Pervjetore qe nuk harrohen kurrë

[lirik]

PËRVJETORË QË NUK HARROHEN KURRË! Publikuar më 28 mars, 2009 në orën 18:34 ( Para 6 orë e 45 minutave )Fadil Shyti | Opinion (http://www.albaniapress.com/kategoria/2/Opinion/) | http://www.albaniapress.com/images/font_plus.jpg (http://www.albaniapress.com/indeksi?p=lexo_lajmin&id=8511#)http://www.albaniapress.com/images/font_min.jpg (http://www.albaniapress.com/indeksi?p=lexo_lajmin&id=8511#)PJESA E PARË

Bajram Curri
(1862- 1925)
…Thonë u shtri e thonë u vra,
por ti s´vdiqe or baba,
as në shpellë të Dragobisë,
as në zemrat e djalërisë! (Noli)
http://www.albaniapress.com/fotot/lajme_foto/mar_09/972Bajramcurri_foto.jpg (http://www.albaniapress.com/fotot/lajme_foto/mar_09/972Bajramcurri_foto.jpg)

- Sot, është data, 29 mars 2009, sot është përvjetori i 83 i rënies heroike të tribunit popullor, Plakut të Maleve, atje në shpellën e Dragobisë, duke luftuar përballë forcave tradhtare, të udhëhequra në rrugën pakrye nga kryetradhtarët si Ahmet Zogu dhe Cana beg Kryeziu, ky i fundit në bashkëpunim me kryexhandarin e Krumës, ish-bashkëpunëtorin e Drazha Mihajloviqit, xhelatin, Muharrem Bajraktari e organizojnë rrethimin e shpellës ku ishte strehuar me shokët më besnikë, vigani lirisë dhe mbrojtësi i madh i Shqipërisë nga të gjithë armiqtë e shqiptarëve, për një jetë të tërë, Bajram Curri.
Kur isha në Shqipëri në shtatorin e vitit 2008, pikërisht, në atë muaj “të lavdishëm”, përkujtohej 80 vjetori i mbretërisë zogolliste, ishin mbledhur në një konferencë, përkrahës djathtistë, të cilët shprehnin mallëngjimin për ato vite të “përparimit” të Shqipërisë, nën udhëheqjen e satrapit, Zog.
E kujtonin të parin e tyre me pompozitet, duke harruar që, atëbotë kur sundonte zogolli, Shqipëria po vuante si mos më keq nga malarja; kur ushunjëzat ua thithnin gjakun shqiptarëve brigjeve detare, kurse, po në kryeqytet, në male dhe përtej brigjeve të Adriatikut e Jonit, binin duke luftuar e duke rënë në altarin e lirisë, me forcat mercenare pro-turke, pre-serbe, pro-italiane, e të tjera agjenturave të huaja; udhëheqës popullorë si Avni Rustemi, Bajram Curri, Luigj Gurakuqi, Hasan Prishtina e shumë të tjerë.
Derisa, po bisedoja me një mik nga Kavaja, se ç´ po debatohej në Tiranë, nga pasardhësit politikë të sojit të zogollit, Ay, më propozoi të lexoj një libër me shumë burime të forta historike që i kishte përjetuar në ato vite njëri nga ish-bashkëpunëtorët më të ngushtë të A. Zogut, Çartin Saraçi.
- Ky libër historik, ndonëse jo i plotë, për faktin se disa pjesë të këtij libri kishin humbur gjatë vorbullave jetësore të autorit, megjithatë, përmbante një mori argumentesh të pathyeshme për veprimtarinë atdhetare të kundërshtarëve të Zogut, dhe njëkohësisht, kishte dhe shumë dëshmi të pathyeshme për veprimtarinë e tij anti-kombëtare, të “mbretit të të gjithë shqiptarëve”!
Libri, titullohet: “Zogu i shqiptarëve” (Një histori e jetuar).
I përkthyer nga dorëshkrimi anglisht, Virgjil Muçi. Tiranë, 2006.
- Është me rëndësi që t´i njoftoj lexuesit, që ky libër fillon me akuzën më të ashpër që i bëhet nga Çatin Saraçi, ish- mbretit, A. Zogu:
“UNË ÇARTIN SARAÇI, TË AKUZOJ TY AHMET ZOGU SI TRADHTAR TË ATDHEUT TËND, SI VRASËS DHE HAJDUT!”
- Nuk është këtu vendi të zgjatem shumë në biografinë e autorit të librit, por, megjithatë, kujtoj se iu mbetem borxh lexuesve të këtij shkrimi, nëse nuk i shkruaj për të, bile ca rreshta.
-Çatin Paskal Saraçi (1902-1974), ishte bir i një familjeje në zë tregtare borgjeze të Shkodrës. I rritur qysh 10 vjeçar në Europë, ndërsa, atdheu i tij, qe ende “pjesë e Turqisë”, me marrjen e pushtetit në Shqipëri nga Ahmet Zogu, ai bëri pjesë për një ndërkohë të mirë në administratën e lartë të tij, si funksionar diplomatik jo vetëm për shkak të miqësisë së tij “të ngushtë” me Zogun, por edhe për meritë të formimit të tij në shkolla në zë austriake të asaj kohe.
Bashkëkohësit, si zëmadhi Paul Getty, e kanë kujtuar figurën origjinale të këtij diplomati shqiptaro-evropian, në Legatën Shqiptare në Vjenë. Ashtu, sikurse e kanë përshkruar të huaj të befasuar prej njohjeve me të nëpër sallonet londineze, të pritjeve diplomatike në kohën kur përfaqësonte Shqipërinë në Mbretërinë e Bashkuar: kryelartë, e paksa të hutuar, gjithë good manners, veshur në tweed skocez ngjyrë gri të mbyllët – qepur mesiguri prej ndonjë rrobaqepësi të Vjenës.
…Me siguri, që pak syresh e kanë ditur që brenda asaj “figure” mondane, gjallonte një fuqi shpirtërore e pazakontë, ndërsa, prapa syve të tij bënte punën e vet dhuntia e aftësisë për të depërtuar edhe në skutat më të errëta të shpirtit njerëzor fjala vjen: deri në ferrin e një pushtetari...

VIJON


Suedi, më 29 Mars 2009Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues!

[lirik]

te nderuar lexues pasi qe fadil shytin e kam mik dhe shok por jemi edhe miq familjarë neper shum breza me at fshat por edhe jam ne lidhje me shum atdhetarë ne diasporë e gzoj rrespektin dhe lejen e tyre te postoj artikuj qka un dua per shkak te besimit qe ma japin ata te cilet i shkruajn -
prandaj vendosa ta postoj ket artikull
per trimiin e maleve Bajram Currin Tribun i vegjlisë Miq shokë bashkkohas bashkluftarë me te madhin Hasan Prishtina e TRIMIN E FMASHEM Azem Galica pra najram curri i jhur ne histroinë e kombit per veprimtarine tij shum atdhetare luftarake e diplomatike -
jepni komente

[Dani11]

Pervjetor qe nuk duhet harruar kurre eshte 24 marsi 1999 kur filloi bombardimi i NATO-se kunder forcave serbe ne Kosove.Kjo eshte nje date historike ku qe nga ky qast dhe ky moment ne ora 20:00 te mbremjes, fillon nje histori e re per Kombin Shqiptare, kjo dite eshte nje kthese e madhe nga ana e keqe ne anen e mire per ne.Personalisht mendoi qe kjo dite do te ishte mire te vendosj si dite kombetare dhe ne kete dite do te duhej te shpallej shteti i Kosoves.

[>>{SpOnGeBoB}<<]

Po be qita me qata pervjetorat shoq bile dje e pava ne televizjon qatina djalit t`ja kish mshue njani me limuzine e dekun ne toke e kish qiten. Edhe mu kane si familja e qatina djalit pa ja futen nji padi qisajne RTk-jes nuk e kisha lane se nji nate ma perpara i thirrke hajdeni qitu ne Izbice me nderue gjakun e deshmoreve.

Lene shoq nji pervjetor qka jane qita pervjetora qishtu si me shkue ne kanagjeqa dite per dite, sha zoten qishtu nuk besoj qe jane tu ba fare diqkaje. Nji pervjetor ama le te mahet ne mend qe po perkujtojne diqka jo hajdena po dalim. Pernima qita qysh e kish shkrue qaj kodi kishin yndyre ne tru edhe po gete qe edhe trunin shoq ju ka ba qatyne per diete me ja hjeken qat yndyren.