftë i kënaqur prej tij!) rrëfen se Pejgamberi alejhi selam ka thënë: “A t’jua mësoj formën më të mirë të lëmoshës? Mirëmbajtja e bijës suaj që ju është lëshuar (nga burri), e cila nuk ka asnjë anëtar të afërt tjetër përveç juve!” [Transmeton ibën Maxhe].

6) Ajshja (All-llahu qoftë i kënaqur prej saj!) tregon: “Nuk kam parë njeri që i përngjante më shumë të Dërguarit të All-llahut sesa Fatimja. Kurdoherë që ajo vinte tek ai, ai e kishte shprehi të ngrihej për të dhe i fliste për dore, e puthte dhe ia lëshonte vendin ku ai qëndronte ulur” [Transmeton ebu Davudi].
Vajzave, gjithashtu, i është dhënë e drejta për të marrë pjesë në pronën e lënë të babait ose nënës së saj. Kur`ani Famëlartë urdhëron: “All-llahu ju urdhëron për (çështjen e trashëgimit) fëmijët tuaj: për mashkullin hise sa për dy femra; nëse janë (trashëgimtare) vetëm femra, dy e më shumë, atyre u takojnë dy të tretat e pasurisë që trashëgohet; nëse është një femër, asaj i takon gjysma!...” (Kur`an, 4: 11).

[Preshevar]

Si Motër:

Islami jep një status të nderuar femrave në pozitën e motrës. Asaj i është dhënë e drejta që të pranojë trajtim të mirë si nga prindërit ashtu edhe nga vëllezërit e saj. Në bazë të një hadithi që e transmeton ebu Davudi (All-llahu e mëshiroftë!), mund të konkludojmë se Pejgamberi alejhi selam u ka dhënë urdhër pasuesve të vet që mos të bëjnë diskriminime mes fëmijëve të tyre meshkuj dhe femra dhe na ka thënë që atyre t’u japim trajtim sa më të barabartë në dashuri dhe në gjëra materiale. Në rast të vdekjes së prindërve ose në paaftësi a moshëthellësi të tyre, përgjegjësia e mbikëqyrjes dhe edukimit të vajzave kalon tek vëllezërit e tyre. Pejgamberi alejhi selam i ka nxitur pasuesit e tij që t’i edukojnë motrat e tyre, t’u mësojnë atyre sjellje të mira dhe t’i trajtojnë me butësi. Hadithi vijues lëshon dritë mbi këtë fakt:

1) Ibën Abasi (All-llahu qoftë i kënaqur prej tij!) rrëfen se Pejgamberi alejhi selam ka thënë: “Nëse ndonjëri prej jush i edukon tri bija të vetat ose tri motra, duke u dhënë mbjellur sjellje të mira dhe duke i trajtuar ato butësisht dhe me dashuri derisa mos të kenë më ato nevojë për të, All-llahu i Lartësuar do ta bëjë Xhennetin të obligueshëm për të!”. Njëri prej të pranishmëve tha: “E nëse i ka vetëm dy?”, kurse Pejgamberi alejhi selam i tha: “Edhe nëse i ka vetëm dy!”. Ibën Abasi thotë se sikur njerëzit do të thonin edhe për një, Pejgamberi alejhi selam do ta thoshte të njëjtën gjë!” [Sharai Sunneh].
Sipas Kur`anit Famëlartë, motrës i është dhënë e drejta për të marrë hise në trashëgimi: “...Në qoftë se (i vdekuri) është mashkull ose femër, e trashëgohet nga ndonjë i largët (ngase s’ka as prindër as fëmijë) po ka një vëlla ose një motër (nga nëna), atëherë secilit prej tyre u takon një e gjashta , e në qoftë se janë më shumë (se një vëlla ose se një motër) ata janë pjesëmarrës të barabartë në të tretën (e tërë pasurisë)!...” (Kur`an, 4: 12); “...Nëse vdes një njeri që nuk ka fëmijë, por ka motër, atëherë asaj (motrës) i takon gjysma e pasurisë së lënë. Ai (vëllau) trashëgon tërë atë (që le motra) nëse ajo nuk ka fëmijë. Në qoftë se ato janë dy (motra që trashëgojnë), atyre dyjave u takojnë dy të tretat që lë ai. Në qoftë se janë vëllezër dhe të përzier burra dhe gra, atëherë mashkullit i takojnë dyfish më shumë hise se sa femrës...” (Kur`an, 4: 176).Martesa me motrën është ndaluar nga Kur`ani Famëlartë (Kur`an, 4: 23). Në këtë mënyrë, pra, zakoni i keq i martesës së vëllezërve me motrat, i cili ishte i përhapur në shumë qytetërime të vjetra, është shfuqizuar dhe është hequr nga Islami!












përktheu nga anglishtja: Arsim JONUZI 10.03.2008

shkëputur nga libri: Kodi Social në Islam

autor: Muhammed el-Kudri

[DEA]

Preshevar, lexoj te drejtat e Grave si nena,si motra
http://www.spiegel.de/panorama/justiz/0,1518,510671,00.html


http://www.spiegel.de/schulspiegel/0,1518,369481,00.html


http://www.stern.de/politik/panorama/:M%FCnchner-Ehrenmord-Prozess-Ein-Bekenntnis/599446.html


Cka thu ti ne lidhje me keta artikuj, qe jane veq nje pjes shume e vogel e gjithe atyre rasteve qe kane ndodhur ne dhjet vjetshin e fundit ne Gjermani.

Cfare drejtave sheh ti, aka te drejt nje myslimane te jetoj pa shami, nese se done ate, a e ka ate drejte, po nese seshte e lumtur ne martes , a ka te drejt te ndahet, a ka te drejt te vendos vet per fatin e saj, etj, etj,

[Murgesha]

Preshevar, lexoj te drejtat e Grave si nena,si motra
http://www.spiegel.de/panorama/justiz/0,1518,510671,00.html


http://www.spiegel.de/schulspiegel/0,1518,369481,00.html


http://www.stern.de/politik/panorama/:M%FCnchner-Ehrenmord-Prozess-Ein-Bekenntnis/599446.html


Cka thu ti ne lidhje me keta artikuj, qe jane veq nje pjes shume e vogel e gjithe atyre rasteve qe kane ndodhur ne dhjet vjetshin e fundit ne Gjermani.

Cfare drejtave sheh ti, aka te drejt nje myslimane te jetoj pa shami, nese se done ate, a e ka ate drejte, po nese seshte e lumtur ne martes , a ka te drejt te ndahet, a ka te drejt te vendos vet per fatin e saj, etj, etj,

DEA për ato gjëra (nuk e kuptoj gjermanishten por po bazohem në shkrimin tënd në shqipe) nuk ka faj islamizmi.

Fajtor janë besimtarët islam që kurr nuk e kanë kuptuar çfarë feje të mirë kan.

Islami qëndron larg prej dhunës, padrejtsive.

[Preshevar]

Preshevar, lexoj te drejtat e Grave si nena,si motra
http://www.spiegel.de/panorama/justiz/0,1518,510671,00.html


http://www.spiegel.de/schulspiegel/0,1518,369481,00.html


http://www.stern.de/politik/panorama/:M%FCnchner-Ehrenmord-Prozess-Ein-Bekenntnis/599446.html


Cka thu ti ne lidhje me keta artikuj, qe jane veq nje pjes shume e vogel e gjithe atyre rasteve qe kane ndodhur ne dhjet vjetshin e fundit ne Gjermani.

Cfare drejtave sheh ti, aka te drejt nje myslimane te jetoj pa shami, nese se done ate, a e ka ate drejte, po nese seshte e lumtur ne martes , a ka te drejt te ndahet, a ka te drejt te vendos vet per fatin e saj, etj, etj,

Më ngushtove moj DEA, se per fat te keq se kuptoj gjermanishtën.

Kurse sa per pytjet qe i parashtrove po te pergjigjem qe ke drejt te ndahesh, te vendosësh per fatin tend etj.. etj... a si lexove keto drejta qe ti postova a ?

Keto qe 14 shekuj nuk kan ndryshuar dhe nuk ndryshojn.

Fjala e Allahut eshte me e larta !

[DEA]

Po gjitha keto raste, jane disi te lidhur me islamin, vellau thot se , nuk pendohem qe vrava motren se mbrojta nderin, se ajo nuk deshi ta marre ate qe ja propozuam"

rasti tjeter burri e lidhe gruan me pranga ne der te autos dhe e lyen me benzin e e djeg per se gjalli, vetem e vetem se ajo ishte ndar me par nga ai.
dhe thot jam shume i lumtur qe e kam be kete veper, etj etj,


Thene te drejten sdi se me qka ka te bej, po gjithmon diqka e till ndodhe ne te shumten e rasteve tek ata te fes myslimane, pa i lene anash edhe nacionalitetet tjera.

[hasanmehmeti]

Po gjitha keto raste, jane disi te lidhur me islamin, vellau thot se , nuk pendohem qe vrava motren se mbrojta nderin, se ajo nuk deshi ta marre ate qe ja propozuam"

rasti tjeter burri e lidhe gruan me pranga ne der te autos dhe e lyen me benzin e e djeg per se gjalli, vetem e vetem se ajo ishte ndar me par nga ai.
dhe thot jam shume i lumtur qe e kam be kete veper, etj etj,


Thene te drejten sdi se me qka ka te bej, po gjithmon diqka e till ndodhe ne te shumten e rasteve tek ata te fes myslimane, pa i lene anash edhe nacionalitetet tjera.

Dea kam menduar qe je me gjere ne te menduar.

Ato gjera qe behen ne gjermani qe mjafte mire i njof shkrimet ne media nuk kane te bejne me Islamin.

Duhet nje diferencim i qarte i zakoneve dhe Islamit , kjo eshte ber disa here neper emisionet ne Zdf ,Ard etj, ku Imam te fese Islame qofshin gjermane (si pierr vogel) po ashtu edhe tjeret ( Abul Hussein etj) jane diferencuar nga keto se keto behen nga njerez me zakone te ulta.

Pse tia vesh Islamit kete ku thua ne arsyen tende per te mbrojtur Nderin .Sipas teje po i bije qe njerezit tjere qenkan te pandershem.

Ne Filozofi e kam cekur edhe me heret , morali dhe etika kan dallim .E para ndryshon sipas vendit ndersa e dyta eshte e pergjithshme.
Nese per nje moral te nje arabi apo deri vone edhe amerikani Homoseksualizmi ishte jo i moralshem , ne gjermani diqka e tille nuk shpreh rrezik per moralin e tyre.

Shumica e atyre qe i ke sjell ti neper gazeta e sidomos revista Spigel (qe sponozorohet nga jahudit dhe sekularistet) kane te bejne me njerez qe vetem si trashigimi e kan Islamin e jo qe kane njohuri per te.

Ta zeme edhe ne kosove ke raste te tilla, madje ligje te tilla ndodhin edhe sot ne kushtetuten e Lek Dukagjinit.

Apo rasti i Shqiptarit ne rrethine te Stuttgartit te gjermanis qe mbyti vajzen pse e kishte marre nje te huaj , ku dihet qe prindi skishte lidhje me Islam fare , ndersa Nena e saj me vone nxori nje liber mbi kete qeshtje.Apo ati qe mbyti bashkeshorten ne Aeroporte te Stuttgarit, keta skan pas lidhje me Islamin si fe.

Po te nisemi ashtu ateher nese je lexuese e Bildit shef qdo dite qe antare te komunitetit katolike vrasin femijet e tyre , i fusin ne frigorifer , bejne masakra madje diten e Kershendellave kete vite vrau nje gjermane 2 femijet e saj ne rrethine te münchenit.
A te themi ne qe keto jane nga te krishteret a , dhe te fajsojme besimin e tyre?
sigurisht se jo.
Njeriu pa u ber budalla ne koke nuk ben raste te tilla.

Ne Islam individi nuk gucon te bej keso akte, sado e dhimbshme te jete per familjen ajo i lihet gjyketes Islame qe pastaj ata vendosin mbi burgin apo denimin qe e meriton.

Duke shpersuar nga Ju ne diferencim te zakoneve te njerezve dhe Islamit apo ndoj besimi tjeter te le te pershendetur.

me t'mira.

ps/Murgesha te lutem , mos i quaj Besimtare ata qe bejne diqka te tille , mund ti quash musliman me emer , por jo Besimtare se kjo eshte grade e larte e atyre qe e njofin fene e Tyre .Ndersa veprimtaret e ketyre akteve jane me shume musliman te trashiguar siq jane shumica ne gjermani e turqve, e asesi Besimtare.

[DEA]

O ti HasanMehmeti, nese e ke lexu deri ne fund shkrimin tim, ndoshta nuk te ka ikur pa e lexuer ate qe e kam cekur " pa i lene anash edhe nacionalitetet tjera"

Po ne rastet qe permenda une gjithmon ka qene parambrojtje, fjala "mbrojtja e nderit" dhe nuk tregojne ndonje faje per vepren e bere.
Kurse ne rastet e shumta te ketyre jane psycho kane probleme psiqike.

Megjithese per keso fare veprave ska kurrefare falje per asnjeren e as tjetren fe, thjesht ne jemi njerez dhe nuk kemi drejten e zotit qe te vedosim se kush ka te drejt te jetoj e kush jo.


p.s. ndoshta jam edhe e cekur ne te menduar, po jam gjithmon ne gjendje te mesoj nga faktet qe i sjellni, po jo nga fjalet e kota.

[hasanmehmeti]

Dea,

Edhe mund te kene qene fjale te kota , nuk e di si e perkufizon kete: Mirpo per te gjitha ato qe i thash jane dokumentacione qe mund ti gjesh nga mediat qe ti ceka.
Une pa dashur te kundershtoj gje ne mendimet e tua , desha te sqaroj diqka
Ju Thoni:
po gjithmon diqka e till ndodhe ne te shumten e rasteve tek ata te fes myslimane,
Ju e ceket Nacionalitetet tjera mirpo e ceket edhe kete me siper , ndersa kjo me beso qe nuk eshte e vertet , por jane ato mediat qe zakonisht ausslanderat i kqyrin nje pare lajme te 12 te zdf apo reportazhet qe i zmadhojne keto gjera.Kur e ben nje mysliman me emer nje akt te flliqur (shumica e shqiptareve ne gjermani jane mysliman me emer , por kush vjedhi ne emer te fese qe sot njeihen shqiptaret per brutalitet dhe vjedhje)kemi lajmet 10 dite rresht neper media , ndersa kur behet ndonje skandal nga ndonje gjermane krishter ne gjermani vetem ne lajmet qendrore e gjene.
Per kete eshte gazeta bild ajo qe ne te cilen gjen marrezira te krishtereve qe nuk krahasohen me veprat e myslimaneve. Nuk e gjen aasnje apo nese i gjen te keqkuptuar kur njerezit thon se e bem ne emer te Islamit , por ata thote ne emer te Nderit te tyre , tash ky nder ndryshon nga vendi ne vend siq e ceka edhe me heret.


[quote=DEA]Po gjitha keto raste, jane disi te lidhur me islamin, vellau thot se , nuk pendohem qe vrava motren se mbrojta nderin, se ajo nuk deshi ta marre ate qe ja propozuam"
quote]
Ateher ky nuk eshte arsyje e nderuar Dea qe ta thote Islami por koka e dikujt qe e shef ate nder siq e shef. Ju e dini qe vone ne gjermani u zbuluan martesa ne mes babes dhe vajzes qe kishin jetuar disa vite bashk ne alpet e münchenit madje edhe ne Kishe shkonin ata, tash qka ti themi ketyre.

Punen e marteses edhe me heret e kemi sqaruar , Ne Islam , qofte Babai , Nena apo kushdo tjeter mund tia bej nje kerkes apo propozim vajzes per martes por asnjeher ta martoj pa pelqimin e saj.
Dhe aq me teper kerkohet qe djali dhe vajza te takohen (normal ne prezenc te dikujt nga familja e vajzes) aq here sa do jete e mjaftushme qe ata te njoftohen ne mes veti dhe te jene dakort se a jan apo jo njeri per tjeterin.

Problemi zakonisht te ne shqiptaret eshte se ne nxierrim konkluza ndaj diqkaje pa e studiuar mire ate gje qe te gjermanet mungon(edhe pse tash ka fillu kjo dembeli edhe te ta) , pasi ata jane lexues te mire dhe ka ligje , me bere diqka pa te drejte denohesh per te siq ndodhi me zyrtaren nga nje parti ne Austri.Fatekeqsisht skemi kulture te leximit qe shpresoj se do ndryshoj.

Por ne kemi shume raste ne gjermani qe njerezit sidomos femrat qe jane kthyer ne fene Islame ,pasi kur kane pare mediat duke i hudhur islamit faqen e zeze ato kane filluar me lexim te Kuranit dhe Thenjeve Profetike e keshtu me radhe sa e kan pranuar Islamin dhe e kan gjetur veten aty dhe se ajo qe sillet neper media eshte qeshtje e globeve dhe perfitimeve te ndryshme qe sollen deri te perkufizimi i shume te drejtave , e tash vone edhe ligjin per pergjime te telefonit dhe hyrje ne Pc pa njoftim.

me t'mira.
hasani

[Murgesha]

Hasan ti po thua tash mos me i qujt besimtar. Kush janë besimtarë simbas teje dhe sa janë?

[hasanmehmeti]

Murgesha,

Dallimi ne mes Myslimanit dhe Besimtarit eshte mjafte i madhe.

Mysliman behet njeriu posa ta deklaroj Shahdetin dhe te bej ndonje nga shtyllat e Islamit (per disa dijetare eshte Namazi , dikush thote mjafton vetem agjerimi , zeqati apo haxhi) ndersa ne punet tjera jane mosvet.
Besimtari siq thote Profeti alejhiselam eshte ai njeri qe e Beson Allahun sikur ta Shifte ate ,edhe pse nuk e shef.Mandej prej cilesive te Besimtarit , eshte devotshmeria e larte,morali i larte, sjellja , sinqeriteti ne fjale dhe vepra , tek besimtari nuk behet fjale kryerja e namazeve apo agjerimit etj , ai eshte nje njeri qe me krejt mundesit e tij mundohet praktikimin e fjales se Allahut dhe keshilles se profetit alejhiselam.Nuk themi qe besimtari eshte i pagabueshem , por ajo me e pakta qe ndien ai eshte keqardhja per gabimin gje te cilen shume musliman sot nuk e ndiejne.

Per kete mund te themi se ne bote ka shume musliman me numer por praktikant dhe besimtare jane pak.Njerez qe kur permendet fjala e Zotit per diqka nuk bejne dyshim a te bejm apo ta leme .

Dhe pikerishte eshte kjo qe shume mysliman edhe ne vendet tona jane perzier aq shume me zakone edhe pse ter diten mban tespiht ne dore , apo diq te tille.

Thenja e juaj se mos me i quajt besimtare nuk don te thote se ata jane pabesimtare , dmth kufare.
Por Besimtare apo Mu'min eshte nje grade me e larte e besimit te nje Myslimani, gje qe e dallon ate edhe ne ajete kuranore dhe ne hadithe te Profetit alejhiselam.
Me nje fjale Kodi i sjelljes se tyre eshte ajo qe e kerkon Krijuesi dhe Profeti i Tij alejhiselam.

besoj qe isha i qarte , nese jo mundem te jeme me konkret me argumente fetare.

me t'mira.
hasani

[Murgesha]

Po Hasan e kuptova shumë mirë, keni shkru shkurt e qartë.
Që sot e tutje më nuk do të bazohem në shifra. Psh. shpesh në këtë forum ipet shifra se dikund 95% e shqiptarëve jan musliman, që moti më ka shku në mendje se ashtu ju shkrun vetëm në dokumentacion, ama tash po bindem që qenkan vetëm praktikant.
Të falemnderit për skjarimin.

[DEA]

Hasan, thene te drejten mos mendo se raportet e tilla me bejne te ndjehem mire, perkundrazi kur lexoj apo ndegjoj lajme te tilla nuk me vjen mire aspak, po vertet po me duhet mund e forc pastaj me jau sqaru bashkepunetoreve, shoqeris e atyre te tjereve qe se njohin kulturen e tradicionet tona. Se vrasjet e tilla skane te bejne me fene! Poashtu rastet e tilla s`me bejn qe ta uli koken pse jam myslimane ne vendin ku jetoj,prapse prap me plot krenari e prezentoj vendin dhe besimin tim.
Nuk mendoj se mendimet e mija jane te pagabuara, po them rreth informatave qe i posedoj , ky eshte mendimi im per momentin, nese jeni te gatshem te ma deshmoni te kunderten , jam gjithmon e hapur per info te reja.

DEA

[hasanmehmeti]

Po Hasan e kuptova shumë mirë, keni shkru shkurt e qartë.
Që sot e tutje më nuk do të bazohem në shifra. Psh. shpesh në këtë forum ipet shifra se dikund 95% e shqiptarëve jan musliman, që moti më ka shku në mendje se ashtu ju shkrun vetëm në dokumentacion, ama tash po bindem që qenkan vetëm praktikant.
Të falemnderit për skjarimin.

Murgesha,

Ate statistike nuk mund ta mohoj se kemi te bejme me nje numer te madhe myslimanesh sidomos ne Kosove qofshin ata 90 apo 95 % , por sa kemi besimtare dhe praktikante ne mesin e tyre eshte pyetje e kohes ,qe po ndryshon besoj per mire sidomos te gjenerata e studenteve dhe ajo e re. Ndersa gjenerata e mesme sigurisht se ka veshtersi pasi eshte rritur ne nje fryme me ide Marksiste-Leneniste , ideologji qe jetoj me komunizmin keto vite dhe zbehu Islamin.
Me rendesi eshte qe njerezit te vetedijesohen per ate qe e posedojne qofshin ata mysliman apo te besimeve tjera, sigurisht se pastaj do kete kyqje krejt tjeter ndaj besimeve.

Me kujtohet para ca kohesh kishte pyetur Rilinda tek forumi i Kishter ketu ; se si mund qe nje besimtar krishtere ti akuzoj muslimanet per mbules perderisa ai vet e mban?(keshtu diqka pyetja)
Pergjigjien qe ia dhash dhe u zhduk pa len gjurme si zakonisht ketu ne forum ishte: se nuk ka mundesi te jete nje i krishtere besimtar ne libren e tij e te kundershtoj mbulesen e nje muslimaneje , pasi ai qe beson ne bibel e gjen qartazi aty se mbulesa eshte obligim , madje ne bibel kemi edhe kercenim me rruarje flokesh etj etj.

Per kete mendoj qe sapo te krijohet qartesia e besimit tek secili ateher kemi me pak keqkuptime ne mes veti.

me t'mira
hasani

[hasanmehmeti]

Hasan, thene te drejten mos mendo se raportet e tilla me bejne te ndjehem mire, perkundrazi kur lexoj apo ndegjoj lajme te tilla nuk me vjen mire aspak, po vertet po me duhet mund e forc pastaj me jau sqaru bashkepunetoreve, shoqeris e atyre te tjereve qe se njohin kulturen e tradicionet tona. Se vrasjet e tilla skane te bejne me fene! Poashtu rastet e tilla s`me bejn qe ta uli koken pse jam myslimane ne vendin ku jetoj,prapse prap me plot krenari e prezentoj vendin dhe besimin tim.
Nuk mendoj se mendimet e mija jane te pagabuara, po them rreth informatave qe i posedoj , ky eshte mendimi im per momentin, nese jeni te gatshem te ma deshmoni te kunderten , jam gjithmon e hapur per info te reja.

DEA

Dea,

Se pari me gezon fakti qe ndjeheni krenare me ate qe posedoni qofte sa i perket besimit apo perkatesis kombetare ,regjionale etj.

Sa i perket mendimeve tuaja ato jane sigurisht si pasoj e gjithe asaj qe njeriu ka konsumuar nga jeta intelektuale e tij , e jo vetem tuajat por e qdo njeriu.
Por ti thuash dikujt se Islami eshte fajtore se filani me perkatesi islame e mbyti gruan e tij per mbules , martes se nuk ndegjoj prindit etj etj apo siq e pruat shembullin ne postimin e mehershem per shkak te "Nderit", ku dihet se nderi perkufizohet ndryshe nga vendi ne vend , eshte e papranushme duke pasur parasysh gjykimet qe ia ben Islami.

Une mendimet e tua skam ndermend ti perqeshi , por nese mendon se kan diqka te bejn me Islamin krime te tilla duhet prur argumente fetare Islame , e jo argumente te njerezve te papergjegjshem qe vetem se i shkruan mysliman ne pasaport te themi se Islami menjeher eshte pergjegjes per kete.
Islami dhe njeriu( pos Profetit alejhiselam dhe disa nga shoket e Tij)kan nje dallim te madhe. Per kete edhe njeriu ne Islam identifikohet si gabimtar , por gabimet e tij nuk i justifikohen se jane iniciativ e vet Islamit , po e egos apo shejtanit qe e ka shtyre te bej diq te tille.
Une argumente ty sa i perket Islamit te bjer sa duash vetem rroke nje teme qe nuk e ke te qarte qofte ajo martesa apo mbulesa apo ku e di une qe mundeni ju ti justifikoni keto krime te tyre(personave qe ke pruar ne linqe apo diq tjeter) se kan precedenc tek Islami , ateher do ti sqaroj me ndihmen e Zotit.

Qellimi ime eshte te krijosh nje vizion te qarte siq e tha edhe Murgesha (me perjashtim te fjales besimtar) qe keto gjera skan te bejn me Islam.

duke te uruar qdo te mire te le te pershendetur.

hasani

[DEA]

Po Hasan kam pyetje sa te duash,

A eshte mbulesa e domosdoshme, per tu identifikuar si myslimane?

A lejohet mbulesa dhe shminkat e theksuara , siq i shoh shume turke qe ecin rrugeve te Gjermanis kishe te mbulueme?

A lejohet shkollimi i femres ne islam apo eshte femra ajo qe duhet te kujdeset per shtepine e burri te kujdeset per gjendjen ekonomike?

A i lejohet femres ne islam qe te thot ndonjeher edhe jo ( ne shume raste te ndryshme) ?

Sa jane te barabart gjinit e ndryshme ne islam?

kaq njeher!!

DEA

[hasanmehmeti]

Po Hasan kam pyetje sa te duash,
mire se ardheshin, Dea pyetjet tuaja.


A eshte mbulesa e domosdoshme, per tu identifikuar si myslimane?


Mbulesa eshte obligim per femren myslimane , por ne nuk themi qe nese nje femer nuk e ka mbulesen eshte jomuslimane , por kuptohet se ka ber gjynah qe e ka lane njerin nga Ligjet e Zotit mbi te.


A lejohet mbulesa dhe shminkat e theksuara , siq i shoh shume turke qe ecin rrugeve te Gjermanis kishe te mbulueme?

shminkat nuk lejohen ne ate menyre, mire e ke verejte ate dukuri, por ato e kane gabime fatekqeesisht.

A lejohet shkollimi i femres ne islam apo eshte femra ajo qe duhet te kujdeset per shtepine e burri te kujdeset per gjendjen ekonomike?
Normal qe lejohet shkollimi i femres , madje eshte edhe i preferuar nje shkollim i saj.Ne islam njihen juriste te ndryshme dhe dijetare nga gjinia femrore.
Normal qe ne baze femra duhet te kujdeset per femijet dhe shtepin , ndersa burri e ka obligim furnizimin e familjes gje qe nuk eshte obligim per gruan.Dhe vet krijimi i burrit eshte i tille qe i perballon me lehte punet e renda , ndersa nenes i eshte dhene ngrohtesia shpirterore ndaj femijeve, gje qe nese jeni nene e vereni edhe vet.


A i lejohet femres ne islam qe te thot ndonjeher edhe jo ( ne shume raste te ndryshme) ?
kjo me shume eshte pyetje provokuese , vetem sikur jemi mesuar te shkruajm ne. Sikur burrit edhe gruas i lejohen te thote po dhe jo ne suaza te lejushmeris dhe mosteprimit.Duke filluar nga martesa , mundimet e ndryshme e deri te divorci me arsye.



Sa jane te barabart gjinit e ndryshme ne islam?
Siq u theksu edhe pak me heret kjo do jete vetem nje vazhdimesi.Dallimi ne mes femres dhe mashkullit , eshte ne krijaturen e tyre, femres si edhe mashkullit i lejohet te punoj , arsimohet , dhe ta fitoj paran e saj. Parat qe i fiton gruaja me djersen e saj , jane vetem parat e saj ndersa aty burri nuk ben pjese , perveq nese ajo ia lejon , ne te kunderten burri e ka obligim furnizimin e gruas dhe femis nga parat e tij. Allahu e ka ngrite femren ne Kuran duke e emruar nje sure , si surja e grave (Nisa) , gje qe nuk gjen ne Kuran sure te burrave. Apo tek dashura ndaj tyre pas Krijuesit dhe Profetit , vije nena (3 here) e pastaj babai qe duhen dashure dhe dite per nder per mundin e tyre.
Zakonisht profesioni i femres eshte edhe i percaktuar si grua dhe nene qe duhet te kujdeset per femijet me shume duke pasur parasysh zemerbutesin qe Zoti ia ka dhene , ndersa burrit i takojne punet e renda si nga pesha Psiqike po ashtu edhe ajo Ekonomiko-Sociale.
Femres ne Islam i takon te marre pjese ne trashigimin e prindit , siq i takon edhe mashkullit. Asaj i takon 1 pjese ndersa djalit 2, por femres i kompenzohet ajo pjesa tjeter qe kur te martohet ka mundesi ta kerkoj nga burri , qe ne islam emerohet me emrin Mehr qe eshte nga kushtet e marteses.
Keto ishin vetem disa pika e ju mund te vazhdoni me pyetjet ne veqanti nese keni.

Pasi ishte pak a shume me heret tema e Mediave , te kerkoj ta ndegjosh Vortragun nen kete link:
http://www.diewahrereligion.de/

Pastaj shkon tek Einladung zur Wahrheit dhe me tutje Die Medien.

ia kalofshi mire
Hasani

[DEA]

Tung Hasan


Pyetja qe ishte, A i lejohet femres ne islam te thot jo? ndoshta tingellon si provokative, po qellimi i pyetjes ishte shume i sinqert.
Megjithate faleminderit per pergjigjet e dhena, edhe linku eshte shume interesant, kur do te kem kohe me siguri se do ta ndegjoj me gjate dhe do te jem ne gjendje te jap komente rreth tij.

Per te gjitha pergjigjet e dhena eshte me se e vertet se feja myslimane eshte shume e mire, po sa persona i njeh ti qe ju permbahen rregullave te tyre?
une nuk njoh, se sa me deshire do te njohja dikend qe falet 5 here ne dite po prap eshte tolerant ndaj besimeve te tjera, qe mbulohet por prap respekton dhe i sheh si normale ate te besimeve te tjera qe nuk mbulohen, me nje fjale jane besimtare te fort po edhe demokrat, edhe te emancipuar edhe, edhe shume te tjera qe do te behej jeta e perbashket ma e lehte, une te respektoj ty , po respektom edhe ti mua,besoj se konfliktet do te zhdukeshin, me kete moto te ja mesyjme jetes.

[Mendjen]

E nderuara DEA

Ndoshta nuk me takon te hyj ne kete temë ngase jam antar i ri,por deshira e madhe te tregoj se Muslimanet jan njerzit me te emancipuar ne Boten ku ne jetojm hyra pa trokitur ne deren e kesaj teme fare.
Une jam Musliman nuk e di ndoshta i mire ndoshta jo ate e le ne doren e Allahut Fuqiplot kam mbaruar Medresen e Mesme Alauddin para disa viteve dhe e di shum mire se qka eshte Islami dhe te drejtat e Gruas ne Islam qe i madhi Allah iu dha.
Dua qe te tregoj nje gje te cilen Allahu iu dha Femrave kurse Meshkujt nuk i privilegjoi me ate ajo eshte nje sure e tere ne Kuranin Famelartë.
Muslimanet qe Besojn Allahun dhe Kryejn te gjitha ritet fetare janë njerzit me toleratn ne gjith Trollin e kesaj Bote.
Andaj mos ta perlyejm Islamin me gjera tjera qe jan anti Islame , Vet fjala Islam dmth Pasterti andaj ta lem te paster islamin ashtu siq eshte duke mos nveshur genjeshtra apo edhe gjera te tjera qe iu behen .
Kshilla ime eshte qe Shtete Arabe te kohes se sotme mos ti marrim shembuj ngase tani qdo shtet ka njerz nga me te ndryshem ta marrim shembull Pejgamberin a.s ,shoket e tij , gjith Dijetaret e kohes se tij ,Njerzit e menqur Musliman dhe Muslimane deri ne kohen e sodit , nga kta te marrim shembull nga kta te mesojm e jo te themi shikone se qka behet ne Arabi ,ose ku ta di une.
Mbulesa -Ferexhja (Shamia) eshte mbrojtje e Femres ,privilegj i saj e ajo le te merr si te doj dua te shkuaj shum per kete Temë por ja qe ketu edhe do ta perfundoj me nje ajet Kuranor qe thotë:

"La ikrahe fi din" qe ne gjuhen shqipe do te thotë:''Nuk ka dhunë ne Fe"

Ata qe thonë :

Terrorizmi Islam
Dhuna Islame
Diskriminimi Gjinor
Te padrejtat e Femres
Mbulesa Me Dhun
Le ta lexojn kete Ajet qe Allahu publikoi ne Kuran para 14 shekujve dhe iu sqaroj se Feja islame eshte vetem me vetdeshir nuk ka dhun per me bart Mbulesen e as per gjera tjera .
Kto qe i thash jan nga Allahu dhe Muhamedi s.a.v.s ndaj nuk bazohem ne ata qe ia dojn te keqen Islamit

Me respekt te veqant : Mendjeni