Si të kemi një Familje të lumtur?

[Idila]

Si t`i përgatitim adoleshentët për moshën e rritur

Do t`u lutesha t`i kushtoni pak kohë këtij postimi...!

"Sa kënaqesha kur flisja për djemtë e mi! Më dëgjonin me kujdes dhe vepronin menjëherë. Por tani që janë adoleshentë, debatojmë për cdo gjë. Madje atyre nuk u pëlqejnë aktivitetet që lidhen me adhurimin tonë. `A duhet të flasim patjetër për Besimin...?`- më thonë. Para se djemtë të bëheshin adoleshentë, kurrë nuk e imagjinoja që do të ndodhte kjo në familjen time, edhe pse shihja të ndodhte te të tjerat"

A po rritni një adoleshent? Nëse po, jeni dëshmitarë të një prej fazave më interesante të fëmijës suaj.

Kur djali i juaj ishte më i vogël, ishte si një varkë e lidhur në liman, domethënë te ju. Tani që është adoleshent, po e tërheq litarin ku është lidhur e mezi pret të lundrojë, dhe keni përshtypjen se nuk jeni të ftuar të ngiteni në varkë.
Kur vajza e juaj ishte fëmijë, ju thoshte gjithcka. Tani që është adoleshente, ka formuar >grup< me shoqet dhe ju ndiheni sikur nuk jeni të ftuar të bëni pjesë.Nëse në shtëpinë tuaj po ndodh dicka e ngjashme, mos nxirrni me nxitim përfundimin se fëmija e juaj po bëhet një rebel i pandreqshëm!

Që kur lind e më pas, jeta e një fëmije është një periudhë ku cdo gjë bëhet për herë të parë: hiden hapat e parë, thuhet fjala e parë, dita e parë e shkollës, etj. Prindërit gëzohen kur fëmija arrin pika të tilla të rëndësishme në zhvillimin e tij. Arritjet tregojnë dicka që prindërit dëshirojnë kaq shumë ta shohin rritjen e fëmijës.

Edhe adoleshenca është një fazë e rëndësishme, megjithëse disa prindër mund të mos e presin me aq kënaqësi. Shqetësimi i tyre është i kuptueshëm. Në fund të fundit, cili baba ose cila nënë është e lumtur kur sheh që fëmija i bindur shndërrohet në një adoleshent plot luhatje humori? Andaj pyetje të ndryshme ia bëni vetes:

Kur djali im nuk është aq i përgjegjshëm sa të mbaj pastër dhomën e vet, si mund të kujdeset për një shtëpi të tërë?
Nëse vajza ime nuk respekton orarin e kthimit në shtëpi, si mund të respektoj orarin e punës ku do të punojë?Fëmija juaj adoleshent bën një kërkesë, ndoshta që të qëndrojë jashtë më shumë në mbrëmje. Menjëherë e hidhni poshtë këtë kërkesë. Ai ankohet: "Më trajton si fëmijë"! Para se t`ia ktheni "e po ashtu po sillesh", kini parasysh këtë: adoleshentët priren të kërkojnë më shumë liri se sa mund të mbajnë, por prindërit ndoshta priren t`u japin më pak liri se sa mund t`u jepnin. Mos ndoshta duhet të bëni ndonjë lëshim herë pas here? Pse të mos medoni të paktën për pikëpamjen e adoleshentit?

Sugjerim: Kur të flitni me adoleshentin tuaj për një problem, ndihmojeni të arsyetojë se si zgjedhjet e tij ndikojnë tek emri i tij. Për shembull, në vend që të kritikoni shokët e tij, thoni: "Po sikur (emri) të arrestohet spese ka shkelur ligjin? C`do të mendonin të tjerët për ty?" Ndihmojeni adoleshentin të kuptojë se zgjedhjet që bën, ndikojnë te reputacioni i tij për mirë ose për keq.




e nxorra nga një revistë dhe e shkrova me gishtat e mi. :)

[shfletuesi_]

Shumë e thjeshtë...

NJë plak ketynehere bajke uj më kenata... taman mbrike ne stam... një fëmij shkojke ja zbrazte kënatat... Plaku i urtë i mirë nuk i bëntë asgjë shkonte prap qe ti mbushte me uj..1 here 2 here 3 herë kështu ndodhi... Të katërtën herë Plaku e pyeti fëmiun.

PlakuI kujt je bre djal i mirë...

Fëmiu ju përgjigj. I filan fistëkut..

Plaku : a e din çfar babë të mirë ke e bën keso sherrësh..

Fëmiu: Nuk kam faj unë axh fajin e ka baba që se ka zgjedh Nanën...

Kujdës çfar merreni që të keni një familje të mirë.

[Pupi]

Temë me vendë, temë shumë me rëndësi.

Të gjithë neve në fakt, në çdo çast e kudo çofshim përpiqemi që të kemi një familje të lumtur.
Mirpor sa mundet njeriu sot ta bëjë familjen e lumtur, kjo është ajo enigma që besoj që është vështir për ta gjetur.
Nëse i kemi dhuruar partnerit një gjë të shtrenjët, është e vërtetë që aty për aty kanë për ti shkëlqyer syt, por a e kemi bërë të lumtur ?
Nëse i kemi bler fëmiut biçikleten më të shtrenjët, apo rrobat nga ato më të mirat, e kemi bërë atë të lumtur ?
Po pra, të gjitha këto janë ato që e mundojn njeriun e sotëm, edhepse i ka "arritur" të gjitha, prap nuk i ka arritur të "gjitha", dhe edhepse i vetëdijshëm për këtë, nuk ka mundësi të ndryshoj gjë.
Duke i kaluar vitet si një lumë që përshkon brigje e livadhe, e për të përfunduar më vonë në një oqean të pafund.


Derisa Idilës i lumshin gishtat që qenka munduar pak.

[Idila]

Ju falemnderit për pjesëmarrjen tuaj në temën time! :)

Sa më shumë që rritet fëmija, aq më shumë duhet ta ndreqësh mënyrën si i flet dhe aq më shumë duhet të arsyetosh me të!

[Dani11]

Si mund të realizohet vazhdimësia e dashurisë
Dashurojmë dhe duam që të na dashurojnë. Duam të ndihemi gjithmonë të tillë.
E diel, 15 Shkurt 2009 12:37



Por jeta, shqetësimet e ndryshme që sjell ajo, mund të na largojnë nga kjo ndjenjë, duke na bërë më të ftohtë, më të largët për njëri-tjetrin. Allahu e vlerëson shumë këtë ndjenjë si ndjenjën më të bukur dhe është pikërisht dashuria e tij ndaj nesh kur na fal mëkatet; është dashuria e Tij për njeriun kur krijoi femrën. Allahu i lartësuar në Kuran thotë: "Dhe prej shenjave të tij është se Ai krijoi për ju nga vetë vetet tuaja bashkëshorte që të preheni tek ato e mes jush krijoi ngrohtësi dhe mëshirë. Me të vërtetë që këtu ka ajete për një popull që mendon" (30: 21).
Vëzhguesi i këtij ajeti do të gjejë se ai përfshin anë të ndryshme të jetës sentimentale mes burrit dhe gruas. Ana e parë që ai përfshin është qetësia shpirtërore, e cila, nëse arrihet, lëshon gëzim e hare, i dhuron njeriut të gëzojë shëndet psikik, duke e ndihmuar atë të përballet me çështjet e jetës dhe kapërcimin e vështirësive. Kështu, burri rigjeneron aftësitë e tij në punë dhe gruaja e rrit përkujdesjen e saj ndaj fëmijëve; familja i ofron shoqërisë një brez fëmijësh me të cilët mund të mburren ata dhe vetë vendi. Ngrohtësia dhe mëshira që rrjedhin edhe nga emrat e Allahut, "El Uedudu, Err Rrahim" janë gjëja më e bukur e lidhjes martesore. Ndikimi më i rëndësishëm i tyre në shpirtin njerëzor është ngritja e moralit. Tërë këto shenja janë edhe synimet kryesore të jetës bashkëshortore, pa të cilat nuk mund të ketë qëndrueshmëri në familje dhe as njeriu nuk do të mund të qëndronte mbi sipërfaqen e tokës.
Atë që Allahu e përmend në tërësinë e dashurisë mes bashkëshortëve, ka kaluar në kohë atë që sot thonë psikologët, të cilët theksojnë domosdoshmërinë e dashurisë në jetën e njeriut si dhe nevojën e çdo njeriu për të ndier dashurinë e të tjerëve. Kjo nevojë njerëzore është burimi i shëndetit psikik së njeriut. Ata gjithashtu theksojnë edhe rëndësinë e dashurisë dhe ngrohtësisë në pesë vitet e para të jetës së njeriut dhe mospërballjen e tij me kriza sentimentale që ai të mund të rritet i shëndetshëm nga ana psikike. Për të njohur nevojën e madhe të njeriut për dashuri, u zhvillua një studim që nxjerr në pah masën e rëndësisë së kësaj nevoje.

Kur u privuan nga dashuria
Ky studim u bë mbi një grup fëmijësh që ata morën dhe i ndanë në dy grupe. Grupi i parë u rrethua nga ngrohtësia, përkujdesja e dashuria përkrah ushqimit të mirë. Ndërsa grupi i dytë u ushqyen me ushqim të të njëjtit nivel të grupit të parë, por ata u privuan nga dashuria, ledhet, ngrohtësia dhe përkujdesja. Rezultatet e studimit treguan se rritja fizike në fëmijët e grupit të parë shoqërohej me shëndet psikik dhe moral të lartë, ndërsa tek fëmijët e grupit të dytë, një pjesë e mirë e tyre vdiqën dhe tek ata që mbetën gjallë, u shfaqën shenjat e sëmundjeve psikike, duke bërë një jetë me moral të dobët.

Pesë vitet e para
Sa e ngjashme është jeta e bashkëshortëve me jetën e këtyre fëmijëve. Martesat që janë të rrethuara me përkujdesje, ngrohtësi e dashuri, individët e tyre jetojnë në mirësi të përhershme, jetojnë, rriten e lindin fëmijë të shëndetshëm sidomos nga ana psikike, ndërsa martesat që privohen nga dashuria, një pjesë e tyre vdesin dhe mbarojnë e ato që mbijetojnë, jetojnë me dhembje dhe konflikt të përhershëm.
Sa e ngjashme është jeta bashkëshortore dhe rritja e saj me jetën dhe rritjen e fëmijës. Nëse bashkëshortët nuk e fillojnë atë me dashuri, ngrohtësi e përkujdesje, shumë shpejt do të rrënohet e vdesë. Ndërtesa e jetës së njeriut fillon nga një pikë uji. Kështu, edhe ndërtesa e jetës bashkëshortore fillon me tullën e parë. Pesë vitet e para të saj konsiderohen shtylla kryesore për pjesën tjetër të ndërtesës, për të përfunduar me sukses apo dështim.
Është tepër e lehtë për njeriun të martohet, por tërë vështirësia qëndron në ruajtjen e dashurisë për gjatë viteve të gjata të martesës. Kjo kërkon një mund të madh, bashkëveprim e mbështetje prej të dy bashkëshortëve. Në proverbat popullore thuhet se një dorë e vetme nuk duartroket, kështu edhe përpjekjet që bën një person i vetëm pa shokun e tij të jetës për të ruajtur lumturinë bashkëshortore, do të ishin të kota nëse ato nuk do të mbështeten e të gjejnë përpjekje të njëjta apo edhe më të shumta nga pala tjetër. Por, si do të mund të ruajë njeriu dashurinë gjatë viteve të martesës? Ç'i bën disa martesa të jetë të lumtura e disa të tjera të dëshpëruara?
Allahu i lartësuar ka vënë të drejta bashkëshortore që sigurojnë vazhdimësinë e jetës familjare dhe realizon lumturinë mes dy bashkëshortëve. Nëse ka të drejta që janë të veçanta për burrin, si për shembull, e drejta e bindjes dhe edukimi i fëmijëve apo të tjera të veçanta për gruan, si për shembull, mehri (dhurata e martesës që burri i jep gruas), banesa etj, ka të tjera të drejta të përbashkëta ku të dy bashkëshortët kontribuojnë së bashku në realizimin e tyre. Lumturia nuk arrihet vetëm kur njëri kryen detyrimin e tij e tjetri jo. Këto janë të drejta që nëse secili kryen detyrën e vet, do të ishte shkak për vazhdimësinë e dashurisë që ka lindur në fillim të martesës, madje do të vazhdojë të mbetet e tillë për pjesën tjetër të jetës, lulëzimi i saj do të vazhdojë për tërë jetën. Një nga të drejtat më të rëndësishme të përbashkëta është edhe bashkëjetesa e mirë.
Kjo bashkëjetesë ka lidhje me marrëdhëniet mes bashkëshortëve, qofshin ato sentimentale apo edhe fizike, ku tërë qëllimi është që secili prej tyre të përpiqet të lidhet, të kuptojë, të afrojë dhe të ndërtojnë marrëdhënie të mira mes tij dhe bashkëshortit të tij në jetë. Profeti (a.s) e ka përmbledhur këtë me thënien e tij: "Nuk lejohet dëmi ndaj tjetrit e as ndaj vetes". Pra, asnjërit prej bashkëshortëve nuk i lejohet të dëmtojë tjetrin e as të bëhet shkak që tjetri t'i bëjë dëm. E duke qenë se ky parim njerëzor, për të cilin Profeti (a.s) porosit që të sundojë në marrëdhëniet njerëzore me tërë dimensionet e tij, është logjike dhe parësore që të jetë e të bëhet kushtetuta e që rregullon marrëdhëniet mes bashkëshortëve.

Hapa praktikë për të rifreskuar dashurinë
Nëse do të shikonim ajetin kuranor: "Për ju bëri nga vetë vetja juaj bashkëshorte, që të preheni tek ato", mund ta afronim me burrin kur kthehet në shtëpi dhe e gjen gruan e tij të pastër e tërheqëse, duke e pritur me fjalë të ëmbla, ushqim e përkujdesje që ai të prehet tek ajo e të hedhë tej dynjanë dhe problemet e saj pas shpine, ta harrojë e mohojë atë. Ka hyrë në shtëpizën e tij të ngrohtë që të gjejë ngrohtësi dhe mëshirë së bashku. Kështu, edhe gruaja, kur burri i saj kthehet tek ajo pas mungesës në punë, e pret atë me mall dhe ngazëllim që tek ai të rigjejë sigurinë, përkujdesjen, mbrojtjen dhe dashurinë, duke harruar lodhjen e saj, zhurmën e fëmijëve dhe kërkesat e shtëpisë, të prehet në shtëpizën e saj të ngrohtë e të hedhë pas krahëve në harresë e mohim dynjanë dhe hallet e saj. Mendo bashkë me mua, si do të mund të jetë një familje kur kreu i saj dhe ndihmësja e tij do të kenë këtë moral të lartë, shpirt të pastër dhe ngrohtësi? Si do të jetë reflektimi i tyre në edukimin dhe përkujdesjen ndaj fëmijëve përderisa babai është në kulmin e zemërbardhësisë së tij dhe nëna në kulmin e ngazëllimit të saj? Fëmijët patjetër do të gjejnë tek ta vend për të diskutuar, shaka, lojë dhe mësim.
Por, kur kjo shtëpizë bashkëshortore do të jetë e ndezur në zjarr, bashkëshortët nuk do të kenë asnjë mundësi të qetësohen. Njëri do të privojë tjetrin nga këto momente hyjnore të qetësisë e prehjes. Patjetër që kjo do të pasqyrohet në jetën e bashkëshortëve dhe rolit të tyre në përkujdesjen e familjes dhe të fëmijëve. Në ajetin kuranor "që të preheni" që është në kohën e tashme, nënkupton vazhdimësi në rinovim ditë pas dite. Kështu, në ajetin kuranor "Për ju ne bëmë nga vetë vetja juaj", pra, gruaja dhe burri janë një i vetëm në çdo gjë, pra, nga vetë vetja jote krijoi një bashkëshorte që të prehesh tek ajo. Përngjasimi i gruas me vendprehjeje është përngjasim i bukur. Ashtu si edhe shtëpia që ka nevojë herë pas here për rikonstruksion e lyerje, edhe jeta bashkëshortore ka nevojë për rikonstruksion të vazhdueshëm, sidomos pas moshës tridhjetë vjeçare, sepse burrat mendojnë se gratë e tyre pas moshës tridhjetëvjeçare bien në plogështi dhe fillojnë e merren me edukimin e fëmijëve, duke lenë pas dore burrin. Kjo mund t'i bëjë ata të hedhin sytë në vend tjetër. A nuk e di se gjysma e problemit është për shkak të tij dhe rolit të tij në rikonstruksionin e banesës bashkëshortore?
A mund t'i hedhim një sy këtyre hapave praktikë, që kujtdo të mund tia rifreskojë jetën e tij bashkëshortore?

[Dani11]

Hapi i parë: Kërkoi ndihmë Allahut që të ndryshojë zemrën e gruas tënde dhe udhëzimin e saj.
Allahu i lartësuar përmend mirësitë e tij ndaj profetit Ejub (a.s) dhe thotë: "E ne ta ndreqëm gruan tënde". Ndreqja e gruas ishte udhëzimi i saj nga Allahu dhe mbrojtja e tij. Kështu duhet t'i drejtohet me lutje Atij që ka në dorë zemrën e njeriut.

Hapi i dytë: Rinovo veten tënde para syve të saj që të të ndiejë ty.
Disa burra ndoshta nuk i ndërrojnë rrobat e tyre që i kanë me vite. Kjo mund të ndodhë deri në rrobat e gjumit e as që mund të bëhet fjalë për rregullimin e paraqitjes së tij para gruas. Atëherë, si do mund të kërkojë që ajo të mbajë bukurinë e saj para tij? Ai, me natyrën e tij, është bërë si uji i ndenjur që nuk do vonojë shumë e do të qelbet. Allahu i lartësuar thotë: "Ato (gratë) kanë të njëjtat të drejta sikurse edhe detyra", pra, ka po ato të drejta, sikurse edhe të drejtat që i kërkohen t'i respektojë. Kështu, ndërroji rrobat dhe pamjen tënde herë pas here, veçanërisht ato me të cilat ulesh para gruas tënde.

Hapi i tretë: Ndërro fjalorin tënd kur të flasësh me të.
Duhet të fshish sa të mundesh tërë fjalët e vjetra të jetës tënde e të përdoresh herë pas here fjalë të reja. Mos lavdëro me të njëjtat fjalë që përdor përherë punën e saj në shtëpi, por mundohu të shprehësh kënaqësinë tënde për punën e saj me një përshkrim të ri, më të mprehtë. Për shembull, në vend që të thuash parullën e përhershme: "Shtëpia sot qenka e rregulluar dhe e pastër.", mund të thuash: "A kemi ndonjë rast apo miq sot?" E ajo patjetër do të thotë: "E pse?", mund t'i thuash: "Rregulli dhe pastërtia e thonë këtë.", E të tjera shprehje të kësaj natyre.

Hapi i katërt: Lavdëro përpjekjen e saj në edukimin e fëmijëve.
Punët që zakonisht i ndjekin nënat është edhe ndjekja e fëmijëve dhe përkujdesja për mësimet dhe detyrat e tyre në shkollë. Kjo për shkak se baballarët janë më të zënë në punët e tyre për të siguruar anën materiale të familjes. Supozohet që ai kur të kthehet të falënderojë përpjekjen e saj edhe për diçka të vogël. Të lutet për të e të mos e harrojë atë në lutjet e tij. Hapi i pestë: Nëse fëmijëve u ble ëmbëlsira apo dhurata, mos e harro atë.
Kur dëshiron t'i blesh fëmijëve ëmbëlsira apo rroba, mundohu që edhe asaj t'i blesh një dhuratë, pavarësisht se mund të jetë e vogël dhe e lirë. Nëse ke vendosur që fëmijëve t'u blesh ëmbëlsirë, bli edhe për ju të dy e hani bashkë nga e njëjta pjesë e do të shohësh ndikimin e saj në ditët e ardhshme. Nëse ajo refuzon të hajë ëmbëlsirën para teje, me pretekstin që t'ia lëmë fëmijëve, detyroje që të thyhen pengesat mes jush.

Hapi i gjashtë: Mundohu të jesh i afërt me të kur uleni për të pirë kafe së bashku.
Koha për të pirë një kafe është kohë e përshtatshme. Shpesh mund të ndodhë që të humbë kjo kohë në heshtje apo duke lexuar ndonjë revistë a gazetë. Ndoshta burrat thonë: s'kemi kohë të ulemi me gratë tona e të flasim me to. Nëse ulesh me të të pish një kafe, kjo mund t'ju marrë afërsisht gjysmë ore kohë. Mundohu ta shfrytëzosh atë me fjalë të ëmbla e të bukura, derisa të përfundosh kafen e të bëhesh gati për të dalë. Do të ndiesh mallin e madh të saj kundrejt teje kue të kthehesh në shtëpi.

Hapi i shtatë: Mundohu të ndërrosh shprehjet me të cilat shpreh dashurinë tënde për të
Disa bashkëshortë akoma vazhdojnë të përdorin stile të vjetra në shprehjen e dashurisë. Mundohu të ndryshosh mënyrat dhe stilet. Këto mund të jenë të ndryshme, për shembull, të kërkosh prej saj, kur ti je duke punuar në shtëpi, të të sjellë diçka e kur ajo ta ketë sjellë ta falënderosh, madje edhe sjelljet fizike t'i vësh në shërbim të këtij qëllimi që ajo të ndiejë fizikisht që ti je i kënaqur me të. Zënia vetëm me punë nuk do ta bënte atë të ndiente se ti e do. Gruaja e dijetarit të shquar Ez Zuheri thotë: "Librat kanë qenë gjëja për të cilat isha më shumë xheloze, madje edhe më shumë se ndonjë grua tjetër, sepse ai merrej shumë me to, ndërsa Profeti (a.s) fliste e merrej me gruan e tij edhe kur ishte i zënë me punë".
Hapi i tetë: Konsultohu me të për çështjet e tua.
Për shkak të problemeve që mund t'i vijnë nga puna, burri mund të bëhet si bombël gazi për nga rrezikshmëria. Kur kthehet në shtëpi, për më të voglin problem, ai shpërthen kundër të gjithëve, gruas, fëmijëve, pa asnjë faj. Ai e ka për detyrë që të bisedojë me gruan dhe ta njoftojë se pati një incident të vështirë në punë apo në rrugë dhe është tepër i shqetësuar; t'i kërkojë asaj që ta kuptojë e të largojë fëmijët, që ata të mos e shqetësojnë në ato momente.

Hapi i nëntë: Marrëdhëniet bashkëshortore nuk janë çdo gjë, por trajtimi është çdo gjë.
Profeti (a.s) ka thënë: "Feja qëndron tek mënyra e trajtimit". Trajtimi dhe marrëdhëniet me gruan do të thotë që ajo duhet të marrë pjesën e kujdesit që i takon me çfarëdo lloj mënyrë të mundshme e të lejuar nga feja. Shikimi në mënyrë habitore ndikon tek ajo, buzëqeshja e sinqertë e çliron atë, shakaja e lehtë e argëton. Nëse e zgjat shikimin drejt saj e drejt në sy me mahnitje derisa atë ta zërë turpi dhe të kërkojë që të ndalosh të bësh një gjë të tillë; nëse të vjen pasi ka mbaruar punë në shtëpi apo në kuzhinë, shikoje duke buzëqeshur e do të shikosh sa mund të ndikojë kjo. Luaj me të me fjalë apo edhe me dorë qoftë edhe para fëmijëve që edhe ata të shohin lidhjen dhe harmoninë e prindërve e të ndiejnë gëzim. Ashtu siç mund të ndodhë që fëmijët të shohin ngatërresa e konflikte mes prindërve, si do të mund të ndiheshin ata?

Hapi i dhjetë: Ashtu si ajo nuk vë gjumë në sy kur ti je i sëmurë, edhe ti rri zgjuar kur ajo të jetë sëmurë. Gruaja, nga natyra është e përkujdesshme kur burri i saj është i sëmurë. Kur ajo sëmuret, refuzon ndihmën e tij, duke pasur frikë se e vë atë në punë. Kështu duhet që burri të shlyejë "borxhin" që ka ndaj gruas së tij e të bëjë atë që ajo ka bërë për të.
Burri, që arrin të bëjë këto për gruan e tij, do të gjejë tek ajo gruan mbështetëse në edukimin e fëmijëve; e burri, që lë pas dore gruan e tij, do ta bëjë atë të harrojë veten dhe fëmijët e saj e pasoja do të jenë fëmijë të shthurur, oficerë të shkatërrimit.

Revista Familja

[e-uritura]

Ju falemnderit për pjesëmarrjen tuaj në temën time! :)

Sa më shumë që rritet fëmija, aq më shumë duhet ta ndreqësh mënyrën si i flet dhe aq më shumë duhet të arsyetosh me të!

Si mendon menyren si i flet? Femiut duhet t`i flitet prej kur eshte foshnje, me nje ze te ulet, te sinqerte, te bindur, gjithmone duke e shiquar ne bebezat e syrit, dhe cdo here ne nivelin e njejte te t`qendruarit.
Duhet ndryshuar gjerat per te cilat flet, sipas moshes, por menyra duhet te jete e njejte derisa te rritet e te fluturon nga duart tona. :)

[doGzona]

Si mendon menyren si i flet? Femiut duhet t`i flitet prej kur eshte foshnje, me nje ze te ulet, te sinqerte, te bindur, gjithmone duke e shiquar ne bebezat e syrit, dhe cdo here ne nivelin e njejte te t`qendruarit.
Duhet ndryshuar gjerat per te cilat flet, sipas moshes, por menyra duhet te jete e njejte derisa te rritet e te fluturon nga duart tona. :)

Paramendo e uritura, sikur femija ta kuptonte mos vendosmerin e nenes qe ta barte deri ne driten e jetes, qe ta sjelle ne keto bote pra,paramendo sa shume do te lendohet!

[e-uritura]

Paramendo e uritura, sikur femija ta kuptonte mos vendosmerin e nenes qe ta barte deri ne driten e jetes, qe ta sjelle ne keto bote pra,paramendo sa shume do te lendohet!

E paramendova doGzona, tmerruese!

[Idila]

Si mendoni juve, nëse adoleshenti është sjellë në mënyrë të ndërgjegjshme, a mund t`i japim më shumë liri?

[Pupi]

O Spongi, nuk e kam vecuar ndonjë adoleshent, thjesht, të mësojmë njëri nga tjetri apo të dëgjojmë se c`mendojnë të tjerët mbi mundësin për të patur një familje të lumtur! Si duhet të sillemi kunddrejt një adoleshenti apo si duhet t`a trajtojmë? E të tjera me radhë, thjesht be Spongi, bisedë miqësore! :biggrin: :smile:
Spongi po ja nxjerr fundin kaniher. Po nuk është gjithmonë "puna" për hajgare o Spongi bongi.
Besom që dikush (në fakt të gjithë) kanë nevoj për këshilla, apo ndërrim idesh si ta harmonizojm lumturin në familje.
Mos u qudit për asgjë, mos i bë gjërat të pavlera, veq hajt tja futi diçka.
Ka edhe diçka këtu që për tya spongi mund të jetë e pabesueshme.
Dikush argëtohet, e dikush "nxjerr material studimi".
Dikush i ka, e i përbuz. dikush i ka mallë e i kërkon me çdo çmim.
etj etj...

[Idila]

Spongi po ja nxjerr fundin kaniher. Po nuk është gjithmonë "puna" për hajgare o Spongi bongi.
Besom që dikush (në fakt të gjithë) kanë nevoj për këshilla, apo ndërrim idesh si ta harmonizojm lumturin në familje.
Mos u qudit për asgjë, mos i bë gjërat të pavlera, veq hajt tja futi diçka.
Ka edhe diçka këtu që për tya spongi mund të jetë e pabesueshme.
Dikush argëtohet, e dikush "nxjerr material studimi".
Dikush i ka, e i përbuz. dikush i ka mallë e i kërkon me çdo çmim.
etj etj...
Hajr bëfsh o Pupi, je si shpirt!

[Ignis]

Si mendoni juve, nëse adoleshenti është sjellë në mënyrë të ndërgjegjshme, a mund t`i japim më shumë liri?

Nuk mund të jepja një mendim në këtë rast. Ti që shikon me sytë e Argusit si mendon?!
Megjithëse e prishe pak kuptimin e legjendës mitologjike........

[Idila]

Nuk mund të jepja një mendim në këtë rast. Ti që shikon me sytë e Argusit si mendon?!
Megjithëse e prishe pak kuptimin e legjendës mitologjike........
Do të ketë të tjerë që mund të japin një përgjigje! :)

[Ignis]

Do të ketë të tjerë që mund të japin një përgjigje! :)

Shpresoj të saktë , sepse tunelit është vështirë t'i përgjigjesh nëse nuk sheh me sytë e Argusit....

[bert]

per te pas nji familje te lumtur duhet te shikosh veten ne pasqyre shpesh dhe te shohesh nese je vete i lumtur. cfare te shqeteson ty dhe si i zgjidh ti ato shqetesime. a je ne gjendje te jesh i qet dhe te komunikosh me dike qete dhe sinqerisht kur gjerat nuk shkojne mire. nese po athere je ne gjendje te krijosh familje te lumtur. nese jo heret a vone do shkaterrosh gjithcka me doren tende. ca zakone duhen eleminuar. femra duhet trajtuar dhe respektuar si njeri. femija duhet trajtuar dhe respektuar si i tille.etc

[elvio]

Si mendon menyren si i flet? Femiut duhet t`i flitet prej kur eshte foshnje, me nje ze te ulet, te sinqerte, te bindur, gjithmone duke e shiquar ne bebezat e syrit, dhe cdo here ne nivelin e njejte te t`qendruarit.
Duhet ndryshuar gjerat per te cilat flet, sipas moshes, por menyra duhet te jete e njejte derisa te rritet e te fluturon nga duart tona. :)


Bindese c'ka thua,edhe e te tille niveli gjithmone jep rezultat:smile:

[Daglasi]

Duke mos lejuar te tjeret te hyn, e me ba ligjin ne shtepi tende.

[Daglasi]

Duke mos mos e dashur askend me shume,se anetaret e familjes qe jeton me ta,
duke mos u gezue ne fatkeqesin e tjerve.

[tipi engjellor]

Per te ndertuar nje familje te bukur sot eshte veshtire ....se me kriju familje nuk eshte veq te kesh enderr po duhet shume mund shume perkushtim......me kriju familje ndoshta nuk eshte e veshtire po me mbajt e me bere te lumtur eshte e veshtire......se pari duhet me qene me vedije te plote secili qe krenaria ne familje nuk duhet te egzistoje ne mes qiftit ,,ja kush jam une ti sje"e dyta nuk duhet te kete anshmeri ......e gjinis femnore sidomos ketyre ne kosove ju them qe kur te martoheni mendoni mire se nuk jeni me si te nena......djemve ju them ska me dola dola ne kafe aty ..ketu....keshtu qe kur kemi piknisjen e mire me mendjen e mire ....gjithqka do te kete sukses.....e kunderta
Jo qfare jam une ti sje.....jo kah kam ardhe une ti sje.....jo kush jam une ti smundesh me kane......jo une veq qishtu e kam.....jo mua sma nin hiq........jo une jam i drejt po veq qishtu.........ska keshtu..... keshtu qe mendoi fshini njeher e mire keto gjera .........e pastaj mendoni per nje familje te shendosh e te sukeseshme.....qe do te kete lakmi edhe dikush......