Akr

[Peja-Boy]

Historiku i partisë
AKR-ja është certifikuar si Parti Politike më datën 03.05.2006 në Regjistrin për Regjistrim dhe Veprimtari të partive politike në Kosovë, Nr. 154/0506.
Emërtimi i partisë politike, Aleanca Kosova e Re, vjen nga organizata për lobim “The Alliance for New Kosova” që u themelua dhe u organizua nga Behgjet Pacolli në Uashington në vitet 2004-2006, për të lobuar për Pavarësinë e Kosovës. Të angazhuar në këtë lobim ishin edhe emra të njohur, shkencëtar, politikanë, analistë dhe aktivistë ndërkombëtarë si: Januz Bugajski, William Wolker e shumë të tjerë.
AKR, si parti politike, ekziston, që nga fillimi i vitit 2006, kur një grup ideatorësh me bindje liberal-demokrate në krye me biznesmenin shqiptar më të suksesshëm në botë, z. Behgjet Pacolli, të shtyrë nga nevojat imediate e qytetarëve të Kosovës të cilët po ballafaqoheshin me varfëri, papunësi e nëpërkëmbje, vendosën të formojnë këtë parti politike dhe përmes saj të sjellin ndërrime në filozofinë politike në Kosovë, duke shfrytëzuar gjithë mekanizmat institucional dhe demokratik. E gjithë kjo ishte me qëllim që qytetarit të Kosovës t’i kthehet dinjiteti. Ky dinjitet ishte cenuar nga politika e papërgjegjshme e një qeverisje që nuk merr për bazë interesat e qytetarëve, por interesat afatshkurta të klasës politike.
AKR beson se objektivat mund të arrihen, fillimisht përmes zhvillimit ekonomik dhe rritjes së shkallës së institucionalizimit të institucioneve shtetërore.
AKR, formoj degët e saja në tërë territorin e Kosovës dhe mbajti Kuvendin e Parë Zgjedhor me 26.11.2006, ku u zgjedhën e u legjitimuan strukturat udhëheqëse të saj.
Pas zgjedhjeve të 17 nëntorit 2007, Aleanca Kosova e Re u rëndit ndër tri partitë kryesore në Kosovë. AKR, është tashmë, partia më e madhe opozitare dhe përfaqësohet me 13 deputet në Parlamentin e Kosovës. AKR në vazhdimësi ka dëshmuar një rol konstruktiv si opozitë.
Ajo ka arritur që për afro një vit, pas krijimit, të shtrij strukturat e saj në tërë territorin e Kosovës.

[Peja-Boy]

" AKR"

[Peja-Boy]

Struktura e partisë
-Forumi Rinor në kuadër të partisë politike, Aleanca Kosova e Re ekziston që nga themelimi i saj. Në fillim ishte një grup të rinjsh të cilin funksiononin si një Këshill Iniciues dhe që kishin për obligim të organizonin rininë në kuadër të AKR-së, në të gjitha degët e saj. Organizimi i forumit filloi më krijimin e nëndegëve, degëve dhe më 7 tetor 2007, u mbajt edhe Kuvend i parë Zgjedhor i Forumit Rinor. Ky forum është shtrirë dhe funksionon pothuajse në të gjitha degët e AKR-së në Kosovë. Forumi Rinor deri më tani i ka të konstituuar 29 degë. Pra, mënyra e organizimit të Forumit Rinor është e ngjashme më atë të partisë, duke u organizuar në dy nivele: në atë lokal; në nëndegë dhe degë, dhe në nivelin qendror. Funksionimi dhe organizimi i Forumit është i rregulluar më dokumentet ligjore dhe politike të tij: si rregullorja e punës, rregulloret tjera të forumit si dhe programi i Partisë. Qëllimi i këtij forumi është që brenda AKR-së të këtë të organizuar rininë në shkallën më të mirë të mundshme, që në bashkëpunim më strukturat tjera të partisë t’i identifikoj nevojat dhe problemet e rinisë kosovare dhe në këtë mënyrë t’i mbrojë interesat e rinisë në të gjitha nivelet institucionale.
-Forumi i Gruas i AKR-së, është pjesë e strukturës politiko-organizative të partisë. Ai u themelua në kuvendin e tij të parë zgjedhur, të mbajtur më 24.11.2006 ku zgjodhën strukturat udhëheqëse të këtij forumi. Ky Forum ka shtrirje në tërë komunat e Kosovës në nivel të degëve dhe nëndegëve. Platforma e F.G. të AKR-së bazohet në Statutin Partisë dhe në Programin e saj. Ky forum paraqitet si një faktor shumë i rëndësishëm dhe me një rol kyç në politikat e AKR-së. Synim kryesor i F.G. së AKR-së është avancimi i pozitës së gruas në shoqërinë kosovare. Këto synime do të arrihen përmes politikave që krijojnë hapësirë për pjesëmarrjen e femrave në politikëbërje dhe në vendimmarrje, çka është një ndër kriteret për ndërtimin e një Kosove funksionale demokratike.
-AKR gjithashtu në kuadër të saj ka edhe Forumin e Pensionistëve, që ka për qëllim përmirësimin e gjendjes ekonomiko-shoqërore të kësaj klase, e cila ka kontribuar shumë në shoqërinë kosovare dhe nuk po gjen mbështetjen e merituar nga institucionet politike në Kosovë. Ky Forum ka degët në shumicën e komunave të Kosovës.
-AKR-ja ka rreth 30 degë në tërë territorin e Kosovës si vijon: Albanikë (Zveçan), Zubin Potok, Mitrovicë, Vushtrri, Podujevë, Obiliq, Fushë Kosovë, Prishtinë, Gollak, Lipjan, Ferizaj, Shtime, Kaçanik, Hani i Elezit, Kamenicë, Dragash, Prizren, Rahovec, Malishevë, Gjakovë, Deçan, Istog, Pejë, Klinë, Junik, Drenas, Skenderaj, Viti. Ndërsa, në diasporë në kuadër të AKR-së vepron “AKR Internacional” me qendër në Cyrih, që ka për qëllim përkrahjen e Diasporës në të gjitha dimensionet e saja.
Aleanca Kosova e Re

[Peja-Boy]

Programi i Aleancës Kosova e Re (AKR)







Prishtinë, 2007



Përmbajtja



Parafjala

Kosova - shtet liberal-demokratik i qytetarit

Fundamentet liberal-demokratike të AKR-së Parimet bazë të politikës sonë

- Vizioni

- Qytetari në optikën e AKR-së

- Institucionet funksionale dhe demokratike në optikën e AKR-së

- Kushtetuta e Kosovës

- Krijimi i një gjyqësori të pavarur

- Dialogu i brendshëm dhe kontrata shoqërore

- Të drejtat e njeriut

Kosova dhe UE-ja

Ekonomia

- Burimet njerëzore

- AKR për ekonomi stabile të menaxhuar mirë

- AKR për Industrinë dhe Tregtinë

- Buxheti dhe Taksat

- Marrëdhëniet ekonomike me jashtë

Bujqësia

Energjetika

Ambienti

Siguria

Politika e jashtme

Arsimi

Teknologjia informative dhe komunikimi

Kultura dhe sporti

Rinia

Religjioni

Mediat dhe Shoqëria Civile

Shëndetësia

Politika sociale dhe familja

Agjenda jonë e reformave

[Peja-Boy]

Ne, Aleanca Kosova e Re, kryemotiv të veprimtarisë sonë kemi Shtetin e Pavarur dhe Sovran të Kosovës, të përparuar, të zhvilluar ekonomikisht dhe të integruar në strukturat euro-atlantike.
Nisur nga ideja dhe domosdoshmëria për të ndërtuar një shtet funksional, në shërbim të plotë të qytetarit, një shoqëri me dinjitet, si dhe nga vullneti për të rinuar energjitë krijuese të popullit tonë, ne, një grup qytetarësh me bindje liberal-demokrate, jemi bashkuar në misionin për të krijuar Aleancën Kosova e Re.
Duke qenë të vetëdijshëm se në politikën kosovare ka ngecje të dhembshme dhe ngulfatje energjish, që kanë gjeneruar, mes tjerash, në një krizë të rëndë sociale, ne bazuar në dijen dhe aftësitë krijuese të popullit të Kosovës, synojmë të çojmë përpara aspiratat e qytetarëve të saj në realizimin e Shtetësisë, zhvillimit ekomomik dhe mirëqenies.
Spektri i partive politike në Kosovë është i stërgjerë dhe këtij vendi më së paku do t`i duhej një numër kaq i madh partish. Megjithatë, edhe shtatë vjet pas luftës, Kosova vazhdon të jetë e keq-menaxhuar dhe e keq-qeverisur, ndonëse resurset e saja natyrore dhe njerëzore nuk i mungojnë.
Papunësia dhe varfëria e skajshme e popullit është edhe një argument më shumë, që të tregohet se Kosovës i duhet më shumë se kurrë një parti e re, e cila ka strategji për të luftuar skamjen dhe prapambeturin që kanë përfshirë vendin.
Themel të së vërtetës sonë kemi kapitalin intelektual, patriotik dhe afarist, që do të gjenerojë zhvillim dhe mirëqenie për të gjithë qytetarët e Kosovës.
Synim yni i veçantë është krijimi i infrastrukturës ligjore dhe materiale që mundëson integrim rajonal e më gjerë.
Qëllim yni është edhe kthimi në Atdhe i afaristëve tanë, që veprimtaritë e veta i zhvillojnë jashtë vendit, tërheqja e investimeve të huaja si dhe krijimi i kushteve për kthimin sa më të shpejtë të potencialit tonë shkencor e dituror.Këto janë themelet kryesore mbi të cilat do të ndërtojmë një të ardhme më të mirë dhe mirëqenie për të gjithë.
Të gjitha do t`i bëjmë realitet.
Populli i Kosovës, që ka flijuar aq shumë për Lirinë dhe përparimin e vet, meriton t`i shërbejmë ditë e natë.
Ky është një mision yni, më i shenjti që ka për qëllim Partia jonë.

[Peja-Boy]

Kosova - shtet liberal-demokratik i qytetarit
Shteti liberal-demokratik është shtet i pjesëmarrjes, sepse ai pa pjesëmarrjen e qytetarit në jetën politike nuk është shtet i tillë. Demokracia jeton nga pjesëmarrja e qytetarit në shoqëri dhe në shtet. Ajo që e rrezikon demokracinë në një vend është mospjesëmarrja e qytetarit në procesin politik.
Për liberal-demokratët relacioni në mes qytetarit dhe shtetit është çështje thelbësore. Liberal-demokratët synojnë arritjen dhe mbrojtjen e lirisë personale të individit, shanseve dhe iniciativave të tij në krahasim me shtetin. Gjithashtu, liberal-demokratët synojnë që pengesat burokratike dhe kontrollet shtetërore të zvogëlohen në minimum; kjo mund të arrihet përmes reformës së pushtetit lokal, decentralizimit, privatizimit, derregullimit, etj.
Shteti obligohet të mbrojë edhe interesat e qytetarëve që nuk janë të organizuar. Individi duhet të mbrohet ngjashëm si nga tejkoncentrim i fuqisë në shtet, ashtu edhe nga tejfuqizimi i grupeve të interesit.
Aleanca Kosova e Re është urë lidhëse në mes qytetarit dhe shtetit, por ajo është gjithsesi në shërbim, e jo zotëruese e qytetarit. Prioritet i AKR-së është që shteti në filozofinë e tij ndërtuese të ketë pikësynim kryesor mirëqenien dhe dinjitetin e qytetarit.

[Peja-Boy]

Fundamentet liberal-demokratike të AKR-së
Roli i politikës për AKR–në është që t`i normëzojë, t’i avancojë dhe t`i mbrojë rregullat që e karakterizojnë shoqërinë e hapur, me të ardhme të lirë. Për AKR-në liria është përgjegjësi. Liberalizmi mbron lirinë e skajshme të mundshme të individit. Kjo liri i ka kufijtë aty ku fillon liria e tjetrit. Liria individuale është gjithashtu gatishmëria për të marr mbi vete përgjegjësitë. Sa më e madhe liria, aq më e madhe përgjegjësia. Përgjegjësia është fundamenti etik i shoqërisë së lirë qytetare. Shoqëria liberale insiston marrjen e përgjegjësisë nga ana e individit. Liberalizmi synon arritjen dhe mbrojtjen e lirisë përmes përgjegjësisë në ndërvarësi reciproke.
Në shoqëri Liria është toleranca, ndërsa në ekonomi është konkurrenca. Këto dy lloje lirish janë të pandashme dhe mbajnë e zhvillojnë njëra tjetrën. Një shoqëri tolerante dhe plurale duhet të jetë shoqëri e tregut. Ndërkaq një shoqëri me ekonomi të tregut të lirë kërkon shoqëri të lirë, të shumëllojshme dhe tolerante; konkurrencë me rregulla dhe shanse të njëjta. Jotoleranca është në kundërshtim me njeriun dhe vlerën e shumëllojshmërisë.
Nuk ka ardhmëri pa gatishmëri për ndërrim. Ndërrimi nënkupton edhe rrezikun. Ai që dëshiron t`i mbyllë të gjitha rreziqet - i mbyllë edhe të gjitha mundësitë. Ky është rreziku më i madh. Liberal-demokratët shohin përparimin përmes lirisë për të vepruar.Liberal-demokratët synojnë lirinë e të gjitha gjeneratave; ata i bëjnë thirrje qytetarit që fatin e vet ta ndërtojë vetë. Çdo gjeneratë është e obliguar që të sigurojë, e jo të rrezikojë shanset e lirisë së pasardhësve. Të gjitha vendimet politike duhet t’i kenë parasysh liritë e gjeneratave të ardhshme.

[Kaqanikasja]

:frown: :redface: :redface: :redface: :mad:

[Peja-Boy]

Parimet bazë të politikës sonë
Vizioni
Vizioni ynë është një botë, në të cilën realizohen dhe mbrohen nevojat themelore që i duhen njeriut për jetë. Ne angazhohemi që jo vetëm në Kosovë, por kudo të mbijetojë paqja, liria, mirëqenia dhe stabiliteti. Ne jemi për krijimin dhe mbrojtjen e një shoqërie të së drejtës, dhe një sistemi shoqëror-politik, ku respektimi i të drejtave të njeriut është bazament i tij. Vizioni ynë është realizimi i drejtësisë në të gjitha dimensionet e saj. Ne ndërtojmë demokracinë dhe mbrojmë atë nga çdokush që e rrezikon. Besojmë se sistemi i demokracisë është i vetmi sistem ku qytetari mund të realizojë veten e tij, duke hapur për vete mundësi dhe rrugë për përparim.
Ne e shohim Kosovën shtet të pavarur, liberal demokratik, me ekonomi të tregut të lirë. Shtet në shërbim të qytetarit të tij. Eksperienca e deritashme dëshmon se mekanizmat aktualë të pushtetit nuk ishin dhe nuk janë sa duhet në shërbim të qytetarit. Pikërisht kjo ishte shtytja themelore e domosdoshmërisë për krijimin e AKR-së. Shi për këtë, AKR-ja ka për qëllim krijimin e një sistemi politiko-shoqëror dhe ekonomik, i cili prioritet ka shërbimin ndaj qytetarit. Një shtet të qytetarit, dhe për qytetarin.
AKR-ja synon një shoqëri të ngritur mbi parimet e barazisë gjinore, të emancipimit, pa privilegje dhe pa përjashtime.
Qytetari në optikën e AKR-së
Në epiqendër të politikës sonë është qytetari, të drejtat, nevojat dhe liria e tij. Paprekshmëria, respektivisht pacenueshmëria e lirisë, iniciativës dhe nevojave të qytetarit është pikënisja e AKR-së. Qytetari është esenca jonë.
Njeriu si qenie racionale është i gatshëm të bëjë një jetë të lirë, duke marrë përsipër përgjegjësinë që ia ofron liria. Çdo njeri është i veçantë dhe ndryshe; meriton trajtim të barabartë. Dinjiteti i qytetarit – pikësynim i AKR-së mund të arrihet dhe të ruhet vetëm në një shtet vërtetë demokratik.
Objektivat politike të AKR-së

Përkufizimi i aktivitetit politik të AKR-së në :
· Edukimin politik me veprimin praktik të qytetarit tonë në krijimin e një shoqërie progresive, ku vepron demokracia dhe praktikohet mirëqenia sociale;
· Mbrojtjen e lirive personale, kultivimin dhe edukimin në vazhdimësi për kuptimin e drejt të lirive njerëzore si nocion i kohës dhe si kusht për hyrje në proceset integruese në nivele regjionale dhe në sisteme të mëdha ekonomike e shoqërore të botës;
· Krijimin e kushteve të volitshme për aktivitet politik në respektimin e lirive të popujve si formë e ngritjes se përgjegjësisë individuale dhe kolektive për Ballkanin, ku zotëron respekti reciprok në mes popujve dhe procesi paqësor;
· Respektimin e ambientit natyror, respektimin e pasurive natyrore kombëtare, respektimin proceseve natyrore, dhe kultivimi i kulturës për shfrytëzim racional te këtyre pasurive në sigurimin e kushteve të jetesës dhe mirëqenies shoqërore;
· Krijimin e normave ligjore në përputhje me nevojat kombëtare e të respektueshme në nivel ndërkombëtar dhe në krijimin e kulturës qytetare në respektimin e normave ligjore në gjitha fushat e jetës;
· Respektimin e paqes dhe kultivimi politik i saj në vend dhe në regjion;
· AKR do të angazhohet për një shtet që në bazamentin e tij ka parimet e liberal-demokracisë.

[Peja-Boy]

Drejtësia

Barazia për liberal-demokratët parakupton drejtësinë sociale që siguron dinjitetin e njerëzve dhe të drejta të barabarta në marrëdhëniet midis tyre. Ne punojmë për atë drejtësi sociale që garanton barazi përpara ligjit, në veçanti barazi të burrit dhe të gruas. Drejtësia sociale nënkupton që ligjshmëria t'u sigurojë mundësi të barabarta të gjithëve për afirmimin e personalitetit të tyre, duke shmangur polarizimin e skajshëm dhe diskriminimin. Ne, liberal-demokratët jemi për një kontroll demokratik të shoqërisë në shpërndarjen e pushtetit, në përfitimin e të ardhurave dhe të pasurisë, të mundësive për marrjen e arsimit, të edukatës e të kulturës. Ne synojmë që të kufizohen privilegjet e paligjshme dhe t'u sigurohet minimumi i domosdoshëm edhe atyre që nuk e arrijnë atë për arsye të caktuara. Ne jemi për drejtësinë që garanton një ekuilibër social të grupeve të ndryshme për të ecur përpara përmes dialogut e tolerancës reciproke.

Demokracia me mjete demokratike
Ne liberal-demokratet nuk pranojmë rrymat politike që shkelin lirinë, jemi kundër shtresës burokratike që ushtron një pushtet të pakontrolluar, jemi kundër privilegjeve që sjellin shtypjen e të tjerëve dhe përkrahim me të gjitha forcat shprehjen e lirë të mendimit, ushtrimin e së drejtës demokratike për transparencë e kontroll si qytetarë e si punonjës.
Ne jemi kundërshtarë të vendosur të çdo diktature apo totalitarizmi. Ne jemi me parimin se demokracia vendoset dhe mbrohet vetëm me metoda demokratike.


Harmonizimi i interesave

Ne, liberal-demokratet aspirojmë dhe punojmë për një shoqëri të vërtetë pluraliste, për ekonomi te tregut ku fjalën e parë e ka politika dhe interesat shtetërore, për shtet ligjor të ngritur mbi parimet kushtetuese e për një shoqëri që lejon afirmimin e alternativës së liberal-demokracisë. Realizimin e kësaj alternative, ne liberal-demokratet, e shohim të lidhur organikisht me harmonizimin e interesave midis kapitalit dhe punës, shenjtërimit të pronës private dhe të pluralizmit pronësor.
Ne jemi për respektimin e kufijve ligjorë të interesave private, publike dhe kombëtare brenda shoqërisë së ekonomisë së tregut. Për çdo konflikt që mund të lindë midis tyre, ne jemi për zgjidhje me rrugë ligjore dhe pajtimin e interesave të palëve. Ne kërkojmë që sundimi me anë të pushtetit burokratik e ekonomik të zëvendësohet nga marrëdhëniet demokratike të mbështetura mbi solidaritetin, bashkëpunimin dhe harmonizimin e interesave.

Vota e lirë- sovraniteti i popullit

Themeli politik i kësaj shoqërie do të jetë vota e lirë dhe sovraniteti i popullit; forma e përhershme-demokracia pluraliste; qëllimi final- zhvillimi i gjithanshëm i personalitetit të individit dhe progresi i përgjithshëm.
AKR-ja ndihet tërësisht i obliguar në këtë synim. Ne synojmë një shoqëri të civilizuar, në të cilën merr fund hakmarrja politike, jotoleranca dhe paaftësia për dialog, krahinorizmi politik primitiv, arbitrariteti vetjak politik, ethet për pushtet të pakufizuar.

[Peja-Boy]

Institucionet funksionale dhe demokratike në optikën e AKR-së

Institucionet funksionale dhe demokratike janë në qendër të optikës sonë programore dhe politike. Aleanca Kosova e Re do të angazhohet për Kuvend funksional të Kosovës.Kosova nuk ka kohë të presë, ajo meriton më shumë. Aleanca Kosova e Re punon për dinamizëm të ndjeshëm në hartimin dhe procedimin e ligjeve.

Aleanca Kosova e Re do të ndryshojë qasjen në mënyrën e punës së ekzekutivit. Ne jemi të përkushtuar që qytetarëve të Kosovës t’u ofrojmë një qeverisje cilësore. Qeveria e udhëhequr nga Aleanca Kosova e Re do të jetë qeveri ekspertësh.Ne do të vendosim linja të reja të komunikimit me nivelin lokal të qeverisjes. Të gjitha ato politika publike të cilat niveli lokal ka nevojë t`i përmbushë, por që, për arsye të shumta, nuk është në gjendje t`i bëjë, qeveria qendrore duhet t’i dalë në ndihmë, duke ruajtur nivelin e vendimmarrjes dhe autonominë e komunave. AKR do të angazhohet për eliminimin e strukturave paralele, të cilat funksionojnë në kuadër të enklavave etnikisht të pastërta, duke u angazhuar për ofrimin e shërbimeve kualitative të gjithë qytetarëve të Kosovës pa dallim, si dhe të rrisë nivelin e komunikimit me pakicat, në mënyrë që ato të ndjejnë institucionet e Kosovës si të vetat.

Aleanca Kosova e Re angazhohet për krijimin e një administrate të vogël dhe të efektshme, të modifikuar në bazë të kërkesave të tregut, duke zvogëluar gradualisht administratën.

Kushtetuta e Kosovës

Kushtetuta është akti më i lartë juridiko-politik i shtetit. AKR mendon se Kosova ka nevojë për një kushtetutë funksionale, e cila do t’i rregullonte në mënyrë të prerë marrëdhëniet shoqërore si dhe do të përcaktonte detyrat dhe përgjegjësitë e institucioneve.Kosovës i nevojitet mbi të gjitha një Kushtetutë e cila mbron të drejtat dhe liritë individuale dhe parimet e liberal-demokracisë për të zgjedhë dhe për t’u zgjedhur, për të marrë pjesë aktive në jetën politike dhe shoqërore, për të pasur të drejtë shprehjen e mendimit personal si dhe të drejtën për përzgjedhjen e religjionit.

Mbi të gjitha, Kushtetuta e ardhshme e Kosovës do të përcaktojë edhe sistemin e qeverisjes në Kosovë, i cili sipas Aleancës Kosova e Re, do të garantojë një Republikë me sistem presidencial të qeverisjes.

AKR-ja konsideron se Kosova ka nevojë që fillimisht të adoptojë një sistem të pastër presidencial brenda të cilit kryetari i shtetit, i cili do të ishte njëkohësisht kreu i shtetit edhe i qeverisë, do të zgjidhej direkt nga populli, me mandat katërvjeçar, me të drejtë rizgjedhjeje.Me Kushtetutë AKR do të aplikojë parimin e ndarjes së pushteteve në: legjislativ, ekzekutiv dhe gjyqësor. Kështu do të rregulloheshin edhe instrumentet e kontrollit reciprok.Për t’i balancuar pushtetet, AKR-ja do të insistojë aplikimin e institucionit të llogaridhënies. Kjo do të përfshinte të drejtën e Kuvendit për të iniciuar procedurën e përgjegjësisë kushtetuese të kryetarit, në rast të shkeljes së kushtetutës, por jo edhe të drejtën e shkarkimit të tij në Kuvend.

[Peja-Boy]

Krijimi i një gjyqësori të pavarur
Krijimi i një gjyqësori të pavarur do të jetë një ndër detyrat primare me të cilat do të merret Aleanca Kosova e Re.
AKR-ja angazhohet për ndërtimin e shtetit të së drejtës, ku të gjithë qytetarët do jenë të barabartë para ligjit. Dhe njëherësh, askush nuk do të dalë mbi ligjin.Aleanca Kosova e Re angazhohet për gjyqësor efikas dhe të pavarur.Ne do të bëjmë përpilimin e një strategjie për reformimin e sistemit gjyqësor dhe do të angazhohemi për sigurimin e gjyqtarëve dhe prokurorëve, duke iu krijuar atyre garanci materiale dhe fizike për punën që bëjnë.
Dialogu i brendshëm dhe kontrata shoqërore
Institucionet dhe qytetarët e Kosovës duhet të fillojnë dialogun e brendshëm dhe të lidhin kontratë shoqërore rreth të gjitha parimeve mbi të cilat do të udhëhiqet Kosova drejt integrimeve euro-atlantike. Kosova domosdoshmërish ka nevojë për një kontratë shoqërore, të pranuar nga të gjithë aktorët shoqërorë, qofshin ata individë apo përfaqësues të subjekteve juridiko-politike. Me anë të saj ndërtohet konsensusi shoqëror duke krijuar kohezionin shoqëror. Vetëm në këtë mënyrë do të përcaktohen obligimet dhe të drejtat e të gjithë pjesëmarrësve në shoqëri dhe Kosovës do t’i hapet rruga drejt integrimeve euro-atlantike.
Të drejtat e njeriut
Mbrojtja dhe kultivimi i të Drejtave të Njeriut është privilegj njerëzor. Shteti dhe ekonomia janë në shërbim të njeriut dhe të të drejtave të tij, e jo anasjelltas, andaj ne do t’i standardizojmë dhe garantojmë ato në bazë të konventave më të përparuara ndërkombëtare.
Vetëm aty ku garantohen dhe praktikohen të drejtat e lirisë, njerëzit mund të jetojnë si të lirë dhe të barabartë dhe të praktikojnë demokracinë. Vetëm aty ku aplikohen të drejtat sociale themelore, mund të jenë të pranueshme të drejtat e lirisë dhe të pjesëmarrjes politike. Të gjithë njerëzit kanë të drejtë për angazhim në dobi të vendit të tyre, komunitetit të tyre, popullit që i përkasin si dhe për kultivimin e gjuhës dhe kulturës së tyre. E drejta e kombeve e bazuar në Kartën e OKB-së është parim bazë i vizionit tonë për të drejtat e njeriut.
Kosova dhe UE-ja
Evropa e vitit 1945 ka hyrë në histori si Evropë e gërmadhave që la pas politika. Evropa e vizionarëve politikë e filluar me Marrëveshjen e Romës (1957) e deri te ajo e Amsterdamit ishte Evropa e shpresave.
Pas rënies së perdes së hekurt (1989), UE-ja rifilloi me projektin shtesë - bashkimin e plotë të kontinentit dhe zgjerimin e zonës së prosperitetit dhe stabilitetit edhe në vendet fqinjë. UE-ja si bashkim jo vetëm ekonomik, pas pranimit në gjirin e saj edhe të kësaj pjese të kontinentit, do të ishte një hap më afër realizimit të qëllimit të saj.
AKR-ja konform filozofisë politike mbi të cilën është ngritur UE-ja dhe vetë frymës së liberal-demokracisë, Kosovën në një të ardhme të afërt e sheh të integruar plotësisht në Unionin Evropian, si strukturë kjo garantuese e paqes dhe stabilitetit në kontinentin tonë.
Për AKR-në bashkëpunimi i shteteve anëtare të UE-së me shtetet tjera pretenduese për anëtarësim, paraqet një përparësi me shumë emërues të përbashkët dhe vazhdon të mbetet bazamenti real për ruajtjen dhe selitjen e paqes në Evropë.
Për AKR-në shteti mbetet subjekti parësor i Sistemit ndërkombëtar dhe garantues i qeverisjes funksionale.AKR-ja mbështet fuqishëm kursin e integrimeve në fushën e sigurisë dhe atë të politikës, që pashmangshëm do ta shpinte kontinentin drejt një bashkimi politik.

[Peja-Boy]

EKONOMIA

AKR-ja për vizion ka Kosovën ekonomikisht të përparuar, ku interesi i qytetarëve (pa dallim) të mbizotërojë para së gjithash. Mirëqenia dhe dinjiteti janë mision i AKR-së, ngase ne jemi të bindur se Kosova mundet shumë më shumë dhe se së bashku do t’ia dalim.Me qëllim që të dalim nga ky “rreth vicioz” AKR-ja vlerëson se duhet ri-dizajnuar strukturën organizative të aparatit shtetëror. Meqë ky konstruktim ka prodhuar burokraci të shumtë dhe jo efikase, që ka rezultuar në jokoordinim në mes ministrive.Andaj, AKR-ja konsideron se me bashkimin e Ministrisë së Financave dhe Ekonomisë, Ministrisë për Tregti dhe Industri, Ministrisë së Bujqësisë, Pylltarisë dhe Zhvillimit Rural dhe Ministrisë për Energji dhe Miniera, dhe shndërrimin e tyre në sektorë të një departamenti - Departamenti për Ekonomi dhe Financa – aparati shtetëror do të funksionalizohej, me çka edhe llogaridhënia dhe përgjegjësia do të qartësohen.

Konsiderojmë se ky fuzionim në aspektin e bashkëpunimit dhe koordinimit do të jetë më pozitiv nga fakti se departamentet bashkëpunojnë më ngushtë ndërmjet veti sesa ministritë, dhe se Kosova është e vogël për të gjitha ato ministri.
.

[Peja-Boy]

AKR për ekonomi stabile dhe të menaxhuar mirë

Me qëllim që të dilet nga kjo ngecje ekonomike, AKR-ja angazhohet për përshpejtimin e reformave ekonomike, të cilat mbështeten në: formimin e sistemit dhe politikës aplikative ekonomike të bazuar në ekonominë e tregut dhe pluralizmin e pronës dhe zhvillimin e pluralizmit të pronës, duke forcuar pronën private si gjë të shenjtë, në të cilën mbështetet perspektiva e zhvillimit ekonomik; standardizimi i infrastrukturës ligjore dhe materiale; hartimin e strategjisë zhvillimore, si dokument më i rëndësishëm në të cilin duhet mbështetur perspektiva ekonomike e Kosovës.

Andaj, AKR-ja do të kujdeset që investitorët e rinj dhe kreativë të kenë mbështetje institucionale dhe bankare për realizimin e ideve të tyre kreative.

AKR-ja do të themelojë “Agjencinë Zhvillimore për Gjeneratat e Ardhshme”, për zhvillimin intensiv dhe të vazhdueshëm të ekonomisë. Fondi do të mbështet nga shteti dhe fondacionet e ndryshme.

Toka, pronë shoqërore / publike, të jepet me koncesion për ndërtimtari dhe bujqësi. Po ashtu, qëllim të rritjes së efikasitetit, shërbimet komunale do të jepen në koncesion.

AKR-ja do të angazhohet që të krijojë infrastrukturën ligjore dhe krijimin e rrethanave për formimin e Holdingjeve rajonale, me qëllim të bashkimit të aseteve dhe “know how”, për të fituar përparësinë konkurruese në tregun global.AKR-ja do të krijojë Agjencinë e Participimeve, për mbikëqyrjen e ndërmarrjeve strategjike dhe kapitale. Përgjegjësia e saj do të jetë kontrolli i ndërmarrjeve më vitale të ekonomisë kosovare në mënyrë që ato të punojnë në mënyrë fizibile të bazuar në planin afarist.Jemi dëshmitar të injorimit të Kosovës nga investitorët e huaj. Andaj, AKR-ja do të intensifikojë punën në lidhje me joshjen e investitorëve të huaj, si në aspektin e reformimit të institucioneve ekzistuese që merren me promovimin e ekonomisë kosovare, po ashtu edhe aktivizimin e kuadrove më të specializuara që posedon Kosova për udhëheqjen e tyre. Sikurse që do te rriten investimet në marrëdhënie me publikun dhe promovimin e Kosovës në tregun global, si domosdoshmëri operuese. Ndërkaq, në aspektin e politikës fiskale do të krijohen mundësitë për “pushime tatimore” në industritë e caktuara që janë për interesin e ekonomisë kosovare dhe lehtësirave tjera legjislative – operative.

AKR-ja beson se përgjegjësia duhet qartësuar, gjithmonë duke e pasur parasysh interesin e Kosovës. Prandaj, ndonëse privatizimi është në fazën përfundimtare, megjithatë AKR-ja gjithmonë do t’i qaset privatizimit në atë frymë, e jo që privatizimi të bëhet sa për hir të procesit. Pra, përveç formave ekzistuese do të merren parasysh edhe mundësit tjera, si p.sh. MBO, MBI, ESOP, Licitacion etj. ashtu që të maksimalizohet interesi ekonomiko-shoqëror i Kosovës, dhe të sanohen pasojat e privatizimit të gabuar.

AKR-ja konsideron se PTK-ja, Aeroporti, KEK-u duhet të privatizohen sipas eksperiencave të suksesshme të korporatave të ngjashme evropiane (globale). Po ashtu, do të angazhohemi që të krijohen kompani të reja ajrore, me bazë kapitalin publik (shoqëri aksionare).

Jemi për konkurrencë të lirë dhe të ndershme, e jo për ekonomi të hirtë me evazion fiskal. Buxhetin shtetëror, nga fakti se ato janë paratë e qytetarëve të mbledhura nga tatimi, do ta shpenzojmë në mënyrë të drejtë dhe transparente, gjithmonë të bazuar në disiplinë, përgjegjësi dhe llogaridhënie financiare. Do ta mbështesim biznesin në të gjitha format e duhura, ngase besojmë se nuk do të kemi mirëqenie të dëshiruar pa biznes të zhvilluar. AKR-ja gjithmonë do ta mbrojë mirëqenien e të gjithë qytetarëve, e jo vetëm të një shtrese të caktuar politike-klanore.

AKR-ja në planin strategjik zhvillimor përparësi do t’u jep viseve të pa zhvilluara ashtu që diferenca rajonale të zbutet, si parakusht për ndaljen e migrimit drejt qendrave urbane dhe rajonale. Prioritet do të jepen në relacion me ndërtimin dhe përmirësimin e infrastrukturës rurale, si të transportit d.m.th. të lidhjes së prodhuesve me tregjet - si parakusht për zhvillimin e ekonomisë; përmirësimin e shërbimeve telekomunikuese duke përfshirë edhe lidhjet e internetit; rritjen e investimeve në përmirësimin e kualitetit të tokave punuese dhe kanaleve të ujit; si dhe përmirësimin e sistemit shkollor dhe shëndetësor.

AKR-ja beson që ekonomia duhet të zhvillohet e lirë, ku “motori shtyrës” duhet të jenë ndërmarrësit. Rolin e shtetit, AKR-ja e sheh vetëm në rregullimin dhe monitorimin e ekonomisë, dhe jo në ndërhyrjen e shtetit, pos në rastet e caktuara për interesa të veçanta ekonomiko-shoqërore. Prandaj, AKR-ja është e vetëdijshme me përgjegjësinë e saj që ka në lidhje me inkurajimin dhe kultivimin e talentit dhe fuqive kreative të individëve si parakusht për zhvillimin e afarizmit dhe ekonomisë.

Duke u nisur nga fakti se shumica absolute e ndërmarrjeve kosovare janë të vogla ose të mesme, AKR-ja me anë të politikave konkrete do t’i përkrahë dhe fuqizojë ato. Jemi të vetëdijshëm me faktin se NVM janë forca kryesore në mobilizimin dhe ri-investimin e kursimeve të qytetarëve, andaj NVM-të do t’i inkurajojmë që t’i intensifikojnë investimet dhe rrisin kapacitet, sidomos ato të orientuara kah prodhimi, dhe do t’i mbështesim projektet me perspektiv.

Jemi të bindur se të gjitha këto do t’i realizojmë ngase ne sinqerisht besojmë që Kosova i ka vlerat e veçanta dhe resurset e nevojshme. E gjithë ajo që nevojitet është një riorganizim struktural i shoqërisë e cila do të bënte që Kosova jo vetëm t’i realizojë interesat e veta, por edhe të jap kontributin e vet për rajon dhe më gjerë

[Peja-Boy]

Resurset njerëzore

AKR-ja do ta fus në veprim “trurin” kosovar si faktor subjektiv kryesor i të gjitha proceseve ekonomike. Andaj, AKR-ja beson se pasuria më e madhe e Kosovës është popullata e saj e re - ndërmarrëse dhe me besim në vetvete.

AKR-ja thellësisht beson se energjia dhe kreativiteti i kësaj popullate mund të shfrytëzohet si bazë për të krijuar një ekonomi të re dhe të suksesshme. Ngase, në aspektin e kuadrove, Kosova ka një shkallë të lartë të popullsisë së re të trajnuar mirë dhe me shpirt ndërmarrësi, fuqi punëtore që është mësuar të mbijetojë në vështirësi të jashtëzakonshme dhe pa përkrahje institucionale. Sikurse që ka edhe ekspertë të profileve të ndryshme të edukuar në universitet e njohura botërore dhe me eksperiencë praktike të fituar në vendet e zhvilluara perëndimore.

AKR-ja do të investojë në përgatitjen dhe rikualifikimin e kuadrove për nevojat e ekonomisë.

AKR-ja do të nxisë konkurrencën e ideve dhe të vlerave dhe do t’i luftojë dukuritë mediokre, servile dhe antivlerat në përgjithësi.

AKR-ja do të mbjellë sistemin “meritokratik - në bazë të aftësive”, për çka nevojitet një riorganizim struktural, ku hapësirë do t’u jepet ekspertëve dhe njerëzve të aftë të cilët do të vlerësohen në bazë të suksesit. AKR-ja edhe ashtu si moto të saj ka “profesionalizmin”.

Me qëllim të uljes së papunësisë, AKR-ja pos tjerash, do të shikojë edhe mënyrat e mundshme, që në mënyrë të rregullt dhe të organizuar qytetarëve të saj t’u mundësoj punësim stinor apo të përkohshëm në shtetet e jashtme.

AKR-ja sistemit të tashëm pensional do t’ia bashkëngjisë edhe mundësitë tjera për sigurimin e pleqërisë dhe fatkeqësive tjera, duke mundësuar që të krijohen edhe fondet tjera pensionale dhe siguruese.

Duke e marrë parasysh se çështja e banimit është çështje vitale për popullatën, AKR-ja do të angazhohet në krijimin e Fondit për Investime Banesore, me të cilën do të bëhet e mundshme që çmimi i banesave të ulet dhe ta intensifikojë industrinë ndërtimore në vitet e para, që kjo pa dyshim do të bëjë që edhe ekonomia të përjetojë rritje dhe të ulet niveli i papunësisë.

[Peja-Boy]

AKR për industrinë dhe tregtinë

AKR-ja do të synojë të implementojë tatim të ultë, ekonomi stabile dhe rregullime inteligjente me qëllim që Kosovën ta bëjë ambientin më të mirë për afarizëm në rajon.

Pozita gjeografike e Kosovës është edhe një mundësi që deri më tani nuk është shfrytëzuar, ashtu siç nuk janë shfrytëzuar edhe faktorët tjerë. Mundësia për të pasur qasje në tregun e rajonit dhe me gjerë. Në mes të Ballkanit dhe në brendi të Evropës: distanca Prishtinë – Tiranë është e ngjashme me atë Prishtinë – Sofje; Prishtinë – Athinë; Prishtinë – Beograd dhe qendrat tjera Ballkanike. Me fjalë tjera nga Kosova mund të ketë qasje në një treg prej rreth 50 milion konsumatorëve potencial.

AKR-ja me anë të ligjeve dhe rregullave moderne do të insistojë që tregtinë si sektorë ta rregullojë dhe bëjë më korrekte, duke i pasur parasysh interesat e ndërmarrësve dhe konsumatorëve kosovarë, konform rregullave të Agjendës për Zhvillim të Dohës dhe politikave të OBT.

AKR-ja do të angazhohet për krijimin e institucionit për mbështetjen e bizneseve vendore, duke angazhuar ekspertët vendorë me përvojë ndërkombëtare dhe ekspert ndërkombëtar, për t`u ofruar bizneseve konsultime dhe ndihma tjera profesionale.

Kosova ka burime të konsiderueshme natyrore p.sh. linjit, ku sipas Bankës Botërore vlerësohet se Kosova ka diku rreth 11.5 miliarda ton. Pastaj rezerva të mëdha të plumbit dhe zinkut, bakrit, nikelit, boksitit thëngjillit, argjendit, arit etj. AKR-ja synon që me një strategji të qëlluar ta shfrytëzojë këtë potencial shumë të madh për zhvillimin ekonomik.

Këto rezerva AKR-ja konsideron se janë një bazament i fortë për ringjalljen e industrisë së rëndë. AKR-ja është e vetëdijshme se për këtë sektor nevojiten investime të mëdha, andaj, AKR-ja do të angazhohet në tërheqjen e investimeve direke të huaja, por asnjëherë duke mos nënçmuar edhe potencial investues vendor.

AKR-ja pasuritë nëntokësore i trajton si pasuri të Kosovës

AKR-ja duke u nisur nga mundësitë ekzistuese, është e bindur se ekonominë e Kosovës dhe qytetarët e saj do t’i furnizojë rregullisht me energji elektrike. Ne besojmë se do ta bëjmë ngase pos tjerash do të kemi edhe planin strategjik real të bazuar në faktet reale, në të cilën do të shikohen edhe mundësitë reale për prodhimin e energjisë elektrike në mënyra alternative si hidrocentrale apo duke shfrytëzuar erën.

Industrinë e lehtë të Kosovës AKR-ja do ta riaktivizojë. Konsiderojmë se mundësitë janë mbase reale për zhvillimin e kësaj industrie, ngase në njërën anë ekziston “know-how” për shumicën e fushave si industria e tekstilit, përpunimi i lëkurave dhe prodhimi i këpucëve, prodhimet ushqimore, prodhimet për fëmijë, paketim, artizanat etj. Në të kaluarën nuk kishte qytet që nuk kishte ndonjë fabrikë – manifakturë apo punëtori të këtyre llojeve. Pastaj, natyra e kësaj industrie karakterizohet me investime jo të mëdha d.m.th. në ndërmarrje të vogla dhe të mesme dhe e bazuar kryesisht në fuqinë punëtore, e siç u tha: fuqia punëtore i plotëson të gjitha kushtet – është e re, kreative, e kualifikuar, e lirë - atëherë kjo industri del se është një shans i veçantë e cila kërkon përkushtim.

AKR-ja synon që zhvillimin e gjithmbarshëm te bujqësisë ta realizojë në lidhshmëri të ngushtë të shkencës me teknologjinë, ku prodhimtaria bujqësore, do të jetë prodhimtari e planifikuar, e kontrolluar si dhe subvencionuar ne bazë të eksperiencës dhe të arriturave të vendeve të zhvilluara, në lidhshmëri të ngushtë të prodhimeve bujqësore primare me ato të manifakturave. Do të hartojë projekt ligje agrikulturë/ushqimore duke u bazuar në standardet perëndimore dhe në lidhshmëri të ngushtë me tregun evropian dhe botëror. Gjithmonë e kujdesshme në zhvillimin e gjithmbarshëm të regjioneve rurale.

AKR-ja gjithmonë do të jetë e kujdesshme që të bashkëpunojë dhe të investojë në shkencë, si garanci që Kosova të ecë me trendet.

[Peja-Boy]

Industria financiare

AKR-ja do të insistojë që furnizimi i ekonomisë me para të jetë stabil sipas kërkesave të ekonomisë.

Andaj, për të realizuar këtë qëllim, ne, Autoritetin Qendror të Bankave (AQBK) do të shndërrojmë në Bankë Qendrore të mirëfilltë.

Për të gjitha rezervat financiare të cilat janë të akumuluara, apo do të akumulohen nga shitjet e aseteve të ndryshme shoqërore, apo kursimet dhe kontributet e qytetarëve të Kosovës të formave të ndryshme, do të shikohen format më të përshtatshme konform kornizave ligjore të krijuara nga ekspertët, që ato të rikthehen në rrjedhjen qarkulluese të të ardhurave kombëtare.

Organizimin e tregut financiar dhe kapital sipas mundësive dhe kërkesave të ekonomisë kosovare konform ligjeve dhe standardeve moderne globale.

Misioni i AKR-së është që bizneset, e sidomos ato të orientuara kah prodhimtaria në sektorët e rëndësisë së veçantë, t’i mbështesim me kreditë afatgjata me kamatë të ultë.

Buxheti dhe Taksat

Disiplinën, përgjegjësinë dhe llogaridhënien financiare do ta fuqizojmë edhe më ashpër në raport me planifikimin dhe shpenzimin e buxhetit.

Përfshirjen më të madhe të grupeve të ndryshme të ekspertëve dhe OJQ-ve profesionale në monitorimin e ekonomisë në përgjithësi (kalkulimin e indekseve të rëndësishme ekonomike), dhe rregullave e normave fiskale në veçanti, me qëllim që të mos lejohet të manipulohet me gjendjen reale ekzistuese ekonomike nga qeveria apo ndonjë grup tjetër i interesit.

Me qëllim te rritjes së buxhetit të sektorëve të ndryshme të rëndësishme, AKR-ja mendon se mënyra e mirë është aplikimi i niveleve të ndryshme të tatimit në produktet e caktuara si alkooli, duhani, etj.

Ne jemi dëshmitarë të një politike të çoroditur tatimore. Siç dihet, në mungesë të vizionit dhe disiplinës, qeveritë e deritashme më shumë kanë qenë të orientuara që arkën buxhetore ta mbushin pa marrë parasysh mënyrën. Prandaj, sot kemi ngarkesa tatimore me vend e pa vend, si p.sh. në pajisjet dhe lëndën e parë apo TVSH-në në libra dhe gazeta.

Me qëllim që ta zgjidhim këtë problem ne do ta riorganizojmë politikën fiskale për interes afatgjatë të ekonomisë kosovare, në fokus zhvillimin e fushave prodhuese të ekonomisë dhe fushave tjera të interesit të veçantë, si dhe joshjen e investimeve te huaja direke.

Deri ne momentin e privatizimit, do të forcojmë parimin e llogaridhënies, disiplinës dhe përgjegjësisë në korporatat publike si PTK, KEK, Aeroport etj, me qëllim të riorganizimit struktural në drejtim të fitimit të sinergjisë dhe efikasitetit financiar.

Duke u nisur nga fakti se buxheti i Kosovës është i kufizuar, ne jemi të vetëdijshëm se duhet marrë vendime të prera dhe të vështira. Resurset e keqmenaxhuara do t’i rialokojmë në ato fusha të cilat janë me prioritet, si arsimi dhe shëndetësia. Ne do të insistojmë që ndërmarrjeve publike të keqmenaxhuara t’u ndërpritet financimi i mëtejmë dhe insistimi nga ato që të kontribuojnë në buxhet. Pastaj në ministritë e ndryshme shpenzimet e ndryshme të pa arsyeshme dhe punësim efikas në departamente të ndryshme shtetërore. Jemi të vetëdijshëm se kjo nuk është lehtë, por megjithatë janë hapa të cilët duhen të ndërmerren patjetër.

AKR –ja do ta rregullojë edhe më tutje decentralizimin financiar, në kuptim të kompetencave dhe përgjegjësive të komunave në tatimin lokal.

[Peja-Boy]

Marrëdhëniet ekonomike me jashtë

Marrëdhëniet ekonomike me botën e jashtme AKR-ja do t’i realizojë në kuadër të politikave liberale, gjithmonë duke pasur parasysh interesin kosovar. AKR-ja do t’i inkurajojë ndërmarrësit dhe ndërmarrjet kosovare që t’i intensifikojnë marrëdhëniet e tyre me partnerët e jashtëm, me qëllim të maksimalizimit te interesave te ekonomisë kosovare.



Asnjë limit në kapitalin e huaj nuk do të imponohet. Kapitali i huaj do të trajtohet pa diskriminim si ai vendor.




Krijimin e një agjencioni apo institucion të ngjashëm (p.sh. fond) për pagesa përmes se cilit do të kishte mundësi të kontribuonte qeveria dhe donatoret në drejtim që Kosova do të krijonte eksperiencë që më vonë të thithe fonde strukturale nga institucionet ndërkombëtare si p.sh. AER-i.

Përmes fondit do të përkrahen fermerët drejtpërdrejte nëpërmjet grandeve plotësuese. Në ketë drejtim, duhet cekur se, qeveria deri më tani duke hezituar ka kontribuar në humbjen e mundësisë së alokimit të disa mjeteve të cilat me parë ishin të alokuara për Kosovë, dhe pikërisht për sektorin e bujqësisë (mjetet e ABU-se)..

AKR do të krijojë një politike më të favorshme për rritjen e huadhënies së bankave për sektorin e bujqësisë.

Politikat e favorshme te AKR duhet te sigurojnë nxitjen e këtij sektori duke pasur parasysh kufizimet e forta buxhetore drejt:

Ristrukturimit te sektorit bujqësor nga sektori tradicional drejtë sektorit komercial.

AKR do të angazhohet që te gjeje mekanizma për te inkurajuar “koperativizimin” e bujqve me qëllim të arritjes së “shkallës ekonomike”. Kjo do të mundësonte edhe investime më të mëdha në modernizimin e teknologjisë dhe rritjes së rendimenteve.

AKR do të insistojë në aplikimin e farave të reja dhe metodave të kultivimit të pemëve dhe perimeve që në shumë vende të zhvilluara kanë treguar sukses shumë të madh duke tejkaluar disa herë standardet e prodhimit tradicionalë.



Duhet ti kushtohet vëmendje të veçantë edhe zhvillimit të bujqësisë organike, konform standardeve evropiane.

Mbrojtjen mjedisore dhe diversitetin biologjik si dhe menaxhimin ekologjik dhe mjedisor.

Diversifikimi i aktiviteteve ekonomike në zonat rurale (duke përfshirë peshkatarinë dhe pylltarinë), duke dhënë mundësi shtesë për prodhuesit bujqësorë.

Politikat nën-sektoriale të definuar qartë, me përparësi ndaj nën-sektorëve me aftësi konkurruese për zëvendësimin e importit të disa produkteve si dhe eksportin eventual te produkteve te caktuara të nën-sektorëve te:

oQumështit

oMishit

oPemëve dhe Perimeve

oDrithërave

oBimëve foragjere

[Peja-Boy]

Voto



http://akr-ks.com/www.akr-ks.com%20e%20reja/statuti_files/image002.jpg

[Marco]

Voto



http://akr-ks.com/www.akr-ks.com%20e%20reja/statuti_files/image002.jpg

[pirro]

Hej ma mire u kane desht me votu per PDK-ne se njejt osht :wink:

[Peja-Boy]

Hej ma mire u kane desht me votu per PDK-ne se njejt osht :wink:

Jo bre se veq edhe qeky ka mbet Pa e provu Karrigen e Nxeht ...Po keq se spaska pas vota hiq ... Shnosh herave tjera edhe Humbja eshte Pjes e Lojes :tongue:

[teutaA]

ewww qe tybe qyky u dasht me fitue pare ka boll bile vjedh nuk kish se ka me shum se bugjeti i ks

[Peja-Boy]

ewww qe tybe qyky u dasht me fitue pare ka boll bile vjedh nuk kish se ka me shum se bugjeti i ks

Eww ty Goja te lumt se qashtu eshte valla bila ... Po qka me bo ska fitu se 50% te popullit veq kan dal ne Votime dmth aj 50% tjeter e kan Votu Dr.Rugoven per se vdekuri ... se rrugen e tij spo e ndjek askush akoma ...!!!

Ishalla po fitojm ne si popull qaq di me thon.. edhe njo 8 veta ishin kon nis per Hungari Parmbrem Vota skishin pas dhon hiq se e kish pas dijt se ska gjo prej asnjerit !!

[teutaA]

Eww ty Goja te lumt se qashtu eshte valla bila ... Po qka me bo ska fitu se 50% te popullit veq kan dal ne Votime dmth aj 50% tjeter e kan Votu Dr.Rugoven per se vdekuri ... se rrugen e tij spo e ndjek askush akoma ...!!!

Ishalla po fitojm ne si popull qaq di me thon.. edhe njo 8 veta ishin kon nis per Hungari Parmbrem Vota skishin pas dhon hiq se e kish pas dijt se ska gjo prej asnjerit !!

pse a mos ka votu kush ne baz te asaj se qfar ofrojn kto parti aa jo tybe veq per inati te njoni tjeterit se qita qe kan votu as iden se kan se qka ka me ba partija e tyne

e duhet me pas kualitet truni per me votu per kosoven e jo kur ka than ai per inati te res me vdekt djali

[Kaqanikasja]

Na vjen keq per humbjen

[Peja-Boy]

pse a mos ka votu kush ne baz te asaj se qfar ofrojn kto parti aa jo tybe veq per inati te njoni tjeterit se qita qe kan votu as iden se kan se qka ka me ba partija e tyne

e duhet me pas kualitet truni per me votu per kosoven e jo kur ka than ai per inati te res me vdekt djali
Plotesisht e Sakt eshte se Asnje Individ ne Kosove nuk voton me qellim qete rregullohet shteti ...po pa marr parasysh pasojat kur eshte inati ne mes secili e jep Voten per inat !!

Edhe Plotesisht Jam i Bindu se 80% te Popullit as qe i kan kushtu rendesi Fushates Parazgjedhore me pa njeher se kush qka po flet ... Po jan te cekur qysh prej Vitit 99 ne nje Parti edhe pa marr parasysh qellimet e asaj Partie keta ja japin voten !!

[Peja-Boy]

Na vjen keq per humbjen

Thaqi ka Hup 7 vjet me rend e su bo Kijameti edhe Humbja eshte Pjes e lojes ..Fitojm ndonjeher !! .... Mos harro se 50% te Popullates nuk kan Votu ?? me kan kan qen aj 50% ???

[Kaqanikasja]

Thaqi ka Hup 7 vjet me rend e su bo Kijameti edhe Humbja eshte Pjes e lojes ..Fitojm ndonjeher !! .... Mos harro se 50% te Popullates nuk kan Votu ?? me kan kan qen aj 50% ???

Hahhahahah me qato po thu qe kish fitu a nashta valla kur kish pa ndoj enderr qe fiton ndoj her hahahhahahah po ske faj me rendesi eshte pjesemarrja hahahahhahahah

[pirro]

Hahhahahah me qato po thu qe kish fitu a nashta valla kur kish pa ndoj enderr qe fiton ndoj her hahahhahahah po ske faj me rendesi eshte pjesemarrja hahahahhahahah

Ka arrit me marr pjese ne zgjedhje.

Edhe mos harro me ju thon se me rendesi osht pjesmarrja

[Kaqanikasja]

Ka arrit me marr pjese ne zgjedhje.

Edhe mos harro me ju thon se me rendesi osht pjesmarrja

Ju thash de me rendesi eshte pjesemarrja

[aroza]

e zuni sherri i koalicionit se ka pas me dal pak me mire.

[Peja-Boy]

Urime Dhoma Presidenciale Bexhet Pacolli ....